Wednesday 29 April 2015

ඩලස්ලාට ගම්මන්පිලලාට තොත්ත බබා වුන පොලිසිය අන්තරේට ඇර සොයිසා වෙලා

මම මේ ඊයේ පෙරේද දැක්ක අපේ හිටපු ආණ්ඩුවේ ඇමැත්තෝ රැලක් විරෝධතාවයක් ද මොකක්ද කරනවා. පොලිසියෙන් හැබැයි ඒකට තහනම් නියෝගයකුත් දීලයි තිබුනේ. තහනම ගණන්  ගන්නෙත් නැතුව කට්ටිය විරෝධතාවයට ගිහිල්ල තිබ්බ. ඒ කියන්නේ නීතියට පිටු පාල පාර්ලිමේන්තුව අසල තමා විරෝධතාවය් ගියේ.



පොලිසියත් කීකරුව මෙතන ඉන්නවා.

 තව විරෝධතාවයක ඒ මදිවට ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජාතික කොඩියට වෙනුවට සිංහලේ කොඩිය කියල වෙන කොඩියකුත් උස්සල එතනත් නීතියක් කැඩුවලු . ඒ කියන්නේ නීති දෙකක් ම කඩලා. මේ දෙතැන. නමුත් අනේ අපේ ප්‍රජාතන්ත්‍රවාදයට ගරු කරන පොලෝසිය මුකුත්ම කලේ නැහැ. නීති කැඩුවත් ප්‍රජාතන්ත්‍රවාදය රකින්න ඕනේ නේ.
අනිත් එක ඉතින් දැන් ඊළඟට චන්දෙකුත් එනවා. ඕක මොන පැත්තට පෙරෙලෙයිද දන්නේ නැහැ. මහින්ද මහත්තයා අගමැති වෙලා එන්න ඕන තරම් ඉඩ කඩ තියෙනවා.  ගෝට මහත්තය ආයේ  ලේකම් වෙයි. මොකට බෙල්ල දෙනවද. යාපනේට නං ට්‍රාන්සර් කොලාට දැන් කමක් නැහැ. ප්‍රභකරන් ගොයියා සෙත්ත පෝච්චි නිසා දැන් අවුලක් නැහැ. එත් ඉතින් යුඑන් එකේ ටීම් එකට එහෙම වැටෙන්නේ නැති වෙයි නේ. අනික මේ අවුරුද්දේ ප්‍රොමෝෂන් සීන් එකත් එනවා.

අහ්හ්හ් මේ ඉන්නේ අන්තරේ පිස්සු ඩබල් ටික. දෙමු වතුර කඳුළු ගෑස් පාර නැවෙන්නම.  මුන්ට ගැහුවට කවුරුත් මුකුත් කියන්නෙත් නෑ. ඕනනම් ඔය ගූ පත්තර කඩමලු දෙකකුයි අර ඒ දවස් වල පැත්ත පළාතේ එන්න නොදීපු වෙබ් කාරයෝ ටිකකුයි කෑ ගහයි. අපට මොකද කවුරුත් කියවනවය ඕව. අනික ආණ්ඩුවට පේන්න මොකක් හරි කොරන්නත් එපාය, නැත්නම් අපි තවම ගිය ආණ්ඩුවටම සපෝර්ට් කියල කියයි. අපි නේ දන්නේ මොකා ආවත් පිස්තෝල අරන් පොලිසි ඇතුලට ඇවිත් කෑ ගහන කොට අපට දෙකට නැවෙන්න වෙනවා කියල. ඔව් සර්. ඉයස් සර්. නෑ  සර්. හරි සර්.

අන්තරේ ට බොහොම ස්තුතියි තවත් වාරයක් ලබා දුන්නට.

ශ්‍රී  ලංකා පොලිසියට ජය වේවා.  (අන්තරේ )

අන්තරේට ජය වේවා . (පොලිසියේ බෙල්ල බේරුවට - පොලිසිය)

අන්තරේ මේ පාරත් පෙත්සමක් අරන් ආවේ නැහැ. බලෙන් ඇතුලට රිංගන්න හැදුව - (අග්‍රාමාත්‍ය කාර්යාලය)




Monday 27 April 2015

එම්බා ගෙම්බා , පැන යනු පැන යනු පැන යනු , ඇන්නෑවේ


මට පළමු වරට තානාපති තුමෙකු හෙවත් ඇම්බසඩර් කෙනෙකු හමු වීමට යෙදුනේ 1987 සෝවියට් දේශයේදීය. ඒ මම සෝවියට් දේශයේ සමස්ත ශ්‍රී ලංකා ශිෂ්‍ය සංගමයේ ප්‍රධාන ලේකම් වූ පසු එහි කාරක සභාව තානාපතිවරයාට හඳුන්වා දීමට සහ කිසියම්  ශිෂ්‍ය ප්‍රශ්න කීපයක් සාකච්චා කිරීමටය. එතැනදී මම එවකට සෝවියට් දේශයේ තානාපති ලෙස කටයුතු කල කෘත හස්ත දක්ෂ තානාපතිවරයෙකු වූ නෙවිල් කනකරත්න මහතාට ආමන්ත්‍රණය කලේ මිස්ටර් කනකරත්න කියායි. එහිදී සම ලේකම් වරයෙකු ලෙස පත්වූ සාලිය මට වැලමිටෙන් ඇන ඇන  කීවේ "මචන් H.E කියපන්. H.E කියපන්. " කියායි. එක්සත් ජාතීන්ගේ සංවිධානයේ කලක් සේවය කල, නීති වේදියෙකු හා පසුව දේශමාන්‍ය සම්මානයද ලැබූ කනකරත්න මහතා  ඉතා නිහතමානී අයෙකු විය. මා  ඔහුට එසේ නොකීම ඔහුට ප්‍රශ්නයක් නොවුණු අතර ඉන්පසු මම ඔහුට සර් කියා ඇමතීමි.  ඔහු පදවියෙන් ඉවත්ව යන තුරුම ශිෂ්‍යයන් සමග හොඳ සම්බන්ධතාවයක් පවත්වා ගෙන ගියේය. ඉන් පසු පත්ව ආ  රොඩ්නි වැන්ඩහාර්ට් ද එසේමය. මේ දෙදෙනාම career diplomat හෙවත් වෘත්තීය තානාපති වරු, එනම් විදේශ අමාත්‍යංශයේ සේවාවෙන් ඉහළට පැමිණි අයයි. ඒ දිනවල පළමු ඇමති (first minister) ලෙස කටයුතු කල ටී  බී මඩුවේගෙදර මහතාත් සිසුන් සමග සහයෝගයෙන් සුහදව කටයුතු කළේය.
ඉන්පසු සෝවියට් දේශයේ තානාපති හා අනිකුත් නිලතල වලට පැමිණි බොහෝ අය එය ජාත්‍යන්තර හොර බඩු  වෙළඳ මධ්‍යස්ථානයක් කල අතර (අපද එයට තරමක් දුරට වග කිව යුතුය. නමුත් අප ශිෂ්‍යයන්ය. ආණ්ඩුවේ පඩි ලබන්නන් නොවේ)  සමහරු එය නීත්‍යනුකුල  නොවන මත්පැන් අලෙවි මධ්‍යස්ථානයක් බවට ද පත් කළහ.
එවකට අප සමග සමකාලීන සිසුවකුව සිටි උදයංග වීරතුංග 2006 දී සෝවියට් දේශයේ තානාපති පදවියට පත්වුණි. ඔහු පත්වීම ලැබූ  අලුතම වාගේ  ලන්ඩනයේ මිතුරන් පිරිසක් සංවිධානය කල සුහද හමුවකදී මට ඔහු මුණ ගැසුණි. එතැනදී ඔහු මිතුරන්ට කලේ දේශපාලන කතාවකි. එතැනදී ඇතිවූ සාකච්චාවකදී යුද උපකරණ මිලදී ගැනීමේ දී වන අක්‍රමිකතා ගැන ඔහු පැවසුවේ එවැනි දෑ  පසුගිය රාජ්‍ය සමයන්හි අනන්තවත් සිදුවූ  බවත් ඒවා විකුණන ආයතන කොමිස් වැනි දේවල් සඳහා දිරි දෙන බවත්ය. මෙය සම්පුර්ණ ඇත්තකි. කොමිස් දීම යුද වෙළෙන්දන් අනිවාර්යයෙන්ම කරන දෙයක් වන අතර යහපාලන තියා  සමාජවාදී ආණ්ඩුවක් ආවත් කොමිස් ලබා ගැනීමෙන් ගැලවීමට ඒ හා සම්බන්ධ වන දේශපාලකයන්ට හා තානාපතිවරුන්ට ඉතා අසීරුය. බලෙන්ම ඇඟේ  ගසන හෙයිනි.  දුවලා බේරෙන්නට වත් බැරිය.
උදයංගට තිබෙන චෝදනා ගැන ඕනෑ තරම් ලිවී ඇති  නිසා  මෙහිදී කතා කිරීමට අවශ්‍ය නැති අතර ඔහු තානාපතිවරයෙකු ලෙස රුසියාවේ සිසුන් සමග සුහදව කටයුතු කල බවත් , එහි වැඩ කටයුතු ගැන "මොස්කව් පුවත් " නම් සඟරාවක් මගින් ප්‍රචාරය කල බවත් දනිමි. දේශපාලන පත්වීමක් වුවත් රුසියාවේ සිටින ශ්‍රී ලාංකිකයන්ට ඔහු අවශ්‍ය තැනදී උදව් කල බව සැවොම කියති.

මගේ බිරිඳ වරක් ශ්‍රී ලංකාවට යෑම  සඳහා වීසා ගැන ඇසීමට ලන්ඩනයේ තානාපති කාර්යාලයට කතා කල අවස්ථාවේ එහි හරි හැටි ඉංග්‍රීසි වත් කතා කල නොහැකි කාන්තාවක් ප්‍රශ්න ඇසීම ගැන මගේ බිරිඳට අසභ්‍ය වචනයක්ද භාවිතා කරමින් බැණ වැදී තිබුණි.  තානාපති කාර්යාලයක වැඩට අඩුම ගණනේ  එක ජාත්‍යන්තර භාෂාවක් ඉගෙන ගත යුතුය කියා නීතියක් වත් ලංකාවේ විදේශ අමාත්‍යංශයේ නැතුවා විය යුතුය. එසේත් නැතිනම් මේවා තනිකරම දේශපාලන පත්වීම්ය.  මේ ඉංග්‍රීසි ප්‍රශ්නය ලන්ඩන් කාර්යාලයේ නිතර ඇතිවන තත්වයක් බව බොහෝ දෙනා  කියති.

මැද පෙරදිග ඇත්තේ ඊටත් වඩා දරුණු තත්වයකි. එහි තානාපති කාර්යාල තිබෙන්නේ තානාපති ලාට හා අනිකුත්  නිලධාරීන්ට වෙළඳම් කිරීමට හා වෙනත් දුෂිත ක්‍රියා වල දීමටය. මේ තානාපති ගෙම්බන් එක තැනකින් තව තැනකට පනිමින් උදර පෝෂණයේ යෙදෙමින් යහතින් කල් ගෙවති. තමන් පත් කර එවූ රටේ ජනතාවට සේවය කිරීම කල යුත්තේ වෙන  රටවල තානාපතිවරු විය යුතුය. දේශපාලන පත්වීම් ලබාගෙන බොහෝ අය එන්නේ තමන්ගේ ගතමනාව හදා ගෙන නිවාඩුවකුත් ගත කර , ළමයින්ටත් ඉගැන්වීම් කරගෙන යන්නටය.

මේ රැලට අළුතින්  එකතු වී ඇත්තේ නේපාලයේ තානාපතිය. ඔහුට ඇති චෝදනාව නම් පසුගියදා ඇතිවූ භූමිකම්පාවෙන් අතරමන් වී  සිටි අනිකුත් ජනයා  සමග ලංකාව බලා ඒමට සිටි දේශපාලන රැකවරණ ලත් ජන මාධ්‍ය වේදීන් තිදෙනෙකුට ඒ සඳහා අවශ්‍ය පහසුකම් නොසැපයිමයි. ඒ ගැන මෙතනින් කියවන්න.  ඔහුත් ඔහුගේ කාර්ය මණ්ඩලයත් සේවය කල  යුත්තේ ශ්‍රී ලාංකිකයන් හට බව ඔහු නොදන්නේ නම් ඒ බව දන්නා කෙනෙකු පත් කර එවීම විදේශ අමාත්‍යංශයේ යුතුකමය.

අප විසින් කලයුත්තේ මේ තානාපතින් හා අනිකුත් නිලධාරීන් තමන් පත් කල රටේ ජනතාවට සේවය කරන්නේ නැත්නම් ඒ පිලිබඳව ඉතා සක්‍රිය ලෙස විරෝධය පල කිරීම, ඔවුන් හෙළි දරව් කිරීම හා ඔවුන් වෙනුවට වැඩ කල හැකි නිලධාරීන් පත් කර එවීමට රජයන්ට බල කිරීමයි.

Tuesday 21 April 2015

අශිෂ්ටයන් අතරේ ශිෂ්ටකම් පෑමේ මාරක විහිළුව හෙවත් අපන්ණක (කාන්තාරයේ යක්ෂයන්ගේ) ජාතකය

ඔන්න ඉතින් ඒකාලේ අර  මොකද්ද නුවරක වෙළෙන්දෝ දෙන්නෙක් හිටියලු. එකාට ගැල් (හෙවත් කරත්ත)  500ක් වගේ හිටින්න. දෙන්නම සෑහෙන්න  පොහොසත්ලු. වෙළඳම්  කරන්න ඈත යනවනේ ඒ දවස් වල. දැන් වගේ ඊබේ, ඇමේසන් දාල විකුණගන්න බෑනේ. ඉතින් යන්න ලෑස්ති වෙලා ගැල් 500 යනකොට පොඩ්ඩක් සෙනග වැඩි වෙන නිසා වෙනම යන්න කතා කරගත්තලු. මුල් වෙළෙන්ද හිතුවලු "කලින් ගියොත් වාසි ගොඩයි. තමාගේ මිනිසුන්ට කෑම හොයා ගන්න ලෙහෙසියි. පාරේ වෙන කරත්ත වලින් එන ට්‍රැෆික් අඩුයි. එන්ජින් තෙල් හෙවත් තණකොළ අලුත් ඒවා. අලුත් නගරේ මාකට් එක අල්ලන්නත් ලේසියි. "වතුර නැති කාන්තාරේ " පහු කරන්න වතුර වැඩිපුර අරන් ගියාම හරි වගේ.". අනික අපායට ගියත් කලින් යන්න කියනවලුනෙ.
දෙවෙනි වෙළෙන්දා කල්පනා කෙරුවලු "යාළුවගේ ගැල් වලින් පාර  නියමෙට මට්ටම් කරල දෙයි මට යන්න. පොරගේ හරක් පරණ තණකොළ කෑවම  මගේ උන්ට නැවුම් ඒවා කෑව හැකි. පොර අර නගරේ බඩු  විකුණන ගණන් සෙට් කලාම මට ඒ ගාණටම  කේවෙල් කරන්නේ නැතුවම දුන්න හැකි. " කියල.  වෙළෙන්දා ඉතින් දෙවැනි වර යන්න තීරණය කළාලු.
පලවන වෙළෙන්දා ට පොඩි පොඩි ප්‍රශ්න ආවත් "දිය නැති කාන්තාරය" කියන හරියට ආවලු. හැබැයි ඉතින් කාන්තාර වල වතුර නැහැ තමා, නමුත් ක්ෂේම භුමි තියෙනවනේ. මේකේ ඒවත් නැහැලු. කාන්තාරේ පටන් ගන්න තැන නගරයක වැසියෝ කීවලු ඒකෙ යක්කු (demons) ඉන්නවා කියල. ඉතින් මේ ගැල්  පෙරහැර කාන්තාරේ තරමක් දුර යනකොට එනවලු කට්ටියක් අනිත් පැත්තෙන්. උන්ගේ ගැල් වල මඩ  ගෑවිලා , වතුර බේරෙනවලු. නෙලුම් මල් (නෙලුම් යායෙන් ගත් ඒවා නොවේ) , ඕළු මල් අතේ , කටේ  ගහගෙන බාගෙට ඇඳගත් අර, ඉන්දියන් සිනමාවේ ඇඟේ වතුර හලා ගෙන ෂූටින්  වලට ඉන්න නිලියෝ වගේ කාන්තාවොලු.
ඒකෙ  නායකයා පොඩ්ඩක් සියල්ල දත් පොරක් වගේලු.  ඉතින් මේ සියල්ල දත් කියනවලු වෙළෙන්දාට "මේ හලෝ ඔහෙට පිස්සුද මේ වතුර ලොරි ගණන් (සමාවෙන්න ගැල්  ගණන්)  පුරවන් යන්නේ. පව් නේ හලෝ මේ අහිංසක හරක් ටික. තනිකරම සත්ව හිංසාව නේ. අලි පැටව් හිර කරන්  ඉන්නවට වඩා දරුණුයි නේ සනා. අර තව ටිකක් දුරින් සිරා ක්ෂේම භූමියක් නේ තියෙන්නේ. වතුර ඕනෑ තරම් නාන්නද, දිය බුං ගහන්නද ඕන එකක්. නෙලුම් අල ද රට ඉඳි ද ඕන තරම්.  විසි කරනවා ඔය වතුර. නිදහස් කරනවා ඔය අහිංසක සත්තු ඔය බරින් " දුන්න නේද සිරා  ටෝකක්. අර විමලෙට එහා. ඉතින් කොහෙද වෙළෙන්දා කෑව ලණුව.  කෑව  නෙමේ ගිල්ල. මිනිහට අර නගරේ වැසියෝ දුන්න සුනාමි වෝනින් එකවත් ගණන් ගත්තේ නැහැ. වතුර ටික බිමට හලලා කෑමත් විසි කරල ගියා  සොමියේ. ගියා  තමයි. යනවා යනවා මොන වතුරද? හරකුන්ටත්  වතුර නැතුව අනාතයි. මොන ගැල්  අදිනවද. ඉතින් කට්ටිය වෙළෙන්දටත්  බැන බැන  වැටුන තැන නිදි. මෙන්න ඉතින් රෑ වෙලා යක්කු ටික කසියා බෝතල් ටිකකුත් අරන් නියම වේශයෙන්ම ඇවිල්ල ගණන් බේරුවලු ඇටකටු විතරක් ඉතුරු වෙන්නම.

