Sunday, 20 December 2015

ප්‍රථම ප්‍රේමය ඔබ නොවේ (4 ) - නර්තනයකින් පසු

පළමුවන කොටස 

දෙවන කොටස 

තෙවන කොටස

දෙදෙනා තරමක වේගයෙන් දෙඅත් අල්ලා ගෙන නැටූ පසු, ට්‍රැජඩි ගීතය අවසානයේ තරමක් හෙමිහිට වාදනය වන මෝ දෑන් අ වුමන් (යෙහෙළියකටත් වඩා - more than a women) යන ගීතය ගලා එන්නට විය. තාන්යා ගීතයට නටන අයුරු දැන සිටියාය. "ශනිදා රැයේ උණුසුම (Saturday night fever)" චිත්‍රපටයේ ටෝනි මැනේරෝ (ජෝන් ට්‍රවෝල්ටා) හා ස්ටෙෆානි මැන්ගනෝ (කැරෙන් ලින්) කරන නර්තනයේ ස්ටෙෆානි ටෝනි දෙස බලා ගෙන හිස පසුපසට නමන්නීය. එවිට ටෝනි ද මදක් නැමී ඈ දෙස නෙත් යොමයි. ටෝනි එහිදී ස්ටෙෆනිගේ ඉන වටා අත යවා තමන්ට ළං කර ගනී. තාන්යා ඒ ඉරියව්වෙන් මදක් සිටියාය. ගිහාන් ඇයට නැඹුරුවී ඉන වටා අත යවද්දී දෙදෙනාගේ දෑස් ගැටුණි. විදුලි පහනේ එළිය ට ඒ දෙනෙත් අහසේ නිල මිශ්‍ර කහ හා කොළ පැහැයකින් දිළිසුනේය. දිලිසුනු ඒ කාන්තිමත් නෙත් සඟලට වශීව සිටි ගිහාන්ට ඇගේ රත් පැහැ දෙතොල යන්තමට විවරවී තිබෙණු නෙත ගැටුණි. ඒ ආකර්ෂණය ඔස්සේ මුහුණ පහතට කරන ගිහාන්ට දෙදෙනා අතර දුරින් භාගයකදී ඇගේ රෝසවූ කම්මුල් සහිත රත් පැහැ ගත් වත හමුවුණි. දෙදෙනාම බලා සිටි මොහොතක් උදාවූ කලෙක මෙන් දෙතොල් එක් කරමින් වූ දැඩි සිප ගැනීම සමගම දෙදෙනාම පෙරලුනේ ඩිවානයේ පැත්තකටය.

දෙදෙනාගේ දැඩි සිප ගැනීම මොහොතකින් ප්‍රංශ චුම්බනයකට පෙරලුනේ තාන්යා ඔහුගේ මුවේ රස සොයන්නට වූ කල්හිය. ගිහාන්ට සිතුනේ ඔහුගේ හදවත පුපුරා යනු ඇති බවය. එය එතරම් වේගයෙන් ගැහුණි. ඇය ඔහුගේ කමිසය ඇතුලින් තම අත යවමින් ඔහු පිරි මදින්නට විය. ඔහුද මොහොතකින් ඇය අනුගමනය කරන්නට විය. තමන්ගේ නොදැනුවත්කම හමුවේ ඇය වඩා ප්‍රමුඛ වන බව ඔහුට වැටහිණි. ඇය ගවුම උරහිස ළඟින් මදක් පහතට ගත්තාය. ඉන් දිරිගත් ගිහාන් එය සම්පුර්නයෙන්ම පහතට දමමින් ඇය සිප ගන්නට විය. ඇය තම අත පිටුපසට යවමින් තනපට ලිහිල් කලාය. ඔහු ඉදිරියේ මැවුනේ ඇතීනා හේ රුවද වීනස් ගේ රුවද කියා ඔහු හදිසියේ කල්පනා කෙළේය.
ප්‍රථම සිප ගැනුම අවසන් වී අඩ නිරුවත්ව දෙදෙනා එකිනෙකා දෙස බල සිටියහ. තාන්යා ඔහුගේ දෙඅත් රැගෙන තම යොවුන් පියොවුරු මත තබා ගත්තාය. ඇගේ මුවේ සිට නාභිය දක්වා සිඹින ඔහු ඇස රැඳුන රතු රෝස පුෂ්පය දැඩිව සිප ගත්තේය. ඔහු හිස මදක් ඔසවා ඈ දෙස නෙත් යොමු කළේය. අඩවන් දෙනෙතින් ඇය ඔහුගේ හිස කෙස් අතරින් දිගු සුමුදු සුරත් යවමින් පිරි මදින්නට වූවාය . නග්නවූ රුපකායක් මුල් වරට සිතෙන් විඳිමින් සිටි ගිහාන් නැවත නැවතත් රෝස පුෂ්පය දැඩිව සිප ගන්නට විය.

