නව කොරෝනා වයිරසය ගැන චීනය අවංකද?

සාමාන්‍ය වෛරසයකට මෙසේ කරනවාද 

කොරෝනා වෛරසය  ගැන දැන්  හැමෝම කතා කරති. කොරෝනා වෛරසය  යනු නව වෛරසයක් නොවේ.  එය තිබූ, තිබෙන එකකි. එමගින් හැදෙන්නේ සාමාන්‍ය  සෙම් ප්‍රතිශ්‍යාවකි. ප්‍රශ්නය ඇතිවී තිබෙන්නේ MUTATION (ජාන විකෘතියක්, විපර්යාසයක්) හෝ වෛරසයේ බෙදීමකින් ඇතිවූ නව strain එකක් හෙවත් නව ප්‍රභේදයක් නිසාය. මේ නව වෛරස් ප්‍රභේදය  හඳුන්වන්නේ 2019-nCov යනුවෙනි. අද 2020/02/11  ලෝක සෞඛ්‍ය සංවිධානය මෙම  නව කොරෝනා වෛරසයට නිල නාමය හඳුන්වා දෙන ලදී. ඒ  Covid-19 යන්නය.

දැනට මෙම නව කොරෝනා වෛරසයෙන් මිය ගිය ප්‍රමාණය 900 කට වැඩිය. ඒ කියන්නේ රෝහල් වල මියගිය වාර්තාගත දත්ත ප්‍රමාණයයි. ඊයේ දවසේ (09/10/2020) පමණක් චීනයේ මරණ 97 කි. වාර්තාගත නොවූ ප්‍රමාණය කීයක් දැයි කිසිවෙක් නොදනී. චීනය කියන්නේද නැත. කෙසේ වුවද ලෝකයට රෝගය යාම වැළැක්වීමට මහජන චීනය දැඩි වෙහෙසක් දරමින් සිටි. එය පැසසිය යුතු තත්වයකි. මිලියන් පනහකට වැඩි ජනගහනයක් වෙසෙන වුහාන්  ප්‍රාන්තය සම්පුර්ණයෙන්ම වෙන් කර තිබේ. ලෝකයේ සෞඛ්‍යය වෙනුවෙන් තම ප්‍රාන්තයක්ම බිල්ලට දීමට චීනය සැරසෙමින් සිටි. එක්  රෝහලක්  නිර්මාණය කර ඇති අතර තව රෝහල් නිමවේ. මේ නව වෛරසය සිඝ්‍රයෙන්  පැතිරී යාම එයට හේතුවයි.

මිනිසුන්ට වැළඳෙන මේ  කොරෝනා වෛරස  මුලින්ම හඳුනා ගන්නේ 1960 දීය. මේ සාමාන්‍ය සෙම් ප්‍රතිශ්‍යා දෙක OC43 සහ  229E ලෙස හැඳින්වේ.  මතුපිට ඔටුන්නක් වැනි නිසා ලතින් වචනයක් වන කොරෝනා (ඔටුන්න) නම ලැබී ඇත.  සාමාන්‍යයෙන් වැඩිපුර පැතිරෙන්නේ ශීත සෘතුවේ දීය.

සාමාන්‍ය කොරෝනා වයිරස යනු මේවාය. 229E (alpha coronavirus) - ඇල්ෆා,NL63 (alpha coronavirus) OC43 (beta coronavirus) - බේටා ,HKU1 (beta coronavirus)

මේ කොරෝනා වෛරස වලින් සෑදෙන    සාමාන්‍ය සෙම් ප්‍රතිශ්‍යාව  ඉඟුරු කොත්තමල්ලි පානය කර ඇඳකට වී විවේක ගෙන  දින කිහිපයකින් සුව අතට හැරෙනු ඇත. ශ්‍රී ලංකාවේ  නම් එවැනි ඕනෑම ලෙඩකට  ප්‍රතිජීවක ඖෂධ හිතේ හැටියට නිර්දේශ වන බව මගේ අත්දැකීමෙන් දනිමි. එංගලන්තයේ ප්‍රති ජීවක දෙන්නේ  අසීරුම තත්වයක් යටතේ පමණක් හෙයින් හෙයින් අවශ්‍යනම් පැනඩෝල් තිබෙන ලෙම්සිප් පැකට් කිහිපයක් ගෙන හිසේ රදයද එමගින් සමනය කරගෙන  විවේක ගත හැකිය. ලෙඩය සනීප වන්නේ විවේකයෙන් සිට කුකුළු මස් සුප් එකක් වැන්නක්,  එළවලු හා පලතුරු ආහාරයට ගෙන ප්‍රති ශක්තිය වැඩි කර ගැනීමෙනි.

දැන් මට ඇති  ප්‍රශ්න මෙන්න මේවාය.

ඇමෙරිකා එක්සත් ජනපදය සහ ලෝක සෞඛ්‍ය සංවිධානය විසින්   2017 දී වුහාන් වල චීනය විසින් ගොඩ නගන  ජීවරසායන  විද්‍යාගරය නවත්වන ලෙසත් එය වෙනත් ස්ථානයක ගොඩ නගන ලෙසටත් ඉල්ලා සිටිති. ඔවුන් හේතු වශයෙන් දක්වන්නේ වුහාන් නගරය ජනාකීර්ණ වැඩිය යන හේතුවෙනි. හදිසි බැක්ටීරියා හෝ  වයිරස් කාන්දුවක් සිදුවුව හොත් තත්වය පාලනය කර ගැනීම අසීරු විය හැකි බැවිනි.  චීන විද්‍යා ඇකඩමිය පිළිතුරු දෙන්නේ ඔවුන් ගොඩ නගන විද්‍යාගාරය  BSL-4 තත්වයේ එකක් බවයි. ඒ කියන්නේ ආරක්‍ෂිත බැවින් ඉතා ඉහල ප්‍රමිතියක්  නිසා ප්‍රශ්නයක් ඇති නොවන්නේය යන්නයි. එසේම එවැනිම  ලැබ් දෙකක්   තායිවාන් වලද තිබෙන බව ඔවුහු පෙන්වා දුන්හ..   
 මෙම ජීවවිද්‍යා පර්යේෂණාගාරයේ  සාර්ස්  (SARS) නමැති  වෛරසය හා  MERS නමැති   වෛරසය ගැනද සෙවීමට චීන විද්‍යාඥයන් බලාපොරොත්තු වෙන නිසා ඒවා ගබඩා කර තැබිය යුතුය.   මේ වෛරස  "මැද  පෙරදිග ශ්වසන සින්ඩ්‍රෝම (ලක්ෂණය) "Middle East Respiratory Syndrome (MERS), "සහ ඉතා තද ශ්වසන අපහසුතා  සින්ද්‍රොමය severe acute respiratory syndrome (SARS-CoV)" යන වේගයෙන් පැතිරිය හැකි තරමක් භයානක වෛරස් දෙකකි. 

දැන් මේ එක්සත් ජනපදයේ ඉල්ලීමට හේතුවූ ලිපිය  හොයා ගැනීමට හැකි වන්නේ මෙතනය.  නේචර් (Nature ) සඟරාව යනු ලොව  සුපතල , වැදගත් විද්‍යාත්මක  ලිපි පල කරන සඟරාවකි. මේ ලිපියේ  ඔවුන් මේ නොබෝදා සඳහනක් ඇතුලත් කර තිබේ. ඒ චීනය විසින් හැදූ මේ විද්‍යාගාරය හා නව කොරෝනා වෛරසය අතර සම්බන්ධයක් නැත යනුවෙනි. නේචර් නමැති වැදගත් සඟරාව කියන නිසා මට එය පිලි ගැනීමට අකැමැත්තක්  නැත. මම ඒ සඟරාවේ පාඨකයෙක් නිසා ඔවුන් පල කරන ලිපි සොයා බලා  පල කරන බව දනිමි. එසේම එවැනි සඟරාවක් කවුරුත් කියු පලියට තම ලිපි ඉවත් කර ගන්නේද නැත. නමුත් අර සඳහන ඇතුලත් කරන ලද්දේ බොහෝ කටකතා වලට එය පාදක වන බව පවසමිනි.

 නමුත් ප්‍රශ්නය එය නොවේ.  ඒ හා සම්බන්ධ අනිකුත් මූලාශ්‍ර ගූගල් සෙවුම් යන්ත්‍රයෙන් ඉවත් වීමය. (හෝ කිරීමය) . මම සති  දෙක තුකට ප්‍රථම  ලෝක සෞඛ්‍ය  සංවිධානය (WHO) චීනයට කරන අනතුරු ඇඟවීම කියවූයෙමි. නමුත් දැන් එය සොයා ගැනීමට නොහැකිය. අන්තර්ජාලයෙන් ඉවත් කර ඇත.  ඇමෙරිකානු එක්සත් ජනපද  රජයේ නිවේදනයද සොයා ගත නොහැකිය.  ඒවා ගූගල් සහ අනිකුත් සර්ච් එන්ජින් වලින් ඉවත් කර තිබෙන්නේ ඇයි ? 

දැන් මේ නව කොරෝනා වෛරසය  2019 දී පැතිරෙන්නට  පටන් ගත්තේ  ඔය කියන විද්‍යාගාරය පැත්තේම තිබෙන  සතුන් කෑම සඳහා විකුණන පොළකින් බව කියවේ.

දැන් මගේ දෙවෙනි ප්‍රශ්නයට එමි.   ඒ මේ වෛරසය සත්තුන්ගෙන් බෝවෙන බවට ඇති අදහසයි.  ඒ කතාවේ තරමක් සත්‍යයක් නැත්තේ නොවේ. බල්ලන්ට හා පූසන්ට පවා සෙම් ප්‍රතිශ්‍යාව වැළඳේ. එසේම කොරෝනා වෛරස් වර්ග සතුන් තුල තිබී හමුවූ අවස්ථා සුලභය. එහි විවාදයක් නැත. සාර්ස් වෛරසය සිවෙට්  cat නමැති උගුඩුවන් (හෝ උරුලෑවා )  ගෙන් බෝවන බව පැවසූ  චීන විද්‍යා ඇකඩමිය එම සතුන් වුහන් ප්‍රදේශයේ මාකට් වලින් ඉවත් කිරීමට නියෝග කරන ලදී.  මේ සොයාගැනීම ලෝක සෞඛ්‍ය  සංවිධානය අනුමත කරන ලදී. ඉන්පසු  සාර්ස් වෛරසය බෝවීම නතර වුනු බවට චීනය කියයි. මේ විස්තර ගුගල් සෙවුම් යන්ත්‍රය හරහා සොයා ගත හැකිය.

නමුත් සමාජ ජාලා වල හදිසියේ  චීන්නු වවුල් සුප් බොන අන්දම , සර්පයන් , මි පැටවුන් කන අන්දම පෙන්වන පින්තූර , වීඩියෝ සංසරණය වීමට පටන් ගැනුණේය. සමහර ඒවා චීනුන් විසින්ම පටිගත කරණ ලද ඒවාය. එනිසා මේවායේ මූලය චීනය යයි සැලකිය හැකිය. එනිසා මේ නව වෛරස බෝවන්නේ සතුන්ගෙන්ය යන මතය පැතිරුණි. නමුත් කවුරුන් හෝ ඒ බව සොයාගෙන තිබේද? පිළිතුර නැත යන්නය.

අනිත් කාරණය නම් චීනුන් යන ශත වර්ෂ ගණනාවක  සිට  මේ සත්වමාංශ  ආහාරයට ගන්නා ජාතියක් වීමයි. අනික චීනය පමණක් නොව එම ප්‍රදේශයේ අනිත් රටවල කාම්බෝජය, වියට්නාමය, තායිලන්තය සහ  සමහර  පිලිපීන ජාතිකයන් පවා මේ සතුන් ආහාර කොට ගනිති. ඔවුනට මේ ලෙඩය බෝවූ වගක් තවම වාර්තා වී නොමැත.   මෙවැනි ලෙඩක් පැතිරෙනවා නම්  අර හොලිවුඩ් චිත්‍රපටයේ (contagion) පෙන්වූ ලෙසට  අත නොසේදූ කෝකියකු ගෙන්  මිස කෑම ආහාරයට ගන්නා  මිනිසුන් ගෙන් පැතිරීමේ සම්භාවතව අඩුය. ඔය සර්ප කෑම හා  වවුල් කෑම කාම්බෝජයේ ද තිබෙනවා මම දුටුවෙමි. සත්වයන්ගෙන් බෝවෙනවා යයි  චීන විද්‍යාඥයන්  පැවසුවද 
එය තවම අනුමත කළ සොයා ගැනීමක් නොවේ. මේ ලිපියේ  පීටර් දසුක් නමැති විද්‍යාඥයා ඒ අදහස පල කරන්නේ මෙසේය. ඔහු පවසන්නේ සාර්ස් වෛරසය වවුලන් තුල තිබෙන බවත් නව කොරෝනා වෛරසයද එම ගොනුවේම (cluster) එකක් බවත්ය. නමුත් මෙය තවම පර්යේෂණාත්මක ලෙස ඔප්පු කර ඇතිද? 

නමුත්  මම  බයලොජිකල් වෙපොන් (ජිව අවි) තියරිය පිළිගන්නේ නැත . එංගලන්තයේ පෝර්ටන් ඩවුන් නගරයේ මෙවැනි හමුදා ජිව විද්‍යා අවි පිළිබඳ පර්යේෂණාගාරයක්  තිබේ. සැලිස්බරි සිද්ධියේ  රුසියානු විකිරණ අවි භාවිතය හෙළිදරව් කළ ස්ථානය මෙයයි.  රුසියාවේ ද මෙවැනි ජිව විද්‍යා අවි පිලිබඳ පර්යේෂණාගාර ඇති මුත් ඒවා තිබෙන්නේ  මිනිසුන් ගැවසෙන ජිවත් වන පැති වල නොවේ.    කොමියුනිස්ට් පක්ෂය විසින් පාලනය කරණ චීනයේ ද එය එසේ යයි  සිතමි. 

මේ  මූලාශ්‍ර ලිපියේ මෙසේ දැක්වේ. (මම කරන්නේ අනුවර්තනයකි)

සාමාන්‍ය කොරෝනා වයිරස වල රෝග ලක්ෂණ මේවාය.
කිවිසුම් යාම, නහයෙන් සෙම් සොටු වහනය, වෙහෙස, කැස්ස , උණ , උගුරේ වේදනාව , ඇදුම

වැළැක්වීම සඳහා කල යුත්තේ මේවාය.

වතුර හැකි පමණ බිම , දුම් පානය නොකිරීම, විවේක ගැනීම , එකම දෙය නැවත නැවතත් කළ වෙහෙසට පත් වීමෙන් වැළකීම , උණ වැළැක්වීමට අයිබෝප්රෝෆෙන් අසේටමිනොෆෙන් වැනි වේදනා  නාශක ඖෂධ ගැනීම

නව කොරෝනා වයිරසයේ රෝග ලක්ෂණ හැටියට දැක්වෙන්නේ උණ , හුස්ම ගැනීමේ අපහසුව හා කැස්සය. දැනට මේ සඳහා වැක්සින් එකක්  නැත. නමුත් වැළඳුනු මුල් කාලයේදී සනීප කල හැකිය. ඔබේ වෛද්‍යවරුන් කෙරෙහි විශ්වාසය තබන්න. යායුතු එකම තැන වෛද්‍යවරයා හා රෝහලය. පිරිත් කිව්වාට කමක් නැත. එයින් කාටවත් හානියක් වන්නේ නැති අතර හිතට සුවයක් දැනෙනු ඇත. සමහර විට විවේකයට නිදාගෙන පිරිත් ඇසීම හොඳය.


අද ලෝක සෞඛ්‍ය සංවිධානය මෙම  නව කොරෝනා වෛරසයට නිල නාමය හඳුන්වා දෙන ලදී. ඒ  Covid-19 යන්නය.

මූලාශ්‍ර :

What to know about coronaviruses

Where Coronaviruses Come From

Inside the Chinese lab poised to study world's most dangerous pathogens

The Wuhan Virus Is Not a Lab-Made Bioweapon

Uncanny similarity of unique inserts in the 2019-nCoV spike protein to HIV-1 gp120 and Gag

China investing heavily in AI to boost pharma sector, says analyst

China’s pharmaceuticals industry is growing up

WHO sees more evidence of civet role in SARS

ඇඳුම් ඇන්දවීමට හා ගැලවීමට යාම

මේ පින්තුරේ තියෙන්නේ ඉස්ලාමික රටක් වන මාල  දිවයිනේ බ්‍රිතාන්‍ය සංචාරක කාන්තාවක් ඇඳගෙන හිටිය වැරදි (බිකිනි ඇඳගෙන මුහුදු වෙරළේ යාම යුරෝපීය රටවල් සාමාන්‍ය  දෙයක් නිසා ඇය එසේ ගියා  වෙන්න පුළුවන්) ඇඳුම නිසා හිරිහැර කරමින් අත් අඩංගුවට ගන්න හැටි. මට මේ දෙය යි ලංකාවේ සිංහල මනුස්සයා බුර්කාව  ඇඳපු කාන්තාවට  හිරිහැර කරපු එකයි දෙකම එකයි. දෙතැනදීම පිරිමි යනවා ගෑනිට අඳින  හැටි කියල දෙන්න.  දැන් කියන්න එන්න එපාමාල දිවයින  ඉස්ලාමික රටක් නිසා සුදු ගෑනි වැරදි කියල.එයා නොදැන රිසෝට් එකෙන් එලියට යන්න ඇති. හිමින් සීරුවේ ඒ ගැන පැහැදිලි කරල ගිහින් දැම්මනම්  අහවරයි. නාඩගම් නටන්නේ නැතිව.