ඔය අස්සේ අපේ දෙවෙනි වෙළෙන්දා යන්න ලෑස්තියලු. පොර යන්න කලින්ම දුන්නලු කතාවක්. " මේ කට්ටිය යන ගමනේ මුකුත් විස පැළෑටි කන්න  එපා විස සත්තු ඉන්නවා පරිස්සමින්. මන් අහල තියෙනවා වතුර , ක්ෂේම භුමි නැති කතරක් ගැන. යක්කු, කුම්භාණ්ඩයෝ පෙරේතයෝ ඉන්නවලු. එයි ගැල් පෙළපාලියේ ඇමතිකම් දෙන්න. ඒවා අල්ලස්. අහු වෙන්න එපා. කැසිනෝ ගහන්න කතා කරයි, අලුත් හයිවේ එකක් දාන්න කතා කරයි කාන්තාරේ හරහා. 10% දෙන්නන් කියයි. අහුවෙන්න නම් එපා පුතෝ. වතුර එහෙම කටේ තියන්න එපා මගෙන් නාහ. "
ඉතින් කට්ටිය ගියාලු. කාන්තාරේටත් ආවලු. අර වගේම ආවලු සියල්ල දත් යක් නායකයි රෑනයි වතුර හලාගෙන එහෙම. අපේ වෙළෙන්දා කීවලු කට්ටියට, මුන්ගේ ඇස් එලියට පනින්න වගේ. හොඳටම රතුයි. කසිය ගහපු ගොබිලො වගේ පෙන්නේ. වලියෙන් වගේ ටෝක දෙන්නේ. ගණන්  නොගෙන ඉමු කියල.  ඒ වුනාට කට්ටිය කුණු කුණු ගානවලු. වතුර තියේ නම් මොකටද මේව උස්ස ගෙන යන්නේ හෙම කියල. එතන හිටපු ඇම්නෙස්ටි ඉන්ටනැෂනල් එකේද කොහෙද බුවෙක් කිව්වලු , අපොයි මේ හරකුන්ගේ මානුෂික අයිතිවාසිකම් කඩ වෙනවනේ . වතුර හෙම විසි කරලා සහනයක් දෙමු කියල. බිබිසියෙන් ගමන කවර් කරන්න ආපු බුවා කියනවලු අපේ අසන්නෝ අප්සෙට් ගහයි මේ සත්ව හිංසනය, මානුෂික අයිතිවාසිකම් කඩ වෙනවට හෙම. වෙළඳ නායකයත් ආයේ අඟලක් හෙල්ලෙන්නේ නැතිව ගත්ත තීරණේ වෙනස් කරන්නේ නැතිව  කිවලු "අපි මේ  නියම වෙළෙන්දෝ. මිනිස්සු සත්තු ඔක්කොම අපි බලා  ගන්නවා. හම්බ වෙනකන් අතේ තියෙන දේ විසි කරන්නේ නැහැ." කියල ගමන ගියාලු. මෙන්න දුර යනකොට හම්බ වුනාලු යක්කු ගේම දුන්න ජනතාව, සත්තු ටික එක්කම . ඇටකටුයි කරත්ත රෝදයි විතරලු. පොරවල් රවුමට කරත්ත නවත්තල.  රාත්‍රිය පුරා  ගාඩ් එකක් දාල , උදේ එන කම් හොඳට නිදා ගෙන ගමන ගියාලු. අරගෙන ගිය භාණ්ඩත් විකුණා ගත්තලු.

ඉතින් මේ ජාතක කතාවේ මොරාල් එක මොකක්ද කියනවා නම් , අශිෂ්ටයන් මොන විධියෙන් ආවත් රැවටෙන්න හොඳ නෑ  මල්ලිලා නංගිලා. උන් දෙන මොත්තේ අහල රැවටිලා අහු වෙන්න එපා. කට්ටිය ඇටකටු ටික විතරයි ඉතුරු කරන්නේ.
හොඳ නායකයෙක් නම් අශිෂ්ටයන්ට යක්කුන්ට ඉඩ නොදී තමන්ගේ මිනිස්සු බේරා  ගෙන යන ගමන යන්න දන්නවා.  එහෙම නායකයෝ හොයා ගන්න එකයි ප්‍රශ්නේ.
-අශිෂ්ටයන් අතරේ ශිෂ්ටකම් පෑම මාරක විහිළුවකි කියල කිව්වේ යාළුවෙක්. 

Thursday 16 April 2015

කඩාකප්පල් කාරී ක්‍රියාවක්

හිතවත් මිත්‍රවරුනි,
පෙරේදා  දිනයේ සවස මට ලංකා නිව්ස් වෙබ් අඩවියට හා නෙලුම් යායට  ඇතුළු විය නොහැකි සේ වාරණයක් දමා  තිබුණි.  මා  මුලින් සිතුවේ යහපාලන ආණ්ඩුව අන්තිමේ දී පරණ ආණ්ඩුවේ ඇත්තන් ගෙන් (දැන් එකතු වී සිටින)  උපදෙස් ගෙන  ලංකාවේ පමණක් නොව කැමරන්ට කියා එංගලන්තයේද තහනම් කොරලා කියාය.

නමුත් බලාගෙන යනවිට මට දැන  ගන්නට ලැබුනේ ලන්ඩන් බ්රුටස්,  ශ්‍රී ලංකාවේ ගෝමයා  හා නේපාලයේ කුමී හරහා දියත් කල කුමන්ත්‍රණයකින් මගේ කිර්ති නාමයට හානිකර අයුරින් ලිපියක් පල කර ඇති බවයි. මෙයත් දැන  ගන්නට ලැබුනේ ෆේස්බුක් එකේ අනවරතයෙන් සැරි සරණ මගේ ෆේස්බුක් යහළුවෙක් මා  කෙරේ අනුකම්පාවෙන් උදේ පාන්දර තද නින්දේ සිටියදී නැගිට්ටවා කරන ලද දැනුම් දීමෙනි.

මගේ වයස ගැන මම බස්සි, දිලා හෝ වෙනත් කිසිදු බ්ලොග් ලියන්නියකට  කිසි දෙයක් කවදාවත් කියා නැති අතර මෙය හුදු ද්වේශ සහගත ලෙස බ්ලොග් ලියන්නියන් අතරේ මගේ ඇති ජනප්‍රිය භාවයට අකුල් හෙලීමට  ලියන ලද්දක් බව පෙනී යයි.

එසේම මගේ නම වෙනුවට වෙනත් නම් වලින් මා   ඇමතීම තරයේ හෙළා දකිමි.

මට වයස අවුරුදු පනහක් වුන ඊයේ සුපුරුදු ලෙස මගේ මිතුරන් සමග ටෙකිලා බෝතලයකට වග කියමින් ඉතා වගකීමෙන් යුතුව සැමරූ  උපන් දිනය ට මේ මඩ  ප්‍රහාරය එල්ල කිරීම පිළිබඳව අද සිට නීති මගින් ක්‍රියා කර මොවුන්ට දැඩි දඬුවම් ලබා දීමට උදව් කරන  මෙන් බ්ලොගා ලා ගෙන් කරුණාවෙන් ඉල්ලා සිටිමි.

එම ලිපිය මෙතන ඇති අතර මෙය ඉවත් නොකල හොත් අද සිට නෙලුන් යාය වර්ජනය කොරමි.

http://sinhala.lankanewsweb.net/features/2013-07-01-07-49-32/16580-2015-04-15-10-23-53

මිට කොළඹ ගමයා

You must become an old man in good time if you wish to be an old man long.

Marcus Aurelius

Tuesday 14 April 2015

දෙවන මොන්කාඩා ප්‍රහාරය 2016 මාර්තු 26

ශ්‍රී ලංකා බ්ලොග් සංසදය හා නෙලුම් යාය විසින් සංවිධානය කෙරෙන දෙවන බ්ලොග් සම්මාන උළෙල 2016 මාර්තු 26 වන සෙනසුරාදා සවස 2.30 සිට පැවැත්වීමට තීරණය කරන ලදී.

මේ සඳහාතෝරා ගනු ලබන බ්ලොග් ලිපි ආදිය වර්ගීකරණ එකොළහකට  අයත් වනු ඇත. ඒ නම් දේශපාලන, කවි/නිසඳැස් , කාලීන සංවාද, කෙටි කථා , ඡායාරූප, තාක්ෂණ, විද්‍යා, හයිකු, සංචාරක, සංගීතය හා  ඉතිහාස   යනුවෙනි. මෙයින් දේශපාලන, කවි/නිසඳැස් , කාලීන සංවාද, කෙටි කථා , සංචාරක යන අංග වලට එක, දෙක, සහ  තුන ස්ථාන තෝරනු ඇත.

එසේම වසරේ ජනප්‍රියම (හොඳම) බ්ලෝග කරුවාද තෝරනු  ලබන අතර එයට පළමු , දෙවන සහ තුන්වන  ස්ථාන තෝරා  ගනු ඇත.

ශ්‍රී ලංකා බ්ලොග් සංසදයේ සාමාජික බ්ලොග් කරුවන් ගෙන් , නෙලුම් යායේ හා ලංකානිව්ස්වෙබ් අඩවියේ නෙලුම් යාය, සිව්මන්සල , සයිබර් පවුර යන අංගයන්හි පලවන බ්ලොග් ලිපි ආදිය  අතුරෙන් ජයග්‍රාහකයන් තෝරනු ලැබේ.  මෙහිදී ලිපියකට කොපමණ තරමකට සංවාද කෙරෙන්නේද යන්න, ලිපි හා බ්ලොග් වල ජනප්‍රියත්වය, කාලීන මාතෘකාවකට ඇති වැදගත්කම ආදිය වැනි නිර්ණායකයන්ද භාවිතා කෙරෙනු ඇත.

ශ්‍රී ලංකා බ්ලොග් සංසදයට බැඳීම සඳහා හෝ නෙලුම් යාය, ලංකානිව්ස්වෙබ්/නෙළුම් යාය  ට පල කිරීමට, ඔබේ බ්ලොග් යොමු කරන්න පහත සඳහන් ලිපිනයන්ට:
editor@nelumyaya.com
editor@lankanewsweb.com

ශ්‍රී ලංකා බ්ලොග් සංසදයට බැඳීමට පහත සදහන් බ්ලොග් කරුවන්ගේ අඩවි වලින් විමසීමක් කිරීමෙන් ද පුළුවන.
මාතලන්, කල්‍යාණ  මිත්‍ර, බස්සි ගේ නවාතැන , දිලා ගේ ලෝකය, මනා  ගේ පින්තාරුව, ඉවාන් පව්ලුෂා, අටම්පහුර, අජිත් පැරකුම් (W3ලංකා) හෝ  ප්‍රාජේ.

සම්මාන සඳහා වන ත්‍යාග පිලිබඳ පැහැදිලි කිරීමක් ඉදිරියේදී කරන්නෙමු.

ශ්‍රී ලංකා බ්ලොග් සංසදයට එක්වන ලෙස අප ඔබට ආරාධනා කරන්නෙමු.

ඔබ සැමට සුභ නව වසරක්.

- සංස්කාරක නෙලුම් යාය






Friday 10 April 2015

නෙළුම් යායේ නොකළ කතාව හා ජයග්‍රහණයට හේතුව

ඉහල පන්ති වල ඉන්න කොට ඒ දවස් වල ඉස්කෝලේ (වැරදුනා ) කොලේජ් එක ඇරුනහම වලක්  බහින්න තැනක් හොයනවා නේ. පාඩම් වැඩ වලට අමතරව. මේ කොලේජ් කතාවත් අපේ රෝයල් ගිය බුවෙක් තමා  කිව්වේ. මම ඉස්කෝලේ ගියේ රෝයල් කිව්වහම මෑන් ඇහුව මම ගියේ පොළොන්නරුවේ රෝයල් එකටද කියල. ඒකට හේතුව මම "ඉස්කෝලේ ගිය එක " කියල කිව්ව නිසා. ඉතින්
මට පොර දුන්න අවවාදය තමයි මීට  පස්සේ කියපන් කොලේජ් ගියයි කියල. කොහෙද රෝයල් ගියත් බයියනේ. ඉස්කෝලේ කියලමයි කියවෙන්නේ.

ඉතින් මේ වල ගැන කිව්වම දැන් මේ මාතලන්ට, ඉවානයලට, බස්සිලට ඉතින් තියෙනවනේ KFC, මැක්ඩොනල්ඩ්ස්, පිට්සා හට් වගේ තැන්  වල බහින්න. අපිට තිබ්බේ නැහැ ඒ කාලේ  එහෙම තැන්. ඉතින් ඉස්සෙල්ලම බැලුවා අර මල් පාරේ (flower road ) එකේ ලේඩිස් කොලේජ් එක ඉස්සරහ තියෙන ඇමෙරිකන් සෙන්ටර් එකට සෙට් වෙන්න. (මේක දැන් එතන නැහැ. ගාලු පාරේ තියෙන්නේ). ඉතින් චෙස් අතක් හෙම ඇදල සෙට් වෙන්න බැලුවා. ම්හු ..ඩිප්ලොමැට් පොරවල්  ගේ ළමයි කස්ටිය, ඇමතිලගේ දුල පුතාල සෙට් එක එතන බහිරවයෝ වගේ ලැගන්  ඉන්නවා. ගෙවල් වල කතා නොකරන නිසා කඩ්ඩත් එච්චරම පොලිෂ් නැහැ. මං  පිටස්තරය එතනින් කැපුන. ඊළඟට සෙට් වෙන්න බැලුවේ බ්‍රිටිෂ් කවුන්සිල් එකට. අර සන්තෑසියම තමයි. පොතකුත් අරන් කියවල, ආපහු  ගිහිල්ල දීලා එතනිනුත් කැපුනා. ඒ දවස්වල අපි වාගේ වැඩි  සල්ලි බාගේ  නැති  සිංහළ  පවුල් වල එවුන් සෙට් වෙන්නේ නැතුව වගේ එතනට. සෙට් වෙන එවුනුත් ඉන්නවා. ඒ අපි නෙවේ.  අපි පිටස්තරයෝ.
ඊළගට සෙට් වෙන්න  බැලුවේ පොඩි කාලේ ඉඳන් අර නිකන් පෙන්වන ෆිල්ම් බලන්න යන තැනට.  සෝවියට් සංස්කෘතික මන්දිරේ,  අර ගංගාරාමෙට යන පාරේ  බිෂොප් කොලේජ් එක ගාව. එතන පරණ කොමියුනිස් සමසමාජ ඈයන් ගේ දු දරු රොත්තක් පිරිලා. තව එතනම අවුරුදු ගණන් ලැගල ඉන්න කස්ටියකුත් හිටිය. උන් නම් ටිකක් හොඳයි කියල හිතුන.  කඩ්ඩ වැඩිය  දාන්නේ  නැහැ.  එතැන රෂියන් නේ උගන් වන්නේ. හැබැයි උනුත් අලුතෙන් එන එවුන්ට කොස්ස. අපි පිටස්තරයෝ කීප  දෙනෙක් සෙට් වුනා. නව සමසමාජේ පොරක්, යංග්  ස්පාටසිස්ට් ලිග් පොරවල්, හිටපු ජවිපෙ , ඉන්න ජවිපෙ, යු ඇන්පී,  සිරි ලංකා  පොරවල් වගේ. හැබැයි අර බහිරවයෝ වගේ මුල් බැසගෙන ඉන්න පොරවලින් ඉතින් වලිම තමා. පස්සේ තමා හේතුව එලියට ආවේ. මේ සෝවියට් ශිෂ්‍යත්ව පෝලිම නොවැ. අර බහිරවයෝ රැල අදිනවා ලෙඩේ එතනට මොකා  ආවත්. ඔය අස්සේ කවුද කීව  එතන හිටි නෙත්තය  ඒවා විකුනනවා කියලත්.

දැන් ඉතින් යන්නේ කොහෙද? කොච්චර දක්ෂිණාංශික කීවත්, දැනුමට බයයි කීවත් ජේ ආර් ලොක්ක හොඳ වැඩක් කලා .  අර යාපනේ පුස්තකාලේ ගිනි තියල නරක වැඩක් කරලා - ඊට පස්සේ - කල හොඳ වැඩක්. අපේ අර කෞතුකාගාරේ ඉස්සරහ හරියේ තිබිච්ච පරණ මහජන පුස්තකාලේ වෙනුවට හදල දුන්න නොව නියම සිරා ගොඩ නැගිල්ලක්. ඒකෙ  තියෙන පොත්  ගොඩ. පත්තර ශාලාව.  ඒ මදිවට වලට කැන්ටිමක්. ඒලෙවල් පාඩම් කරන්න ශාලා. කියල වැඩක් නැහැ.  මෙන්න ඉතින් පිටස්තරයෝ රෑන  එතනට සෙට් වුණා.
ඉතින් මට මේ අපේ බ්ලොග් කාරයෝ ගැන හිතෙන්නෙත් එහෙමමයි. රේනගේ එක, වෙල්ගමගේ එක, අලස් ගේ එක , අසංගගේ  එක වගේ පුද්ගලික "එකවල්", අරTN, අරවාහිනී, මේ වෙබ් අඩවි වල නැතුව එළියේ ඉන්න පිටස්තරයෝ රෑනක් අන්තර් ජාලයේ එකතු වෙලා , නිව්ස් එකක් , ලිපියක්, කයියක් දාන ගමන් වලකුත් බහිනවා. මේකේ තියෙන ආතල් එක තේරෙන්නෙම එතන හිටියොත් විතරයි.

ඉතින් පිටස්තරයෝ එකතු වෙන තැන කට්ටියක් නිර්මාණ සංවාද කුලකය කියල එකක්  හදල ඔය සාකච්චා, සාහිත්‍ය කෘති විවේචන, සිනමා විවේචන යනවා. ඔතනට පස්සේ අර අහවල් රතු පක්සේ කට්ටියකුත් සෙට් වුණා. හැබැයි ඒ සමහරුන්ට වාද කරන්න පොයින්ට් නෑ. වැඩිය කියවන කට්ටියත් නෙමේ වගේ. කියවන්නේ දෙන දේ විතරද කොහෙද. ඒ නිසා වාදය උණුසුම් වෙනකොට උන් පුටු වලින් තමා වාද කලේ. පුටු අඬු කඩලා අරන් (අපරාදේ අර හොඳ පුටු ) ඒ ගොල්ල දන්නා වාදෙට  සෙට් වෙනකොට අපි වාදය කකුල් දෙකට දීල දුවන්න ගත්ත.  වැටෙන් පැනල විහාර මහා දේවි  පාක් එකට දාල දුවනවා. පඳුරු අස්සේ හැංගෙන්නත්  බැහැ. පාඩම් කරන්න ආපු ගෑල්ලමෙක් කීං ගාල කෑ ගහනවා. පඳුරේ  ඉන්න කොල්ල ගහන්න එනවා විකෘතියෙක් කියල හිතල. දුවන කොට උන්ගේ කකුල් වලත් පැටලෙනවා. ඇයි  කකුල් විතරනේ එළියේ තියෙන්නේ.  ඉතින් මොනවාද දුවල දුවල ටවුන් හෝල් එක ගාව  138 ක එල්ලෙනවා.

දැන් බ්ලොග් වල කොමෙන්ට් දාන යාලුවෝ, වාද කරන එවුන්, සංවාද කරන එවුන් ඔක්කොමත් ඉන්නවා. ඒ අතරේ ඉන්නවා තනිකර ඇනයක්ම වෙන ඇනෝලත්. ඒ ගොල්ලන්ට ඕනේ කෑ ගහල වන කරලා පුටු කඩලා බ්ලොගේ නවත්වන්න. මොකද සංවාද කරන්න තරම් සංයමයක්  නෑ.  හැබැයි අපට තියෙන්නේ ඉස්සර වගේ දුවන්න නෙමේ. සංසදයක් හදල සංවිධානය වෙන්න. අපි එකතු වෙනකොට අපේ ශක්තිය වැඩියි.

