මගේ අදේවවාදීකම ගැන හෝ නිරාගමිකත්වය ගැන බොහෝවිට මා සඳහන් නොකරන මුත් මෑතකදී මාලන් රොෂාන් විසින් නිරාගමිකත්වය ගැන ලියූ වියමනට ප්‍රතිචාරයක් දැමීමට මට අවශ්‍ය වුනි . ඔහු බ්ලොග් ලියන්නෙකු නොවන නිසා එම ලිපියට යොමුවක් දැමීමට නොහැකිය. අදේවවාදිත්වය කොවූර් ගේ පොත් හා වාමාංශික දේශපාලන බලපෑමෙන් ඇති වුවද නිරාගමිකත්වයට බලපෑවේ පුහුල්වැල්ලේ විමලවංශ නම් යතිවරයාන කෙනෙකි . උන්වහන්සේ ගැන ලිපියක් බොහෝ කලකට පෙර ලියා ඇත , මාලන් සඳහන් කරන ලෙසටම නොවුවද ඇලීම අතහැරීම නිරාගමිකත්වය ලෙසට වටහා ගතිමි .
රිචර්ඩ් ඩෝකින්ස් ගේ පොත් කියවීමෙන්ද පසු, පසු කාලයක මම ලන්ඩනයේ අදේවවාදීන් ගේ සංගමයකට බැඳුනෙමි. ඒ ඔවුන් බොහෝ වටිනා සංවාද පැවැත්වීම මෙන්ම වැදගත් කථිකයන් ගෙන්වා දේශන පැවැත්වීම ආදිය ද නිසාය . මෙහි සාමාන්‍ය ඉංග්‍රීසි වැනි සුදු ජාතිකයන් හැරුණු කොට යුරෝපීයයන් මෙන්ම මා වැනි ආසියානු සම්භවය ඇති අයද අප්‍රිකානු සම්භවය ඇති අයද සිටියහ . හින්දු , මුස්ලිම්, කතෝලික වැනි ආගම් වලට අයත්ව සිට එම භක්තිකයන්ගෙන් , පවුලෙන් , සමාජයෙන් පීඩා විඳි අය ඉහත කී ආගම් නිර්දය ලෙස විවේචනය කල බව පෙනුනි . එසේම මෙහි අයගේ මුස්ලිම් විරෝධය සමානුපාතික ලෙස ඉහල අගයක තිබුණි .
සමහරු කෙතරම් අන්තවාදී වීද යත් මම ආයුර්වේදයේ සමහර බෙහෙත් ගැන කියද්දී හෝ , කහ දියර වල විෂබීජ නාශක ගුණයක් ගැන කියද්දී වුව ඒවාටද විරෝධය පෑ අය සිටියහ , කොටින්ම විවෘත මනසකින් ප්‍රශ්නයක් දෙස බලන්නට ඔවුන්ට නුපුරුදු බව මට පෙනුනි .
එසේම මේ අය ගෙන් සමහරු හයිඩ් පාක් ගොස් කථිකයන්ගේ කොනේ මුස්ලිම් දේශකයන් සමග පැය ගණන් වාද කළහ . මුස්ලිම් දේශකයන් හා ක්‍රිස්තියානි දේශයකයන් ද එලෙසින්ම අන්තවාදී විය . වරෙක හිසේ සිට සිරුර වසා නිකාබ පැළඳි කාන්තාවන් කිහිප දෙනෙකු එක්තරා තැනකදී සුදු ගැහැණුන්ට දරුණු අන්දමින් පරිභව කරමින් කතා කළහ . මා සමග සිටි ආසියානු කාන්තාවක් ඔවුන් සමග පැටලුනු විට ඔවුන් ඇයටද ගණිකාවක් කියා පරිභව කළහ. මද කලකට පසු මම සංගමයෙන් ඉවත් වුනේ අනවශ්‍ය ආතතියක් ජිවිතයට ලැබෙන හෙයිනි . සංවිධානයද වැඩිකල් පැවතුනේ නැත .
සෝවියට් දේශයේ අදේවවාදය වැඩියෙන්ම ප්‍රචලිත වූයේ ස්ටාලින් ගේ කාලයේය . ඔහු බොහෝ පල්ලි සමතලා කළේය . නැතහොත් ඒවායේ කෞතුකාගාර පිහිටුවේය . සෙන්ට් පිටර්ස්බර්ග් නගරයේ ශාන්ත ඉසාක් පල්ලිය කෞතුකාගාරයක් කර කොපර්නිකස් ගේ පෘථිවියේ භ්‍රමණය පිලිබඳ නියමය ඔප්පු කිරීමට බුබ්බුලාකාර වහලේ ෆුකෝ ගේ පෙන්ඩුලම සැදුවේය . මොස්කව් වල ප්‍රසිද්ධ (ක්‍රිස්තු ගැලවුම් කරු ගේ පල්ලිය ) පල්ලියක් කඩා මහජන නාන තටාකයක් කළේය . රුසියානු රජය අවසර දීමෙන් පසු එය නැවත පල්ලියට භාර දෙන ලදින් දැන් පෞරාණික දේවස්ථානය ලෙසටම ගොඩ නගා ඇත . රුසියාවට 2016 දී ගිය අවස්ථාවේ එහි පින්තුරයක් ගතිමි . දකුණු පස් ඇත්තේ පරණ නාන තටකයයි .
.JPG)
පසුගිය සැප්තැම්බරයේ කල උස්බෙකිස්ථාන සංචාරයේදී ලෝකයේ පැරණිතම කුරානය නැරඹීමට ගියෙමු . ඕනෑම ආගමක කෙනෙකුට එය නැරඹිය හැකි වුවත් පින්තූර ගැනීම තහනම්ය . ඉහත ඇති මුල් පින්තුරය එම කුරානයේම ආකාරයෙන් නිමවන ලද ආකෘතියකි. එහි පින්තූර ගනිම්ටා තහනමක් නැත .
කුෆික් හෙවත් ඔත්මන් ශුද්ධ වූ කුරානය නමින් හඳුන්වන එම ග්‍රන්ථය ක්‍රි ව 755-855 අතර කාලයේ මුව හම් පිරිවද්දා ඒවායේ ලියන ලද්දකි . දැනට ඉතිරිව ඇත්තේ පිටු 250 පමණ ප්‍රමාණයකි . ඔත්මන් මෙය කරවා ඇත්තේ වසර 651 දී යයි කියති . ඔහු ඝාතනය කිරීම නිසා ෂියා - සුන්නි භේදය ඇතිවී තිබේ . ඔහුගෙන් පසු මේ ඓතිහාසික කුරානය ටමර්ලෙන් නමැති තුර්කි මොන්ගොල් අධිරාජයා සතුව සමර්කන්ඩ් නගරයේ තිබී ඇත. 1816 දී රුසියානුන් එම ප්‍රදේශ යටත් කරගත් පසු රුසියානු අධිරාජයාට යවන ලදුව පිටර්ස්බර්ග් නගරයේ අධිරාජයාගේ පුස්තකාලයේ තැන්පත් කර තිබී ඇත .
අන්තර්ජාලයේ තිබී පින්තුරයක් සොයා ගතිමි .
බොල්ෂෙවික් වරු බලය අල්ලාගත් පසු ව්ලදිමීර් ඉලිච් ලෙනින් එය ටශ්කෙන්ට් වල මුස්ලිම් වරුන්ට භාර දී තිබේ . අපේ සංචාරක මාර්ගෝපදේශක තැන පැවසූ පරිදි අදත් උස්බෙක්වරු ලෙනින්ට ඒ පිළිබඳව ඉමහත් සේ ගරු කරති . අපට ඉගැන්වූ ස්ටාලින් ගේ සමාජවාදී ඉතිහාසය තුල මෙවැනි කාරණා සඳහන් කෙරුනේ නැත . මෙයින් පහැදිලි වන්නේ ලෙනින් ගේ ළඳරු සෝවියට් රාජ්‍යය අනවශ්‍ය ලෙස බලෙන් මිනිස්සුන් අදේවවාදී කිරීමට තැත් නොකළ බවයි . එම දරුණු පහර දීම් හා ආගමික සිද්ධස්ථාන විනාශ කිරීම් ඇරඹුණේ ස්ටාලින් - මාවෝ - පොල්පොට් සමයන් හිදී ඒ ඒ රටවලය .
උස්බෙකිස්ථානයේදී මම නිකාබ හෝ බුර්කා පැළඳි කාන්තාවන් නුදුටුවෙමි . හිජාබය හෝ චඩොර පැළඳි කාන්තාවන් නම් සිටියහ . මෙය මට කුතුහලය දනවන්නක් වූයේ ශ්‍රී ලංකාවේද දැන් නිකාබ ඇඳි කාන්තාවන් දක්නට ලැබෙන හෙයිනි . දැඩි ආගමික රටක් වන උස්බෙකිස්තානයේ සොරකම් සිදුවන්නේ කළාතුරකින් යයි අසා ඇත . එය අපේ සංචාරක මාර්ගෝපදේශකයන් සහ රියදුරු මහතාද සනාථ කළහ . මත්පැන් හෝටල තුල විකිණීම තහනම්ය . ඒවා පිටතින් වැඩි ගණනට ගෙන අ හැක . ටෂ්කන්ට්හි කුඩා ළමුන් පවා නිදහසේ සෙල්ලම් කරනු හෝ පාරේ ගමන් කරනු දුටුවෙමි. හරියට ආදි කාලයේ ශ්‍රී ලංකාවේ මෙනි . සමර්කන්ඩ් හිදී අපගේ තජික් ජාතික සංචාරක මාර්ගෝපදෙශිකාව ගෙන් ඒ ගැන විමසීමි . පින්තූරයේ ඈතින් ලෝගුවක් පැළඳ සිටින්නේ ඇයයි .
ඇය කීවේ , ආගම නිවැරදිව අදහන්නට වස්ත්‍ර බල නොපාන බවත් ඇය යාඥා කරන අතර කිසිදු මත්පැන් පානයක් නොකරන බවත්ය . මම ඉන්පසු ඇඳුම් වල නිදහස ගැන විමසා, බ්‍රිතාන්‍යයේ ලිබරල් සහ වාමාංශික සගයන් කාන්තාවන්ට නිකාබ ආදිය ඇඳීමේ අයිතිය පිළිගන්නා බව කීවෙමි . එයට ඇගේ ප්‍රශ්නය වූයේ එසේ කියන අයගේ බිරින්දන් හා දියණියන් එසේ එම ඇඳුම් අඳින්නේද යන්නය . එසේ නොවන බවත් කාන්තාවන්ට ඇති එම අයිතිය ඔවුන් පිලි ගන්නා බව පමණක් බවත් මම කීවෙමි.
එහිදී ඇය නැවතත් ඇසුවේ ' ඔබ කොහොද දන්නේ ඒ අය කැමැත්තෙන් අඳිනවා ද , බල කරලද කියල." මම එය නොදන්නා බව කීවෙමි . නමුත් මා ලන්ඩනයේ උගත් ක්වීන්ස් මේරි විශ්ව විද්‍යාලයේ සිසුවියන් සමහරක් ස්ව කැමැත්තන් අඳින බවත්ය .
එයාට ඇය කිවේ "උස්බෙකිස්තානයේ විශ්ව විද්‍යාල වල තරුණ සිසුවියන් කණ්ඩායම් කිහිපයක් අඳින්න ගත්ත. ප්‍රශ්නේ වුනේ ඔවුන් අනිත් අයටත් අඳින්න බල කරපු එක සහ අපි කලේ නැත්නම් අපට නිග්‍රහ කරපු එක . ප්‍රශ්න ඇති වෙන්න ගත්ත නිසා බලධාරීන් ඒවා පැළඳීම අයින් කළා . අපේ සුපුරුදු හිජාබය (හිස වසා පළඳින සැහැල්ලු වස්ත්‍රය ) හොඳයි අපට." මට ලන්ඩනයේ වූ විවාද මතක් වූයෙන් ඇය කියන දේ අත්දැකීමෙන්ම දන්නා බව පැවසීමි . මගේ දියණියන් ද පල්ලි නැරඹීමට යනවිට හිජාබ පැළඳුහ.
