Sunday 1 April 2018

සෝවියට් විවාහ හා නිකං ට්‍රොට්ස්කි - 4

බ්‍රෙස්ගර්ඩල් 
ජෙහාන් ලෙනින්
සෝවියට් විවාහ හා ජෙහාන් ට්‍රොට්ස්කි - 1
සෝවියට් විවාහ හා ජෙහාන් ට්‍රොට්ස්කි - 2
සෝවියට් විවාහ හා ජෙහාන් ට්‍රොට්ස්කි - 3

මේ ලිපි පෙළේ සමාප්ත කිරීම  සඳහා මා පෙර ලියු ලිපියක් වැදගත් වේ.එම ලිපිය නම් "සෝවියට් සාහිත්‍යය සහ ලංකාවේ වම 1 - පැරැණි වමේ මූලාරම්භය "  මැයෙන් ඇන් ඇම් , කොල්වින් , පිලිප් ගුණවර්ධන ලාගේ වම ගැන ලියූවකි.  පැරණි වම ගැන කතා කිරීමේදී අධිරාජ්‍යවාදී බ්‍රිතාන්‍ය පාලනයට විරුද්ධව ඔවුන් ගෙන ගිය අරගලයේදී සුරියමල් ව්‍යාපාරය, මැලේරිය මර්දනයට සහය දීම ආදිය  මගහැර ගිය නොහැකිය. එසේම වසර 1915දී සිදුවුණු  සිංහල මුස්ලිම්  කෝලාහලයේදී පොලිස්පති ඩව්බිගින් විසින් බොහෝ මිනිසුන් නිරපරාදේ මරා දැමීමට  එරෙහිව ඔවුන් කල අරගලය අවසන් වූයේ  ඩව්බිගින් ලංකාවෙන් එළවා ගැනීමෙනි.

මාර්ක් ඇන්තනි බ්‍රෙස්ගර්ඩල් 1936 දී ලංකාවට පැමිණි වාමාංශික ඉංග්‍රීසි ජාතිකයෙකි.  ඔහු වතු කම්කරුවන්ට සුදු  වතු පාලකයන් සලකන තිරශ්චීන  ආකාරය ප්‍රබල ලෙස විවේචනය කල අයෙකි. ලංකා සම සමාජ පක්ෂයට මුලින්ම බැඳුනු සුදු ජාතිකයා ඔහුය. නාවලපිටියේදී වතු කම්කරුවන් දෙදහසක් අභියස බ්‍රිතාන්‍ය පාලකයන් ප්‍රසිද්ධියේ විවේචනය කිරීමේ හේතුවෙන් ඔහු අත් අඩංගුවට ගැනීමට වරෙන්තු නිකුත් කල අතර සම සමාජ පක්ෂය  ඔහු සඟවාගෙන වරෙන්තුවට එරෙහිව විරෝධතා  දියත් කළේය. 1937 මැයි  5 දා  ව්‍යවස්ථා දායක සභාවේ දී චන්ද 34 - 7 කින් බ්‍රෙස්ගර්ඩල්  පිටුවහල් කිරීමට  සුදු ආණ්ඩුකාර රෙජිනෝල්ඩ් ස්ටබ්  දුන් නියෝගය පරාජය කරන ලදී. ඇන් ඇම් , ලෙස්ලි, පිලිප්, ගුණසිංහ , ජෝර්ජ් ඊ  ද සිල්වා, ඩි  එම්  රාජපක්ෂ , පෙරිම්බනායගම්, බණ්ඩාරනායක වැනි නායකයන් සමග ගෝල ෆේස් පිටියේ  පනස් දහසක පමණ ජනතාවක් සහභාගී වූ රැලියට බ්‍රෙස්ගර්ඩල් පැමිණි අතර පොලිසියට ඔහු අත් අඩංගුවට ගැනීමට නොහැකි විය.

එවකට වම, ප්‍රබල අධිරාජ්‍යයක නියෝගයක් අභියෝගයට ලක් කළේ  එලෙසය.

ඩී එස් සේනානායක ඇතුළු ජන නායකයන්ට ශ්‍රී ලංකාව ට නිදහස ලබා ගැනීමට වැඩි බලපෑමක් කිරීමට අවශ්‍ය නොවුයේ එවකට පැවති  මේ ප්‍රබල වාමාංශය හේතුවෙනි.

මා පෙර ලිපියෙන් නැගූ ප්‍රශ්නය වූයේ ප්‍රධාන රටවලින් ලංකාවට ඇතිවන බලපෑම ජාතිවාදී පිබිදීමකින් පරාජය කළ හැකිද යන්නය. බණ්ඩාරනායක මහතා  නිතරඟ ගිවිසුමක් අත්සන් කරමින්  1956 දී  වාමාංශික රජයක් පිහිටවුවද එය හරයෙන්ම ජාතිවාදී වූවක් විය. අවසානයේ අන්ත ජාතිවාදී ගමනක් යෑම ප්‍රතිකෙෂේප කිරීමේ හේතුවෙන් ඔහු ජිවිතයෙන් වන්දි ගෙවීය.

 සිරිසා පන්නයේ සමාජීය බලවේගයන්ගේ ලිහිල්  එකතුවකින් මිස මේ අනවශ්‍ය අත පෙවීම් පරාජය කළ නොහැකිය.

අනුර කුමාර දිසානායක හිවලෙකු වැනි කපටි ඥාණයක් ඇත්තෙකු යැයි මට සිතේ. එවැන්නක්  එංගලන්තයේ හැඳින්වෙන්නේ දක්ෂකමක් (clever) වශයෙනි. (crook නොවේ.) ඔහුට ඩීල් කුමාර යයිද නමක්  පට බැඳී තිබේ. අනුරට වඩා ඩීල් කාරයෝ ශ්‍රී ලංකා දේශපාලනයේ එදත් අදත් සිටියහ. බොහෝ අය එසේ කලේ තම බඩ හා පවුල රැක  ගැනීමටය. ඉඳහිට ජාතිය  ගලවා ගැනීමේ කතාද එවැනි උන්  මතුරති. අනුර කුමාර මහතා  එසේ කරන්නේ යයි මම නොසිතමි.

මා ලියූ ජෙහාන්  ලෙනින් ලිපියේ අන්දමට ලෙනින් ද එක්තරා විධිහක ඩීල් කාරයෙකි. නමුත් දේශද්‍රෝහී ලේබලයෙන් ගැලවීම පිණිස ජර්මානුන් සැපයූ  දුම්රියේ ගමන් කරද්දී ජර්මානුන් ගෙන් වෙන්ව එම දුම්රිය මැදිරිය "වෙනම රටක් " මෙන් මවාගත් දේශ සිමා සහිතව ගමන් කරන බව පෙන්වීමට ඔහු වග බලා ගත්තේය. එසේම ලෙනින් තමන්ගේ බඩ වඩා ගැනීමට ගියේ ද නැත.

අනුර,  විජිත හේරත් , නලින්ද ජයතිස්ස වැනි ජවිපෙ දක්ෂිනාංශයේ ප්‍රතිගාමින් මෙන්ම බිමල් රත්නායක, සමන්ත හේරත් වැනි ජවිපෙ වාමාංශය ද මැනවින් කළමනාකරණය කරගනිමින් සිටී. එසේම  ටිල්වින්ද ඔඩොක්කුවේ තබාගෙන පළාත් පාලන ඡන්දයෙන් චන්ද ලක්ෂ හතක් පමණ ලබා ගැනීමට  පක්ෂය මෙහෙයවා නායකත්වයට අභියෝගයක් නොමැතිව සුවසේ වැජඹෙයි. ඔහු ජවිපෙට සුපුරුදු ජාතිවාදී ස්ථාවරයෙන්  මිදී සම්බන්ධන් වැන්නවුන් සමගද හොඳ  සම්බන්ධතාවයක් පවත්වා ගෙන යන බවක් පෙනී යයි.

සිරිසා වැනි සාමාජිය බලවේගයක නායකත්වය දැරීමට ඔහුගේ  නුසුදුසු කමක් මට පෙනෙන්නේ නැත.

අනිත් පසින් ඩීල් එකක් දම්මවා ගෙන ලංකාවට පැමිණියා යයි පැවසෙන කුමාර් ගුණරත්නම් ඇතුළු පෙරටුගාමී සමාජවාදී පක්ෂය,   ද්‍රවිඩ ජනතාවගේ ස්වයං නිර්ණන අයිතිය ඇතුළු ප්‍රශ්න  බොහොමයක්ද ජවිපෙ අතීත ක්‍රියාකාරකම් පිලිබඳ පැන නැගෙන විවේචන  බොහොමයකටද සාධාරණය ඉටු කරන්නේ යයි කියමින් දේශපාලනයට පිවිසියද ඒවායේ තවමත් හිරවී  සිටින බවක් පෙනී යයි.  ඔවුන්ගේ ප්‍රධානම අරගලය  සයිටම් විරෝධය හා නිදහස් අධ්‍යාපනය රැක ගැනීම බවද පෙනේ.

එය එසේ වුවද කුමාර් ගුණරත්නම් ගේ සංවිධාන ශක්තිය හා ජවිපෙ හි දීර්ඝ කාලයක් වැඩ කිරීමෙන් ලද අත්දැකීම් සමුහයද නිකම්ම අතහැර දැමීමට නොහැකි දේය. පෙරටුගාමී සමාජවාදී පක්ෂයේ සාමාජිකත්වය  තවමත් සිරවී සිටින්නේ යල්පැනගිය විජේවීර  වාදයේ හා ස්ටාලින් වාදයේ අනවශ්‍යම න්‍යායාත්මක බැඳීම් වලය. කුමාර් ගුණරත්නම් හා පුබුදු ජාගොඩට  පක්ෂයේ මූලික හර  පද්ධතීන් වෙනස් කිරීමට තව සැහෙන කාලයක් ගතවනු ඇත. එය එසේ වුවද  කුමාර් ගුණරත්නම් ගේ වේදිකා ප්‍රකාශ හා රැස්වීම්  වල දහස් දැක්වීම් අනුව "අපහසුවෙන් හෝ" ඔහු සිටින්නේ නිවැරදි ස්ථාවරයක  බව පෙනී යයි. මගේ අදහස නම් අනුරගේ නායකත්වයෙන් දියත් කළ හැකි සිරිසා පන්නයේ  සමාජීය බලවේගයක ප්‍රධාන සංවිධායකවරයා විය යුත්තේ කුමාර් ගුණරත්නම්ය.

නමුත් මේ සංවිධාන හෝ පක්ෂ දෙකෙහිම ප්‍රබල ප්‍රශ්නයක් තිබේ. ඒ මොනතරම් පුරසාරම් දෙඩුවද ඔවුන්ට වර්තමාන දේශපාලන තත්වයන් නිසි පරිදි විග්‍රහ කර ගැනීමට ඇති නොහැකියාවයි. ඔවුන් සිරවී සිටින වාමාංශික න්‍යායවාදී මකුළු දැලින් මිදීමට තවමත් හැකියාවක් ලැබී නැත.

ඒ තත්වයෙන් මිදීමට වසර ගණනක් වෙහෙසෙන වාමාංශික න්‍යායධරයෙකු  ශ්‍රී ලංකාවේ සිටි. ඒ දීප්ති කුමාර ගුණරත්නය.  නමුත් දීප්ති යනු තමන්ගේම "ඇසිඩ් වැස්සක" නිරන්තරයෙන් තෙමෙමින් සිටින තැනැත්තෙකි. දීප්ති ගේ කණ්ඩායම විසින් 2004 දී  ඔවුන් හැරගිය අයට ස්ටාලින් ක්‍රමයේ හෝ,  ජවිපෙ විජේවීර ක්‍රමයේ දඬුවම් දීම වෙනුවට පක්ෂ වෙබ් අඩවි හා සමාජ ජාල වලින් ඉදිරිපත් කරන ඇතැම් විට  පුද්ගලවාදී වශයෙන් පෙනෙන  නිර්දය ඇසිඩ් විවේචන නිසා ඔවුන් සමග එක්වී කටයුතු කිරීමට බොහෝ වාමාංශික අදහස් ඇත්තන් මැලි කමක් දක්වති.

මෙය හොදින් නිරීක්ෂණය කලවිට මා දුටුවේ  වෙනත් දෙයකි. ශ්‍රී  ලංකාවේ වාමාංශය  තුල සටින ලංකාවේ  හෝ විදේශයන්හි ජිවත්වන අය  තුල  අමුතු ආකාරයේ හැසිරීම් සමුදායක් තිබේ .  දියුණු බටහිර සමාජයක ජිවත් වෙන සමහරුන්  අගයන්නේ කියුබාවේ ආර්ථිකයයි. නමුත් කියුබාවට  ගොස් ජිවත් වීමට ඔවුන්ට නොහැකි සේම ඔවුන් එසේ කරන්නේද නැත. එසේම සමහරු ගැහැනුන් ගේ සම අයිතියට සටන් කරන ගමන්  තම බිරිඳ බත් ටික බෙදා අතට  නොදුනහොත් කෑම  වර්ජනය කරන ජාතියේ අයයි.  බැදුම්කරයට විවේචනය කරන ගමන් එවැනිම මුදල් උපයන ක්‍රියා මාර්ග අනුගමනය කරන සමජවාදීන් ද සිටි. ලේඛනය තව දිගට ලිවිය හැකි වුවත් මින් නවතිමි.

දීප්තිලාගේ නිර්දය විවේචන මේවා කෙරෙහි එල්ලවන නිසාත් බොහොමයක් අයගේ දෙබිඩි හැසිරීම් ඇත්තේ එතන  නිසාත් දීප්ති තමන්ගේම ඇසිඩ් වැස්සෙන් තෙමේ.
 "90 දශකයේ සාහිත්‍ය කලා හා දේශපාලන වැඩ බිමට පැමිණි මිනිස් පරම්පරාව යනු දේශපාලනයේදී මට සම්මුඛ වූ ප්‍රමුඛ මිනිසුන්ය. පරම්පරාවක් ලෙස ඔවුන් උභයාවේගිය. ඔවුන්ගේ ආත්ම මුලිකත්වයේ මුඛ්‍ය සාධකය ආශාව හා බිය අතර දෝලනය වෙයි. දේශපාලනය යනු ඔවුන්ට ආත්ම  භාෂණයක් මිස  විප්ලවවාදී මැදිහත්වීමක් නොවේ. මෙම පරම්පරාවට මාක්ස්වාදය ගැන ඇති සාක්ෂරතාවය දුලබය.  ඔවුන් රොමැන්තිකය. සංකේත නීතියට වඩා ඔවුන් ගරු කරන්නේ හදවතේ නීතියටය . තමන්ගේ දෛවයට වඩා  වෙනත් අයගේ දෛවයට රිට් ආඥා නිකුත් කරයි.  - දීප්ති කුමාර ගුණරත්න -"ඇසිඩ්  වැස්ස " පි. 102

ලැකානියානු මනෝ විශ්ලේෂණයන්,  ජිජැකියානු මාක්ස්වාදී විග්‍රහයන් හරහා දීප්තිගේ කණ්ඩායම වාමාංශික දේශපාලන ක්ෂේත්‍රයේ කාලයක සිට පෙරලියක් ඇති කරමින් සිටියි. කුමාර් ගුණරත්නම් ද මෙය වටහාගත් බව මට පෙනුනේ කලකට පෙර පෙසපේ සාමාජිකයකු ඇමතීමෙනි.

" මේ පෙරටුගාමී කට්ටියගෙන්   හොඳ, විවේචනාත්මක දේශපාලන අදහස් වගයක් ප්‍රකාශයට පත් වෙනවා නේද? කලින් හිටිය එක්ස් කට්ටිය නේද ?"
" ආ ඔව් ඔව් ඒ අපි තමයි. එක්ස් කට්ටිය ඉන්නේ අපිත් එක්ක"
මා පසුව වටහා ගත්තේ ඔවුන් පෙරටුගාමී සමාජවාදීන් බවය. නම් පැටලී ඇත.

සිරිසා පන්නයේ හෝ පැරණි වමේ මුල කාලයේ මෙන් වන  සමාජීය බලවේගයක න්‍යායාත්මක පදනම වැටිය යුත්තේ දීප්තිගේ සහභාගිත්වය හරහාය.
සිරිසා 

මේ බලවේගයට  තනිව (පක්ෂයක් රහිතව)  දේශපාලනයේ  සිටින දයාපාල තිරාණගම, ලයනල් බෝපගේ වැන්නවුන් මෙන්ම විදේශගත රෝහිත භාෂණ කණ්ඩායමද එක්  විය යුතු බව මගේ විශ්වාසයයි. ඕනෑම  ජාතිවාදී මැදිහත්වීමක් ප්‍රබල ලෙස පරාජය කිරීමට  ඔවුන් සහය දෙනු ඇත.

නමුත් නොකෙරෙන වෙදකමට කෝඳුරු තෙල් හත් පට්ටයක් සොයා ගැනීම කළ නොහැක්කක් සේම සිරිසා පන්නයේ සාමාජීය බලවේගයක් ගොඩ නැංවීමට  අපරිණත නායකයන් හා සාමාජිකයන් ගෙන් සපිරුණු ලංකාවේ   වම කිසිදා සමත් නොවෙනු ඇත. මිනිසුන් වෙනුවෙන් නිතර කැප වීමට හා ජීවිතය පිදීමට වුවත් සූදානම්  යයි දෙසන  සමහරු බොහෝ විට තම පක්ෂ පුටුව අත හැරීමට මැලිවෙති. පක්ෂයේ ඇති තැන රැක  ගැනීමට පොර කති.

