Friday, 23 May 2014

සංසරණ මාධ්‍යය - ප්‍රාග්ධනය - අංක 7


සංසරණ මාධ්‍යය 
භාණ්ඩ වල රූපාන්තරණය (වෙනස්වීම /  පරිණාමය)

හුවමාරුව සම්පුර්ණ වන්නේ එකිනෙකට ප්‍රතිවිරුද්ධ  රුපාන්තරණයන් දෙකක්  වන භාණ්ඩ හා  මුදල් එකිනෙකට  පරිවර්තනය වීමය නිසයි. මේ දෙක එකින් පූර්ණත්වයට පත් කරනවා කියල මාක්ස් කියනවා. එතකොට කරන කාර්යය අවස්ථා දෙකකින් සිද්ධ වෙනවා.   රෙදි මහන්නා  එය විකිණීම - එහෙම නැත්නම් භාණ්ඩය මුදල් නමැති භාණ්ඩයට මාරු කිරීම - අනිත් පැත්තෙන් මිලදී ගැනීම - එනම් මුදල් නමැති භාණ්ඩය රෙදි නමැති භාණ්ඩයට හුවමාරු කර ගැනීම. ඇත්තටම මේ දෙකම එකක්.
මේක මාක්ස් ලිව්වේ මෙහෙම.
භාණ්ඩ - Commodity - මුදල්-  Money
Commodity – Money – Commodity. C–––––– M ––––––C.
භාණ්ඩ - මුදල් - භාණ්ඩ : භා - මු - භා , ඉදිරියේදී ලේසියට මේක ඉංග්‍රීසි අකුරෙන්ම ගමු. 
C–––––– M ––––––C. - (අංක 1)

කල්පනා කරලා බලන්න මේක අතරට තව මොනවහරි දාන්න  පුලුවන්ද කියල? 


එතකොට මෙතැන  භාණ්ඩය හැටියට ශ්‍රමය අරගන්න.  එහෙම අරගත්තොත් ශ්‍රමයට තියෙන්නෙත් හුවමාරු වටිනාකමක්. මේක කම්කරුවෙකුගේ වෙන්නම ඕනේ නැහැ. ඕන කෙනෙකුගේ ඉන්ජිනේරුවෙකුගේ, දොස්තර කෙනෙකුගේ , ගුරුවරියකගේ හෝ ගොවියෙකුගේ, කම්කරුවෙකුගේ (මෙහිදී  අත පය  වෙහෙසා  වැඩ කරන යන අරුතින්)
එතකොට අර ඉහල අංක 1 නමැති සමීකරණය මෙහමත් ලියන්න පුලුවන්.
L - M -..................? මෙතන කම්කරුවා තමන්ගේ ශ්‍රමය විකුනුවට පස්සේ ඒ මුදල නැවත භාණ්ඩ වලට හැරෙන්නේ නැහැ නේද? ඒ කියන්නේ මුදල විශ්වීය හුවමාරු අගයක් (හෝ ලෝකය පුරාම කියමුකෝ) ගත්තට ශ්‍රමයට ඒක එන්නේ නැහැ නේද?
මෙන්න මේක තම මාක්ස් කියන්නේ. ශ්‍රමය අපි විකුනුවට එකට අර මුදලට තියෙන පොදු (විශ්වීය ?) අගය නැහැ කියල. 

ඊළඟට මේ පෙනුමට තිබෙන තනි ක්‍රියාවලිය ඇත්තටම දෙකක් බව මාක්ස් කියනවා. එනම් භාණ්ඩය අයිතිකාර තැනැත්තා ගේ පැත්තෙන් ඒක  විකිණීමක්  sale , මුදල් අයිතිකාර  තැනැත්තාගේ පැත්තෙන් ඒක  මිලදී ගැනීමක්. හැබැයි විකිණීම තමා  මිලදි ගැනීමත්.   C–M is also M–C.
ඊළඟට මේ C–––––– M ––––––C. එක වෘත්තාකාර හැඩයක් ගන්නවා කියල මාක්ස් කියනවා. "The two phases, each inverse to the other, that make up the metamorphosis of a commodity constitute together a circular movement, a circuit: commodity-form, stripping off of this form, and return to the commodity-form."
භාණ්ඩමය ආකාරය - මුදල්මය ආකාරය හා නැවත භාණ්ඩමය ආකාරය - නැවත එය විකිණීමෙන් මුදල් බවට හැරීම  ඒ වගේ.   අනික මෙහිදී මුදල් කාගේ  හරි අතේ හැම වෙලාවෙම තියෙනෙව. නමුත් භාණ්ඩය  මේ වෘත්තයෙන් ගැලවී යන්න පුළුවන්. මහන්නා  රෙද්දක් විකුණලා සල්ලි ගන්නවා. ඒ සල්ලි වලින් පොතක්  ගන්නවා කියා හිතමු.  ඔහු/ඇය පොත නොවිකුනුවා  කියා හිතමු. නමුත් පොතට ගෙවූ මුදල සංසරණයේ තව දුරත් පවතිනවා. පොත අයින් වෙනවා. 
අපි හිතමු යකාගම කියන ටිකක් ආදිවාසී ගමක කම්මල් කරුවෙක් ඉන්නවා කියල. ඔහු යකඩ තලා හදන භාණ්ඩ ගොවියෙකුගේ කිරි හෝ හාල් වලට හුවමාරු කර ගත්තොත් වෙන්නේ C -C වගේ ක්‍රියාවක්. (commodity -commodity ) . හැබැයි ඔහුට අර භාණ්ඩ අවශ්‍ය නැත්නම් ඔහු මුදල් (රන් කාසියක් වගේ) ගන්නවා කියා හිතමු. ඔහු ඒ මුදල පාවිච්චි කරලා වඩුවා  ගෙන් පුටුවක් ගත්ත කියා හිතමු. මෙහිදී සුරකෑමක් සිදු වෙන්නේ නැහැ. වෙන්නේ C–––––– M ––––––C එක. එතකොට කම්මල් කරුවාගේ හෝ වඩුවාගේ පුද්ගලික ව්‍යාපාර යකාගමේ මිනිසුන්ගේ ආධිපත්‍යට ගන්න ඕනේ නැහැ. ගොවියාගේ කුඹුර හෝ ඉඩම් ගන්න ඕනෙත් නැහැ. ඔවුන් සුරාකෑමක් කරන්නේ නැහැ. (අවාසනාවකට වගේ මාඕගේ චීනයේ හා සෝවියට් රුසියාවේ ඈත  පළාත්වල ඕනෑවට වඩා උද්යෝගී කොමියුනිස්ට් පක්ෂ සාමාජිකයන් මේ වගේ වැඩත්  කලා. සපත්තු කාරයාගේ කම්මල් කාරයාගේ පුංචි ව්‍යාපාරත් ජනසතුයි කියල ආණ්ඩුවට අරන් රාජ්‍ය ඒකාධිකාරයක් හදන්න. නොදැන කරපු ඒ වැඩ වලින් කලේ ලොකු හානියක් ) 
ඊළඟ ලිපිවලින් සුරාකෑම  හා ප්‍රාග්ධනය ගැන කතා කරන්න බලා  පොරොතු වෙනවා. 



Tuesday, 20 May 2014

මාක්ස්ට වැරදුන තැනක්ද?

මේ මාක්ස්ට වැරදුන තැනක්  කියල විවේචන  මම තැන් තැන්  වල කියවල තිබෙනවා . සමහර අය බොර්ම් බෝවෙර්ක් හෙම උපුටල කියල තිබ්බ මේ කාරණය . මේක තියෙන්නේ ප්‍රග්ධනයේ 10 වන පරිච්චේදය හරියේ. මම තවම එතනට ආවේ නැහැ මේ ලිපි පෙලේ. දවසේ වැඩ මුර ගැන මාක්ස් කතා කරනවා ඒ කොටසේ. නමුත් මේ ගැන  මන් පොඩ්ඩක් කතා කරන්න අදහස් කලා.