අනිත් එක  ලංකාව ඉස්ලාමික රටක් නෙමේ, ඒ වගේම අන්තවාදී රටකුත් නෙමේ. දෙතැනම ගෑනිට ඇඳුම් අන්දන්න යන එකයි ගලවන්න යන එකයි තමා වැරදි.

මෙතැන ලොකුම  ප්‍රශ්නේ අපේ වාමාංශික යාළුවන්ගෙන් . උන් ඔක්කොම හෙන විරුද්ධයි බුර්කාව  තහනම් කරනවට. මම නම් පක්ෂයි. ඇස්  දෙක සිදුරක් තුලින් යන්තම් පෙනෙන්න ඉඩ දීල තියෙන ඒ ඇඳුම මට නම් පීඩිත බවේ  සංකේතයක්. ගැහැණුන් ව අමුතු ජාතියක් කරලා  උන්ව හිර කරල තියෙන ඇඳුමක්. හැබැයි සමහර ගැහැණු කැමැත්තෙන් අඳිනවා වෙන්න පුළුවන්. එංගලන්තේ රැඩිකල් ඉස්ලාමික තරුණියෝ  අඳිනවා තමයි. නමුත් වැඩි හරියක් විඳින්නේ පීඩාව. මගේ ඉරාන ජාතික  යහළුවෝ නිතර ඒ ගැන කියල තියනවා. එනිසා මම හිතන්නේ නිජාබයට හා නිකාබයට  ඉඩ දුන්නත් අර මර්දනකාරී ඇඳුම තහනම් කරන්න ඕනේ කියල.

වාමාංශික යහළුවෝ හරියට "ගුරු ගීතය" ගැන කතා කරනවනේ. ගුරු ගීතයේ වෙන්නේ අර පීඩනයට පත්වෙලා ඉන්න ගැහැණු ලමයව  වාර්ගික පීඩිත භාවයෙන් මුදවා ගන්න එක. කට්ටියට ඒක ත් අමතකයි. දැන් ගුරු ගීතය හරිද බුර්කාව  හරිද?



https://metro.co.uk/2020/02/07/british-woman-grabbed-police-wearing-bikini-maldives-12197750/

කාගේදෝ පී එච් ඩි එක සහ දවල් තාරකා විද්‍යාඥයා

රාජපක්ෂ මහතාගේ පර්යේෂණ ලිපිය 

මතකනේ ඒ දවස් වල තිබ්බ අහවල් සම්මාන උළෙල. (ඒකට කිව්වේ නෙළුම් යාය උළෙල කියල) කතා අක්රන්නත් බයයි එච්චරට ප්‍රතිචාර එනවා බුකියේ. ඉතින් ඒකට අකමැති උන්නැහේලා ටිකක් මට එරෙහිව කරන ලද  බජට් ඉල්ලූ  විවේචන අස්සේ  තව අපහාස කිරීමේ නමකුත් දාල තිබ්බ, විශේෂයෙන්ම එක්තරා බ්ලොග් අඩවියක යන ප්‍රහාර තුල. ඒ බ්ලොග් අඩවිය දැන් නැහැ. බැදුම් කරේට හෙම සෑහෙන විරුද්ධව ලිව්වා එකක.  හැබැයි මම ඒ දවස් වලම ලිව්වා බැදුම් කර වගේ ගේම්  හැමෝම කලා (ඊට කලින් ආණ්ඩුවේ ඉඳන්ම). යහපාලන මෑන්ස් ලා මහා පරිමාණයෙන් කරන්න ගියා . කරලා අහුවුනා. උන්ට එහෙම එකක්වත් හරියට කර ගන්න තේරෙන්නේ නැහැ කියල.

 ඔය බැදුම්කර  සීන් එක මේ කොටස් වෙළඳපල ක්‍රමයේම එක අංගයක්. නිත්‍යානුකුල එකෙයි හොර වැඩෙයි අතර නූලක වෙනසක් තියෙන්නේ. ඔය පිරමීඩ ගහල සල්ලි හොයනවා නේද. ඒවත්  ඔය ධනවාදී සමාජයේ ම තියෙන කෙළිම තමයි. යාලුවන්ව පවා නොදැනුවත්ව අහු වෙනවා. මාත් තවත් යාළුවෙක් නිසා  යන්තන් අහුවෙන්න ගිහින් බේරුණා, කලින් කියවල  දැනගෙන හිටි නිසා ඔයවගේ ගේම් ගැන.
එංගලන්තයේ වගේ ධනවාදී සමාජයක ඔය හැම දේම කරන්න නිදහස තියනවා, නමුත් අහුවුනොත් හිරේ දානවා . අන්න  ඒකයි මේ ධනවාදී රටවල හොඳේ.

ඒ කෙසේ වෙතත් , මට අපහාස කිරීමේ චේතනාවෙන් "එයාල" දාපු  නම තමා දවල්  තාරකා විද්‍යාඥයා කියන එක. මොකක් හරි එහෙකට බ්ලොග් ලියූ පීඑච්ඩි ලාභී මහත්මයට මම කියූ දෙයකට තරහ ගිහින් දාපු නම කියල තමා ආරංචිය ආවේ. ඒක වුනේ හැබැයි මම මේ මම ගත්තේ  උපාධියක්  ගැන කියන්න ගිහින්.

අවුරුදු අටකට කලින් මම අභ්‍යවකාශ තාරකා විද්‍යාව (astrophysics) ගැන පශ්චාත් උපාධියක් කලා. MSc එකක්. ඒක කළේ ලන්ඩන් වල ක්වීන්ස් මේරි විශ්ව විද්‍යාලයේ.  පට්ට අමාරුයි. ඉතින්  ඒ නිසාම මුලින්ම "විශ්වය වැඩ කරන්නේ කෙසේද " ("How the universe works")  කියන විවෘත විශ්ව විද්‍යාලයේ  (ලන්ඩන්) පාඨමාලාව හැදෑරුවා 2009 දී . ඒක හොඳට පාස් වුනහම ඊට පස්සේ විවෘත විශ්ව විද්‍යාලයේම තව පාඨමාලාවක් තිබුන S 382 අභ්‍යවකාශ තාරකා විද්‍යාව කියල. ඒකෙ අන්තර්ගත වෙලා තිබුන ඉන්ටරෙස්ටින්ග් කොටසක්  තමා   "සූර්යයන් ගේ විකාශනය සහ න්‍යෂ්ටික ප්‍රතික්‍රියා  "Stellar evolution and Nucleo-synthesis " කියන කෝස් එක. ඒකත් කරල පාස් වුනා 2010 දී . ඉන්පස්සේ තමා ක්වීන්ස් මේරි විශ්ව විද්‍යාලයේ MSc එක කරන්න ගියේ. තනිකරම තිබ්බ ෆිසික්ස් පිස්සුවට හෙවත් තාරකා විද්‍යාව හදාරන්න තිබ්බ ඕන කමට තමා ඇතුළු වුනේ.  සෝවියට් දේශයේ විදුලි ඉංජිනේරු පාඨමාලාව ඉවර කලේ  1991 නිසා ගණිත විෂය අමතක ඇති  ඇති කියල හිතල ආපහු අන්තර්ජාලයෙන් බාගත්තු ගණන් කෝස්  දෙකකුත් රිවිෂන් කරා.

 හැබැයි පාට් ටයිම් ඉගෙන ගන්නවා  කියන්නේ පට්ට අමාරු දෙයක්. ඒත් ඉතින් කොහොම හරි  ඉවර කළා. සබ්ජෙක්ට් එකට ආසයිනේ. උපාධි නිබන්ධනයට  මෙරිට් එකක් හම්බ වුනා. මගේ ඉංග්‍රීසි බ්ලොග් එකේ පොඩි ලිපි වගයක් තියනවා ඒ ගැන.

ඒ උපාධිය නිසා රාජකීය තාරකා  විද්‍යාඥ සංගමයේ සාමාජිකත්වය ලැබුණා. නමේ අගට අවශ්‍ය නම් FRAS (Fellow of Royal Astronomical Society ) කියල දාගන්නත්  පුළුවන් ඕනේ නම්.
හැබයි ඕව කියනවට ලංකාවේ යාලුවෝ, බ්ලොග් කාරයෝ කැමති නැහැ. උන්ට ඕක පේන්නේ නයා වගේ. අපට තියෙන්නේ පට්ට මහන්සි වෙලා ෆුල් ටයිම් රස්සාවකුත්  කරගෙන ඒ වගේ කෝස් එකක් ගොඩ දා ගැනීමේ සතුට. ඒක උන්ට තෙරෙනේ එකක්යැ නේද?  ඔය   දවල් තාරකා විද්‍යාඥයා නම් පට බැඳුණේ ඔන්න ඕකට.

ඉතින් දැන් මේ ටික ලිව්වේ ආචාර්ය  චන්දන රෝහිත රාජපක්ෂ කියා මහත්මයකුට ආචාර්ය උපාධියක් ලැබීම පිළිබඳව බුකියේ ඇති කලබලය දැකලා.  ඒ මහත්මයට ලැබිල තියෙන්නේ ගණිතය පිලිබඳ ආචාර්ය උපාධියක්. ප්‍රදානය කර  තිබෙන්නේ කොළඹ විශ්ව විද්‍යාලයෙන්. කොළඹ විශ්ව විද්‍යාලය නේද?

කොළඹ විශ්ව විද්‍යාලය ගැන මම මිට කලින් ලියූ ලිපියක එක්තරා මහාචාර්යවරයෙක් ගැන සඳහන් කළා . මට ඒ ලිපිය හොයා ගන්න බැරි නිසා නැවත පොඩ්ඩක්  ලියන්නම්. එතුමා දාස රජයට ඉතා දැඩි ලෙස පක්ෂපාතිව ඉඳල ඉන් පස්සේ ඉතාම ලෙහෙසියෙන් රාජ පක්ෂ රජයට හොරණෑව වයපු කෙනෙක්. මට හමුවුනේ ලන්ඩනයේ එක්තරා හෝටලයක වැඩ කළ කාලේ. මම පිලි ගැනීමේ නිලධාරී/මැනේජර් වගේ හිටියේ. බුද්ධි කියල සෝවියට් දේශයේ හිටි යාළුවෙකුත් එතනම  වැඩ කළා. ඕකට ඇවිත් නතර වෙලා  හිටිය විශ්ව විද්‍යාලයෙන් සබැටිකල් අරගෙන  ආපු මෙතුමා. දන්නවනේ ඔය කට්ටිය රිසර්ච් එක්ක දාගෙන අවුරුද්දක නිවාඩු අරගෙන ලන්ඩන් එන්නේ වැඩ කරලා කීයක් හරි හොයාන යන්න කියල. ඒකෙ අවුලක් නැහැ. ගියහම ලංකාණ්ඩු වෙන් ගෙවන පඩියත් ලැබෙන නිසා. වැටුප් ම දෙකක්. එකක් පවුම් වලින්. හෝටලයක වැඩ කරලා.

එතුමා වැඩ කරන ගමන් කොළඹ විශ්ව විද්‍යාලේ එතුමාගෙන් ඉගෙන ගන්න ගැහැණු ළමයින්ට ලකුණු දෙන හැටි ගැන මනා විස්තරයක් කළා. විශ්වාස කරන්න බැරි තරම්. නමුත් පසුව දැනගත් සිද්ධියක් නිසා ඒ කීව  ටික ඇත්ත බව දැන  ගත්ත. හැබැයි  මේ කතාවට අදාළ එක වෙන දෙයක්.

මම ලන්ඩන් ආවේත් වැඩ කරලා හොඳ වටින කොම්පියුටරයක් අරන් යන්න . සෝවියට් දේශය වැටුනට පස්සේ හැම කෙනෙක්ම ගෙවන්න ඕනේ නේ ඉගෙන ගන්න රුසියානු සමුහාණ්ඩුවේ නීතියට අනුව. දෙන ශිෂ්‍යත්ව සීමිතයි. ජල විදුලි හා පුනර්ජනනීය බල ශක්තිය පිලිබඳ පි එච් ඩි එකක් කරන්න මට විශ්ව විද්‍යාලේ අදාල දෙපාර්තමේන්තුව අවස්ථාවක් දුන්න. මුදල් වෙනුවට එයාල කීවේ එයාලගේ අවශ්‍යතාවයට  අනුව කොම්පියුටරයක් ගෙනත් දෙන්න කියල. ඒ දවස් වල (1991) ඒවා හුඟක් ගණන් නිසා තමයි එහෙම කිව්වේ. ඒ පිළිබඳව අත්සන් කරපු ගිවිසුම තවම මගේ ළඟ තිබෙනවා. මට වෙන ප්‍රශ්නයක් ඇවිත් යන්න බැරි වුනා. කොම්පියුටරයක් වසර තුනේ ගෙවීම වෙනුවට  දෙපාර්තමේන්තුවට දීල වෙන කෙනෙක් ඒ පී එච් ඩි එක කරල තිබුන කියල පස්සේ දැන ගත්ත.

ඉතින් ඔය කතාව අපේ අර මහාචාර්ය තුමා දැනන් හිටිය.
එය කියනව මට "අජිත් ඉතින් මම ඔයාට පී එච් ඩි එකක් අරන් දෙන්නම් කොළඹ විශ්ව විද්‍යාලයෙන් "
මට ඉතින් පුදුමයි . "ඩොක්ටර්  කලා විෂයන් ගෙන්".
"ඒකෙ අවුලක් නැහැ. කවුද හොයන්නේ ඩොක්ටර් සෝ ඇන්ඩ් සෝ කීවම මොනවටද ඕක අරන් තියෙන්නේ කියල." එතුමා කියපි.

"ඉතින් කොහොමද ගන්නේ."
"අය්යෝ මම දන්නා  ජර්නල් දෙක තුනකට ලියන්න ලිපි ටිකක් දෙන්නම්, ඒවා පල කර ගන්න ඕනේ. මම ඒක කරල  දෙන්නම්. ඔය අපේ ගැහැණු ළමයි කරන නිබන්ධන තියනවනේ. දෙක තුනකින් කොටස් ටිකක් අරගෙන ඩිසර්ටේෂන්  එකක්   හදල දෙන්නම් හොඳ මාතෘකාවක් එක්ක. ඔයාට කලාව සම්බන්ධ දැනුමක් තියනවා කියල මට පේනවනේ."
"ඒ වුනාට මම මුකුත් ලියල නැහැනේ. ඕනනම් ඔය කවියක් දෙකක් කරලා තියනවා. පොඩි සඟරාවක් කළා. ඒවා කලාව නෙමේනේ."
"ඕකනේ කියන්නේ පණ්ඩිතයාට ඒ දණ්ඩේ යන්න බැහැ  කියල . ඔයාට ඕනේ නම් කියන්න වැඩේ කරල දෙන්නම්. පොඩි වියදමක් යයි. ලන්ඩන් වලනේ ඉන්නේ වැඩි අමාරුවක් නැහැ නේ."

  දැන් මේ මනුස්සය ඕක ඇත්තට කීවද බොරුවට කීවද කියන්න මම අදටත් දන්නේ නැහැ. ඊට පස්සේ මට එයාව හම්බ වුනෙත් නැහැ.

හැබැයි කොළඹ විශ්ව විද්‍යාලයේ  ඉගෙන ගෙන කථිකාචාර්ය වෙලා පස්සේ ජපානයේ පීඑච්ඩි දෙකක් කරපු මගේ යාළුවෙක් ඉන්නවා. හොඳ දැනුමක් තියෙන ලංකාවේ උසස් රැකියාවන් කරලා දැන් ඕස්ට්‍රේලියාවේ ජිවත්ව ඉන්න කෙනෙක්. ඕ ලෙවල් ගණිත පේපර් එකට එන ගණනක් උදේ පාන්දර බස් හෝල්ට් එකට ඇවිල්ල කියල දුන්නේ ඒ ආදරණිය යාලුව තමයි.  මම ඒ දවස් වල විහිළුවට කියන්නෙත්  ප්‍රොෆෙසර් කියල.

තව යාළුවෙක් හිටිය මගේ පන්තියේම. කොළඹ වීවි ඉවර කරල ගුරු වෘත්තිය ටද  කොහෙද ගිහින් පස්සේ සිවිල් සේවය කරන්න ඇති. දැන් අමාත්‍යංශයක  ලේකම් වරයෙක්. ඉතින් ඒ විශ්ව විද්‍යාලය ගැන විවේචනයක් නැහැ. ඉගෙන ගන්න කෙනා ඉගෙන ගන්නවා  කියන එකයි මගේ මතය.