"ඔයා අර හිමකිරමය කන විධිහ තමා වඩා හොඳ " ඇය හීන් කෙඳිරියකින් මෙන් මතුලාය. "ඇය තමන් හිමකිරමය දිවගානු ඇය නිරීක්ෂණය කලාද?" ගිහාන් ට ලැජ්ජාවක් දැනුන මුත් ක්ෂණයකින් එය පහව ගියේය. ඇය ඔහුගේ හිස් කෙස් තදින් අල්ලා ගෙන සිටින වග ඔහුට වැටහින. හදිසියේම ඇය අංශක එකසිය අසූවකට ඩිවානයේ අනිත් පැත්තට හැරී ඔහුගේ ඇඳුම පහතට ඇද්දාය. නිමේෂයින් ඔහුට සියල්ල වැටහුනේ අමුතුම උණුසුම් සුන්දරත්වයක් ගත දිගේ දිව යද්දීය.

අතිශය ප්‍රබෝධජනකවූ කාලයකින් අනතුරුව තාන්යා ඔහුගේ කමිසය පටලාගෙන නාන කාමරයට දිව ගියාය. ඇය දත් මදින හඬ ඔහුට ඇසිනි. ප්‍රීතිමත් සිතින් ගිහාන් ඇඳේ වැතිර සිටියේය.

"මම ටිකක් මෝඩයි. නැහැ අපි දෙන්නම. ඔයාට මුකුත් ප්‍රශ්න හෙම නැහැ නේද? වෙන ගෑණු ළමයි ගෙන් හැදිලා" ඇය කුමක් අසන්නේදැයි ඔහුට එකවරම වැටහුනේ නැත. "නැහැ, නැහැ. මුකුත් හැදිලා නැහැ" තමන් මේ ප්‍රථම වතාවට තරුණියක සමග කිසියම් ලිංගික ක්‍රියාවකට එක්වූ බව කීමට ඔහු මැලි විය.

තාන්යා විදුලි ලාම්පුව නිවා දමා තමන් ගෙනා ඉටිපන්දම් තුන දැල්වූවාය.
"මෙයා ආගමික හේතුවකට නෙමේ මේවා අරගත්තේ එහෙනම්". ගිහාන්ට සිතුනි.
ගිහාන් ඇයට රැගෙන දුන් මල් කළඹ ගත් ඈ ඒවා පිළිවෙලකට ඩිවානයේ මෙන්ම මේසය මතද අසුරන්නට ගත්තාය. එදෙස බලමින් නිහඬව සිටි ගිහාන්ට හදිසියේම සියල්ල වැටහිණි. ඇය ඇගේ ආදරයේ පුජාසනය සකස් කරන්නීය.

"චැටර්ලි ආර්යාවගේ පෙම්වතා " නම් ග්‍රන්ථයේ මෙවැනි දසුනක් විස්තර කර තිබුණි. නමුත් එහිදී මල් අතුරන්නේ පෙම්වතාය. සෝවියට් දේශයේ තහනම් හෙයින් තාන්යා එම පොත කියවා තිබෙන්නට විධිහක් නැත. සියල්ල සකස් කල තාන්යා සෙමින් පැමිණ තම රවුම් පියවුරු ගිහාන්ගේ නමාගෙන හිඳගෙන සිටින දණහිස් දෙකට හේත්තු කාලය. දැන් ඔහුට මදක් හුරු මුත් තවමත් ඔහු සිත උමතු කරවන ඒ දීප්තිමත් නිල් දෑස කෙලින්ම ඔහු කරා එල්ල වී තිබුණි. ඉන්පසු ඇය සෙමින් සෙමින් තම සුරතින් ඔහුගේ පුරුෂ අවයවය පිරිමදින්නට වූවාය. මුළු සිරුරුම ඔහුට නොදැනීම ප්‍රාණවත් වන මොහොතේ ගිහාන් ට හදිසියේම සිතුනේ ඇය තමන් පොළඹවා ගත් වගයි.