උස්බෙකිස්තානයේ හින්දු සහ බෞද්ධ ආගමික ඉතිහාසයක් තිබී ඇති මුත් ඒවායේ කිසිම සලකුණක් නටබුන් ප්‍රමාණයක් ඉතිරිව නැත . රජය විසින් අපහසුවෙන් සොයා ගන්නා ලද චිත්‍ර දෙකක් බුකාරා හි කෞතුකාගාරයක දුටුවෙමි . ඒවායේ මුහුණු කටුගා ඇත්තේ එය ආගමට විරුද්ධ නිසාය . පින්තුර වල ඇත්තේ ඒවාය.
කෙසේ වෙතත් උස්බෙකිස්ථානයේ පවතින ආගමික සංහිදියාව අගය කරමි .
අජිත් ධර්ම 29/12/2024
සංහිඳියාව කොහෙ තිබුණත් ඉතා අගෙයි
ReplyDeleteඅන් මතවලට ඉඩ දෙනකොට එහෙම තමයි
සමහර අයට අනුන්ගෙ මත වහ කදුරුයි
ස්ටාලින් හොඳයි, මුන් ඊටත් අන්තයි!
සමහර විට එහෙමත් හිතෙනවා තමයි නිදි . ඔයාටත් සමහර ඇනෝ ප්‍රතිචාර බ්ලොක් කරන්න වෙයි වගේ
Deleteසමහර Anoලා උපහාසෙයි අපහාසෙයි වෙනස දන්නෙ නෑ වගෙයි, අජිත් මහත්තයෝ.
Deleteඒ වගේමයි- තමන්ට වගේම අනුන්ටත් කැමැති මතයක් දැරීමට අයිතියක් තියෙනවය කියන කාරණයත් අමතක කරනවා.
තවම නං මං ප්‍රතිචාර බ්ලොක් කරලා නැහැ- අන්ත නරක උදවිය මගේ අඩවියට comment කරලා නැති නිසා.
# නිදිගෙ පංච තන්තරේ1 December 2024 at 01:32
Deleteඔබට විවේචන දරා ගන්න පුළුවන් උනාට ඔය සමහර අයට පුළුවන් තමුන්ගේ බ්ලොග් අඩවියේ කොමෙන්ට් බ්ලොක් කරලා අනික් අයට අපහාස කරන්න. එහෙම කෙනෙක් තමයි ඔය ඔබටත් යෝජනා කරන්නේ ඇනෝ බ්ලොක් කරන්න කියලා.
එහෙම කියන්නේ තමුන්ගේ අතේ වැරදි තියෙන නිසා. ඒවා වහගන්න අදහස් වාරණයට සුදානම.
අනේ පල යකෝ යන්න . වැරැදි මොනවාද කියල දාපන් ඔප්පු කරන්න පුළුවන් විධිහට සහ තමන්ගේ නමත් එක්ක . එතකොට මට පුළුවන්නේ අධිකරණ මාර්ගයෙන් ඒවා ඇත්තද බොරුද කියල හොයා බලන්න . ඒකට බයයි නේ . අර එක බ්ලොගර් කෙනෙක් නිරපරාදේ බොරු චෝදනා කර කර ඉඳලා අන්තිමට තමන්ගේ අපයෝජන එලියට ආවහම හතර වටේ දුවන්න ගත්ත කවුද දැම්මේ කියා කියා . උඹල කොඳු ඇට නැති උන්නේ බං . උඹ ලියන්න මගේ උස ගැන . තට්ටේ ගැන . මගේ පවුල ගැන අපහාස කරලා . අනික තනි බොරු . මම මොකටද ඒවා මගේ බ්ලොග් එකේ දාන්නේ . උඹල කොහොමත් අනිත් තැන්වල ගිහින් රෙනවනේ . අනික මම කොහොමත් දන්නවා මේ දන්නා අඳුනන එවුන් මයි ඇනෝ වෙස්ගෙන ඇවිත් ලියන්නේ කියල . කෙලින් යමක් මුණට කියා ගන්න බැරි කාල කන්නි . මැරෙන්න , ඔලුව පැලෙන්න කියල ලියන ඒවා විවේචනද බූරුවෝ . විවේචන කියන්නේ මොනවාද කියල ඉස්සෙල්ල ඉගෙන ගෙන වරෙන්
Deleteබූරුවා කියල ආමන්ත්‍රණය කළාට සමාවෙන්න . උදේ පාන්දර මේක දැක්කහම යකා නැග්ග . යකෝ අන්ත ජරා කමෙන්ට් එකක් දාල ඒවා විවේචන කියල අර්ථ දක්වන්න ගියහම . 😀අර චන්න ජයසුමනල බොරු දාලා පොලිසියෙන් ගියහම ප්‍රජතන්තරේ ට කෙලවෙනව කීව වගේ තමයි . ඔය ජාතිවාදය අවුස්සන උන්නම් කෙලින්ම හිරේ දාන්න ඕනේ .
Deleteඅනුරු කුමාර සහ ඔහුගේ බොරුකාරා ආණ්ඩුව බලයට පත්ව කිසිදු දෙයක් සිදු නොකරන නිසා දැන් සූදානම් වන්නේ විවේචකයන් මර්දනයටයි.
Deleteඅජිත් ධර්ම කීර්ති මහතා ද දැන් කිසිදු දෙයක් කරකියා ගත නොහැකිව එම මර්ධනයට උල් පන්දම් දෙයි.
අජිත් ඔබ පිළිගන්ඩ අනුර කුමාර මාසයක් යන්න කලින් ෆේල් මිනිස්සු ඔහුට සහ ඔහුගේ ආණ්ඩුවට හිනාවෙනවා ඔබත් ෆේල්.
අපට දොස් කීවා කියා අනුර පාස් වන්නේ නැත.
ඔබ අඳුරට කඩේ ගොස් දැන් ලන්ඩනයට වී සැප විඳිමින් සිටි එනමුත් අප ශ්‍රී ලංකාවේ වෙසෙනා අතර අපට ගෑස් මිලදී ගැනීමට නොමැත.
අප නැවත පෝලිං යුගයකට ගමන් කරමින් සිටි. ඒවාට ඔබද වගකිව යුතුය
මින් පසු මමත් ඇනෝ ලෙස කොමෙන්ට් කිරීමෙන් වලකිමි. බ්ලොග් වල කොමෙන්ට් දැමීමට හොද නමක් සොයා ගත යුතුය. දැන් ගොඩක් බ්ලොගර්ස්ලා බ්ලොග් නොලියන නිසා උන්ගේ නමක්ද ගත හැක. නැතිනම් වන්නේ කාපු මැක්කත් නොකාපු මැක්කත් දෙකම මැරුම් කන එකය.
Deleteසමහර ඇනෝලා ඇනගන්ට එන විදිහ හරිම අපුලයි. ඒ නිසා ඉතින් ඒව වාරණය කරන/නොකරන එක ඒ බ්ලෝගෙ අයිතිකරැට අයත් කාරණාවක්!
Deleteකොටින් මවා පා ජාතිවාදය ඇවිස්සීම වැරදියි . එම නිසා ඒ අත් අඩංගුවට ගැනීම සාධාරණයි . චන්න ජයසුමනට පුළුවන් අධිකරණයට ඔප්පු කරන්න එයා ජාතිවාදය ඇවිස්සුවේ නැහැ කියල . ආණ්ඩුව විවේචනය කිරීම වෙන දෙයක් . ඔබට ගෑස් නැත්නම් ඒ ගැන ආණ්ඩුව විවේචනයකිරීම සාධාරණයි . මම කාටවත් චන්දය දීමට කියා කීවේ නැත , කීවේ ලංකාවේ ජන මනස අනුරට හැරී ඇති බවත් , රනිල් සජිත් විරසකයෙන් අනුර දිනන බවත් , අනුර සමාජවාදය ගැන වදනක් හෝ නොකී බවත්ය . පරණ ලිපි වලට ගොස් බලන්න . හැබැයි මම දැනට මේ ආණ්ඩුව ගෙන යන විධිහ ගැන විවේචනයක් නැත . අනවශ්‍ය වියදම් නැත . අනවශ්‍ය බොරු ශෝෂා නැත . කිවූ විධිහටම අඇමතිවරු 25 ට අඩුය . තොණ්ඩා පස්සේ ගියේ නැත .
DeleteAnonymous1 December 2024 at 13:16 - ඇනෝ මල්ලි දැන් ඔය නමියා ද ඇනෝ කෙනෙකි . හරියට කවුද කියා රූපය දැක්කේ නිදි ගේ බ්ලොගය නිසාය . බකුසු තුමා ද ඇනෝ කෙනෙකි . ඒ කියන්නේ ඔහු කවුද කියා මම දන්නේ නැත . ඉන්නේ කැනඩාවේ කියා බ්ලොග් ලිපි නිසා දනිමි . වෘත්තාන්ත කවුද කියා දන්නේද නැත . නමුත් ඔවුන් වැදගත් විධිහට හැසිරෙති . දරුණු අපහාස සහ කුණුහරුප ප්‍රතිචාර නොදමති . දැන දැන බොරු නොලියති . මට මගේ බ්ලොගයේ ඒවා දැමීමට අවශ්‍යතාවයක් නැත .
DeleteAnonymous1 December 2024 at 13:16 ඇනෝගේ "කාපු මැක්කා සහ
Deleteනොකාපු මැක්ක" ප්‍රකාශයේ යම් සත්‍යයතාවයක් මම දකිමි. අජිත් කිව් ලෙසටම මමත් "එකතරා ආකාරයක" ඇනෝවෙක් වෙමි. ඒත් මම පොදු "Anonymous" ඇනෝවරුන්ගෙන් වෙනස් ඇනෝවෙක් වෙමි.( පොදු "Anonymous" ඇනෝලා මාව ඔවුන්ගේ ගොඩට ගන්නෙත්, මට ඒ ගොඩට යෑමට අවශ්‍යතාවයකුත් නැත). අප තර වෙනස, පොදු ඇනෝලාට කිසිම accountabilityයක් හෝ අනන්න්‍යතාවයක් නැති වීමය. ඕනෑම කුණුහබ්බයක් කීමේ වරප්‍රසාදය ලැබෙන අතර, නොකාපු මැක්කාටද කාපු මැක්කොන්ගේ පව්වලට කර ගැසීමට සිදුවීමේ "භාග්‍යයද" ලැබෙනු ඇත. අප වැනි නම් ඇති ඇනෝලා, "බාගෙට ඇනෝ" ලෙස හැඳින්වීම වඩාත් නිවැරදිය.
මම "බාගෙට ඇනෝවෙක්" වී ඇත්තේ එය මගේ තෝරාගැනීම/මගේ කැමැත්ත නිසාය. මම ලියන/කියන දේ සඳහා මගේ පෞද්ගලික විස්තර අදාල නොවන නිසාය. මගෙත් ඇට-මිඳුලු වලට කිඳා බැස ඇති සහජ ගති අනුව, අනුන්ගේ සීනි කිරීමට/ පැණි බේරෙන ඕප ඇසීමට නොතින් ආසාවකින් පෙලුනද, මම ආයාසයෙන් එය යටපත් කරගෙන සිටිමි. ඉන්ටනැට්ටට අනවශ්‍යය පෞද්ගලික විස්තර මුදාහැරීමේ වාසියක් මම නොදකිමි. එයිට වඩා නම-ගම, තරාතිරම නොදනිතත්, ගිවිසුම් නැති, ඕනෑම විටක වාෂ්පවිය හැකි, මේ ලස්සන වර්චුවල් මිතුරුදමේ චමත්කාරය මම අගය කරමි. සිංහල බ්ලොග් ස්වර්ණමය යුගයේ මට හමුවී, දැන් වාෂ්ප වී ඇති මගේ සුන්දර බ්ලොග් සමකාලීනයන් ආදර්‍යෙන් මතක් කරමි.