ලිපියෙන් 

ආචාර්ය රෝහිත රාජපක්ෂ මහත්මයා සහ ආචාර්ය ජේ කේ විජේරත්න මහත්මය පල කරලා තිබෙන ලිපිය මම කියෙව්වා. ඉම්පීරියල් කොලේජ් එකේ මහාචාර්ය ත්‍රිශාන්ත නානායක්කාර දාල තිබ්බ යොමුවකින්  අන්තර්ජාලයෙන් ලිපිය බාගන්න පුළුවන්.  තාක්ෂණ සහ විද්‍යාව  පිලිබඳ ඉන්දියන් සඟරාවේ  (Indian  journal of Science and Technology)  පල කරලා තියෙන පර්යේෂණාත්මක  ලිපිය (research paper ), නමින්  "අභ්‍යවකාශ  අපද්‍රව්‍ය ඉවත්කිරීම  සඳහා ක්‍රමෝපායයන් සහ ඉඩ ප්‍රස්ථාවන්  Space debris removal strategies and their feasibility  " මම කියෙව්වා. ඇත්තටම ඒක හොඳයි. ඒකෙ තිබෙන ගණිතමය සමීකරණ එවැනි ලිපියක තිබෙන පරිදි හොඳින් ඉදිරිපත් කරලා තියනවා. වඩාත් පැහැදිලිව හැම පිටුවක්ම කියෙව්වේ නැහැ. වඩා සුව පහසු වෙලාවක නැවත බලන්න හිතන් ඉන්නවා.
අනිත් ලිපිය බාගන්න  විධිහක් නැහැ.ගෙවන්න ඕනේ. abstract එක මෙතන තිබෙනවා.

මට ප්‍රශ්න දෙකක් පැන නැගුන. එකක් තමයි ඇයි ගණිතය සම්බන්ධ ආචාර්ය උපධියක් අභ්‍යවකාශ තාරක විද්‍යාවට නේද දෙන්න ඕනේ කියල. ඊට පස්සේ දැක්කේ විශ්ව විද්‍යාලයේ අදාල දෙපාර්තමේන්තුව ගණිත අංශය කියල. පස්සේ මට මතක් වුනා. ක්වීන්ස් මේරි විශ්ව විද්‍යාලයේත් මුලින් අභ්‍යවකාශ  විද්‍යාවන් තිබ්බේ ගණිත දෙපාර්තමේන්තුවට අනුයුක්තව කියල. පස්සේ දෙපාර්තමේන්තු දෙකක් කළා.

අනික තමයි හුඟක් රටවල් ඔය ප්‍රශ්නයට අත ගහන්නේ නැත්ත ආර්ථික වශයෙන් තවම වාසියක් නැති නිසා. තවමත් රුසියන් රොකට් තමයි ISS එකට බඩු ගෙනියන්න භාවිතා කරන්නේ. ආර්ථික පැත්ත ගැන වැඩි සඳහනක් ලිපියේ  තිබ්බේ නැහැ. ඒවා සුළු කාරනා. ත්‍රිශාන්ත  කියනවා වගේ ප්‍රශ්න තිබ්බත් මොරටු විශ්ව විද්‍යාලය පේරාදෙණිය හෙම ඉතා හොඳින් කටයුතු කරන බවයි මගේ හැඟීම.

නිසා මේ පී එච් ඩි එකට හිනා වෙන්න ඕනේ නැහැ කියන එකයි මම හිතන්නේ. ටයිමින් පොඩ්ඩක් අප්සෙට් තමයි. තාත්ත අගමැති , මාමා ජනාධිපති වුනහම මිනිසුන්ට සැක ඇතිවෙන එකත් සාධාරණයි. ඒ මහත්මයට තියෙන්නේ  තවත් හොඳින් මේ මාර්ගයේම ඉදිරියට යන්න. ඔතනින් නතර වෙන්නේ නැතිව. එතකොට ඔය කතා ඉබේම නවතීවි.

මේ මහාචාර්ය ත්‍රිශාන්ත නානායක්කාර බුකියේ ලියපු එක.:
ලංකාවෙ කෙනෙක් ලංකාවෙ ඉඳගෙන විද්‍යා ගවේෂණ කර, ඒවායේ ප්‍රතිපල අන්තර්ජාතික මට්ටමේ පල කරන්න ගන්න කුමන හෝ උත්සහයක් අපි අගය කරන්න ඕන. ඒවට කරන්න පුළුවන් උදවුවක් කරනව මිසක්, සසදන්න යන එක අපිටම කරගන්න පාඩුවක්. සමහර අංශ වලින් ලංකාව දැනටම ජ්‍යාත්‍යන්තර මට්ටමේ ඉහලින් ඉන්නෙ. රොබෝ තාක්‍ෂණය අංශයෙන් මොරටුව විශ්ව විද්‍යාලය පසුගිය වසර 10 තුල අත් කරගත් සීග්‍ර දියුණුව උදාහරණයක්. විදුලි ඉංජිනේරු අංශයෙන් පේරාදෙණිය විශ්ව විද්‍යාලයත් ඉතා ප්‍රසන්සනිය මට්ටමක ඉන්නව. අබ්යවකාශ තාක්ෂනය අංශයෙන් කොළඹ විශ්ව විද්‍යාලය ගන්න උත්සාහයත් අගය කරන්න ඕන. රෝහිත රාජපක්ෂ පල කරපු එක වාර්තාවක් ආසාවට කියෙවුව. අගය කල යුතු ප්‍රතිපල තියෙනව. රාජපක්‍ෂ පවුලෙ ඒ වගේ වැඩකට අත ගහන කෙනෙක් ඉන්න එකත් කොච්චර හොඳද?

රාජපක්ෂ මහතා පල කරණ ලද ලිපි දෙක :

Rajapaksa, C. R., & Wijerathna, J. K. (2014). Space Debris Removal Strategies and their Feasibility. Indian Journal of Science and Technology, 7(7), 991-1004.

Another paper:

Rajapaksa, C. R., & Wijerathna, J. K. (2017). Adaptation to space debris mitigation guidelines and space law. Astropolitics, 15(1), 65-76.

ලංකා ඉතිහාසය - ජාන විද්‍යාවේ ද්‍රවිඩ සිංහල තියරිය හා බුදුන් උපන් ලංකාව

මේ ඉතිහාස කතාවේ පුර්විකාව මෙසේය  . පෙමස් ගුණසිංහ මහත්මයා තම බ්ලොගයේ ලියන උග්ගල් අලුත් නුවර දේවාලය හා ඒ අවට විස්තර කියවීම හේතුවෙන් මිට දෙවසරකට පමණ පෙර ලංකාවට ගිය විටෙක  මම ඒ ප්‍රදේශයට ගියෙමි. රත්නපුර ප්‍රදේශයේ සුන්දර පෙදෙසක පිහිටි දේවාලය සහ විහාරස්ථානය නරඹා කපු මහතා සමගද කතා බහ කර ඡායාරූප කිහිපයක් ද ගෙන පැමිණියෙමි. ඒ දේවාලය ගොඩනැගූ  ප්‍රාදේශීය රජු කවරෙක්ද යන්න පිළිබඳව ගුණසිංහ මහතා හා මා අතර  දීර්ඝ සංවාදයන් විටින් විට පැවති අතර  දේවාලයෙන් විමසුවද ඔවුන්ට ඒ පිළිබඳව අදහසක් නොතිබිණි. 

 මම ලංකාවේ ජීවත්වූ කාලයේ ලංකා ඉතිහාසය පිලිබඳ පොත් හැදෑරීම ඉතා උනන්දුවෙන් කළ අයෙක්මි. සිංහල මෙන්ම ද්‍රවිඩ ප්‍රදේශ වලද රජකම් කල රජවරුන් පිළිබඳ විස්තර ගැන වැඩි උනන්දුවක් තිබුනේ ඒ තොරතුරු රසවත් නිසා පමණක් නොව ඒ කාලය පිලිබඳ යම් අදහසක් ඇතිකර ගැනීමටද එය වැදගත් වූ බැවිනි. ඉහත කී දේවාලය සාදන ලද  රජු සීතාවක රාජසිංහ විය නොහැකිය යන මතයට මා  එළඹුණේ ඒ කාලයේ එම ප්‍රදේශයේම රජකම් කල තවත් ප්‍රාදේශීය රජෙක් ගැන විස්තරයක් මගේ මතකයේ තිබූ හෙයිනි. 

මගේ මතකයේ තිබූ පරිදි පරණවිතාන මහතා ද එකතුව සංස්කරණය කර එවකට ලංකා  විශ්ව විද්‍යාලය මගින් පළ කරන ලද  "ලංකා ඉතිහාසය" නම් ග්‍රන්ථයේ මෙවැනි ප්‍රාදේශීය රජෙකු ගැන විස්තරයක් තිබුණි. එම ග්‍රන්ථයේ  කාණ්ඩ  දෙකක් කොළඹ මහජන පුස්තකාලයට සම්බන්ධ ආශ්‍රේය පුස්තකාලයේ (reference library) තිබුණි.  නමුත් මට අවශ්‍ය  අවශ්‍ය දෙවන කාණ්ඩය අතුරුදහන් වී ඇත. මේ පොතේ ඉංග්‍රීසි මුද්‍රණයක් ලන්ඩනයේ පිහිටා  ඇති "බ්‍රිතාන්‍ය පුස්තකාලයේ" ඇති බවට ඉඟියක් ලැබුණි. ඒ පිළිබඳව පසුව සොයා බැලිය යුතුය.

පළමුවම මේ හදිසියේ ලංකා ඉතිහාසය සෙවීමට උත්සාහ කරන්නේ ඇයිදැයි කාට  හෝ පැනයක් මතුවිය හැක . මේ දිනවල සාකච්ඡා වෙන  ප්‍රශ්න දෙකක් පිළිබඳව සැකෙවින් සඳහන් කරමි.

පළමුවැන්න නම් ලංකාවේ සිංහල, දෙමළ මුස්ලිම් ජනතාව ගෙන් බහුතරය දකුණු ඉන්දියානු දෙමළ හෝ  ද්‍රවිඩ ජනතාවෙන්  (Dravidian) පැවත එන්නන් යයි මතවාදයක් සිඝ්‍රයෙන් පැතිරී යාමයි. මේ මතය මිට ප්‍රථම  ඊලම් යුද්ධය පැවති  කාලයේ සිට  තිබූ එකකි. ඊළාමය යනු ලංකාවට කියූ තවත් නාමයක් බව මෙන්ම ලංකාවේ මුල් පදිංචිකරුවන් සිංහලයන් නොව මහාවංශයේ  යක්ෂ, නාග ගෝත්‍රිකයන් ලෙසින් වරදවා හැඳින්වූ දකුණු ඉන්දීය ද්‍රවිඩයන් බව ඊලාම් යුද්ධය කාලයේ දෙමල ජනතාව  අතර බහුලව ප්‍රචලිත වූ මතයක් විය. වර්තමානයේ සිංහල විද්වතුන්ගෙන් සමහරක්ද ඒ මතයට සහය දක්වති. එයට අවශ්‍ය සාක්ෂි සපයනුයේ මේ මේ බ්ලොග් අඩවියේ සඳහන්  DNA පර්යේෂණයක් පිළිබඳව වන සටහනයි. 

මෙය සැබවින්ම වටිනා පර්යේෂණයකි.මහාචාර්ය  කමනි තෙන්නකෝන් පවසන්නේ සිංහල, දෙමළ සහ වැදි  ජනගහනය  අතර ජානමය සමානකම් පවතින බවයි. එනිසා ශ්‍රී ලංකාවේ  මුල් ජනගහනය ද්‍රවිඩ විය හැකි බවටත් සිංහලයන්ට ඇත්තේ ඔවුන් සමග භාෂා වෙනස් කමක් පමණක් බවත් ඇය සඳහන් කරයි. ඔවුන් මේ සඳහා  දෙසියයක  පමණ පිරිසක් නියැදියක් ලෙස ගෙන   DNA පරීක්ෂාවක් කරති.   මේ අධ්‍යයනයෙන් සිංහලයන්ට දකුණු ඉන්දියානු දෙමල ජනතාව සමග ජාන සමානකම්  69.86% තිබෙන බවත්  ශ්‍රී ලංකාවේ දෙමළ  ජනතාවට  සිංහලයන්  හා ජාන  සමානකම 55.2% බවත් තහවුරු වන බව පර්යේෂකයන් පවසති. මේ නිසා සමහර දෙමළ සහෝදරවරු තර්ක කරන්නේ සියලුම සිංහලයන් පැවත එන්නේ ඔවුන්ගෙන් බවත් සිංහල යනු පස්වන හෝ හයවන සියවසේ සිට  පරිණාමය වූ  භාෂාවක් බවත්ය. ලංකාවේ මුල් බෞද්ධයන් වූයේ දමිළ  ජනතාව බවද උතුරු ප්‍රදේශයේ ඇති බෞද්ධ නටබුන් වලින් එය තහවුරු වන බව ද ඔවුහු තව දුරටත් පවසති.  ෆේස්බුක් සමාජජාලයේ ලෙනිටා ඩීන් මේ ගැන කල සාකච්ඡාවට මමද සහභාගී වුනෙමි. (යොමුව මෙතැන ෆේස්බුක්). මේ හේතුව අනුව ඔවුන් තර්ක කරන්නේ ද්‍රවිඩ ජනතාව ලංකාවේ මුල් පදිංචි කරුවන්  බවත් සිංහලයන් (විජයගෙන් පසු) පසුව පැමිණ ඔවුන් හා මිශ්‍ර වූ බවත්ය. 

මම ඇගේ තර්කයට මූලික වශයෙන් විරුද්ධ වුනෙමි. එක හේතුවක් නම්  DNA පරික්ෂණයට සහභාගී වූ නියැදිය ප්‍රමාණවත් නොමැති වීමයි. අසූ කොටියක් පමණ  දෙමළ ජනතාවක් තමිල්නාඩුවේ වෙසෙති. ද්‍රවිඩ හෙවත් Dravidian සම්භවයක් ඇති ජනතාව කේරලය, අන්ද්‍රා ප්‍රදේශය හා  කර්ණාටකයේද  ජිවත් වන හෙයින් ද්‍රවිඩ ජනතාව ලෙස   ගතහොත් එය අති විශාල සංඛ්‍යාවකි.  ලංකාවේ ජනගහනය ලක්ෂ විසි හතරක් පමණ වේ. එනිසා ද්‍රවිඩ සම්භවය  ඇති දෙසීයක්  සොයා ගැනීම අතිශයින් මිශ්‍ර ජනතාවක් වෙසෙන ශ්‍රී ලංකාවේ සුළු දෙයකි. 

මේ පර්යේෂණය මග හරින කරුණු බොහොමයක් තිබේ. කාලිංඝ මාඝගේ ආක්‍රමණයෙන් හා ඉන්පසු පැමිණි සොළී ආක්‍රමණ වලින් ඉතිරි වූ ජනතාව, ඉන්පසු අවධියක කේරළයෙන්  හා  මලබාරයෙන් ශ්‍රී ලංකාවට සංක්‍රමණය වූවන්ද , නායක්කර් වන්ශිකයන්ද ඉංග්‍රීසින් විසින් ගෙන් වූවන්ද ඔවුහු අමතක කරති.   

දෙවැනි හේතුව හෙවත් මගේ තර්කණය හෙවත්  උපකල්පනය (hypothesis) වන්නේ මෙයයි. වසර තිස් දහසකට පමණ පෙර බලන්ගොඩ මානවයා ලෙස හැදින්වූ හෝමෝ ඉරෙක්ටස් හෝ හෝමෝ සේපියන් පුර්වජ  මානවයන් ජිවත් වූවා යයි සාක්ෂි ශ්‍රී ලංකාවෙන් සොයා ගෙන තිබේ. (ලෙනිටා ඩින් එම සාක්ෂි විකිපෙඩියා වේ සඳහන් බොරු යයි කියා බැහැර කරන්නීය.) මගේ අදහස අනුව බලන්ගොඩ මානවයා හා වසර තිස් දහසකට කලින් සොයාගත් ගල් ගුහා හා උපකරණ අනුව  ශ්‍රී ලංකාවේ මුල් ජනාවාස තිබුණු බවට නිගමනය කළ හැකිය. එනම්  ලංකාව ඉන්දියාවට භූගෝලීය වශයෙන් සම්බන්ධව තිබු  කාලයේ සිට ලංකා භුමිය ජනාවාසව  පැවතුන බවත් ලංකාවේ මුල් පදිංචි කරුවන් ඉන්දියාවේ තමිල්නාඩුවට, කර්ණාටක ආදී ප්‍රදේශ වලටද   පොලිනිසියාවට, ඔස්ට්‍රේලියාවට හා නවසීලන්තයට මෙන්ම ඉන්දියන් අන්දමන් දුපත්වලටත් විසිරි ගිය බවත්ය. ඔවුන් ලංකාවට සංක්‍රමණය වූයේ අප්‍රිකානු ප්‍රදේශ වලින් විය හැකිය.  ඒ කියන්නේ මේ සිංහලයන්ගේ හෝ ලංකාවාසී ජනතාවගේ  මුල් පදිංචිකරුවන්ය.