මාක්ස් විසින්  ධනපතියන් කම්කරුවන්  සූරා  කෑම ගැන ලියු දේ හුඟක් ම බලගතුයි ඒ වගේම ඓතිහාසික වශයෙන් ගත්තම සාධක සහිතව ඔප්පු වෙනවා.   මාක්ස් කිවේ මේ සූරා  කෑම  කියන එක ධනවාදී ආර්ථික ක්‍රමයට ඔබ්බවල තිබෙන නිසා ඇතිවෙන සමාජීය ප්‍රතිවිරෝධතාවය හේතුවෙන් ධනපති ක්‍රමය අභාවයට යන බව ( කඩා වැටෙන බව).  මාක්ස් මේ පරාරෝපනය හෙවත් කලකිරීම පිලිබඳ මතය , ධනවාදී සූරාකෑම නිසා  කම්කරුවා ඔහුගේ මානුෂික භාවයෙන් දුරස්ථ  වීම ආදිය පැහැදිලි කිරීම සඳහා හේගල් ගේ  අතීත ලේඛන උපයෝගී කර ගත් තා . සූරා  කෑම පිලිබඳ නියමය සහ අතිරික්ත වටිනාකම තුලින් ඔහු දර්ශනවාදී දෘෂ්ටි කෝණයෙන් මිදී ආර්ථික ක්‍රමය පිලිබඳ දෘෂ්ටි කෝණයෙන් මේක විමසා බැලුව. ඒ නිසා  තමයි ඔහු කිවේ ධනවාදී නිෂ්පාදන ක්‍රමය නිසාම ධනවාදය කඩා  වැටෙනවා කියල.  
මාක්ස් එංගලන්තයට පිටුවහල්ව සිටියදී ඔහුට එවකට  ලෝකයේ තිබු කාර්මික දියුණුව ඉහලම රට ගැන හොඳින් විමර්ශනය කරන්නට ඉඩ  ලැබුන. ඔහු දුටුවා ටෙක්ස්ටයිල් (රෙදි නිෂ්පාදන කරන) කම්කරුවන් විඳින අන්ත දුක. ඔවුන්ගේ දරුණු දුප්පත් කම. යන්තම් කන්නට දෙයක් ඇතිව පන නල ගැට ගහ ගන්න හැටි. ඔහු පාවිච්චි කලා මෙය හඳුන්වන්න  විලියම් බ්ලේක් කවියාගේ කවියක සඳහනක්  "disturbing images of “dark satanic mills,” යනුවෙන්. එනම් යක්ෂයාගේ අඳුරු රෙදි මෝල  වල හිත කලම්බවන  පින්තුර  වශයෙන්.
කවිය කියවන්න  මෙතනින් යන්න;
http://en.wikipedia.org/wiki/And_did_those_feet_in_ancient_time#.22Dark_Satanic_Mills.22
අපි ලඟදි පීක් දිස්ත්‍රික්කයට ගිය වෙලේ පතල් කීපයකට ගියා . (පින්තුරය 1 හා 2 බලන්න.) මේවායේ නම් "යක්ෂයාගේ ගුහාව devil's cavern , treak cliff ගුහාව ආදී වශයෙන්. මේවා දැන් සංචාරකයන් ට බලන්න හොඳට හදල තියෙනවා පඩිපෙළවල් ඇතුළුව.
පින්තුරය 1
පලවන පින්තුරයේ තියෙන්නේ පුංචි ගුහාව. දෙවැන්න මහා පතල.
පින්තුරය 2
දෙවෙනි එකෙන් හැමෝම ඇතුලට යනවා ඊයම් කඩන්න.  පලවන එක තියෙන්නේ  ලොකු මිනිස්සුන්ට යන්න බැරි නිසා පුංචි ළමයි යවන්න. පුංචි ළමයි නුත් මේවල වැඩ කලා . මේ ළමයි සහ ගැහැණු පතල් වල මැරුන. නොයෙකුත් අතවර වලට ලක්වුණා. සමහර විට මුළු පවුලම. ඔවුන්ට ලැබුනේ සතියකට ශිලින් 3ක් - අද මුදලින් පවුම් 10 ක (රුපියල් 2000) ක වගේ මුදලක්. රුපියල් දෙදහකින් ජිවත් වෙන්න පුලුවන්ද සතියක්. එංගලන්තයේ දැන් සතියක් ජිවත් වන්න කෑමට  විතරක් සතියකට පවුම් 70ක් වත් ඕනේ. යන්තන්කාල ඉන්න. අනිත් වියදම් නැතුව. එතකොට පවුම් දහයකින් පාන් පෙත්තක් දවසකට කාල  ඉන්න පුළුවන් වෙයි . හිතා  ගන්න පුලුවන්ද දරිද්‍රතාවය. මුළු  පවුලම වැඩ කලේ ඒකයි පතල් වල. රෙදි කම්හල් වල. යන්තම් ජිවත් වෙන්න. එංගලන්තය එතකොට ලංකාව යටත් කර ගෙනනේ  හිටියේ. (කොටසක්). ලංකාවේ මිනිස්සු ඊට වැඩිය  හොඳට ජිවත් වුණා  එහෙම බැලුවොත්.
 පින්තුරය 3 - පතල් කම්කරුවන්ගේ මෙවලම්
 මාක්ස් පෙන්වන්න හැදුවේ මේ දරුණු දුප්පත් කම ධනවාදයේ නියත සලකුනක බව සහ ධනවාදයේ දියුණුව සමග මේ පීඩනය සහ දුප්පත්කම වැඩි වන බව. තමන් රැක  ගැනීම සඳහා කිසිම ආරක්ෂණ යාන්ත්‍රණයක් නැති නිර්ධන පන්තියේ   ආර්ථික දියුණුව ධනපතියාගේ අනුකම්පාව මත රඳා  පවතින බව.  නමුත් ධනපතියට වෙළෙඳපොලේ තරඟ කාරිත්වය එක්ක හැප්පෙන්න නම් තමන්ගේ ව්‍යාපාරය දුර්වල කර ගන්නේ  නැතුව තමන්ගේ ව්‍යාපාරය අවදානමකට ලක් කර ගන්නේ නැතුව මේ නිර්ධන කම්කරු පන්තියට  අනුකම්පාව දක්වන්න බැහැ කියල මාක්ස් කිව්වා .

 මේ ප්‍රතිවිරෝධතාවය තුල පන්තිය වර්ධනය වීමත් පන්ති විඥානය (පන්ති හැඟීම) වර්ධනය වීමත් තුල එම පන්තීන් විසින්ම තම ආර්ථික  අවශ්‍යතාවයන් නිරුවත් කරනවා. (expose - පෙන්වනවා යන තේරුම ). මෙහිදී ධනපති පංතිය  තමන් සතු සියලු  බලතල - රාජ්‍ය බලය (පොලිසිය, හමුදාව, අධිකරණය, සිවිල් නිලධාරීන් සතු බලතල) සහ ආගම පවා උපයෝගී කර ගන්නවා මේ කම්කරු හා වැඩ කරන පන්තිය පිලිබඳ තමන්ගේ ඒකාධිකාරී අයිතිය රැක  ගන්න. නමුත් වැඩ කරන පන්තිය තමන්ගේ පොදු පීඩනය විනාශ කරන්න ස්වභාවයෙන්ම එකතු වෙන බවත් ධනපතියන් ඉවතට තල්ලු කරන්නට සමත් වෙන බවත් මාක්ස් අනාවැකි පලකලා . එසේම  මේ  ප්‍රතිවිරෝධය පුපුරා  යන අවසන් පන්ති අරගලයක් තුලින් සමාජවාදය බිහි වෙනවා කියලත් ඔහු අදහස් කලා .
මේක මෙහෙම වුනාද?  මාක්ස් මෙතන වැරදිද?
 සිද්ධ වුනා  මෙහෙම දෙයක් බ්‍රිතාන්‍ය රැජින මුහුදු මංකොල්ලකරුවන් මගින් ප්‍රාග්ධනයක් ගොඩ නගා  ගත්ත ඉස්සෙල්ල . ඊට පස්සේ හොඳ නාවික හමුදාවක් හැදුවා ඉන්පසු බ්‍රිතාන්‍ය රජය අධිරාජ්යක් ගොඩ නැගුවාමේ ගොඩ නගන අධිරාජ්‍යය  තුල රටවල් පාලනය කරන්න තම රට වැසියාව  යවන්න පුළුවන් වුණා. ඒවගේම හමුදාවට මිනිස්සු ඕන වුනා . ඉතින් අර කම්හල් වල වැඩ කරනවට වඩා  මිනිස්සු යුද භටයන් වශයෙන් හා වෙන රටවල වැඩි පඩියට පදිංචියට යන්න පෙළඹුන. මේ පතල් වැහුනා. එහෙම නැත්නම් ධනපති පතල් අයිතිකරුවන්ට වෙන පතල් අයිති වුණා . රෝදෙශියාවේ (සිම්බාබ්වේ), දකුණු අප්‍රිකාවේ , ඇමෙරිකාවේ වගේ. ඒවා වල වැඩ කරන්න තවත්  අඩු පඩියට දේශීය කම්කරුවන් හිටිය. 

ඊට අමතරව එංගලන්තයේ කම්කරුවන් වෙනුවෙන් සංවිධාන ගොඩ නැගුන. ඒ කියන්නේ ඉහල පන්තිවලට අයව දැනුවත් කරන්න ගත්ත මේ දරිද්‍රතාවයන් ගැන. ඒ නිසා ගොඩක් මේ කම්හල් වැහුන. එහෙම නැත්නම් කම්කරුවන් ආරක්ෂා කරන්න නීති ගෙනාව . ඇමෙරිකාවේ වගේ මැයි  පළවෙනිදා කම්කරුවෙකුට වෙඩි තැබුවාට පස්සේ තත්වය තවත් වෙනස් වුණා. කම්කරුවන් හා වැඩ කරන ජනතාව යුරෝපයේ රටවල් වල පැය අටේ වැඩ මුරය ලබා ගත්ත . වැඩි පඩි ලබා ගත්ත. අයි අඩු පඩියට වැඩ කරන කම්කරුවෝ  යටත් විජිත වල ඉන්නවනේ. (ඊළඟට පසු කාලයකදී සෝවියට් දේශය වගේ රටවල් ඇති වුන නිසා ඒ තර්ජනය වළක්වන්නත් එංගලන්තය වගේ රටවල් කම්කරු වන්ගේ මාසික අදායම වැඩි කලා . වැඩි වුණා) . අර මාක්ස් කිව්ව දෙය වුනේ නැහැ.
උනේ නැත්තේ ධනපති අධිරාජ්‍යවාදය මේ ප්‍රතිවිරෝධතාවන් ඇතිවූ ප්‍රශ්නය වෙන ක්‍රමයකින් තරමක්  සමනය කරපු නිසා.