Anonymous1 December 2024 at 13:16 ඇනෝ, යම් හර්දසාක්කියක් ඇති ඇනෝවෙක් බව පෙනේ. ඔහුට ස්ථිර අන්න්‍යතාවයක්/නමක් යටතේ කමෙන්ට් කිරීමට ඇති කැමැත්ත, මම අගය කරන්නේ ඒ නිසාය.
මම මුලදී ලිවේද ඇනෝ ලෙසය . කොළඹ ගමයා අජිත් ධර්මා ලෙස දමන්නට සිදු වුනේ ගූගල් කරයා 2013 දී මගේ බ්ලොග් දෙන්නට අසාධාරණ ලෙස බෑ කිව් නිසාය . බ්ලොග් සම්මාන කරන්නට ගොස් සම්පුර්ණ අනන්‍යතාවය හෙළි කරන්නට කොහොමත් සිදු විය . බස්සලා ගැන මගේ කවදාවත් අවුලක් තිබුනේ නැත . සම්මාන වලින් පසු ඇතැම් බ්ලොග් කරුවන් වෙනත් අය ලවා මට බැන්නාවූ ආතර ඒ කල අයම පසුව පාපොච්චාරණ කළහ . ඒ කළ කිරීම මත මම එය සම්පුර්ණයෙන් නවතා දැම්මෙමි . කොහොමත් මේ බ්ලොගය ගෙනියන්නට හිතා ඉන්නේද බ්‍රයන් ගේ කතාව අවසන් වනතුරු පමණි . ඉන්පසු සිංහල නවකතා ලිවිල්ල (කොපි නිසා සහ වෙනත් අකටයුතු නිසා ) නවතා දැම්මා සේ ආතල් එක නැතුව ගිය පසු මේවද ඉබේ නවතිනු ඇත . වෛරී ප්‍රතිචාර කරන බොහෝ අය දේශපාලන පෙරලි නිසා යම් යම් දේ අහිම් වූ අය යයි සිතමි .
Delete//කොහොමත් මේ බ්ලොගය ගෙනියන්නට හිතා ඉන්නේද බ්‍රයන් ගේ කතාව අවසන් වනතුරු පමණි//
Deleteමෙය ඉතා කණගාටුදායක ආරංචියකි. මගේ යෝජනාව, ආතල් එක නැති වෙනතෙක් ඉඳ-හිට හෝ ලිවීම, කමෙන්ට් කිරීම කරන ලෙසය.
කඩෙන් කා අනුන්ගේ හරක් බැලීමක් වූ බ්ලොග් සම්මාන උළෙල, ඔබ කලේ හොඳ චේතනාවකින් බව මම අවිවාදයෙන් පිළිගනිමි. ආසියාතිකයින්ගේ සහජ ගතිගුණ අනුව, එය බලුපොරයකින් හා "බ්ලේම්-ගේම්" එකකින් කෙලවර වීම ගැන මා පුදුම වන්නේත් නැත. සිංහල බ්ලොග් දියාරු වීමට යම් පමණක දායකත්වයක්, සමහර ඇනෝවරුන්ගෙන් ලැබුනායැයි මට සිතේ. ඒත් ප්‍රධාන හේතුව එය නොවේ. සියල්ලම තාවකාලික ලෝකයක බ්ලොග් පමණක් සදාකාලික විය නොහැක.
මට ඇනෝලා පේන හැටි - සමජශීලීයි ඒත් වටේටට අරින්න තමා වඩාත්ම කැමති
Deleteකඩෙන් කා කතාව නම් මරු එකකි . බ්ලොග් සම්මාන නරක දෙයක්ම නොවේ . බ්ලොග් නිසා මට ඉවාන් පව්ලුෂා , ඉයන් ලින්තොට (කවුද කියා දන්නවා ඇතැයි සිතම් ) , ප්‍රා ජේ , තිලකසිරි , නිදි , කලනසිරි ඇතුළු හොඳ යහළුවන් පිරිසක් ඇති විය . එසේම ඉන් බොහෝ දේ ඉගෙන ගතිමි . මගේ දුවලා දෙන්නා ඒ අවුරුදු වල මිස් විය . මා කල ලොකුම වැරැද්ද එයයි . පසු කලෙක හදා ගත්තද ඔවුන් මට සීයට සියක් සමාව දී නැත . සියල්ල තාවකාලික ලෝකයක අපද තාවකාලික බැවින් කල කිසිදු දෙයක් ගැන කිසිදු පසුතැවිල්ලක් නම් නැත . ඇරත් බසු තුමා කිවූ සේ මේ ප්‍රතිචාර යහළු කමද මනරම් දෙයකි . මම ඇනෝ ලාට පිළිතුරු දෙන්නටද කතා කරන්නටද කැමතිය . අර සංවාද හේතුව නිසාමය . එහෙනම් අදට තිත .
Deleteකියන්නට අමතකවූ දිල්රුක් , රවියා , බෝධිනී , රන්දිකා හා කිත්මා ද මේ අතර සිටිති . පොත් තුනක්ද ලියා ගත්තේ බ්ලොග් නිසාය .
Deleteඅජිත්,
Delete'කොටින් මවා පා ජාතිවාදය ඇවිස්සීම වැරදියි . එම නිසා ඒ අත් අඩංගුවට ගැනීම සාධාරණයි'
අධිකරණයෙන් අර අයව ඇපමත නිදහස් කරල නේද? අධිකරණය පොලිසියෙන් අහලා සැමරුම කොටි සැමරුම කරපු අය පත් අඩංගුවට ගන්නේ නැතුව ඇයි මේ ඒකෙ විවේචනය කරපු අය අත්අඩංගුවට ගන්නේ කියලා.
අනුර කුමාර නානවා නේද අජිත්. ත්‍රස්තවාදය වැළැක්වීමේ පනත යටතේ මේ අයව අත්අඩංගුවට ගන්නත් බැහැලු. මොකද මේ අය අදහස් පල කරලා තියෙන්නේ ප්‍රභාකරන් නැමැති ත්‍රස්තයාට විරුද්ධව.
අනික තමයි ත්‍රස්තවාදය වැළැක්වීමේ පනතට විරුද්ධව ඡන්දය දුන්න මාලිමාව ජනතා විමුක්ති පෙරමුණට තියෙන අයිතිය මොකක්ද ත්‍රස්තවාදය වැළැක්වීමේ පනත භාවිතා කරන්න.
දැන් ඉතින් මේකත් හෝදන්ඩ අජිත්
බලන් ගියාම ලංකාව ගැන රුදාවක් තියෙන්නේ ලංකාවේවත් නැති මිනිස්සුන්ටනී ලංකාවේ ඉන්න අපි තමයි දුක් විඳින්නේ. මෙයාලා පිටරට සැප විඳින ගමන් ලංකාවේ ආණ්ඩු හදන්නවා.
අධිකරණය අහල තියෙන්නේ pta එක අවශ්‍ය නැහැ නේද සාමාන්‍ය නිතිය යටතේ අත් අඩංගුවට ගන්න පුළුවන් නේද කියල . බොරු ප්‍රචාර හා කටකතා පතුරුවා ජනතැව අතර සාමය බිඳ හෙලනවට . අර සාෆි අත් අඩන්ගුවය ගත්ත . ශක්තික අත් අඩංගුවට ගත්ත . දැන් රිටන් එක එන කොට අඬන්නේ ඇයි ? අනුරව හෝදන්න මට කිසිම අවශ්‍යතාවයක් නැහැ . මම සෝමවංශ විරවංශ ඩබලගේ ජාතිවාදයට විරුද්ධ වෙච්චි එකෙක් . අප්‍රේල් විරු සමරු තියන්න හොඳනම් , ඉල්මහ සමරු තියන්නැ හොඳනම් තමන්ගේ මැරුණු අය දෙමලු සමරුවට කමක් නැහැ . කොටි ධජය දාන්න එපා කියල නීති තියනවා . පොලිසියට අත් අඩංගුවට ගන්න පුළුවන් . පුරුදු වෙයන් ජාති වාදී නොවී ඉවසන්න .
Deleteඅනේ ඔය ලංකාවේ රුදාව ගැන ගොන් කතා කියාගෙන නම් එන්න එපා මචන් . උඹලගේ උන් හොඳට කල නිසා තමයි මෙච්චර ලංකාවේ දක්ෂ කොල්ලෝ කෙල්ලෝ පිටරට ගියේ , තවමත් යන්නේ නේද ? මිනිස්සු මැද පෙරදිග වහල් සේවයේ ගියේ නේද ? උන්ගෙන් එන දේ කාලා , අල්ලස් අරගෙන , වාහන අරගෙන ජිවත් වෙන්න හොඳයි උන්ට ඒ ගැන මුකුත් කියන්න නරකයි . දැන් ඔය ඊයේ ලේබර් එම් පී කෙනෙක් මෙහෙ අගමැති ගෙන් ප්‍රශ්නයක් ඇහුවා නේද ? කවද්ද යුධ අපරාද ගැන අහන්නේ කියල . ඒ අනුරගේ ආණ්ඩුවට දුන්න සංඥාව , 2/3 බලය තිබ්බට කමක් නැහැ , අපට ගොඩක් එරෙහිව ගියොත් අදිනවා කියන එක . ඔය කැලුම් ජයසුමනල කරන්නේ අන්න ඒක . මේ ආණ්ඩුව වට්ටන්න බටහිරට අත දෙන එක . කොටි හිතවාදීන් කරන්නෙත් ඒක . ලංකාවේ මිනිස්සු දැන ගන්න ඒවා පරාජය කරන්න .
Deleteමේ පැරිස් වල ගැහැණු ළමයා බොරුවක් කියල ටීචර් ගැන . අන්තිමට ඒ පිරිමි ගුරුවරයා බෙල්ල කපල මරල දැම්ම . මරා දාපු එකා වෙඩි කාල මලා . දැන් කෙල්ලගේ තාත්ත හිරේ , ඒක තමා බොරුවක් ගිය දුර . බොරු ලියන්න හොඳ නැත්තේ ඒකයි . https://www.theguardian.com/world/2024/nov/03/french-pupil-father-samuel-paty-teacher-islamist-beheading-murder-paris
Deleteවිදේශ රැකියා සදහා පිටත්ව යන එක කොයි රටෙත් වෙන දෙයක්.
Deleteලංකාවේ විදෙශිකයිනුත් සේවය කරන්නේ.
ඒ ගැන නෙමේ කියන්නේ.
ලංකික විදේශ ශ්‍රමිකයන්ට ලංකාව ගැන කතා කරන්ඩ ලොකුම අයිතියක් තියෙනවා මොකද ඒ අය ලංකාවට විදෙස් මුදල් එවනවා. ලංකාවේ පුරවැසියෝ.
එනම් ඇතමුන් සිටිනවා ලංකාවේ ඉපදුනාට දැන් සිටින්නේ වෙන රටවල්වල පුරවැසි භාවය අරගෙන ඔවුන් එක ඩොලරයක් ශ්‍රී ලංකාවට එවන්නේ නැහැ. එනමුත් ලංකාවේ දේශපාලනය ගැන මැදිහත් වෙනවා. කුමක්ද සදාචාරාත්මක බව.
ලංකාව කෙරෙහි බැඳීමක් නැතිනම් තමුන්ගේ රට ලෙස සලකන්නේ වෙනත් රටක පුරවැසිභාවය නම් ඔවුන්ගේ දරුවනුත් ජීවත් වන්නේ එම රටවල් වල නම් ඇයි ලංකාව ගැන තවත් කරදර වන්නේ.
තමන් ශ්‍රී ලංකාවේ ආණ්ඩුව ගැන පෙනී සිටිනවා නම් එම ආණ්ඩුවක් කරන හොඳ නරක දෑ ගැන වගවීමට ඔවුන් ශ්‍රී ලංකාවේ වාසය කර යුතුයි.