 මෙම ලාංකිකයන්ට පසුව විජයගෙන් පැමිණි හත් සියයක පමණ සුළු පිරිස සම්බන්ධ වන්නට ඇත. ප්‍රක්‍රිට් භාෂාව මෙන්ම තවත් වහරයන්ද දියුණුවී එකතුවී සිංහලය නම් භාෂාව විකාශනය වන්නට ඇත. සොළි ආක්‍රමණයන්ගෙන හා පසුව පැමිණි යුරෝපීයයන් ගේ ආක්‍රමණයෙන් මේ ආදී සිංහලයන්/ලාංකිකයන්  පසුව  බහුල වශයෙන් ඌව වෙල්ලස්සට  සහ උඩරටට සංක්‍රමණය වූහ. වෙල්ලස්සේ දී ඉංග්‍රීසින් විසින්  ගම්  බිම් ගිනි තබමින් මරා දැමූ බහුතරයක් මේ මුල් ලංකාවාසීන් යයි මම සිතමි. ඉංග්‍රීසින් හා ස්පාඤඤ වරුන්ද ඔවුන් යටත් කරගත් රටවල මුල් පදිංචිකරුවන් සෑහෙන ප්‍රමාණයක් විනාශ කිරීමට වග බලාගත්හ. ඔවුන්ගේ පාලනයන්ට මූලික ප්‍රතිවිරෝධය එන්නේ ඔවුන්ගෙන් බව මේ අධිරාජ්‍යවාදීන් දත්හ.

මේ  ආදි  ලාංකිකයන් හෝ සිංහලයන් ගෙන්   පැවතෙන ජනතාව අදටත් බදුල්ල , වැලිමඩ සිට නැගෙනහිර දක්වා ම ජිවත් වෙති. ඔවුන්ගෙන් සමහරක් සුද්දන් ගෙන් ජීවිතය බේරා ගැනීමට නැගෙනහිරට පලා  විත්  නැගෙනහිර පදිංචිව සිටි අරාබි වෙළෙඳුන් ගෙන් මුස්ලිම් ආගම වැළඳ ගෙන වෙස් වලා ගන්නට ඇති බවටද මතයක් තිබේ. (සාක්ෂි සොයා ගත යුතුය). මේ ආදී ලාංකිකයන් වඩා සමාන වන්නේ ඉහත කී  පොලිනිසියාවේ, අන්දමන් දුපත් , නවසීලන්තයේ, ඕස්ට්‍රේලියාවේ මුල් පදින්චිකරුවන්ටය.  

මේ ඇවිලෙන වාදයට තවත් ගින්නක් එකතු වී තිබේ. ඒ බුදුන් හෙවත් සිද්ධාර්ථ කුමරු උපන්නේ ඉන්දියාවේ නොව ශ්‍රී ලංකාවේ  යන්නයි.  ඒ සඳහා බොහෝ යු ටියුබ් වීඩියෝ තිබුනද ප්‍රධාන සාක්ෂිය වැන්නක්  තිබෙන්නේ  බ්‍රිතාන්‍ය පුස්තකාලයේ බව පිරිසක් පවසති.

 ඔවුන්ගේ ප්‍රධාන තර්කයක් වන්නේ ඉන්දියානු රජය යටත් විජිත පාලන සමයේදී සේවයෙන් පහකළ ජර්මන් පුරාවිද්‍යාඥයා සම්බන්ධවය. අලොයිස් ඇන්ටන් ෆියුරර් වන මොහු ගෞතම බුදුන් උපන්නේ ලුම්බිණි නගරයේ යයි සොයා ගත්  තැනැත්තායි. ඉන්දියානු රජය වෙනුවෙන් මදුරා පුරයේ කැණීම් කළේ ඔහුය. ඔහු වංචනිකයෙක් බවට (වෙනත් ශීලා ලිපි සම්බන්ධව) ඔප්පු වීම නිසා ඉන්දියානු යටත් විජිත රජය ඔහුව ඉවත් කරන ලදී. ඔහු සමහර ශිලා ලිපි වලට තමන්ම අකුරු එක්කර ඇති බවට චෝදනා පවතී. මේ චෝදනාවම මහාචර්ය  සෙනරත් පරණවිතාන මහතා කෙරෙහිද පවතී. 

මේ කතාවේ තවත් සාධකයක් නම් ජොහැන්නස් ජෝර්ජ් බුලර් ගේ ඉරණමයි. බුලර් ඇන්ටන් ගේ ගුරුවරයා වන අතර ඔහු  පුරාතන ප්‍රකිත් භාෂාව ට අදාළ (ද්‍රවිඩ මිතුරන් කියන භාෂාවමය)  ශබ්ද කෝෂයක් පරිවර්තන කල අයෙකි. ඔහු අභිරහස්  ලෙස වැවකට වැටී මිය ගියේය. 

මම  මේ සිදුහත් කුමරු  ශ්‍රී ලංකාවේ උපන්නේය යන  අදහසට විරුද්ධ අයෙක්මි. මගේ ඉන්දීය සංචාරයේදී බුදුන්වහන්සේ  වැඩ සිටි බොහෝ තැන්වලට යාමට මට හැකිවුණි. මා සිතන්නේ ඉතා ලෙහෙසි කාබන් පරීක්ෂණ වලින් ඒ නටබුන් කොයි කාලයේද කියා ඔප්පු කල හැකි බවයි. එවැනි නටබුන් ශ්‍රී ලංකාවේ නැත.

එසේම එසේ සිද්ධාර්ථ කුමරුන් ලංකාවේ උපන්නේ  නම් ඔහු උපදින්නට  ඇත්තේ ඉහත කී  ආදි  ලාංකිකයන්ගේ පවුලකය. එසේ නම් සිද්ධාර්ථ උත්පත්ති කතාව  ගැන මෙන්ම බුදුන්  වහන්සේ ගැනද ජනකතා පැතිරෙනු ඇත්තේ එහි හෝ දකුණු ඉන්දියාවේ මිස දැන් පවතින බිහාරයේ නොවේ. එසේ නම් අපගේ ද්‍රවිඩ මිතුරන් කියන ඔවුන් බෞද්ධයන් යයි පවසන කතාවේ සත්‍යතාවයක් තිබිය හැකිය. එනම් බුදුන් උපන්නේ ලංකාවේ ද්‍රවිඩ පවුලක හෝ ආදිවාසී සින්හල ලාංකික පවුලකය. 

එසේම මේ පිරිස මේ මස 26 වනදා සාකච්ඡාවක් සංවිධානය කර තිබේ.  ඔවුන්ගේ නීතිඥ මහතා වන වජිර ධනපාල මහත් ඒ සඳහා සහභාගී වන ලෙස ආරාධනයක්ද එවා තිබේ. ඔවුන් බ්‍රිතාන්‍ය පුස්තකාලය පුස්කොල පොත් ලංකාවෙන් ගෙන ඒම  ගැන නඩු පවරන බවද පවසති.  මේ සංවාදයට එක්වන ලෙස ආරාධනය කරමි. 

එයට මගේ අදහස් හා  හිටපු ගුරු විදුහල්පති වරයෙකුද වන පෙමස් ගුණසිංහ මහතාගේ අදහස පහත පල කරමි. (ෆේස්බුක් සංවාදයකි ).

// අජිත් - මට හිතෙන්නේ මේ පුස්කොළ පොත් ඔවුන් ගෙනාවේ නැත්නම්, ලංකාවේ තිබ්බ නම් ඒවා එක්කෝ ගිනි තියල. නැත්නම් කාට හරි විකුනලා. මෙහෙ (ලන්ඩනයේ) තිබුන නිසා බේරුනා කියන එකයි මගේ අදහස.



පෙමාස්  ගුණසිංහ: මාත් එකගයි. වර්තමානයේත් ලංකාවේ පුස්කොල පොත් විකිණීයමින් තිබෙන බව ගමේ තිබුණ පැරණි පුස්තකාල වලට සිදුවූ දෑ ගැන සිතන විට පෙනී යනවා. මගේ මුත්තකු සතුව  තිබූ පැරණි පුස්කොල පොත් වලට කුමක් සිදුව ඇත්ිද යන්නවත් නොදනිමි. මා සරසවියේ සිට එන විට ඒ සියල්ල නොතිබිණි. උග්ගල් අලුත්නුවර විවේකාරාම විහාරයේ ඉනිදරතන හිමිපාණන් වහන්සේ ගේ අපවත් වීමෙන් අනතුරුව කාමරයක් පුරාවා තිබූ පුස්කොල පොත් ගොනුවම පන්සලේ භාරකාරත්වය පැවරී තුබූ පොඩිහාමුදුරුවන් රවටා කිසියම් වෙළෙන්දකු විසින් ගෙන ගොස් තිබුණා. (ඒවා වෙනුවට හාමුදුරුවන්ට බල්බ තොගයක් දී තිබුණා) ගමේ පැරණි වෙදමහතකු සතුව තිබූ පුස්කොල පොත් වෛද්‍යවරයාගේ අභාවයත් සමගම අතුරුදහන් වී ගොසින් තිබුණා. එම පොත් එකක් රුපියල් 10000 ගණනේ ඉල්ලා  තිබුණ බව සාකච්ඡා අවස්ථාවක අපට පැහැදිලි කළා. මේ වෙදපොත් ඉදිරිපත් කරමින් ඒ සම්බන්ධව මාවෙත ඉදිරිපත් කළ විස්තරයේ කොටසක් යූටියුබ් චැනලයේ තිබෙනවා. පසු දින කීපයකට පසුව හදිසියේම වෙදමහතා අභාවප්‍රප්ත වුන බව ආරංචි වුනා. අර පොත් කොහේ තියන්න ඇතිදැයි විමසමින් වෙද බිරින්දෑ අපේ නිවසට පැමීණ මා විමසුවා. තවත් අවස්ථාවක වෙනත් පැරණි වෙදමහතකු සතුව තිබූ පුස්තකාලයක පුස්කොල පොත් වරින් වර විකිණි යමින් ඇති බව අසන්නට ලැබුණත් ඒවා බේරා ගන්නට හැකිවුනේ නෑ. මේ උදාහරණ සලකන විට යටත්විජිත සමයේ ගෙන ගිය ඒවා ලොව කොහේ හෝ පුස්තකාලයකවත් සුරක්ෂීතව පැවතීම වාසනාවක් බව මට ද හැගියනවා. ඓතිහාසික ග්‍රන්ථ හා වස්තු කාලය දේශය නොසලකා රැකිය හැකි තැනක රැකියයතු මානව උරුමයන් නොවේද යන කල්පනාව මට ද ඇතිව තිබෙනවා. මා ඉහතින් කියන ලද ගමේ තිබී අවතැන්ව ගිය පුස්කොල පොත් ද ලොව කොතැනක හෝ සුරක්ෂිතව තිබෙවි. කිසියම් දිනක විද්‍යාර්ථීන්ට හමුවේවියි සැනසෙමි.

 ඔබ පවසන පොත් ගැන මගේද මතකයේ යාන්තමට තිබෙනවා. බළන්ගොඩ පන්සල් පුස්තකාලයක තිබූන බවට ද මතකයේ පවතිනවා. මෙවර ලංකාවට ගිය පසුව  ඒ ගැන සොයන්න දැඩි පෙළඹිමක් ඔබේ ලිපිය නිසා ඇති වුනා. මා පැවසූ ඇතැම් විස්තර අඩංගු, ගමේ දැනමුත්තන් සතුව තිබූ පුස්කොල පොත් ඇතුළු ලේඛන සියල්ලම පාහේ ඒ පැරැන්නන්ගේ අභාවයන් සමගම අවතැන්ව ගිහින් පැවතීම ලොකු විපතක්. හටන්පල "ආචාරිපංගුවේ" පැවති "වෛජයන්තය" මෙන්ම ලේකම් මහතා ළඟ පැවති "මෛමතය" වැනි බොහොමයක් පැරණි පුස්කොල ග්‍රන්ථ ද සොයන්නම බැරිව ගිහින්. මේ පොත් දෙකේ තවත් පිටපත් කොහෙන් හෝ හමු වී තෙන්නකෝන් විමලානන්දයන් සහ ආනන්ද කුමාරස්වාමි වැනි වියතුන් කියවා ඇති බව ඔවුන්ගේ පොත් කියවන විට හමු වෙනවා. එහෙත් ඒවායේ උපුටා දක්වා ඇති විස්තර ප්‍රමාණවත් නැති බව පෙනී යනවා. ඔබට අලුත්නුවරට තදාසන්න හටන්පල ගමට යන්නට අවස්ථාව ලැබී නැති බව සිතන්නට හැකියි. හමුවී ඇත්තේ ද මෑත දී රාජකාරි පැවරී ඇති තරුණයන් බවද පෙනී යනවා. රාජසිංහයන් සම්බන්ධව මෙන්ම යකඩ වානේ කර්මාන්තය, විශේෂයෙන් විවිධ වානේ ආයුධ පණ පවීම සම්බන්ධව තොරුතුරුද හටන්පල පැරණියන් වෙතින් සොයන්නට ඉඩ තිබුණා. කාලය විසින් බොහෝ මූලාශ්‍ර අපට අහමිව ගිහින් උත්තරවිහාර වංශය(උත්තර විහාරට්ඨ කතාව) ගැන මහාවංශයේ සටහන් තිබුණත් අදාල ග්‍රන්ථය සොයන්නට බැරිවම ගිහින්. එහි මේ ප්‍රදේශයට අදාලව සැඟව ඇති බොහෝ දේ තිබෙනු නිසැක බව පෙනීයනවා. ඒවා සැඟව ගිය විස්තර පමණක් වීම කණස්සල්ලට හේතුවක්, ඔබට හැකිනම් අදාල ග්‍රන්ථ පිටපතක් බ්‍රිතාන්‍යයේ පවතී දැයි සොයා බලන ලෙස ඉල්ලා සිටිමි.
- පෙමාස් ගුණසිංහ

යොමු:  DNA කතාව 
DNA පරීක්ෂණය 
බලංගොඩ මානවයා 
Alois Anton Führe
ෆේස්බුක් සාකච්ඡාව 
Johann Georg Bühler
උග්ගල් නුවර ගැන  බ්ලොගය 

කාම්බෝජ සංචාරය 1 - සංචාරක විධායක මාර්ගෝපදේශක නිලධාරී

අහස්  ගව්වෙන් එහා ලෝකය බ්ලොගය කරන සහෘදයා අනුරුද්ධ වැලිගමගේ නිතර කියන කතාවක් තමයි කාම්බෝජ සංචාරය ගැන ලියන්න කියල. මීට  කලින් ලංකාවේ  ගිය වෙලාවක දඹුල්ලේ ගයිඩ් මහතෙකු ගැන මෙතැන ලීවා. මේ දවස් වල බුකියේ සඳහන් වෙන සංචාරක  ක්ෂේත්‍රයේ නව තනතුරු කිහිපයක් නිසා සංචාරක මාර්ගෝපදේශකයන් ගෙන්ම කතාව පටන් ගන්න හිතුව. හැබැයි නිකම්ම ටුවරිස්ට් ගයිඩ් හරි සංචාරක මාර්ගෝපදේශකයෙක් කිව්වහම තරහ යයිද දන්නේ නැහැ.. ප්‍රතිචාර දක්වන්නෙක් වගේ  ලියන්න බෑ බෑ වගේ. හිත රිදෙයි ද දන්නේ නැහැනේ. ඒ නිසා මම ඒ අයව හඳුන්වන්නම් සංචාරක විධායක මාර්ගෝපදේශක නිලධාරීන්  කියල.

පින්තූරයේ ඉන්නේ මම කාම්බෝජයේ දී හයර් කරපු එහෙම නැත්නම් වෙන් කරගත් සංචාරක මාර්ගෝපදේශක මහතා. මෙයා ගේ දවසේ මිල ඇමෙරිකන් ඩොලර් 35 විතර. ඒ ගානේ වරදක් නැහැ මොකද මෙයා සෑහෙන්න උගත් කෙනෙක්. ඉතාමත් හොඳට ඉංග්‍රීසි භාෂාවෙන් ඉතිහාසය ඇතුළු වෙනත් අවශ්‍ය  දේවල් විස්තර කරල දෙන්න ඔහුට හැකියාව  තිබෙනවා.

මම දුටුව දේ තමයි හැමෝටම මේ මාර්ගෝපදේශක  කාර්යය කරන්න කාම්බෝජ රජය ඉඩ දෙන්නේ නැතිබව. මේ මාර්ගෝපදේශකයන් ට   දීල තිබෙනවා යුනිෆෝර්ම් එකක්. ඇත්තටම ඒක කහ කමිසයක්. මාර්ගෝපදේශකයන  හැමෝම අඳින්න ඕනේ ඒක . ඒ සමගම ඔවුන්ට බලපත්‍රයකුත්   නිකුත් කරනවා. සංචාරක මාර්ගෝපදේශක  හැඳුනුම් පතකුත් එල්ල ගන්න ඕනේ. ඒක  තියෙන අය ට තමයි නිත්‍යානුකූල ලෙස ඒ කාර්යයේ  යෙදෙන්න පුළුවන්. සංචාරකයන්ටත් ඔවුන්ව දැක්ක ගමන් හඳුනා ගන්න ලෙහෙසියි. 