මේ රටේ වෙබ් අඩවි මර්ධනය කරපු කාලයක්, තහනම් කරපු කාලයක් තිබුන කිසි හේතුවක් නැතුව.  ලංකානිව්ස්වෙබ් ඇතුළු තහනම් කරපු අඩවි වලට ඇවිත් බැලුවේ ෆේස්බුක් වගේ සමාජ ජාල වලින් . නැත්නම් පිටරට වල ඉන්න සහෘදයෝ  විතරයි. මේව නිදහස් වෙබ් අඩවි. නමුත් ඒවා එක එක පැති  වලට තල්ලු කලේ මේ තේරුමක් නැති වාරණ. බොහොමයක් බ්ලොග් කරුවන් ඔවුන්ගේ  නිර්මාණ පල කරන්න  දුන්න. අපි ඔවුන් සමග අපේ පාඨක  ජනතාව බෙදා ගත්ත. එහෙම කලෙත් වඩා  නිදහස් මාධ්‍ය භාවිතයක් ඇති වෙයි කියල හිතා ගෙන. ඒ ජයග්‍රහණයතමා  මේ සමරන්නේ. එයට උර දුන් කට්ටියකට සම්මාන දීල මේ පුරවැසි ජන මාධ්‍යය වඩාත් සමාජ ගත කරන්න.

පසු සටහන:
මේ වැඩ සටහනේදී මගේ කතාව කෙසේ වෙතත් අහන්න පුල පුලා බලා  සිටි නාලක ගුණවර්ධනගේ කතාව  වත් අජිත් පැරකුම් ගේ කතාව වත් අහන්න ලැබුනේ නැහැ. වීඩියෝ වල හඬ වල නැහැ. සංගීත කණ්ඩායමේ සින්දු ටික නිවී හැනහිල්ලේ බලන්න හිටිය. ඒවා රෙකොර්ඩ් වෙලත් නැහැ. මොකක්ද වුනේ කියල මම දන්නෙත් නැහැ.  ලබන පාරවත්  බලමු.
අපට වුවමනා  වුනේ සම්ප්‍රදායෙන් පිට යමක් කරන්න. ඒක 100% සාර්ථක නොවෙන්න ඇති.
මේ දේශනය  කිරීමට  ප්‍රථමයෙන් Black  Eyed Peas කණ්ඩායමේ Let's get started ගීතයේ මුල් කොටස වාදනය කරන්නයි හිටිය.  පැයක් පරක්කු වුන නිසා වාදනය වුනේ නැහැ. ජාතික ගීයේ ප්‍රශ්නයකට නොවේ.
එය පහත දැක්වෙනවා.
Let's get it started in here...

And the bass keeps runnin' runnin', and runnin' runnin', and runnin' runnin', and runnin' runnin',
And runnin' runnin', and runnin' runnin', and runnin' runnin', and runnin' runnin', and...

In this context, there's no disrespect, so, when I bust my rhyme, you break your necks.
We got five minutes for us to disconnect, from all intellect collect the rhythm effect.
So lose an inhibition, follow your intuition, free your inner soul and break away from tradition.
Cause when we beat out, girl it's pulling without.
You wouldn't believe how we wow shit out.
Burn it till it's burned out.
Turn it till it's turned out.
Act up from north, west, east, south.

[Chorus:]
Everybody (yeah), everybody (yeah), let's get into it (yeah), get stupid (c'mon)
Get it started (c'mon), get it started (yeah), get it started!
Let's get it started (ha), let's get it started in here.
Let's get it started (ha), let's get it started in here.
Let's get it started (ha), let's get it started in here.




Wednesday 8 April 2015

අන්තරේට කඳුළු ගෑස් - රාජකීයට ටැබ් - ඇත්තටම රනිල්ට පිස්සුද

අන්තරේ ගුටි කන්න පෙළපාලි යාම වැරදි බවත්, අරගල ක්‍රම වෙනස් කල යුතු බවත් කියා කට ගත්තා  විතරය. රනිල් සිසුන්ට කඳුළු ගෑස් දීමට අමතරව තවත් අංඤ කොරොස් කතාවක් ද කියා තිබේ. ඒ පාසල් සිසුන් සඳහා ටැබ් ලබා දෙන බවත් මුල් අදියරේදී රාජකීය විදුහලට ටැබ් 1000ක් දෙන බවත්ය. (යොමුව ලංකා ඩේලි ).
එක්කෝ රනිල්ට පිස්සුය. එහෙම නැත්නම් රනිල්ට උපදෙස් දෙන අයට පිස්සුය.

මා උගත්තේත් රාජකීය විදුහලේය. උගත් විදුහල් මාතාවට ගරු කිරීමේත් එයට නොයෙකුත් පහසුකම් හැකි ආකාරයෙන් ලබා දීමේත් ගැටලුවක් මට නැත. එය සතුටට කාරණයකි. බොහෝ අය පෞද්ගලිකවද තමන් උගත් විදුහල් වලට හා එහි නවක සිසුන්ට උදව් කරති. රාජකීය විදුහලේ නොයකුත් වසර වල උගත් කණ්ඩායම් 82, 83, 84 ආදී වශයෙන් මේ උදව් කරති.

නමුත් රනිල් වික්‍රමසිංහ මහතා අමතක කරන්නේ ඔහු අගමැති වුයේ රාජකීය විදුහලට හෝ කොළඹට පමණක් නොව මුළු රටටම බවය. අන්තරේ සිසුන් කපා  ඇති මහපොළ සහනාධාර ඉල්ලා පෙළපාලි යද්දී එයට කඳුළු ගෑස් ගැසුවේ රනිල්ගේ උවමනාවට විය හැකිය. සිසුන් රජයේ හෝ පුද්ගලික දේපලට  හානි නොකරන තාක් කල් පොලිසියට ඔවුන්ට කඳුළු ගෑස් ගැසීමට හෝ බැටන් චාර්ජ් කිරීමට හේතුවක් නැත.  සිසු ඉල්ලීම් මොනවාද යන්න ගැන  පසන් ජයතිලක ලංකානිව්ස්වෙබ් හි  ලියු ලිපියක  දක්වා ඇත.

එසේ වුවත්  රනිල් සිසුන් ඉල්ලා සිටින සහන වලින් කිහිපයක් හෝ ලබා නොදී ටැබ් ලබා දීමට කතා කරයි. ඇත්තෙන්ම අප විසින් බ්ලොග් හා පුරවැසි ජන මාධ්‍ය ප්‍රචලිත කිරීමට උත්සාහ දරන අවධියක ටැබ් ලබා දීම පැසසිය යුත්තකි. නමුත් රාජකීය විද්‍යාලයටම නොවේ. එසේ නම් තෝරාගත් විදුහල් කිහිපයකට එය ප්‍රදානය කල හැකිය. නො එසේ නම් තෝරාගත් විශ්ව විද්‍යාල සිසුන් කිහිප දෙනෙකුට ප්‍රදානය කල හැකිය. එසේත් නැතිනම් මහජන පුස්තකාලය, හා අනෙකුත් විශ්ව විද්‍යාල වල පුස්තකාලවල තබා පොදු ප්‍රයෝජනය සඳහා භාවිතයාට ගැනීමට  පුළුවන.
 රනිල්ට ඔහු දෙනවා යයි කියන මේ ටැබ් රාජකීය විදුහලට  මුලින් දීමට පොරොන්දු වීම සම්බන්ධයෙන් කිසිම සාධාරණ  හේතුවක් මට නොපෙනේ.
1977 ජේ ආර් ජයවර්ධන මහතා චන්දය දිනු පසු රාජකීය විදුහලට පැමිණියේය. එතැන රනිල්ද තරුණ ඇමතිවරයෙකු වශයෙන් සිටියා  මතකය. ලලිත් ඇතුලත්මුදලිද සිටියේය. ජේ ආර් කලේ අපට (රාජකීය විදුහලට )  දින තුනක් නිවාඩු දීමයි. එය ඔහුගේ අතින්  පයින් වත් රටේ ජනතාවගේ බදු මුදලින් යන්නක් වත් නොවේ.  ලලිත් ඇතුලත්මුදලි නමැති ආදී රාජකියයා මහපොළ ඇති කර දිළිඳු සිසුන්ට උදව් කළේය. දැන් මේ රජය එය කප්පාදු කරනවා යැයි  චෝදනාවක් පවතී.
 රනිල්ට චන්ද අවශ්‍ය නම්, ජනතා සහයෝගය අවශ්‍යනම් කල යුතුව තිබුනේ ආදී රාජකීයයෙකු ඇති කල මහපොළ ශිෂ්‍යත්වය වැඩි කරනවා යයි කීමය. නැතිව මිනිසුන්ගේ බදු මුදලින් තමන් උගත් පාසලට ටැබ් ලබා දීම නොවේ.
  රාජකීය  විදුහල් ශිෂ්‍යන්ට ටැබ් දුන්නා කියා ඔවුන්ගේ  දෙමාපියන්වත් රනිල්ට චන්දයේ දේ යයි සැක සහිතය.
-අජිත් ධර්මකීර්ති
(මේ ලිපියේ සඳහන් දේ කර්තෘගේ පෞද්ගලික දේශපාලන අදහස් පමණි.  වෙනත් කිසිම වෙබ් අඩවියක හෝ පක්ෂයක මතවාදයක් මෙයින් නිරූපණය  නොකෙරේ.)

Friday 3 April 2015

නෙළුම් යාය සම්මාන උළෙලේදී කළ හැඳින්වීම

ආයුබෝවන්,  අපගේ ආරාධනය පිළිගෙන අද දින මෙහි සපැමිණි ආරාධිතයන්  ඇතුළු මෙහි පැමිණි ඔබ සැමගෙන් අවසරයි , නෙලුම් යාය සහෘද සමුහය වෙනුවෙන් අපි ඔබ සැවොම සාදරයෙන් පිලිගන්නවා.
සම්මාන උළෙල
පුරවැසි ජනමාධ්‍ය භාවිතාව  ප්‍රචලිත කිරීමටත් , බ්ලොග් කරුවන් සමාජයේ දැනුම් නිම්තෙර පුළුල් කිරීම උදෙසා කරන සේවය ඇගයීමටත් බ්ලොග් ලෝකයේ නුදුටු මානයන් හඳුන්වා දීමට  නෙලුම් යාය සහෘද සමුහය සංවිධානය කරන බ්ලොග් උළෙල තමා මේ. 

අද දින ආරාධිතයෙකු ලෙස මෙහි පැමිණෙන යහපාලන අමාත්‍ය කරු ජයසුරිය මහතා දැන් දෙවරක්ම  වගේ තොරතුරු දැන  ගැනීමේ පනත පාර්ලිමේන්තුවට ගෙනාව . එය දෙවරක් ප්‍රතික්ෂේප වුණා  . අපි හිතනවා මේ රජය යටතේ එතුමාට මෙය සම්මත කර  ඉදිරියට ගෙනයාමට හැකි වේවි කියල. තොරතුරු දැන  ගැනීමේ පනත,  මාධ්‍ය නිදහස සුරැකීම හා පුරවැසි මාධ්‍යකරණය යටතේ ඉතා වැදගත් වෙන පනතක්.

 බ්ලොග් ගැන
 අප දන්නවා ඉංග්‍රීසි බ්ලොග් නම් සැහෙන කලක සිට ජනප්‍රියයි. සමහර ඉංග්‍රීසි බ්ලෝග වලින් මිලියන ගණන් මුදල් හම්බ කරන අයත් සිටිනවා. ඒ වගේම ජනතාවට අධ්‍යාපනය ලබා දෙන්න , තම මතය නිදහසේ පල කරන්නත්  මේ බ්ලොග් භාවිතා වෙනව. සිංහල බ්ලොග් පටන් ගත්තේ මන් හිතන්නේ 2004 වගේ කාලෙක. බොහොමයක් බ්ලොග් පටන් ගත්තේ රටේ පැවති  දේශපාලනය විමර්ශනය කරන ඒවා හැටියට. නමුත්  ඒවා වැඩිකල් දිව්වේ නැහැ. නොයෙකුත් තර්ජන ආව නිසා ගොඩක් ඒවා වැහුන. ටික දෙනෙක් වෙනත් රටවල සිට ආරූඪ නම් වලින් මේවා රැගෙන ගියා. 2010 වෙනකොට හැබැයි වැඩි දෙනෙක් සිංහල බ්ලොග් කරණයට යොමු වෙන්න පටන් ගත්ත. දැනට සිංහල බ්ලොග් 200 කට වඩා තිබෙනවා. (දේශකයාට අනුව 300කට වඩා).

විවිධ  මාතෘකා යටතේ දේශපාලනය, කෙටි  කතා , කවි, සංචාරක සටහන්. හමුදා කතා, නේවි  කතා, විහිළු කතා, පෞද්ගලික අත්දැකීම් මේ හැම දෙයක්ම බ්ලොග් වල පලවෙනවා. නොයෙකුත් මාධ්‍ය වලින් විටින් විට කිසියම් ප්‍රසිද්ධියක් ලබා දුන්නා කියලත් අපට අදහසක් තිබෙනවා. නමුත් මේක මෙතනින් එහාට මේ පුරවැසි මාධ්‍යකරණය සිටින  සිමිත පාඨක  පිරිසෙන් එහාට පුළුල් කිරීමේ සුදානමක් පෙනෙන්න
තිබුනේ නැහැ. ඉතාමත් නිර්මාණශීලි බ්ලොග් කරුවන් සිටියත් චානුක වත්තේගම, නාලක ගුණවර්ධන වැන්නන්  පෞද්ගලිකව  උදව් කලත්  ප්‍රධාන පෙලේ ජනමාධ්‍ය තුලින් ඉඩ දුන්නේ  පිලි ගැනීමක් ඇති  මාධ්‍යකරුවන්ට පමණයි. ඔවුන් ලියුවෙත් තිබෙන සම්ප්‍රදායික පුවත්පත් (වෙබ් හා වෙබ් නොවන )  හා රුපවාහිනියට වැඩ සටහන් ඉදිරිපත් කිරීමත් පමණයි.  නමුත් කිසියම් ධනවතුන් ප්‍රමාණයක් මේ මාධ්‍ය මිලදී ගැනීමත් සමග ඒවායේ නිදහස අහිමි වී යාමක්  දැඩි ලෙස පෙනුනා.

තර්ජන
අප  දන්නවා මිට අවුරුදු කීපයකට ඉහතදී 2011 වගේ කලෙක ලෝකයේ ප්‍රබලතම  සමාජ ජාලය වන facebook හරහා උතුරේ වැලි ගොඩ දැමීම් ගැන සටහනක් තියපු උතුරේ සමාජජාලා පුරවැසි මාධ්‍යකරුවෙක් එදිනම රාත්‍රියේ  හිසට  වෙඩි තබා ඝාතනය කල බව.
මෙතන දි අපට පෙනෙන්නේ තොරතුරු දැන ගැනීමේ අයිතිය සමාජයට ලැබෙනවාට බය වෙන්නේ , තැති ගන්නේ හොරු  සහ දුෂකයෝ බව.  පුවත්පතක පලකරනවට වඩා ලෝකය පුරා සමාජ ජාල තුලින් ප්‍රවෘත්තිය සැනෙකින් පැතිර යනවා. හොරු සහ දුෂකයන් ඊටත් වඩා බය ඒකට.

සංවාදයකදී සමහරවිට ආගමික නායකයෙකුට අපහාස කලාය  වරදවා වටහගෙන කියල තර්ජන කරන්න  එන අය  ඉන්නවා. මට එහෙම අවස්ථාවල් කිහිපයක් පසුගියදාත් ඇති වුණා. අපි දන්නවා යම් බ්ලොග් කරුවන්ට තර්ජන එල්ල වෙලා බ්ලොග් ලිවිම නැවැත්වූ බව පවා. මෙහිදී ක්‍රම  තිබෙනවා නාඳුනන (anonymous) විධිහට ආවත් ආපු ලිපිනය හොයා ගන්න.
බොහෝ රටවල මරණ තර්ජන කර තිබෙනවානම් පොලිසියට දන්වා එම විස්තරය සමග ගුගල් හෝ අන්තර් ජාල සැපයුම් කරුට  (ip provider) යැවු පසු ඔවුන් බැඳී සිටිනවා  තර්ජනය කල අයගේ විස්තර සපයන්න. ඉන්පසු නීතිමය ක්‍රියා මාර්ග ගන්න පුළුවන්. එහෙම නීති නැත්නම් අපි ඉල්ලා සිටිනවා ශ්‍රී  ලංකාවේ එය ක්‍රියාත්මක කල යුතුයි කියල.

බට්ටි
උප්පැන්න සහතිකයක් නැති හැඳුනුම්පතක් නැති සහ සමාජයේ අවමන් සහගත චරිත සහතිකයක් ඇති ලෝකයේ පැරණිම වෘත්තියේ යෙදුන යයි කියන රත්න පුරේ බට්ටි (ඩබ්ලිව් ඒ කාන්ති ) නමැති කාන්තාවට වූ අසාධාරණයේදී නීතියේ මුදුන්මල්කඩ වන ශේෂ්ඨාධිකරණය වෙත  යුක්තිය පසිඳලීම සඳහා  රැගෙන ගියේ පුරවැසි  ජන මාධ්‍ය. එය පුරවැසි මාධ්‍යකරුවෙකු විසින් සමාජ ජාල ගත කලා. දහස් ගණනක් ඉතා සුළු කාලයකදී එය නැරඹුවා.  සමාජ ජාල හා පුරවැසි මාධ්‍ය වල ප්‍රබලත්වය මින් පැහැදිලි වෙනවා.
එය සංකේතවත් කරන්න බට්ටි ගැන ලියු කවියකට අපි අද සම්මානයක් දෙනවා.

නෙලුම් යාය
නෙලුම් යායේ මුලදී පල කලේ සුනිලා අබේසේකරගේ  හා තවත් දෙතුන් දෙනෙකුගේ ලිපි කවි සංකල්පනා පමණයි. බ්ලොග් වලට ඇවිත්  බලන්නේ අහම්බෙන්. එහෙම  නැත්නම් අපි ලින්ක්-යොමුව  යවන යහළුවන් පමණයි.නමුත් බ්ලොග් කියවගෙන යද්දී අපට වැටහුනා නෙළුම්  යායේ පල කරන බ්ලොග් ලිපි වලට සැහෙන ප්‍රතිචාරයක් ලැබෙන බව.  ඉතින් අපි  පටන් ගත්ත තවත් බ්ලොග්  පල කරන්න. නමුත් බ්ලොග් වල නිර්මාණාත්මක ලිපි , කෙටි කතා , කවි ආදිය  පලවෙන ප්‍රමාණයට බ්ලොග් 3ක ඉඩ ප්‍රමාණයක් මදි වුණා. දැන් 15ක් දානවා. ඒත්  අපට අවකාශය මදි.
ඉතා සතුටුයි කියන්න අද සිට  වඩා ඉඩ ප්‍රමාණයකට යනවා. www.nelumyaya.com තමයි ඒ.
එසේම ඉතා සතුටුයි කියන්න නෙළුම් යායේ සුපිපුණ නෙළුමක් තමා "රෑ ඉර පාන " අඩවිය. එහි බන්දුල නානායක්කාරවසම් අද මෙහි අපේ ආරාධනයෙන් පැමිණ සිටිනවා. 

http://www.rairapaana.com/

පහත සඳහන් වර්ගීකරණයෙන්. මේ හැම කැටගරියටම, වර්ගීකරණයටම ඉදිරියේදී සම්මාන දෙනවා.
දේශපාලන 
සංවාද (කාලීන) හෝ කාලීන සංවාද 
 කවි / නිසඳැස් 
 හයිකු 
 කෙටි කථා 
18 ප්ලස් 
 විද්‍යා ප්‍රබන්ධ 
 තාක්ෂණ 
  ඡායාරූප
නිවස 

සම්මාන 
අපි කල්පනා කලා මේ බ්ලොග් කරුවන්ට දිරි ගන්වන්න අපි සම්මානයක් පොත් වවුචර් ටිකක් වගේ මොනවා හරි දෙන්න ඕනේ.  හොඳ ලිපියක් කවියක් තෝරන්න ඕනේ කියල. අපෙන් බ්ලොග් කරුවෝ කවුරුවත් ඇහුවේ නැහැ ඉල්ලුවේ  නැහැ එහෙම දෙයක්. මෙතන තියෙන විශේෂත්වයත් එකයි. අපෙන් බල පෑමක් නැතුව තරඟයකට කියල ඉදිරිපත් නොකර අපි කියවන, කියවල සංවාද කරන බ්ලොග් වලට දෙන  සම්මානයක් මේක. 
අපිට  ඇත්තටම මෙතන මොකක්ද තියෙන ලාභය. අපට තියෙන ලාභය තමා මානව සම්පත. ලාභය තමා  පරිසරය. මේ දෙක තමා රැක ගන්න  ඕනේ. අපි හැකිතාක් උත්සාහ  කරනවා අපේ මානව සම්පත රටක මානව සම්පත දැනුවත් කරන්නේ කොහොමද කියන එක ගැන හොයන්න.  අපි කරන්නේ අවකාශය හදල දෙන එක විතරයි. 
අපිට ඕනේ අනිකුන්ගේ මතය ඉවසන, සංයමයෙන් සාකච්චා කරන , සාධනීය විවේචන   ඉදිරිපත් කරන අපහාසය හා උපහාසය අතර වෙනස හඳුනන බ්ලොග් ලෝකයක් නිර්මාණය කරන්න.
සමහරවිට මරණ තර්ජන ආවොත් අවිජිත් රෝය්ට වගේ රයිෆ්  බධාවී ට  වගේ කරු ජයසුරිය මහත්මයට  මේ දත්ත ඉදිරිපත් කිරිමේ  පනත වගේම අන්තර්ජාල නියාමනය සඳහා අවශ්‍ය කටයුතු කරන්න කියල ඉල්ලා සිටිනවා.

