නිදහස් අධ්‍යාපනය බේරා ගැනීම

ජුලි 12 ලිව්ව බ්ලොග් ලිපියේ මේ ප්‍රශ්න ටික මම අහල තිබ්බ. ප්‍රශ්න ටික ඇහුවේ සෝවියට් දේශයේ උගත් මගේ මිතුරියක් වන වෛද්‍යවරියක් කොතලාවල  පනතට විරුද්ධව  ප්‍රොෆයිල් එක වෙනස් කරගෙන හිටි නිසා. පස්සේ දැක්ක මගේ යහළුවෝ හරියටම දෙපැත්තට බෙදිලා වග. කට්ටියක් පක්ෂයි. කට්ටියක් විරුද්ධයි. යහපාලනය මේ හා සමාන පනතක් ගේන කොට බයියන් නමින් හඳුන්වන පොහොට්ටු කට්ටිය විරුද්ධ වුනා. "නිදහස් අධ්‍යාපනය" බේරා ගන්න සටන් වැදුන.  දැන් පොහොට්ටු කට්ටිය පනත ගේනවා. ටොයියන්  නමින් හඳුන්වන රනිල් සජිත්  දෙපිලේ රැඩිකල් කියල හිතන් ඉන්න සෙට් එක සටනට බැහැල "නිදහස් අධ්‍යාපනය බේරා ගන්න " සමහරු කියනවා අපි පෞද්ගලික එකට විරුද්ධ වුනත් මේ මිලිටරිකරණයට විරුද්ධයි ලු.  ඒ කියන්නේ මේ දෙගොල්ල නිදහස් අධ්‍යාපනය බේරා  ගන්න සටන් කරන්නේ තමන් විපක්ෂයේ ඉන්න කොට. 

මේ දෙගොල්ල  රට බේරා  ගන්න ජාතිවාදය ගෙනාවෙත් එහෙමයි. දෙමල ප්‍රශ්නය ඔපමණ  දුර දිග ගියෙත් මේ අමන දෙපිටකාට්ටු  වැඩේ නිසා. 

 අපරාදේ කියන්න බැහැ පරණ ජවිපෙ, අලුත් ජවිපෙ සහ  පෙසප පක්ෂ සහ  ආධාරකරුවන් හැමදාම හිටියේ එකතැන. එකම ප්‍රතිපත්තිය.පෞද්ගලික  වෛද්‍ය විද්‍යාල පිහිටෙව්වොත් නිදහස් අධ්‍යාපනයට කෙල වෙනවා කියන එක. දිවි පුදලා හරි ඒක නවත්වන්න ඕනේ කියන එක තමයි තර්කය.  දැන් ඒකට කොතලාවල මිලිටරිකරණයත් අදාල කරගෙන. ඒ විශ්ව විද්‍යාලය  කොහොමත් තිබ්බේ එහමම තමයි. රැල්ල යන පැත්තට ආණ්ඩුවට කොහොමත් බහුතර ජනතාවක්  දැන් විරුද්ධ නිසා හා හරිහැටි ඇමතිකම් නොලැබුන නිසා ශ්‍රීලනිප කට්ටියත් දැන් විරුද්ධයි ලු. 

ඔය අතරේ ජවිපෙ පෙසප සහෝලගේ ළමයි හෝ නෑදෑ ළමයි පිටරට ගිහින් ඉගෙන ගන්නවා කියන සාධාරණ චෝදනාවත්  තියනවා. මේ පෞද්ගලික විශ්ව විද්‍යාල  චෙක් රටේ, රුසියාවේ, ඉන්දියාවේ, මැලේසියාවේ , උක්රයිනයේ වගේ රටවල තියෙන්නේ. ඉතා විශාල ලාංකික සිසුන් ප්‍රමානයක් ඉන්නව ඒ රටවල.

පරණ සෝවියට් දේශයේ , කොරියාවේ , කියුබාවේ, චීනයේ විශ්ව විද්‍යාල සිසුන්ට අරගල කරන්න බැහැ. ඉගෙන ගන්න විතරයි තියෙන්නේ. එක්තර ක්‍රමයක මිලිටරි පන්නයේ පාලනයක් තිබ්බේ. හමුදා පුහුණුවටත් යන්න ඕනේ. ජවිපෙ/පෙසපේ පාලනයක් ආවොත් ඒක අනුගමනය අක්රන්නේ නැත්ද?  