ලංකාවේ මෙහෙම තියනවද දන්නේ නැහැ. අපිට එක පාරක් මාතර  වෙහෙරෙහේන  විහාරයේදී බලෙන් ගයිඩ් මහත්මයෙක් ඇඟට ගොඩ වුනා. අපේ පස්සෙන්ම  ඇවිත් බැරි බැරියා ජර්මන් සහ ඉංග්‍රීසියෙන් විස්තර කියල (අපි අයින් වෙලා එපා කියල  ගියත්) අන්තිමට විශාල මුදලකුත් ඉල්ලුව. ඒ වගේ දේවල් වැළකෙනවා බලපත්‍ර නිකුත් කලොත් අයි ඩී එකක් එක්ක.

කාම්බෝජයේ  සංචාරක ත්‍රී වීල කියන්නේ විශාල ඉඩ කඩක් තිබෙන ඒවා. මෝටර් සයිකලයකට  කරත්ත කෑල්ලක්  ගහල හදල තියෙන්නේ. සුව පහසුයි. හතර වටේම හොඳට බලාගෙන ගිය හැකියි . කාම්බෝජ ගයිඩ් මහත්මයයි මේ අපූරු ත්‍රී වීලයේ රියදුරු මහත්මයයි එක්ක කෑමට ගිය වෙලේ මට දැන ගන්න ලැබුනේ සංචාරකයෙක් අරන් එනවා නම් ඔවුන්ට නොමිලේ කෑම දෙන බව.  නමුත් මම ගයිඩ් මහත්මයට අරාධනා කලා මාත් එක්කම කෑම ගන්න කියල මම ගෙවන නිසා. එක ආපනශාලාවකදී පමණක් ඔවුන් ඒකට ඉඩ දෙන්න බැහැ  කිව. (පින්තුරයේ තියෙන්නේ ඒක). හේතුව ජපාන සංචාරකයන් කණ්ඩායමක් ඉන්නවා කියල. අනික මාර්ගෝපදේශකයන්ට වෙනම  තැනක් සූදානම් කරලා තියනවා කියල කෑමට . මම කිව්වා බැහැ ,  එහෙම නම් මම යනවා කියල. ඒ ගමන ඔවුන් කැමති වුනා ගයිඩ් මහත්මයටත් මාත් එක්කම කෑම ගන්න දෙන්න.

මේ ගයිඩ් මහතා ටිම්, පොල්පොට් ගේ පාලන කාලයේදී ගමකට යවල තියනවා අනිත් අය වගේම. පොල්පොට් ට අනුව නව අධ්‍යාපනය දෙන්න හෙවත් ගොවිතැන්  කරන්න. එහෙදි  බඩගින්නේ ඉඳල සෑහෙන්න දුකක් විඳලා  තිබෙනවා කන්න නැතිව. ළමයි හුඟක් එක ගොන්නට පොඩි ගම ගෙවල් හා ශාලාවල ගොනු කරලා. කැඳ කෝප්ප දෙකයි දවසටම. වැඩ කලේ නැත්නම් ගහනවා කෙවිටකින්. සමහරු  මීයෝ , හූනෝ පවා බඩගින්නට කාල. ගුරුතුමෙක් වන ඔහුගේ පියා මරා දමා  තිබෙනවා  ඒ කාලෙම. මව සහ සොයුරිය  බඩ ගින්නෙම මිය ගිහින්. ඉතින් ඔහුට කෑම වේලයන්   කිහිපයක් අරන් දෙන්නට හැකිවීම  සහ එකට හිඳගෙන  කතා බහ කරමින්  කෑම ගන්නට හැකිවීම මට ගෞරවයක් කියල මම ඔහුට කිව්වේ.

ඊළඟ  කතාව මම නිතර කියන එකක්. ලංකාවේ  පින්නවල බලන්න  රුපියල් 5000 පමණ, සීගිරියට 6000 , අනුරාධපුරයට 15000 වගේම  අලි හැම වෙලේම නැති වස්ගමුවටත් 5000 වගේ ගෙවන්න ඕනේ. ලංකාවේ  සංචරක ව්‍යාපාරය ඒ මුදල් වලින් නගාසිටවීමට හැකි  නම් ඒ ගණන් වල අවුලක් නැහැ. නමුත්  එහෙම දෙයක් පෙනෙන්න නැහැ.  සංචාරක පහසුකම් හොඳ තත්වයේ නැහැ.

දැන් කාම්බෝජයේ  අංකර්  වත්  (Angkor Wat ) විහාර හා දේවාල සංකීර්ණය පුරාණ  ලෝකයේ පුදුම හතෙන් එකක්.  අති විශාල ඉඩ ප්‍රමාණයක් තුල  පැතිරිලා තිබෙන නිසා එක දවසකින් බලල ඉවර කරන්න අපහසුයි. එය නැරඹීමට  දවසකට ඩොලර් 37 ගන්නවා. ඒ කියන්නේ රුපියල් 6700ක්   විතර.  දවස් දෙකක් නම් ඩොලර් 60, තුනක්  නම් 72යි.. ගාන අඩුවෙනවා. ඒ ගානෙ  ඇත්තටම වරදක් නැහැ. එපමණට බලන්න පුළුවන් දේවල් තිබෙනවා. අතීත ගෘහ  නිර්මාණ ශිල්පයෙහි විස්මිත  සමත්කම්,  ඉතිහාසය සම්බන්ධව උගත හැකි රසවත් සහ  වැදගත් කරුණු රාශියක් තිබෙනවා. ඒ වගේම පරිසරයේ සුන්දරත්වය ගත්තමත් ඒ  මිලේ වරදක් නැහැ. ඒ වගේම සංචාරකයන්ට සැලකීම සහ පහසුකම් අතිනුත් හොඳයි.

අනිත් කරුණ තමයි රා නිෂ්පාදනයට ඉඩ දීම . කාම්බෝජයේ රා පෙරලා කෝප්ප වල දාල ඩොලර් එකකට සංචාරකයන්ට විකුනනවා. එතනින් අදායම් මාර්ගයකුත් හැදිලා තිබෙනවා. නන්දන වීරරත්න සහෝදරයා කියල තිබෙනවා දැක්ක  ආචාර්ය ඇන් ඇම් පෙරේරා රා මදින්න බලපත්‍ර දෙන්න හැදුවය, නමුත් යූ ඇන් පී සිරි ලංකා මන්ත්‍රී රොත්ත   විරුද්ධ වුනාය කියල ආගමික, ශිලාචාර හේතූන් මත . වයින් විකුනන්න පුලුවන්නම්, ඔවුන්ට  විස්කි බොන්න පුලුවන්නම්  රා මැදලා  විකුනන්න දුන්නම හෙණ ගහනවද ? නව ආණ්ඩුව ඒ වගේ දෙයක් ඇති කලොත් නව අදායම්  මාර්ගයකුත් හැදෙයි.

භාතිය හා සන්තුෂ් කියන්නේ මම කැමති ගායක කණ්ඩායමක්. ඔවුන් අසර්බයිජාන් ද කොහෙද ගිහින් දිනුව  කාලේ ඉඳන්ම තමයි  මම ඔවුන් ගේ  ගීත අහන්නේ. , සිරි සඟබෝ මාලිගාවේ වගේ  නව පර්යේෂණාත්මක ගීත වගේම උමාරියා එක්ක කියන ගීතත් නියමයි.  ඔවුන් නවතම දේ අත්හදා බැලීමට අමුත්තන්  නොවෙයි . එනිසා ඔවුන් සංචාරක  ප්‍රවර්ධන අධ්‍යක්ෂකවරු වරු වීම ගැන සතුටුයි. .

එසේම "අහංකාර නගරේ " කියන ගීතය රස වින්ද එයට  සාද වලදී නටපු කෙනෙක් ලෙස  ප්‍රසිද්ධ ගායකයෙකු හා සමාජ ජලා ක්‍රියාකාරික ඉරාජ් සම්බන්ධව නොයෙකුත් කතා කීවත් ඔහුත්  දක්ෂතාවන් ඇති අයෙක්  බව පිලි ගන්න ඕනේ.

ඔවුන්ට ලංකා සංචාරක කර්මාන්තයේ  ඇති ප්‍රශ්න දෙස නව මානයකින් බලා දේශීය සහ විදේශීය සංචාරක ව්‍යාපාරය තව නගා  සිටුවීමට  හැකිවේය  කියන සුභවාදී  ආකල්පයකින්  බලන්න කැමතියි.
යොමු (ලින්ක්ස් ) බලන්න නම්  බ්ලොගයට යන්න වෙයි.
දඹුල්ලේ ගයිඩ් 

පැරිස් වලාකුළු - මංජුල වෙඩිවර්ධන

මිලාන් කුන්දේරා ගේ The unbearable lightness of being කියන පොත මම සෑහෙන කාලෙකට කලින් කියවපු පොතක්. ධම්මිකා ඒ පොත ගැන කතා කරන්නේ මොකද කියල බැලුව. මංජුල වෙඩිවර්ධන ගේ අලුත්ම පොත පැරිස් වලාකුළු කියවල. තවම මට පොත ලැබුනේ නැහැ. ලැබුන ගමන් මමත් මොකක් හරි ලියන්නම්. මේ ධම්මිකා  චාන්දනී ගේ අදහස.

***************************************************************
පැරිස් වලාකුළු දෝත දරා සිටි මා වලාකුළු ගොන්නක පැටලුනේ මටත් නොදැනිමය. ඒ වලාකුළු මාවන් රැගෙන ඒ ඉරි තැලුණු අහස දිගේ පැරිස් නුවරට පාව ගිය අයුරු අපූරු අත්දැකීම කි. ඒ නුවර බැලූ බැලූ  හැම තැනම සබන් බෝල සිහින පාවෙමින් තිබුන අයුරු චමත්කාර ජනකය.

ඒ සබන් බෝල ඇගේ වැදී, හිතත් හොදටෝම චප්ප වී මා ඇදන් වැටුණේ උදම් වූ රල නැගෙන, බිදෙන සාරත්‍ර ගේ හිත දිගේ දිවයන ලා ෂපෙල් වීදියටය. කෝපි බොමින් එහි සැරි සැරීම ආශ්වාදජනක විය.

ඒ අවට තිබූ එක් සබන් බෝලයකට එබිකම් කල මා දුටුවේ  කනකපුරම් ය. එතනින් ඔබ්බට තිබුණේ සිහිනයක් නොව, හද පාරවන යතාර්ථයකි.

ඒ ඔස්සේ ඇදුනු මගේ හිත උතුරුකරයේ අතරමං විය. කිසි දිනෙක ඒ පිලිබඳව මින් පෙර හිතන්නට ඉඩ නොලද අවකාශයක, හිත කීරි ගැසී පැරිස් නුවර අහස මෙන්ම ඉරි තැලී ගිය සෙයකි. බොහෝ වේලාවක් A-9 පාර දිගේ ගිය මගේ හිත අතරමං වී නන්නත්තාර ම වී ගියේ, ඉතිහාසයේ දරාගත නොහෙන බර හිස මතට පාත් වූ නිසා විය හැක.

ජීවිතේ කිසිම දිනෙක ජාතිය, ආගම  ප්‍රශ්නයක් නොවූ මට සාන්දිලන් ලා ගැන ගැඹුරට සිතීමට අවකාශ ජීවිතයෙන් ලැබුණේ නැත. ඒ ගැන අධ්‍යයනය  මගෙන්  බැහැර වූයේ  මගේ වෘත්තීය මිනිසුන් උදෙසා නොවන නිසා විය හැක.

මෙතෙක් කල් මා සිතා සිටියේ සිහින යනු  සිහින පමණක් ම වන බවය. එහෙත් ඒ අතර අනවසර සිහිනත් තිබෙන බව සාරත්‍ර කියන විට, එය එසේම බවට තර්ක අවශ්‍ය නොවීය .

දේදුන්නකින් වර්ණ පැහැර ගනිමින් අවකාශයේ පාව යන සබන් බුබුළු සිහිනම බව තේරුම් ගැනීමට මා පොලඹවන ලද්දේ සාරත්‍ර විසිනි .

අතර මග බිදී යන සබන් බෝල ගැන මා මහත් සේ සංවේදී  වූ සෙයකි. මගේ හිත දුකින් පිරී ඇත. ඒ සමගම බොහීමියානු හීන වලට යටි හිතේ කැමත්තකි.

ජීවිතයේ දරාගත නොහෙන සැහැල්ලුව සමග පිහාටුවක් වන් ජීවිතය ගැන සාරත්‍ර  කොතරම් කතා කරාද කියතොත් , ඔහු මාව කුන්දේරා ගේ හිත ඇතුලට තල්ලු කර දෑමීය.

මිලාන් කුන්දේරා නම් වූ ඒ අපූරු  චෙකෝස්ලෝවැකියානු ජාතික , ප්‍රංශ පුරවැසියකු වූ ලේඛකයා ගේ  මනසට ආදරය කරන්නට සහා ඔහුගේ නෙතින් ලෝකය දකින අයුරු අධ්‍යයනය කරන්නට මට වුවමනා වීමත් අපූරු සිද්ධියක් ම වේ.

සාරත්‍ර කොතරම් කුන්දේරා ගැන වර්නනා කලේද කියතොත් , පැරිස් වලාකුලේන් බිමට පාත් වුනු මගේ ඊලඟ පියවර වූයේ ජීවිතයේ දරාගත නොහෙන සැහැල්ලුව කියවීමට පටන් ගැනීමයි. ( downloaded the English translation  - The unbearable lightness of being ).

ඉංග්‍රීසි බස නොදන්නා කෙනෙකු මෙම පැරිස් වලාකුළු මත එල්ලී එහා මෙහා පාවෙන මෙලැන්කොලිය හා එනිග්මාව අස්සේ අතරමං නොවේදැයි මට නැගුණු පැනයකි.

අපට හුරු පුරුදු වැහි වලාකුළු වලට වඩා වෙනස් වූ පැරිස් වලාකුළු අතිවිශිෂ්ඨ යැයි  කිව යුතුය .

යහළුවකු මාර්ගයෙන් හදුනා ගත් මංජුල වෙඩිවර්ධන නම් වූ ලේඛකයා ගේ ලෝලියකු බවට මේ වන විට මා පත්වී ඇති  බවද සතුටින් කියමි.


- ධම්මිකා චාන්දනී .

මේ හඬ පටය හැර තවත් හඬ පට තිබේද ස්වාමීනි

හඬපට පිළිබඳව සැලකිල්ලක් නොදක්වා සිටියේ ඒවායේ ඇත්තේ ජුගුප්සාජනක කතා යයි සිතාය . එක අතකට අනුන්ගේ ඕපදූප අසා පලක් නැති අතර අනිත් අතට රන්ජන් වැනි අයෙකු මෙය හිතාමතාම කර ඇති දෙයකි යයි ද සිතෙන නිසාය. එජාපයේ සිටියදී ඔහුට වුනු කෙනෙහිලිකම් මැද  පසුගිය  යහපාලන රජයේ වැදගත් ආයතන වන අධිකරණය සහ පොලිසිය මෙහෙයවූ සැඟවුණු නායකයා මොහුද යයි සිතෙන තරමට ඔහු ගේ ක්‍රියා කලාපය විශ්මය ජනක ලෙස දූෂිත බවට අදහස් පළවේ. මට නම්  පෙනෙන්නේ මුළු මහත් සමාජය පුරාම ඉහ වහා  ඇති වංචා, දූෂණ, පාවා දීම්  සහ දේශපාලන බලවතුන් ඇතුළු රටේ ඉහල යයි සම්මත පිරිසකගේ පිරිහීම මේවායින් පෙන්නුම් කරන බවයි.

දැනට හෙළිවී ඇති බොහෝ හඬපට යුඇන්පී නායකයන්ගේ සහ අධිකරණ විනිසුරන් ගේද නළු නිලියන් ගේද වස්ත්‍ර ගලවා දමන ඒවාය. ඇත්තම් පවසනවානම් මේ හඬ පටවලින් මතු වන්නේ  ශ්‍රී ලාංකික සමාජයේම එක්තරා  පැතිකඩකි. එකිනෙකාට මඩ ගසා  ගැනීම වෙනුවට මේවායින් එළිවන කරුණු ගැන පියවරක්  පසුපසට ගෙන විමසා  බැලිය යුතුය. රන්ජන් හා හිරුණිකා අතර හඬ පටයේ ඔවුන් එක්තරා ආර්යාවක් ගැන කතා කරති.

එම ආර්යා ප්‍රකාශය ගැන අපි බුකියේ සරදම් පෝස්ටු හුවමාරු කර ගත්තේ නැත්ද?  මම නම් ඒවාට ඇති තරම් සිනා සුනෙමි. යුඇන්පීයට සාමාන්‍යයෙන් පක්ෂ මිතුරන් පවා ඒවා හුවමාරු කරගනු දුටිමි.