මොබයිල් 
මේ රටේ මොබයිල් ලක්ෂ ගාණක් තිබෙනවා. භාගෙකටත් වඩා  ඉන්ටෙනෙට්  පහසුකම් තිබෙනවා. ඊට අමතරව  ලැප්ටොප් භාවිතය  වැඩි වෙමින් යනව. facebook  වගේම බ්ලොග් නුත් දැන් ජනප්‍රිය වෙනවා. බසයක දුම්රියක  යන ගමන් පොඩි බ්ලොග් ලිපියක් මොබයිල් එකේ කියවල දාන්න  පුළුවන්. බ්ලොග් වලින් අපට ප්‍රවෘත්ති  දෙන්න පුළුවන්.

මේ ඉවාන් පව්ලුෂ "ත්‍රි වීල් " ගැන ලිපියක් ලියල තිබෙනවා. අපි දන්නේ නැහැ මේ උප සංස්කෘතිය කොපමණ නියෝජනය වෙනවද කියල. අපට ඕනේ ඔවුන් ඒවා කියවල විතරක් නෙමේ ත්‍රිවිල් බ්ලොග් නුත් පටන් ගන්න. ඔවුන්ට ඕන තරම් රසවත් කතා තියෙන්න පුළුවන්.  ජුකී මැෂින් මේ රටේ කොපමණ තිබෙනවද. ඒවා ගැන බ්ලොග් ලියන්නෙක් ඉන්නවා අටම්පහුර කියල. ඒ තවත් උප සංස්කෘතියක්. මේ තමා පුරවැසි මාධ්‍යකරණය පුරවැසියන් සඳහා වෙන් වුන. 

ශ්‍රී ලංකා  බ්ලොග් කරුවන්ගේ සංසදය
අපි කල්පනා කලා ශ්‍රී ලංකා  බ්ලොග් කරුවන්ගේ සංසදයක් හදන්න නෙලුම් යාය මුලික වෙලා. (ඊට පස්සේ හැම දිස්ත්‍රික්කයටම නියෝජනයක් දාල බ්ලොග් කරුවෝ දිස්ත්‍රික් මට්ටමින් එකතු කරලා ඔක්කොටම හමුදා පුහුනුවක්  දීල ආයුධ  දීල කර්නල් වරු පත් කරල රට හදන්න ) --මේ   විහිළුවක් කලේ  පරණවිතාන  මහත්මය භය වෙන්න  එපා. එහෙම දේවලුත් කරනවනේ. මෙන්න අපේ ප්‍රධාන ආයුධ  දෙක.  කීබෝර්ඩ් එක සහනිදහස් අත් දෙකක්. විලංගු දාල නැති අත් දෙකක්. 

මෙන්න අපේ කෑම්ප් එක හෙවත් පුංචි කාමරේ තියන බර අවි.

මේ බ්ලොග් කරුවන් දැනුම අරන් යයි මහා ජනතාවට. අපි මේ විප්ලවය පටන් ගමු. මේ නිදහස ඉදිරියට ගෙනියමු. 


ස්තූතිය 
 කරුණාරත්න  පරණවිතාන මහත්මයට මුලින්ම ස්තුති කරන්න ඕනේ අපට මේ තැන වෙලාව ලබා දීල අපිව දිරිමත් කලාට, මාධ්‍ය ලේකම්   මධුෂංක අබේගුණවර්ධන මහතාට. 
විශේෂයෙන්ම සඳහන් කලයුතු කරුණක් වන්නේ නෙලුම්යාය සංකල්පයක් හැටියට හදා වඩා පෝෂණය කර ඊට ඇවැසි අවකාශය , මුල්‍ය ශක්තිය ලබා දුන් ලංකානිව්ස්වෙබ් අඩවියේ කර්තෘ මණ්ඩල ප්‍රධානි නීතිඥ චන්දීම විතාන ආරච්චිට, තාක්ෂණ පහසුකම් සපයා දුන් ප්‍රවීන පරිගණක ඉංජිනේරුවන්  වන හර්ෂ ගෝමෙස් සහ රසික උඩුගමට, එතකොට අප සමග උරෙන් උර ගැටී , අපි කියන වැඩි පුරම චන්දිම  කියන බයිලා ඉවසා දර ගනිමින්   උදව් කරපු ලංකා ඩේලි  සුභාෂ් , හිමාෂි, උපුල්  හා සහ ලංකා මිරර් හි කැලුම් ශානිකා තුෂාරි ජූඩ් ප්‍රමුඛ වෙබ් මාධ්‍යවේදීන්ට.
මුදල් ත්‍යාග ලබා දීමෙන් අනුග්‍රහය දැක්වූ නෙෂන්වයිඩ්  බිල්ඩින් සොසයිටි එකට,  දේශනයෙන් සහභාගී වෙන නාලක ගුණවර්ධන මහතාට හා අජිත් පැරකුම් ජයසිංහට  හා ඉතාමත් සන්තොෂයි කියන්න මම තමන්ගේ  මතවාදයේ වී හෝ නොවී ඒ ගැන තැකීමක් නොකර  මට මෙන්ම තවත් බොහෝ අයටත් නැවත බ්ලොග් ලියන්න දිරි දුන් අපේ ආරාධනයෙන් සහභාගී වෙන දීප්ති කුමාර ගුණරත්න මහතාට,  විශේෂයෙන්ම 
මේ සියලුම බ්ලොග් කරුවන්ට, සම්මාන ලැබූ නොලැබූ ඔබ සියල්ලන්ටම සහ සහභාගිවන ආදරණිය ඔබ සැමට ස්තුතියි. 


So many of our dreams at first seems impossible, then they seem improbable, and then, when we summon the will, they soon become inevitable ~Christopher Reeve~

Wednesday 1 April 2015

අන්තරේට කඳුළු ගෑස් ගහන්න කිවූ යහපාලන පිස්සු හුටං කවුද?

ඊයේ අන්තරේ පෞද්ගලික විශ්ව විද්‍යාල වලට විරුද්ධව නැවතත් පෙළපාලි ගියේය. මේ පෙළපාලි අපි පුංචි කාලෙත් ගිය ඒවාය. වීරසුරිය සහෝදරයාට වෙඩි තැබූ වේලේ අපි පන්ති වර්ජනයකට සහභාගී වන්නට තරමට  ලොකු ළමයි නොවුවත් අපි හැකි අයුරින්  සහය දුන්නෙමු.

මගේ අදහස නම් ඊයේ කල යුතුව තිබුනේ  මේ සිසුන්ට කදුළු  ගෑස් ගැසීම නොවේ. ඔවුන්ට නිදහසේ තම ගමනාන්තය කරා යාමට ඉඩදී පෙත්සම භාර ගැනීමය. ඔවුන්ගේ ඉල්ලීම් බොහොමයක් විප්ලව කරන්නට රජය පෙරලන්නට කරන ඉල්ලීම් නොව අධ්‍යාපනය උදෙසා කරන සාධාරණ ඉල්ලීම්ය. නැවතත් එස් බී වන්නකුට ඇමති කමක් දුන් ආණ්ඩුවකට මේ සිසු ප්‍රශ්න වලට  පිළිතුරු දීමට යුතුකමක් තිබේ. විශ්ව විද්‍යාල සිසුන් ඉගෙන ගැනීමට අමතරව පෙළපාලි කිරීම, සංවාද කිරීම ආදිය කිරීම සාමාන්‍ය දෙයකි. එසේ නිදහස සඳහා සටන් කරන්නේ නැත්නම්, අසාධාරණය සඳහා  පෙනී සිටින්නේ නැත්නම් ඒවා විශ්ව විද්‍යාල නොවේ. 
විශ්ව විද්‍යාල යනු සංවාද කරන , මතවාදී ව ගැටෙන , නිර්මාණයන් බිහි වෙන නිදහසේ තෝතැනි විය යුතුය. දැන්වත්  රජයන් මේ කඳුළු ගෑස් ගැසීම් නවතා පෙළපාලි වලට, සාධාරණ සංවාද , විරෝධතා වලට ඉඩ දිය යුතුය. පොලිසිය යෙදවිය යුත්තේ සිසුන් මහජන දේපල හා පුද්ගලික දේපල වලට  වලට හානි කරන්නේ නම් පමණි. (බස් ගිනි තැබීම, වාහන වලට ගැසීම, රජෙ දේපල වලට හානි කිරීම,  ට්‍රාන්ස්ෆොමර පිච්චීම  වැනි)

එතෙක් මෙතෙක් පැවති මේ විශ්ව විද්‍යාල අරගල වලදී බොහෝ අය මිය ගියහ. ත්‍රිමා විතාන එහි මුල් තැනක් ගනී. පසුගිය රජය සමයේ පැවති අධ්‍යාපනයට  6% ක් ඉල්ලා විශ්ව විද්‍යාල ආචාර්ය සංගමයේ මෙහෙයවීමෙන් කල පෙළපාලියේදී සිසුන් දෙදෙනෙකු මිය ගියහ. ඔවුන්  ඒ රජයේ  මෙහෙයවීමෙන් මරා දැමුවාද එසේත් නැත්නම් රිය අනතුරකින් මැරුණාද යන්න අදත් ප්‍රශ්නයකි.
එම මරණ දෙකත් දැන් මරණ සංවත්සර වලට සීමා වී ඇත. මුලදී අන්තරේ බලය තිබු ජවිපෙ මගින් මුලින් මියගිය ශිෂ්‍යන් සමරුවත් දැන් මිය යන ශිෂ්‍යයන් සමරන්නේ පෙරටුගාමී සමාජවාදීන් ය. ඒ දැන් අන්තරේ බලය ඇත්තේ ඔවුන් අත  බැවිනි.
අන්තරේ නජිත් ඉන්දික තමන් විශ්ව විද්‍යාලයේ  ඉගෙනීම අත්හැර (full timer) දේශපාලනයට මුළු කාලය යොදවන බව කාලයකට ඉහතදී පැවසිය. එයට විවේචනයක් වශයෙන් මෙය ලියුවෙමි. (යොමුවට යන්න)
මේ ලිපියට ලැබුන කොමෙන්ට් තුනක් මෙහි පල කරමි.

මෙහි පළමු කොමෙන්ටුව දැනට ලංකාවේ විශ්ව විද්‍යාලයක් හමාර කර වෙනත් රටක විද්‍යා පර්යේෂකයෙකු වන බ්ලොග් කරුවෙකු ගෙනි. (දසයා)
//දේශපාලනය කරන්න ගිහින් ඉගැනීම කඩාකප්පල් කර ගන්න එකනම් හරිම අපරාදයක්. මොරටුවේ අපේ බැචෙක් හිටිය, හරිම හිතහොඳ කොල්ල. දුප්පත් පවුලකින් ආපු කොල්ල දේශපාලනේ නිසා ඩිග්රි එක ගත්තෙ අපි හැමෝටම වඩා අවුරුදු තුන හතරකට පස්සේ. ජේවීපී එකේ එක්ස් කණ්ඩායමේ පෙරටුගාමී සෙට් එකේ හැමතැනම පරමාදර්ශී දේශපාලනයක් හොයන් ගිහිල්ල මොනම හෝ හේතුවක් නිසා කොල්ල සියදිවි නසාගත්ත. අසරණ දරුවෙකුයි කෙල්ලෙකුයි අම්මකෙනෙකුයි අනාථ උනා. ඌව දේශපාලනේට ඇදල ගත්තු උන්ගෙන් කොටසකට අද දේශපාලනේ මතකත් නෑ. චපාන් එකේ ජීවිතේ ගෙවනව.//

දෙවන කොමෙන්ටුව ඇනෝ කෙනෙකු ගෙනි:
//පුද්ගලික විශ්ව විද්‍යාල විරෝධී අරගලයේදී පාලකයන් ගේ දරුණු මර්ධනය විසින් පද්මසිරි ත‍්‍රීමා විතාන, වෙනුර එදිරිසිංහ, අතුල සේනාරත්න, සරත් කොල්ලූරේ යන සිසුන් මරා දැමූහ​. අද දිනයේ මෙලෙස අවාසනාවන්ත ලෙස මිය ගිය මේ සිසුන් සිසු විරුවන් ද නැතහොත් අවස්ථාවාදී රැඩිකල් දේශපාලනයේ බිලි බෝයිස්ලා වීද යන්න පිලිබඳව බරපතල කුකුසක් මතුවේ. මෙම පුද්ගලික විශ්ව විද්‍යාල විරෝධී අරගල සහ උද්ඝෝෂන පසුපස සිටි නායකයන් ගේ වර්තමාන ක්‍රියා කලාපය පිලිබඳව සලකා බලන විට මේ සැකය මතුවීම සාධාරණය. පුද්ගලික විශ්ව විද්‍යාල විරෝධී අරගලයේදී වර්තමාන ජවිපේ නායක සෝමවන්ස අමරසිංහ විශාල වැඩ කොටසක් කලේය​. පුද්ගලික විශ්ව විද්‍යාල විරෝධී සෝමවන්ස අමරසිංහගේ පුතා අද දිනයේ ඉගෙනුම ලබන්නේ එංගලන්තයේ පුද්ගලික විශ්ව විද්‍යාලයකය​. සරසවි සිසුන් පාරට බස්සවා සන්නද්ධ වියාපාරයකට ඔවුන්ව යොමු කල කුමාර් ගුනරත්නම් එවකට කර්නල්වරයෙකු වූ සරත් ෆොන්සේකාට සියල්ල වමාරා ඕස්ට්‍රේලියාවට පලා ගියේය​. ඔහුගේ දරුවන් දෙදෙනා තව නොබෝ කාලයකින් ඕස්ට්‍රේලියාවේ විශ්ව විද්‍යාලයක ඉගෙනුම ආරම්භ කරනු ඇත​. ඒ කාලයේ මේ විරෝධාතා වලට තිරය යට සිට සහය දුන් එස්. බී දිසානායක ඔහුගේ පුතුන් දෙදෙනා උසස් අධ්‍යාපනය සඳහා යැව්වේ ඕස්ට්‍රේලියාවේ මොනෑශ් විශ්ව විද්‍යාලයටය​. මෙවැනි අරගල වීදි සටන් වලට සැමදා ආවඩන හිටපු ක්‍රම විරෝධියෙකු මෙන්ම අධිරාජ්‍යවාදී විරොධීයෙකු වූ වාසු තමගේ පුතා අධ්‍යපනය සඳහා යොමු කලේ ඇමරිකාවේ පුද්ගලික විශ්ව විද්‍යාලයකටය​. පද්මසිරි ත‍්‍රීමා විතාන, වෙනුර එදිරිසිංහ, අතුල සේනාරත්න, සරත් කොල්ලූරේ යන සිසුන් ෆෝම් කරවා ඔවුන්ව මර්ධනකාරී වෘකයන් වෙත ගොදුරු පිණිස දැමූ දේශපාලකයන් හා සිසු නායකයන් අද දිනයේ ක්‍රම සහ විධි වලින් යහමින් මුදල් උපයන බඩ තඩි මුදලාලිලා බවට පත් වී තිබේ. ස්වයංවරදකාරී බවින් මිදීමට මොවුන් බොරුවට වසරකට වරක් මේ බිලි බෝයිස්ලා අනුස්මරණයට ඉටිපන්දමක් දල්වා ලේ රත් වන කතාවක් කොට විසිර ගොස් යලි ලබන වසරේ අනුස්මරණ දිනයක් එන තෙක් හුරු පුරුදු ජාවරම් වල යෙදී සිටිති. සිසු නායකයන් ගොඩ ගියේය​. අවසාන විග්‍රහයේදී වැරදුනේ කාටද ? මේ බිලි බෝයිස්ලා සහ ඔවුන් ගේ දෙමාපිය සහෝදරයන්ට පමණි.//

තුන්වන කොමෙන්ටුව කිර්ති විජේබාහු ගෙනි. (තවත් ඇනෝ කෙනෙක්)
//ආරම්භයේදීම පොඩි සුලුධනේශ්වර කෝචෝක් එකක් හරහා අරබන අජිත් මහතාගේ ලිපිය අවසාන වන්නේ ඉතාම ප්‍රතිගාමී මතයකින් නිසාම යම් අදහසක් එකතු කල යුතුයයි සිතුනි. එමන්දයත්, සවිඥානිකව හෝ අවිඥානිකව සිදුකරන ඔහුගේ පුරාජේරුව සහ පොඩි "පොර වීමට" තැත් කිරීමට අමතරව, ඔහු විසින් ලියන ලිපිය අවසාන වන්නේ ඉතාමත් කුහක සහ සුලුධනේශ්වර මතවාදයකින් සහ ලෝක සමාජවාදී විප්ලවයේ දැවැන්තයන් ගේ කර්තව්‍යයන් අවමානයකට හෝ අඩු තක්සේරුවකට ලකරමින් වන නිසාය (සමහර විට මාක්ස්, ලෙනින් සහ අනෙකුත් කිහිපදෙනෙකුගේ අද්යාපන පසුබිම හැර අනෙක් විප්ලවාදීන් පිළිබඳව ඔහුගේ නොදැනුවත්කම නිසා වන්නට පිළිවන). 