"ඇය තණ්හා රතී හා රඟා ගේ ප්‍රතිබිම්බයක්මය. මා ගොදුරු කර ගැනීමට පැමිණ සිටි. නමුත් මා සිදුහත් කුමරුන් නොවේ. මම කෙලෙසුන් වඩා නැත". ඔහුගේ හිස කැරකෙන්නට විය. "මම මෙහෙම කෙල්ලකට අහුවෙන්නේ නැහැ කියල හිතන් හිටියේ. දැන් නිකම්ම ගොදුරක් වුණා." ඔහුගේ ප්‍රාණවත් බව වියැකෙමින් ඔහු නොසන්සුන් වූ අයුරු තාන්යා දුටුවාය.

"පලවෙනි සැරේ ඉක්මනින් ඉවර වෙනවනේ ඕන පිරිමියෙකුට නේද. දෙවැනි සැරේ තමා පිරිමින්ට හුඟක් වෙලා ඉන්න පුළුවන්. ගැහැණිය සතුටු කරන්න පුළුවන් වඩා හොඳට. ඔයා කැමති නැත්ද" ඇය ගණන් නොගන්නා ලෙස කීවාය.
 "මේකි හැම දේම දන්නවා. මම අහුවුනා." ගිහාන්ට නැවතත් සිතුනි.
 "හරි ඒත් පාක් එකේදී කෙල්ලෙක් යාලු වුනහම මම වෙන මොනවාද බලාපොරොත්තු වෙන්න ඕනේ". හිස නැවතත් කරකැවිල්ලකය.

ශීතකරණය දෙසට නැගිට ගිය තාන්යා එහි තිබු  ස්මිතානා එකක් රැගෙන ආවාය.
"මට ඕනේ නැහැ."
 ස්මිතානා කවන්නේ මොකටදැයි ගිහාන් දනී.
 ස්මිතානා යනු යෝගට් වැනි දෙයකි. නමුත් යෝගට් වලට කලින් සැදෙන මුදවාපු කිරිවල තත්වයකි. සමහර රුස්සන් කියාදී ඇති පරිදි එය පුරුෂ ශක්තිය වඩවයි. ඒ නිසා බිරින්දන් හා පෙම්වතියන් ස්මිතානා කෑමට හෝ පලතුරු යුෂ දැමූ යෝගට් බිමක් වන කෙෆිර් බිමට දෙන බව ඔවුහු කියති.
 "එහෙනම් මොනවා හරි මධ්‍යසාරයක් තියනවද"

තමන් ළඟ එංගලන්තයේ සිට එද්දී ගෙනා "ටියා මරියා " බෝතලයක් තිබෙන බව ගිහාන් ට මතක් වුනි. ඔහු වහා එය රැගෙන විවෘත කළේය. දෙදෙනාම පුංචි විදුරු දෙකකකින් දෙකක් පානය කළහ.

තාන්යා ඔවුන්ගේ කාමරයේ තිබුණු රෙකෝඩ් යන්ත්‍රය වෙත ගියාය. ඒ දිනවල බොහොමයක් සිසුන්ට රෙකෝඩ් යන්ත්‍ර තිබුණි. මේවායේ තැටි එතරම් මිල අධික නැත. දිපිෂ් මෝඩ් (Depeche Mode), පින්ක් ෆ්ලොයිඩ්, බ්ලැක් සබාත්, නාසරෙත්, ස්කොර්පියොන් වැනි සංගීත කණ්ඩායම් මෙන්ම "ශනිදා රැයේ උණුසුම (Saturday night fever)" වැනි චිත්‍රපට හා ගීත සෝවියට් දේශයේ තහනම් ව තිබුණි. නමුත් රුසියානුවෝ මේවා විදේශ සිසුන් හා රුසියාවේ රැකියා වලට එන වියට්නාම්, චීන ජාතිකයන් ආදීන්ට මුදල් දී ගෙන්වා ගත්හ. සිසුන් අමතර මුදලක් හෙව්වේද මේවා හොර රහසේ විකිනිමෙනි. මේ නිසා ඈත පළාත්වල සිටි තාන්යා වැනි තරුණියන්ද මේ ගීත ගැන දැන සිටියහ. රෙකොර්ඩ් යන්ත්‍රයට ඇම්ප්ලිෆයර් එකක් සවි කර එය තරමක් ශබ්දය ඇති බෆල් දෙකකට යා කර හොඳ සංගීත නාදයක් නිපදවා ගන්නට හැකිය. ගිහාන් ගේ කාමරයේද එකක් තිබුණි. යන්ත්‍රය අසල සිට ගෙන තාන්යා තැටි තෝරන්නට වූවාය. ඇය සිටියේ උපන් ඇඳුමිනි.