කොටින්ම විය නොහැක්කක් ගැන මේ ලියවිල්ල මාගේ  හිතළුවක්  පමණි.

මේ නිසා ශ්‍රී ලංකාවේ සැබවින්ම විය හැක්කේ කුමක්ද?

~ මතු සම්බන්ධයි



Thursday 22 March 2018

සෝවියට් විවාහ හා ජෙහාන් ට්‍රොට්ස්කි - 3

සෝවියට් විවාහ හා ජෙහාන් ට්‍රොට්ස්කි - 1
සෝවියට් විවාහ හා ජෙහාන් ට්‍රොට්ස්කි - 2

දයලෙක්තිකය 
ළඳරු සෝවියට් රාජ්‍යයේ විවාහ ක්‍රමය ලිහිල් සහගත වුවද ඉන් යුවලක ගේ බැඳීමේ අඩුවක් ඉස්මතු නොකරන ලදී. නිදහස් ආදරය යනු කැමැති හැම අයෙකු  සමගම ලිංගිකව බැඳීම නොවේ. සෝවියට් දේශයේ නිදහස් ආදරය යනුවෙන් හඳුන්වන ලද්දේ බාහිර බැඳීම් හා වැට කඩොලු නොමැතිව දෙදෙනෙකු අතර ආදර  සම්බන්ධයන් පවත්වා ගැනීමේ හැකියාවයි. උදාහරණයක් වශයෙන් කුලය, ආගම , ජාතිය, දෑවැදි , රැකියාව ආදිය  නොසලකා ඇතිවන සම්බන්ධකම්ය. දරුවන් සඳහා කොමියුන ළඳරු පාසැල්  ආදිය ඇතිකිරීම මගින් විවාහ වී හෝ එකට වාසය කරන දෙදෙනෙකුට රැකියාව කිරීමට හා සමාජ සේවා කටයුතු වල කාලය වැය කිරීමේ හැකියාව වැඩි කරන ලදී.

ලිංගිකත්වය හා හැසිරීම් පිළිබඳව වැඩි අවදානමක් ලෙනින් හෝ අනිකුත් නායකයන් නොදක්වන ලද බව පෙනේ. ඔවුන් වඩාත් වැදගත් කොට සළකා ඇත්තේ පාලන ක්‍රමයේ හා ආර්ථික ක්‍රමයේ වෙනස් කම් ඇති කිරීම කෙරෙහිය..

පුද්ගල අවශ්‍යතා  තහනම් කිරීමේ  හා සීමා පැනවීමේ අවශ්‍යතාවය පැන නගින්නේ ඒකාධිපති පන්නයේ රජයන්ටය. එසේ කිරීමෙන් හා නිදහසේ සීමාවන් පැනවීම මගින් මිනිස් සමාජය තමන් ට රිසි පරිදි හැසිරවීම පහසුය.
ස්වින්ගින් සික්ස්ටිස්

බටහිර  යුරෝපයේ මෙන්ම ඇමෙරිකා  එක්සත් ජනපදයේත් ප්‍රබල සංස්කෘතික වෙනසක් හැටේ දශකයේ සිට පටන්ගත්තේය. ස්වින්ගින් සික්ස්ටිස් (මාරු කරන හැටේ දශකය) ලෙස මාධ්‍යවේදීන් තවමත් හඳුන්වන මේ කාලය සනිටුහන්වන්නේ හිපි සංස්කෘතියේ ප්‍රචලිත වීම, ලිංගික නිදහස, ගැහැනුන්ට සමතැන පිලිබඳ ඉල්ලීම ඉදිරියට ඒම ආදිය මගිනි.  විවාහයන් පිළිබඳව දක්ෂිණාංශික පක්ෂ වල අදහස ප්‍රතිගාමී ලෙස සැලකුණි. කම්කරු හා සමාජ ප්‍රජාතන්ත්‍රවාදී රජයන් මගින් ගබ්සාව  නීතිගත කරන ලද අතර  සම ලිංගික සේවනය වරදක් ලෙස තව දුරටත්  නොසලකන ලදී.

බ්‍රිතාන්‍යයේ පසුගිය කාලයේ පැවති ඩේවිඩ් කැමරන් ගේ  දක්ෂිණාංශික රජය සමලිංගික විවාහ පවා නීතිගත කරන ලදී.  සමාජ ප්‍රජාතන්ත්‍රවාදී එස් පි ඩි පක්ෂ සමග රජය පිහිටවූ ජර්මනියේ ඇන්ජෙලා  මෙර්කල් ගේ ක්‍රිස්තියානි ප්‍රජාතන්තවාදී සංගම් පක්ෂය ද මේ මාර්ගයේම ගමන් කළහ. සමලිංගික විවාහ පමණක් නොව වෙනත් රටවලින් නිදහස සොයා එන  සංක්‍රමණිකයන් වැඩි වැඩියෙන්  රටට  ගැනීමටද ඔවුන් පෙළඹුණි. එසේමේ මේ බොහෝ රටවල් වල සංක්‍රමණිකයන් සඳහා වන නීති රිතිද ලිහිල් විය.

මේ වෙනස් වීම් සමගම ලෝකයේ බල තුලනය දේශපාලනික ලෙස වෙනස් විය. රුසියාවේ ස්ටලින්වාදී පුටින් සමලිංගික විවාහ වලට විරුද්ධ අතර එම අදහස් ඉගැන්වීමද තහනම් කර ඇත. ස්ටාලින් මෙන්ම  පුටින් ද රුසියානු පවුල් ආර්ථික ඒකකයක් ලෙස ලෙස ඉස්මතු කරයි. (ඔහුගේ දික්කසාද වීම ප්‍රශ්නයක් නොවේ) පිලිපීනයේ ජනාධිපති ඩුඅර්ටේ කැරලිකාර තරුණියන්ගේ රහසඟ ප්‍රදේශ වලට වෙඩි තබන්නයි හමුදාවට අණ  කරයි. නඩු ඇසිමකින් තොරව මත්ද්‍රව්‍ය වෙළඳාම හෝ භාවිතා කිරීම කරන අය මරා දැමීමට ආරක්ෂක සේවාවන්ට අවසර දෙයි. ඇමෙරිකාවේ ජනාධිපති ඩොනල්ඩ් ට්‍රම්ප් සිටින්නේද මේ අක්ෂයේය. කොතරම් ට්‍රම්ප් සමග වාද කළද උතුරු කොරියාවද ඒ පැත්තේය. (ට්‍රම්ප් තමන්ගේ ගේ ට්විටර් මෙසේජ් සටනේ  ප්‍රධානතම විරුද්ධවාදියා වන උතුරු  කොරියානු ජනාධ්පති කිම් හමුවන බවද දැන් පවසයි.)  ඔස්ට්‍රියාවේ දක්ෂිණාංශික රජයක් තේරී පත්වී ඇත. ලෝකයේ නව ලිබරල්වාදී  ධනවාදී රටවල දේශපාලනය දයලෙක්තික  ප්‍රති විරෝධයකට බඳුන්ව ඇත.

හේගල්ට අනුව දයලෙක්තික  ප්‍රතිවිරෝධයක දී  එකම ප්‍රශ්නයක (හේතුවට) තිසිසයට ඇන්ටි තීසිසයක්  හෙවත් ප්‍රතිවිරෝධයක් (ප්‍රති හේතුවක්) ඇති අතර සත්‍යය සොයා යාමේදී ඒ දෙකේ ප්‍රතිවිරෝධයෙන් නව සින්තෙසිස් එකක් හෙවත් නව අදහසක් ඉදිරිපත් වෙයි. මාක්ස් පැවසුවේ හේගල්ගේ මේ අදහස විඥාන වාදී එකක් කියායි.
In the Phenomenology of Spirit, which presents Hegel’s epistemology or philosophy of knowledge, the “opposing sides” are different definitions of consciousness and of the object that consciousness is aware of or claims to know.

 මාක්ස් මෙය ඔලුවෙන් හිටවූවා යයි කියන්නේ  එය ඔහු භෞතිකවාදයට සම්බන්ධ කළ නිසාය. මාක්ස් මේ තීසිස් , ඇන්ටි තීසිස් සහ සින්තෙසිස්  විඥානයට  සම්බන්ධ කොටස  ප්‍රතික්ෂේප කළේය. ඔහු දයලෙක්තික භෞතිකවාදය සැලකුවේ භෞතිකවාදයේම (materialism) කොටසක් ලෙසය. මාක්ස් ස්වභාව ධර්මයේ ප්‍රතිවිරෝධයන් තුලින් නව භෞතිකවාදී නිරූපණයක් අදහස් කළ අතර මාක්ස් හා එංගල්ස් ට  අනුව  ප්‍රයෝගික දේශපාලනයේ  දේශපාලනික ප්‍රතිවිරෝධයන් තුලින්  නව දේශපාලන  ක්‍රමයක් බිහිවීම වැලැක්විය නොහැකිය. එසේත් නැත්නම් සමාජ ප්‍රගමනයේදී (පරිණාමයේදී ) පෞරාණික සමාජයේ පන්තීන් අතර ප්‍රති විරෝධයෙන් නව සමාජයක් බිහිවේ. එනම් දියුණුව හට ගන්නේ භෞතිකවාදී අරගලයන් තුලිනි. එනම් තිසිසයේ හා ඇන්ටි (ප්‍රති විරෝධී) තීසිසයේ  වර්ධනයෙන් හටගන්නා සින්තෙසිසය මගින් තීසිසය  හා ඇන්ටි තීසිසය නිශේධනය වේ.  මාක්ස්ට අනුව හේගල්ගේ විඥාන වාදය ප්‍රතික්ෂේප කළවිට ඉතිරිවන්නේ, ඉතිහාසය නිර්මාණය වනුයේ  සමාජය තුල පන්තීන් අතර ප්‍රතිවිරෝධතාවය  තුලින් හටගන්නා  අරගල වලින් බව හා එය නිශ්චිත කරන සාධකය ආර්ථිකය බවත්ය.

ලෙනින් විසින් ඇතුලත් කලේ කුමක්ද?
කෘප්ස්කයා ගේ චීත්තය පිලිබඳ ලෙනින් ගේ සටහන් නොවේ 

ලෙනින් විසින් හෙගලියන් දයලෙක්තිකයේ භෞතිකවාදී  ප්‍රතිලෝමය පැහැදිලි කරන ලදී.   සදාචාරාත්මක මුලධර්ම  මත පන්ති ප්‍රතිවිරෝධයන් (අරගල) පවතින බව ලෙනින්  සඳහන් කළේය. (නරෝද්නික වාදයට හෙවත් විප්ලවය සඳහා දේශපාලන  විරුද්ධ  ගේ ඝාතනයට ලෙනින් එක හෙලාම විරුද්ධ විය. (සැ.යු: ස්ටාලින්, පොල්පොට් ගේ සිට විජේවීර  දක්වා - ලෙනින්ට එරෙහිව  යාම)

එසේම ලෙනින් විසින් භෞතික විද්‍යාවේ ප්‍රමේයයන්හි  පරිණාමය (හෙල්ම්හොල්ට්ස්) , චාල්ස් ඩාවින් ගේ පරිණාමවාදය හා කාල් මාක්ස් ගේ දේශපාලන ආර්ථික විද්‍යාව එකට ගොනු කළේය. (convergence)
දැන් මෙහි පුදුමයට පත්කරවන දෙය නම්   මාක්ස් ගේ (මාක්ස්වාදයේ) දයලෙක්තික භෞතිකවාදය -  දයලෙක්තික භෞතිකවාදය  හා එංගල්ස් ගේ ඓතිහාසික භෞතිකවාදය නමින් වඩා පැහැදිලි ලෙස නිරූපණය කරමින් ග්‍රන්ථයක් සම්පාදනය කළේ ස්ටාලින් වීමය.

ඔක්තෝබර් (නොවැම්බර්) විප්ලවයෙන් (1917)  පසු  දෙබෝරින් ගේ නායකත්වයෙන් "දයලෙක්තිකවාදීන්" හා නිකොලායි බුහාරින්  ගේ නායකත්වයෙන් "යාන්ත්‍රිකයන්"  යනුවෙන් සෝවියට් දේශපාලන  දර්ශනවාදය දෙකොටසකට බෙදුණි.  මෙහිදී ලෙනින් ගේ නව ආර්ථික පිළිවෙතට පක්ෂව සිටි බුහාරින් ලෙනින් ගේ මරණයෙන් පසු ස්ටාලින් ගේ "තනි රටක සමාජවාදය" තියරියට එකඟ විය. මෙහි ප්‍රතිඵලය  වුයේ එයට විරෝධය පළ කල  ට්‍රොට්ස්කි,සිනොවියෙව් , කාමනෙව් (ආචාර්ය නලින් ද සිල්වා මහතා නිතර පවසන  යුදෙව් විප්ලවවාදීන් ) සෝවියට් කොමියුනිස්ට් පක්ෂයෙන් නෙරපා දැමීමයි. දෙදෙනෙකු  පසුව දේශද්‍රෝහී ලේබලය යටතේ මරා  දමන ලදී (ට්‍රොට්ස්කි මරා දැමුනේ පසුවය) .
  කොසක් වරුන් හා සමුහ ගොවිපල ක්‍රමයට විරෝධය පාන ගොවීන්  මරා දමමින්, බලයෙන් සමූහ ගොවිපලවල් ඇති කිරීමේ ස්ටාලින් ගේ   ප්‍රතිපත්තියට විරෝධය පෑමේ වරදට දේශද්‍රෝහියකු ලෙස   1937 දී   ඝාතනය කරන ලදී.
ස්ටාලින් විසින් තම මිත්තනිය ගේ චිත්තය පිලිබඳව ලියු  සටහන් නොවේ 
තනි රටක සමාජවාදය ලෙස ඒකාධිපති රාජ්‍යයක් පිහිටුවීමට ස්ටාලින් දියාමත් (diamat) හෙවත් දයලෙක්තික භෞතිකවාදය ම උපයෝගී කර ගත්තේය. දයලෙක්තික  සහ ඓතිහාසික භෞතික වාදය නමින් 1938 දී ස්ටාලින් චිසින් පොතක් පළ කළේය. පසු දවසක මේ පොත ගැන විවේචනයක්   ඉදිරිපත් කරමි. කෙසේ වුවද වැදගත්ම කරණය වන්නේ ඉන්පසුව සෝවියට් විද්‍යාව, සමාජ අධ්‍යයනය හා විද්‍යාත්මකව ඉතිහාසය අධ්‍යයනය කිරීම  සඳහා එහි  වර්ධනය ට හෝ එහි සීමා සහිත බවට ස්ටාලින් ගේ ඔර්තොඩොක්ස් (පැරණි සම්මත) දර්ශනවාදය තදින් බල පෑමයි.

ට්‍රොට්ස්කි විසින් මෙක්සිකෝවේ සිට පොත් සහ පත්‍රිකා ලියමින් ඉදිරිපත් කළේ ස්ටාලින් විසින් පිටුවහල් කළ මාක්ස්, එංගල්ස් හා ලෙනින්ගේ දර්ශනයේ ම ස්ටාලින් වසා දැමූ කොටසය.

අද වන විට ඇමෙරිකාවේ ඩෙමොක්‍රටික් පක්ෂයේ  මෙන්ම බ්‍රිතාන්‍ය යේ කම්කරු පක්ෂයේ ත්  යුරෝපයේ ඇතැම් සමාජ ප්‍රජාතන්ත්‍රවාදී පක්ෂ වල ත් ,  ඇතැම් දක්ෂිණාංශික එහෙත් වමට බර පක්ෂ වලත්  දේශපාලන දර්ශනයට එම අදහස් දැඩි බලපෑමක් කරන ලදී. ක්ලින්ටන්, ඔබාමා, මෙර්කල්  ඇතුළු කණ්ඩායම කිසියම් ආකාරයකට  පුටින්, ට්‍රම්ප් විරෝධී වන්නේත් තමන් ලෝකයේ ඇතැම් පැතිවල අප්‍රසාදයට පත් වුවද ගඩාෆී වැනි ඒකාධිපතියන්ට විරුද්ධ වන්නේත් මේ අනුවය. බ්‍රිතාන්‍යයේ තෙරේසා මේ ඇතුළු කොන්සර්වටිව් රජයට කෙලින්ම ට්‍රම්ප් ට සහයෝගය දීමට අපහසුද මේ කාරනාව නිසාය.  ට්‍රම්ප් බොහෝ විට ආපසු හැරෙනු ඇත.

ශ්‍රී ලංකාවේ එදා සිට අද දක්වාම තම ස්ථාවරය වෙනස් නොකර ට්‍රොට්ස්කිවාදී දේශපාලනයේ දී සිටින්නේ ආචාර්ය වික්‍රමබාහු  කරුණාරත්න මහතාය. මතුගම ආනන්ද ශාස්ත්‍රාලයේත් , කොළඹ ආනන්ද විදුහලේත් උගත් ඔහු ලංකා විශ්ව විද්‍යාලයෙන් විදුලි ඉංජිනේරු උපාධියක්  ලත් අයෙකි. (මොස්කව් විදුලිබල තාක්ෂණික විශ්ව විද්‍යාලයෙන් විදුලි ඉංජිනේරු උපාධියක් ලැබීම ගැන මම අදත් සතුටු වෙමි. සමහර විට එකම ආකාරයෙන් සිතීමට උදව්වක් වෙනවා දැයි නොදනිමි)  වික්‍රමබාහු මහතා පසුව ශිෂ්‍යත්වක්  ලබා එංගලන්තයේ කේම්බ්‍රිජ් විශ්ව විද්‍යාලයට ඇතුලත්ව තම දර්ශනවාදී උපාධිය (PhD)  ලබා ගත්තේය.