අනික අජිත්පැනි කෙනෙක් සමග කොහොමද සංවාද කරන්නේ.
අන් අයට ගරු කරන්න දන්නේ නෑ මේ උනත් බලන්නකෝ පාඨකයන්ට කතා කරන ආකාරය බූරුවා මෝඩයා උඹ තමුසේ.
' හැබැයි මම දැනට මේ ආණ්ඩුව ගෙන යන විධිහ ගැන විවේචනයක් නැත . අනවශ්‍ය වියදම් නැත . අනවශ්‍ය බොරු ශෝෂා නැත '
Deleteඅනුර කුමාරගෙ වැඩකිඩ
අනුර කුමාර දිසානායක ජනාධිපති වී මාස දෙකක පමණ වී ඇති මේ අවස්ථාවේ කරපු වැඩ.
🔺මේරට ස්විටර්ලන්තය නෙමේ ලංකාව කියලා තේරුම්ගත්තා.
🔺වාහන , කෑමබීම එපා කියලා ඒව ඔක්කොම ගත්තා
🔺 ජනතාවට සේවය කරන්න නිල නිවාස අවශ්‍යයි කියලා පිළී ගත්තා.
🔺මිනිස්සු උනාම කාල බිලා ෂෝ එකක් බලල ඉන්න ඕනි කියලා අවබෝධ කරගත්තා. ඒක කෙනෙක්ට 50,000 උනත් කමක් නෑ කියලා තීරණය කලා.
🔺තනියම දොර ඇරගෙන බැස්සා.
🔺 වාහන පෝලිම ළග ළග යන්නෙ නැතිව ගොඩක් දුර තියාගෙන යනවා.
🔺 ඒවයෙ යන Ambulance වල ස්ටිකර ගැලෙව්වා.
🔺උගන්ඩාවේ සල්ලි නැහැ කියලා රටට හෙළි කළා.
🔺කතානායක බොත්තම දැමීම හා නැවත එය ගැලවීම ගැන කරුණු ඉදිරිපත් කළා.
🔺ජයමංගල ගාථා වැනි අහිතකර ආර්ථික ප්‍රතිපත්තීන් ඉවත්කලා.
🔺සිකියුරිටි රූම් කැඩුවා.
🔺කාලගුණික වෙනස්වීම් වලට වගකිවයුත්තා කාලගුණය බව හෙළි උනා.
🔺මහවිරු සමුළුව ගැම්මට කලා.
🔺කුණාටු දෙකක් ගෙනාව .
🔺 පට්ට වැහි කාලෙක උසස් පෙළ තියලා ළමයීන්ගෙ ඔලුව මැල්ලුම් කලා.
🔺බලියක් නැතුව නිධානයක් ගත්තා.
🔺 විසාල කළුගලක් රාජ්ය අනුග්‍රහයෙන් කුඩු කළා.
⭕තෙල් වලින් කාන්චන කොමිස් ගැහුවෙ නැහැ කියලා ඔප්පු කලා
⭕කිසිම ඇපයක් නැතුව දෙනව කිව්ව ලෝන් දුන්නා 😁
⭕පළවෙනි දවසෙම පාර්ලිමේන්තුවේ වියදම කෝටි 5
⭕බැංකු හොරා රවී කරුනානායකව පාර්ලිමේන්තුවේ වාඩි කෙරෙව්ව
⭕හාල් මාෆියාව එක පෑන් ඉරෙන් ඉවර කරනව කියලා ඉන්දියාවෙන් මෙට්‍රික් ටොන් 70000 ගෙන්වන්න ටෙන්ඩර් දැම්ම
⭕ඇවිත් මාසෙන් අඩු කරනව කිව්ව විදුලි බිල අඩු නොකර ජනතාව මුලාවේ දැම්ම
එකී මෙකී නොකී පච සියල්ලම කියා පාර්ලිමේන්තුව මොන්ටිසෝරියක් කර ජනතාවගේ පැතුම් සුන් විසුණු කරමින් කෝටි 5 හේ සැප වාහනයේ පස්ස තියාගෙන සැපම සැප ජීවිතයක් ගත කරමින් සිටියි
//අන් අයට ගරු කරන්න දන්නේ නෑ මේ උනත් බලන්නකෝ පාඨකයන්ට කතා කරන ආකාරය බූරුවා මෝඩයා උඹ තමුසේ.// ඇනෝ තමන්ගේ කමෙන්ට් තමන්ට හරවා ගත්තනම් හරි . දැන් තේරුනාද ? කවුරුත් කැමතියි හරියට කතා කරන්න . මෙතනට ඇවිල්ල තට්ටයා , කළු තට්ටයා, කොටා - මම ඒවා ගණන් ගන්න හින්ද නෙමේ . කට වුනත් අපහස කරන එක වැරදියි . කොටින්ම මම රනිල්ට , මහින්දට , චන්ද්‍රිකාට වුනත් ඔය උඹල වගේ කතා කරනවද නැහැනේ . ඒ නිශ අමිට පස්සේ වත් හැදෙන්න බලන්න .
Delete//ලංකාව කෙරෙහි බැඳීමක් නැතිනම් තමුන්ගේ රට ලෙස සලකන්නේ වෙනත් රටක පුරවැසිභාවය නම් ඔවුන්ගේ දරුවනුත් ජීවත් වන්නේ එම රටවල් වල නම් ඇයි ලංකාව ගැන තවත් කරදර වන්නේ.// මේ කා ගැනද ලියල තියෙන්නේ කියල මම නම් දන්නේ නැහැ . මම නම් මම උපන්න රටට , මගේ මව් තවම ජිවත් වන රටට ලැදියි . උඹලා මොනවා කීවත් ලීවත් ලංකාව ගැන ලියන්න ඕනේ නම් මම ලියනවා . ඒක මේ බ්ලොගේ මිට කලිනුත් දහස් වාරයකට වඩා කියල ඇති . උඹ නෙමේ මොන යකා කීවත් ඒක නතර කරන්නේ මට හිතුනොත් විතරයි . මම නම් පවුම් වලින් වියදන් කරන්නේ . හැබැයි මම කරන දේවල් ගැන වැඩිය ලියන කෙනෙක් නෙමේ .
Deleteමාස දෙකට බලාගෙන ගියහම මේ ආණ්ඩුව ගොද්දක් දේවල් කරලා තියනවනේ . මටනම් අර කලින් පාර්ලිමේන්තුවල හිටි මුස්පෙන්තුවෝ ටික නැති වෙච්ච එක වුනත් ඇති . අනික අර හොස්පිටල් මිනිස්සුම විවෘත කරන එක, ඔව් ඒවා හොඳයි තමයි .
Deleteතර්කානුකූලව කරුණු දක්වා පැහැදිළිකරන්නට බැරි සංවේදී කලාපයක්.
ReplyDeleteඔව් ඒක හරි . අනික හැමෝම සතුටු වෙන්න ලියන්නත් අපහසුයි
Deleteතිලකේ මහතා ඔහුගේ බ්ලොග් අඩවියෙ ලියන ලිපි තරම් රසවත් නැහැ මෙම ලිපිය.
ReplyDeleteතිලකසිරි ඉතා හොඳ පළපුරුදු ලියන්නෙක් . මට ඔහුට අලගු තබන්නට වත් බැහැ
Deleteලෙනින්ගේ ආගම මොකක්ද?
ReplyDeleteදැන් රුසියාවේ ජනාධිපති පුටින් ආගමක් අදහනවද?
රුසියාව විසින් න්‍යෂ්ටික යුධ ශීර්ෂ 15 ක් රැගෙන යා හැකි සාතන් 2 අන්තර් මහද්වීපික බැලැස්ට්ටික් මිසයිලය සූදානම් කිරීම සමග මහා බ්‍රිතාන්‍යය රුසියාවට එරෙහිව යුද්ධයට සූදානම් බව පවසා ඇත්ද?
ලෙනින්ට ගආගමක් තිබ්බේ නැහැ . ඔහු අදේවවාදියෙක් . පුටින් රුසියානු ඔර්තොඩොක්ස් පල්ලි වලට යනවා . මහා බ්‍රිතාන්‍යය දැනටමත් ප්‍රකාශ නොකළ යුද්ධයක පැටලිලා ඉන්නේ . ට්‍රම්ප් නැවැත්තුවේ නැත්නම් අපි ඔක්කොම හබක්
Delete//විවෘත මනසකින් ප්‍රශ්නයක් දෙස බලන්නට ඔවුන්ට නුපුරුදු බව මට පෙනුනි// හුම්. බොහෝ ප්‍රස්නවටල විසඳුම.
ReplyDeleteනිරාගමික කියල කියාගන්න සමහරැ නිර්ධය විදිහට හැම ආගම්වලට ගහන එක කාලයක් ට්‍රෙන්ඩ් එකක් උනා. තමුන් ලිබරල්, දාර්ශනික, විද්‍යාව ඉගෙනගත් කියල පෙන්නන එක තමයි එහි යටි අරැත උනේ සමහරැන්ගෙ. ඒත් වචනයට එහා ගිය ආගම් කරපින්නාගන්නෙ නැති පංසලකදි, පල්ලියකදි ඒ තැනට අනුව කටයුතු කරන, ඒවයෙ හරපද්ධතීන් ගැන හොඳ කතිකාවතක් තියෙන නිරාගමික පිරිසක්ද ඉන්නව. ඒ වගෙ සබුද්ධික පිරිසට හා සියලු දෙනාටම හෙනහුරා තමා අර පළමු කොටහ. ඔවුනුත් ආගමික අන්තවාදයෙ අනික් කෙළවරේ ඉන්නෙ. ඔය අන්තවාදී දෙකොටහ හන්ද මුලු සමාජයටම පාදගන්න තියෙන සත්‍යය යට යන එක තමයි වෙන්නෙ හිටං!
සහතික ඇත්ත නමියා. මසුරන් තිබ්බා නම් උබේ කටට එකක් දානවා.
Deleteමම ඔය අපේ වර්ථමාන අගමැති තුමියගේ ශිෂ්‍යයෙක් වෙලා උන්නානේ විවෘත විශ්වවිද්‍යාලේදි. එතුමියගේ නිරාගමිකත්වයත් නමියා කියනවා වගේ මෝඩ නිරාගමික අල්ට්‍රා ප්‍රෝ මැක්ස්.
එතුමිය කියපු විදියට බුද්ධාගම අදහලා කටයුතු කරන්න හොද නෑ. හැබැයි අනිත් ආගම් වලට උපරිම නිදහසක් දෙන්න ඕනේ ඇදහීම් වලටයි, ප්‍රචාරණේටයි, ව්‍යාප්තියටයි. නමියා කියන විදියට හැම ආගමකටම ගරු කරලා කටයුතු කරන්න ඕනේ උනත් හරිනි මැඩම් අපිට ඉගැන්නුවේ බුද්ධාගම හැර අනිකුත් සියළු ආගම් වලට වගේ සීන් එකකින්. විභාගේ පාස් වෙන්න ඕනේ නිසා මමත් ඕවා ඔහොම්මම ප්‍රශ්ණ පත්තරේට ලියලා ආවා.
දැන්වත් මැඩම් වෙනස් වෙලාද දන් නෑ.
හරිනි එහෙම දෙයක් කීව කියල මම නම් දැනුවත් නැහැ. එයා ගැන ගොඩක් බොරු ප්‍රචාරත් යන්ව් අමෙ දවස් වල . මම බෞද්ධ ජාතිවාදයට විරුද්ධයි . අනිත් ආගමික අන්තවදයන්ටත් විරුද්ධයි . ඒක වෙනස් වෙලා නැහැ . නමුත් අනිත් ආගම් ඉවසන්න් පුළුවන් . බුද්ධාගමද ඇතුළුව . නමියා සමග එකඟයි
Deleteසාකච්ඡාව හරිනි මැඩම් පිළිබඳව කර නොගත යුතු බැවින් ඒ පිළිබඳ වැඩිපුර අදහස් නොදක්වමි.