ශිරන්ති රාජපක්ෂ, මෛත්‍රී වික්‍රමසිංහ එසේ අනවශ්‍ය කතා නොකියන බවට රන්ජන්  හා හිරුණිකා දෙදෙනාම එකඟ වෙති. මට මෙතනට හිටපු ජනාධිපති සිරිසේන ආර්යාවද එක් කළ හැකිය. ජේ ආර් ජයවර්ධන ආර්යාවද එක් කළ හැකිය. වර්තමාන ජනාධිපතිවරයාගේ ආර්යාව වතුර වීදුරුවක් ගෙන සාමාන්‍ය ගෘහණියක් හා මවක් මෙන් "තාත්තී දැන් එන්න " යයි කියන වීඩියෝවක් දුටිමි. ඇත්තටම එය දැක මටද යම් සුහදාත්මක හැඟීමක් පහල වුනි. මේ ආර්යාවන් සියල්ලන්ම පටි බේරාගෙන කට වරද්දානොගෙන සිටීම ගැන අපද අගය කළෙමු. පුතාණෝ ට වස්ත්‍රයක් ඇඳගෙන කඩේ යාමට හැකිදැයි ඇතැම් එජාපයට හිතවත් යහළුවන් කතා බහ කළ බව මම දනිමි. මේ සැබෑ තත්වය ම රන්ජන් හා හිරුණිකා ගේ  මුවින් පිට නොවූයේද?

මට ගෝටන් කෙනකු විසින් පහත රන්ජන් - ශෂී විරවංශ හඬපටය ඉන්බොක්ස් කර තිබුණි. ගෝටන් ලා යනුවෙන් මා අදහස් කරන්නේ වර්තමාන ජනාධිපති තුමාට  චන්දය දුන් සහ ඔවුන් පවසන පරිදි ඔහුට පමණක් සහය පල කරන අයටය . ඔවුන්ගේ විශ්වාසය නම් ගෝඨාභය මේ දූෂිත ක්‍රමයන් පිටු දකින ඒවා නිවැරදි කිරීමට යත්න දරන බවයි. එනිසා  ඇතැම් විට අගමැති මහින්ද මහතා හා ඔහුගේ ඇතැම් චක්ගෝල ඇමැතියන් පවා විවේචන කිරීමට ඔවුන් කැමැත්තක් දක්වති.

මේ හඬ පටය මා තෝරා ගත්තේ මෙන්න මේ නෙළුම් යාය සම්මාන උළෙල පිලිබඳ කතාවටය.  හෙන්රි වර්ණකුලසුරිය, ජවිපෙ වී රූපවාහිනිය මෙහෙයවූ  හිටපු ජවිපෙ සාමාජිකයෙකු හා නාවික හමුදා නිලධරයකු මෙන්ම කතුවරයෙකුද බ්ලොග් ලියන්නෙකුද වේ.  ඔහු රාජිත ඇමැති ට විරෝධය පෑමට එදා  උළෙලේදී නැගිට ගිය අයෙකි. ජවිපෙ ට ඒ කාලයේ සහය දුන් මංජුල සමරසේකර ද මේ විරෝධය ට එක්වූ අයෙකි.  මම කලේ ප්‍රධාන  බ්ලොග් සංවිධායක වශයෙන්  ත්‍යාග ප්‍රදානය කළ අමුත්තාට එනම් එදා මේ කියන  රාජිතට සහය වීමයි. මැතිවරණ කොමසාරිස් මහින්ද  දේශප්‍රිය මහතාද, උපුල් සන්නස්ගල මහතාද තවත් වියතුන්ද  සහභාගී වූ මුත් ප්‍රධාන විවේචනය එල්ල වූයේ මෙතනටය.එසේම  ලඟ දී  බ්ලොග් වලට ප්‍රතිචාර දක්වන්නෙකු ශුද්ධ සිංහලෙන් මට බැන වැදුනේ සම්මාන උළෙලට දේශපාලනය ගෙනාවා  යයි පවසමිනි.
ප්‍රශ්නය  වන්නේ ඒ මහතා බුකියේදී සම්පුර්ණයෙන් ම  එජාප විරෝධී කෙනෙකු ලෙස බොහෝ විට අන්තවාදීව හැසිරීම මා දැක තිබීමයි. 
 මා රාජිත පන පිටින් දැක්කේද එදා පමණි.

අද බ්ලොග් සම්මාන උළෙලක්  ක් පවත්වන්නේ නම් හා ගෝඨාභය ජනාධිපති තුමා හෝ වෙනයම් ඇමතිවරයෙක් සහභාගී වන්නේ නම් හා මා  එය සංවිධානය කරන්නේ නම් සහතික පත් දීමට උදව් වීමට වේදිකාවට යාම මට ප්‍රශ්නයක් නොවේ. පැමිණි කාර්යය එය මිස දේශපාලනය නොවන බැවිනි. කිසියම් පිරිසකට උදව් කිරීම සඳහා එංගලන්තයේදී කොන්සර්වටිව් හා කම්කරු පක්ෂ දෙකේම මන්ත්‍රීවරුන් හමුවී පුරුදු මට මගේ  දේශපාලනයට අදාල නොවන අය සමග කටයුතු කිරීම කවදාවත් ප්‍රශ්නයක්  කරගත්තේ නැත. එය ප්‍රශ්නයක්  කර ගැනීම මට පෙනෙන්නේ අන්තවාදී ක්‍රියාවක් ලෙසය.


ශෂී වීරසිංහ මෙහි කරන්නේද එයයි.  තම ස්වාමියාගේ ප්‍රශ්නයක් ඇය යහපාලන ඇමතිවරයෙකු සමග සුහදව විසඳා ගන්නවා  විය හැක. නමුත් ඇය කතා කරන්නේ "ප්‍රා " රාජිත සහ ඔහුගේ බිරිඳ සුජාතා ගැනය. ඒ කියන්නේ ඔවුන් ඇගේ හොඳ මිතුරන් විය හැකි බවය. විමල් විරවංශ මහතා පොහොට්ටුවේ මන්ම  ගෝඨාභය මහතා ජනාධිපතිකරවීමේ ව්‍යාපාරයේ ඉහල නයුවෙකි. එසේ නමුදු යම් කාර්යයන් කර ගැනීම සඳහා ඔහු ගේ එම සහජීවනය ප්‍රා රාජිත සමග තිබු බව පෙනේ.

එවිට අපේ දයාබර හෙන්රි මහතාට  මෙන්ම රාජිත  එදා පැමිණි හෙයින් සමහර අයටද  සිදුවූ අර මොකද්ද  මෙව්වා එකට ද,  ඒ  සිදුවූ "කැළලට" ද  අප සමග මරාගෙන මැරෙන වලියට පැමිණි මහත්වරුන්ට අපට කිව හැක්කේ කුමක්ද? ඔබලාගේ නායකයන් නටන්නේ හැංගි හොරා කියලාය.  මමනම් ඒ වැරැද්ද  නිහතමානීව පිළිගෙන සම්මාන උළෙල පැවැත්වීමෙන් ඉවත් වූයෙමි.

බුකියේදී මෙන්ම වෙනත් තැන්වලදීද අපේ ජවිපෙ මිතුරන්ගෙන් මා ඇසූ ප්‍රශ්නයක් වුයේ දයා පතිරණ ඝාතනයෙන් පසු ඝාතන රැල්ල  පටන් ගත්තා  නොවේද යනුවෙනි. ඒ වෙනුවට ඔවුන් ප්‍රා සංවිධානයෙන් කල බිහිසුනු ක්‍රියා  ගැන වමාරති . ඒවා සිදුවුයේ පසුවය. ඒ සඳහා කිසිවෙකුත් ප්‍රා කාරයන්ට සමාව දෙන්නට යයි කියන්නේ ද නැත. සමාව දෙන්නට ඔවුන් කිසිවෙකු සුදුසුද නැත. එතරම් තිරශ්චින ලෙස කටයුතු කල බවද ඇසින් දුටු සාක්ෂි තිබේ. එනමුදු ඒ ක්‍රියාදාමය පටන් ගත් අයට වගකීමෙන් මිදිය නොහැකිය.

මේ හඬ පටවල ඇතැම් සමාජවාදී වාමවාදී සගයන්ද  සිටින්නේ නම් මැනව යයි සිතේ. හේතුව නම්  ඔවුන්ගෙන් සමහරුද නටන්නේ දෙබිඩි නාටක බැවිනි.බොහෝ විට දේශනයකදී, තමන් ලියන කියන දෙයකදී අති ප්‍රගතිශීලි , අති මිත්‍රශීලි , අධි සුභාවික, පරිභෝජනවාදී නොවුන මොවුහු සැබෑ ජීවිතයේදී එයට හාත්  පසින්ම වෙනස් අය බව මට අත්දැකීමෙන් ම අවබෝධව ඇති නිසාය .


එනිසා තව තවත් එවැනි  හඬ පට එලියට ඒ නම් එය  හොඳය. මේ යන්නේ සාමාජිය මනෝ විශ්ලේෂණයකි.  මුළු දේශපාලන සංස්ථාවම කිසියම්  සෝදා  පළුවකට ලක්වන්නේ නම් වඩා හොඳය.

අවසාන වශයෙන් මුස්ලිම් තරුණයන් පිරිසක් "මධු සඳෙන් තවත් සුපුන් සඳක් උදාවේ " ගීතයේ වචන කුකුලන්ට ගීයක් ගයන මේ හඬ පටය අසා විනෝද වන්න.

මට තවම සැකයි මේ හඬ පට ආ වෙලාවේ      
       

යොමු:
රන්ජන් හිරුනිකා 
රන්ජන් ශෂී 

සම්මාන උළෙල - රාජිත - ප්‍රාජිත , හෙන්රිගේ දිව දෙකේ කතා සමග මංජුලගේ අපස්මාරය

ළමුන්ට දෙන දඬුවම් වලට එරෙහිවන්න - සුමිර ගුණසේකර

මෙය ලියා ඇත්තේ සුමිර ගුණසේකර නම් මහත්මයෙකි. මේ එන සිදුවීම් වල  සත්‍ය අසත්‍ය භාවය  නොදනිමි. නමුත් මේ ළමා නිවාසයට එරෙහිව නඩු දැමිය යුතුය.

“Say No to Physical Punishment”

" මේ දින වල ප්‍රසිද්ද අවුරුදු 15 ළමයට පෙරළගෙන ගහන වීඩියෝ දුටු මට එය ඉතාමත් සරල දෙයක් උනේ මං පුංචි කාලේ ඉඳන්ම මා ඇසුරු කරපු පරිසරය මට එය සරල දෙයක් බවට පත් කර හමාර කර තිබූ නිසා....ඉපදිලා මාස ගණනකින් ළමා නිවාස ගතවුණු මට..එම දරදඬු පරිසරය විසින් එම ක්‍රියාවන් මාගේ ඇසට හුරු කරා...පුංචි කාලේ මගේ අම්මා මාව දාලා ගියාට පස්සේ මම ළමා නිවාසයක තනි උනා...එතැන් පටන් මට ඔය ගුටිකෑම් බෙලි මිරිකීම් කෙල ගැසීම් වැනි කාරණා සරල දේවල් වුණා..
මේ මගේ ඒ අඳුරු මතකයේ පුංචි දිග හැරීමක්...මගේ අම්ම මාව පුංචි කාලේ දාල යන්නේ මං කිරි බොන ළදරු අවදියවත් පසු නොකරපු කාලයක...එතැන් පටන් විසි වසරක් පුරාවට මා විඳි අඳුර මතකය ඒ ප්‍රසිද්ධ වුණු වීඩියෝව දුටු විට නැවත නැවත මට මතක් වුණා...
ඇත්තම කාරණය එම video එක බලල අවසන් වන මට මං කියාගත්ත එකම දේ ඔය කෙල්ලට වඩා මං අම්බානකට ගුටි කාලා තියෙනවා කියල විතරයි ....
මාගෙ විසි වසරක ජීවිතය පුරාවටම ළමා නිවාස කිහිපයක ජීවත් වීමට සිදුවූ නිසා..මා විඳි කෲරතම දඩුවම් විදි ස්ථානයේ නම මෙහි සදගන් කරමි...(කුරුණෑගල ගේබ්‍රියල් trust ළමා නිවාසය)
මම ගුටි කාලා තියන සමහර හේතු ඇහුවොත් ඕවට ළමයෙක්ට ගහන්න ඕනද කියලත් හිතෙයි..

එක්තරා සැන්දෑ යාමෙක...දිනපතා සිදු වන මල් පැල වලට වතුර දැමීම කර්තව්‍ය සදහා මම සහා මගේ අතිජාත මිත්‍ර කසුන් (kasun perera) සවස හතර හමාරට පමණ වත්තට යන්නේ දිනපතා සිදුකරන වතුර දැමීම සදහා..

කසුන්÷ සුමියා අද වතුර නොදා ඉමු අහස අහින පාටයි..
මං÷ බෑ බෑ බං ලොකු සර් ආවොත් එහෙම ගුටි කන්න වෙයි
කසුන්÷අනේ බං අනික මට අද උන වගේ..
මං÷හරි එහෙනම් අද නොදා ඉමු..ලොකු සර් ඇහුවොත් කියමු වතුර දැම්මා කියලා..

වෙලාව සවස 7 ත් 8 ත් අතර..
ලොකු සර්÷ මෙහෙ වරෙන් යන්න වතුර දැම්මා ද කියලා බලන්න..
( කකුලෙන් මල් පැල අවට අල්ලමින්...තොපි එකෙක්වත් වතුර දැම්මේ නෑ නේද ආව මෙතන බොරු කියන්න මෙහෙ වරෙල්ලා...ගලවපියෝ ඔය ඇඳුම්..අල්ලගනින් ඔය කණුව )
ඔහු අපිට ගැසීමට යොදා ගන්නේ ඔහුගේ කලිසම වටා එතුණු ලෙදර් බෙල්ට එක...අදටටත් මගේ පිට හරියට බලන කෙනෙක්ට දැකගන්ඩ පුළුවන් බෙල්ට් පාරවල්...

සමහර විට මං නම් හිතන්නේ නාසරෙත් තරුනයා කාපු කස පහරවල් වලට වඩා දරුණු පාරවල් මං කුඩා කාලයේ කා ඇත..තවමත් ඒ රිදුම් මගෙ මනසට වද දේ...

පුංචි කාලයේ ඉඳන් මං ඉගෙන ගන්න අදක්ෂයෙක් උනාට විශය බාහිර ක්‍රියාකාරකම්වල දී පාසලේ ඉදිරියෙන්ම හිටියා..

*කථික තරඟ වලින් පිට පිට පස් වතාවක් ම ප්‍රථමයා වීමේ වරමත්
*සිංහල සාහිත්‍ය සමිතියේ වසර දෙකක් පුරාවට එක දිගට ම සභාපති තනතුර ලැබීම.
*ප්‍රාථමික අංශයේ ප්‍රධාන ශිෂ්‍ය නායකයා වීමේ අවස්ථාව..
*විවාද කණ්ඩායමේ නායකයා වීමේ අවස්ථාව

ඒ නිසාම ගෑනු ළමයිගෙ ආකර්ශනය ලැබුණ... සාමාන්‍යයෙන් පාසලේ පැවැත්වෙන සෑම උත්සවයකටම මගේ කතාවක් අනිවාර්ය වීම සාමාන්ය දෙයක් වුන..එම හේතුව නිසා ම..ප්‍රේම පලහිලව් කීපයක වරදකරු වීමට සිදු වූ නිසා...ළමා නිවාසය තුළින් මා හට දුන් දඩුවම වන්නේ ඇදුම් සියල්ලම කළ ගලවා නිරුවත් වී හැම කෙනා ලගටම ගොස්.."මං ආයෙ ගෑනු ළමයි එක්ක යාලු වෙන්නේ නෑ" යන වාක්‍ය කීමටයි...එවිට ඊට ප්‍රතිචාර ලෙස ඔවුන්ට කිරීමට අණ ලැබී තිබුනේ මා හට කෙල ගැසීමයි...අදටත් මට පාරේ යන යමෙක් බිමට කෙල ගසන්නේ නම් මට ඒඅඳුරු මතකය මතක් වෙයි...