නමුත් මොවුන්ට හැමදාම මෙය කල හැකි වෙයිද? දැන් නැවත ආර්ථික ප්‍රශ්න මතු වෙමින් තිබෙනවා. නව වෙළඳ අධිරාජ්‍යවාදී  රටවල් ගැටෙනවා. ඉන්දියාව, චීනය , ඇමෙරික එක්සත් ජනපදය , යුරෝපා සංගමය , රුසියාව අමුද්‍රව්‍ය, ඉන්ධන, වෙළඳපොල බෙදා ගන්න සටනේ. මේ නිසා අලුත්  උත්තරය තියෙන්නේ space exploration හෙවත් අභ්‍යවකාශය ජය ගැනීම හා වෙනත් ග්‍රහ ලෝක මත. අර අධිරාජ්‍ය පිහිටෙව්ව  වගේ කම්කරු හා අනිකුත් පන්තීන්  ඒවාට පටවන එක. උදාහරණයක් වශයෙන් එක්සත් ජනපදයේ නාසා ආයතනය උල්කාපාත (asteroid ) වල පතල් හාරන්න බලා  පොරොත්තු වෙනවා.   අඟහරු ග්‍රහයා ගවේෂණය කරලා ජනාවාස පිහිටුවල ලෝහ හාරන්න බල පොරොත්තු වෙනවා. අර යටත් විජිත ක්‍රියාවලිය වගේමයි. අර එන ලෝක විප්ලවයක් හෝ සමාජවාදී අරගලයක් මේ මගින් නැති කරන්න පුළුවන් ආයෙත්.

මේ පින්තුර වල පෙන්වන්නේ මැන්චෙස්ටර් නගරය විද්‍යා කෞතුකාගාරයේ තිබෙන කාර්මික විප්ලවයේ ජයග්‍රහණ පෙන්වන යන්ත්‍රෝපකරණ.





මේ පල්ලහ පින්තුරය ඒ ළඟ  තියෙන versace සාප්පුව තියෙන බිල්ඩිම. ඒකට  විකුණන නිමි ඇඳුම් වැනි දේ එන්නේ රුමේනියාව වගේ තවම නැගී එන යුරෝපේ රටවල් හා දකුණු ආසියාතික රටවලින්. එංගලන්තේ පහල පන්තීන් වලටත් ඒවා මිලදී ගන්න පුළුවන්. අනික් මිනිස්සුන්ගේ බදු වලින් ගෙවන සහනාධාර මුදල් වලින් මේ සමහර පහල පන්ති වල මිනිස්සු කරන්නේ ඒවා මිලදී ගන්න එක.



ඉතින් මාක්ස්ට වැරදුනාද කියල තීරණය කරන්න.

Monday, 19 May 2014

තරාතිරම්වාදය 1- සමාජ සුභ සාධකගේ කොමෙන්ටුවට තව කතාවක්

මම රුසියාවේ නව වෙනස හා පුටින් යන්නේ කොයිබටද යන්න ගැන ලියපු ලිපියට සමාජ සුභ සාධක කියල කොමෙන්ට් කරන බ්ලොග් යාලුව කොමෙන්ටුවක් දාල  තිබුන ලංකාවේ තරාතිරම් පිළිබඳව හා  නිලධාරිවාදය ගැන. එයාගේ එපා වීම මට හිතා ගන්න පුළුවන්. මට තිබෙන අත්  දැකීම්  කීපයක් එතකොට මතක් වුණා.
පලවෙනි එක තමා මගේ විදුලි ඉංජිනේරු උපාදිය අවසන් කාලේ වෙච්ච දෙයක්. මම ශිෂ්‍යත්වයක් ලැබී සෝවියට්  දේශයට (ඒ කාලේ සල්ලි ගෙව්වේ නැහැ පෞද්ගලික උපාධි නෙමේ )  ගියත් ලංකාවේ විශ්ව විද්යාලයකට යන්න අවස්ථාවත් ලැබිල තිබුනේ.  ඒ දවස් වලත් රුසියන් උපාධිය ඉවර කරලා ආවහම ලංකාවේ සැහෙන කැපිලි තිබෙනවා රස්සාවකට ගියාම. හුඟක් ඒවා එන්නේ මොරටුවේ ඉවර කරපු අය  ගෙන්. මේ අපේම යාලුවන්ගෙන් එකට A/L  කරපු.
ඉතින් අපේ විදුලි  ඉංජිනේරු උපාදිය අවසන් කරලා Msc එකට නිබන්ධනය ලියන්න කලින් ප්‍රයෝගික පුහුණු ගොඩක් කරන්න ඕනේ. ඉතින්  ලංකාවේ මාසයක් විතර දාගත්ත  විදුලි බලාගාර (power stations ) බලන්න එහෙම.. ඉන් එකක වුනු දෙයක් මේ. ඉතින් අපි රුසියාවේ ඉඳල ආවහම ලංකාවේ කෑම කන්න පුදුම ආසාවක් නේ තියෙන්නේ . ලංකාවේ තරම් රහ කෑම  කොහෙවත් නැහැ කියලත් හිතෙනවා වෙලාවක. ඉතින් අපි ඔය මාළු පාන් , රොටි, කට්ලට් චයිනිස් රෝල්ස් කන්න පෙරේතයෝ. ඉතින් අපි දවස්  කීපයක්  බලාගාරයේ කැන්ටිමෙන් ඕව කෑව.  මෙන්න හතරවෙනි දවසේ වගේ අපි බලාගත්ත ඉංජිනේරු උතුමාණෝ අපව කැඳෙව්වා  office  එකට. එයා  අපට පොඩි සද්දයක් දැම්ම? "මට පැමිණිල්ලක් ලැබිල තිබෙනවා (අනිත් ඉන්ජන්ගෙන් වෙන්න ඕනේ) ඕගොල්ලෝ අර common (පොදු) කැන්ටිමෙන් කනවා කියල. ඔයාල ඉංජීනේරු  ශිෂ්‍යයෝ  තව මාස  කීපයකින් ඉංජිනේරු වරු හැටියට එලියට එනවා. පොදුවේ අනිත් කම්කරුවන්ටයි අනිත් අයටයි තියෙන කැන්ටිමෙන් කන්න එපා. sandwich එකක් ගෙනත් office එකේ ඉඳන් කන්න" ඊට අමතරව කීව  - ඔය රුසියාවේ පුරුදු මෙහෙට  කොහොමත් අවශ්‍ය නැහැ කියල. "
ඉතින් අපි කැන්ටිමෙන් කෑවම ඔය ලංකාවේ ඉන්ජන්ගෙන් අඩු වෙන්නේ මොකක්ද ? ............(මේ සිද්ධියට මුහුන පාපු එක යාළුවෙක් වත් මන් ඇතුළුව දැන් ලංකාවේ නැහැ).


සමාජ සුබසාධක බ්ලොග් අඩවිය ----සමාජ සුබසාධක දර්ශනය යනු ප්‍රතිගාමීත්වය භංගවීමෙන් ඇතිවන සම සාධාරණ මානව හිතවාදීත්වයකි.සුබසාධනය අවශ්‍ය වන්නේ පීඩිතයන්ටය.මෙය වෛරය වැපිරවීමක් නොවේ. ප්‍රභූ ලෝකයේ නිර්ප්‍රභූ නියෝජනයක් ඉල්ලා සිටීමේ අහිංසකත්වය පමණි - 
උපුටා ගත්තේ - 
http://subasadhaka.blogspot.co.uk/





Friday, 9 May 2014

රුසියාව ඔවුන්ගේම සමාජවාදයකට ආයෙත් යයිද? - ජයග්‍රහණයේ පෙළපාලිය 2014 මැයි 9

දැන් ටිකකට කලින් හැම මැයි  9 දාකම  යන රුසියාවේ (මුලින් සෝවියට් දේශයේ ) යුධ හමුදා ආචාර පෙළපාලිය නැරඹුවා. එහි සම්පුර්ණ පැයක  වීඩියෝවක් යු ටියුබ් එකේ බැලුව  හැකි ඉහල ඇති යොමුවෙන්.

අද දවසේ පෙළපාලියේ සුවිශේෂත්වයක් තිබෙනවා. එකක් තමයි ක්‍රිමියාව  දැන් රුසියාවට ලැබී තිබීම. 1964 යුක්‍රෙනියන්  ජාතික නිකිතා  කෘෂෙව් ජනාධිපති (කොමියුනිස්ට් පක්ෂයේ ලේකම් ) යුක්රනියාවට ලබා දුන් රුසියානු ප්‍රදේශය නැවත පුටින් ලබා ගැනීම රුසියානුවන් බොහොමයකගේ ජාතිකාභිමානය වඩවන්නක් වෙලා තිබෙන්නේ. පුටින් වුනත් කිව්වේ වෙච්ච අසාධාරණය සාධාරණ කලා  කියල. ඒ වගේම බොහොම ඇමෙරිකානුවන් ප්‍රමාණයක් නොදන්නා දෙයක් තමයි ඇලස්කාව දැන් නිත්‍යානුකුලව අයිති රුසියාවට බව. අවුරුදු 100 බද්ද ඉවර වෙලා තියෙන්නේ.  ගන්න ගියොත් යුද්දේ තමයි.