එසේම, ලෙනින්ගේ සහෝදරයා (උල්යනොව්), මාක්ස්, ලෙනින්, Materialism, නරෝද්නික්වරු ගැන වැල්වටාරම් ලියන ඔහු, අවසානයේ නජිත් සහෝදරයට අවවාද කරන්නේ අද්‍යාපනය නිමකොට තමන්ට ගලපෙනවානම් ඉඩ ඇති කල්හි "හොබියකට" දේශපාලනය කරන ලෙසය. එනයින් පිළිබිඹු වන්නේ සමාජ විප්ලවය පිලිබඳ ඔබගේ විශ්වාසයේ දිග පළලය. දෙවනුව ගම්‍යවන්නේ, විප්ලවවාදීන් විවිධ දේශපාලන ධරාවන්වතුල පෝෂණය වෙමින් සහ තම මතවාදයන් දියුනුකරමින් සහ හදාරමින්, සමාජවාදය නිර්මාණය කිරීම වෙනුවෙන් වූ අභ්‍යාස පසෙකලා, ධනපති රාමුව තුල තම දරුපවුල රැකීමට අජිත් මහතා සේ "වැඩ පෙන්වීමට" උත්සාහ කරන ලෙසත්, වුර්තිය විප්ලවාදින්විමෙන් ප්‍රතිපල රහිත බවත්ය. තෙවැනි හාස්‍යජනක කරුණ නම්, තාරක විද්‍යාව පිලිබඳ ලියන ඔබට, සපෙක්ෂතවාදයේ පියා වන ඇල්බර්ට් අයින්ස්ටයින්ටවත් ඔබ නදිතට සම්පුර්ණ කරන්නටයි කියන නිල අද්යාපන රටාව තුල මුල්කාලයේ තැනක් නොතිබූන බව අමතක වීමය.

ඔබ නොකියන හෝ නොදකින එක දෙයක් කිව යුතුය, ඉතාහාසය පුරාවට සමාජ විප්ලවය වෙනුවෙන් තම ජීවිතය පරදුවට තබා , ඉතිහාසයක් නිර්මාණය කල ඒ උදාර මිනිසුන් සහ ගැහැනුන් ධනපති රාජ්‍යයේ අද්යාපන රාමුව කෙරෙහි ඔබතරම් විශ්වාසයක් තැබුවේ නැත. එමන්දයත්, ධනපති අද්යාපන රාමුව නිර්මාණය කරන්නේ වඩා හොඳ "කම්කරුවන්" වීමත්, "බුද්ධිය" සහ "දැනුම" අතර වන වෙනස ඔවුන් වටහාගෙන තිබීමත් නිසාය. ඉදින් , නජිත් ඉන්දික සහෝදරයට උපදෙස් දෙන්නට ඔබවැනි සුලුධනේශ්වර විප්ලවවාදි මහතෙකුට අපහසු එබැවිනි. 

අවසාන ලෙස කිවයුත්තේ, ඔබගේ මතවාදී අපගමනයට හෙතුවලෙස දකින්නේ මාක්ස්වාදී විශ්ලේෂනාත්මක ක්‍රමවේදය (Marxist Epistemology ) වටහා ගැනීමේ ගැටලුක් මත වල්මත් වීම මිස, ඔබ ප්‍රතිගාමියෙක් නොවන බව මාගේ හැගීමය බවයි.//

මෙයට මා  දුන් පිළිතුර මෙයයි.
//**************************************************************************/
කිර්ති විජයබහුලාත් කොමෙන්ට් වලට පැමිනිමම ජයග්‍රහණයකි. මට ප්‍රශ්නය වන්නේ 87-88 දේජාවියේ අනසක මෙහෙයවූ සමන් පියසිරිගේ අනුවර්ත නාමය ගැනීම මගින් මට තර්ජනයක් කරන්නේද යන්නයි. මොකද විවේචනයට ආ නන්දන මාරසිංහ සහෝදරයාට සිදුවූ දේ මා දන්නා බැවිනි. කිර්ති විජේබාහු ආරුඪ නාමය ගෙන කරන්නේ තර්ජනයක් නම් අලුත් බෝතලයේ ඇත්තේ පරණ වතුරමය යන්න මා කල නිගමනය එතැනින්ම සනාථවී ඇති හෙයිනි. 
මෙහිදී ඔබට මතක් කල යුතු පළමු කරුණ වන්නේ මා බ්ලොග් ලියන්නේ හා කතා කරන්නේ මගේ නමින් බවයි. බොහෝ විවේචන කල ඒ කාලයේ අයද එසේ කලේ සැඟව නොවේ. 
ඔබගේ නොදනුමේ තරම හෙළිවන්නේ මෙහිය.
 //ඔහු විසින් ලියන ලිපිය අවසාන වන්නේ ඉතාමත් කුහක සහ සුලුධනේශ්වර මතවාදයකින් සහ ලෝක සමාජවාදී විප්ලවයේ දැවැන්තයන් ගේ කර්තව්‍යයන් අවමානයකට හෝ අඩු තක්සේරුවකට ලකරමින් වන නිසාය// කුහක සුළු ධනෂ්වර මතවාදය කුමක්ද? වරුනට, මහින්දට, සිරිසේනට, පෙසැප පන්නයේ පන්ති අරගලයට ජයවේවා කියා ඇත්තේ ඔලොක්කුවට බවවත් වටහා ගැනීමට නොහැකිවීම ඔබේ අවාසනාවකි. මගේ නොවේ. 
ඊළඟ කාරණය යමක් හරියට කියවා උත්තර දෙන ලෙසය. මා හඳුනන සරද මහතා ඉහත කොමෙන්ටුවක කල වැරදීමම ඔබත් කර තිබේ. 
//, අවසානයේ නජිත් සහෝදරයට අවවාද කරන්නේ අද්‍යාපනය නිමකොට තමන්ට ගලපෙනවානම් ඉඩ ඇති කල්හි "හොබියකට" දේශපාලනය කරන ලෙසය.// 
මිස්‌ටර් විජෙබාහු මා ලියා ඇත්තේ මෙයයි.
**** ඉගෙන ගන්නා ගමන් තමන්ගේ ඉඩ ඇති වෙලාවට දේශපාලනයේ යෙදෙන්න. කියවන්න ඉගෙන ගන්න. නැත්නම් ඔබලාටත් සිදු වන්නේ සිගිරි නොගිය හේතුවෙන් උණු කඳුළු හෙලමින් දක්ෂිණාංශික දේශපාලකයෙකුගේ තුරුල්ලට පැන ආත්මය වනසා ගන්නටය.***********මෙහි සඳහන් දක්ෂිණාංශික දේශපාලකයා කවුද යන්නත් පැන්නේ  කවුද යන්නත් ඔබ දන්නවා ඇත. ඔහු ඔබටත් වඩා හොඳට භාවිතාවක් තිබුවකු වන්නට ඇත. (හිරු කරන කාලයේ)  මා මෙහිදී අදහස් කරන්නේ අන්තරය හා පෙසප ක්‍රියාමාර්ගය වෙනස් කළ යුතු බවයි. 2000 ට පහල rating තිබ්බ ධනපති විශ්ව විද්‍යාල වේවා ඒවා හට තරඟයක් දී තේරුණ පසු ඒවා වල උපාධිය අවසන් කල යුතු බවටත්, ඒවායේ උපාධිය අවසන් කිරීමට අනිත් සිසුන්ට උදව් කල යුතු බවටත් ඒ අතර වාරයේ දේශපාලනයේ, නිදහස් සංවාදයේ, කියවීමේ සහ අරගලයේ යෙදිය යුතු බවටත්ය. එයට හේතුව ශිෂ්‍ය දේශපාලනය අරගලයක පෙර ගමන් කරුවෙකු හෝ මුලිකත්වය ගන්නකු වුවත් එය එහි ගාමක බලවේගය නොවන නිසාය. පෙසපයේ ශෝචනීය තත්වය අන්තරේ නයුවකු වූ නාගමුව ජනාධිපතිවරණ අපේක්ෂකයකු ලෙස ගැනීමෙන්ම පෙනේ. උනුත් එකයි මුනුත් එකයි කියා කතා කර වැඩ කරන ජනතාවක් නොමැතිව අන්තරේ සිසුන් කීප දෙනෙකු අල්ලාගෙන කරන අරගලය නැවතත් ඛේදවාචයකින් කෙළවර වීම වැළැක්වීමට ඇතුලෙන් කතා කල නොහැකි තැන එලියට පැමිණ කතා කිරීමකි මෙය. මෙය තවම ඉවර නැත. ඊළඟට 
//දෙවනුව ගම්‍යවන්නේ, විප්ලවවාදීන් විවිධ දේශපාලන ධරාවන්වතුල පෝෂණය වෙමින් සහ තම මතවාදයන් දියුනුකරමින් සහ හදාරමින්, සමාජවාදය නිර්මාණය කිරීම වෙනුවෙන් වූ අභ්‍යාස පසෙකලා,//
සමාජවාදය ගැන මම කරන අභ්‍යාස ඔබ දන්නේ කොහොමද? එසේම මෙය
 //විප්ලවවාදීන් විවිධ දේශපාලන ධරාවන්වතුල පෝෂණය වෙමින් සහ තම මතවාදයන් දියුනුකරමින් සහ හදාරමින්// 
වැඩ හොඳට කරන්නේ මට පෙනෙන විධිහට සමාජවාදී සමානතා පක්ෂය හා ශ්‍රී ලංකා පෙරටුගාමී පක්ෂය වැනි ඒවායි. මෙය අවුරුදු එකහමාරක නිරීක්ෂණයකින් කියන දෙයකි.. ඔබලා හෝ ජවිපෙ විසින් එහෙය්යන් රැලක් බිහි කරනු මිස එවැන්නක් කරනු මට නම් නොපෙනේ.
 //ධනපති රාමුව තුල තම දරුපවුල රැකීමට අජිත් මහතා සේ "වැඩ පෙන්වීමට" උත්සාහ කරන ලෙසත්// 
මෙය මගේ වැඩ පෙන්වීමක් වන්නේ කෙසේද යන්න මම නොදනිමි. නමුත් ඔහෙලා හදන සමාජවාදී සමාජයේ දරු පවුල් නැත්ද? එසේ දරු පවුල් නැති එකෙක් හැදු සමාජවදයෙක් මම දනිමි. ඒ පොල්පොට්‍ ය. පොල්පොට්ගේ පක්ෂය දරුවන්ට කිවේ අම්මත් තාත්තාත් පක්ෂය බවයි. ඉන්පසු ළමයි තමන්ගේ දෙමාපියන් පවා පාන් කෑල්ලට පාවා දුන්හ. ඒ දෙමාපියන් පොල්පොට් භාවිතාවෙන් උසස් නිර්ධන පන්ති විප්ලවාදින් අතින් මැරුම් කෑහ.
අනික මෙහෙම කතාවක් මගේ බ්ලොග් ලිපියේ ලියා නැත. 
//වුර්තිය විප්ලවාදින්විමෙන් ප්‍රතිපල රහිත බවත්ය// 
මා කොමෙන්ටුවක් කියා ඇත්තේ මා රැකියාව කරන ගමන් උදව් කරන බවකි. රැකියාවක් සොයා ගන්නේ නම් වඩාත් හොඳින් උදව් කල හැකි බවකි. පක්ෂයක කිසියම් ප්‍රමානයක් වෘත්තීය විප්ලවවාදීන් සිටින බව මම දනිමි. ඒ අයට උදව් කරන්නේ රැකියාව කරන අපිය. නැත්නම් පක්ෂයක් වැඩ කර මුදල් උපයා  ගනී. ඒ ධනපති සමාජයේම ධනපති ක්‍රමයම උපයෝගී කර ගනිමිනි. ඒ නිසා නජිත ලා මෝඩ ආදර්ශ සිසුන්ට දීමටත්, සිසු දෙමාපියන් හා ජනතාවන් අන්තරයෙන් ඈත් කරන කතාත් නොකර සිටින්නේ නම් වඩාත් හොඳය.  පාවෙල් කොර්චගින්ලා කම්හල් වල වැඩ කරන මිනිසුන් අතර ගැවසුන අයයි.

//තෙවැනි හාස්‍යජනක කරුණ නම්, තාරක විද්‍යාව පිලිබඳ ලියන ඔබට, සපෙක්ෂතවාදයේ පියා වන ඇල්බර්ට් අයින්ස්ටයින්ටවත් ඔබ නදිතට සම්පුර්ණ කරන්නටයි කියන නිල අද්යාපන රටාව තුල මුල්කාලයේ තැනක් නොතිබූන බව අමතක වීමය.// මෙහි හාස්‍ය ජනක කාරණය අයින්ස්ටයින් ප්‍රශ්න කලේ තද නීති රීති වලින් යුත් Luitpold Gymnasium නමැති ඔහුගේ ප්‍රථමික හා ද්විතියික අධ්‍යාපන ක්‍රමය බවට ඔබේ ඇති නොදැනීමයි . ඔහු ස්විස් පොලිටෙක්නික් එකේ ඇතුළු වීමේ විභාගයෙන් අසමත් විය. නමුත් ඔහුගේ භෞතික විද්යාව හා ගණිතය හොඳ නිසා එහි විදුහල්පති ඔහුව අර්ගොවියන් විදුහලට යොමු කල අතර ඔහු එය අවසන් කළේය. ඉන්පසු නැවත සුරික් පොලිටෙක්නික් එකට ඇතුල්වී එය අවසන් කළේය. භෞතික විද්යාව හා ගණිතය ඉගෙනීම ඔහුගේ තෝරා ගැනීමයි .මහත්මයා තව ටිකක් කියවා පැමිණෙන්න. http://en.wikipedia.org/wiki/Albert_Einstein
http://www.einstein-website.de/z_biography/biography.html

අවසන් වශයෙන් මාක්ස්වාදී විශ්ලේෂනාත්මක ක්‍රමවේදය (Marxist Epistemology ) මා නොදන්නේ නම් මට කියා දෙන්න. මා හැම වෙලේම නොදන්නා දේ නිහතමානිව ඉගෙන ගන්නා අයෙකි. කිසිම දවසක සෑම දෙයක්ම දන්නා බවක් අඟවා නැත.

// ඉතාහාසය පුරාවට සමාජ විප්ලවය වෙනුවෙන් තම ජීවිතය පරදුවට තබා , ඉතිහාසයක් නිර්මාණය කල ඒ උදාර මිනිසුන් සහ ගැහැනුන් ධනපති රාජ්‍යයේ අද්යාපන රාමුව කෙරෙහි ඔබතරම් විශ්වාසයක් තැබුවේ නැත. එමන්දයත්, ධනපති අද්යාපන රාමුව නිර්මාණය කරන්නේ වඩා හොඳ "කම්කරුවන්" වීමත්, "බුද්ධිය" සහ "දැනුම" අතර වන වෙනස ඔවුන් වටහාගෙන තිබීමත් නිසාය. //
 මාත් හොඳ කම්කරුවෙකි. රැකියාව කර පඩියක් ගන්නෙකි. මා වැඩ කරන්නේ ධනපති රටක ධනපති කොම්පැනියකට බවට මට අවබෝධයක් ඇත. මහත්මයා  ලියන්න කියන්න ඔබ ඉගෙන ගත්තේ සමාජවාදී රටකද? නැත්නම් ශ්‍රී ලංකාවෙදිද? එසේ නැත්නම් ශ්‍රී  ලංකා ප්‍රජාතන්ත්‍රවාදී සමාජවාදී ජනරජය සමාජවාදය පිහිටුවා ඇති යයි සිතනවද? ඔබ ඔය කියන ජිවිත පරදුවට තැබූ හැම එකාම එකීම ඉගෙන ගත්තේ ධනපති ක්‍රමය තුලයි. චේ තමන්ගේ ඉගෙනීම ඉවතට දමා මුලින්ම ගියේ ලෝකය බලන්නටය. ඉන් දුටු දෙයින් පසුවයි ඔහු ව්‍යාපාරයට බැඳුනේ. 
//ඉදින් , නජිත් ඉන්දික සහෝදරයට උපදෙස් දෙන්නට ඔබවැනි සුලුධනේශ්වර විප්ලවවාදි මහතෙකුට අපහසු එබැවිනි.// මට මිට කලින් මේ කතාව මේ විධිහටම තව එකෙක් කියා තිබේ. ඒ 1987 කොළඹ විශ්ව විද්‍යාලයේ කැන්ටිමේදිය. 87 ජවිපෙ ක්‍රියා මාර්ගය විවේචනය කරන විටදී මේ නායකයා මට මේ වදන් මෙලෙසම කිවේය. සුළු ධනෙෂ්වර මතවාදී උඹට මට උගන්වන්න බැහැ. ඉන්පසු ජවිපෙ ආණ්ඩුවට ගිය පිහිටෙන් මේ ප්‍රබල විප්ලවවාදියා චන්ද්‍රිකා රජයේ ඇමතිකම් තිබු තැනක ලේකම් රස්සාවක් කර දැන් ඊටත් වඩා හොඳ තැනක පවුලත් බලාගෙන වැජඹෙමින් සිටි.
 නජිත් ඉන්දික වැනි පුංචි මල්ලියෙකුට උපදෙස් දෙන්නට මට ඕනෑ තරම් අත්දැකීම් තිබේ. මොකද නජිත්ලට සන්ජිවලාට හා තවත් අයට මර්දනය එනවිට කෑ ගහන්නට ඉතුරු වෙන්නෙත් අප විතරක් බැවිනි.

/*****************************************************************************/

මේ ලිපියත් කොමෙන්ටුත් වැටුනේ ජනවාරි 6 දාය. පෙරටුගාමී සමාජවාදී පක්ෂය ක්‍රම දෙකම වෙනස් කරන්නට ජනාධිපති චන්දයට ගියහ. අන්තරේ සිසුන් වත් ඔවුන්ට චන්දය දුන්නේ දැයි සැක සහිතය.
දැන් තිබෙන දේශපාලන තත්වය අනුව ඔවුන් හා ඔවුන් මෙහෙයවන අන්තරය සිටිය යුත්තේ තනිව නොව වඩා පුළුල් මහජන වේදිකාවකය.  ජාතිවාදය නැවත හිස එසවීමට විරුද්ධ තැනකය.
මා  දන්නා රැකියාවක් නොකර පක්ෂ වල පුර්ණ කාලීනව වැඩ කරන අය බොහෝ සිටිති. මේ ඔවුන්ට කරන විවේචනයක් නොවේ. ඔවුන් වාමාංශික පක්ෂ දේශපාලනයේ අවශ්‍යතත්වයකි. විශ්ව විද්‍යාල  වල අධ්‍යාපනය අතහැර දේශපාලනය කරනවාට  වඩා ඉගෙනීම කරන ගමන් දේශපාලනය  කරන්නටත්, දුර්වලවී ඇති පහත වැටී ඇති ලංකාවේ විශ්ව විද්‍යාල අධ්‍යාපනය ඉහලට එසවීම සඳහා පෙරමුණ ගැනීමටත් සිසුන්ට කරන ආයාචනයකි.

රජයන් වෙනස් වනවා සේම අරගල ක්‍රමද වෙනස් විය යුතුය.

ඊයේ අන්තරයට එරෙහිව කඳුළු ගෑස්  ගැසීම හෙළා දකිමින් මේ සිදුවීමේදී අන්තරයේ හා සිසුන්ගේ නිදහස වෙනුවෙන් පෙනී සිටිමු. 