ආචාර්ය  වික්‍රමබාහු ශ්‍රී ලංකාවේ ජාතිවාදයට එරෙහි තම මතය ඉතා අපකීර්තියට පත්වූවද ඒ වෙනුවෙන් පෙනී සිටි අයෙකි. එසේම පසුගිය කාලය පුරා  නව ලිබරල් රනිල් ගේ රජයට යම් ප්‍රතිපත්තීන් සඳහා සහය දෙන අයෙකි.  ඔහු ඒකාධිපතිවාදයට විරුද්ධ නිදහස් කාමියෙකි.මේ අනුව ඔහු සිටගෙන ඇත්තේ ඔහුට වඩාත් සුදුසු තැනය . ට්‍රම්ප් /පුටින් අක්ෂය සමග ඔහුට එක්විය නොහැකිය.  ලෝක දේශපාලනයේ දයලෙක්තික ප්‍රතිවිරෝධය ගැන හොඳ අවබෝධයක් ඔහු සතුව ඇති බවට මට හොඳ විශ්වාසයක් තිබේ.
රනිල්ට දයලෙක්තිකය උගන්වන බාහු
රනිල් ගැන මා 2014 දී "දක්ෂිනාංශයෙන් සමාජවාදයක් පැතීම හා මාක්ස්වාදී රනිල් " යනුවෙන් ලියූ ලිපියක් මෙතැන ඇත. රනිල් ගේ නිදහස්වාදී පරිපාලනයට කොක්ක දමන්නේ කවුද යන හොඳටම පැහැදිලි බව එකකි. රනිල් ඉතා දුර්වල නායකයෙකු බවට චෝදනාවක් තිබේ. රනිල් බැදුම් කර මගඩිය සමග සම්බන්ධ වුනු බවට චෝදනාවක් තිබේ. බැදුම්කර යනු වර්තමාන ධනවාදී ලෝකයේ ආර්ථිකය  කැරකෙන දැති රෝද  රාශියෙන්  එකකි. ඔහුට විරුද්ධව කටයුතු කරන අක්ෂය සිටින්නේ පුටින්/ට්‍රම්ප් අක්ෂයේ හෙවත් ඒකාධිපතිවාදය පසසන අක්ෂයේය.  නමුත් වික්‍රමබාහුට ඊට විරුද්ධ ස්ථාවරය ගැනීම හැර වෙන කළ හැකි දෙයක් නැත. ලෝකයේ ට්‍රොට්ස්කිවාදී බලපෑම ඇත්තේද එතනය. නව ලිබරල්වාදී ආර්ථිකයට විරුද්ද්ධ වුවද ඔවුහු ඒකාධිපතිවාදී රාජ්‍ය ධනවාදයට එලෙසින්ම විරුද්ධ වෙති. කෝබින් ගේ වර්තමාන බ්‍රිතාන්‍ය කම්කරු පක්ෂයේ ට්‍රොස්කිවාදී බලපෑම ප්‍රබලය.

වර්තමාන බටහිර සමාජයේ ජිජැකියානු දර්ශනවාදය හා ලැකානියානු මනෝ විශ්ලේෂණයන් ගේ බලපෑම  අර ඉහත  සදහන් කල සෝවියට් දේශයේ රාජ්‍ය ධනවාදයේ පරාජයට බල  පෑ සංස්කෘතික බලපෑම සමග සංසන්දනය කරන්න.  (දෙවැනි ලිපිය) එය ශ්‍රී ලංකාවේ ප්‍රචලිත කළේ හා කරමින් සිටින්නේ දීප්ති කුමාර ගුණරත්න  ගේ කණ්ඩායමය. අනිකුත් ප්‍රධාන වාමාංශික පක්ෂ හා කණ්ඩායම් තරමක් දුරට ඒ   ගැන සංවේදී වුවද තවමත් සිටින්නේ ස්ටාලින් ගේ දයලෙක්තික යකඩ කූඩුවේය.

එසේ නම්  අනුර කුමාර, කුමාර් ගුණරත්නම්, දීප්ති කුමාර ගුණරත්න ගේ භූමිකාවන් ගේ අනාගතය කෙබඳු විය හැකිද? ප්‍රධාන රටවලින් ලංකාවට ඇතිවන බලපෑම ජාතිවාදී පිබිදීමකින් පරාජය කළ හැකිද?

මුලාශ්‍ර :Dialectical materialism
~ මතු සම්බන්ධයි 

Sunday 11 March 2018

සෝවියට් විවාහ හා ජෙහාන් ට්‍රොට්ස්කි - 2

සෝවියට් දේශය බිඳ වැටීමෙන් පසු නැවත රුසියාවට පැමිණි එඩි හන්ටින්ටන් USSR ගීතය ගයන අයුරු පහත  වීඩියෝවේ.

සෝවියට් විවාහ හා ජෙහාන් ට්‍රොට්ස්කි - 1ලිපියේ  මුලින් සඳහන් කළ හැසිරීම් සෝවියට් දේශයේ බහුල දෙයක් නොවේ. එය අද බටහිර සමාජයේ වුවද  සුළුතරයක් අනුගමනය කරන ජිවන රටාවකි. ලිපියේ මුඛ්‍ය අදහස වූයේ එවැනි නිදහසක් තිබු බව කීමට මෙන්ම ලෙනින් සහ ට්‍රොට්ස්කි ගේ සුක්ෂම මොලයෙන් විප්ලවය මෙහෙයවුවද ඔවුන් සාමාන්‍ය ලෙස ජීවත්වූ බව කියන්නටය.

සෝවියට් විවාහය පිලිබඳ ප්‍රබල වෙනස් කම් 1936න් පසුව ඇතිවුණු බව මුල් ලිපියේ සඳහන් කලෙමි. වසර 1926 ප්‍රධාන වෙනස් කම් දෙකක් කරන ලදී. විවාහය ලියා පදිංචිය රජයට අවශ්‍ය දෙයක් ලෙස සැලකුණි. එකට ජීවත්වීමට බාධාවක් නොමැත. දික්කසාදය තවත් ලිහිල් කරන ලදී. එනම් උසාවි යාමක්  නොමැතිව දික්කසාදය ලියා පදිංචිය පමණක් ප්‍රමාණවත් විය. කාන්තාවන්ගේ  විවාහ වයස 18 දක්වා දික් කරන ලදී.

ස්ටාලින් ගේ පාලන සමයේ  ගබ්සාවන් කිරීම (1936 දී)  තහනම් කරන ලදී. දික්කසාදය වඩාත් අපහසු විය. දෙපාර්ශ්වයම සිවිල් විවාහ දෙපාර්තමේන්තුවට (ශාඛා වලට)ගොස් දික්කසාදයට මුදල් ගෙවිය යුතු විය. දික්කසාද වූ බවට ගමන් බලපත්‍රයේ සටහනක් වැටුණි. මෙය සමහරවිට අවාසිදායක විය.

දෙවන ලෝක යුධ සමයේ 1944 ජුලි 8 දා සම්මත කල පනතින් රාජ්‍ය ධනවාදය වඩා තහවුරු කරමින් විවාහය ලියාපදිංචි කර නොමැති නම් කිසිම දේපලක සාමුහික අයිතිය අහිමි කරන ලදී. නිවෙස් මිලදී ගැනීමට අවසර නොතිබූ මේ කාලයේ කෙනෙකු සතුව තිබෙන ඕනෑම දෙයක අයිතියට මේ නීතිය බල පෑවේය. එකට ජිවත් වන කසාද නොබැදි අය සඳහා වූ නීති මාලාවේ  අංක 8 කොටස අහෝසි කෙරිණි.
දික්කසාද වීමට නම් ඒ සඳහා අය කරන මුදල ගෙවීමට අමතරව පුවත් පත් දැන්වීමක්ද පල කල යුතු විය. දෙපාර්ශවයේම චෝදනා විභාග කරන ලදී.

කොමියුනිස්ට් පක්ෂයේ නිලධාරීන්  කිසිවෙකුට දික්කසාද වීම ඉතා අපහසු විය.  පසුව පැවති  ලියොනිඩ් බ්‍රෙශ්නෙව් ගේ ( ජනාධිපති/පක්ෂ ලේකම්) සාපේක්ෂව නිදහස්  කාලයේ මෙන්ම  අප උගත් කාලයේදීත් (අසූව  දශකයේ) එය එසේම විය. සාමාන්‍ය වැසියන්ට වඩා උසස්  සමාජ දර්ශනයකින් හා උසස් විප්ලවීය මනසකින් යුත් කොමියුනිස්ට් පාක්ෂිකයන් දික්කසාද වන්නේ නැත යන මතයක් සමාජගත කර තිබුණි.  ඒ දිනවල වෙන්ව ජිවත් වන සැමියා වෙනම නිවාඩුව  ගත කිරීමට යන අතර බිරිඳ වෙනත් පෙදෙසක නිවාඩුවට තනියම යයි. බොහෝ අවස්ථාවල  දෙදෙනාම තාවකාලික පෙම්වතුන් සොයා ගනී. මෙවැනි  දේ ප්‍රසිද්ධ  රහස්ව පැවතුනි. එවැනි කොමියුනිස්ට් පක්ෂ නිලධාරීන් වූ කාන්තාවන්, සැමියා ගෙන් වෙන්ව, එහෙත් එකම නිවසේ ජිවත්වන්නේ රැකියාව සහ නිවස රැක  ගැනීමටය. නමුත් ඔවුන්  විදේශික ශිෂ්‍යයන් මෙන්ම වෙනත් නගර වලින් පැමිණියවුන්  සමග ආදර සම්බන්ධතාවයන්  පවත්වාගෙන ගියහ.

සමලිංගික සේවනය තහනම් නීතියෙන් දඬුවම් ලැබිය හැකි වරදක් විය. නමුත් මා වෙනත් ලිපියක සටහන් කළ පරිදි දික්කසාද අසීරු වුවත් බ්‍රෙශ්නෙව් ගේ කාලයේ දික්කසාද ක්‍රමයෙන් වැඩි විය. බොහෝ කාන්තාවන් තනි දරුවෙකු සාදාගෙන තනිව ජිවත් වීමට වඩා  කැමැත්තක් දැක්වූහ.

සෝවියට් දේශයෙන් පිටුවහල් කළ ට්‍රොට්ස්කි මුලින් තුර්කියේ ජිවත් වුනු අතර පසුව මෙක්සිකෝවට පලා ගියේය. වාමාංශික මිලිටන්ට් පන්නයේ ට්‍රොට්ස්කිවාදී ව්‍යාපාර හැර අනිකුත් ප්‍රධාන දහරාවේ ට්‍රොට්ස්කිවාදී පක්ෂ වඩා  ප්‍රගතිශීලි රජයන් සමග කටයුතු කිරීමට  පටන් ගති. එසේම මුලින් ට්‍රොට්ස්කිවාදිව සිටි දේශපාලන ක්‍රියාධරයන් වෙනත් ප්‍රධාන දහරාවේ දේශපාලනයන්ට එක්වන්නට විය. බොහෝ අය සමාජ ප්‍රජාතන්ත්‍රවාදී පක්ෂ සමග එකතු විය.
බටහිර දක්ෂිණාංශික සමාජ ක්‍රමයෙන් වෙනස් වන්නට වීය.

සෝවියට් දේශයේ සිදුවුයේ කුමක්ද?
අසූව දශකය වනවිට ඇතැම් බටහිර වාදක කණ්ඩායම් සෝවියට් දේශයට ගෙන්වන ලදී. බොනි එම්  සංගීත කණ්ඩායම 1978 දී මොස්කව් වල සංදර්ශනයකට  පැමිණියහ. (ඉහත  වීඩියෝව බලන්න)  විශ්ව  විද්‍යාල ආදියේ  පැවති ඩිස්කෝ සැන්දෑ හැඳින්වුයේ ඩිස්කොටෙකා(තේකා) යන නමිනි.

සෝවියට් ඩිස්කෝ එකක්.

ඉතාලියානු ගායක  යුවලක් වන රිචී හා පොවෙරි මෙන්ම ටොටෝ කුටුඥෝ ද සෝවියට් දේශයේ ඉමහත් ජනප්‍රිය විය. පහත ඇත්තේ  ඉතාලියානු ගායිකා යුවල 1986 දී මොස්කව් හි කල ප්‍රසංගයයි.


ඉන්පසු එක දිගට ඔටාවන්, මොඩර්න් ටෝකින් , සි සී කැච් (ජර්මන් ), බනානරාමා  ආදීන්  මොස්කව් වන්දනාව කළහ.

ඔවුන්ගේ ගීත සෝවියට් ඩිස්කෝ සැන්දෑ වල ඉමහත් ජනප්‍රිය ඒවා විය. ක්‍රම ක්‍රමයෙන් ස්ටලින්වාදීන් ට නොදනුත්වම ඔවුන්ගේ දෙපය යටින් කාපට්  එක ඇදීමට සෝවියට් දේශයේ ඉතිරිව සිටි ට්‍රොට්ස්කිවාදීන් හා ලෙනින් වාදීන් සමත්වූහ. නීතියට බියව සිටි ස්ටාලින්වාදී සෝවියට් වැසියාගේ සංස්කෘතික  මනස ක්‍රම ක්‍රමයෙන් ආක්‍රමණය කරන ලදී .  අප වැනි විදේශික ශිෂ්‍යයන් ලවා සෝවියට් දේශයේ තහනම් ගීත කණ්ඩායම් වන බ්ලැක් සබාත් ආදීන්ගේ ගීත තැටි පවා ගෙන්වා ඇසීමට  රුසියානුන් නිර්භීත වූහ.

දැන් මගේ මුල් ලිපිය වන බංගලි ගමයා ගේ සෝවියට් නංගි නැවත කියවන්න.  ලිපියේ සඳහන් ස්වේතා නමැති තරුණිය නොකළ එක දෙයක් විය. ඇය කිසිම විටෙක නේවාසිකාගාරයේ ස්තුඩ් සවියේත් හෙවත් ශිෂ්‍ය පාලනයේ කිසිවෙක් සමග කිසිම ඇසුරක් නොපැවැත් වූවාය. බංගලි සිසුවා  කසාද බැඳීම දක්වා ඇගේ  ගමන් මග තුල ඇය පාලනයට විරෝධය පෑවේ  ඔවුන්ගේ සදාචාර නීති කිසිවක් නොතකමිනි. ඒ ඇය විරෝධය පල කිරීමට අපහසුම තැනක විරෝධය පල කළ අයුරුයි.

දෙවන ලිපියේ දීමා වෙළඳම්  කළේ නීතියට පටහැනිවය. එසේම ඔහු විසින් බිරිඳට අමතරව  ඇසුරු කළ එක තරුණියක පළාතේ පක්ෂ ලේකම් කෙනෙකුගේ දියණියකි.  ඒ තරුණිය ඔහු සමග ගනුදෙනු කරන්නන්ට හඳුන්වා දීමටද ඔහු නොමසුරු විය. ඒ සෑම  අවස්ථාවකම  දීමා  ඇගේ පියා ගැන මතක් කිරීමට  අමතක නොකරයි. ඒ තරමක් අසාධාරණ ලෙස හෝ දීමා තම විරෝධය පල කළ අයුරුයි.

ජර්මනියේ 1800 ගණන් වල සිට පැවති දෙයක් වන  ෆ්‍රී බොඩි කල්චර් හෙවත් නිදහස් ශරීර සංස්කෘතිය නැගෙනහිර ජර්මනියේ ඉතා ප්‍රසිද්ධව අනුගමනය කරන ලදී. (Freikörperkultur (FKK) is a German movement whose name translates to Free Body Culture. It endorses a naturistic approach to sports and community living. Behind that is the joy of the experience of nature or also of being nude itself, without direct relationship to sexuality.  -wikipedia )

බටහිරට ඉතා ආසන්න  දේශ සිමාවේ නිසාම නැගෙනහිර ජර්මනියේ ස්ටාසි රහස් පොලිසිය දැඩි පාලනයක් ජර්මන් ජනතාව  අතර ගෙන ගියහ. නැගෙනහිර ජර්මනියේ  වෙරළ ආසන්නයේ, වැව් ආසන්නයේ හා තුරින්ගියා කැලෑ ප්‍රදේශයේ   නිරුවත් ජනපද (nudist colony) බොහොමයක් විය.මේ සංඛ්‍යාව බටහිර ජර්මනියට හෝ ස්වීඩනය ආදී රටවලට වඩා  වැඩිවිය. මෙය ලිංගික නිදහසට කිසිසේත් සම්බන්ධ නොවිය. මිනිසුන් වැඩිපුරම රජයට තම විරෝධය පළ  කලේ වෙරළ ආදී ප්‍රසිද්ධ ස්ථාන වල නිරුවත් වීමෙනි. තමන් අතර ස්ටාසියට සම්බන්ධ කෙනෙකු නොමැති වීමට නම් එසේ කළ  යුතු බව ඔවුන්ට වැටහී තිබුණි.

නැගෙනහිර ජර්මන් වාසීන් බොහෝවිට බටහිර රේඩියෝ සේවාවන් ශ්‍රවණය කළ අතර  බටහිර ගීත හරහා ප්‍රබල සංස්කෘතික ආක්‍රමණයක් ඇතිවිය. මේ සංස්කෘතික වෙනස ඇති කිරීමට බොහෝ සමාජ ප්‍රජාතන්ත්‍රවාදී හා ට්‍රොස්කිවාදී පක්ෂවල අනියම් සහය හිමි විය.
ට්‍රොට්ස්කි ගේ ජීවිතය ස්ටාලින් ගේ නියමයෙන් දරුණු ලෙස අවසන් කළද ට්‍රොට්ස්කිගේ සැලසුම පරාජය නොවිය.