මම කියන්න හදන කාරණාව එක නෙමෙයි. මේ වීඩියෝව බලන විට මට සිහියට නැගුනේ 1984 සිට මම සෝවියට් දේශයේ සිටියදී මැයි  9 නැරඹු යුධ හමුදා ජයග්‍රහණ පෙළපාලි වලට බොහෝ සමාන කමක් මේ පෙළපාලියේ තිබු බව. 1991 රුසියාව කැඩුනට පස්සේ පහල දුප්පත් වගේ මිනිස්සු ඇරෙන්න අනිත් අය  මහත්වරු (රුසියානු වචනය ගස්පදින් -sir ) වෙලා තිබුනේ යෙල්ට්සින් ගේ කාලයේ.

නමුත් අද තිබුන පෙළපාලියේ අණදෙන නිලධාරී ජෙනරාල්වරයා සොල්දාදුවන්ව හැඳින්වුයේ තවරිෂ් සොල්දාත්  කියල. ඒකෙ තේරුම සොල්දාදු සහෝදරයා. ඉංග්‍රීසියෙන් නම් comrade soldier. ඒගොල්ලත් ජෙනරල්වරයට උත්තර දුන්නේ හැමෝම එකපාර තවරිෂ් ජෙනරාල් පොල්කොව්නික් එහෙම නැත්නම් අණදෙන නිලධාරී ජෙනරාල් සහෝදරයා කියල. ඒ විතරක් නෙමේ ජෙනරල් ඊට පස්සේ මුණ ගැහෙනවා මැදදී ආරක්ෂක ඇමතිව. (ඒකට  වාහන දෙක රතු චතුරශ්‍රය මැදදී මුණ ගස්සවනවා) රුසියාවේ ආරක්ෂක ඇමති හැම වෙලාම තරු පහේ ජෙනරාල් කෙනෙක්. එයට අණදෙන නිලධාරී ජෙනරාල් කිවේ ආරක්ෂක ඇමති සහෝදරයා කියල. ඇමති තමන්ගේ පහල නිලධාරියට කිවේ ජෙනරාල් සහෝදරයා කියල. මේක මෙතනින් ඉවර වුනේ නැහැ.  ආරක්ෂක ඇමති ත්‍රිවිධ හමුදාව පෙළපාලියට ලෑස්තියි කියල කියන්න පුටින් ගාවට යනවනේ. එතැනදී කිවේ යෙල්ට්සින්ට වගේ ඇති උත්තම ජනාධිපති උතුමාණෙනි නෙමේ. තවරිෂ් ව්ලදීමිර් පුටින් හෙවත් ව්ලැඩිමීර්  පුටින් සහෝදරයා කියල. පුටින් නිවේදනය  පිලි අරගෙන කතාව පටන් ගත්තේ . ඇරඹුවේ කොහොමද? තවරිෂ් සොල්දාත් හෙවත් සොල්දාදු සහෝදරවරුනි කියල.
දැන් මේක තේරුම් ගන්නේ කොහොමොද?
 ක්‍රේම්ලිනයේ මේ එල්ලලා තිබෙන හමුදා ධජ දෙකේ තිබෙන දෑකැත්තයි  මිටියයි දැක්කද? එතකොට ලං වෙලා බලන්න අනිත් ධජයේ CCCP  අකුරු ටික.  CCCP  කියන්නේ රුසියානු භාෂාවෙන් USSR කියන එක. පුටින් කියන්නේ පරණ රහස් ඔත්තු සේවා නිලධාරියෙක්. ඔවුන්ට අපට ඉගැන්වුවා වගේම කොමියුනිස්ට්වාදී දර්ශනය හා මාක්ස්වාදය උගන්වා තිබෙනවා. එතකොට මේ පුටින් යන්න හදන්නේ චීන මාර්ගයේද? ධනවාදී නිෂ්පාදන හා සේවා ක්‍රම එක්ක තනි රටක සමාජවාදයක් ආයෙත් ?

Saturday, 3 May 2014

ජනරලේ වමේ සංවාදය හෙවත් විමුක්ති දේශපාලනයේ කතිකාමය අවකාශයට පිළිතුරක්

ජන රැලේ යනවා වමේ සංවාදයක්. වැඩේ සැහෙන්න හොඳයි. ඒක  කියන්න එපයි ඉස්සෙල්ල. සුමිත් චාමින්ද කියල මහත්මයෙක් මහා පතරංග ජාතකයක් ලිය තිබුන වමේ එක්සත්භාවයක අවශ්‍ය කම ගැන. පලවෙනි කොටස දාල  තිබුන 2014 මාර්තු 30 පත්තරේ. තියෙන  වැඩ අස්සේ කියවන්න සෑහෙන කාලයක් ගියා. දෙවන  කොටස එනකන් හිටිය උත්තරයක් ලියන්න. නමුත් මගේ "නිර්මාණශීලි ශක්‍යතාවයන් හා මානුෂ  ශක්තින් පිලිබඳ එතුමා කියන්න වගේ අත  හැර  දමා දෙවියන්ට යාඥා  කරන්නේ නැති නිසා අර්නෙස්ටෝ ලැක්ලව්  කියන්නේ මොකක්ද කියල හෙව්වා.  හැබැයි ඒ මහත්මය මේ කියන්න මොනවද කියල  මම තවම තේරුම් ගන්න උත්සාහ  කරනවා. (උපුටාගැනීම  ජනරළ පත්තරෙන්) 
"පශ්චාත් පෙරේස්ත්රෝයිකානු සහ පශ්චාත් තෘෂ්නි යුද කාලින විමුක්ති දේශ පාලනය මුහණ දී තිබෙන්නේ ද ඉහත කි ආකාරයේ භාව සත්තවාදී  නිමේෂයකටය. " - මේ කියන්නේ ලිපියේ මුලින් තියෙන දෙයියෝ හොයන්  යන්න එපා කියන එකද  නැති එකද?
ඊළඟට එයා  කියනවා මෙහෙම. "ධනවාදී භාණ්ඩ හුවමාරුකරණයේ ක්‍රියාවලිය හුදු ආර්ථික අර්බුදයකින්  ඔබ්බට ගොස් සමස්ත ශිෂ්ටාචාරය අර්බුදයක් කර ඉමහත් විනාශකාරී ලෙස ගමන් කිරීම අනිත් අතින්  දිස් වෙමින් පවතී."  මේ නම් කියන්නේ අර කොල්වින්ගේ කේනමන් ගේ ඉඳන් සෝමවංශ අමරසින්හ දක්වා කියන මේ කුණු ගඳ ගසන ධනවාදී සමාජය විනාශයට යනවා කියලනේ.  ප්‍රශ්නේ ඒක  නෙමේ. එක තවම උනේ නැති නිසා ධනවාදය , යුද්ධ කරමින්, යුද්ධ අවුලවමින් තවම වැජඹෙන නිසා ඒකට උත්තර හොයන එක නෙමෙයිද?
එතකොට ඊට පස්සේ කියනවා "හොර්කයිමර් සහ අඩනෝ පසුගිය  සියවසේ  මැද භාගයේදී විශිෂ්ට ලෙස විශ්ලේෂණය කල පරිදි බටහිර ප්‍රබුද්ධත්ව ව්‍යාපෘතියෙහි නිශේධනීය තර්කනයවූ අධිපතිවාදය එහිම සාධනීය තර්කනය වූ මානව විමුක්තිවාදය යටපත් කරලමින් පෙරට එමින් පවතී."  හෝක්හයිමර් ගේ විවේචනාත්මක ප්‍රමේය? (critical theory) එක මෙතනට අදාල වෙන්නේ කොහොමද කියල පැහැදිලි කලා  නම් හොඳයි. නැත්නම් මෙතන සුමිත් චමින්ද කියන්න හදන්නේ මොකක්ද කියන එකට අර්ථ කතන දහයක් විතර දෙන්න පුළුවන්.
ඊට පස්සේ ඒ ලිපියේ එන ඊළඟ කරුණු ටික සංයුක්ත කරලා ගත්තම මෙහෙම දෙයක් වැටහෙනවා.
1. වමට ප්‍රජාතාන්ත්‍රික බහු විධාත්වයක් අවශ්‍ය බව.
2. ඒ පිළිබඳව චාමින්දගේ  පක්ෂය හා පෙසපේ සංවාද කල බව.
3. වම නැවත එකතු කල යුතු බව.
4. තමන් x (එක්ස්)  "x  සාමාජිකයෙක් වෙලා හිටි බව."
දැන් මෙතන පොඩි විමසුමක් කලොත් මං  අර කලින් "පිචන් ඇමෙරිකන් " ලිපියේ කිව්වා වගේ , මන්  රෝයල්, මං  ආනන්දේ , මන් තර්ස්ටන් , මන් ගුරු  කුලේ , මන් කටුබැද්දේ වගේ මන් හිටියේ එක්ස් කණ්ඩායමේ ටයිටල් එක එනවා.  දැන් වම එකතු වෙනවා කියන්නේ පශ්චාත් එක්ස් දේශපාලනයේ කඩා  ගත්ත ඒවා ආයි  හදා  ගන්නද? මොකද අවසානයේ මෙහෙම කියුමක් තිබෙනවා. - ත්‍රිමාණ වෙබ් අඩවියේ පලවූ විශිෂ්ට දේශපාලන විශ්ලේෂණයක් (මේකට මම එකඟයි ඒකෙ  හොඳ ලිපි  යනවා)  මගින් අවධාරණය කර තිබු කරුණක් එනම් -"ප්‍රජාතාන්ත්‍රික අරගලයන් තුලට ඇතුල්වී ඒවා නව- ලිබරල් ධනවාදී හෙජමොනික සැකැසුමකට එරෙහි ගෝලීය ප්‍රති-හෙජමොනික ව්‍යාපාරයන් බවට පරිවර්තනය කිරීමේ උපාය මාර්ගය පිළිබඳව " අවධානය යොමු කරන බව.  මං  ත්‍රිමානේ  හොයල බැලුව මේ ලිපිය.  දැක්කොත් දැක්ක කෙනෙක් ලින්ක් එක දාන්න.
එතකොට හෙජෙමොනි කියන්නේ කණ්ඩායමක් මගින් කිසියම් ක්‍රියාවලියක් පාලනය කිරීමක් : leadership or dominance, especially by one state or social group over others.  දැන් එතකොට අපිව ධනවාදී සමාජ කොටසකින් කරන සැකැස්මට  එරෙහිව ඒවාම  ප්‍රති හෙජෙමොනික ව්‍යාපාර කිරීම. කාටවත් තේරෙනවද  මේ මොකක්ද කියල. දන්නවනම් කොමෙන්ටුවක් දාන්න.