Deleteහරිනි උගන්නපු සීන් එකේ මෙහෙම දෙයක් තියනව . ලංකාවේ ඔය සමාජ ස්ථරයේ ඉන්න අය දන්නවා සිංහල බෞද්ධ ස්වෝත්තමවාදය විසින් කරන ලද විනාශය . මොකද ඒ ගොල්ලම නේ ඒක ගෙනාවේ . ඉතින් ඇතුළෙන්ම කඩන්න ඕනේ , මම හරිනි ට කැමැති ඒකයි. ලංකාවේ බහුතරයන්ගේ ආගම වශයෙන් නිරාමිස පුජාවට ගිහින් ඔය බෞද්ධ සෙට් එක ලොකු විනාශයක් කළා . බණ්ඩාරනායක ගෙන් පටන් අරන් . ඒක ඔයා නැහැ කියනවද ? ඕක ස්පාඤ්ඤ යේ කතෝලිකයන් , මුස්ලිම් රටවල් ඒ ඒ රටවල ඒ විධිහටම කළා . ලංකාවේ ඒක කලේ බුද්ධාගම . ඉතින් ඒකට විරුද්ධව කතා කරන එක නිවැරදියි . බෞද්ධ ආගම සිංහල නෙමෙයි . . ලංකාවේ දෙමල බෞද්ධ්යන් අනන්ත හිටිය . ඉන්දියාවේ බෞද්ධ ජනගහනය මිලියන් 8.5ක්. ප්‍රතිශතයෙන් අඩු වුනාට ලොකු ගානක් . ඕක සිංහල කරලා ජාතිවාදයට අරගෙන ඇවිත් , කුලවාදයත් (කලින් ඉඳන් ) හඳුන්නා දීලා කරපු විනාශයට වග කියන්නේ කවුද ? සිංහල කෑල්ල අත ඇරලා බෞද්ධ ආගම සහ දර්ශනය ඉගෙන ගන්න . කොපමන සුන්දර දහමක්ද කියල වැටහේවි .
Delete"ලංකාවේ බහුතරයන්ගේ ආගම වශයෙන් නිරාමිස පුජාවට ගිහින් ඔය බෞද්ධ සෙට් එක ලොකු විනාශයක් කළා . බණ්ඩාරනායක ගෙන් පටන් අරන් . " මෙන්න මේ ටික පොඩ්ඩක් පැහැදිලි මදි අයියා. පොඩ්ඩක් ආයි පැහැදිලි කරලා කියනවාද?
Deleteඒක වැරදියට ලිවිලා තියෙන්නේ . නිරීක්ෂණයට ස්තුතියි . ආමිස පූජාවට ගිහින් කියා නිවැරදි විය යුතුයි , බණ්ඩාරනායක මහත්තය චෙල්වනායගම් එක්ක ගිවිසුමක් ගහන්න ලැහැස්ති වුනා . දෙමළත් රාජ්ය භාෂාව කරලා . මොකද එයාට තේරුනා සිනහල් පැය 24 රාජ්ය භාෂාව කරලා කරපු වැරැද්ද . නමුත් එයාව බලයට ගෙනොඋ හාමුදුරු කට්ටිය පෙළපාලියකින් කොළඹ ඇවිත් ඒක නැවැත්තුවා . හාමුදුරුවෝ දේශපාලනයට ආවා . බුද්ධරක්කිත බණ්ඩාරනායක මැරෙව්ව . ආගම ආමිස පුජාවට බිල්ඩින් හදන්න සහ දෙමලු මරන්න ගියා . විනාශය පටන් ගත්තේ එතනින් .
Deleteතිලක මහත්තයාගේ බ්ලොග් එක මොකද්ද? ගොඩක් බ්ලොග්ස් නිතර ලිය වෙන් නැති නිසා දැන් කියවෙන්නෙත් නැති තරම්.
ReplyDeleteඔය අජිත් මහත්තයාගේ ගයිඩ් තුමී කියලා තියෙන කතාව සහතික ඇත්ත. හැමෝම හිජාබය ඇදලා, හමෝම හලාල් කාලා, හැමෝම රැවුල වවලා, හැමෝම ලෝගුව වගේ ඇදුම් ඇදලා, හැමෝම මල පාන්දර ඉදන් දවසට පස් පාරක් ලවුඩ්ස්පීකර් වලින් කියෝන යාඥ්ඥාව අහන් ඉන්න ඕනේ කියන මානසිකත්වයයි, එහෙම කරන්න අකමැති උන්ටත් එහෙම කරන්න කියලා බල කරන එකයි, සංහිදියාව උදෙසා ඒවාට ඉඩ දෙන්න ඕනේ කියන ගොබ්බ තර්කයයි තමා අවුල. නැත්තම් මුස්ලිම් මිනිස්සු අතර හොද මිනිස්සු ඕනේ තරම්.
තිලකෙ මහත්තයා බණ්ඩාරවෙලය
Deleteතිලකගේ පියා බණ්ඩාරත් වෙලේය
ඇමැති විජිත හේරතුත් බණ්ඩාරවෙලය
එයට හිලව්වට තිලකයේ සිළුමිනේය
මේවා මහා who කන වැඩ...
DeleteThis comment has been removed by the author.
Deleteතිලකසිරි ගේ බ්ලොගයේ ලින්ක් එකක් උඩ එල්ලලා තියෙනවා බ්ලොග් ලිස්ට් එකේ . එයා වැඩිපුරම ලියන්නේ ෆේස්බුක් එකේ . ගයිඩ් කාන්තාවගේ කතාවට මාත් එකඟයි
Deleteඅජිත් මහත්මයාගෙ පවුලේ සාමාජිකයන් සියලුදෙනාම නිරාගමිකද?
ReplyDeleteනැහැ , මා සහ එක දුවක් පමණක් , ඇයත් පන්සලට නම් යනවා දාන, සවස යාඥා වලට හෙම අරාධනා කලහම
Deleteස්තුතියි අජිත් මහත්මයා
Deleteමගේ බිරිඳ ප්‍රොතෙස්තන්ත ආගමින් බුද්ධාගමට හැරිලා ඉන්නේ . ලොකු දුව බෞද්ධ ප්‍රතිමා තියන් හිටියට පල්ලිත් යනවා ඉඳල හිටලා .
Deleteහිතන්න යමක් තියෙන, රසවත් ලිපියක්. නමියාත් හොඳ පොයින්ට්ස් ටිකක් දීලා තියනවා. ඇලීම අතහැරීම = නිරාගමිකත්වය?😮😵💫 ඒක නං තේරුනේ නැහැ. අර කිව්ව මාලන් රොෂාන් ලිපිය බලන්න නැති එක පාඩුවක්. හුටා! තාමත් මගෙ "ඇලීම අතහැරීම" සාර්ථක නෑ.
ReplyDeleteඔබේ ලිපියේ තියෙන අනිත් කරුණු තේරෙනවා. උස්බෙකිස්ථානය පට්ට රටක් නෙව? සෝවියට් බලපෑම නිසා එහෙම ආගම් අන්තවාදයට නොගිහින් ඉන්න ඇති කියලත් හිතෙනවා.
මාලන් ගේ වෝල් එක හොයා බලා ලින්ක් එක දාන්නම්. උසේබෙකිස්ථාන ය පට්ට රටක් බව දැනගත් නිසා තමා ගියේ . සෝවියට් බලපෑම නිසා තමා අන්තවාදය නැත්තේ . සෝවියට් බලපෑමේ එක හොඳක් . සිරියව් ඖනත් එහෙමනේ . හැබැයි ඇමෙරිකාව සහයෝගය දෙන කට්ටිය ජිහාඩ් වාදීන් . ඕක තමා ඇමෙරිකාව හැම වෙලේම කරන වරද මම හිතන්නේ .
DeleteIn Buddhism, attachment (Sanskrit/Pali: upadana) refers to the ways we grasp or cling to other people, objects, ideas, or experiences. Clinging to false views, including the notion of a separate or permanent self, is considered especially problematic and to be abandoned. තේරුනා නේ . උපාදානය ප්‍රධාන දෙයක් බුදු දහමේ . අත්හරිනවා කියන්නේ තමන්ට තමන් බෞද්ධ කියල ලේබල් ගහගත්තොත් ඔබ බෞද්ධයෙක් වෙනවද කියන තැනින් පටන් ගන්න . මට බ්ලොග් ලියන එක අද වුනත් නතර කරලා පට්ට සතුටෙන් හිටිය හැකි . අනිත් දේවලුත් ඒ වගේ තමයි . හැබැයි හැම දේම නෙමෙයි . ආගමට ඇළුනහම තමා තරහයන්නේ . නිරාගමික වීමේ තේරුම ඒක
Deleteහාමුදුරුවෝ ගැන ලිපිය - https://kolambagamaya.blogspot.com/2014/10/nathism.html
Deleteස්තූතියි. හාමුදුරුවෝ ගැන ලිපිය බලන්නම්.
Deleteඅජිත්, ඉස්ලාම් ආගමික විශ්වාසයන් තුළ මුඛ හා ගුද සංසර්ගය තහනම්ද?
Deleteඉස්ලාම් ආගමේ සහ කතෝලික ආගමේ සම රිසි ඇසුර තහනම් නිසා එවැනි දේ තහනම් කියා සිතිය හැකිය .
Deleteනිරාගමික කියන්නේ කිසිම ආගමක් අදහන් නෑ කියන එක නේද? වර්ථමාන අදහස් අනුව. එතකොට ඔය නිරාගමික සෙට් එක හැම ආගමකටම ගරහන එක හිතා ගන්න පුළුවන්. ලංකාවේ තිබුනේ නිරාගමික කියාගෙන බුද්ධාගමට ගහන සීන් එකක්නේ. ඒකනේ ගම්මන්පිලලා, පාඨලීලා පාර්ලිමේන්තු ගියේ.
ReplyDeleteවර්ථමාන කියැවීම අනුව හැම ආගමකටම ගරු කිරීම සර්වාගමික කියලයි හදුන්වන්නේ. හැබැයි ලංකාවේ සර්වාගමික සෙට් එකත් කලින් කිව්වා වගේ අනිත් සියළු ආගම් වලට ගරු කලා බුද්ධාගමට ඇර.
ලංකාවේ නිරාගමික සෙට් එක වරදවා වටහා ගත් කණ්ඩායමක් වෙන්න පුළුවන් . සර්වාගමික කියන්නේ හැම ආගමකටම ගරු කරන එක . ඒකට බුද්දාගමත් අයිතියි නේ . එක පැත්තකින් සර්වාගමිකයෙක් වෙන්න පුළුවන් . නමුත් මගේ ගරු කිරීමක් තියනවද දන්නේ නැහැ . ඒ කියන්නේ මගේ තියෙන්නේ තෝරා ගත් ගරු කිරීමක් . අන්තවාදී වෙන ඕනෑම ආගමකට විරුද්ධයි . බෞද්ධ හෝ ක්‍රිස්තියානි හෝ ඉස්ලාම් කියා වෙනසක් නැතිව . මම නිරාගමික කියා කියන්නේ කිසිම ආගමකට දර්ශනයකට නොඇලී සිටීම යන තේරුමෙන් . නමුත් ඒකෙන් අදහස් වෙන්නේ නැහැ මම ඒ ඒ දර්ශනයට අයත් දේවල් නොකියවා අප්‍රබුද්ධ ලෙස (ignorance ) ලෙස සිටිනවා කියල . සෑම ආගමක් ගැනම කියවනවා . නමුත් නිරාගමිකයි .
Deleteමේ වචන හරඹයෙන් එහාට ගිහින් සම්පූර්ණ පිංතූරෙ දිහා බැලුවොත්, ඇනෝ කියපු දේ හරි කියල හිතෙනවා. නිරාගමික = කිසිම ආගමක් "අදහන්නේ" නැති වීම. ඇදහීම = faith.