බටහිර ගීත සමග ආ සංස්කෘතික  රැල්ල සෝවියට් දේශය  හරහා යාමට ගතවූයේ ඉතා සුළු කාලයකි.

පහත වීඩියෝවේ  ඇත්තේ සෝවියට් දේශය බිඳ වැටුණු පසු මොස්කව් වල පැවති ඩිස්කොටෙකා එකක ගීත ගයන බටහිර සංගීත කණ්ඩායම්ය. (2014)  තරුණ තරුණියන් සමග අවසාන සෝවියට් පරම්පරාවද මෙහි සිටී .

වැඩි දුර කියවන්න. 
~ මතු සම්බන්ධයි  

Tuesday 6 March 2018

ඔන් යුවර් මාක්, ගෙට් සෙට්, ගෝ!

-අයීයේ මේ මොකද වෙන්නේ දැන් 
උඹ කලබල නැතුව ඉඳහන්, ඕකට කියන්නේ බටර්ෆ්ලයි එෆෙක්ට් කියල කොළඹ සිංහලෙන්

-ඒ කිව්වේ 
ඒ කිව්වේ උඹට දෙන්න තියෙන්නේ පොඩි තල්ලුවක් විතරයි ඉතුරු ටික ඉබේම වැටෙනවා හරි තැනට

-අයිය කියන්නේ මේ ඔක්කොම අයිය කරනවා කියලද 
නැහැ බං , දැන් බලපන් අපි වෙබ් අඩවි දෙක තුනකින් වඳ පෙති කතාව  පතුරවල ඇරියා

-ඔව් 
ඊට පස්සේ ඕක අල්ල ගත්ත කවුද ගොනෙක්   පාන් පිටි ගුලියකට ගේම ඉල්ලුව , ඉතින් එතැන සෙට්

-හරි ඒත් තඹුත්ත විලේජ් එක අයිය නෙමෙයිනේ 
ඔය ඉතින් බලපන්කො උඹට මං ගැන විශ්වාසයක් නැහැනේ , දැන් ඔය බෝතල් හදන ව්‍යාපෘතිය කාගේද

-අර ඇස් පුංචි සුදු ආසියන් කට්ටිය  ගෙනේ 
 දැන් ඒගොල්ලෝ  ඕන වෙලා තියෙන්නේ කාටද

-අර  ඉල්ලා අස් වෙන්නැති අරයටනේ 
දැන් එතකොට අපේ ලොකු අයිය එකපාරක් අයින් කලේ කවුද

- අර ඉල්ලා අස් වෙන්නැති අරයනේ 
දැන් ලොකු අයිය විරුද්ධ කාටද

- අපිට අර ණය හුඟආක් දෙන මාඕ ඌඕ ගෙන් පැවත එන 
 හරි හරි ඇස් පුංචි සුදු අයිය කියපන්කො

-ඔව් ඉතින් මට තේරෙන්නේ නැහැ එහෙම කොහොමද ගොවියෝ එන්නේ අයියේ. ඔය වතුර බෝතල් දෙන එක උන්ට හොඳයි නේ. වකුගඩු අමාරුවට නේද 
එහෙම හොඳක් නැහැ බන්. වතුර ඒ පැතිවල නැහැනේ. දැන් බලපන් ගොනෝ බැස්සා ඉන්නේ කාත් එක්කද දැන්

-ලොකු අයිය එක්ක 
ඉතින් ලොකු අයියා බැස්ස හරහා ගේම දෙනවා එතන . ඕන අරගලයකදී ඉදිරියට එන උතුම් ප්‍රතිපත්තිය මත අර වමේ කට්ටියගෙන් කට්ටියක් සපෝර්ට් එකට යනවා

-ඉතින් 
ඉතින් යකෝ කවුද අසමජ්ජතියෝ ටිකක් ගල් ගහනවා පොලිසියට , පොලිසිය නෙලනවා , බුකිය උණුසුම් , වමේ කට්ටිය සාකච්චා දෙනවා, ඔක්කොම ගොඩ , ආ මට මතක් කරපන් සල්ලි යවන්න අරුන්ට , චෙක් එපාලු, වැඩිය දෙන්න ඕනේ නැහැ. ගල් විතරනේ  පාවිච්චි කළේ

-අයිය කියන්නේ බොන ඒවත් එක්කටද 
ඔව්  බං

-අයීයේ  එතකොට  මේ දෙල් තෙනි  වැඩෙත් අයියද 
යකෝ ගොනෝ මම දැන් කිව්වේ  බටර්ෆ්ලයි එෆෙක්ට් කියල, දැන් බලපන් අර අන්තවාදී සෙට් එකත් පෙළපාලි යයි. පිටරටවල පත්තර වල වැටෙයි. තව හිර වෙනවා.  කොහොමත් ලොකු අයියා සතුටෙන් ඉන්නේ ඒකටත්

-ඒත් අයියේ මට හිතට අමාරුයි , අහිංසක කොල්ලෝ දෙන්නෙක් ගියානේ , අනේ අයියේ 
ඒකට අපි මොනවා කරන්නද බන්. අපි කලේ කට්ටියට ඒ පැත්තට යන්න  කියල මැසේජ් දෙන එක විතරනේ.ඕන කෙනෙකුට අවමංගල උත්සව වලට ගිය හැකිනේ

-අයියේ එතකොට අර ලොක්ක ගේන්න කලා වගේ වැඩක්ද මේකත්. අර කමිස ඉල්ලගෙන ඇඳන් යන සීගිරි  අයියව අල්ලලා අයිය මරු ගේමක් දුන්නේ , අර ඇමෙරිකාවේ හිටපු   කොට පොර මහතා  නම් කියන්නේ එයා දුන් ගේම කියල 
පොර එහෙම හිතාගෙන හිටපු දෙන්. කමිස දීල අල්ල ගත්ත හැටි මරු නේද, පොර අන්තිමට  උගේ පක්ෂේ හිර කරලා ඒකෙ සහයෝගේත්  ලොක්කට අරන් දීල, අපිව ගොඩ දැම්ම. ඒවා තමයි මල්ලි ගේම් ඈ.

-ඒත් අයියා ලොක්කව  යවන්නත් ගේම දුන්නනේ 
ඒ බං ඉතින් ලොක්ක අපිව අත ඇරලා අරුන් එක්ක සෙට් වුනානේ

-ඒ වුනාට ඉතින් ලොක්ක ගාන දුන්න  නේද පරණ වැඩේට 
ලොක්ක දන්නවා බන් මේවා බිස්නස් කියල. ඒ මනුස්සය තරහ නැහැ අපි එක්ක. ඒ මනුස්සය එක්ක එක අතකට වැඩ කරන්න ලේසියි. ඕන දෙයක් තේරෙනවා , මුන් වගේ නෙමේ

-දැන් ලොක්කව ගේනවද  අයියේ ආපහු 
පිස්සුද බං, දැන් අපිට අහවලා  ඉන්නවනේ , ඔහොම ඉඳපන් මෙහෙම යන්න  ඇරලා, මං කියන්නම් උඹට මොකද්ද කරන්න  ඕනේ කියල.  අඹරවන්න පුළුවන්  තව ටිකක් .


- මේ දවස් වල සීතල නිසා හිටි හැටියේ ලියු  ප්‍රබන්ධයකි. පාත්‍ර වර්ගයා ඇමෙරිකානු ජාතිකයන්ය.

Sunday 4 March 2018

සෝවියට් විවාහ හා ජෙහාන් ට්‍රොට්ස්කි - 1

මේ ලිපියට ලියන ලද හැඳින්වීම - බංගලි ගමයා ගේ   සෝවියට් නංගි 
ජෙහාන් ලෙනින් ගැන කතා කරන විට සමහරු වරදවා වටහා ගත්තේ ලෙනින් ද "අර" කූඹි ජෙහාන් ලෙසටය. මම ජෙහාන් යෙදුම  භාවිතා කරන්නේ එයින් කියන්නට යන්නේ කුමක් ගැනද යන්න වෙනත් යෙදුම් නොමැතිවම ඉබේම වාගේ පැහැදිලි වන නිසාය.
රැසියන් පැරණි ග්‍රීෂ්ම, වසන්ත සමයට  නිවසක් (දාචා එකක්) 

මා දැන  සිටි සිසුන් දෙදෙනෙක් (ඔවුන්ගේ නම් ගම් මේ කතාවට අවශ්‍ය නැත)  සමග දීමා යන නමින්  රුසියානුවෙකු යහළු වී සිටියේය. ඒ වෙළඳම් කිරීමටය. ඔහු විදේශික  සිසුන් බටහිරින් ගෙනා භාණ්ඩ විකුණා දී  ලාභයක්  ගන්නා අයෙකි. ඉංජිනේරුවකු වූ ඔහුට  මොස්කව් වල  ටගන්ස්කයා පෙදෙසේ ක්වර්තිරා හෙවත් තට්ටු නිවසක් ද කුස්මින්කි නම් පෙදෙසෙන් එහාට වන්නට පද් මොස්කව් හෙවත් මොස්කව් නගර සීමාවෙන් පිටත (මහා මොස්කව් ප්‍රදේශයේම ) දාචා එකක් ද තිබුණි. දාචා යනු ග්‍රීෂ්ම නිවාසය. ඒවායේ එළවලු වගා කිරීමට ඉඩකඩද, (sauna) සෞනා හෙවත් ඇඟ  උණුසුම් කර ගැනීමට ගල් අඟුරු වලින් රත් කරන කාමරයක්ද බොහෝ විට තිබේ. රුසියානුවෝ සෞනා ඇතුලේ සිටින්නේ නිරුවතිනි. බොහෝ විට තුවායක් එහි ඇති බංකුවල එලා ගනිති. මෙය යුරෝපයේ සෞනා වල ද එසේය. නමුත් එංගලන්තයේ පිහිනුම් සඳහා අඳින ඇඳුමක් හැඳ සිටිය යුතුය . (වික්ටෝරියානු සදාචාරය)
රුසියානු දාචා වක නවීන සෞනා එකක් 

ඇතැම් රුසියානුවන් ගේ සැන්දෑ සාද  වලට තරුණයන් තරුණියන්, ගැහැනුන් මිනිසුන් එක සමානව ගෙන්වීම සිරිතකි. නැතිනම් ඇතැම් අයට යහළුවෙක් හෝ යෙහෙලියක් නැතිවන නිසාය. මේ වර්ගයේ සාද  ගැන අදහසක් ලැබෙන්නට ඇතැයි  සිතමි.  මේවායේ වොඩ්කා හා කල්බසා (සොසේජස් වර්ගයක්) ද නොයෙකුත් සලාද වර්ගද හොඳට කෑමට තිබේ. (කඩ වල කෑම නොතිබුනාට)

දීමා නිතර කියන යෙදුමක් තිබේ. "සොත්සලිස්මා ඒත, ත්වයියා ෂෙනා මයියා , අ මයියා ෂෙනා ත්වයියා "යනුවෙනි. "සමාජවාදය යනු උඹේ බිරිඳ මගේ, මගේ බිරිඳ උඹේ "(socialism is, your wife is mine , my wife is yours). මා කියන සිසුන් දෙදෙනාට දීමා ගේ බිරිඳ තට්ටු නිවාසයේ දී  වරක් මුණගැසී තිබුණු අතර  ඇය රූමත් කාන්තාවක් බව සහතිකවම කීහ. රැකියාව කලේ බුහල්තෙර් හෙවත් බැංකු නිලධාරිනියක්  ලෙසටය.
හැබැයි අර දීමා  නිතර කියන යෙදුම නිවසේදී ක්‍රියාත්මක වූයේ නැත. සමහර විට මා කියන  සිසුන් දෙදෙනා කසාද නොබැඳ සිටි නිසා වෙන්නට පුළුවන්.

වරක් ඔවුන් ගෙනා වටිනා භාණ්ඩ වගයක් විකිණීමෙන් දෙගොල්ලන්ටම මහත් ලාභයක් ලැබී තිබුණි. ඉමහත් ප්‍රීතියට ට පත් දීමා ඔවුන්ට දාචා එකේ සැන්දෑවක්   ගත කිරීමට ආරාධනා කළේය.

බෝතලයකුත් රැගෙන එහෙ ගිය අපේ යහළුවන් දෙදෙනාට හමුවූයේ දිමා හා  ඔහුගේ බිරිඳත් තවත් සුරූපී රුසියානු ලඳුන් දෙදෙනෙකුත් ය. සිසුන් දෙදෙනා දීමාට යටි හිතින් ස්තුතී වන්ත වෙමින් සිටියදී  කට්ටිය කෑමට, බිමට, නැටීමට පටන් ගත්  අතර ඉන්පසු දාචාවේ ඇති සෞනා එකට ගිනි තැපීමට ගියහ.  මේ සෞනා වල සිට එක වරටම එළියේ ඇති ශීතල ජලය පිරි ටැංකියකට පැනීම රුසියානුන් ගේ සිරිතය. සිරුර ලෙඩ නොහැදී හොඳට පදම්  වන්නේ එවිටය.

තමන් දෙදෙනාට පෑදුනු රූමත් වාසනා  දෙක සමග වොඩ්කා  බොමින් කතා  කරමින් සෞනාව ඇතුලේ ගිනි තැප්පේ අපේ සිසුන් දෙදෙනාය. සිසුන් දෙදෙනා විස්මයට පත් කරමින්, වතුරට පැන්න දීමා ඉන්පසු කලේ නැවත පැමිණ රූමත් කෙල්ලන් දෙදෙනා සමග කාමරයක ට යාමයි. සිසුන් දෙදෙනා දීමා ගේ බිරිඳගේ තනි රකින්නට සෞනාවේ ඉතිරි විය. නිවසේ කෑම කාමරයට  ගොස් වොඩ්කා විදුරු තුනක් රැගෙන  පැමිණි දීමා ගේ බිරිය වැඩි වෙලා යාමට ප්‍රථම සිසුන් දෙදෙනා අතර දිගා වූවාය . දීමා නිතර කියන සමාජවාදී කතාව හෙවත් දීමා ගේ ගේම් එක ඔවුන්ට තේරුම් ගියේ එවිටය.

හැබැයි ඉන් පසුවවත් ඔවුන් ඒ ගැන මැසිවිලි නම් නොකීහ.
ලෙනින් ගේ පෙම්වතිය ඉනෙස්සා අර්මන්ඩ් 

ලෙනින් හා ඔහුගේ බිරිඳ කෘප්ස්කයා ගේ සිය විවාහ ජිවිතයේ  දේශපාලන  ක්‍රියා ප්‍රමුඛ කොට සැළකු  අතර   ළමුන් සැදීම ප්‍රමුඛ කොට සිතා නැති  බවක් පෙනී යයි. ලෙනින්ට ඉනෙස්සා ෆෙදොරෝවිනා ආමන්ඩ් නමැති ප්‍රංශ පෙම්වතියක් සිටි අතර 1919 කාලයේ කෘප්ස්කයා ට අමතරව ඇය බෝල්ෂෙවික් පක්ෂයේ ඉතා බලවත් තැනැත්තියක් වූවාය.
ලෙනින් ගේ බිරිඳ නද්යෙශ්දා කෘප්ස්කයා 
කෘප්ස්කයා හා ඉනෙස්සා අතර විරෝධයන් තිබුනද ඔවුන් තිදෙනා අතර සම්බන්ධතාවය දැඩි එකක් විය.  පැරිස් නුවර උපන් ඇය තරුණ වියේ සිට විප්ලවවාදී දේශපාලනයට යොමුවුනු අතර සෝවියට් රජය පිහිටුවීමේ කාර්යයේ ඉමහත් වැඩ කොටසක් කල කෙනෙකි. ස්ටාලින් විසින් පසුව ඉතිහාසයෙන් මකා  දමන ලද ඇය  තරුණ වියේදීම කොලරාව සැදී  1920 වසරේදී මිය ගියාය.
ට්‍රොට්ස්කි ගේ මෙක්සිකන් පෙම්වතිය ෆ්රීඩා 

ලියොන් ට්‍රොට්ස්කි ට පෙම්වතියන් කිහිප දෙනෙකුන්ම සිටි අතර ඔහු සෝවියට් දේශයෙන් පිටුවහල්  කරන විට නතාලියා නම් රුසියානු කාන්තාවක්  සමග එකට දිවි ගෙවීය. මෙක්සිකෝ හිදී ඔහු ෆ්රිඩා  කාලෝ (Frida Kahlo) නමැති චිත්‍ර ශිල්පිනියක්  සමහ ආදර  සම්බන්ධයක් පවත්වා ගත්තේ නතාලියා ට මුලින් එය සඟවමිනි .

ලෙනින් හා ට්‍රොට්ස්කි ගේ  මුලිකත්වයෙන් පිහිටවූ ළඳරු සෝවියට් සමුහාණ්ඩු වේ විවාහ නිතිය සාර්  රුසියාවේ තිබු රුසියානු ඔර්තොඩොක්ස් ආගමේ නීතියට  වඩා ලිහිල් එකක් විය.

ඔවුන් විවාහය පිලිබඳ  නියෝග දෙකක් නිකුත් කළහ. දික්කසාද නිතිය  ගැන  1917 දෙසැම්බර් 19 දාය. සිවිල් හෙවත් සාමාන්‍ය, (සාමාජිය)මහජන   විවාහයත් දරුවන් පිලිබඳ නියෝගත්  1917 දෙසැම්බර් 20 දාය. ආගමික විවාහ සම්පුර්ණයෙන්ම තහනම් කරන ලදී.