Monday 30 March 2015

නෙලුම්යාය ප්‍රථම සමරු සඟරාවේ හැඳින්වීම

So many of our dreams at first seems impossible, then they seem improbable, and then, when we summon the will, they soon become inevitable ~Christopher Reeve~

අපේ හැම හීනයක්ම මුලදී කළ  නොහැක්කක් වගේ පේන්නේ , ඉන් පස්සේ කරන්න හෝ වෙන්න  කිසිම සම්භාවිතාවක් නැහැ වගේ නමුත්  අපි අධිෂ්ඨාන කලොත්  ඉතා ඉක්මනින් ඒවා සිදුවියයුතුම දේවල් වෙනවා  - කියල ක්‍රිස්ටෝපර් රිව් කියල තිබෙනවා. අප විසින් නෙලුම් යාය  සහෘද සමුහය පිහිටුවා ගත්තේ පුරවැසි ජනමාධ්‍යවේදීන්ගේ භූමිකාව, වෙබ් මාධ්‍යවේදීන්ගේ වෙබ් අඩවිවල සිට, සමාජ ජාල වල සිට, බ්ලොග් ලෝකය දක්වා විහිදී ඇති වකවානුවක මේ දහරා  තුනම එක තැනකට ගොනු කරමින් ස්වාධින  ප්‍රවෘත්ති සපයන්නන් සමුහයක්, දාර්ශනිකයන් සමුහයක්, පුරවැසි විද්‍යඥයන් සමුහයක්, පුරවැසි කවියන් සමුහයක් , පුරවැසි කෙටි කතා කරුවන් සමුහයක්, පුරවැසි සංගීතඥයන් සමුහයක් සමාජයට දායක කිරීමට  ගන්න උත්සාහයක් වශයෙනුයි.
ආරම්භ කර මස කිහිපයකින් පුරවැසි ජනමාධ්‍ය භාවිතාව  වඩා ප්‍රචලිත කිරීමේ අභිප්‍රායෙන්  , බ්ලොග් කරුවන් මේ දක්වා සමාජයේ දැනුම් නිම්තෙර පුළුල් කිරීම උදෙසා කළ  සේවය ඇගයීමට එසේම  බ්ලොග් ලෝකය පිළිබඳව ඇති දුර්මත ඉවත් කිරීමටත් නෙලුම් යාය සහෘද සමුහය සංවිධානය කරන බ්ලොග් උළෙලක් සංවිධානය කළා.

එසේම  තොරතුරු දැන  ගැනීමේ පනත පාර්ලිමේන්තුවේ ඉදිරිපත් කර එය සම්මත කර ගැනීම සඳහා දරන ප්‍රයත්නයට කරන උපහාරයක් මෙය. තොරතුරු දැන  ගැනීමේ පනත,  මාධ්‍ය නිදහස සුරැකීම හා පුරවැසි මාධ්‍යකරණය යටතේ ඉතා වැදගත් වෙන පනතක්.

විවිධ  මාතෘකා යටතේ දේශපාලනය, කෙටි  කතා , කවි, සංචාරක සටහන්. හමුදා කතා, නේවි  කතා, විහිළු කතා, පෞද්ගලික අත්දැකීම් මේ හැම දෙයක්ම පලවෙනවා. නොයෙකුත් මාධ්‍ය වලින් විටින් විට කිසියම් ප්‍රසිද්ධියක් ලබා දුන්නා කියලත් අපට අදහසක් තිබෙනවා. නමුත් මේක මෙතනින් එහාට මේ පුරවැසි මාධ්‍යකරණය සිටින  සිමිත පාඨක  පිරිසෙන් එහාට පුළුල් කිරීමේ සුදානමක් පෙනෙන්න තිබුනේ නැහැ. ඉතාමත් නිර්මාණශීලි බ්ලොග් කරුවන් සිටියත් ප්‍රධාන පෙලේ ජනමාධ්‍ය තුලින් ඉඩ දුන්නේ  පිලි ගැනීමක් ඇති  මාධ්‍යකරුවන්ට පමණයි. ඔවුන් ලියුවෙත් තිබෙන සම්ප්‍රදායික පුවත්පත් (වෙබ් හා වෙබ් නොවන )  හා රුපවාහිනියට වැඩ සටහන් ඉදිරිපත් කිරීමත් පමණයි.

මිට අවුරුදු කීපයකට ඉහතදී 2011 වගේ කලෙක ලෝකයේ ප්‍රබලතම  සමාජ ජාලය වන facebook හරහා උතුරේ වැලි ගොඩ දැමීම් ගැන සටහනක් තියපු උතුරේ සමාජජාලා පුරවැසි මාධ්‍යකරුවෙක් එදිනම රෑ හිසට වෙඩි තබා ඝාතනය කෙරුණා. මෙතැනදී අපට පෙනෙන්නේ  තොරතුරු දැන ගැනීමේ අයිතිය සමාජයට ලැබෙනවාට බය වෙන්නේ , තැති ගන්නේ හොරු  සහ දුෂකයෝ බව.  පුවත මෙහිදී පුවත්පතක පලකරනවාට වඩා ලෝකය පුරා සමාජ ජාල තුලින් සැනෙකින් පැතිර ගිය. හොරු සහ දුෂකයන් වඩා බිය වන්නේ එයට.

උප්පැන්න සහතිකයක් නැති හැඳුනුම්පතක් නැති සහ සමාජයේ අවමන් සහගත චරිත සහතිකයක් ඇති ලෝකයේ පැරණිම වෘත්තියේ යෙදුන යයි කියන රත්න පුරේ බට්ටි (ඩබ්ලිව් ඒ කාන්ති ) නමැති කාන්තාවට වූ අසාධාරණදී නීතියේ මුදුන්මල්කඩ වන ශේෂ්ඨාධිකරණය කරා  යුක්තිය පසිඳලීම සඳහා  රැගෙන ගියේ පුරවැසි  ජන මාධ්‍ය. එය පුරවැසි මාධ්‍යකරුවෙකු විසින් සමාජ ජාල ගත කලා. දහස් ගණනක් ඉතා සුළු කාලයකදී එය නැරඹුවා.  සමාජ ජාල හා පුරවැසි මාධ්‍ය වල ප්‍රබලත්වය මින් පැහැදිලි වෙනවා.
එය සංකේතවත් කරන්න බට්ටි ගැන ලියු කවියකට අපි අද සම්මානයක් දෙනවා.

නෙළුම් යාය අද සිට වඩා  ඉඩ ප්‍රමාණයක් ගනිමින් අලුත් වෙබ් අඩවියකට පිය නගනවා. එහි අපි දේශපාලන, කාලීන සංවාද,  කවි / නිසඳැස් , හයිකු, කෙටි කථා, 18 ප්ලස්, විද්‍යා ප්‍රබන්ධ, තාක්ෂණ,  ඡායාරූප සහ නිවස වශයෙන් අංග දහයක් යටතේ යටතේ  බ්ලොග් නිර්මාණ ඉදිරිපත් කිරීමට බලා පොරොත්තු වෙනවා.
අපිට  ඇත්තටම මෙතන මොකක්ද තියෙන ලාභය. අපට තියෙන ලාභය තමා මානව සම්පත. ලාභය තමා  පරිසරය. මේ දෙක තමා රැක ගන්න  ඕනේ. අපි හැකිතාක් උත්සාහ  කරනවා මානව සම්පත දැනුවත් කරන්නේ කොහොමද කියන එක ගැන හොයන්න.  අපි මෙතනදී කරන්නේ අවකාශය හදල දෙන එක විතරයි. 
අපිට ඕනේ අනිකුන්ගේ මතය ඉවසන, සංයමයෙන් සාකච්චා කරන , සාධනීය විවේචන   ඉදිරිපත් කරන අපහාසය හා උපහාසය අතර වෙනස හඳුනන බ්ලොග් ලෝකයක් නිර්මාණය කරන්න.

අපි එසේම  ශ්‍රී ලංකා  බ්ලොග් කරුවන්ගේ සංසදයක් අද දින ස්ථාපිත කරනවා. පුරවැසි මාධ්‍යවේදීන් ගේ සුභ සිද්ධිය වැඩි දියුණු කරන්නට ගන්න පියවරක් ලෙස. පුරවැසි මාධ්‍යවේදීන් දැනුම අරැගෙන යයි මහා ජනතාවට. මේ නිදහස ඉදිරියට ගෙනියමු. මෙය තව   දුරටත් සිහිනයක් නොවේ.
ස්තුතියි 

නෙළුම් යාය සංස්කාරක


Sunday 22 March 2015

සිරිසා යනු වමට පරම්පරාවකින් පසුව ලැබුන ජයක්. නමුත් සමාජවාදීන්ට අපහසුම කාර්යය ඇරඹෙන්නේ චන්ද දිනට පසුදා. සෙබස්තියන් බජන්සමග ස්ටදිස් කූවෙලකිස් - 3

තෙවන කොටස 

තරුණ සංවිධානයක් තිබෙනවද? 


ඔව්, සිරිසා හි සන්ධානයේ සියලුම කොටස් වල තරුණ සංවිධාන එකතු කර සෑදූ විශේෂ තරුණ සංවිධානයක්  තියෙනව. නමුත් මෙය සාපේක්ෂව කුඩා නිසා ඉන් තරුණ චන්දදායකයන්ට වැඩි බලපෑමක් නැහැ. වඩාත් උද්‍යෝගයට කාරණයක් වන්නේ ඉතාමත් පහල මට්ටමකින් පටන් ගත්  වෘත්තීය සමිති   වල බලපෑම දෙගුයණයක් වුණා. නමුත් නැවතත් KKE සමග බැලුවහම වෘත්තීය සමිති ව්‍යාපාරය තුල සිරිසා හි ශක්තිය හුඟක් අඩුයි. 

ජනතාව ගොනු කිරීම ප්‍රධාන තැන ගත් වඩාත් ක්‍රියාශීලි සමිති තුල සිරිසා බලවත් පමණක් නෙවෙයි  සිරිසා වර්ධනය වීමත් වුණා. එය දැන් ග්‍රීක වෘත්තීය සමිති ව්‍යාපාරයේ ප්‍රධානම සමිතියක් වන  ද්විතිය අධ්‍යාපනයට සම්බන්ධ ජාතික ගුරු වෘත්තීය සමිතියේ ප්‍රධාන බලය  වී හමාරයි.  එසේම අතිවාම වාදී කණ්ඩායමේ බලයත් සාපේක්ෂව මේවායේ වැඩියි.  සිරිසා  හා අන්ටස්‍යා වලින් පැමිණි ජනතාවගෙන්  සැදුනු, එක්තරා ආකාරයක වෘත්තීය සමිති  පෙරමුණුත් තිබෙනවා.
පසුගිය කාලයේ වෘත්තීය සමිති  ව්‍යාපාරය තුල හා විශ්ව විද්‍යාල වල වර්ධනය වුනු රැඩිකල් වටපිටාව  තුල රැඩිකල් වම තමන්ගේ ස්ථානය වැඩි දියුණු කරගත්ත. KKE සහ අති වාමාන්ශයද තමන්ගේ ස්ථානයන් දියුණු කර ගත්ත. රැඩිකල් වුනු වාම වාදී ශිෂ්‍යන්ගේ වටපිටාව තුල විශ්ව විද්‍යාල වල සිරිසා  එක තැන පල් වුනත් (බහුතරයක් ශිෂ්‍යන් විශ්ව විද්‍යාල තුල චන්ද වලට සහභාගී වෙන නිසා මේක හොඳ මාපකයක්)  , එසේම මේ ශිෂ්‍යයන් අන්ටස්‍යා අය වැඩිපුර සිටින නම ලේඛන වලට චන්දය දුන්නත්, ජාතික තලයේදී ඔවුන් සිරිසාට චන්දය දීමට පටන් ගැනුණා.

අපිට  මේ ද්විත්ව ප්‍රකාශනය තහවුරු වුනා ප්‍රාදේශීය චන්ද වලදී හා යුරෝපියානු හා පළාත්  මැතිවරණ වල පරතරයේදී. පළාත් බද මැතිවරණයේදී අති -වාම සන්ධානය වූ අන්ටස්‍යා ජාතික වශයෙන් 2% චන්ද ප්‍රමාණයක් ගත අතර යුරෝපියානු පාර්ලිමේන්තු  මැතිවරණයේදී එය 0.72%ක් වුණා.
මෙහිදී ඉතාමත් පැහැදිලියි සමහර කොටස් ජනතාව රැස්  කිරීමේ ව්‍යාපාර  හා වෙනත් සමාජ ව්‍යාපාරවලදී ඔවුන්ව  අති-වාමවාදී කණ්ඩායම් මගින් මෙහෙයවන බව. වෘත්තීය සමිති මට්ටමේදීත් ඒක එහෙමයි. නමුත් දේශපාලන නියෝජනයේදී මේ බලවේගවල මුලික දේශපාලන නියෝජිතත්වය භාර ගන්නේ සිරිසා.
 මෙහි ප්‍රතිපලය නම් පසුගිය කාල පරිචේදයේ වැදගත්ම පරිණාමය වන,  ග්‍රීක රැඩිකල් වමේ අවසන් බෙදීම දැන් ඇත්තේ නිකායවාදී, ආරක්ෂණවාදී හා ඉතාමත් හුදෙකලා KKE හා ඉතිරි සියල්ල අතරයි. (සිරිසා, අන්ටස්‍යා ආදිය )

"වාමාංශික වේදිකාව"ට  (Left Platform) කොටස් දෙකක් තිබෙනවා. "වාමාංශික ධාරාව "(Left Current), ඒ කියන්නේ සම්ප්‍රදායික කොමියුනිස්ට් ධාරාව - වෘත්තීය සමිති වලින් සමන්විත වුනු මේ ධාරාව සිරිසා හි වෘත්තීය  සමිති වැඩි හරියක්  පාලනය කරනවා. මෙයට අයත් වැඩි හරියක් KKE එකෙන් ආපු කට්ටිය, ඒ කියන්නේ 1991 බෙදුන වෙලාවේ. ඊළඟට ට්‍රොට්ස්කිවාදී ප්‍රවණතාවය. (ලඟදි එකතු වුන DEA සහ KOKKOINO)
වාමාංශික වේදිකාවට පක්ෂ  නායකත්වයෙන්, වගේම එක්සත් විමෙන් පසුව පක්ෂයේ ක්‍රියාකාරීත්වය  හා පක්ෂ ව්‍යුහය වර්ධනය වුනු ආකාරයෙනුත් තදබල බලපෑමක් එල්ල  වුණා. පක්ෂ බහුතරයේ මේ පීඩනය, පක්ෂයේ  පරිණාමනය සමගත් ග්‍රීසියේ පසුගිය සමයේ ජනතාව ඒකරාශී කිරීමේ ව්‍යාපාරවල පසුබැසීම සමගත් බද්ධ වුණා.

මේ හැම සාධකයකින්ම සෘණාත්මක බලපෑමක් ආවත් වාමාංශික වේදිකාවට ඒවාට මුහුණ දීමේ හැකියාව තිබ්බ. එහි විවිධත්වය තමා ශක්තියකට තිබුනේ.  ඒ කියන්නේ වාමාංශික වේදිකාව හැදිලා තිබ්බේ දේශපාලන සංස්කෘතීන් දෙකකින් වුනත් එහි ඒකාබද්ධතාවය පක්ෂයේ බහුතර කොටස අතර තිබු ඒකාබද්ධතාවයට වඩා වැඩියි.
පක්ෂයේ බහුතර කණ්ඩායමේ එක එක දේශපාලන සංස්කෘතීන් වල විෂමතාවය වැඩියි. 

මේ බහුතරයේ,  ඔබට දකින්න පුළුවන් ප්‍රධාන පෙලේ සමාජ ප්‍රජාතන්ත්‍රවාදී දහරාවෙන් එන අය, එතකොට අති -වාම පැත්තට බර ක්‍රියාකාරීන්, නව සමාජ ව්‍යාපාරයන්ට ඇලුණු අය, එතකොට යුරෝකොමියුනිස්ට් හෝ KKE එකෙන් ආපු  ඉතාම සම්ප්‍රදායික ප්‍රතිසංස්කරනවාදී  කට්ටිය, පසොක් වලින් ආපු වාම ජාතිකවාදීන්, ග්‍රීක වර්ගයේ ජර්මන්-විරොධී ප්‍රපංචය වැනි  අන්තවාදී ජාතිකවාද විරෝධීන් වශයෙන්. 

මාඕයිස්ට්ස් (මාඕවාදීන්) ලා (KOE) ගැන කතා කරන්නේ නැත්ද? 


මාඕවාදීන් වාම-ජාතිකවාදී ධ්‍රැවයට වඩා සමීපයි. ඒ නිසා කියන්න තියෙන්නෙ බහුතර කණ්ඩායමේ විවිධත්වය සමස්තයක් වශයෙන් ගත්තම වැඩියි කියල.

මම හිතනවා, 2012 මැතිවරණය හා පක්ෂය ගොඩ නැගීමේ සම්මේලනය  අතර තුර කාලයේදී වාමාංශික ධාරාව හෝ ට්‍රොට්ස්කිවාදීන් සමග සම්බන්ධයක් නැති බොහෝ , ඒ වෙනස්කම් ගණන් ගන්නේ නැති ක්‍රියාකාරීන් සමුහයක් අද්දව ගන්න වාමාංශික වේදිකාව සමත් වුණා. ඒ ගොල්ල අවධානය යොමු කරන්නේ පක්ෂ අභ්‍යන්තරයේ වාම විපක්ෂයට හෝ වාම  දෘෂ්ටිකෝණයට සහයෝගය දෙන්න, සිරිසා තුල ඉතා පැහැදිලි වාම ප්‍රවණතාවයකට. මේ නිසා තමා ගොඩ නැගීමේ සම්මේලනය අතරවාරයේ බහුතරයේ අනිසි හැසිරවීම් වලට ඇතිවුන විරෝධතාවයේදී  වාමාංශික වේදිකාව බලවත් වෙන්නේ. ඒකෙන්  වුනේ පක්ෂය ඇතුලේ චන්ද ප්‍රමාණයට සංසන්දනය කලහම අපිට නියෝජිතයන්ගේ කාරක සභාවේ අඩු නියෝජනයක් තිබ්බත්,  30% කට වඩා  නියෝජිතයන් ප්‍රමාණයක් ලැබීම. මේකට දැන් එකතු කරන්න පුළුවන් කොමියුනිස්ට් වේදිකාව ලබපු 1.5%ත්. (ඇලන් වුඩ් හා ජාත්‍යන්තර මාක්ස්වාදී ප්‍රවණතාවය අනුගමනය කරන) 

පක්ෂය ගොඩ නැගීමේ ප්‍රථම සම්මේලනයෙන් පස්සේ පක්ෂ බහුතරය පළාත් හා යුරෝපියානු මැතිවරණයෙන් අනතුරුව ඛණ්ඩනය වුනා, ඒක වාමාංශික වේදිකාවට මෙන්ම සිරිසා හි අභ්‍යන්තර බලවේග වලටත් ධනාත්මක වුණා.  හරියටම කියනවානම්, බහුතරයේ වාමාංශය හෙවත්  බහුජන ව්‍යපාරවාදීන් හා සිප්‍රස් ගේ එක්සත් වමෙන්  ( Left Unity) බිඳී ආ අය  තමන්ගේ සීමාව  වෙන් කරගත්ත අනිත් අයගෙන්. (නියම ග්‍රීක ආකාරයෙන් කියනවා නම්, මේ ක්‍රියාවලියෙන් පස්සේ අපට සිප්‍රස් ගේ වටේ  එක්සත් වමේ වමක්  (Left Left Unity (sic) ) හා එක්සත් දකුණේ වමක් (Right Left Unity (sic) ) තිබෙනවා. )

යුරෝපියන් පාර්ලිමේන්තු මැතිවරණය අවසන් වූ වහාම වාගේ "බහුතරයේ" වම "පනස්තුන් දෙනාගේ කණ්ඩායම් වේදිකාවට " එකතු වුණා.   "පනස්තුන් දෙනාගේ වේදිකාව" කියන්නේ මධ්‍යම කාරක සභාවේ සාමාජිකයන් 53ක් හා 2014 ජුනි මස එකතු වීමට අත්සන් කල සමහර මන්ත්‍රී ලා ගේ කණ්ඩායමක්.  ඔවුන්, සිප්‍රස් විසින් ආයතනගත සම්ප්‍රදායික දේශපාලකයන් අද්දවා  ගැනීම ගැන තදින් විවේචනය කල අතර , සමාජ බලවේග සේවයේ යොදවා ගැනීම හා සමාජ  ව්‍යාපාර සංවිධාන කිරීමට වැඩි අවධානයක් යොමු නොකරන  ව්‍යාපාරයකට නායකත්වය දෙන බවටත් චෝදනා කලා. එසේම සිප්‍රස් තමන් වටා වැඩි බලයක් රැඳෙන,  පුද්ගලිකත්වය දියුණු කරන උපක්‍රම භාවිතා කරමින් ප්‍රචාරක විදි උපයෝගී කරගත් සංවිධානයක් ගෙන යමින්, ණය ගනුදෙනු , බැංකු ජනසතුව  ආදිය  ගැන මෘදු ලෙස ක්‍රියා කරන බවටත් චෝදනා කලා. 