Deleteහැම ආගමකටම ගරු කරන්නෙ නං නෑ, ඒත් අනිත් ආගම් වලට "නිගරු/අගරු" කරන්නෙත් නෑ. අන් අයට කැමති ආගමක් ඇදහීමේ නිදහසට ගරු කරනවා. මෙතන "ගරු" කියන වචනයේ තේරුම "එකඟ වෙනවා" කියන එකයි.
හරි . එකඟයි . අපි තුන් දෙනාම එකම අදහස් කියන්නේ වෙනත් ආකාර වලින් . මම ලඟදි පොඩි වාදයකට පැටලුනා ෆේස්බුක් එකේ . යාලුවෝ දෙන්නෙක් එක්ක . එයාලා හුඟක් පෝස්ට් දානවා ආගම් වලට එරෙහිව . අවුලක් නැහැ . මමත් ලියනවා තමා ඔය බෝන් අගේන් කට්ටියට් එරෙහිව හෙම . නමුත් එයාලා ආගම් අදහන හැමෝවම හරිම මෝඩ එයාලට වඩා පහත් මිනිස්සු හැටියට සලකලා පෝස්ට් දානවා . මම ඒකට විරුද්ධව කතා කළා . මොකද තමන්ව උඩ පෙඩස්ටල් එක්ක තියාගෙන කතා කරන්නේ . මම ඒකට අකමැතියි . මම මුල් කාලේ මගේ අම්මා එක්ක වුනත් රණ්ඩු උනා මාව කෝවිල් පන්සල් වලට ඇදන් යනවට . දැන් ඊට වැඩිය පරිණත විධිහට ඒ දිහා බලන්නේ . ඒ මගේ අම්මා දන්නා ටිකට මම අපහාස කරන්න හොඳ නැහැ කියන තැන ඉඳන් .
Deleteවරේවා... ඇන්කෝර්!!
Deleteමෙන්න මාලන් ගේ ලිපිය https://www.facebook.com/photo?fbid=28114571314796682&set=a.914587861888395
Deleteඒ ලිපියත් බලල ඊට, හේගල් ගැන කලින් ලිපියකුත් බැලුව. මගේ දැනට තියෙන අදහස් සමඟ සමපාත වෙනවා කියල හිතුනා. ඒත් "අදහස්" කියන ඒවා ස්ථීර නැහැ, නිරන්තර වෙනස්වීම් වලට භාජනය වෙනවා. නිරාගමික දේවාලයේ ප්‍රධාන කපුතැන "රිටිගල ජයසේන" ගැනත් ලිපියේ සඳහන් කරලා තිබුනා. ඔය "රැබිට් හෝල්" එක අපි වගේ පක්සීන්ට ගැඹුරු වැඩියි, උපාසක.😋😁
Deleteඔබතුමා මෙන්න මේ වගේ සරලව, සංෂිප්තව අපට තේරෙන විදිහට මේවා ගැන ඉදිරියටත් ලියන්න. මේකට ඇනෝ ආතල් ටිකකුත් මුහු කරලා ගත්තාම , අපට ගැලපෙන නියම මාත්තුව.👌🙏
ස්තූතියි . මගෙත් බලාපොරොත්තුව සරලව යයමක් ලිවිම පමණයි . වැඩි හිතට කරදරයක් නැතිව
Deleteකොමියුනිස්ට් රටවල තිබුන හොඳම ( එකම? ) දේ රාජ්‍යය secular වීම. කොමියුනිස්වාදය ආගමක් ගාණට සමහර අවස්ථාවලදී ගියත් අඩු ගාණෙ සාම්ප්‍රදායික ආගම් රාජ්‍යයට සම්බන්ධ නොවීම ලොකු දෙයක්.
ReplyDeleteමං නිරාගමිකද නැද්ද මං දන්නෙ නෑ. ආගම් ඇත්ත වෙන්නත් පුලුවන් නොවෙන්නත් පුලුවන්. මට ඒ ගැන දැනුමක්, විස්වාසයක් හෝ ඉන්ටරෙස්ට් එකක් නෑ. Ignorance is bliss. :-)
මම නොදන්නාගමිකයෙක් වෙන්න ඇති . අන්තිම කාලෙ මොනව හරි ආගමක් විස්වාසකරයිද දන්නෙ නෑ. ඒත් දැනට නම් මං වයසට යාමත් එක්ක ආගමිකබව අඩුවීම/නැති වීම තමයි වුනේ. හුඟක් අයට ඒකෙ අනිත් පැත්ත වුනා කියල දැකල තියනව.
කොමියුනිස්ට් රටවල් ලෝකේ බිහි වෙලා නැහැ තවම . සමාජවාදී රටවල් නම් තිබ්බ . තවම කොමියුනිස්ට් පක්ෂය විසින් රන් කරන රටවල් තුනක් තියනවා . හොඳම එකම දේ ඒක විතරක්ම නෙමෙයි . . නිදහස් සෞඛ්‍ය සේවය ඉතා වටින සමාජවාදී දෙයක් . මම ප්‍රයිවෙට් තමා මෙහෙ යන්නේ . ගෙවන නිසා කම්පැනි එකෙන් . නමුත් නිදහස් සෞඛ්‍ය සේවය තිබෙන එකෙන් ලොකු ප්‍රයෝජනයක් හැමෝටම තියනව .
Deleteඅජිත්
ReplyDeleteඇත්තටම ලංකාවට වාහන ආනයන තහනම ඉවත්කරන ලංකාවේ මහ බැංකුව නව මාලිමා රජය තදටම තල්ලුකරනව නේද? ඒත් ඒක වුනොත් අමාරුවෙන් ලබාගත්තු බලය ආපසු හරවන්නත් හේතු වෙන්න පුළුවන් කියල ආර්ථික විද්‍යාඥයෙක් වන Dhanusha Gihan Pathirana ඉංග්‍රීසියෙන් FT ට ලියනවා.
ඒකෙ තියෙන හැටියට ආර්ථික හේතු මත ආණ්ඩුව කඩා වැටීමට ඉඩ තියෙනවා.
මාලිමාවේ රඡය පොරොන්දු වූ 75% ක් දක්වා සියලුදෙනාම පොදු ප්‍රවාහනයට ගැනීමට එය දියුණු කිරීම සඳහා කිසිදු ප්‍රතිපත්තිමය තීරණයක්වත් නොගෙන වාහන ආනයන නිදහස් කිරීම තුළින් ඇතිවිය හැකි අනිකුත් දරුණු ප්‍රතිවිපාක ගැනයි
නන්දලාල් මහ බැංකු අධිපතිවරයා IMF න්‍යාය පත්‍රයට අනුව යමින් වාහන ආනයනය නිදහස් කළ යුතුයි කියල දින දෙකකට පසු ජාතික ජන බලවේගයේ (NPP) රජයේ ප්‍රකාශක අමාත්‍ය විජිත හේරත් ප්‍රකාශ කළේ ජනතාව ප්‍රතික්ෂේප කළ රනිල් වික්‍රමසිංහ පාලනය විසින් කලින් යෝජනා කළ පරිදි සියලුම වාහන ආනයන තහනම 2025 පෙබරවාරි 1 වන විට ඉවත් කරන බවයි.
මේ ප්‍රකාශ එන්නේ ලංකාවේ ආර්ථිකය සම්පූර්ණයෙන්ම විනාශ කිරීමට මූලිකම හේතුව වු විනාශකාරී ජාත්‍යන්තර ස්වෛරී බැඳුම්කර (ISB) ප්‍රතිව්‍යුහගත කිරීමට හිරවීම නිසා ණය ආපසු ගෙවීම බිලියන ගණනින් වැඩි වුන තත්ත්ව යටතේ.
විදේශ විනිමය උත්පාදනය වැඩි නොවුන තත්ත්වයක් තුළයි මහබැංකු අධිපති රූකඩය රටේ විදේශ සංචිතවල ඉරණම තීරණය කරන්නේ.
විනාශකාරී IMF ආශිර්වාදය ඇතිව, ආර්ථිකයේ විදේශ විනිමය තත්ත්වයට ජාතික ආදායම්, ඉතිරිකිරීම් සහ නිෂ්පාදනය ඉහළ නැංවීම මගින් පාරිභෝගික භාණ්ඩ ආනයන වියදම් පාලනය කළ හැකි බවයි මෝඩ මහ බැංකුවේ නිලධාරීන් කියන්නේ.
මේ අය කියන්නේ රටේ තියෙන නිෂ්පාදන සහ අපනයන තත්ත්ව සමග අපේ සාම්ප්‍රදායික සේවා සමග කාර් ආනයනය කරන්න අපේ ආර්ථිකයේ ඉඩ තියෙන බවයි. විද්‍යාත්මක අධ්‍යායන සහ කුසලතා අවශ්‍ය අද සහ අනාගත ලෝකෙට ගැලපෙන රැකියා ප්‍රවර්ධනය කරන සේවා සහ කර්මාන්ත ප්‍රවර්ධනය කිරීම ගැන මුකුත්ම කියන්නේ නෑ සහ දන්නෙත් නැතුව ඇති.
එමෙන්ම ලංකා විදේශ සේවා නියුක්තිකයන්, නිදහස් වෙළඳ කලාප සේවකයින් සහ යැපුම් වියදමට වඩා අඩු ආදායම් ලබන වතු ආදියේ ශ්‍රමිකයන් විසින් මෙතෙක් කල් බර දරාගත් විදේශ ආදායම් වාහන ආනයනය වෙළඳපොළ අරමුණු ඉෂ්ට කර ගැනීමට භාවිතා කිරීම බාහිර අංශයේ සමතුලිතතාවයට තර්ජනයක් නොවන පරිදි සහ ජනතාවගේ ජීවන තත්ත්වය තවදුරටත් පහත නොවැටෙනු ඇති බවයි.
ඇත්තටම මොකක්ද සැබෑ අරමුණ?
ජාත්‍යන්තර මූල්‍ය අරමුදල මෙම වාහන වෙළඳපොළ විවෘත කිරීම ඉල්ලා සිටිනවා. ශ්‍රී ලංකාවේ අනාගත ස්ථාවරත්වය සහ සංවර්ධනය ඇපේට තියාගෙන විදේශයන් ධනවත් කිරීමක් මෙතන බලාපොරොත්තු වෙනවා වෙන්නත් පුළුවන්. මොකද IMF විසින්ම 2022 අපගේ අධි පරිභෝජනය සහ රටට දරාගත නොහැකි පරිදි වාහන වලින් රට පිරවීම නිසා රට මේ තත්ත්වයට වැටුන බව කියපු කතාව දැන් උන්ම අමතක කරල.
පෞද්ගලික වාහන ආනයන තහනම සම්පූර්ණයෙන් ක්‍රියාත්මක තත්ත්වයකදී බොරතෙල් මිල බැරලයකට ඩොලර් 70ක් පමණ අඩු මට්ටමක පවතින අතර දැනටත් මුළු ආනයන වියදමෙන් 24%ක් පාරේ දවා අලු කරන අපගේ දරන්නට බැරි තරම් විශාල මෝටර් රථ ප්‍රමාණය අඩු කරන්න කියලයි ඔවුන් එදා කිව්වේ.
නමුත් දැන් ලංකාවේ විදේශ සංචිත තත්වය යම් සහනදායි මට්ටමක පවතින නිසා ඔවුන් ඔවුන්ගේ සැබෑ අරමුන, එනම් IMF හි බහුතර ඡන්දය හිමි කාර්මික රටවල අවශ්‍යතා ප්‍රවර්ධනය කිරීම වෙන්න පුළුවන්.
මෙය ශ්‍රී ලංකාවේ ඌන සංවර්ධිත තත්ත්වය සහ ණය බර සදාකාලික කර දේශපාලන ආර්ථික යැපීම් සහ ජීවිත එකතැන පල්වීමේ චක්‍රයකට අපව සිරකරනවා. (අපි දැනටත් ඉන්නේ ගලවා ගන්න අමාරු විෂම චක්‍රයක). එහෙම නේද?