ප්‍රධාන නීතියක් වූයේ ලියා පදිංචි නොකරන ලද විවාහයකින්  තොරව උපදින දරුවන්ට විවාහයකින් උපදින දරුවනට ඇති අයිතීන් ම දීමයි. තව දුරටත් අවජාතක දරුවන් සෝවියට් දේශයේ නැත. මව නම්කරන ඕනෑම අයෙක් පියා විය.

දික්කසාදය දුන්නේද මේ සිවිල් නීතිය මගිනි. එය ඉතා පහසු විය.  දෙදෙනාගේ කැමැත්තෙන් හෝ එක් සහකරුවෙකු ගේ කැමැත්තෙන් දික්කසාදය දෙන ලදී. දික්කසාදයට හේතු දැක්වීමක් (ground for divorce ) අවශ්‍ය  වූයේද නැත. ගැහැනුන්ට වයස 16 දීත් පිරිමින්ට වයස 18දීත් විවාහ විය හැකි විය. දරුවන් සෑදීම අපහසු නම් ගබ්සා කිරීම් වලට අවසර  දෙන ලදී.

නීතිය කවරක් වුවත් ට්‍රොට්ස්කි හා සිනෝවියෙව් ආදීන් කටයුතු කලේ ධනවාදී ක්‍රමයේ පවුල නමැති ආර්ථික ඒකකය අහෝසි කර කොමියුන ආර්ථිකයක් ගොඩ නැංවීමටය. ධනවාදී සමාජ ක්‍රමයේ පවුල නමැති ආර්ථික ඒකකයත්, ආදායම  උපයන සැමියාත්  දරුවන් බලා  ගන්නා මවත් වැදගත් විය.  සෝවියට් ආර්ථිකයට සැමියා සහ බිරිඳ දෙදෙනාම වැඩ කිරීම අත්‍යවශ්‍ය විය. එනිසා ගැහැනුන්ට සම තැන දීමද අත්‍යවශ්‍ය විය.

සෝවියට් බලධාරීන් විසින් බොහෝ මාළිගා  හා ධනවත් නිවාස රජය සතු කරන ලද අතර මේවායේ කාමරවල නිවාස  නැති කම්කරුවන්, සොල්දාදුවන් ආදීන්  පදිංචි කරන ලදී. මේවා අදටත් මොස්කව් හා ශාන්ත පිතර්බුර්ගයේ තිබෙන අතර එක මුළුතැන් ගෙයක්, පොදු වැසිකිලි හා නාන කාමර පෙලකින් සමන්විත එක තට්ටුවක  පවුල් කිහිපයක් ජිවත් වෙති.

මුල් අවධියේ ළමයින් බලා ගැනීම එකපාලිකාවකට පැවරුන අතර අනිත් සියල්ලෝම රැකියා සඳහා පිටව ගියහ. පසුව ළමයින් සඳහා වෙනම පෙර පාසැල්  පිහිටවන ලදී.

සැමියා හා බිරිඳ, පෙම්වතා  හා පෙම්වතිය වශයෙන් එකට ජීවත්වීමට අනුබල දෙන ලදී. (living together). පක්ෂයට අවශ්‍ය  විටෙක එක අයෙකු ඈත පළාතකට  යැවුහ හොත් පවුලක් කඩා ඉහිරෙන්නේ නැත. ළමයින් බලා ගැනීමට පෙර පාසල් තිබීමත් නැත්නම් ජිවත්වන කොමියුනයෙන් ලැබෙන  සහයත්, එසේම අවජාතක ළමයින් වශයෙන් කොටසක් නොමැති වීමත් නිසා ගබ්සාවට නීතියෙන් අවසර තිබුනද එසේ කිරීමට තරුණියකට අවශ්‍ය  වුයේ ද  නැත.

මේ තත්වය 1926 වනතුරු පැවති අතර 1922 දී පක්ෂයේ ලේකම් තනතුරට පත් ස්ටාලින් ට්‍රොස්කි ව සියලු තනතුරු වලින් අස් කර රටින් ද  පිටුවහල් කරන ලදී. සිනොවියෙව් , කාමනෙව් ආදීන් ද්‍රෝහීන් ලෙස නම් කර අත් අඩංගුවට ගෙන පසුව මරා දැමිණි. විවාහ නීතියද වෙනස් වුනි. සෝවියට් සංස්කෘතික අමාත්‍යංශයක් 1936 දී පිහිටුවන ලදී. ගබ්සාවද තහනම් විය.

ස්ටාලින්ගේ රාජ්‍ය ධනවාදය පවත්වාගෙන යාම  සඳහා පවුල නමැති ආර්ථික ඒකකයේ වැදගත්කම නැවත  සනිටුහන් කරන ලද අතර විවාහ සහ දික්කසාද නීතිද වෙනස් කරන ලදී.
-ලිපිය දිග වැඩි වෙන හෙයින් ජෙහාන් ට්‍රොට්ස්කි ගේ සැලසුම් ඊළඟ ලිපියෙන්.
-මතු සම්බන්ධයි
ප.ලි. - දීමා සහ බිරිඳ දැන් ජිවත් වන්නේ ඇමෙරිකා  එක්සත් ජනපදයේය.


Friday 23 February 2018

බංගලි ගමයා ගේ සෝවියට් නංගි

සෝවියට් දේශය ගැන ලිවීමේදී දෙයාකාරයක පිරිසකට පිළිතුරු සැපයීමට සිදුවේ. මින් එක කණ්ඩායමක් බොහෝ විට ඇමෙරිකා එක්සත් ජනපදය හෝ එවැනි සංවර්ධිත රටක ජිවත් වන අය හෝ ශ්‍රී ලංකාවේ සිටින තමන් පොහොසත් හා උගත් පැලැන්තියේ යයි සිතන අයයි.  ඔවුන්ට අනුව සෝවියට් දේශය අභ්‍යවකාශයට චන්ද්‍රිකා  නොයැවූ අතර බටහිරින් සියල්ල  සොරකම් කර තිබේ. එසේම හිට්ලර්, බෙල්ජියමේ ලියෝපෝල්ඩ් ආදිපාද  හෝ අනිකුත් සියලු ධනවාදී පැත්තේ නායකයන්ට වඩා ලෙනින් හා ස්ටාලින් මිනී මරා තිබේ.

අනිත් කොටස ශ්‍රී ලංකාවේ වමට සම්බන්ධ පක්ෂ වල ක්‍රියාකාරී අය හෝ සහයෝගය දෙන අයයි. ඔවුන්ට අනුව සෝවියට් දේශය ඉතා දියුණුවට තිබු රටකි. අප පැතිය  යුතු සමාජයක් තිබුණු ලෙනින් හා ස්ටාලින් නිර්ධන පන්තියේ බලය ලෝකයට පෙන්වූ සමාජවාදී රාජ්‍යයකි. සෝවියට් දේශය ගැන යන්තම් හෝ විවේචනයක් කළොත් සරම් උස්සාගෙන වලියට එති.

ඔය දෙපැත්තම අමතක කළහොත් සෝවියට් දේශය යනු ඉතා සුවිශේෂ රටක් බවත්,   ලෝකයේ  තිබු විශාලතම රාජ්‍යය බවත් එහි පැවති  දේශපාලන ක්‍රමය තවත් කිසිම රටක නොතිබූ බවත් සිහි කළ යුතුය.  ලෙනින් විසින් රාජ්‍ය බලය ගත් පසු මුල් අවධියේ මුළු රටටම  (හැම පැල්පත ටම  නොවේ) විදුලිය දුන් බවත්, දරුණු යුද්ධය නැවැත්වූ බවත් ගොවියන්ට ඉඩම් දුන් බවත් සත්‍යයකි.  ස්ටාලින් එය අතිශයින් දරුණු ඒකාධිපති පාලනයකට යටත් කළ බවත් විප්ලවකාරීන් ඇතුළු මිනිසුන් බොහොමයක් මරා දැමු බවත් සත්‍යයකි. නමුත් ස්ටාලින් ගෙන් පසු කාලය තුල රටේ මිනිසුන් යම් තරමකට  වඩා නිදහස් සමාජයක ජිවත් වූ බවත් රට දියුණු බව ත් එලෙසම සත්‍යයකි. අප ඉගෙනීමට ගියේ ලංකාවට මෙන්ම ලෝකයේ  තවත් බොහෝ රටවලට  වඩා එසේ දියුණු වූ රටකටය. කවුරු මොනවා කීවත් එයද සත්‍යයකි.

 මේ කතාව ලියන්නේ සෝවියට් දේශයේ පැවති  සාමාජිය  වටපිටාව හා සංස්කෘතිය පැහැදිලි කිරීමේ ප්‍රයත්නයක් වශයෙනි.
තවමත් තිබෙන අපේ ශිෂ්‍ය නේවාසිකාගාරය 2016 මා  ගත් පින්තුරයකි 
මා සිටියේ දකුණු කලවරේ තුන්වෙනි තට්ටුවේ කාමරයේ ය  

අපේ ශිෂ්‍ය නේවාසිකාගාරය තරමක විශාල එකකි. ඉහත  පින්තුරය මා ගත්තේ  2016 රුසියාවට ගිය විටදීය. එහි සාමාන්‍යයෙන් මාසයකට වරක් හෝ දෙවරක් ඩිස්කෝ එකක් පැවැත්වෙයි. මෙය සංවිධානය කරන්නේ ස්තුඩ් සවියේත් හෙවත් නේවාසිකාගාරයේ ශිෂ්‍ය සභාවයි.   සාමාන්‍යයෙන් ගැහැණු හෝ පිරිමි සිසුවකු යහළු කර ගැනීමට හෝ සිකුරාදා හෝ සෙනසුරාදා නිකමට හෝ ඩිස්කෝ එකට ඔලුව දමා පැමිණීම  බොහෝ සිසුන් කරන දෙයකි. වැඩිපුරම අරාබි හා ලතින් ඇමෙරිකානු සිසුන් එහි සිටි අතර අපේ නේවාසිකාගාරයේ වැඩිපුර සිටියේ රුසියානුන් නිසා රුසියානු කොල්ලන් කෙල්ලන්  බොහොමයක්ද  ඩිස්කෝ එකේ දැකිය හැකි විය. ඒ දිනවල ඩිස්කෝ එකේ නිතර වැයුණු ගීත වලින් එකක් නම් ස්ටේටස් ක්වෝ (status quo- You are in the army now)  ගේ  "ඔබ දැන් හමුදාවේ" ගීතයයි.

ගොර්බචොව් ගේ පෙරෙස්ට්‍රොයිකා ග්ලාස්නස්ත් සමය නිසා වැඩි අවුලක් නැතිවම බටහිර ගීත වාදනය විය. අපි වැඩිපුරම  සිසුවියන් වටා  නැටුවේ මොඩර්න් ටෝකින් ගීත වලටය.  "ඔබ මගේ හදවත  ඔබ මගේ ආත්මය " ගීතය ද  ජනප්‍රිය එකක් විය.



මේ කාලයේ ඩිස්කෝ එකේ ප්‍රබලව නැටූ චරිතයක් වූයේ ස්වේතා ය. පිරුණු ලැමක්‌   හා පියකරු මුහුණක් ඇති ස්වේතා යමෙක් වරක් දෙවරක් නොව තෙවරක් වුවත් හැරී බලන රූ සපුවකට උරුම කම් කීවාය.  ස්වේතා ට කිසියම් රෙපියුටේෂන් එකක් හෙවත් ප්‍රසිද්ධියක් තිබුණි. එනම් හැම නැටුමක් අවසානයේම ස්වේතා තමන් කැමති කොල්ලෙක්   සමග කාමරයට යන බවයි. සින්දු දෙක තුනක්  අවසන් වන විට ප්‍රීතිමත් මුහුණක්  සමග කොල්ලා ද  මදක් බීමත්  ස්වේතා ද නැවත ඩිස්කෝ එකට පැමිණෙයි.  මෙසේ හතර පස් වතාවක් ම  රෑ 12.00 ට පමණ ඩිස්කෝ එක අවසන් වන තුරු මේ ක්‍රියාවලිය සිදුවේ. කිසිම විටෙක එකම පිරිමියෙකු දෙවරක් ගෙන නොයෑමට ඉතා ප්‍රජාතන්ත්‍රවාදී  සමාජවාදී ස්වේතා පරිස්සම් වූවාය

මුළු සතිය පුරා  ස්වේතා යනු හොඳට පන්ති යන හොඳට ඉගෙන ගන්නා සිසුවියකි. විභාග වලින් කිසිසේත් අසමත් නොවෙන  එකියකි. ඉන්පසු සති අග නොවැරදීම ඩිස්කෝ එකට යන ස්වේතා හොඳට නැටීමද හැම  නැටුමක් දෙකක්  අවසානයේ කොල්ලෙකු සමග අතුරුදහන් වීමද නොවරදවා සිදුවිය.

කිව යුතු වන්නේ ස්වෙතාට අමුතු නමක් වෙනත් රටවල මෙන් කවුරුත් පට නොබැඳීමයි. ඇයට easy going යන්නට සමාන с легким характером  ලේසි චරිතයක්  යනුවෙන් හඳුන්වා දීමක් හැරුණු  විට කිසිවෙක් ඇගේ හැසිරීමට අවුලක් නොපෙන්වූහ.

එකම දෙය රාත්‍රියේ කොල්ලෙකු සමග වැනි වැනී කොරිඩෝරයේ හමුවන ස්වෙතා ගෙන් මේ කී වෙනියද යනුවෙන් ඇසීම පුරුද්දක් වශයෙන් අප කිහිප දෙනෙකු කිරීමයි. එවැනි වෙලාවක අද රාත්‍රියේ පස් වැන්නා හෝ හයවැන්නා යයි හඬ නගා සිනාසී කීමට  ස්වේතා ද පුරුදු වී සිටියාය. අවුරුදු දෙක තුනකට පසු ස්වේතා හැම විටම ඩිස්කෝ එකේදී  අල්ලා ගත්තේ  අලුතෙන් එන ලාබාල සිසුන්ය. ඇගේ වසරේ අය ස්වේතා ගැන දැන  සිටි නිසා ඈ ගැන එතරම් උනන්දුවක් නොදැක්වුහ.

අපේ වසර වල  බංගලා දේශයෙන් පැමිණි සිසුවෙක්ද විය. ඔහුගේ නම රහමන් යයි කියමු. ඔහු තවමත්  මොස්කව් වල ජිවත් වන නිසා  නියම නම නොකියමි.  මේ සිසුවාගේ විශේෂත්වය වූයේ ඔහු පැමිණ තිබුනේ බංගලා දේශයේත් ඈත පෙදෙසකින් බවට තිබු රාවයයි. හෙවත් ඔහු බංගලි ගමරාළ කෙනෙකි. අපේ සිටි ඉන්දියානුවන් හා නේපාලි සිසුන්ටද ඔහු විලේජර් හෙවත් ගමයෙක් විය.  ඔහු දකින හැම තැන දීම වටේටම කෙල ගසන කෙනෙකි. ඔහු බංගලා දේශයෙන් ගෙනා  බුලත් කන බවද සමහරු කීහ.
(ලන්ඩනයට පැමිණෙන ඇතැම් සංගීතඥයන්, දේශකයන්, විචාරකයන් ද කාරා  පාරේ කෙළ ගසනු මම  දැක ඇත්තෙමි.)  මේ කාරා කෙල ගැසීම යුරෝපයේ සලකන්නේ අවිනීත ක්‍රියාවක් ලෙසටය.

මේ බංගලි සිසුවා රහමන් වෙළදාම්  කරන්නට සිසුන් රැගෙන එන ස්ටීරියෝ, කොම්පියුටර්   පෙට්ටි තම කරේ හෝ හිසේ තබාගෙන යයි.  ඩෙනිම් ආදී දේවල් ද එසේ හිසේ තබාගෙන ඔහු නේවාසිකාගාර අතරින් යනු බොහෝ විට  පෙනේ. වෙනත් කිසිවෙකු  මේ දේවල් මෙසේ එළිපිට  කලේ නැත. බොහෝ අය කිවේ මේ ගම මහතා මෙසේ නීති විරෝධී  වෙළඳම් එළිපිට කලේ කේජිබි එක සමගත් හොඳින්  සිටි නිසා බවයි.

හතර වන අවුරුද්ද වන විට අප වැඩිය ඩිස්කෝ ගියේ නැත. ස්වේතා නම් සිකුරාදා හෝ   සෙනසුරාදා දිනවල කොරිඩෝරයේ කාගේ හෝ  අතක් රැගෙන යනු දුටුවෙමු.  ස්වේතා කුමන නොම්මරය පසු කරන්නේද යන්න දැන  ගැනීමටද අවශ්‍යතාවයක් කාටවත් තිබුනේ නැත.

 බංගලි ගමරාල හදිසියේ  ඩිස්කෝ එකට ගිහින් තිබුණි. ඔහු හමුවීමට එතරම් සරු නැති පිට නගරයකින් පැමිණි බංගලි යහළුවන්  පිරිසකට අපේ ඩිස්කෝ එක පෙන්වීමට හා කවදාවත් නටා නැති වුවද උන් ඉදිරියේ ඔහු නැටීමටද  ගොස් තිබුණි. බන්ගලියා ගේ වාසනාවට හෝ අවාසනාවට (මා නම් සිතන්නේ වාසනාවට කියායි. ) ඔහු එදා නටා ඇත්තේ  ස්වේතා සමගය. එදා දවසේ අවසන් නැටුම වී ඇති එයත්  සමගම  ස්වේතා හා රහමන් දෙදෙනා  ඔහුගේ කාමරයට ගොස් ඇත.