මේ දීර්ඝ ලිපියේ  දෙවන කොටස පලවෙලා තිබෙනව ජනරල අප්‍රේල් 13 කලාපයේ.  ලිපියේ මුල හරියේ  x කණ්ඩායමේ ඇතිවුන  ප්‍රශ්න හා x -men  සහ x -women  සමග දීප්ති කුමාර ඇති කර ගෙන  තිබෙන (වෙබ් අඩවිවල රඟ  දැක්වෙන) ප්‍රශ්නත් සාකච්චා කරන අතර පුද්ගලිකව පහර දෙනවට වඩා න්‍යායික සංවාදයකට එළඹෙන ලෙස කරන ඉල්ලීමක් තිබෙනවා. ඒක  දැනට අපට අදාල නැති x -men ලා  බේරා  ගත යුතු දෙයක් නිසා ලිපියේ අගට යමු. මෙහි වැදගත්ම කරුණක් හැටියට සාකච්චා කරන්නේ ලැක්ලාව් 'On Populist Reason " පොතේ ඉදිරිපත් කරන ලද තර්කයකුයි. අවශ්‍ය කෙනෙකුට මේ පොතේ pdf කොපියක් මෙතනින් බාගන්න පුළුවන්.
 http://doublesession.net/indexhibitv070e/files/laclau-on-populist-reason.pdf
මෙහි සුමිත් චමින්ද මහතා කරන පැහැදිලි කිරීමට අනුව D  යනු සමාජයීය ඉල්ලීම්ය. ඒවා අබ්යන්තරිකව බෙදී ඇති බව ග්‍රීක් අක්ෂරයක් වන තේටා 
 වලින් පෙන්වයි. Tයනු පසමිතුරු බලවේගයයි. ඉල්ලීම් ඉදිරිපත්වන්නේ මෙම බලවේගයට එරෙහිවයි.  ලැක්ලාව් විසින් ඉදිරිපත් කල රූප සටහන්  ලිපියේ 1 සහ 2 යනුවෙන් පලවී ඇත. ඒවා පහත දැක්වේ.
 රූප සටහන  1
 රූප  සටහන 2
සාර්වාදය නමැති Tනමැති පසමිතුරු බලවේගයට එරෙහිව D1, D2, D3,, D4
යන ඉල්ලීම් යම් සාම්‍යතා දාමයකට එක්ව ඇති බව චමින්ද කියයි. (ලැක්ලාව්  මෙහිදී කියන්නේ මේ හැම D1, D2  යන්නක්ම එක හා සමාන බවයි.) "All of them, however, are equivalent to each other in their common opposition to the oppressive regime (this is what the upper semicircle represents -Ernesto Laklav ).  "නමුත් මෙවැනි සාම්‍යතා දාමයක් යම්කිසි හෙජමොනික දේශපාලනික මැදිහත්වීමකින් තොරව ඉබේම නිර්මාණය විය නොහැකි බව චාමින්දගේ අදහසයි.  ලැක්ලාව් කියන්නෙ මෙසේයි ? 
"In that case, the same democratic demands receive the structural pressure of rival hegemonic projects" එනම් මෙවැනි තත්වයකදී ප්‍රජාතාන්ත්‍රික ඉල්ලීම් ඊට ප්‍රතිවාදී  සංවිධිත හෙජමොනික ව්‍යාපාරයන්ට මුහුණ දෙන බවයි.  චාමින්ද මෙය වර්තමාන රාජ්‍ය බලාධිකාරයට සමාන කරමින්  එම බලාධිකරයේ එහිමවූ හෙජමොනික  තර්කනයක් ඇති බව වටහා ගත යුතු බවක් කියයි. මෙවැනි බලාධිකාරයක් පවතින බව සත්‍යයකි. 
මෙහි දෙවැනි රූපය පිලිබඳ චාමින්දගේ විස්තරය බලමු.  චමින්ද කියන්නේ Dඉල්ලීම, a , b ,c  යන විකල්ප සාම්‍යතා දාමයට සම්බන්ධ කර ගැනීමේ ප්‍රයත්නයක් පෙනෙන බවත්, ඒ අනුව Dකුමන සාම්‍යතා  දාමයට සුසම්බන්ධ කරගත හැකිවේදැයි යන්න නිශ්චය වනු ඇත්තේ සංයුක්ත හෙජමොනික අරගලය මගින් බවත්ය.  එසේම එකිනෙකට පසමිතුරු සාම්‍යතා  දාමයන්  දෙකක  පවතින බව කෙටි ඉරි මඟීන් පෙන්වන බවත් එහි පිඩනයට ලක්වීමට D1 හට සිඳුවන බවත් ඔහු පවසයි.  (ලැක්ලාව් පවසන්නේත් මෙයයි.) චාමින්ද කියන්නේ  මෙසේ සුසම්බන්ධිය තර්කනයන් දෙකක්  අතර අස්ථාවර තත්වයකට පත්වූ හැඟවුම්කාරකයක්  (signifier ) ලැක්වියානු  අරුතින් පාවෙන හැඟවුම්කාරකයක්  වේ.   ලැක්ලාව් පවසන්නේ I shall call signifiers whose meaning is 'suspended' in that way 'floating signifiers'. මට තේරෙන විධිහට හිස් හැඟවුම්කාරක හෙවත් "අර්ථය  තාවකාලිකව අත් හිටවූ "හැඟවුම්කාරක පාවෙන හැඟවුම්කාරක වෙන බවයි. 

සුමිත් චාමින්ද ඉන්පසු මෙසේ කියයි. එනම් ඔහු කලින් ඉදිරිපත් කල න්‍යායික පසුබිම තුල (ලැක්ලාව් ඇතුළුව) දීප්ති කුමාර ගුණරත්නගේ විශ්ලේෂණය කල පරිදි , ප්‍රජාතන්ත්‍රවාදය පිලිබඳ කාරණය  ගෝලීයවත් දේශීයවත් පාවෙන හැඟවුම්කාරකයක් බවට පරිවර්තනය වී ඇති බවයි.  
දීප්ති කුමාර  ගුණරත්නගේ මුල් ලිපිය මා  කියවා  නැති නිසා චමින්ද කියන දේ ( දීප්ති ලියු බව කියන ) හරි කියා පිලි ගනිමු.  හැබැයි ලැක්වියානු  අරුතින් එතකොට මේ ප්‍රජතන්ත්‍රවාදය අර්ථය අත්  හිටවා  ඇති හිස් හැඟවුම්කාරකයකි.  
ඊළඟට ඔහු ප්‍රශ්න දෙකක්  අසයි.
1. මෙවන් තත්වයක් තුල වාමාංශික බලවේග විසින් කල යුත්තේ හුදෙක් ධනපති අධිරාජ්‍යවාදි බලවේගයන් ප්‍රජාතන්ත්‍රවාදය ගැන කතා කරන බැවින් එය මුලුමන්න්ම ඉවත දමා වඩා  පිරිසිදු වාමාංශික සටන් පාඨ  තේරීමද ?
2. නොඑසේ නම් සැබෑ හෙජමොනික අරගලය තුලට නොබියව ඇතුළුවී ප්‍රජාතන්ත්‍රවාදයේ රැඩිකල්කරණයක්  සඳහා  සටන් කිරීමද?
අංක එකට එකඟ වුනොත්  සුම්ත් චාමින්දට අනුව මේ සංයුක්ත අරගලය නිර්දේශපාලනීකරණය කරා  යයි. එයට හේතුව ලෙස ඔහු පවසන්නේ එයින් රතුපස්වල, තුන්නන ආදී "සැබෑ  සමාජ අරගල අවකාශය" මග හැර යාමක්  වන බවයි. 