 

ආ ඊට අමතරව ශ්‍රී ලංකාවේ ඉංජිනේරු වැනි  විෂයයන්ට පෞද්ගලිකව ගෙවල  ඉගෙන ගන්න පහසුකම් තියනවා.  

කවුද අයියා පොරක්  ඒ අතර ගුරුවරුන්ට "කාලකන්නි " කිව්වලු. කට්ටියක් ඒක සාධාරණී කරණය කරනවා.  කිව්ව එකා කොහොමත් ඉගෙන ගත්තේ එකෙක් වෙන්න බැහැ. දුර හරියට හිතා  ගන්න බැරුව පැනල කකුල කඩා ගත්ත නිසා.  

අම්මලා තාත්තල ශිෂ්‍යත්වේ ට අවුරුදු දෙක තුනකට කලින් ටියුෂන් යවන ළමයින් ගේ ටියුෂන් නවත්වන්නේ ඒ ලෙවල් වලින් පස්සේ.  අපිත් ළමයි යැව්වා එන්ගලන්තේ ඉන්නවා වෙලත්. හේතුව තරඟය  මෙහෙට ඇවිල්ල තියෙන්නේ. සුද්දන් ගෙන් නෙමෙයි. අපේම දකුණු ආසියා සබ් කොන්ටිනන්ට්  එකෙන් සහ චීන දෙමපියන් ගෙන්. මමත් ටියුෂන් දුන්න ළමයි කිහිප දෙනෙකුට.  

ආ අමතක වුනා චීනය  1994 ඉඳන් පෞද්ගලික පාසැල් ඇති කරන්න  අවසර දීලා තියෙන්නේ. පෞද්ගලික උසස් අධ්‍යාපන ආයතන 700 ට වැඩියි. චීන ළමයි බටහිට යුරෝපයේ, එංගලන්තයේ අති  විශාල මුදලක් ගෙවල ඉගෙන ගන්නව.  චීන වාමාංශිකයන්  ඒවා කියන්නේ නැති නිසා ලිව්වේ. කියුබාවේ හා කොරියාවේ විතරයි තවම නැත්තේ සීන් එක. 

ඒ වගේම ගුරුවරු ඉන්නව පාසල් ඉවර වෙලා ඒ පන්තියේම ළමයින ටියුෂන් දෙන. ඒපාඩමට ආවේ  නැතිනම් පලි ගන්න, ආඩපාලි කියන  ගුරුවරුත් හිටියලු. අත්දැකීමක් දෙකක් මටත්  කියල තියෙනවා. 

තනිකරම අච්චාරුවක්. මම දෙයියන්ට කියා කියා හිටියේ අනේ ත්‍රිමා විතානයි අපේ විදුහලේ ඉගෙන ගත් වෙනුරයි ගේන්න එපා මෙතනට කියල. බලනකොට සිසිර යාපා සහෝදරයා ඒකත් මතක් කරලා ලියල. අසූ නමයේ තිබුනට වඩා ප්‍රශ්නය වෙනස්  සහෝ. යුද්ධය ඉවරයි.  

ගොඩක්  මිනිසුන් ගේ ප්‍රධාන ප්‍රශ්නය වෛද්‍ය වෘත්තීය හෝ කොතලාවල විෂව  විද්‍යාලය බේරා ගන්න එක නෙමේ. ජීවත් වෙන්නේ කොහොමද කියන එක. එක පැත්තකින් කොරෝනා මාරයා  , අනිත් පැත්තෙන් රස්සාව කරන එක. පොඩි ව්‍යාපාර ගැට ගහ ගන්නේ කොහොමද කියන එක. සමහරුන්ට ඉතාම සරලව බඩගින්න. 

මෙන්න අර ප්‍රශ්න ටික නැවතත්.

කොතලාවල පනත සහ නිදහස් අධ්‍යාපනය