මාස තුන හතරකට පසු ආරංචි  වූයේ ස්වේතා ගර්භණී වී ඇති බවය. ඇය කියා ඇත්තේ දරුවා බංගලියා ගේ බවයි. බංගලියා හතර අතේ දිවුරමින් දරුවා ඔහුගේ නොවන බව කියා ඇත. හැබැයි නීතිය  නම් නීතියයි. දරුවා ඔහුගේ නම් ඔහු කසාද  බැඳිය යුතුය.

නියමිත කාලය අවසන් වුන පසු බංගලියා ද දරුවා ඉපදෙන දවසට රෝහලට ගොස් ඇත. ස්වේතා කිව්වා නිවැරදිය. ලස්සන බංගලි පැටියෙකු ස්වේතාට ලැබී තිබුණි.

දරුවා ලැබුණු පසු මදක් විවේකී ව සිටි ස්වේතා  බංගලියා   සමග එක කාමරයක පදිංචියට ගියාය.  ඇය ඉන්පසු කවදාවත් ඩිස්කෝ එකකට ආවේ නැත. ඇය හඳුනන   අය බංගලියා ටද හදුන්වා  දුන් ස්වේතා බංගලි යාගේ "නීති විරෝධී" ව්‍යාපාර වල  පරිපාලිකාව වූවාය (business manager). බංගලියා සමග මිස වැඩිය එලි පහලියට නොගියාය.

අපි විශ්ව විද්‍යාල පාඨමාලා  අවසන් කරන සමයේ බංගලියා සෑහෙන ධනවතෙකු වී සිටියේය. පසුව රුසියාවේ ශ්‍රී ලංකා තානාපතිවරුන් වූ රුසියාවේම  උගත් ව්‍යාපාරයෙහි දක්ෂ  සිසුන් දෙතුන් දෙනෙකු මෙන් බංගලියා ද  මෝටර් රථයක හා ෆ්ලැට් එකක්  හිමි කරුවෙකු විය.

සෝවියට් දේශය කඩා වැටුණු පසු  1994 වසරේ මුල් භාගයේ මම කිසියම් කරුණු කිහිපයක් සඳහා නැවතත් රුසියාවට  ගියෙමි. අපේ විශ්ව විද්‍යාලය පිහිටි පෙදෙසේ තිබුණු සුන්දර  අවන්හලක  කිසිවෙකු සමග හිඳගෙන සිටියෙමි.

 ආසියානු පැහැයති දරුවන් දෙදෙනෙකු ගේ අත් අල්ලාගෙන මුස්ලිම් ගැහැනියක ලෙස හිස වසාගත් රුසියානු කාන්තාවක් සුඛෝපභෝගී වාහනයකින් බැස්සාය. පිළිවෙලකට පොෂ් ටයි කෝට් පැළඳි බංගලියා අනිත් පැත්තෙන් බැස ආවේය. මා ස්වේතා හඳුනා ගත්තේ එලෙසය. ඔවුන්  ඒ වනවිට මොස්කව් වල තට්ටු නිවාස  දෙකක, සුපර් මාකට් දෙක තුනක, කම්හලක  හා ග්‍රීෂ්ම බංගලාවක (දාචා) හිමිකරුවන්ව සිටියහ.

ඕනෑම ගමරාළ කෙනෙකුට හොඳ බිස්නස් මොඩලයක් තිබිය යුතු තරමටම හොඳ බිස්නස් මැනේජර්  කෙනෙක් ද සිටිය යුතුය.





Wednesday 14 February 2018

ජෙහාන් ලෙනින් – LENIN AS A PERVERT

Lenin As a Godfather
මම ජෙහාන් ලෙනින් කියල ලිපියක් ලිව්වා කිහිප දවසකට කලින්. ලෙනින් ගහපු ගේමක් ගැන. සමහර වාමාංශික අයට ඒ ලිපිය වැඩිය දිරෙව්වෙ නැහැ කියලත් තේරුණා. නමුත් මම ලියන සමහර ලිපි ගැන ත්‍රිමාණ සඟරාවේ  අවධානය යොමු වන බවත් වැටහුනා.

මේ පාර චන්දෙන් රාජපක්ෂ මහත්මය පොල් ලෙල්ලක් දැම්මත් දිනනවලු. මිනිසුන්ට තමන් හසුරුවන්න "පියෙක්" ඕනේ. හුඟක් වෙලාවට හිතන්නේ නැති මිනිසුන්ට.


මම හුඟක් වෙලාවට ලිපියක් ලියන්නේ තවත් දහසක් දේවල් ඔලුවේ තියාගෙන. ඒ කියන්නේ ඒ ලිපි වලින් මතුවන අදහස කෙලින්ම මතුපිටින්  කියන අදහස නොවෙන්න පුළුවන්.  මම හුඟක් කාලෙකට කලින් ත්‍රිමාණ සඟරාවේ "වර්තමාන නංගිලා " ගැන  ලියූ ලිපියකට සෝවියට් දේශයේ නංගිලා ගැනත් ලිව්වා. සෝවියට් ඉතිහාසය ගැන මම අත්දැකපු දේ ලියන්න පටන් ගත්තේ ඊට පස්සේ.

ජෙහාන්ලෙනින් ගැන ඇතුලෙන් කියවෙන්නේ මේ වගේ කතාවක්.

ලෙනින් එවැන්නක් කලේ නම් එය කලේ තමන්ගේ පවුල් සංස්ථාව ගොඩ නැංවීමට හෝ ජිවත් වෙන්න වෙන කරන්න දෙයක් නොමැති තත්වයක් තුල නෙමෙයි. අවුරුදු ගණනක අප්‍රතිහත කැපවීම තුලින් ලැබුණු අවස්ථාව  ප්‍රයෝජනයට ගෙන සමාජවාදී රටක් පිලිබඳ ඔහුගේ ව්‍යාපෘතිය ක්‍රියාවට නැංවීමක්. මේ ලිපිය කියවන ඇතැම් මාක්ස්වාදීන් වටහා ගන්නේ එය ලෙනින්ට පහරදීමක් හෝ විවේචනයක් හැටියට. එහෙම නැත්නම් ලෙනින් ජෙහාන් නමැති චරිතයකට සමාන කිරීමක් ලෙස. විනයගරුක පක්ෂයක් සෑදීම හා ඔවුන් තමන් සත්‍ය ලෙස හඳුනාගත් මතවාදයෙන් පෝෂණය කිරීම  තමයි ලෙනින් ගේ ලොකුම ගේම් එක. ජර්මනිය සමග ගහපු ගිවිසුම තමයි ඉනිමග. නැත්නම් කෙරෙන්ස්කි රජයේ වල කැපූ උදැල්ල.

මිනිස්සු තේරුම් ගන්නේ එක එක විධිහට. ඒක හැටි. මනෝ විශ්ලේෂණය වගේ උපකරණයක් වැදගත් වන්නේ ඒකට.

මේ තියෙන්නේ ත්‍රිමාණ සඟරාවේ ජෙහාන් ලෙනින් ට දැක්වූ ප්‍රතිචාරය.  තේරුම් ගන්න වෙනත් ලිපි කිහිපයක්ම කියවන්න සිදු වුණා . ඉතින්  ඊයේ හවස පුරාම කලේ ඒක .  මගේ මනසට අභියෝගයක් වෙන ලිපි කියවන්න මම හුඟක් කැමතියි.  ඒක මම සිටින ස්ථාවරය විවේචනය කරන ලිපිද නැත්ද  කියන  එක අදාල නැහැ.  මේක ලිව්වේ දීප්ති හෝ මහේෂ් නම් ඒ දෙන්නටමත් ස්තූතියි.

උපුටා ගැනීම: ත්‍රිමාණ
Lenin and his local ideas

මෙම ලිපියෙහි අරමුණ “සංකේතීය පියා ගොඩනැගීමේ”[Lenin] දේශපාලන ව්‍යාපෘථිය මනෝ විශ්ලේෂණය ආශ්‍රයෙන් විග්‍රහ කිරීමයි.

ශ්‍රී ලංකාව තුළ “සංකේතීය පියා” පිළිබඳ සංවාදය ආරම්භ කරනු ලබන්නේ 2002 ජූනි-ජූලි ලන්ඩන් කලාපයට Zizek යන ලේඛකයා විසින් ලියන ලද “පියාගේ භූමිකාව ගැන නැවත සිතා බැලීමක්” යන ලිපියෙනි. මින් පසුව ඉතා වේගයෙන් වර්ධනය වූ මෙම සංවාදය විශාල වශයෙන් zizek සාහිත්‍ය තුළත්, ඉන් පසුව එම සාහිත්‍ය ආශ්‍රයෙන් පුවත්පත් හා සඟරා තුළ පල කරන ලද වෙනත් ලිපි තුළත් දැකිය හැකිය. මෙම සංවාදයෙහි මූලික පාර්ශ්වකරු වන්නේ Zizek බැවින් සංකේතීය පියා පිළිබඳව ශ්‍රී ලංකාව තුළ මතු වූ සංවාදය zizekගේ අදහස් පදනම් කරගෙන විග්‍රහ කරමු. උක්ත කතුවරයා ඇතුළු zizek විසින් රැගෙන එන ලද සංවාදයේ මූලික කරුණු කිහිපයක් වෙත අප මුලින්ම හැරෙමු:

1) සංකේතීය පියා පිළිබඳව zizek  නිර්වචනය:
“නූතන සමාජයේ මහ අනෙකා බලවත් යන්නෙන් අදහස් වන්නේ එම සමාජය තුළ පියාගේ භූමිකාව ප්‍රබලය යන්නයි. යම් බලාධිකාරයක් දරනවා යන්නයි. මෙයින් අදහස් කරන්නේ ලංකාවේ අය හිතනවා වගේ පියා ශරීරයෙන් ශක්තිමත් හෝ තමන්ට කැමති ඕනෑම දෙයක් කරන්නට පුළුවන් වැනි අදහසක් නොවන බව අප වටහා ගත යුතුය. මෙතන අදහස් වන්නේ පියා මානසික වශයෙන් බලවත් කියන එකයි. එනම් පියාගේ මානසික ලෝකය ඉතා පුළුල්ය කියන එකයි … ඒක කරන්න පුළුවන් වෙන්නේ නූතන සමාජයේ මානසික පියෙක් සිටි නිසයි. යම් කිසි සමාජයක පියා මානසිකව පුළුල් ශක්තිමත් බලයක් දරන්නේ නැත්නම් එම සමාජයේ මිනිසුන් අනන්‍යතා අර්බුදයකට ගොදුරු වෙනවා. ඒ සමාජයේ දියුණු පුද්ගලිකත්වයක් සහිත මිනිසුන් බිහිවන්නේ නෑ.”

2) සමාජය තුළ සංකේත පියා විනාශ වීම:
2-1 “සංකේත පියා – එනම් භාෂාවේ හා සංස්කෘතියේ පිළිවෙල – නිකම්ම මිනිසුන් විසින් සමාජයීයව ප්‍රචලිත කරනු ලබන අදහස් මත පමණක් රඳා නොපවතියි. එම අදහස් ඓයින්ද්‍රීයව දරාගත් ශරීර, එනම් සමාජ ආයතන, ශික්ෂණ ව්‍යාපාර, සමාජ පරමාදර්ශ යනාදිය නොමැතිව යථාර්ථයට පැවතිය නොහැකිය. සංකේතීය පියාගේ මෙම භෞතික රූපකාය ඒ අනුව සමාජීයව නිෂ්පාදනය කරන ලද්දකි… යුරෝපයට අදාලව ගතහොත් අද අප හඳුනා ගන්නා යථාර්ථයෙන් සංකේතීය පියා ගොඩනැගුනේ කාර්මික නිෂ්පාදනය සමාජීයව සංවිධානය කිරීම මගින්ය.”

2-2 “අද මාධ්‍ය විසින් කරනු ලබන්නේ, මිනිසාට හුස්ම ගැනීමට ඉඩ දෙන මෙම සංකේතීය අවකාශය විනාශ කිරීමයි. නූතන මාධ්‍ය මිනිස් ශිෂ්ඨාචාරයේ ප්‍රධානතම සතුරා බව අප මතක තබා ගත යුතුය. 80 දශකයේ විවෘත ආර්ථිකයත් සමඟ නගර වලට රිංගාගත් ග්‍රාමීය මැට්ටන් හා පාරවල් අයිනේ ගංජා ගැසූ ලක්ෂපති වැනි නාගරික ලුම්පනුන් වැනි අය විනාශ කරමින් සිටින්නේ ඉංග්‍රීසි පියා විසින් අමාරුවෙන් ශික්ෂණය කර ගොඩනගා ගිය අපගේ සංකේත විශ්වයය.”

2-3 “තවද, ඉහත නීතිය හා සංස්කෘතික පිළිවෙල ප්‍රධාන වශයෙන්ම කාර්මික නගරවල නිදහස් සමාජ පංතීන් විසින් නායකත්වය දී ගොඩනගන ලද්දකි… කෙසේ වුවද මෙහි අදහස නම්, මෙම සංකේත පිළිවෙල යථාර්ථයක් වන්නේ එය හුදෙක් අදහස් තුළ ප්‍රකාශයට පත් වන නිසා නොවේ. එම යථාර්ථය දරාගත් භෞතික ශරීර ලෙස නූතන නාගරික දේශපාලන ව්‍යාපාර, ආයතන, ශික්ෂණයන් යනාදිය තහවුරු වීම නිසාය. යුරෝපීයයන් තම ජීවන පරමාදර්ශය නගරය තුළ දකින්නේ සහ එයට ගරු කර්න්නේ නිෂ්පාදනය (දේශපාලන ක්‍රියාව) මගින් භෞතිකව නගරය විසින් ගම පරාජය කිරීම නිසාය.”

2-4 “යුරෝපයට අදාලව ගතහොත් ඉහත පරිවර්තනය (කාර්මීකරණය නිසා ඉහත සංකේතීය පිළිවෙල ගොඩනැගීම) ලංකාවේ සිදු වී නැත‍. . . නමුත් ඉංග්‍රීසි යටත්විජිත පාලනය යටතේදී යුරෝපීය නූතනවාදී යථාර්ථය කැඩපත කරගත් රාජ්‍ය ආයතන ලංකාවේදී ස්ථාපිත කෙරිනි… ලංකාවේ නූතන පාර්ලිමේන්තුව, සර්වජන ඡන්දය, රාජ්‍ය පරිපාලනය, පොලීසිය, පාසැල් සහ පොදු සුභසාධන ආයතන, කලාව, ජාතිය, කොළඹ කේන්ද්‍රීය බුද්ධාගම, නීතිය සහ පොලීසිය යනාදී සියල්ලම යටත්විජිත පාලනයේ නිර්මිතයන් ය. මෙම සමාජ – දේශපාලන පිළිවෙල දරාගෙන සිටි භෞතික ශරීරය අන් කිසිවක් නොව බ්‍රිතාන්‍යයේ නූතනවාදී දේශපාලනයයි.”

3) ලංකාවේ සංකේතීය පියා නැති බැවින් සිටින්නේ දෙබිඩි මිනිසුන්ය:
(මෙම කරුණ සාධනය කරන zizek ලියවීම් ඉතා බහුලය. එපමණකුදු නොව මේවා විවිධ ස්වරූපයන්ගෙන් පෙනී සිටියි. අප මෙහිදී කරන්නේ ඉන් කිහිපයක් උපුටා දැක්වීම පමණි.)

3-1) ඒත් ධම්මගෙන් ප්‍රශ්න අහන්න යන්න එපා. අපිත් එක්ක හිටපු ධම්ම දැන් ඉන්නේ අපේ මානසික ලෝකයේ මිසක් කඩවත ඉඳන් කොළඹ විශ්ව විද්‍යාලයට එන ශරීරය ඇතුළෙ නෙවෙයි. කැමති නම් ප්‍රශ්න අහන්න. එතකොට ඒ ශරීරය තුළින් බට්ටි උත්තර දෙයි. කාරෙක උත්තර දෙයි.

3-2 zizekට තැන් තැන්වල සෙට්වෙලා බනින කට්ටිය ගොඩක් ඉන්නවා. .. මේ ගොල්ලෝ එකට එක් වෙලා මොන මොන දේ කථා කළත් මේ ගොල්ලෝ එකිනෙකාට නොකියන දෙයක් තියනවා. ඒක තමයි “අරුන් මගේ නියම තැන දන්නවා” කියන එක … අපිට පුළුවන් වෙලා තියනවා අනිත් අය තුළ අපි ගැන මේ වගේ අදහසක් ඇති කරවන්න. .. ලාංකිකයාගේ සැඟවුණු මනස සෙවීමේ ක්‍රමවිද්‍යාව හැමෝටම කියලා දෙන්න ඕනි කියලා අපි තීරණයකට ආවා… ලාංකීයත්වය මනෝ විශ්ලේෂණාත්මකව හිස්ටරිකයි. සමාජ විද්‍යාත්මකව පාදඩයි.
(මෙම ලිපියේ ඉතා සිත් ගන්නාසුළු කොටසක් නම්, මෙහි ‘ස්වාමියා’ සහ ‘කැප කිරීම’ පිළිබඳව ගෙනෙන අදහසයි. සත්‍යය ඇත්තේ පිටත, සැමටම පෙනෙන ලෙස යයි ලැකාන් පවසන විට ඔහු කෙතරම් නිවැරදිද?)