එසේ  වමේ වේදිකාව මුලික සම්මේලනයේදී 30% ගත්තනම් (වුඩ්වාදීන් 1.5% ත් එකතු කලාම) පක්ෂය තුල "වමේ වේදිකාවේ " බලපෑම මනින්න හැකියාවක් තිබෙනවද?  එහෙනම් එක්සත් වමේ වමෙහි  (Left Left Unity) කොපමණ සෙනගක් ඉන්නවයි කියල දල වශයෙන් කියන්න පුලුවන්ද? 

හොඳයි, මට දැනෙන විධිහට - මේක මධ්‍යම කාරක සභා මට්ටමෙනුත් පිළිඹිබු වුනා-  වමේ වේදිකාව (Left Platform ) සහ පක්ෂයේ වම් පැත්ත තම පක්ෂයේ බහුතරය කියන එක. අවසන් කාලයේදී විශේෂයෙන් සන්ධාන සැදීම ගැන සාකච්චා වලදී මෙය පැහැදිලි වුණා. නායකත්වයට ඕන වුණා ඩිමර් (Dimar) එක්ක සන්ධානයක් ගහන්න, බැරි වුණා. ඒ බැරි වුනේ එයට පක්ෂය තුලින් මතුවුන් විරෝධය හා එය මෙහෙයවූ මෝටරය වමේ කණ්ඩායම් දෙක.
යුරෝ (මුදල් වර්ගය) ගැන තිබෙන ප්‍රශ්නය තවමත් පළල් වමේ එකතුවකට බාධාවක් වුවත් එය නොසලකා හැරියොත් හොඳටම පෙනෙනවා නායකත්වය දැන් සීමා වෙලා කියල. අවාසනාවකට වගේ බොහෝ නායකයන් පක්ෂයෙන් ස්වායත්තව කටයුතු කරනවා පක්ෂයෙ තිරණ නොසලකා හරිමින්. මම මේ කියන්නේ පක්ෂයේ පදනම හා නායකත්වය අතර තිබෙන සරල බෙදීම නොවේ - මම කියන්න පක්ස්ය්යෙන් සම්පුර්ණනම ස්වායත්ත වීම. මෙය අනාගතයට ඉතා අනතුරුදායකයි. 

මධ්‍යම කාරක සභාව රැස්වෙන්නේ කලාතුරකින්. වැඩි වැඩියෙන් අතිශයින් වැදගත් තීරණ ගැනෙන්නේ විනිවිද භාවයකින් තොරව, විවිධාකාර කණ්ඩායම් හා බලාත්මක සමුහයන් (lobby groups ) ගේ දැක්මවල්  වලට අනුව.    

ඔබට  වමේ වේදිකාව කොතරම් ශක්තිමත් දැයි ඇගයීමක් තිබෙනවද? මම අදහස් කරන්නේ, ඔවුන් දනනවා ඔවුන් බහුතරයට එරෙහි බව, නමුත් ඔවුන් කොතරම් ප්‍රමාණයකට එක්සත්ද? විශේෂයෙන්ම රාජ්‍ය බලය ලැබීමට ළඟ අවස්ථාවක රැකියා, රජයේ වැදගත් ස්ථාන ආදිය ලැබීමටත් ඉඩ ඇති නිසා. 

ඔව් මම කලින් කිව්වා වගේ සෘණාත්මක හෝ ධන්ත්මක වේවා වාමාංශ වේදිකාවේ එකතුව පක්ෂ බහුතරයේ එකතුවට වැඩ ඉහලයි. වැඩ පිළිවෙල සඳහා සහභාගිවීමේදී පවා එය වඩාත් සංයුක්ත සංවිධිත බවකින් වැඩ කරනවා. ආර්ථික පෙරමුණ පිලිබඳ කොස්ටස් ලැබවිට්සස්   ගේ මැදිහත්විම ඉතා තීරණාත්මක වුනා මොකද ඔහුගේ  ආර්ථිකය පිලිබඳ විශේෂිත අත්දැකීම් නිසා.   

බහුතරයේ කැපී පෙනෙන ලක්ෂණය තමා ඔවුන්ගේ එකඟත්වයක් නැති කම. උදාහරනයක් වශයෙන් සමහරු ඉතාම තද ආකල්පයක් දරනවා ණය පිළිබඳව. ඔවුන් තදින් කියන්නේ ණය ගෙවීම පැහැර හැරීම විකල්පය මගක්  වශයෙන් තබා ගත යුතු බවත් නයෙන් විශාල ප්‍රමාණයක් කපා හරිය යුතු බවත්. 
නමුත් දැන් කවුරු හරි ඇහුවොත්, "හොඳයි, අපි මොකද කරන්නේ ණය ගෙවීම පැහැර හැරියට පස්සේ " කියල සහ ඒ වගේ ක්‍රියාමාර්ගයක් කොතරම් සාර්ථකද කියල යුරෝ මුදල් ක්‍රමයෙන් ඉවත් වෙන්නේ නැතුව - ඒ කියන්නේ ඒක අනිවාර්යයෙන්ම වෙනවා අපි ණය නොගෙව්වොත් - එතන තේරීමක් නැහැ - මේ ගොල්ලෝ (බහුතරය) ඒ ප්‍රශ්නයට පිළිතුරු දීම ප්‍රතික්ෂේප කරමින් පවසන්නේ එය රඳා  පවතින්නේ යුරෝපයේ දේශපාලන බලවේග මත බවයි. 
නමුත් මෙයට ප්‍රතිවිරුද්ධව වමේ වේදිකාවට පැහැදිලි උත්තර තිබෙනවා.
වමේ වේදිකාවේ ඇති අභ්‍යන්තර ප්‍රභේදනයේ ප්‍රධාන ප්‍රශ්නය , භූ දේශපාලනය හෙවත් විදේශ ප්‍රතිපත්තිය සඳහා එකඟතාවක් නැති කම. දේශපාලන සංස්කෘතීන් දෙකක් සාමකාමී සහජීවනයෙන් ඉන්න කොට අනිවාර්යයෙන්ම ඇතිවන තත්වයක් මේක. ලෝක දේශපාලනය හා විදේශ ප්‍රතිපත්තිය පිළිබඳව වමේ ධාරාවට (Left Current ) ඇත්තේ වඩා සම්ප්‍රදායික කොමියුනිස්ට්වාදී , අධිරාජ්‍ය විරෝධී  දැක්මක්. ඔවුන් ජාතිය හෝ ජාතික සහ පන්තිය පිලිබඳ හැඳින්වීමකට විරුද්ධත්වයක් නැහැ. 

මෙයට ප්‍රතිවිරුද්ධව DEA වඩා ජාත්‍යන්තරවාදී සංස්කෘතියක් පෙන්නුම් කරනවා. මෙහි තේරුම නම් සයිප්‍රස් ප්‍රශ්නයේදී හෝ තුර්කිය සමග සම්බන්ධ කම් වලදී හෝ යුක්රේනය පිළිබඳව ප්‍රශ්නයේදී, ඒ තත්වයන් වෙන වෙනම ගන්නා විටදී වෙනස් කම් ඇතිවීම. 

වමේ වේදිකාව සිරිසා (මැතිවරණයේදී )  ජයග්‍රහණය කලොත් මුහුණ දෙන්නේ කොහොමද?කිසියම් පොදු එකඟතාවයක් තිබෙනවද රජයේ කොටස් කරුවකු නොවන්නට , අමාත්‍යංශ භාර නොගැනීමට එහෙමත් නැත්නම් මොනවගේ සමාජ ව්‍යාපාර - අතිරික්ත - පාර්ලිමේන්තු හෝ ජනතාවාදී රැස්වීම වලටද සහභාගී වෙන්නේ ?

මම හිතනවා වමේ වේදිකාව පමණක් නොවේ සිරිසා තුල මුළු වමම වගේ (ඒ කියන්නේ බහුතරයේ ඉන්න වාමවාදී අය ඇතුළුව) හිතන්නේ රජයට ඇතුළු වීම බලය ගැනීම කියන්නේ සාමාජීය (ජනතාව රැස්  කිරීමේ ) ව්‍යාපාරයකට   උත්ප්‍රේරකයක් කියල. ඒක ඇත්තටම එහෙමයි මොකද පරයෝගිකව අපි යන්නේ මේ ජනතාව  ගොනු කිරීමේ ව්‍යාපාරයට. 

මෙතන මේ පක්ෂයේ සංකල්පය හා  දේශපාලන ක්‍රියාවලියම යොමු වෙලා තිබෙන්නේ (ප්‍රයෝගික) ක්‍රියාකාරීත්වය සඳහා. සිප්‍රස් සහ පක්ෂයේ බහුතර නායකත්වය සමාජීය ව්‍යාපාරයන් හා ජනතාව  ගොනුකිරීම සිමා කිරීමට තමයි තැතනුවේ.

උදාහරණයකට ගත්තොත් 2012 දී සිප්‍රස් අවධාරණය කලේ සිරිසා  රජයක්ම නොවේ පිහිටුවන්න යන්නේ මුළු "සුභසාධන කපා හැරීමට විරෝධී " පෙරමුණේම රජයක් කියල. නමුත් එහි එතරම් තේරුමක් දැන් නැහැ මොකද අති වාම වාදීන් හා KKE එවැනි ඒකාබද්ධ වැඩ පිළිවෙලකට කැමති වෙන්නේ නැහැ.
නමුත් අවම වශයෙන් මෙහෙම වැදගත් දෙයක් සනිටුහන් වුණා. මේ හදන්න යන්නේ "සුභසාධන කපා හැරීමට විරෝධී  පෙරමුණේ" වාමාංශය හා නිකුත් සමාජීය ව්‍යාපාරවල එකතුවක රජයක් බව.  ඒ දිනවල සිප්‍රස්,  විශේෂයෙන්ම බොලිවියානු අත්දැකීම සමග සමපාත කරමින් මැයි සහ ජුනි 2012 චන්ද අතර කාලය තුල මේ සමාජීය ව්‍යාපාරවල  සම්මේලනයක් කැඳෙව්වා. මේක අති  විශේෂ සිද්ධියක්.

- මතු සම්බන්ධයි

Saturday 21 March 2015

සිරිසා යනු වමට පරම්පරාවකින් පසුව ලැබුන ජයක්. නමුත් සමාජවාදීන්ට අපහසුම කාර්යය ඇරඹෙන්නේ චන්ද දිනට පසුදා. සෙබස්තියන් බජන්සමග ස්ටදිස් කූවෙලකිස් - 2

සිරිසා යනු වමට පරම්පරාවකින් පසුව ලැබුන ජයක්. නමුත් සමාජවාදීන්ට අපහසුම කාර්යය ඇරඹෙන්නේ චන්ද දිනට පසුදාසෙබස්තියන් බජන් සමග ස්ටදිස් කූවෙලකිස්
GREECE/


සිරිසා බලය සඳහා ගමන අරඹා ඇති අතර අන්තර්ජාලයේ නොයෙකුත් ආකාරයේ විශ්ලේෂණ, මතවාද, සිරිසා අනුමත කිරීම්  මෙන්ම හෙළා  දැකීම්  ද දැකිය හැක. ස්ටදිස් කූවෙලකිස් සමග  මසකට පමණ ඉහත කෙරුණ මෙම සම්මුඛ  සාකච්චාවේදී  සිරිසා හි ආරම්භය, ගමන් මාර්ගය සහ ඉදිරි අභියෝගයන්   අප විසින් විවේචනාත්මක දුරස්ථ භාවයකින් යුක්තව අවබෝධ  කර ගැනීමට උත්සාහ කෙළෙමු.
මේ සඳහා ඉතාමත් විවිධාකාර  බෙදීම් සහිත ග්‍රීක රැඩිකල් වාමාංශයේ  සංකීර්ණ අභ්‍යන්තරයට කඩා වැදීමට අප පසුබට නොවීමු. නමුත් පක්ෂය බලයට පැමිණි පසු මුහුණ පාන්නට සිදුවෙන ඉතාමත් අභියෝගකාරී ප්‍රශ්න ගැනද කූවෙලකිස් අදහස් දක්වන ලදී.
කූවෙලකිස් සිරිසා  හි මධ්‍යම කාරක සභාවේ සාමාජිකයකු මෙන්ම එහි වාමාංශික වේදිකාවේ ප්‍රධානතම නායකයෙකි. ඔහු දැනට ලන්ඩනයේ කිංග්ස් කොලේජයේ උගන්වන අතර "කාන්ට්  ගේ සිට මාක්ස් දක්වා දර්ශනවාදය සහ විප්ලවය" නමැති පොතේ කතුවරයාද වෙයි.  එසේම "ලෙනින් නැවතත්", "නුතන මාක්ස්වාදයට විවේචනාත්මක සහයක් "   පොත්වල සම කතුවරයායි."වර්සෝ පොත්" වෙබ් අඩවියේ කතුවරයා සේම "ඓතිහාසික භෞතික වාදය " සඟරාවේ කතෘ මණ්ඩලයේ සේවය කරන සෙබස්තියන් බජන් "ජැකොබින්"සඟරාව සඳහා   කූවෙලකිස් සමග සම්මුඛ සාකච්චාවක් කළේය.
දෙවන කොටස:

සිරිසා ක්‍රියාකාරීන්ගේ ප්‍රබලත්වයේ (ප්‍රමාණය අතින්)  සම්බන්ධය කුමක්ද? මෙම සන්ධානයේ එක ධාරාවක (කාණ්ඩයක) කීදෙනා බැගින් සිටිනවාද? 


2012 දී සිනස්පිස්මොස් හට 16,000 ක සාමාජිකයන් සංඛ්‍යාවක් සිටියා .මාඕ වාදී  KOE එකට 1,000-1,500 පමණ ක්‍රියාකාරීන් සංඛ්‍යාවක් සිටි අතර AKOA එකටද එවැනිම සංඛ්‍යාවක් සිටියා.  සිනස්පිස්මොස් හි භාවිතය හා සංවිධානාත්මක ව්‍යුහය එහි මතවාදී ස්ථාවරය සමග එකට දියුණු වෙන්නක්. සම්ප්‍රදායිකව එය ක්‍රියාකාරීන්ගේ පක්ෂයක් නොව ප්‍රසිද්ධ නම් කීපයක් හා චන්දයක් දිනීම සඳහා පමණක් යොමු වූ එකක්. 
නමුත් පක්ෂයේ සංවිධානාත්මක  තත්වයන් හා ක්‍රියාකාරීත්වය එකිනෙකෙට අසමාන මට්ටම් දෙකකින් සෑහෙන තරමකට වෙනස් වී තිබුණි.

පළමුවෙන්ම ගෝලීයකරණය වෙනස් කිරීමේ ව්‍යාපාරය (alter-globalization) හා වර්ගවාදයට එරෙහි ව්‍යාපාරය තුලින් මතුව පැමිණි ඉතා ක්‍රියාශීලි තරුණ සංවිධානයක් දියුණු කර ගත්තා. එය මේ පක්ෂයට තරුණයන්ගේ සහභාගිත්වය රඳවාගන්න හේතුවක් වුණා වගේම එයට සම්ප්‍රදායිකව වැඩි බලයක් නොතිබූ ශිෂ්‍ය ව්‍යාපාරයට ඇතුලත් වෙන්නටත්  හැකි වුණා.  පක්ෂයේ තරුණ සංවිධානයේ දැන් සාමාජිකයන් දහස් ගණනක් සිටිනවා. මෙම තරුණ පාර්ශ්වයෙන් පැමිණි කේඩරයන්ගෙන් බොහෝ පිරිසක් සිප්‍රස් ගේ පිරිවරේ සිටිනවා. ඔවුන් නියම රැඩිකල්වාදී මතවාදයෙන් ඇල්තුසේරියන් වර්ණයේ සන්නද්ධ මාක්ස්වාදී අනන්‍යතාවයකින් යුත් අයයි. 

දෙවනුව 2000 වසරේදී සිට වෘත්තීය සමිතීන්  පක්ෂයේ වාමවාදී ප්‍රවණතාවයේ නැංගුරම බවට පත් වුණා. මේ වාම ප්‍රවණතාවයේ  වැඩිදෙනෙක් පරණ  KKE යෙන් පැමිණි,  වැඩ කරන පන්තියට  (කම්කරු යන වචනය ඕනෑ කමින් මග හැර ඇත - පරිවර්තක )  සම්බන්ධ,  සම්ප්‍රදායික  පන්ති-අරගල මතවාදයකට  හැඩ ගැසුණු යුරෝපා සංගමය දැඩි ලෙස විවේචනය කරන අයයි.  නමුත් මධ්‍යස්ත මතවාදය ඇත්තන් පක්ෂයේ නැතැයි  මින් අදහස නොකෙරේ. උදාහරණයක් වශයෙන්,  ප්‍රධාන පෙලේ ආර්ථික ප්‍රකාශකයකු වන යානිස් ද්‍රගස්කිස්   මෙන්ම ෆොටිස් කුවලිස් සමග ලඟින් සිටි නමුත්,  ඔහු සමග පක්ෂයෙන් ඉවත් වී ඩිමර් (Dimar) පක්ෂයට නොගිය කේඩර හැඳින්විය හැකියි.


 ඔබ කිව්වා මේ දක්වා සිරිසා තුල නාගරික ක්‍රියාකාරීන් හා චන්ද පදනමක් පමණයි තිබුනේ කියල. සිරිසා 2012 මැයි මාසයේ අනපේක්ෂිතව ලැබූ 16.7% ක චන්ද ජයෙන් ග්‍රීසියේ දෙවන විශාලතම පක්ෂය බවට පත් වුණා  පසොක් පරදවා. එවිට මෙය (නාගරික චන්ද පදනම)  වෙනස් වුනාද?