Cont'd
ReplyDeleteලංකාවේ අධිපතිවාදී අපතවාදී පාදඩ ප්‍රභූ පැලැන්තියේ සහ ගෝලීය භූ දේශපාලනික කෙමණක් වන ජාත්‍යන්තර මූල්‍ය අරමුදලේ යෝජනා අනුගමනය කිරීම අපගේ විදේශ විනිමය උත්පාදනය කරන ශ්‍රම බලකායේ ආර්ථික ස්ථාවරත්වයට සහ ජීවන තත්ත්වයට හානියක් නොවන බව මහ බැංකු අධිපතිවරයා සහතික වෙනවා.
එහෙත්, විනාශකාරී ප්‍රතිව්‍යුහගත කිරීමේ ගිවිසුම් නිසා බාහිර තත්වය සහ ISB ආපසු ගෙවීම් තවත් ආගාධයට ගෙනියනවා. මේ වාහන තහනම ඉවත් කිරීම, ලබන වසර මුලදී තවත් ගෙවුම් ශේෂ අර්බුදයක් සහ විදේශ ණය ඛේදවාචකයක් කරා අපව අනිවාර්යයෙන් තල්ලු කරයි.
පසුගිය වසර දෙකහමාර තුළම ඩොලර් 1.4 billion සීමාවේ තිබුන ලංකාවේ මාසික ආනයන වියදම 2024 ජුලි මාසේ සිට වැඩි වුනා ඩොලර් 1.7 බිලියන් දක්වා.
වෙළඳ ශේෂය වැඩි වුනා ඩොලර් මිලියන 634 කට 2024 september වල. මේක 68% වෙන ඉතා නරක වැඩිවීමක්.
එපමණක් නෙමෙයි සංචාරක ආදායම් 2024 September සිට ලැබීම අඩුවීම සහ රටේ විදේශ ගමන් වියදම් සැප්තැම්බර් මාසේ $ 104 million දක්වා වැඩිවීම අවාසිදායක තත්ත්වයක්.
මේව සේවා ආර්ථිකයේ ආදායම් වෙනස තවත් දරුණු කරා සැප්තැම්බර් මාසේ ආදායම $156.1 ට අඩු කරලා. 2023 මේක තිබුනේ ඩොලර් මිලියන 308.8 ක. මේ 50% පමණ අඩුවීමක්. මේ වෙනස වඩාත් භයානක දෙයක් ලෙස දැකිය යුතුයි 2023 සංචාරක ව්‍යාපාරයේ ආදායම් 2024 ට වඩා බෙහෙවින් අඩු වුන තත්ත්වයක් තුළ මේ වෙනස වුන නිසා.
ශුද්ධ විදේශ විනිමය ලැබීම් අඩු වුණත් විදේශ ශ්‍රමිකයන්ගේ විදේශ ප්‍රේෂණ වැඩිවීමේ පිහිටෙන් 2024 සැප්තැම්බර් වන විට ශ්‍රී ලංකාවේ ගෙවුම් ශේෂයේ අතිරික්තය ඩොලර් බිලියන 2.2 ක් වෙලා තියෙනවා. 2024 ජනවාරි-සැප්තැම්බර් කාලය තුළ මෙය ඩොලර් බිලියන 4.8 ක්.
තරුණ ශ්‍රමිකයන් අපනයනය කිරීමෙන් සහ රටේ පවුල්වල අවුල් ඇති කරමින් කාන්තාවන් ගෘහාශ්‍රිත රැකියා සඳහා අපනයනයෙන් ලැබෙන විදේශ ප්‍රේෂණ අපව යන්තම් රඳවා තබාගෙන ඉන්නවා.
දැන් විදේශ සංචිත තත්ත්වය චීන යුවාන් මුදල් ඒකක මත චීන මහජන බැංකුව සමඟ ඇති ඩොලර් බිලියන 1.5 ක මුදල් හුවමාරු කිරීමේ පහසුකම හැර ඩොලර් බිලියන 4.5 ක්. මෙයින් අදහස් කරන්නේ පසුගිය මාස තුන තුළ ශ්‍රී ලංකාවේ real import cover මාස 2.6 ක් වැනි පහළ මට්ටමකට වැටිලා. මේ තත්ත්වය මත වාහන ආනයනය වේගවත් ආර්ථික කඩා වැටීමක් වෙන්න පුළුවන්.
ගින්නට පිදුරු නොව තෙල් දැමීම
CBSL ද්විපාර්ශ්වික ණය ගිවිසුම සමඟ එකඟ වුණු ISB ප්‍රතිව්‍යුහගත කිරීම ලබන වසරේ සිට ආපසු ගෙවීම ආරම්භ කළහොත් 2025 දී ශ්‍රී ලංකාවේ ණය සේවා පිරිවැය විදියට දළ වශයෙන් ඩොලර් බිලියන 1.85 ක් අපි ගෙවන්නම වෙනවා.
මේකෙන් ගැලවෙන්න බෑ. ලංකාවට ගෙවන්න වෙනවා 1.8% එකඟතා ගාස්තුවක් මූලික ISB ඉල්ලීම වන ඩොලර් මිලියන 220 ට. ඒ 501 M USD පොලී සහ මුල් මුදල ගෙවීමට අමතරව. මේකට හේතු වෙනවා 1.7 billion USD සාමාන්‍ය වැනිලා බැඳුම්කර වල හිඟ පොලිය මත ඇති 4% පොලිය.
මෙය, පුද්ගලික වාහන සඳහා ඇති වූ ඉල්ලුම සමඟ එකතු වී මුළු ආනයන බිල තවත් ඩොලර් බිලියන 1.5 කින් ලේසියෙන්ම වැඩි කරන්න පුළුවන්.
නිදසුනක් වශයෙන්, වසර හතකට පෙර යහපාලන රජය සභයේ 2018 දී, ශ්‍රී ලාංකිකයන් විසින් යථාර්ථවාදී ඉල්ලුමකින් තොරව ඩොලර් බිලියන 1.6 ක පුද්ගලික වාහන ආනයනය කරල ගොඩගැහුවා. මේකෙන් පෙන්නන්නෙ ශ්‍රී ලංකාවේ විදේශ විනිමය පිටතට ගලායාම 2025 දී ආසන්න වශයෙන් ඩොලර් බිලියන 3.3 සිට 3.5 දක්වා වැඩි වන අතර එය පවතින විදේශ සංචිතවලින් 75% ක් අතුගා දැමීමට ප්‍රමාණවත් බවයි.
Cont'd
ReplyDeleteවිදේශ සංචිත ටික ඉවර නොකර මෙම අතිරේක වියදම්වලින් බේරීමට ශ්‍රී ලංකාවේ මුළු අපනයන ලැබීම් 20%කින් ඉහළ යා යුතුයි. නමුත් කොහෙත්ම අමතක කරන්න බෑ ඕනෑම රටෙන් බැහැර සිද්ධියක්, ඉන්ධන මිල ඉහල යාමක් හෝ අවිචාරවත් travel advisory ආදිය මුදලේ වටිනාකම කඩා වැටීමේ සිට ජීවන තත්ව තලා දැමීම සහ පූර්ණ අර්බුදයක් දක්වාම ඇවිලෙන්න පුළුවන් බව.
මේ බලාපොරොත්තු විය යුතු තත්ත්වයන්ට අමතරව පසුගිය දශක එකහමාරක කාලය තුළ ශ්‍රී ලංකාවේ වෙළෙඳ කොන්දේසි වල අගය (unit value of the terms of trade index) ක්‍රමානුකූලව පිරිහුණා. 2024 සැප්තැම්බර් වන විට වෙළඳ කොන්දේසිවල ඒකක අගය 90 ට ආසන්න වන අතර එය 2010 base year අගය වන 100 ට වඩා බෙහෙවින් අඩුයි. මෙයින් අදහස් කරන්නේ ශ්‍රී ලංකාවේ අපනයන ඒකක මිල එම කාලය තුළ ආනයනවලට සාපේක්ෂව 10% කට වඩා පිරිහී ඇති බවයි . එනම් ශ්‍රී ලංකාවේ ආනයන හා අපනයනවල මිල නම්‍යතා එකතුව එකකට වඩා අඩු බවයි.
මේ අනුව Marshall-Lerner නිර්ණායක මත, අපගේ වෙළඳ ප්‍රතිපත්තිවල දිගුකාලීන පිරිහීම් නිසා, වෙළඳපල මත තීරණයවෙන විනිමය අනුපාත හරහා ගෙවුම් ශේෂය වැඩිදියුණු නොවනු ඇත.
According to the Marshall-Lerner Condition, the balance of payments would not improve simply through a market-determined exchange rate in the face of long-run deterioration of terms of trade.
මහ බැංකුවේ අධිපතිවරයා සහ ජාත්‍යන්තර මූල්‍ය අරමුදල කියනවාටත් වඩා අතිශයින් තුනී අයිස් තට්ටුවක් මත NPP රජය නින්දෙන් ඇවිදිමින් සිටින බව ඔවුන්ගේ ආර්ථික ප්‍රතිපත්ති සම්පාදකයන් වටහා ගත යුතුයි.
බලයට පත්වී පළමු වසර තුළම පැරදුනු පැලැන්තියට නැවත බලය පැවරීමට මේ ආර්ථික තීරණය හේතු වෙන්න පුළුවන්. ප්‍රභූ දේශපාලනය, ගජ මිතුරු ව්‍යාපාර, මාධ්‍ය මුලාවන් පරදවාගෙන ගත් අසීරු ජයග්‍රහණය සදාකාලිකව ආපසු හරවන්නත් හේතු වෙන්න පුළුවන්.
(මෙම ලිපියේ ශ්‍රී ලංකාවේ බාහිර වෙළඳාම පිළිබඳ සියලුම දත්ත CBSL බාහිර අංශයේ කාර්ය සාධනය, මාසික මාධ්‍ය නිවේදන වලිනි)
මුල් ඉංග්‍රීසි ලිපිය ලියූ Dhanusha Pathirana සිංගප්පූරුවේ Palgrave McMillan ප්‍රකාශයට පත් කළ 'A History of Undevelopment and Political Economy of Inflation in Sri Lanka' (2020) ග්‍රන්ථයේ සමකතෘවරයා ද වනවා. He's reading for PhD in Economics at the university of Sri Jayawardanapura. He holds a Master's in Economics from the University of Colombo.
දීර්ඝ ප්‍රතිචාරයට ස්තුතියි . මේ වගේ කමෙන්ට් එකක් දාන්න ඕනේ එකොන් ගේ බ්ලොගයේ .
Deleteකොටස් වෙළඳපල අද ඉතා ඉහල අගයකින් අවසන් වුනාය කියල දැන ගන්නට ලැබුන .
Deleteසැම ෆේස්බුක් පෝස්ට් එකකටම යූආර්එල් එකක් ඇති නිසා ලින්ක් එකක් දාන්න පුළුවන්
ReplyDeleteඔව් , ලිපිය හොයාගෙන දැම්ම ලින්ක් එක . උඩ බලන්න
Deleteරසික, අම්මප එහෙම පුලුවන්ද? තමුන්නැහැ කියනකම් අපි දැනගෙන හිටියෙ නෑනෙ. 😂😂😂
Deleteඅජිත් ඇත්තටම එංගලන්තය ඇතුලු යුරෝපීය රටවල පවා සහනාධාර නිසා නිකමුන් පිරිසක් බෝවෙලා තියෙනවා නේද?
ReplyDeleteඒ වගේම මේවන විට ලංකාවේ නව ජාජබ ආණ්ඩුව අයි එම් එෆ් එකේ අනුමැතිය ලබාගෙන පාසැල් අධ්‍යාපනය ලබන දරුවන් සිටින අස්වැසුම සහනාධාර ලබන පවුල්වලට ලබන වසරේ රුපියල් හයදාහක දීමනාවක් දෙන්න තීරණය කරල තියෙනව කියල ඔයා අහල ඇති නේද?