4) ස්ත්‍රිය සහ සංකේත පියා:

4-1 “සංකේත පියෙකු නිර්මාණය කිරීමට තරම් නිෂ්පාදන ආර්ථිකයක් නොමැති හේතුවෙන් ලාංකික පිරිමියාට ගැහැණිය වෙනුවෙන් වෙස් මුහුණක් නිර්මාණය කිරීමට නොහැකි වීම හා ඒ පොළොව තුළ රොහානියානු කථිකාව අධිනිෂ්වය වීම.”

4-2 ඒ වගේම “ස්ත්‍රිත්වය යනු වෙස් මුහුණක්”, යන ප්‍රවාදයත් “ස්ත්‍රිය යනු පුරුෂයාගේ රෝග ලක්ෂණයක්” යන ප්‍රවාදයත් මෙතනදී අපට වැදගත්. වේෂනිරූපණයත්, දුකත් පීතෲ භූමිකාවේ ගැටළු සහගත පරාවර්තනයත් බව අප සාඛච්ඡා කළා. එවන්නෙකුට ස්ත්‍රියකට වෙස් මුහුණක් තනා දෙන්නට සමත්වන සංකේතීය ඛණ්ඩාංකයක් නොමැති වීම අනිවාර්යතාවයක්‍. මෙහි ප්‍රතිඵලය තමයි ස්ත්‍රිය හිස්ටෙරික විශ්වයයක් තුළට ගමන් කිරීම. හිස්ටෙරිකයෙකු අනිකෙකු තුළින් ඉල්ලා සිටින්නේ පරිපූර්ණ පිරිමියාය. හිස්ටෙරිකයෙකුගේ අතෘප්තිමත් ප්‍රශ්න කිරීම ඉදිරියේ පරිපූර්ණ පුරුෂත්වයක් අත් කර ගැනීමට නම් අයෙකුට විශාල සංකේත විශ්වයක් තිබිය යුතුය. හිස්ටෙරිකයා වෙනුවෙන් වන පරිපූර්ණ පිරිමියා සඳහා වඩාත් උචිත වන්නේ පූර්වජ පියාය.

ලිපිය කියවීමේදී භාවිතා කළ අනිකුත් මුලාශ්‍ර:

http://www.independent.co.uk/voices/russian-revolution-100-lenin-bolshevik-capitalism-marxism-communists-soviets-a8040136.html
Perhaps the key achievement of Lenin was that he silently dropped the orthodox Marxist notion of revolution as a necessary step in historical progress. Instead he followed Louis Antoine Saint-Just’s insight that a revolutionary is like a seaman navigating in uncharted territories.
This was Lenin’s answer to the big problem of western Marxism: how is it that the working class does not constitute itself as a revolutionary agent? Western Marxism, at the time, was in a constant search for other social agents who could play the role of the revolutionary agent, as the understudy replacing the indisposed working class: third-world peasants, students and intellectuals; and the excluded … up to the refugees hailed today by some desperate leftists as “nomadic proletarians”.

http://www.lacan.com/essays/?page_id=393
The exclusion of the fundamental signifier, the Name-of-the-Father, does not constitute a repression in the sense that the exclusion, the zero reduction of the Name-of-the-Father effected by foreclosure, is not homogeneous in relation to the exclusion brought about by repression. We should then consider two sorts of exclusions that are structurally different. There exists a profound difference between exclusion of the Name-of-the-Father from the unconscious of the subject and the exclusion of the repressed from the consciousness of the subject. Whereas in the latter what is excluded—the repressed—could cause a process of re-appropriation by the subject (it is what Freud defines as the purpose of the analytic treatment of neurosis), in the case of psychotic foreclosure exclusion prevents any possibility of subjective re-appropriation. In other words, what is at stake is totally inert and irreversible exclusion.
The first is a dialectical exclusion—what is excluded belongs to the essence of the subject—the second one is an exclusion devoid of dialectics—what is excluded does not belong to the subject because it has never been inscribed in it. This different status of exclusion in foreclosure and in repression also explains the diverse modalities of what is excluded. In repression what is excluded returns in the symbolic formations of the unconscious (dreams, symptoms, parapraxis, lapses…). In foreclosure there is no return of the excluded as symbolic formations, in foreclosure the excluded returns in the real. Whereas the symptom holds vis-à-vis the subject a status of extimacy (extimité), of ­interior-­exterior or “foreign internal territory” as Freud noted, the elementary phenomena of psychosis (hallucination, delirium) get control of the subject by coming from the outside.
symbolic father: Lacan starts out from the threshold of history when the imago of the father appears who is bound up with the pacifying function of the ego ideal.[2] Coming as he does on the threshold of history, this must be the symbolic Father. Lacan thinks that it’s the reason in the contemporary family as an institution that the Oedipus can only appear in patriarchal form.[3] The one who does not accept castration, namely the primal father, triggers the formation of the set whose members do accept it.[4]

Monday 12 February 2018

ඉන්දියාව සමග නැගිටිමු

ජේ ආර්  රජීව් 
ජේ ආර් ජයවර්ධන මහතාගේ රජය ශ්‍රී ලංකාවේ ආර්ථිකය විවෘත කරන විට ඉන්දියාවේ තිබුනේ සංවෘත භාග සමාජවාදී ආර්ථික ක්‍රමයකි. කලබල වුනු ඉන්දියාවට  ඇමෙරිකන් හිතවාදී ජේ ආර් රජය පාලනය කරන්නට හොඳ අවස්ථාවක් දුන්නේ ජේ ආර් මය. ඒ 1983 සිදුවූ දෙමළ  ජන සංහාරයට ඉඩ සැලසීමෙනි. ඉන්පසු දෙමළ කැරලි කරුවන්ගේ සංවිධාන කිහිපයක්ම පුහුණු කරන්නට හා ශ්‍රී ලංකා හමුදා සමග සටන් කරන්නටත් රටේ ආර්ථිකය අඩපණ  කරන ප්‍රහාර එල්ල කිරීමටත් මේ කණ්ඩායම් හරහා ඉන්දියාවට හැකි විය. මෙහි අවසන් ප්‍රතිඵලය වුයේ වඩමාරච්චි සටන නතර කරමින් සිදුවූ පරිප්පු ආක්‍රමණයයි.

ඉන්දියානු හමුදා ශ්‍රී ලංකාවට පැමිණි අතර ශ්‍රී ලංකාව ජීවත්වීමට නුසුදුසු  දරුණු රටක් බවට පත්වුණි. ශ්‍රී ලංකාවේ උතුර හා දකුණ එකම ලේ විලක් විය. මේ තත්වයට ජේ ආර්, ප්‍රේමදාස,  සිරිමාවෝ , විජේවීර , ප්‍රභාකරන් පමණක් නොව ඉන්දියාවද වගකිව යුතු විය. ඉන්දියාවට පළමු ප්‍රහාරය ලැබුනේ තමන්ම කිරි පෙවූ නයි  පැටියා ගෙනි. තම ජාතියේ අභිමානය රැක  ගෙන ප්‍රභාකරන් රජීව් ගාන්ධි එර්දි කළේය.

ඉන්දියාවට චන්ද්‍රිකා  සමග ප්‍රශ්නයක් නොතිබුණු නිසා දෙමළ කැරලිකරුවන් සමග යුද්ධය අතර වුවද, රටේ ආර්ථිකය දියුණු වූයේ නැති වුවද චන්ද්‍රිකා බණ්ඩාරනායක   දෙවරක්ම රට පාලනය කිරීමට තේරී පත් වූවාය.  නමුත් ඉන්දියාව තම අගමැති මරා දැමීමට අණ  කළ  ප්‍රභාකරන් අමතක කලේ නැත.

චන්ද්‍රිකා  ගේ  දෙවන පාලන සමයේ දී  රනිල් වික්‍රමසිංහ සහ එජාපය පාර්ලිමේන්තු මැතිවරණයෙන් ජයගෙන රජයක් පිහිටෙව්වේය. බටහිර රටවල උදව්වෙන් ඔහු සාම ගිවිසුමක් අත්සන් කර ගිවිසුම විමසීමට ලංකාවේ තවමත් කුප්‍රකට මොනිටරින් මිෂන් (SLMM) එකක්ද ස්ථාපිත කළේය. ඔහුගේ වැඩ පිළිවෙල,  LTTE දෙකඩවී කරුණා ගේ නායකත්වයෙන් තවත් කොටසක් බිහි වීමට හේතුවක්  විය. එසේම LTTE ප්‍රදේශ වලට රුපවාහිනී හා නොයෙකුත් සූඛොපභොගි උපකරණ යැවුනි. ඉන්දියාව සිටියේ විමසිල්ලෙනි.
ඇමෙරිකාවේ හා යුරෝපයේ සහය රනිල් වික්‍රමසිංහ රජය ට හිමි විය. සිංහලයන් බහුතරයක් අසතුටු වුවද දෙමල බහුතරයක් සිටියේ සාම විරාමයක් ලැබීමේ සතුටිනි.

කවුරුත් වැඩිපුර නොදන්නා කාරණයක් නම් තරන්ජිත් සිං  සඳු නමැති මහතකු වසර 2000 දී  ශ්‍රී  ලංකාවේ  ඉන්දීය තානාපති කාර්යාලයට දේශපාලන නිලධාරියා වශයෙන්  පත්වීමක් රැගෙන පැමිණි බවයි.

එසේම  ජනතා විමුක්ති පෙරමුණ නමැති වාමාංශික පක්ෂයේ නායකයා ශ්‍රී ලංකාවේ පැවති 88-90 භීෂණ  සමයේ ඉන්දියාවේ උදව්වෙන් බටහිරට පැනගොස් ජීවිතය  බේරා ගත්  අයෙකි.

ඉන්දියාවේ රහස් ඔත්තු සේවයේ නම රෝ හෙවත් පරීක්ෂණ හා විශේල්ෂණ කිරීමේ කාර්යන්ශයයි.

ශ්‍රී ලංකාවට සුනාමිය පැමිණියේ වසර 2004 දීය . දකුණට ලැබුනා  සේ උතුරේ  විනාශ වූ පෙදෙස් වලටද ආධාර අවශ්‍යය. ආධාර දීමට අන්තර් සුනාමි සහන මණ්ඩලයක් LTTE සමග  සමග හැදීමට රනිල් ගේ රජය කැමැත්ත පල කල අතර චන්ද්‍රිකා  ජනාධිපතිනියගේ විරුද්ධත්වයක් තිබුනේ නැත. මෙහිදී බටහිර රටල ආධාර කෙලින්ම උතුරේ LTTE සංවිධානයට ලැබේ. ප්‍රභාකරන්, තමිල් සෙල්වම්, බාලසිංහම්  ආදීන් ලෝකයේ දෙමල ඩයස්පෝරාව සිටි  රටවල් වල වීරයන් විය.

ඉන්දියාවට අනුව බටහිර සුනාමි  ආධාර කෙලින්ම ලැබෙන්නේ  තමන් කිරිපොවා ඇති දැඩි කළ එහෙත්  පසුව දෂ්ට කළ නයි හාමිටය.

රටේ මේ සහන මණ්ඩලයට විරෝධතා වැඩි විය. ඉදිරියෙන්ම සිටියේ ජනතා විමුක්ති පෙරමුණයි. එසේම ජාතික හෙළ උරුමයද විය. චන්ද්‍රිකා,  රනිල් රජයේ  ඇමතිවරුන් තිදෙනෙක් අස්  කරමින් පාලනය තමන් අතට ගත්තාය. රනිල් ගෙදර ගියේය.

බටහිරට හිතැති කදිරගාමර් මරා දැමුණු අතර මහින්ද  රාජපක්ෂ අගමැති විය.

තරන්ජිත් සින් සඳු දේශපාලන නිලධාරී මහතා  2004 දී ඉන්දියන් තානාපති කාර්යාලයෙන් වෙනත් පත්වීමක් ලබා නික්ම ගියේය.

මහින්ද රාජපක්ෂ ඉදිරිපත් වූ 2005 චන්දයේදී ජවිපෙ හා හෙළ උරුමයේ සහයෙන් ඔහුට 50.29% කුත් රනිල් වික්‍රමසිංහට 48.43% කුත් ලැබුණි. ප්‍රභාකරන් හිටියේද මහින්දගේ පැත්තේය. ඔහු දෙමළ චන්ද වර්ජනය කිරීමට නියෝග කර චන්දය  දැමීමට ගිය දෙමළ  චන්ද දායකයකු ගේ අතක්ද කැපුවේය.   දෙමළ චන්ද තිබුනා නම් මහින්ද 2005 දී බලයට පත් වන්නේ නැත.

කවුරුන් මොනවා කීවත් යුද්ධය සමයේදී මතුපිටින් කිසිදු සහයක් දෙන බවක් නොපෙන්වුවත් ඉන්දියාව LTTE   සමග ශ්‍රී ලංකා හමුදාවල යුද්ධයට හා මහින්ද රජයට ආධාර කළේය. ඒ ආධාර චැනල් කිරීම සඳහා විශේෂ පුද්ගලයෙක් බැසිල්  නමින් සිටියේය.බැසිල් තමන්ට පැවරුණු කාර්යය මැනවින් ඉටු කළේය. කරුණා  අම්මාන් සිටියේ ඉන්දියාව  පැත්තේය. මහින්ද රජයට කඳුකරයේ තොන්ඩමන් (ඉන්දියාව) ගේ සහය ලැබුණි. නයි හාමි ගේ බෙල්ල කපන තුරු ඉන්දියාව  මහින්ද රජයට සහය දුන්නේය. ඉන්පසු ඇතිවුණු යුධ අපරාධයක්  සේ හැඳින්වෙන  සුදු කොඩි සිද්ධියේ ඉන්දියන්  ජාතිකයෙකු වන විජේ නම්බියාර් ද ගෑවී සිටි. මේ සිද්ධියේ දී  මියගිය කොටි පොලිස්පති නඩේසන් කතා කර තිබුනේද බැසිල් ටය.( මේ සිද්ධියේ බැසිල් ගේ වරදක් නැත.  ඉන්දියා ව එය දනී.)

දෙවන ජනාධිපතිවරණයෙන් 2010 දී 57% පමණ චන්ද සංඛ්‍යාවක් දිනා  රාජපක්ෂ මහතා  රටේ දැඩි සංවර්ධනයක් දියත් කලේ යුධයෙන්  පසුවය. රටට යුද අවි වලින් ආධාර දුන් චීනය ආර්ථික තලයේද බලවතෙකි. මහින්ද රජය ණය ගත්තේ ඔවුන් ගෙනි. ඉන්දියාවද ආධාර දුන් නමුත් ඔවුනට චීනයට සම වීමට නොහැකි වුනි. හම්බන්තොට   නැව් නො ආ වරාය  හා ගුවන් යානා  නොඑන ගුවන් තොටුපල චීන ආධාර වලින් හැදුනි. කොළඹ  මුහුද ගොඩ කර නව වරාය  නගරයක් හැදෙයි.  විශාල හෝටල් ඉඩම් චීන කොම්පැනි වලට සින්නක්කර ලැබෙයි.  කාලයක් මුළුල්ලේ රජයන් කිහිපයක සිහිනයක්ව තිබූ අධිවේගී  මාර්ගය විවෘත  වුනි. අසූ  ගණන් වල හදන්නට සැලසුම් කර තිබූ  ගල් අඟුරු බලාගාරය නොරොච්චෝලේ චීන ආධාර වලින් නිම වුනි.

ඉන්දියාව මෙන්ම  බටහිරද කලබල විය. මහින්ද රජයට බටහිර යුධ අපරාධ තර්ජන එල්ල වීමද වැඩිවිය. රටේ ජාති වාදී   ප්‍රශ්න ඇති වෙමින්  ජාතිවාදී සංවිධාන පැන නැගුණි. මහින්ද රජයේ ද ද 2001-2004 රනිල් රජයේ මෙන්ම දුෂිත මැති  ඇමතිවරුන් හා නිලධාරීන් පොකුරු වශයෙන් බිහි වුනි. රාජපක්ෂ රජය රටේ නිතිය තැකුවේ  නැති අතර සංචාරකයනට පවා තර්ජන එල්ල වුනි.  කොටින්ම රජය ඉතා  අපකීර්තිමත් තත්වයකට පත්ව තිබුණු අතර මාධ්‍ය  නිදහසටද තර්ජන එල්ල වී තිබුණි.

ඉන්දියාව බලා  සිටි අවස්ථාව එළඹුණේ මහින්ද විසින්ම නව ජනාධිපතිවරණයක්  කැඳවීම මගිනි.මෛත්‍රිපාල සිරිසේනට එජාප, ජවිපෙ හා දෙමළ සන්ධානයේ සහය ලැබුණු අතර 51.28% ප්‍රතිශතයක්ද  මහින්ද රාජපක්ෂට 47.58% ද ලැබුණි.

පාර්ලිමේන්තු මැතිවරණයෙන් රනිල් වික්‍රමසිංහ  නැවතත් අගමැති විය. බොහෝ ස්වාධින කොමිසම් සභා පිහිටවනු ලැබීය . මාධ්‍ය නිදහස එයාකාරයෙන්ම  ලැබුණි. නොයෙකුත් ජනතා හිතවාදී  පනත් සම්මත වුනි. එහෙත් ඉන්දියාවෙන්  බලාපොරොත්තු වූ පරිදි ආර්ථික ආධාර ලැබුනේ නැත. රනිල් ගේ රජයේ සරණට සිටියේ ද   චීනයයි. අන්තිමේදී ඉන්දියාව අකමැති වුවද හම්බන්තොට  වරාය චිනයටම දෙන්නට සිදුවිය. කොළඹ වරාය  නගරය ද ඉන්දියාවේ අභිප්‍රායට එරෙහිව චිනයටම දෙන්නට රනිල්ට සිදුවිය.