ලක්වියානු අර්ථයෙන් ගත කල මෙය මෙසේ විය හැකියි. එහෙත් සෑම ප්‍රජාතන්ත්‍ර අරගලයකටම වාමාංශික පක්ෂ වලට සහභාගී විය නොහැකියි. සුමිත් චමින්ද මේ පවසන්නේ ධනවාදී පක්ෂ ප්‍රජාතන්ත්‍රවාදය සඳහා කරන ඊනියා සටන් වලටත් වාමාංශික පක්ෂ සහභාගී විය යුතු බවද? ඔහු මෙහිදී පැහැදිලි කිරීමක් කල යුතුයි? ජනතාවගේ ප්‍රශ්න - එදිනෙදා  ප්‍රශ්න - වතුරට සටන් කිරීම, කුණු ඉවත් කිරීම ගැන , ඩෙංගු ගැන ඉදිරිපත් විය යුතුයි. ඒ ගැන විවාදයක් නැත. නමුත් ඉන් එහාට යාමෙන් වික්‍රමබාහු වගේ රනිල් සමග එකම වේදිකාවකට ප්‍රජාතන්ත්‍රවාදය උදෙසා නගින්නට හේතුවක් නැත. 

ඉහත කොටස් දෙක මා ලියුවේ එර්නෙස්ටෝ ලැක්ලාව් ගේ රූප  සටහන් දෙක ඇසුරින් සුමිත් චාමින්ද මහතා වාමාංශික පක්ෂ එක්සත් වී අරගල වලට මුහුණ දිය යුතු බව නිගමනය කල බව පැහැදිලි කරන්නයි. මගේ අදහස නම් මේ රූප සටහන් දෙකෙන් ප්‍රජාතාන්ත්‍රික අයිතීන් හා සමාජවාදය පිලිබඳ අරගල පැහැදිලිව නොපෙන්වන බවයි. එයට හේතුව මේ හැම අරගලයක්ම සැලසුම් සහගත ඒවා නොවෙන නිසා සහ සෑම  අරගලයකම තීව්‍රතාවයන් එකිනෙකට වෙනස් නිසයි. මේක වෙනත් විධිහකට කියනවනම් විශ්වයේ පරිණාමය ගත්තත් ජීවීන්ගේ පරිණාමය ගත්තත් සමාජ පරිණාමය ගත්තත් හුඟක් දේ සිදුවන්නේ අවිධිමත් ආකාරයට (chaotic ). අපි නොයෙකුත් ගණිතමය සමීකරණ, තර්කන ආදියෙන්  මේවා පැහැදිලි කර ගන්නවා පමණයි.  මෙය මෙහෙම උදාහරණයකින් පැහැදිලි කරන්නම්.
සෝවියට් දේශයෙන් 1934දී ඇමෙරිකාවට ගිය තාරක විද්‍යාඥයෙකු වන ජෝර්ජ් ගැමොව් (1904-1908) තාරකාවල ඇති මුලික අංශුන් පිලිබඳ සොයා ගැනීමක් කලා. තාරක තුල න්‍යෂ්ටික දහනය සිදුවීමේදී පරමාණුක අංශුන් එකිනෙක ගැටෙනවා. මේ ගැටීම සඳහා අංශුන් ගමන් කරන්නේ ඉතාමත් අසංවිධිත (chaotic) ආකාරයට. මේ ගැටීමක් වෙන්න කලින් (ක්වොන්ටම්  උමගක්) Quantum tunnelling තුලින් ගමන් කිරීම හෙවත් බාධක විනිවිද යාමක්  (barrier penetration ) කියා දෙයක් සිදු වෙනවා. උදාහරණයක් ගත්තොත් අපි බෝලයක් තාප්පයකින්  එහාට විසි කරනවා කියා හිතන්න. අපි අවශ්‍ය ප්‍රමාණයට ගතික බලයක් (චාලක ශක්තිය - kinetic energy ) තාප්පයට වඩා උඩින් බෝලය ගමන් කරන්නේ නැහැ. ඒ කියන්නේ බෝලයේ චාලක ශක්තිය උඩදී ගුරුත්වාකර්ශන  විභව ශක්තියට පෙරලෙන අතර එය  තාප්පයේ ගුරුත්වාකර්ශන  විභව ශක්තියට වඩා  වැඩි  විය යුතුයි. මෙය ක්වොන්ටම් චලිතයේදී සිදුවන්නේ මදක් වෙනස් විදියකට. අංශුව න්‍යෂ්ටියේ වැදීමට නම් අංශුවේ සම්පුර්ණ ශක්තිය බාධකයේ ශක්තියට වඩා  වැඩි විය යුතුයි. නමුත් ඇත්තටම සිදුවන්නේ මේ සම්පුර්ණ ශක්තිය නැති වුනත් එක්තරා අවස්ථාවක න්‍යෂ්ටිය හෝ ඉලෙක්ට්‍රෝනය තව න්‍යෂ්ටියක ගැටීම සඳහා මේ බාධකය උඩින් ගමන් කරන බවයි. මෙහිදී අංශුව ලබා ගන්න ශක්තිය ට ගැමොව් ශක්තිය හා එහි උච්චතම අවස්ථාවට  ගැමොව් මුදුන (Gamov  peak - රූප සටහන බලන්න.) කියා කියනවා. එතැනදී අංශුව බාධකයෙන් පැන  න්‍යෂ්ටිය හා ගැටෙනවා. මෙය සිදුවුනේ නැත්නම් තාරකාවල වෙන මුලද්‍රව්‍යය ඇති වන්නේ වත් කොටින්ම ග්‍රහලෝක, ජිවය පවා ඇති වන්නේ වත් නැහැ.
 (ප්‍රස්ථාරය 1)

මෙතන අපට වැදගත් මෙන්න මේ හරිය. තාරකාවල ඇතුලේ අංශුන් වල අසංවිධිත ගමන වගේම තම අරගලත්. ඒවා සැලසුමකට කොතන හරි ඇති වන්නේ නැහැ. ඇති වන හේතූන්  තිබෙනවා. ඇතිවුනාට  පස්සේ නොයෙකුත් ක්‍රමවලින් එහි තීව්‍රතාවය වැඩි කර ගන්න පුලුවන්. උදාහරණයක් වශයෙන් යුක්රණයේ මයිඩන්  වල ඇතිවුන යනුකොවිච් විරෝධී රැලි මුලදී සුළු විරෝධතාවයක් ලෙස පටන් ගත්තත් පසුව වෙනත් EU  හා ඇ.එ .ජනපදයේ මුදල් ආධාර හා මීඩියා  අනුග්‍රහයෙන් එය වැඩි කරගෙන යනුකොවිච්  එලවා  දැමීම.  (මෙහි හරි වැරැද්ද මෙතැනදී සාකච්චා නොකෙරේ).  දැන් නැවත සුමිත් චාමින්ද මහතා  ඉදිරිපත් කල ලක්ලාව්  ගේ පින්තුර විග්‍රහයට යමු. එහි D1, Dආදී අරගල සාම්‍යතා දාමයක තිබුනත් එහි  තීව්‍රතාවයන්  වෙනස්.  (ප්‍රස්ථාරය 2  බලන්න)

ඒ හැම අරගලයක්ම  මේ මුදුනට එන්නේ නැහැ. ලංකාවේ අධ්‍යාපන කප්පාදුවට හා %6 ක පඩි වැඩි වීම සඳහා ගිය අරගලය බලන්න. එය ශක්තිය මුලදී එකතු කර ගත්තත් මුදුනට එන්න බැරිව මිය ගියා . අනික් හැම අරගලයක්මත් එහෙමයි. එසේ නම් කල යුත්තේ චාමින්ද කියන ආකාරයේ හැම ප්‍රජාතන්ත්‍රවාදී හෝ අනිකුත් මෙකි නොකී ආකාරයේ අරගල වලට  ධනපති හෝ වෙන ඕනෑම පක්ෂයක් සමග එකතුවීතිබෙන ශක්තියත් වැය කිරීමද? එසේ නැත්නම් කල යුත්තේ අසංවිධිත ආකාරයෙන් ඇතිවන අරගල තෝරා බේරා අකාලයේ අවසන් වෙන ඒවාට සාපේක්ෂ මැදිහත් වීමක් කර නිශ්චිත වාස්තවික තත්වයන් තුල ඇතිවන අරගල වලට වාමාංශය එකතුවී ගැමොව්  පීක්  එකට යාම නොවේද ? එහිදී දයලේක්තික වාදී  ලෙස වඩාත් ඉදිරියෙන් සිටින පක්ෂයට හෝ  පක්ෂ සමුහයට ගන්න නිවැරදි ක්‍රියාමාර්ග තුල  බාධකයෙන් අනිත් පැත්තට යාමට හැකි වෙනු ඇත.
(මම මේ ලිපියේ මුල හරියේ චාමින්ද මහතාගේ ලිපිය පතරංග ජාතකයක් ලෙස හැඳින්වුවත් මගේ පිළිතුරත් ඒ ආකාරයටම දික් වීම ගැන කණගාටුයි.)

මුලාශ්‍ර : ‘The origin of chemical elements’ (1948) by Alpher, Bethe & Gamow,
'On Populist Reason' - Ernesto Laclau

දීප්ති කුමාර ගුණරත්න මහතාගේ  ලිපිය: http://3mana.com/%E0%B7%83%E0%B7%91%E0%B6%B8-%E0%B6%B8%E0%B6%9F%E0%B7%94%E0%B6%BD%E0%B7%8A-%E0%B6%9C%E0%B7%99%E0%B6%AF%E0%B6%BB%E0%B6%9A%E0%B6%B8-%E0%B6%B8%E0%B6%B1%E0%B6%B8%E0%B7%8F%E0%B7%85%E0%B7%92%E0%B6%BA/



Friday, 2 May 2014

දෑකැත්තයි මිටියයි හලන්න කල් හරිද? රතු කටුස්සෙක් පින්තුරේට දාමුද?