ඇත්තටම ලංකාවේ ආර්ථිකය දැඩිලෙස පාලනය කරන මේ අයිඑම්එෆ් කොන්දේසිවල හැටියට එයාලගේ එකගත්වයක් සහිතව මේ වගේ අලුත් සහනාධාර ක්‍රියාත්මක කරන්න පුළුවන් වුණත් කර්මාන්ත ප්‍රවර්ධනය කිරීමට කාර්මික ව්‍යාපාර වලට සහන ලබාදීමට අයිඑම්එෆ් එකෙන් කිසිම බුරුලක් ලබැගැනීමට ඉඩ ලැබෙයි කියල නම් හිතන්න අමාරුයි.
ලංකාවේ සම'හරක් ලිබරල්ලු අයිඑම්එෆ් එක සහනාධාරවලට විරුද්ධයි කිව්වට මේ වගේ පරිභෝජනය සදහා දෙන අනවශ්‍ය මුදල් සහනාධාර දෙනවට විරුද්ධ බවක් පේන්න නැහැ. තවත් රජයේ බදු මුදල් කාබාසිනියා කරන සුදු අලි ව්‍යාපෘතියක් වන අස්වැසුමත් අයිඑම්එෆ් යෝජනාවක්නේ.
ඇත්තටම අයිඑම්එෆ් එක විරුද්ධ බව පේන්නෙ රටේ සංවර්ධනයට අවශ්‍ය ආර්ථික සංවර්ධන ක්‍රියාවලියට යොදාගන්නට පුළුවන් සහ රටේ කර්මාන්තවලට යොදාගන්න පුළුවන් විදුලි, සහ ඉන්ධන වැනි බලශක්තිය වගේ සහනාධාරවලට බවයි පේන්නෙ. ඒ අතින් බැලුවම අයිඑම්එෆ් සහනාධාර යෝජනා වඩා කිට්ටුවන්නෙ පරණ සෝවියට් පන්නයේ අකාර්යක්ෂම සමාජවාදී නිකමුන් බෝකරන දිළිඳුකම ප්‍රවර්ධනය කරන ආර්ථික ක්‍රමයකට නේද?
සහනාධාර ටික දවසකට දෙන්න වෙනවා ආර්ථිකය ස්ථාවර වෙලා එනකන් . ඒත් සහන්ධර නොදී ඉන් පුලුවන්නම් හොඳයි . අවශ්‍ය අයට ඇරෙන්නට . //ඒ අතින් බැලුවම අයිඑම්එෆ් සහනාධාර යෝජනා වඩා කිට්ටුවන්නෙ පරණ සෝවියට් පන්නයේ අකාර්යක්ෂම සමාජවාදී නිකමුන් බෝකරන දිළිඳුකම ප්‍රවර්ධනය කරන ආර්ථික ක්‍රමයකට නේද?// සෝවියට් දේශයේ සහනාධාර දුනෙන් නැහැ , ඒක පටන් ගත්තේ එංගලන්තය වගේ රටවල් . මොකද සෝවියට් දේශයේ නොමිලේ සෞඛ්‍ය අහ අධ්‍යාපනය දුන් නිසා සහ කම්කරුවන්ට වැඩ කරන ෆැක්ටරි වලින් ගෙවල් දුන් නිසා . සමාජවාදී නිකමුන් බිහි වුනේ මාක්ස් ගේ ශ්‍රම කතාව උගන්වන් ගිහින් . පැය අටක් වැඩ කලොත් පැය දෙකයි තමන්ගේ ශ්‍රමයේ වටිනාකමට ලැබෙන්න කියල හිතල , පැය හයක් කොමියුනිස්ට් පක්ෂයට වැඩ කරන්නේ මොකටද කියල මිනිස්සු නිකන් ඉන්න ගත්ත . අනික නිලධාරීන් රවටන්න ලෙහෙසි වුනා .
Deleteඅජිත් දකුණු කොරියාවට මොකද ඇත්තටම වෙන්නේ?
ReplyDeleteදකුණු කොරියාවට හමුදා නීතිය පනවමින් ජනාධිපති යුන් සුක් යෝල් රූපවාහිනිය ඔස්සේ ජනතාව අමතමින් ප්‍රකාශයක් කළ බව ජාත්‍යන්තර මාධ්‍ය වාර්තා කරයි.
උතුරු කොරියානු කොමියුනිස්ට් බළකාවලින් රට ආරක්ෂා කරගැනීමට රාජ්ය විරෝධීන් විනාශ කිරීමට හදිසි යුද නීතිය පනවමින් තීරණයක් ගන්නා බව ජනාධිපති යුන් සුක් යෝල් සදහන් කරයි.
රාජ්ය විරෝධීන් රට තුළ නොසන්සුන් තත්වයක් ඇති කිරීමට උත්සාහ දරන බවත් එවැනි තත්වයක් මත දකුණු කොරියානු ජනතාවගේ නිදහස හා ආරක්ෂාව සහතික කිරීමට හමුදා නීතිය පැනවීමට සිදුවූ බව ජනාධිපති යුන් සුක් යෝල් සදහන් කරයි.
විශේෂ බළකා සෙබළුන් පාර්ලිමේන්තුව තුළට බලෙන් ඇතුළු වී ඇති අතර හමුදා නීතිය යටතේ නැවත වරක් නිදහස් හා ප්‍රජාතන්ත්‍රවාදී දකුණු කොරියාවක් ගොඩනැගීමට කටයුතු කරන බවද ජනාධිපති යුන් සුක් යෝල් සදහන් කරයි.
හමුදා නීතිය පැනවීමත් සමග දකුණු කොරියානු පාර්ලිමේන්තුවට මන්ත්‍රීවරුන්ට ඇතුළුවීමට නොහැකි පරිද්දෙන් මාර්ග බාධක යොදා වසා දැමීමට එරට පොලීසිය කටයුතු කර ඇත.
දකුණු කොරියා ජනපතිවරයාගේ එම තීරණයට එරට විපක්ෂයෙන් මෙන්ම ඔහුගේ පක්ෂයෙන්ද විරෝධයතා මතුවී ඇති බව ජාත්‍යන්තර මාධ්‍ය වාර්තා කරයි. මේ ගැන විස්තර කරලා පෝස්ට් එකක් ලියන්න පුළුවන්ද?
එයා දුෂණ වලට අහුවෙලා නඩුවක් යනවා . ඒකෙන් බේරෙන්න දාපු ගැටයක් වගේ මට පේන්නේ . දැන් කෙලවෙලා තියෙන්නේ ජනාධිපතිට .
Deleteඅජිත් අයියේ, ඔයාට සමහර අය ඇනෝ ඇවිත් බැන්නා කියලා ලියන එක නවත්වන්න එපා, ඔය බනින අය එක්කෝ ෆ්රොෆයිල් බ්ලොග ලියන අය වෙන්න පුළුවන් ඊර්ෂ්‍යාව නිසාම මේක අල කරන්න හදන අය, නැත්නම් ඔයාගේ පුද්ගලික ඇරියස් කාරයෝ බොරු මාලිමා විරෝධයක් පෙන්නලා ඒකපිට දාලා ඔයාට මඩ ගහන්න රිද්දන්න හදනවා වෙන්න ඕන.
ReplyDeleteඒ නිසා මගේ ගෞරවනීය ඉල්ලීම පිළිගෙන කාටවත්ම බය නොවී ඔවුන්ගේ අරමුණ ඉටු වෙන්න ඉඩ නොදී දිගටම ලියන්න ශක්තිය ලැබෙන්න ඕන කියල, දිගටම ලියන්න අජිත් අයියේ අපි ඉන්නවා මේක දිගටම බලන්න කමෙන්ට් කරන්න.
ඔය මොකක් හරි වෙන්න පුළුවන් තමා මල්ලි . ඒකෙ අවුලක් නැහැ . ලියන්න හිතන කල් ලියනවා . ඊට පස්සේ නවත්වනවා . කොහොමත් අර කතාව ඉවර අක්රනන් එපාය .
Delete@ Ajith
ReplyDeleteඔයා මොකද මේ කාරණය ගැන හිතන්නේ?
https://x.com/sanjiva/status/1863977395696640437?t=5Jhll5rprhxbTnpGK4X1zA&s=19
බයිඩන් ලේම් ඩක් ජනාධිපති කෙනෙක් බව ඇත්ත . නමුත් ඇමෙරිකා එක්සත් ජනපදය වගේ රටවල සමහර විදේශ ප්‍රතිපත්ති එහෙම වෙනස් වෙන්නේ නැහැ . අපේ අසල්වැසි ඉන්දියාවේ උනත් එහෙමයි . හැම රටක් ගැනම අනුමත කරගත්තු ප්ලෑන් එකකට තමයි වැඩ
Deleteඅජිත්,
ReplyDeleteඔයා උඩ කමෙන්ටුවක පොදුවේ අපි වගේ "Annonymous" කමෙන්ටු දාන අයට ඉතාම කර්කශ ලෙස පරිභව කරමින් බැන වැදීම ගැන මගේ මතය පවසන්න කැමතියි.
ඇත්තටම සමහර අය මේකේ දිගින් දිගටම Annonymous විදියට කමෙන්ටු ලියා ඔයාගේ හිත රිදෙන ලෙසට සහ අපහාසාත්මක කතා කියලා තියෙනව ඒක ඇත්ත මමත් එහෙම කමෙන්ටු ගොඩක් දැක්කා.
ඒත් අජිත් මම ඔයාට සහතික කරලා කියන්නෙ මමත් මේ බ්ලොගය තුල සහ තවත් බ්ලොග ගණනාවක කමෙන්ටු දාල තියෙනව ඒ සේරම Annonymous විදියට දාල තියෙන්නෙ ඒත් මම කවදාවත්ම ඔයාට හෝ වෙනත් ඕනෑම බ්ලොග ලියන කිසිම කෙනෙකුට අපහාසාත්මක දේවල් ලියලා නෑ, මම ගොඩක්ම ප්‍රශ්න අහල තියෙනවා ඔයාගෙන්නම් ගොඩක්ම ලෝක භූදේශපාලන තත්ත්වය පිළිබඳව, රුසියාවේ සමහර දේවල් ගැන, ඔයා ලියපු ඒවයේ සමහර අපහැදිලි තැන් ගැන, එංගලන්තය සහ යුරෝපීය රටවල සංස්කෘතික අංග සහ ආකල්ප පිළිබඳව ඔය වගේ හිතට නැගුනු ප්‍රශ්න සහ කුතුහලය නිසාම ඒ වගේ දේවල් අහල තියෙනව මිසක් කවදාවත්ම ඔයාට මොනම ආකාරයක වත් අපහාස කරලා නෑ, ඒ නිසා ඇනෝ බූරුවෝ මෝඩයෝ කියලා කිව්වට ඒක ඒ අදාල අයට (ඒ බෝහෝ විට ඔයාගේ පෞද්ගලික සතුරන් හෝ වෙනත් බ්ලොග ලේඛකයන් විය යුතු බව මගේ අනුමානයයි) විතරක්ම අදාල බවත් අපි වගේ සාමාන්‍ය පාඨකයන් වන Annonymous ලාට එය කිසිසේත්ම අදාල නොවන බවත් ඔබට අවධාරණය කළ යුතුයි.
අවසානයේ ඔබට තව දුරටත් වැදගත් ලෙස බ්ලොගය දිගටම පවත්වාගෙන යාමට දිගටම පෝස්ටු ලියන්නට ශක්තිය ධෛර්යය ලැබෙන්න කියල පතමින් ඔබට සුබ පතමින් නවතිමි. මේ කමෙන්ටුව දැමීමට ඉඩ දීම පිළිබඳවත් ඔබට බෙහෙවින්ම ස්තුතිවන්ත විය යුතුයි. බොහොම ස්තුතියි ඔබට අජිත්. ජය වේවා !