තවත් එක්තරා දිනයක උදෑසන අවදිවීමට විනාඩි කීපයක් පරක්කු වූ නිසා දඩුවම වශයෙන් ලැබුණේ..එදා රාත්‍රියේ මටත් නොකියා කහඹිලියා කොල මගේ බෙට් ශීට් වල ඇතිල්වීමයි..එදා රාත්‍රිය මට කිසිදා අමතක නොවන රාත්‍රියකි..මුළු රාත්‍රියම නිදිවර්ජිතව එක අතකින් ඇග කැසීම කොතරම් අපහසුද...?
මා පෙර පැවසූ පරිදි පාසලේ ජනප්‍රියත්වයේ හිණිපෙත්තට යෑමට මට ගත වූයේ ඉතාමත් කෙටි කාලයකි..එයට අකමැති වූ ළමා නිවාස පාලනාධිකාරය මට දුන් දඩුවම වන්නේ..පෙරදින රාත්‍රියේ කාල සටහනකට අනුකූලව සෑදූ මාගේ බෑගය වතුරට දැමීමයි..ඒ වතුර පිරුනු ඒ පොත් බෑගය මා එල්ලාගෙන යන විට සමහරු මට සිනාසුනේ කොක් හඬලාය අදටත් මට එම අදුරු මතක අමතක නොවේ..එම අතීතයේ හැමදාම මට සිදුවූයේ ගුටි කෑමට පමණය..පසුව මට ගුටි කනවා කියන එක හරිම සරල දෙයක් වූයේ ඔබ එදා නරඹපු වීඩියෝ එකේ ඉන්න දරුවා ගුටි කනකොට කිසිවක් නොකර ඉන්නා ආකාරයටමය.. සමහර දවස් තිබුණා කොච්චර වේදනාවක් ආවත් එය නොපෙන්වා සිටීමට තරම් මා දරදඩු වුනු...

සමහර දවස්වලට මට මේ වේදනාව කීමට කෙනෙක් නැති තැන...අම්මා නෑ කිය කිය දැන දැනත් මං අම්මට ලියුම් ලීවා..සහ ලියන්න උත්සහ කරලා තියනවා.. ඒත් කාට හරි හමුවෙලා කි‍යෙව්වොත් මට පිස්සු කියල හිතයි කියන බයට ලියපු ගමන්ම අනිත් පැත්තට පොඩි කර කටට ඔබ ගන්නේ ගන්නේ කටේ දත් වල බලයට ශේශ වන කොල කාටවත් එකතු කර හෝ කියවීමට නොහැකි වන පරිදි ය..

ඔව් එහෙම ළමයි ලොකු වෙන්නෙ සමාජෙත් එක්ක ඇරියස් තියාගෙන.. මාත් එහෙමයි, මට මේ පවතින සමාජ තත්වයන් එක්ක ලොකු ඇරියස් එකක් තියනවා.. ටිකක් ලොකු වෙනකොට සමාජය අපට කියලා දෙනවා වැඩිහිටියන් අපට ගහන්නේ අපිට තියෙන ආදරේට ගියල.. එතකොට මම ඒක කියවගන්නෙ ඔයාලා ඒක කියවගන්න තැනින් නෙමෙයි..හරි අමුතු ම තැනකින්.මම ඒක කියවගන්නෙ අනිත් පැත්තට, "යකෝ ඒ කියන්නෙ මං වගේ ළමයි මේ ලංකාවෙ තව කොච්චර ඇත්ද..?" ඒ තමයි මගේ කියවාගැනීම.. ඇත්තට ම මං වගේ ළමයි දහස් ගාණක් මේ ලංකාවෙ.ලමා නිවාස වල,පිරිවෙන් වල ඉන්නවා.. මට ඒක අත තියලා කියන්න පුළුවන් ෂුවර් එකකුත් තියනවා..

ලොකු වෙද්දි මම හිතාගෙන හිටියෙ ළමයි හොඳට හැදෙන්නෙ උන්ට ගැහුවොත් කියලා.. මොකද මම හැදුණෙ එහෙම නිසා.. මට කාලයකට පස්සේ කසුනගෙන් මැසේජ් එකක්..ඌ එක්ක ඒ කතා කරන දේවල් අතර නොවරදින මාතෘකාව වන්නේ කුරුණෑගල ළමා නිවාසය තුල අප විදී වේදනාවයි..
, “ළමයින්ට හොඳින් ඉගැන්නුවම උන් ඒක හරියට ඉගෙනගන්නවා, ගහනකොට තවත් මුරණ්ඩු වෙනවා..” ඒ උගෙ මතය යි
මං දන්නවා ටික වෙලාවක් යද්දි මගේ මෝඩ මොළේට ඒක තේරුණත් එවෙලෙ බොරුවට තර්ක කරලා කටවහන් හිටියා.. ඒත් පස්සෙ කල්පනා කරලා බලද්දි මට ඌ හරි කියලා තේරුණා..

#සමහර #විට #මේ #ඔබේ #කතා #විය #හැකියි #සමහරවිටමීට #වඩා #ඔබේ #කතාව #වෙනස් #විය #හැකියි #මීට #වඩා #ඔබේ #කතාව #දුක්බර #විය #හැකියි

😣මං හිතන් හිටියට ළමා නිවාසේ තමයි දරුණුම ජීවිතේ තියෙන්නෙ කියලා සමාජයට අවාම තේරෙනවා සමාජයත් කොයිතරම් නම් දරුණුද,කෘරතර,තුච්චද කියල..අපිට ජීවත් වෙන්ඩ කියල ගරියට බැලුවොත් තැනක් නැහැ..ඒ තරම් මේ පවතින තත්ත්වය හරිම අප්‍රසන්නයි ගඳ ගහන සුළුයි...කුණු වලින් පිරිලා😣

ප.ලි : කවදාවත් ළමයින්ව ගහලා හදන්නෙපා, ගේ අතුගානකොට කොතනහරි දූවිලි තිබුණා කියලා මරාගෙන කන්න හදන්නෙපා.. උන් ලොකු වෙලා ෆේස්බුක් ඇවිත්, විනාඩියට වචන 1000ක් විතර ටයිප් කරගන්න පුළුවන් තරම් හෙළකුරු ප්‍රැක්ටිස් උනාම මේ විදියට ලියලා දානවා..

“මොකද උන් කැමති නෑ තව එක ළමයෙක්වත්,
එක එකාගෙන් පොඩි ම පාරක්වත් කනවට..”

@ශෙයා කරන්නද කියලා අහන්න එපා,
මට ඕනෙ මේක පුළුවන් තරම් ශෙයා වෙන්න තමයි..🤚

පසුවට ලියමි÷Hiru Dias අක්කිගෙ පෝස්ට් එකේ ශක්තියෙන් ලීවෙමි..අන්තිම වචන පේලි කිහිපය ඇයගෙන් උදුරාගෙන ලීවෙමි..සමාව අයදිමි..

මං එදා ලෙදර් බෙල්ට් එකෙන් ගුටි කාපු..අදටත් මනසින් විදවන
😥සුම්ර ගුනසේකර😥

බ්ලොග් ලෝකයේ අලුත්ම අඩවිය - වසන්ති

වසන්තිව මට හම්බ වුනේ පද්මිණි මාතරගේ නිසා. පද්මිණී මුණ ගැහුනේ සියාමා පොත පල කරන්න යද්දී දැනට අවුරුදු දෙක තුනකට කලින් ලන්ඩන් වල ඉන්න  විපුලි පලිහක්කාර  නිසා.  පද්මිණි "සියාමා" පොත ගැන හැඳින්වීමක් දුන්නා එයා  වැඩ කළ පුවත් පතේ. "සියාමා " පොත ගැන කතා කරන්න වසන්ති එන්න කිව්වා එයාගේ "ටෝකින් බුක්ස් " වැඩ සටහනට. මම ගියේ නැහැ. මම හිතන්නේ ඇය වැඩ කල රූපවාහිනී ආයතනයට යන්න එපා යයි ලැබුණු අවවාද අරව මේවා නිසා වැඩියෙන්මත් . හැබැයි මම පස්සේ දැන ගත්ත සුපුරුදු ලංකාවේ විධිහටම ඒ අවවාද දෙන අයත් එතනට ගිහිල්ල ඒ වැඩ සටහනේ හිටිය කියා.

පද්මිණි   යි වසන්තියි දෙන්න ටිකක් සුවිශේෂියි. දැන් මගේ බ්ලොග් මිතුරු කැලේ ඉන්නවා සැහෙන පිරිසක් මගේ පොත් එලි දැක්වීම වලට එන. ජීවන, තරුරසී, ඉයන්, ප්‍රා ජේ, සුමිත්, බුද්ධිකා,  ඉවාන්, බෝධිනී, තරිඳු, ධම්මිකා, කොලොම් පුරේ, නිදි, නලින් ඇතුළු නම කිවූ නොකිවූ පිරිසක් හිතේ කහටක් නැතිව සුභ පතන්න එන අය. ඔවුන් එන්නේ හිතවත්කමට. මම දැන  ගත්තේ  පද්මිණි සහ වසන්තිත් ඒ වගේ කියල. ඔවුන් මගේ පොත් ගැන කතා කරන්න එන්න කීවෙත් එහෙමයි.

දෙවන වර ලංකාවට ගියහම ගිය අවුරුද්දේ අපි වඩාත් හොඳින් හඳුනාගෙන හිටියේ. ඒ හැඳිනීම මත මගේ "ප්‍රථම ප්‍රේමය ඔබ නොවේ " පොත ගැන කතා කරන්න මම පද්මිවයි වසන්තිවයි හමු වෙන්න ගියා. ඊට පස්සේ සරුවත් කතා, වෙල් මාළු කතා අතරේ  මම
" ටෝකින්ග් බුක්ස් " වැඩ සටහනටත් සහභාගී වුනා.

මම පස්සේ ඒ දෙන්න සමග නැගුනු හිතවත්කම අනුව තේරුණා අපේ දේශපාලන අදහස්  ප්‍රති විරෝධී විය හැකි වුනත් හෝ අපේ වෙනත් අදහස්  කෙසේ වුවත් ඔවුන් නිරහංකාර අය බව.  අපට සංවාද කරන්න පුළුවන් බව. මට තේරුණා අනිත් අයගේ පොත් ගැන කතා කරන්න එන්න කීවත් වසන්තිටත් ගොඩක් දේ තමන්ගේම දේ කියන්න ආසාවක් තිබෙන බව. එනිසා මම වසන්තිට ආරාධනා කළා බ්ලොග් එකක් පටන් ගන්න කියල.

හුඟක් බ්ලොග් ලියන්නෝ දැන් ඉන්නේ ෆේස්බුක් එකේ. ෆේස්බුක් එකට වැය වන කාලය ඇත්තටම මැනවින් කළමණාකර ගත යුතු දෙයක්. නැතනම් ඇබ්බැහි වුනොත් ගොඩක් දේවල් මග හැරෙන්න  පුළුවන්.  මම වසන්තිට බ්ලොග් ලියන්න එන්න කීව එක හේතුවක් ඒක .

සමහර විට එයා රැකියාව කරණ ආයතනයේ "ටෝකින්ග් බුක්ස් " වලට අමතරව "ටෝකින්ග් බ්ලොග්ස් "  වැඩ සටහනක් ගේන්න පුලුවන්නම් හොඳයි. බ්ලොග් ලිපි, කවි , නිසඳැස් , කතා , හඳුන්වා දෙන්න පුළුවන්.

ඒ මොනවා නැතත් සංවාදයක් නැවත අරඹන්න  පුළුවන් වීම විශේෂයි .

අපි 2020 අලුත් ගමනක් යමු. බ්ලොග් ලෝකයට සාදරයෙන් පිළි ගන්නවා, ඔයාව. ඔන්න මගේ බ්ලොග් වැලේත් එල්ලුව ඔයාගේ නවතම බ්ලොග් එක.

**********************************************

වසන්ති ගේ හඳුන්වා දීම 

මට හිතුණා බ්ලොග් සටහන් පෙළක් අරඹන්න. කාලෙකට කලින් මම එහෙම සටහන් පෙළක් ලියන්න පටන් ගත්තා, බ්ලොග් එකක. ඒත් අතර මග නැවතුණා. ආයෙමත් ඒ ආසාව ඇතිවුණේ අජිත් නිසා.

අජිත් හෙවත් "කොළඹ ගමයා" පහුගිය දවසක ලංකාවට ආවම මුහුණු පොතට මම ලියන සටහන් දැකලා කිව්වා "බ්ලොග් එකක් හදාගෙන ලියන එක දිගටම කළොත් නරකද?" කියලා.

අජිත් ධර්ම ගේ "කොළඹ ගමයා" ප්‍රකට බ්ලොග් එකක්. ඒත් ඒකේ සටහන්වෙන හැම කාරණාවකටම මම එකඟ නැහැ. ඒක වෙනම කතාවක්.

කොහොම වුණත් අජිත් සහ මම බ්ලොග් එක ගැන දීර්ඝව කතා කළා.

අපිට ලිවීම තුළ දවසින් දවස අළුත් නිර්මාණවලට හිත ඇදී යනවා. හිතේ ඇති සිතුවිලි නිදහසේ මුදාහරින්නට අවස්ථාව ලැබෙනවා. ඇතැම් විට අපි ලියන දේ කියවන පිරිසට අපේ අත්දැකීම් බෙදා හදා ගන්නටත්, එකිනෙකාගේ අදහස් හුවමාරු කර කරගන්නටත් අවස්ථාව හිමිවෙනවා.

"මට ඕනේ මහා බරපතල කාරණා ගැන මේ සටහන්වල සාකච්ඡා කරන්න නෙමෙයි." අජිත්ගේ බ්ලොග් යෝජනාවේදී මම කිව්වා. “ඉතින්" අජිත් ඇහුවා.
"මට ඕනේ මගේ අත්දැකීම්, මගේ සිතුවිලි එකිනෙකා අතරෙ හුවමාරු කරගන්න විතරයි“.
“ඉතින්" ඔන්න අජිත් ආයෙම අහනවා.
"මට ඕනේ හොඳ මිත්‍ර සමාගමක් හදාගන්න“ මම ආයෙම කිව්වා.

“මගේ ලෝකේ හරිම පොඩියි. ඒ පොඩි ලෝකේ ඇතුළේ මගේ අදහස් කියා ගන්න විතරයි මට ඕනේ" සාකච්ඡාව අවසානේ මම කිව්වා.
“ඉතින් ඒකට බ්ලොග් එක හදා ගන්න. ඔයාට උත්තර දෙන්න කැමති අය උත්තර දෙයි. අදහස් හුවමාරු කර ගන්න අය එහෙම කරයි. මිතුදම් ඇති කර ගන්න අය මිතුරු සමාගම් ඇති කර ගනියි.මේ මොකකටවත් කැමති නැති අය නිකන් ඉඳියි“. අන්තිමට අජිත් කිව්වා.

ඉතින් අවසානයේ මම තීරණය කළා අළුත් බ්ලොග් එකක් නිර්මාණය කරන්න.

මගේ පුංචි ලෝකේ ඇතුළේ ඉඳන් "මට හිතෙන හැටි" ලියන්න, මගේ "සංචාර සටහන්" ලියන්න, "පුංචි කාලේ මං" මගේ ජීවිතේ ගැන ලියන්න මට පුළුවන්.

පුලින්ද මල්ලී මගේ තාක්ෂණික ප්‍රධානියා. මම නොදන්න සියලු පරිඝනක වැඩ නිහතමානීව ඉටු කර දෙන්නේ ඔහු. වැරැද්දකදී මගෙන් පලු යන්න බැනුම් ඇහුවත් මීක් සද්ද නැතුව ඉන්නවා. පුලින්ද ට මගේ අදහස කිව්වම හෙමින් හෙමින්, ටිකෙන් ටික මගේ බිලොග් එක හැදුවා. පුලින්ද මල්ලී ඔයාට ගොඩාක් ස්තුතියි.

මගේ වැඩවලදී උපදෙස් දෙමින් අඩු වැඩිය හදමින් දුකට සැපට ළඟ ඉන්න, හිත කඩා වැටෙන හැම මොහො⁣තෙම හයිය දෙන මිතුරිය පද්මිත්, සම්පත්, චංචලා නංගී ඇතුළු හැමෝගෙම අදහසුත් මේ බ්ලොග් එකට අයිතියි. ඔබ සියලු දෙනාටත් ස්තුතියි.

ආදරණීය අජිත්, ඔබ නිසයි මේ බ්ලොග් එක පරිස්සමින් ප්‍රතිනිර්මාණය වු‍ණේ. ලන්ඩනයේ හිටියත් මගේ නිර්මාණවලට අදහස් එක් කරන ඔබටත් ස්තුතියි.

ඉතින් අද පළවෙනිදා. 2020 අලුත් වසරක්. අද ඉඳන් ඔයාලා හැමෝටම මගේ බ්ලොග් එකෙන් මම ලියන දේවල් කියවන්න පුළුවන්. ඔබේ අදහස්, යෝජනා විතරක් නෙවෙයි චෝදනා වලටත් මේ බ්ලොග් එක විවෘතයි.

ඒ වගේම මුහුණු පොතේ කලක් තිස්සේ මා සමඟ සිටි මගේ මිත්‍රයිටත් අදහස් හුවමාරු කර ගැනීමට මේ බ්ලොග් එක හරහා මා ආරාධනා කරනවා.