මේක ලියන්නේ 2014 මැයි 1 වෙනිදා. ලංකාවේ හා ලෝකයේ රටවල පෙළපාලි යන වෙලාවක. කොළ අයත් නිල්  අයත් කොටින්ම රජයේ හමුදාවක ඉහලම නිලයක් දැරූ යුද්ධයක් මෙහෙයවූ අයෙකුත් මැයි රැළියක් කරන නිසා (එහෙම කරන්න බැහැ  කියනවා නෙමේ. ඕන කෙනෙකුට වෙනස් වෙන්න අයිතියක් තිබෙන බව මම පිලි ගන්නවා.) මේ මැයි  පෙළපාලි දිනය  සුවිශේෂයි. අවාසනාවකට  වගේ ඊයේ වැඩ අධික නිසා මේ ලිපිය ඉවර කර ගන්න බැරිවුනා. අද දෙවෙනිදා. අනික් සුවිශේෂ කාරණය තම පෙරටුගාමී සමාජවාදී පක්ෂයෙන් සම්මන්ත්‍රණ මාලාවක් පැවැත්වීම. නොයෙකුත් සමගාමී පක්ෂවල නායකයන් කතා කලා  මේ හමුවීම් වල. ශ්‍රී ලංකා පෙරටුගාමී පක්ෂයේ දීප්ති කුමාර ගුණරත්න සම්ප්‍රදායෙන් එලියට ගිය "හොඳ" කතාවක් කරලා තිබුන. මේ කතාවට නොයෙකුත් විවේචන තියෙනවා. ඒවාට උත්තර ඒ ගොල්ලෝ දෙයි. නමුත් ඒක  හොඳ කතාවක්. අනික් කතාව චමීර කොස්වත්තගේ කතාව තුල පන්තිය සංවිධානය කරන්න ඕනේ කියන එක තමයි අවධාරණය කලේ.  සාධාරණ කතාවක්. නමුත් මේ හැම දේම හොඳ වුනත් ඇත්තටම අපි මැයි රැලි වලට යන්න ඕනෙද කියන ප්‍රශ්නය මතු වෙනවා.

අප සෝවියට් දේශයේ මැයි රැලි දැක්කා . සමාජවාදී ජයග්‍රහණ සංකේතවත් කරන රැලි හැටියට තම ඒවා දැක්කේ. මුලින් ම අභ්‍යවකාශයට ගිය යානය අරන් ගිය , යුරි ගගාරින් වගේ අය ගිය. ඒවා හොඳයි කියමු. නමුත් ලෙනින් ගෙන් පස්සේ බොහොමයක් මැයි  රැලි වලට යාම අනිවාර්ය කරලා තිබුන. කොමියුනිස්ට් පක්ෂ සාමාජිකයන් හා කමිටු අනිවාර්යයෙන් සහභාගී විය යුතුමයි.  සහභාගී වුනේ නැත්නම් ජොබ් එකටත් කෙල වෙනවා. ප්‍රොමෝෂන් එකක ලැබෙන්න තිබ්බ නම් ඒකත්  නැති වෙනවා.
බ්‍රෙශ්නෙව් (සෝවියට් ජනාධිපති හා කොමියුනිස්ට් පක්ෂ ලේකම් ලියොනිඩ් බ්‍රෙශ්නෙව්) ගේ කාලේ  අර සමුහ ගොවි පොලේ අස්වැන්න අර කර්මාන්ත ශාලාවේ නිෂ්පාදන අතිරික්තය , ඔන්න ඔය වගේ බොරු දත්ත දාපු බොරු ප්‍රදර්ශන රථ අරන් ගියා . මේවා කරපු නිලධාරීන් බ්‍රෙශ්නෙව්ව අම්බානක ඇන්දුවා. මුළු මධ්‍යම කාරක සභාවම වගේ රැවට්ටුව. ඕවට අහුවුනේ නැත්තේ මධ්‍යම කාරක සභාවේ දෙන්නයි. එක අයෙක්  යුරි අන්ද්රෝපොව්. මෑන් ආපු  ගමන් අර හොර නිලධාරි  කීප දෙනෙකුට  දීගෙන දීගෙන ගියා , නමුත් මිනිහ හදිසියේ මැරුණා. ඊට පස්සේ ආවේ (චෙර්නේන්කෝ ගෙන් පස්සේ) ගොර්බචෙව්. මිනිහ මුළු සෝවියට් දේශයම විසිරුවල දැම්ම.
නැගෙනහිර ජර්මනියේ සමාජවාදය තිබ්බ කාලේ  හිටපු කාට  හරි මැයි  පෙළපාලියට එනවද කියල ඇහුවොත්  දුවයි. එහෙම නැත්නම් පිස්සුද කියල අහයි. මැයි පෙළපාලියට ගියේ නැත්නම්  (අඬ  ගහල) ස්ටාසි (ජර්මන් රහස් පොලිසිය ) පිටිපස්සෙන්. අනික ඉතින් නැති දේවල් මවා  පෑමක් තමා  කෙරුනේ.

ඉතින් මැයි රැලියකට තම කැමැත්තෙන් යන්නේ නැතුව , යන්න කියා කියා කියනවනම් එතන පුංචි පහේ නිලධාරිවාදයක් තිබෙනවා කියල හිතෙනවා. ඉතින් මේ මැයි  රැලි වලට වනාගෙන තම කැමැත්තෙන් යන්නේ කවුද? නිල්පාට කොලපාට ඒවා වල නම් ලොක්කගේ හිත දිනා  ගන්න , තමන් තමයි වැඩි පුරාම සෙනග ඇද්දේ කියා ගන්න කරන වැඩක් නිසා ඒවා ගැන කතා කරලත් වැඩක් නැහැ. වචන නාස්ති කරන්න ඕනේ නැහැ පොලු සෙල්ලම් කෙලි සෙල්ලම් වලට.
ඉතින් මැයි  දිනයෙන් නම් ඊළඟ විප්ලවය තීරණය වෙන්නේ හරි, තම සංවිධාන ශක්තිය පෙන්වන්නේ හරි නම් , හොඳම පෙළපාලිය හා රැලිය වමේ පැත්තෙන් කලේ ජවිපෙ. ඒකෙ ගිය කතා නම් මම වැඩිය ඇහුවේ නැහැ. නමුත් මෙන්න මෙහෙම දෙයක් නිරීක්ෂණය වුණා. දැන් මේ පහල පින්තුරේ ලස්සනට ඇඳ  ගත්ත නාගරික තරුණ තරුණියෝ ටිකක් නේද ඉන්නේ. ටිකක් අලුත් රුසියාව වගේ. නැහැ . අලුත් චිනේ වගේ. ඒත් .... නැහැ.  මේකන් ගම්‍ය වෙනවද ජවිපෙ දැන් අලුත් මාවතක යන්නේ කියල.
 
එංගලන්තේ කම්කරු පක්ෂය පරදින කොට නීල්  කිනොක් ඉවත් කරලා ටෝනි බ්ලෙයාර් ආවහම  මේ වගේ වෙනසක් වුණා . ටෝනි ඇවිල්ල පින්ක්  (රෝස පාට ) වාමන්ශිකයෙක් රත්තෙක් නෙමේ කියල තම පිලි ගැනීම . ඇත්තටම මධ්‍යස්ත දක්ෂිනන්ශිකයෙක් කම්කරු පක්ෂෙන් ආපු .
 මේ දෙවන පින්තුරේ ජවිපෙ පෙළපාලිය. මේක  දැක්කම ගොඩක් ආඩම්බරයි හා. නමුත් මේක නිකම් මේ පෙබරවාරි 4 නිදහස දවසේ යන මාච්  එකක්  වගේ නැද්ද? එහෙම නැත්නම්  කිම් ජෝන් උන් ගේ උතුරු කොරියාවේ හෝ චීනයේ මැයි  පෙළපාලි වගේ නැත්ද? ශ්‍රී ලංකාවට අභිමානයෙන් ගෙන එන ඊළඟ මනස්කාන්ත නිලධාරිවාදී රාජ්‍යයේ පෙර ගමන් පෙළපාලිය නේද ? ඔය පෙළ පාලියේ යන හැමෝටම අණක්  දීල  ඇති සහභාගී වෙන්න. ඕකේ  ගීය අයට  හරියටම  පවරලා  ඇති වැඩේ . හා ඔයා  චේගේ ප්‍රදර්ශන  කෑල්ලේ  බර අදින්න. ඔයා  මොටෝ බයිසිකලේ ඉන්න ඔය වගේ. අර ඒ කාලේ නිදහසේ වරප්‍රසාද ඉල්ලා පෙළපාලි ගිය කම්කරුවට ශ්‍රමිකයට මොකද වුනේ.  ජවිපෙ නාගරික පන්තිය හරහා චන්දෙ ඉල්ලන බලා  පොරොත්තුවක් තියෙනවා කියල තමා  පෙනෙන්නේ. එතනින් බලය ගන්න පුළුවන් නම් හොඳයි. ඊට පස්සේ ?
ඊළඟට බලමු පෙරටුගාමී සමාජවාදී පක්ෂේ පින්තුරයක් දිහා. 
 දැකත්ත මිටිය ගත්ත සම්ප්‍රදායික දෙන්නෙක් ඉන්නවා. ගොවි ගැහැණිය. ගමේ කම්මල් කරු . ක්ලැසික් පින්තුරේ. හැබැයි මන් ඔට්ටුවක් අල්ලනවා ඔය දෙන්නම එදා මැයි  රැලියේ හිටියේ නැහැ කියල. ගමේ ගොවි ගැහැණිය දැන් ඉන්නේ මැද  පෙරදිග. ගමේ කම්මල් කාරය ගෑනිව මැද  පෙරදිග යවලා කොහේ හරි කට ගොන්නක් බිල හොර ගෑණි  ගාව  හරි ගෙදර හරි නිදි.  ඉතින් මට නම් හිතෙන්නේ මිටිය වෙනුවට ඉස්ක්රුප්පු නියනක්, ව්රෙන්ච් එකක් (පින්තුරය බලන්න) 
 නැත්නම් වතුර බාල්දියක් හා මොප් කරන බුරුසුවක්  තිබ්බ නම් හරි කියලා . එහෙම නැත්නම අර අව්වේ ටයි පොල්ලක් ගහගෙන කඩවල් ගානේ  යන සේල්ස් රෙපාල  මතක් වෙන්න ටයි පොල්ලක් හරි අඩුම ගානේ . දැන් කතා කරන්න ඕනේ දුක් විදින්නේ ගාර්මන්ට් වල වැඩ කරන කාන්තාවෝ නේද? ඊළඟට තේ කඩන කට්ටිය. හැබැයි පෙසපේ එක පින්තුරයක පොඩි උත්සහයක් ගන්නවා හැමෝම ඇතුළු කර ගන්න. . මෙන්න ඒක.
. චමීර කොස්වත්තගේ කතාව ඉවර වෙනකම් අහන්න බැරි වුණා. මොකද හඬ පටය එතනින් ඉවරයි. පුබුදු ජයගොඩගේ කතාවේ යන්තමට මතක් කරනවා මෙහෙම. "අපනයනය කරන ශ‍්‍රමිකයන් වැඩි කරනව කියන්නේ ඇණ ගහගෙන ලංකාවට එන ප‍්‍රමාණය වැඩි වෙනව කියන එක. ඇගලූම් කර්මාන්තයට වැඩියෙන් බර තියෙනව කියන්නෙ සූරාකෑම තවත් වැඩි කරනව කියන එක" 