ඇගේ සිරුර නිහඬව නරඹන ගිහාන්ට කලාකරුවන් ගැහැණු නිරුවත අගයන්නේ හා එය කලාත්මක යැයි පවසන්නේ මේ නිසා යැයි සිතුනි. කාමරයේ ඔහු දමා තිබුනේ ප්‍රධාන විදුලි ලාම්පුව නොව පාඩම් කිරීමට ගන්නා මේස ලාම්පුවයි. කාමරයේ අඩ අඳුරක් ඇතිවන්නට එය ජනේලය දෙසට යොමු කොට තිබුණි. ඇයගේ සිරුරේ දකුණු පස ඩිවානයේ දිගා වී සිටින ඔහුට පෙනෙන්නේ ඉතා සමමිතික අයුරිනි. ඇය දකුණු කකුල මදක් නවා රෙකොර්ඩ් යන්ත්‍රය තබා තිබෙන මේසයට හේත්තු කරගෙන සිටින්නීය. ඉන් කෙලින් දිගට විහිද ඇති ඇති වම් කකුලේ කොටසක් පෙනෙයි. "ඇගේ මුදු නහය, දෙතොලේ හැඩස් කැපුම හා මදක් පහළට එනවිට නිරාවරණය වූ එක් පියයුරක් හා තන පුඩුව එක ඉරකින් අදින්නට හැකි නම්. තමන් සිත්තරෙකු නම්. අහෝ මේසයට ඇති සැප." ගිහාන් මොහොතකට නැවතත් සිතුවිලි ලොවක අතරමං විය. ඇගේ පසුපස ඉතා රවුම්ව පහලට ගලා යයි. පහතට ඇදෙන කලවා යුගලය දණ දක්වාම සමමිතික ලෙස ඔහු දුටුවේය. මෙහෙම ලස්සනක්. බලන්ගොඩ සරත්මධු බොහෝ විට එක ඉරෙන් මේ සියල්ල ලස්සනට ඔහුගේ ඉරි කෑලි වලින් සිත්තම් කරනු ඇත.

 ගිහාන්ට තනියම සිනාවක් ගියේය. තාන්යා විමසිලිමත් ලෙසින් ඔහු දෙස බැලුවාය.
 "මට ද හිනා වෙන්නේ. කවුරුත් බලන් ඉන්නේ නැහැනේ. " ඔහු සිනාසෙන්නේ තමන්ගේ නිරුවතට යයි සිතූ තාන්යා පැවසුවාය.
"නැහැ. මම ඔයා ඔහොම පැත්තට ඉන්න කොට හරිම ලස්සනයි. මට ඔයාව අඳින්න පුළුවන් නම් කියල හිතුන."
"එහෙනම් අඳින්න" කියූ ඇය තැටියක් තෝරා යන්ත්‍රයේ ඉඳිකට්ට පරිස්සමින් තැටිය උඩ තැබුවාය.
ඇය තෝරාගෙන තිබුනේ රහ්මනීනොව් ගේ "ප්‍රේමාලාපය" නම් පියානෝ වාදනයයි. රුසියානුවන් කුඩා කල සිට සම්භාව්‍ය සංගීතය උගනිති. වයලිනයක්, ගිටාරයක් හෝ පියනෝවක් වාදනය කිරීමට නොහැකි නම් අවම වශයෙන් ඒවා අසා රස විඳීමට ඔවුනට හැකිය. පාසැල් වල සංගීතය විෂයට මේවා ඉගැන්වෙයි. ගිහාන් මේවා අසන්නට පුරුදු වුයේ රුසියානු ගුරුතුමිය නිසාය. ඇය ඔවුන්ව විටින් විට වයලින් හෝ පියානෝ වැයුණු සම්භාව්‍ය සංගීත සන්ධ්‍යා වලට රැගෙන ගියාය.

 දෙවන ලෝක යුද්ධ සමයේ ලෙනින්ග්‍රාදය හෙවත් සාන්ත පිතර්බුර්ගය දවස් 900 ක් පමණ ජර්මන් හමුදා විසින් වට කර ගෙන තිබුණි. මිනිසුන්ට කෑමට තිබුනේ දවසටම කළු පාන් කෑල්ලක් පමණි. බොහෝ අය කුස ගින්නේ මිය ගියහ. එනමුදු ඔවුන් නගරය පාවා දුන්නේ නැත. ශෙස්තොකොවිච් නම් කලා කරුවා තමන්ගේ 7 වැනි සිම්ෆනිය නිර්මාණය කර වාදනය කළේ නගරය මේ දරුණු වැටලීමට හසුව තිබියදීය. ඔවුන් නගර චතුරශ්‍රයේ එය වාදනය කරමින් වට කර සිටින ජර්මන් හමුදාවට තමන්ගේ අදීනත්වය නිර්භීතව ප්‍රකාශ කළහ.  