ඒ සියල්ල සඳහා මෙන්න මගේ බ්ලොග් ලිපිනය: වසන්ති නානායක්කාර 

පළමු ගල ගහන්නට කළියෙන්

ජර්මන් ක්‍රිස්මස් මාකට් එකේදී 

අම්පිටියේ සුමන හිමි මීට කලිනුත් ප්‍රවෘත්ති වල හිටිය කෙනෙක්. නැගෙනහිර "ජාතික ප්‍රශ්න වලදී ක්‍රියා කල ආකාරය ගැන". මා ඒ ගැන අද හිතමින් සිටියා. ඒ අතරේ මගේ ඥාති දියණියක් මෙහෙම ප්‍රශ්නයක් නැගුවා. ෆේස්බුක් එකේ   මාත් බිරිඳත් දරු  දෙදෙනාත් අපේ නිවසේ නත්තල් ගස ළඟ ගත් ඡායා රූපයක් දැකල.

ඇය ඇහුවේ "මාමා දැන් ක්‍රිස්තියානිද කියා? "
මං ඇහුවා ඇයි එහෙම අහන්නේ කියල.
"නැහැ, ඔයා ආගම් අදහන්නේ නැහැ කියල අපේ අම්ම කියල තියෙන්නේ. ඒත් ක්‍රිස්මස් එක සමරනවා. අපට නැහැ අපි බෞද්ධ නිසා. ඉතින්  ඒකයි ඇහුවේ. " කියල ඇය පිළිතුරු දුන්න.  ඉතින් ඇයට දුන් මගේ පිළිතුරත් අඩංගු කරලා තමයි මේ ලිපිය ලියන්නේ.

සෝවියට් දේශයේ ඔර්තොඩොක්ස් ක්‍රිස්තියානිය ඇදහීමට අවසර තිබුනත් එය උනන්දු කලේ නැහැ. ආගම අදහන අයට හුඟක් වෙලාවට රැකියාවේ උසස් වීම් නොලැබුණාලු. නමුත් මම දන්න සිසුවෙක් ඕනෑ කමින් ආගම ඇදහුවා. ඔහු දැන් මොස්කව් එකෙයා (ස්වීඩන සමාගමක් වන මෙහි නම අයිකියා කියාද  එංගලන්තයේ පුනරුච්චාරණ කරති )  එකේ ජ්‍යෙෂ්ඨ කළමනාකරුවෙක්. ඔහුට  සෝවියට් දේශයේ දී  බාධාවක් වුනා යයි මා දුටුවේ නැහැ. ඔහු හා තවත් යෙහෙලියක් නිසා මම  ඔර්තොඩොක්ස් පල්ලි වලට සෝවියට් දේශයේ සිටියදී ගිහින් තිබෙනවා.

වෙස්ට කාස්ට්ල්හි (මාළිගාව) පල්ලිය 

මගේ ජර්මානු බිරිඳ විවාහ කරගත් පසු මෑතක් වන තුරුම හැම නත්තලටම අපි ගියේ ජර්මනියට.
ජර්මනියේ නත්තල් මාකට් හෙම තිබෙන නිසා  නත්තල සරුයි. හිම ක්‍රීඩා වල යෙදීම, මල්ඩ් වයින් (කුළුබඩු දමා රස ගන්වන ලද  වයින්) හා බීර බිබී රසවත් කඩචෝරු, ජර්මන් සොසේජස් ආදිය  කමින් ඇවිදීම  ආදිය මගේ ප්‍රියතම ක්‍රියාකාරකම් නත්තල්  කාලෙට ජර්මනියේ දී. නත්තල් දවසේ අපි පල්ලියට යනවා වෙස්ට කියන කොබර්ග් වල තිබෙන මාළිගාවේ. මම කරන්නේ අත් දෙක බැඳගෙන ගීතිකා අහන ඉන්න එක. (එහෙ පල්ලි යන්න වැඩි කැමැත්තක් නැත්තේ ගොඩක් වෙලා - පැය  දෙකක් වත් -  එක දිගට ඉන්න ඕනේ නිසා)
ඒ වගේම හැම නත්තලකටම අපේ නිවසේ නත්තල් ගහක් හැදෙනවා. නත්තල් සීයා ගෙදරට හෝ ජර්මනියේ බිරිඳගේ දෙමව්පියන්ගේ නිවසට   ආපු කාලෙකුත් තිබුන දූරු දෙන්න පොඩි කාලේ.

හැබැයි ඒ වගේම තමයි දුවල දෙන්න නැගෙනහිර  ලන්ඩන් වල භාවනා මධ්‍යස්ථානයේ බෞද්ධ පන්ති වලටත් බිරිඳ එක්කන් ගියා. ඔවුන් ආර්ය අෂ්ටාංගික මාර්ගය කුමක්ද යන්න දැන  ගැනීම දක්වා උගත්තා, බුද්ධ චරිතයද ඇතුළුව. හැබැයි පල්ලියේ  විදුහල හොඳ නිසා ප්‍රාථමික පාසැල වුනේ ඇන්ග්ලිකන් පල්ලියේ පාසැලක් . එහි දේව ධර්මයට  අමතරව, බුදු දහම , හින්දු ආගම  හා මුස්ලිම් දහමද ඉගැන්වූවා.

ඉතින් මගේ ඥාති දියණියට මම කිවේ මම ක්‍රිස්තියානි කියල කියන්න අපහසුයි මට, මොකද  මම අදේවවාදියෙක් නිසා කියල. නමුත් මම පල්ලියට යනව බිරිඳත් සමග නත්තලට පමණක්. සමාදානයෙන් ජිවත් වෙනවා. මේ රටේ.  මම පන්සලටත් ඉඳ හිට යනවා කියල.

මේ අපේ නිවසේ මේ අවුරුද්දේ නත්තල් ගහ සහ නේටිවිටි හෙවත් ක්‍රිස්තුස් ඉපදුනු ලෙන අසල දර්ශනය. බිරිඳ තමයි මේවා සකස් කරන්නේ.

වසර අවසානය ලං වූ බැවින් අපි එඩ්මන්ටන් (ලන්ඩන්) සමාධි භාවනා මධ්‍යස්ථානයේ ගරු  ගුන්නෑපානේ සුමනාරාම හිමියන්ට නිවසට වඩින්ට අරාධනා කළා. මගේ බිරිඳ එම මධ්‍යස්ථානයේ ට්‍රස්ට් එකෙත් ඉන්නවා.  ඇය තමයි දානය පිළියෙළ කළේ. මගෙන් තමයි පිරිකර.

සමාධි භාවනා මධ්‍යස්ථානයේ සුමනාරාම හිමි (අවසරය ඇතිව පළ කරන ලදී) 

 දැන් අපි මේ ස්වාමින් වහන්සේට කතා කරලා සතියේ දවසක දානේ පිළි ගැන්වූයේ බොහෝ විට සතියේ දවස් වල හුඟක් අය වැඩ කරන නිසා හාමුදුරුවන්ට  දානේ ලැබෙනවා අඩුයි.  අපට නිවාඩු අද.  එනිසා අපට දානයක් දෙන්න පුලුවන්.
අනිත් කාරණය තමා  අපි දානේ දුන්නේ නැත්නම් කවුද දෙන්නේ කියන කාරණය . හාමුදුරුවන් ඉන්න නිවස හෙවත් කුඩා මධ්‍යස්ථානයේ මොර්ගේජ් එක ගෙවන්න ඕනේ. තව ඕනෑ එපාකම් තිබෙනවා. එනිසා කැමැත්තෙන් උදව් කරන එකේ වරදක් මම දකින්නේ නැහැ.  බුදු දහමේ අනිවාර්ය නැහැනේ උදව් කරන එක. පන්සලට යන එකත් අනිවාර්ය නැහැනේ. මේක නිදහස්  දහමක්.

අනික අදේවවාදියෙක් වශයෙන් මේ හාමුදුරුවෝ එක්ක ලොකු ප්‍රශ්නයක් නැහැ. මේ මධ්‍යස්ථානේ තියෙන්නේ බුදු පිළිම විතරයි දේව පිළිම නැහැ. එනිසා මට හාමුදුරුවෝ එක්ක ඉඳහිට සාකච්ඡා කරන එක ප්‍රශ්නයක් නෙමෙයි. මම පල්ලියට යන්නේ බිරිඳගේ දෙමාපියන් නිසා (ජර්මනියේදී) . ලන්ඩනයේදී බිරිඳට මගේ යාම අවශ්‍යනම් මමත් යනවා. දූ වරු දෙන්න මුලදී පල්ලි ගියත් දැන් යන්නේ නැහැ. ඔවුනුත් මං වගේම අදේවවාදී වෙලා. නමුත් පොඩි දුව විද්‍යාලයේ කැරොල් ගීතිකා ගයනාව. ඇය එයට කැමති නිසා. ආගමට ඇති කැමැත්ත හෝ අකැමැත්ත ඒ තීරණයට  බල පාන්නෙ නැහැ.

අම්පිටියේ සුමන හිමිගේ ප්‍රශ්නෙට එමු. දෙපැත්තටම ඉන්නවා කට්ටිය. හාමුදුරුවෝ කනට ගහපු එක හරි කියන, දේවගැති තුමාට තර්ජනය කරන එක හරි කියන අය සහ ඒ ක්‍රියා දෙකම විවේචනය කරන අය. දෙවැනි කොටසට අනුව හාමුදුරුවෝ  බුද්ධාගමේ නොව නගරන් කාරයෙක් සහ චන්ඩියෙක්.  සිවුර ගලවා  එලව දැමිය යුතු තගෙක් . මුල් අයට අනුව නම් ඔහු බුද්ධාගම ආරක්ෂා කරන්නෙක්.


ඔය තර්කයේ ඇත්තක් තිබෙනවා මෙහෙම. ආදි කාලයේ බෞද්ධ රටවල් වුනු ඇෆ්ඝනිස්තානය , මැලේසියාව , ඉන්දුනීසියාව , බංගලා දේශය , පකිස්ථානයේ සමහර ප්‍රදේශ වෙනත් ආගම් වලට හැරුනේ  කොහොමද කියන එක හිතල. අරාබි හෝ මෝගල් කඩුව මතට ගෙල යාම නිසා හෝ බයිබලය එක අතකින්  සහ තුවක්කුව තව අතකින් රැගෙන ආ යුරෝපීයයන් නිසා නෙමෙයිද. කනට ගහන සයිස් අය නොව කඩු භාවිතා කරන අය හිටියත් ඔවුන් පැරදුනා. මේක ජන විඥානයේ රැඳී තිබෙන මනෝ භාවයක්. අම්පිටියේ හාමුදුරුවෝ  තුලින් ඉදිරියට එන්නේ ඒ භය විය හැකියි. දැන් කිතුණු කල්ලි දහමකට (කුඩා දේවාගමික ට්‍රස්ට්ස්)  හරවාගන්න  එන්නේ මුදල් වලින් අල්ලස් දීල . ඉතින් කනට ගහනවට වඩා මුදල් තිබෙන පන්සල් ඉදිරිපත් වෙලා ඒ මිනිසුන්ට උදව් කරන්න ක්‍රමයක් හාමුදුරුවෝ හැදුව නම් මිට වඩා හොඳයි. එහෙම පන්සල් තියේද?

ඉතා පැහැදිලිව කිව යුත්තේ මම මේ හාමුදුරුවන්  කළ දේ අනුමත කරන්නේ නැහැ. ඊයේ හෝ පෙරේදා ටෙක්සාස් වල සුදු ජාතික තුවක්කු කරුවෙක් පල්ලියක දෙදෙනෙක් මරා දමා තිබුන. දෙවියන් ගේ පල්ලියේ තුවක්කු රැගෙන වතාවත් කිරීමට අවසර දීල තියෙන්නේ. මේ රටේ (එංගලන්තයේ ) සහ යුරෝපයේ  යුදෙව් පල්ලි වලට ක්‍රිස්තියානි හා මුස්ලිම් අය පහර දෙනවා ඉඳ හිට.

ලංකාවේ පාස්කු ප්‍රහාරය කලේ මුස්ලිම්  ත්‍රස්තවාදීන්. නමුත් ඒ ජනතාවගේ සමහර අය කියනව ඒ අපි අදහන මුස්ලිම් ආගම නෙමේ කියල. හැබැයි රෝහින්ගියාවේ හෝ අම්පිටිය හාමුදුරුවන් ගේ ක්‍රියා අප අදහන ආගමක් නොවේ කියල කීවට පිලි ගන්න කෙනෙක් නැහැ. අද මෙහෙ රේඩියෝ එකේ කතෝලික ජනයට බුද්ධාගමේ අය පහර දෙනවා කියා කියවුනා. අර අම්පිටියේ හාමුදුරුවන් ගේ ක්‍රියාව නිසා. නමුත් අපි දන්නවා හැම තැනම එහෙම වෙන්නේ නැහැ කියල.

මේ රටේ සහ කතෝලික අයර්ලන්තයේ පුජකවරුන් ළමා අපචාර කළා කියල නඩු වැටිලා තියෙන්නේ. එක 19 වියැති අයෙක් ඊයේ පෙරේද තුවක්කුවක් අරන් තමන්ගේ පියත් තමාවත් අපයෝජනය කළ දේව ගති තැන මරා දැමුවා. හිංසනය එන්නේ කොහෙන්දැයි සිතා ගත හැකිද? මගේ මුස්ලිම් යාලුවෝ ඉන්නවා හුඟක් හොඳ මිනිස්සු. අදත් දෙන්නෙක් එනවා අවුරුද්දද සමරන්න. ඒත් ඊශ්‍රායලය බෝම දම විනාස කල යුතුය කියන අය ඒ අතර ඉන්නව. බ්‍රිතාන්‍ය කම්කරු පක්ෂයේ එහෙම කියන මුස්ලිම් අය මුණ ගැහිලා තිබෙනවා. එසේම අවුරුදු දොළහේ දහ තුය්නේ දුෂණය වුනු ළමයි එහෙම වුනේ ඒ ගොල්ලන්ගේ වැරැද්දෙන් කියන මුස්ලිම් ජාතිකයෝ දෙතුන් දෙනෙකුත් හමු වෙලා තිබෙනවා. එහෙම අය අපේ රටෙත් ඉන්නවා. අපි මේවා සමස්තයක් ලෙස ගන්නවද?

අනිත් පැත්තෙන් බැලුවහම අම්පිටියේ හාමුදුරුවන්  කුඩා දරුවා කාලයේ මොන කරදර වලට මුහුණ දුන්නද කියන්න අපි දන්නේ නැහැ.  කුඩා කාලයේදී කුසගින්නේ හිරිහැර වින්ද වෙන්න ත් පුළුවන්. ඔහුගේ හැසිරීමට එයත් සාධකයක් විය හැකියි. නැගෙනහිර ජීවත්වූ ඔහුට කිසිම සහයක් ලැබෙන්න නැතිව ඇති අවට බුදු දහම නොඅදහන ජනයා ගෙන්. සමහරවිට අපිනම් එහම තනියම සිටින දේවගැති කෙනෙක් හෝ පුජකයෙක් හිටියොත් උදව් කරන්න ඉඩ තිබෙනවා. ඔහු මුහුණ දුන් තත්වය කෙබඳු දැයි අප දන්නේ නැහැ.  ඔහුට ඒ පිලිබඳ කෝපයක් තිබෙනවා ඇති.

බුදුන් වහන්සේ මිනී මැරූ අංගුලිමාල කෙරෙහි අනුකම්පාවෙන් ක්‍රියා කළානම් මෙත්ත මුදිතා කරුණා උපේක්ඛා කියන සතර කරුණු පිළිපදින බෞද්ධයන්ට අම්පිටියේ හාමුදුරුවන් වෙනුවෙන් මෙන්ම කනේ පැහැර කෑ තැනැත්තාට ද බයිසිකලයේ ගමන් ගත්  දේවගැති තුමන් ටද මයිත්‍රී කරන්නට පුළුවන් නොවේද?

ඒ හාමුදුරුවන්ට  ගල් ගහනවට වඩා හෝ ඔහු බේරා ගන්න වාද කරනවට වඩා ඒක හොඳ නැත්ද.  හැමෝම අඩියක් පස්සට අරන් මැදහත් සිතින් කල්පනා කලොත් නරකද?
එහෙම කල්පනා කරනකොට බොහෝ දේ මතක් වෙන්න ගන්නවා.

කියන්න අමතක වෙනව  තව ටිකෙන්. මම අදේවවාදියෙක් විතරක් නෙමේ නිරාගමිකයෙක්. ඒ කියෙන්නේ කිසිම ආගමක ඇලෙන්නේ නැතිව ඉන්න උත්සාහ කරන එකට. නැතිව මගේ නිරාගමික මතය කාගේ හරි උගුරු දණ්ඩෙන්  පහලට තල්ලු කරන්න යන එක  නෙමේ.

ඉතින් මිත්‍රවරුනි පහුගිය 2019 මට නම් සාර්ථක වසරක් මගේ තුන්වැනි පොත අමාරුවෙන් හරි මුද්‍රණය කර ගත් නිසා.. ඔබටත් එසේ වන්නට ඇත. එසේම නොවන්නටද ඇත. එනිසා ඒ දිහා උපේක්ෂාවෙන් බලන්න. නව වසරේ අදිටන් අලුත් කර ගන්න.

ඔබ සැමට සාමය සතුට පිරි නව 2020 වසරක් වේවා.