අනිවාර්යයෙන්ම එහෙමයි. සිරිසා  2012 දී ගත් චන්ද සමාජ විද්‍යාත්මකව වටහා ගැනීම තීරණාත්මකවම වැදගත්. ප්‍රමාණාත්මක පිම්ම තරමටම ගුණාත්මක රුපන්තරණයත් භුමි කම්පාවක්. 2012 මැයි  සහ ජුනි මාසයේ කුමක් සිදුවුනේද යන්න ඉතා පහසුවෙන් වටහා ගත හැකියි. එය අතවශ්‍ය ලෙසම පන්ති චන්දයක්.  සාමාන්‍යයෙන් පසොක් එකට චන්දය දෙන, නගර මාධ්‍යයන්හි වැටුප් ලබන වැඩ කරන පන්තිය හදිසියේ එක වරම සිරිසා එකට ප්‍රසාදය පල කලා.  

ග්‍රීක ජනගහනයෙන් තුනෙන් එකක් පමණ ජිවත් වන මහා ඇතන්ස් වල (ඇතන්ස් නගරයෙන් පිට නමුත් ඇතන්ස් ප්‍රදේශයට අයත් භුමිය - පරිවර්තක)  මෙන්ම නාගරික ප්‍රදේශ වලත් සිරිසා  පළමු ස්ථානයට පැමිණුනා විතරක් නොවේ ඔවුන් පසුගිය මැයි මාසයේ පැවති ප්‍රාදේශීය චන්දයෙන් ප්‍රාදේශීය සභා වලටත් තේරී පත් වී ඒවා පාලනය කරනවා. ඔවුන් හොඳම ප්‍රතිඵල ලබා ගත්තේ වැඩකරන පන්තියේ හා ජනප්‍රිය දිස්ත්‍රික්කවල පසොක්  හා KKE බලකොටු ලෙස සැලකෙන ප්‍රදේශ වල. 


සිරිසා එකට චන්ද අඩුවෙන්ම ලැබුනේ ආර්ථික වශයෙන් නිෂ්ක්‍රිය , ග්‍රාමීය ජනතාවගෙන් (ගොවියන්ද ඇතුළුව) විශ්‍රාමිකයන්ගෙන් , ගෘහණියන් ගෙන්, ස්වයං රැකියාවල නිරත වූවන්ගෙන් සහ ස්වාධීන  වෘත්තීය වේදීන් ගෙන්. මේ අනුව සිරිසා ට ලැබුණු සහයෝගයේ ගාමක බලවේගය පඩි ලබනා පන්තියේ අයගේ චන්දයයි. එහි ඉහල ස්ථරයේ මෙන්ම ජනප්‍රිය ස්ථර වල චන්දද, නාගරික  රැකියා විරහිත වුවන්ගේ චන්දද ඔවුන්ට ලැබුණා.

සිරිසාහි 2012 ක්ෂණික චන්ද ජයග්‍රහණය ඔබ පහදන්නේ කොහොමද?  


සාධක තුනක් සලකා බැලිය යුතුයි.  පළමුවැන්න නම් ග්‍රීක රජය ට්‍රොයිකාව  (ජාත්‍යන්තර මුල්‍ය අරමුදල- IMF, යුරෝපියන් මහා බැංකුව - European Central Bank,  යුරෝපා කමිටුව  European Commission - පරිවර්තක) සමග ඇති කරගත් ගිවිසුමෙන් මිනිසුන්ගේ පටි තද කර ගැනීමට බල කිරීමෙන් අනතුරුව 2010 සිට පැන  නැගුනු ප්‍රචණ්ඩ සමාජ ආර්ථික අර්බුදයයි. මේ ගිවිසුම ඇති කර ගත්තේ රටේ ණය  ගෙවීමේ හැකියාව සුරක්ෂිත කිරීමට බව ඔබ දන්නවා.

දෙවැනි සාධකය නම් ස්පාඤඤයේ මෙන්ම ග්‍රීසියේ ත් සිදුවුනේ සමාජ ආර්ථික අර්බුදය දේශපාලන අර්බුදයක් බවට පෙරලීමයි. පක්ෂයන් දෙකක ද්වි-අධිකාරිත්වය පදනම් කරගත් පරණ දේශපාලන ක්‍රමයම බිඳ වැටුනා.

තෙවන සාධකය නම් ජනප්‍රිය ලෙස ජනතාව ගොනු කිරිමය. රැඩිකල් වම නැවත පැන  නැගුනු යුරෝපියානු රටවල් දෙක ග්‍රීසිය සහ ස්පාඤඤය බව අහම්බයක් නොවන අතර පසුගිය වසර කීපය තුල ප්‍රබලතම ජනතා රැලි ඇතිවුනෙත් මේ රටවලය. ස්පාඤඤයේ ඉන්ඩිග්නඩොස් ව්‍යාපාරයත් ග්‍රීසියේ සමාජීය වශයෙන් විවිධාකාරවූ සංවිධානත් මේ සඳහා පෙරමුණ ගත්තා.

සම්ප්‍රදායික නියෝජිත දේශපාලනයේ නියැලුණු බලවේග රැඩිකල් වමට හැරුණු අතර , මේ ගාමක බලවේගයන්ගෙන් පිටත සිටින සමාජ ස්තරයන් ගෙන් සමහරක් දේශපාලනයෙන් වැලකි සිටිද්දී , ඉතිරිය අර්බුදය හට ගත් දිනවල සිටම අන්ත දක්ෂිනාන්ශයට එනම් නව නට්සි රන් උදාව දෙසට හැරුනා. නමුත් සිරිසා හි මැතිවරණ හා දේශපාලන ජයග්‍රහණ ලැබීමට නිරවද්‍යම  හේතුව නම් ජනතාවගේ ඉහත කී සුභ සාධන කපා හැරීමේ අත්තකිලමතානුයෝගී ගිවිසුමට එරෙහිව පක්ෂය විසින් මුල සිටම සටන් කිරීමයි.  එසේම දීර්ඝ විවාදයකින් පසු විශේෂයෙන්ම සිනස්පිස්මොස් තුලදී, සිරිසා විසින් පසොක් සමග  සමග සභාගයකට යාම ප්‍රතික්ෂේප කිරීමයි. එලෙසම  ජනතා  ව්‍යාපාර කෙරහි ඔවුන්ගේ ඇති සංවේදීතාව හේතුවෙන් ඉතාමත් ස්ථිරව හා ප්‍රයෝගික ලෙස තමන්ට මෙම සමාජ ව්‍යාපාර වල රැඳී සිටීමට හැකි බව ඔවුන් ඔප්පු කලා. ඔවුන් මෙසේ කලේ මෙම ජනතා ව්‍යාපාරවල ස්වාධිනත්වයට ගරු කරමින් ඉතාමත්  නව්‍ය හා නිරයාසාත්මක ජනතා පෙළ ගැස්සවීම් වලට සහභාගී වීමෙන්. උදාහරණයක් වශයෙන් 2011 දී නගර චතුරශ්‍ර අත්පත් කර ගැනීමේ  ව්‍යාපාරයේදී  KKE  එය  අදේශපාලනික, සුළු ධනේශ්වර හා කොමියුනිස්ට් විරෝධීන් මෙහෙයවන ව්‍යාපාර වශයෙන් ප්‍රතික්ෂේප කරද්දී සිරිසා කළේ එයට සහයෝගය දීමයි.  
මේ පක්ෂය ප්‍රාදේශීය  මට්ටමින් සහයෝගිතා ජාලයන් වලට ප්‍රබල සහයෝගය දෙමින්  දුෂ්කර වූ මෙම සමාජීය අර්බුදයට හා මිනිසුන්ගේ දෛනික දිවියට ඉන් ඇති වුනු අනිවාර්ය බලපෑම සමග ගනු දෙනු  කිරීමට පියවර ගත්තා. එය ජාතික දේශපාලන තලයේ බලවේගයන් සමපාත  කිරීමට ආයතනිකව අවශ්‍ය තරමේ දෘශ්‍යමය භාවයක් තිබෙන සංවිධානයක්.

මෙසේ කීවත් ජනමත සමීක්ෂණ වල සිරිසාට කැමැත්ත වැඩි වෙන්නේ 2012 චන්ද ව්‍යාපාරයේ අන්තිම සති කීපයේ. නියම ජයග්‍රාහී මොහොත උදාවුනේ  "සුභසාධන කැපීමට විරෝධී වමේ රජයක් " මැයෙන්  සිප්‍රස් කල දේශනයේදී. ඔහු ඉදිරිපත් කලේ සන්ධානයකට එකතු වෙන්න කියන යෝජනාව  KKE එකට, ආන්තික වමට, පාර්ලිමේන්තු වමට සහ පසෝක් පක්ෂයෙන් කැඩුණු කුඩා කණ්ඩායම් වලට. අන්න ඒක තමා අන්තිමට මේ චන්ද ව්‍යාපාරයේ දිශාව වෙනස් කළේ, සම්පුර්ණයෙන්ම අලුත් න්‍යාය පත්‍රයක් සකස් වීම. මෙන්න මෙතැනදී අපට ඇහුනා මේ කැළඹෙන සද්දේ - අතට අහුවෙන භෞතිකමය යමක් වගේ - සිරිසාහි  චන්ද ගාන සීග්‍රයෙන් ඉහල නගින්න ගත්ත.  මෙන්න මේ මොහෙතේ  ඉඳන් අනිකුත් පක්ෂ වලට තීරණාත්මක දේශපාලන දැක්මක් වුන, සාක්ෂාත් කරගන්න පුළුවන් කියල හිතෙන සිරිසා යෝජනාවට ප්‍රතික්‍රියා දක්වන්න සිදු වුණා විතරක් නොවේ,  ඉන් ග්‍රීසියට අර ට්‍රොයිකාව හා ඔවුන්ගේ ගිවිසුමේ වියදණ්ඩෙන් නිදහස් වීමට ඉඩ සලසා ගැනීමට පුළුවන් කමක් ලැබුනා. 

සත්තකින්ම, සමහර අය විශ්වාස කලේ මේ විරෝධතා ව්‍යාපාර ක්ෂණිකව පැන නගින බව විතරක් නෙමේ ඒවා අදේශපාලනිකයි කියලත්. මේ විරෝධතා  (දේශපාලන ලෝකයෙන්) එළියේ ඇති (සම්ප්‍රදායික) දේශපාලනයට විරෝධී ඒවා කියල. මේ විරෝධතා ව්‍යාපාර තමන් ඉදිරියේ ඇති දේශපාලනය ප්‍රතික්ෂේප කලත් ඔවුන් වෙනස් දෙයක් සොයමින් හිටියා. ස්පාඤඤ යේ පොදෙමොස් අත්දැකීම  වගේම ග්‍රීසියේ සිරසා පෙන්වන්නෙත් රැඩිකල් වම් විසින් හොඳ යෝජනා සමුහයක් ගෙන ආවොත් මෙවැනි විරෝධතා ව්‍යාපාර සමග කිසියම් අවබෝධයකට  පැමිණ ඔවුන්ගේ ඉල්ලීම් දේශපාලනය තුලට කැටි කර ගත හැකියි කියල. 

1990 සිට 2000 දක්වා රැඩිකල් වම පසොක් සමග කිසිම සන්ධානයකට එළඹීම ප්‍රතික්ෂේප කරලා තිබුනේ. මේ නිසා මේ මෑතක් වන තුරුම සිරිසා වත් KKE වත් පළාත් ආණ්ඩු වල හෝ ප්‍රාදේශීය ආයතන වල නියෝජනය උනේ නැහැ. නමුත් සිරිසා  ජාතික හා යුරෝපියන් තලයට කඩා වැදුන නිසා ප්‍රාදේශීය තත්වය හා එය අතර තියුණු වෙනසක් තිබෙනවා. 

පක්ෂයට 2014 මැයි 25 පැවැත්වුන ප්‍රාදේශීය හා පළාත් මැතිවරණ වලින් චන්ද ලැබුනේ 18% පමණ වුනත් ජාතික හා යුරෝපියන් පාරිලිමේන්තු මැතිවරණයේදී 27% ලැබුන.   ඒ කෙසේ වතත් පක්ෂය ප්‍රධාන වශයෙන් ඉදිරියට ගියා 40% පමණ ග්‍රීක වැසියන් වෙසෙන  පළාත් දෙකක "ඇටිකා" ඇතුළුව.

සිප්‍රස් ගේ ප්‍රතිරූපයේ ප්‍රධානම අංගය තම ඔහුගේ වයස. ඔහු තරුණයෙක්. ග්‍රීක රැඩිකල් වමේ කේඩර සහ නායකත්ව කණ්ඩායම් වල තහවුරු වෙලා ඉන්නේ අවුරුදු හැටට ලංවෙමින් යන පරම්පරාවක්. එහෙමත් නැත්නම් වැඩිමහලු මිනිසුන් පවා කල්නල් ගේ ඒකාධිපති රජයට විරුද්ධ අරගලයේ දිගු කලක් සිටීමේ වරප්‍රසාදයට කැමතියි තවම.   

අවශ්‍ය සමාජ ව්‍යාපාරයක් ලෙස කවුරුත් සැළකු, නමුත් අර්බුදයෙන් මිදීමට මගක් යෝජනා කරන ඓතිහාසික වගකීම  සඳහා තමන්ට බලයක් නැති යයි සිතු පරණ ග්‍රීක රැඩිකල් වමේ මුණත්තහඩුව ඔහු ගලවා දැමුවා. එසේම 20 වන සියවසේ කොමියුනිස්ට්වාදයේ පරාජයෙන් පීඩාවට පත්ව සිටි ග්‍රීක රැඩිකල් වමේ හැරවුම් ලක්ෂ්‍ය වුණා. අද ඔවුන්ට ඒ සදාකාලික සුළුතරයේ සිටීම අනවශ්‍ය වෙලා තියෙන්නේ, ඒ කියන්නේ හැම වෙලේම  විරුද්ධ වීම විතරක් කරන විපක්ෂයක සිටීම. 

ඔබ ළඟ කිසියම් සංඛ්‍යාත්මක දත්ත තිබෙනවද සිරිසා හි සාමාජිකත්වය ගැන සහ 2012 සිට එහි සාමාජීය කාර්ය භාරය ගැන? ඒ වගේම අපට කියන්න සිරිසා හි අභ්‍යන්තර ගාමක බලවේගයන් ගැන , වමේ වේදිකාව, එහි ඇති එකිනෙකට වෙනස් කාණ්ඩයන් ගැන මෙන්ම විරුද්ධ පක්ෂය සහ දකුණ ගැන?

ජාතික තලයේ ආයතනික පක්ෂ ප්‍රති ව්‍යුහගත වෙනවා. ඒවා මධ්‍යගත පක්ෂ වශයෙන් සෑදී නැහැ. ඉතාමත්ම බලවත් පක්ෂ යාන්ත්‍රණයක් තිබ්බ පසොක්  සම්පුර්ණයෙන්ම වගේ බෙදිලා වෙන්වෙලා, දක්ෂිණාංශික ජනතා ව්‍යාපාරයක් වන "නව ප්‍රජාතන්ත්‍රවාදය" සෑහෙන්න දුර්වල වෙලා. නමුත් ප්‍රාදේශීය මට්ටමින් මේ පක්ෂ වල සම්බන්ධ ජාලයන් තවමත් ශක්තිමත්.   මේක අපි දැක්කේ පසුගිය මැතිවරණයේදී, ප්‍රාදේශීය චන්දයන්ට ඇති බලපෑම හා ප්‍රාදේශීය  සභා ජය ගැනීම අතර වෙනස ඉතා වැදගත් කියල. අනිත් සෘණාත්මක කාරණය තමා  සිරිසා පැහැදිලිවම නායකයා මධ්‍ය කර ගත් පක්ෂයක් වුණා.
 පක්ෂයේ අභ්‍යන්තර ව්‍යුහයන් අති විශාල සහ අවුල් සහගත භාවය  නිසා මෙය  වැඩි දියුණු වුනා විතරක් නොවේ ප්‍රතිපත්ති සම්පාදන හා තීරණ ගැනීමේ  මධ්‍යස්ථාන ලෙස වැඩ කිරීමත් අඩු වුණා. සාමුහික නායකත්වය නෙමේ, අඩුම ගණනේ වඩා සීමිත වුනු නායකයන් කණ්ඩායමක් හෝ නැතිව මුළු තීරණ ගැනීමේ ක්‍රියාවලියම මධ්‍යගත, පාරාන්ධ, අනියම් නායකයන් කාණ්ඩයක් සමග සම්බන්ධව නායකයා ඉතා තීරණාත්මක භූමිකාවක් රඟපාන එකක් බවට පත් වුණා.

පක්ෂ නායකත්වයේ එක එල්ලයක් වුනේ පක්ෂයේ වාමාංශික නැඹුරුව කොන් කිරීම. ඒගොල්ල බරපතල ලෙස හිතුව විවිධ පක්ෂවල මණ්ඩලයක් වුන පරණ සිරිසා (2012 ට කලින් )  එකේ අපි සාපේක්ෂව සෑහෙන ශක්තිමත් කියල. හැබැයි  අලුත් සාමාජිකයන් විශාල වශයෙන් එනකොට අපේ බලපෑම සාපේක්ෂව හුඟක් අඩු වෙනවා. උදාහරණයක් වශයෙන් කිව්වොත්,  අවසාන සම්මේලනයේදී  ඩිමාර් ඉවත් වුනාට පස්සේ අලෙවනොස් මෙහෙයවූ  වාමාංශික ධාරාවට ලැබුනේ 25% ක චන්දය ප්‍රමාණයක් පමණයි.  
සිරිසා 2012 නොවැම්බරයේ පැවැත්වූ සමාරම්භක ජාතික සම්මේලනයේදී "වමේ වේදිකාව (Left Platform)" 25% ක චන්ද ලබා ගැනීම ලොකු පුදුමයක් වුනා නායකත්වයට. සිරිසාහි පදනම ගොඩ නැගීමේ සම්මේලනයේදී වමේ වේදිකාව 30% චන්ද ගත්තම ඔවුන් තවත් පුදුම වුනා. මොකද චන්ද පදනම වැඩි වෙලා.  මේ අතරතුරේදී සිරිසා හි සාමාජික සංඛ්‍යාවත් දෙගුණයක් වුණා. ඒ කියන්නේ 17,000–18,000 සිට 35,000–36,000 දක්වා සාමාජිකයන් ගණන වැඩි වුණා.

භූගෝලීය වශයෙන් ගත්තම පක්ෂය වර්ධනය වුණා සෑහෙන්න, නමුත් චන්ද දායකයන්ට ඇති  බලපෑම හා සංවිධානාත්මක බලය අතර තවමත් විශාල පරතරයක් තියෙන්නේ  එසේම පක්ෂය සහ එහි අරටුව වන නාගරික වැඩ කරන පන්තිය අතර සම්බන්ධය තවමත් දුර්වලයි.

සිරිසා තවමත් බුද්ධිමතුන් ගේ ස්තරයන්ගෙන් වැඩි බලපෑමක් ලැබෙන්නක්: ඒ ඉහල තත්වයේ නිපුණතා ඇති උසස් අධ්‍යාපනය ලත්  රාජ්‍ය අංශයේ සේවකයන්.  වයස පැත්තෙන් බැලුවාම ඒකත්  ප්‍රශ්නයක්, මොකද තරුණ ස්තරවල බලපෑම සාපේක්ෂව මදි.


-(මතු සම්බන්ධයි. )
පරිවර්තනය - අජිත් ධර්මකීර්ති