එවර ඔහු වෙත පැමිණි තාන්යා කලේ ඔහුගේ උකුල මත හිඳගෙන ඔහුව සිපගැනීමයි. ඒ අතරතුර ඔහුගේ උකුල උඩ ඔහු රස විඳි රෝස පුෂ්පයේ පහස ලබා දුන්නාය. ඔහු තව දුරටත් සිතිවිලි වල අතරමන් වන්නට නොහැකි විය. ඔහු ඇය අනිත් පැත්තට පෙරලා ගත්තේය. ඇය කැමැත්තෙන්ම ඔහුගේ සිරුර යටට පෙරලුනාය. දෙපා විහිදුවමින් ඔහුට ඉඩ දුන් මුත් ඔහු ගේ පිරිමිඇඟ ඇය සොයා ලත වුනේය.
 "ඔයාගෙත් පළමු වතාවද" ඇය කොක් හඬලා සිනා සුනාය.
තවත් බොරු කිරීමට නොහැක.
 "ඔව්. ඒත් ඔයාගෙත් එහෙමද? මම හිතුවේ ඔයා හුඟක් පුරුදු කෙනෙක් කියලා"
 "මට තවම දාහතයිනේ. මං කිව්වේ ඔයාට දන්ත වෛද්‍ය විද්‍යාලෙට යන්න ඉන්නවා කියල. යාළුවෝ කතා කරන දේවලින් දැන ගෙන හිටියේ මොකක්ද පලවෙනි දවසේ කරන්න ඕනේ කියල. පස් අවුරුදු සැලසුමක් හදාගෙන හිටිය වයස 12 ඉඳන්."
 ඇය සෝවියට් පස් අවුරුදු සැලසුම් වලට උපහාසයක් ලෙස මෙන් සිනා සෙමින් එසේ කීවාය. රුසියානුවන් බොහෝ විට කතා බහේදී එම සැලසුම් අළලා උපහාසයන් කරති. "ඔයාට 17 නම්"
ගිහාන් ලත වුනේය.
"බය වෙන්න එපා. මට වයස හරි."
සෝවියට් දේශයේ වැඩි වියට එළඹීමේ සීමාව අවුරුදු දහසය බව ගිහාන්ට සිහි වුනි. "ඔයා ළඟ අර වැහි කබා තියනවද "
 ඇය ඇසූ දෙය ඔහුට වහා වැටහුණි. ඔහු සුහදගේ ලාච්චුව ඇර සුහද ලන්ඩන් වලින් රැගෙන විත් තිබූ එකක් ගත්තේය. ගිහාන්ට හරි තැන සොයා ගන්නට උදව් කළ තාන්යා තම දෙපා ඔහුගේ පිටුපසින් උඩට රැගෙන ඔහු ගේ යටිකය වටා යවා තදින් වැළඳ ගත්තාය. ඉන්පසු ඇය කළේ තදින් ඔහුගේ උරහිස හා ගෙල අතර පෙදෙස විකීමයි. ඔහුට හාහ් ගෑ වුනද ගිහාන්ට එයත් සැපයකි.

මුහුදු රල සෙමෙන් පැමිණ ගල් තලාවක් මත වැදී විසිරී යයි.ඉන්පසු නැවතත් නැවතත් නොනැවතී පැමිණෙයි. විටින් විට මහා රැල්ලක් පැමිණේ. දැඩි සුළඟක් එන විට රැල්ල වැඩි වෙයි. විටෙන් විට වැඩි වෙන රැල්ල ඒ වේගයෙන්ම ගල් තලාවේ බිඳී විසිරි යයි. ගල් තලාව අතුරුදන්වී රැලි දෙකක් එකිනෙකට විරුද්ධ දිශාවෙන් එන්නාක් මෙන් ගිහාන්ට සිතේ. ඒවා එකට හැපෙමින් වැළඳ ගනිමින් එකතු වේ. දිගින් දිගටම රැලි එයි. රැලි තරංගයන් ගේ ආයාමය හැම තත්පරයකම වැඩිවෙයි. අවසන් තත්පරයේදී මහා රැලි දෙකක් පැමිණ එකට වැදී එකිනෙක සිප ගනිමින් එකට එකතුව සෙමින් සෙමින් යලි මුහුදු ජලය සමග එකතු වෙයි. ඉන්පසු කෙමෙන් සියල්ල නිසල වෙයි..