රනිල් රජය ව්‍යවස්ථාවක්  හදා අවසානය. නමුත් එය සම්මත කර ගන්නට ඔවුන්ට නොහැකිය.

කලින් ලංකාවේ සිටි තරන්ජිත් සිං  සඳු මහතා මෙවර ශ්‍රී  ලංකාවේ ඉන්දියානු තානාපතිවරයා ලෙස 2017 ජනවාරි 24 දා  පත්ව ආයේය.

බැසිල් මහතා ඉන්දියාවේ පරණ හිතවතෙකි.

මෙම වසරේ 2018 පෙබරවරි 10 පැවති  පළාත් පාලන චන්දයෙන් මහින්ද රාජපක්ෂ මහතා මෙහෙයවන පොදු ජන පෙරමුණ බැසිල් රාජපක්ෂ මහතාගේ සංවිධායකත්වයෙන් යුක්තව ප්‍රබල ජයග්‍රහණයක් ලැබිය. තනිව ගත්තොත්  එජාපය  හේදී  ගොස්ය.

එය එසේ වුවද මහින්ද ගේ පොදු ජන පෙරමුණට ලැබුණු චන්ද සංඛ්‍යාව 44.69 % කි.

වසර දෙකකින් පැවැත්වෙන ජනාධිපතිවරණයෙන් ජය ගැනීමට මේ චන්ද ප්‍රමාණය හොඳටම මදිය. තෙවන බලය වන ලක්ෂ හතක චන්ද සහිත ජනතා විමුක්ති පෙරමුණේ නව නායකත්වය වඩා  ලංව සිටින්නේ නමට කොමියුනිස්ට්වාදී චිනයටය.

මහින්ද මහතා  තම පුත්‍ර නාමල් සමග  විපක්ෂ නායක  සම්පන්දන් බැලීමට නොබෝදා රෝහලට ගියේය. උතුරේ විග්නේශ්වරන් ට  දකුණේ දදේශපාලන නායකයෙකුට  ඥාති සම්බන්ධයක් ඇත්තේය. තොන්ඩමන් තමන්ගේ සීයා ලෙසටම  පළාත් පාලන ආයතනය සඳහා  ඩිල් එකක් ගසා  අවසානය.

බුකියේ සිටින ලංකාවේ සමහර විද්වතුන් රටේ සිංහල අහවල් එක, පෞරාණික   සභ්‍යත්වය, බ්‍රිගේඩියර් සහ  අරක මේක රනිල් නොසැලකූ නිසා  ඔහු පරාජය වී යයි කියති. ඔහුගේ පක්ෂයේ දුෂිතයන් ද සිටිති. මහින්ද ගේ රජයේද 2015 දුෂිතයන් සිටියහ. නමුත්  රටේ චන්ද සංඛ්‍යාව දුෂිතයන් නිසාම වෙනස් වන්නේ නැත.

පරීක්ෂණ හා විශේල්ෂණ කාර්යාංශය වුවද   එය හොදින් දනී.

ලිව්වාද කියා මතක නැත. කලින් ලංකාවේ සිටි තරන්ජිත් සිං  සඳු මහතා මෙවර ශ්‍රී  ලංකාවේ ඉන්දියානු තානාපතිවරයා ලෙස 2017 ජනවාරි 24 දා  පත්ව ආයේය.


ව්‍යවස්ථාව සම්මත කර ගැනීමට මිට වඩා හොඳ අවස්ථාවක්  තවත් නැත. රටේ ප්‍රධාන පක්ෂ දෙකම හිර වෙලාය. (හිර කරලාය?)  ව්‍යවස්ථාවට මම නම් විරුද්ධ නැත.

ශ්‍රී ලංකාව කොහෙන් හෝ පටන් ගත යුතුය. ලේ හෙලුවා  හොඳටම ඇතිය.


Sunday 11 February 2018

පළාත් පාලන සභා චන්ද ප්‍රතිඵල - සුළු නිරීක්ෂණයක්

පළාත් පාලන සභා වල  චන්ද ප්‍රතිඵල වලින් පොහොට්ටුව වැඩි පළාත් පාලන සභා සංඛ්‍යාවක් දිනා  ඇත. ඔවුන්ට හද පිරි සුභ පැතුම්. අනාවැකි දුන් බොහෝ පණ්ඩිතයන්ට වැරදී ඇත. මේ ප්‍රතිඵල ගත්තේ ලංකාදීප පුවත් පතිනි.
 මට තේරෙන්නේ නැත්තේ මෙයයි. මා වෙනත් රටක ජිවත් වන නිසා විය යුතුයි.  මෙය  පළාත් පාලන චන්දයකි. බොහෝ අය  ආණ්ඩුව අස්විය යුතු යයි කියති. දැන් බ්‍රිතාන්‍යය වැනි රටවල වුවද  ආණ්ඩුවේ ගමන මැද පළාත් කවුන්සිල් චන්දවලින්  බලයේ සිටින  ආණ්ඩුව බොහෝ විට පරදී. ඒ මිනිසුන් තමන්ගේ විරෝධය ප්‍රකශ කරන ආකාරයයි.  නමුත් ආණ්ඩුව ඉල්ලා අස්වන්නේ නැත.

ප්‍රතිඵලයබලන්න :
ශ්‍රී ලංකා පොදුජන පෙරමුණ 44.84%
එක්සත් ජාතික පක්ෂය 31.49%
එක්සත් ජනතා නිදහස් සන්ධානය 8.82%
ජනතා විමුක්ති පෙරමුණ 6.18%
ශ්‍රී ලංකා නිදහස් පක්ෂය -5.02 %
ඉලංකෙයි තමිල් අරසු කච්චි - 3,62 %

දැන් පවතින ආණ්ඩුව යනු   එක්සත් ජාතික පක්ෂය+ එක්සත් ජනතා නිදහස් සන්ධානය+ශ්‍රී ලංකා නිදහස් පක්ෂය යන අයගේ සභාගයකි. එනම් ඔවුන්ගේ චන්ද ප්‍රතිශත එකතුව = 31.49%+8.82+5.02 =45.33%
SLPP හෙවත්  ශ්‍රී ලංකා පොදුජන පෙරමුණට ඇත්තේ   44.85%කි.
මේ පැවැත්වුනේ ජනාධිපති තරඟයක් නම් බොහෝ විට  ඉලංකෙයි තමිල් අරසු කච්චි - 3,62 % චන්ද වලින් වැඩි ප්‍රමාණයක් ලැබෙන්නේ ආණ්ඩුවට මිස මහින්ද මහතාට නොවේ. එවිට ඔවුන් ට   48.95% ප්‍රතිශතයක් ඇත.
අලුත් ප්‍රතිඵලය ලංකාදීපයෙන් 

බොහොමයක්  පොහොට්ටුවේ ආධාරකරුවන් ජනතා විමුක්ති පෙරමුණට කැමති නැත. ඔවුන් ගෙන් සමහරු RIP JVP යනුවෙන්ද ලියා තිබෙනු දුටිමි. චන්ද වලින් 6.18% ගත් ජවිපෙ මිය ගොස් නැත. ඔවුන් තවමත් ශ්‍රී ලංකාවේ   දකුණේ තුන්වන බලවේගයයි.  එකම දේ ඔවුන්ගේ චන්ද අඩුවී හෝ වැඩිවී නොමැත.ඔවුන් ගේ  පක්ෂයට පොහිට්ටුවන් බනින නිසාම ඔවුන්ගේ චන්ද දායකයන්ද මහින්ද මහතාගේ නියෝජිතයාට චන්දය නුදුන්නොත් අනිත් පැත්ත 48.95+6.18%=55.13% පළමු වටයෙන්ම ජනාධිපති චන්දයෙන් ගොඩය.

ආණ්ඩුවට අස්වන්නට කියන්නේ කුමන පදනමකින්ද යන්න මට නොතේරේ. නමුත් එජාපය ප්‍රමුඛ රජය නම් මේ පණිවුඩය හිතට ගත  යුතුය. බොහොමයක් වයස වැඩි ඇමතිවරුන් ගේ කල්ක්‍රියාව ජනතාව  අනුමත කර නැත.  බොහෝ අය රජයට පැමිණ ඇත්තේ  කුට්ටියක් කඩාගෙන පවුල හා හිතවතුන් රැක  ගැනීමට  මිස රට පාලනයට නොවන බව එජාප පක්ෂිකයන්ට ද වැටහී  ඇත. ආණ්ඩුව ඒ ගැන දැඩි ලෙස පියවරක් ගත යුතුව ඇත. එසේම දුන් පොරොන්දු වලින් බොහොමයක් ඉටු නොකර සිටින තත්වයක් තුල ඊළඟ චන්දයෙන් පැරදීමේ අවකාශය වැඩිය.

ආදී කල්පික වම හා පරණ වම ගැන කියන්නට තියෙන්නේ දැන්නම් පරණ කෝච්චිය ගොස්ය. අලුත් විදුලි දුම්රියක් එනු ඇත. ඉඩ දී ඉවත් වන්න. නැත්නම් විදුලි දුම්රියට නගින්න.

නව ප්‍රතිඵලයට අනුව:
මේ  තමයි අලුත්ම අලුත් ප්‍රතිපල:
ශ්‍රී ලංකා පොදුජන පෙරමුණ 4941952 - 44.65%,
එක්සත් ජාතික පක්ෂය, එක්සත් ජනතා නිදහස් සන්ධානය, ශ්‍රී ලංකා නිදහස් පක්ෂය-32.61%+8.94%+4.44%=46.01%
ඉලංකෙයි තමිල් අරසු කච්චි -3.07%, ජවිපෙ 6.27% - ජනතා විමුක්ති පෙරමුණේ සහයක් නොමැතිව මහින්ද  මහතාගේ අපේක්ෂකයකු ජනාධිපතිවරණය දිනන්නේ නැත. මේ අනුව පොහොට්ටුව හෙවත් ඒකාබද්ධ   විපක්ෂයට ජනාධිපති  ක්‍රමය අහෝසි කරන නව ව්‍යවස්ථාවට  එකඟ වීමට සිදුවේ. ඔවුනට දිනිය හැක්කේ එවිට පමණි. ජෙහාන් ගේ ගේම දැන් තේරෙන්නේ යයි සිතමි. (බැසිල් හා ඉන්දියාව)

Saturday 10 February 2018

යුද්ධයෙන් සමහරුන් ලැබූ අතුරු ඵල (fringe benefits) හෙවත් අපේ කාලයේ දේශපාලන අනාථයා

යුධ අනාථයන් 
මේ විවේචනයක් නොවේ.  ශ්‍රී ලංකාවේ පැවැති  යුද්ධයෙන් එයට සම්බන්ධයක් නැති තවත් කොටසක් අතුරු ඵල (fringe benefits) ලැබූ හැටි කීමකි. යුද්ධයෙන් නොයෙකුත් වරදාන ලැබූ අය ගැන නොයෙකුත් කතා ඇත. ඒ කිසිවකු ඒ සඳහා දඬුවම් විඳ ද නැත. හැමෝම කරනවා නම් අපි කෙරුවම මොකද යන්න උද්ධෘත පාඨය වී ඇති සමයක ඒ ගැන අපට කළ හැකි දෙයක්ද නැත.

මේ කාලයකට කලින් සිදුවූ දෙයකි. ස්ථානය බ්‍රිතාන්‍ය ආගමන විගමන කාර්යාලයයි . දේශපාලන අනාථ භාවය හෙවත් අසයිලම් ඉල්ලා සිටින දමිල ජාතිකයෙකුගෙන් භාරගැනීම් නිලධාරියා ප්‍රශ්න අසයි. මේ මුලික සාකච්ඡාව වන අතර මෙයින් අසමත් වුවහොත් ට්‍රිබියුනල් එකට ඇපීල් කළ හැකියි.

පරිවර්තකයා ලංකාවේ යාපනයේ දෙමල අයෙකි.
නිලධාරියට ( නි.) සැකයක් ඇතිවේ. මේ නිසා මෙවැනි ප්‍රශ්නයක් අසයි.,

( නි.) "ඔබ ලංකාවේ කොහේද".

අයදුම්කරු - "මම කැන්ඩි "

( නි.) "කැන්ඩි කොහේද තියෙන්නේ ලංකාවේ "
"කැන්ඩි තියෙන්නේ කොළඹ " වීසා නිලධාරියා නුවර සංචාරය කළ අයෙකි.
"කොළඹ කොයි හරියේද"
"කොළඹ ළඟම කිමී 15 - 20 ක් වගේ "
( නි.) "ඔබ ලංකාවේ වෙන්න බැහැ, මෙයා ඇත්තටම කොහෙන්ද කියල අහන්න "
දෙමළ පරිවර්තක ප්‍රශ්නය අහයි.
අයදුම්කරු කෝපවී කෑ ගසා පෙරලි කරයි.
නිලධාරියා සිතියමක් පෙන්වා ඔහු ගේ නිවස පිහිටියේ කොහේ දැයි අසයි. ඔහු පෙන්වන්නේ කඳාන ප්‍රදේශයයි. ඔහුට වචන පැටලී ඇත.
පසුව ඔවුන් සොයා ගන්නා ලද්දේ ඔහු දකුණු  ඉන්දියානු ජාතිකයකු බවයි. එංගලන්තයට මිනිසුන් එවන කල්ලියක් මගින් මුලින් ශ්‍රී ලංකාවට යවා කඳාන ප්‍රදේශයේ තාවකාලිකව රඳවා ලංකාවේ ගමන් බලපත්‍රයක් සමග එංගලන්තයට එවා ඇත. ශ්‍රී ලංකා පොලිස් වාර්තාවක්ද සහිතවය. මෙවැනි සිද්දීන් බොහොමයකි. ශ්‍රී ලංකාවේ තානාපති කාර්යාලයෙන් බ්‍රිතාන්‍ය වීසා දීම නවත්වා  අයැදුම්පත් චෙන්නායි වලට යැවීම තවත් එක් හේතුවක් ද  විය හැකිය. ඔවුන්ට (චෙන්නායි)  මෙවැන්නන් හඳනා ගැනීම පහසු යයි සිතන්නට ඇත. (අනික් හේතුන් අතර හොර වීසා සිද්ධියක් හා වීසා දීමට කළ දේශපාලන බලපෑමක් යයි කියති ). සිද්දිය එලියට ආවේ පරිවර්තකයා මගිනි. යාපනයේ දෙමළ මහතා දකුණු ඉන්දියානු දෙමළා ට කැමති නැත. (උඩින් හොඳ හිත පෙන්වීම  වෙනත් දෙයකි. )


මෙය ලිව්වේ බුකියේදී මම එරන්දිට මා දැමු ප්‍රතිචාරයකට ළාබාල තරුණියක් එංගලන්තයේ ඉමිග්රේෂන් ට්‍රිබියුනල් ගැන වාදයකට ආ බැවිනි. 
ඒ කාලයේ ලංකාවේ යුද්ධය නිසා අනාථ වුවන් ලෙස බොහෝ දකුණු ඉන්දියානු ද්‍රවිඩයන් මෙහි පැමිණියහ. LTTE සංවිධානය මෙන්ම වෙනත් සංවිධානද මේ ගේමට සම්බන්ධ විය. 
මේ එන අය ගෙවන මුදලින් කඳාන කොටහේන වැනි ප්‍රදේශ වල නිවාස  රැගෙන ඔවුන් එහි තබා තිබුණි. ලංකාවේ බ්‍රිතාන්‍ය තානාපති කාර්යාලය ඇතුලේ සහයක්ද දේශපාලන බලපෑම් මත පැමිණි සහයක්ද තිබුණි. 
මෙසේ එංගලන්තයට ගෙනා  මිනිසුන් ගෙන් ඔවුන් කප්පම් ද ගත්හ.  එසේම මෙහි පවතින පෙළපාලි වලට සහභාගී වීමද අනිවාර්ය වීය.

පොලිස් වාර්තා ගැනීමට සිංහල රාළහාමි කෙනෙකුට පවුම් 50-100 අතර මුදලක් පගා දෙනු ලැබේ.
ඔවුන්ට ගැහු සාක්ෂිද ඇත. ගහන්න ඇත්තේද සල්ලි වලට විය යුතුය .

මේවාට  උදව් දුන් අය අතර පසුගිය ආණ්ඩුවේ දේශප්‍රේමින් කිහිප දෙනෙකුද  සිටියේ යයි කියති. එම ද්වේෂප්‍රෙමින් කියා ඇත්තේ, " ලන්ඩන් නේ යන්නේ. සුද්දට නේ කෙලවෙන්නේ" කියයි. ලැබෙන මුදල් සාක්කුවේ දමා ගෙන දෙමල විරෝධී වේදිකා වලටද ගොඩ වූවන් සිටියේ යයි ද කියති.

පකිස්ථානු ජාතිකයන් මෑතකදී සිරියානුන් ලෙස ජර්මනියේ දේශපාලන අනාථ  භාවය ගෙන තිබුනි. 

මේ කවුරු කොහොම ලන්ඩනයට ආවත් මට ප්‍රශ්නයක් නැත. මම නම් කියන්නේ යන්නට පුළුවන් නම් ඕනෑම ක්‍රමයකින් ගියාට ආවාට  කමක් නැත කියයි. මිනිසුන් සටන් කරන්නේ ජිවත් වන්නටය. මෙයත් එවැනිම සටනකි. කැන්ඩි ගැන කියා දේශපාලන අනාථ භාවය ඉල්ලන එකා ගැන මගේ තරහක් නම් නැත.

මේ තවත් එවැනිම කථාවකි.
Asylum seeker from Sri Lanka let himself be tortured with hot iron bars to support his bid to stay in Britain