තමන් හා තාන්යා අතර මුල්ම සම්බන්ධය ගිහාන්ට දැනුනේ එලෙසය. එදින රැයේ ඔහු විටින් විට ඇහැරිණි. සුරංගනාවක් සේ ඇය ඔහුගේ ළය මත හිස තබා නිදන්නිය. ඇගේ නිරුවත් දෙපා ඔහුගේ යටි කය බදා වැළඳ ගෙනය. ඇය ඇහැරේවීයි බියෙන් ඔහු සෙලවුනේ වත් නැත. දහවල දොරට ගහන දැඩි හඬින් හා සුහද දොරෙන් එහා පැත්තේ දොඩන හඬින් දෙදෙනාම පිබිදුනෝය.

~~~~~ මතු සම්බන්ධයි ~~~~~~

23 comments:

  1. අයි ෆීල් හෝනී... හුටා බඩු හරි...

    ReplyDelete
  2. අජිත් අයියගේ මේ කතාව ලියවෙන්නේ වෙනස්ම ශෛළයක කතාවක් විදියටයි.බලමු ඊ ලඟ කොටසත්...

    ReplyDelete
    Replies
    1. ඊලඟ කොටස් කීපයම බලන්න

      Delete
  3. A single word review ...... Nice!

    ReplyDelete
  4. ප්‍රබුද්ධ රචනයක්.. ඊළඟ කොටස දානකම් නොඉවසිල්ලෙන්...

    ReplyDelete
    Replies
    1. එසේය එසේය ලියාගෙන යනවා හෙමින් හෙමින්

      Delete
  5. යකෝ වැලක්! හැක්

    ReplyDelete
  6. චැටර්ලි ආර්යාවගේ පෙම්වතා පොත තහනම් කළේ මොන පදනමකින්ද?

    ReplyDelete
    Replies
    1. ඒක ඉතින් ඒ දවස් වල රුසියාව පාලනය කල කොමිනිස් පක්ෂේ අපරච්චික් ල ගෙන්ම අහන්න ඕනේ .

      Delete
  7. මරු.. අවසානය කොයිබටද කියා හිතී දුකක් ඇති විය..

    ReplyDelete
  8. ඔක්කොම කොටස් ටික කියවන්න ඕන නිවාඩුපාඩු වෙලාවක....

    ReplyDelete
    Replies
    1. බොහොම හොඳයි . විවෘත මනසකින් කියෝව්වොත් වඩා හොඳයි

      Delete
  9. මරු එකට ලියල,මේක පරිවර්තනයක්ද?

    ReplyDelete
    Replies
    1. අපොයි නැහැ . මේවා ස්වයං නිර්මාණ. මට එහම එකක් ලියන්න බහ වගේ කියල ඔබ තුමාට සිතුනද?

      Delete
    2. අපොයි නැහැ, සුපිරියටම ලියල.

      Delete
  10. කලාත්මක වැලක් බැලුව වගේ... මරු මරු...

    ReplyDelete
  11. පරක්කු උනා කියවන්න...
    මේකට අත්දැකීම් කිසිවක් පාදක උනේ නැද්ද, අඩු තරමේ මිතුරන්ගේ හෝ...

    ReplyDelete
  12. I am sorry about that . But without those explanations my reasoning of writing this story would not be fulfilled .

    ReplyDelete

මෙහි ඇති ඕනෑම ලිපියක් අජිත් ධර්මකීර්ති, අජිත් ධර්ම හෝ කොළඹ ගමයා බ්ලොග් ලින්ක් එක යටතේ උපුටා පල කිරීමට පුළුවන.
මෙහි පලවන ලිපි සහ දේශපාලන අදහස් මගේ පෞද්ගලික අදහස් පමණි.
ඔබේ ඕනෑම කොමෙන්ටුවක් මෙහි පල කරනු ලැබේ. නමුත් වෙනත් කෙනෙකුට සාධාරණ හේතුවක් නැතුව පහර ගසන අශිලාචාර අන්දමේ කොමෙන්ටු පමණක් පල නොකරමි. කොමෙන්ට් දමන සියල්ලන්ටම ස්තුතියි.