ලාල්  කාන්තගේ කතාවත් හොඳයි. ඇත්තටම ප්‍රශ්න ගැන කතා කරනවා. නමුත් දන්නවද දන්නේ නැහැ ස්වීඩනය මේ දවස් වල පයිලට් ප්‍රෝග්‍රෑම් එකක් කරනවා පැය  7 හා පැය  හයේ වැඩ මුරයකට. හැබැයි ඵලදායිතාවය වැඩි කරන්න. මෙන්න යොමුව.  http://www.allvoices.com/contributed-news/16850616-sweden-to-try-6-hour-workweek-is-america-next . 

හුටා තමයි. සමාජවාදය එනකන් ඉන්න ඕනේ නෑනේ  එතකොට. 

 මේ ලිපියේදී පින්තුර ටික බා ගත්තේ http://www.lankatruth.com/ එකෙන් හා 
http://www.lankaviews.com/ එකෙන්. එකට ස්තුතියි.




Tuesday, 29 April 2014

පීචං අමෙරිකන්ලා හා තවත් කතා - 1

පලවන කොටස: "ඔයා කොහෙන්ද? මම රෝයල් එකේ ". මේක ඒ කාලේ රුසියාවේ හිටපු ලංකාවේ සිසුවෝ කෙනෙකුට දෙන්නෙකුට ගහපු කාඩ්  එකක්. ඒගොල්ලන්ගෙන් කොහෙන්ද (ලංකාවේ) කියල ඇහුවම රෝයල් එකෙන් කියල කිව්වලු. ඉතින් මම නම් කවදාවත් කිව්වේ නැහැ මම රෝයල් එකෙන් කියල , ඇහුවොත්ම  මිසක් ඉගෙන ගත්තේ රෝයල් එකේ කියනවා මිසක්. නමුත් තමන්  හිටියේ ආනන්දා  කොලේජ් එකේ, රෝයල් කොලේජ් එකේ නාලන්ද කොලේජ් එකේ තර්ස්ටන් කොලේජ් එකේ , X -කණ්ඩායමේ කියල කියන අය  ඕන තරම් ඉන්නවා. ඕක ඉතින් හෙන ලොකු කමක් ඇතුව තමා  කියන්නෙත්. හරියට නිකන් අමුතු පට්ටමක් වගේ. සමහරවිට ජොබ් එක වුනත් සෙට් වෙනවා හරි කොලේජ් එක,  කණ්ඩායමේ නම්.

ඉතින් අසු ගණන්වල අපි බස් වල රෝයල් යන කාලේ  රෝයල් එකට ගිය බුවෙක් හිටිය. පොරට  මේ exchange program (ශිෂ්‍ය හුවමාරු ) එකකින් හදිසියේ ඇමෙරිකාවට යන්න ලැබුන. මාස  අටකින් විතර පොර ආපහු  ආව . ආව තමයි ඊට පස්සේ දැක්ක තැන ඇමෙරිකාව ගැන විතරයි කතාව. මේ ඇමෙරිකාව කියන්නේ ඇමෙරික එක්සත් ජනපදයට. ඒකෙත්  එක නගරයකට. කැලිෆොර්නිය වල  කොහෙ හරි. කොහෙද මු නිකන් මුළු ඇමෙරිකාවේම ගියා  වගේ කතාව. "මචන් ඇමෙරිකාවේ ලොකු. මචන් ඇමෙරිකාවේ පාරවල් වල ලොකු. මචන් ඇමෙරිකාවේ කාර්  වල ලොකු. මචන් කෑම  ගොඩවල ලොකු. (ඒ දවස් වල ඉතින් McDonald's ලංකාවේ නැහැ. අපේ ගෙවල් වල හරක් මස් කන්නෙත් නැහැ. ඉතින් මොන burgers ද.  කෑම නම්  ගොඩක් දෙනවා තමයි. අර ජෙනටිකලි වෙනස් කරපු (ජානමය) කෑම  කොහොමත් ලාභයිනේ. අර දුප්පත් මිනිස්සු බැරල් වගේ ඉන්නේ ඒවා කාල  ලෙඩත් හදා  ගෙන ) - ඔය  වගේ මූ  අදිනවා නයා. දකින දකින හැම තැනම හම්බ වුනොත් ඉතින් "මචන් ඇමෙරිකාව තමයි". පස්සේ මූ  අමෙරිකාවේ  කෙල්ලන්ගේ ලස්සනත් කියන්න ගත්ත. මූට   කව්ද කෙල්ලෙක් කිස් එකකුත් දීල.  අන්තිමට කොල්ලෝ මු එනකොට මාරු වෙන්න ගත්ත. "ද ඇමෙරිකන්" එනවා කියල.

කොහොම හරි පොර අපේ පැත්තේ මිලාගිරියට යන කෙල්ලෙකුට වහ වැටුන. පොර ඇමෙරිකන් කතා දෙක තුනක් කිව්වට හරි ගියේ නැහැ. ඒ දවස්වල පාසල් බස් රථය නැති දවසට අපේ බස් එක තමා  113 ජුබිලිකනුව. අපි බජාර් එකම නැගල හිටි වෙලාවක මේ ගෑනු ළමයත් නැග්ග. කරුමෙට ද ඇමෙරිකන් නුත් කොහෙද ඉඳල දෙවෙනි හෝල්ට් එකෙන් නැග්ග. දැන් අපිත් ඉන්න එකේ පොරට වැඩක් පෙන්නනත් ඕන වුණා. පොර "මචන් අමෙරිකාවේ බස් නම්  මාර  ලොකුයි , මාර  සැපයි" කියන ගමන් ගෑනු ළමය ගාවට ඇදුනා. පොර කියනවා අපට ඇහෙන්න "මම මේ ඇමෙරිකාවේ ගිය අරය. මන් ඔයා ගැන ලොකු අටෙන්ෂන් එකකින් ඉන්නේ. ඔයා  නිකන් අමෙරිකන් babe කෙනෙක් වගේමයි.  මන් ඔයාට කැමතියි. " කෙල්ල ටිකක් වෙලා බලන් ඉඳල කියපි: "මේ මම ඔයාට කැමැති  නැහැ. තමුසේ මම තමුසෙට  කැමතියි කියල බොරුත් කියල අපේ අය්යා  ඉන්නේ  හම්බ වෙන කම් අහන්න . වද  නොදී යන තැනක යන්න. " කියල බස්සෙක ඉස්සරහට ගියා. පොර පටස් ගාල  ඊළඟ හෝල්ට් එකෙන් බැහැල 138ක එල්ලුනා. ඊට පස්සේ අපේ පැත්ත පළාතේ ආවේ නැහැ. හැබැයි පොරට එදා ඉඳන් කිවේ "ද පීචං  ඇමෙරිකන්" කියල.

දැන් මේ ගොඩක් ලංකාවේ අය ඇමෙරිකාවට යනවා. ඉගෙන ගන්නවා. මගෙත් හාවඩ්, MIT ආදිය  ඉවර කරපු යාලුවෝ ඉන්නවා. ගොඩක් ඉන්ජිනේරුවොත්  ඉන්නව. හරිම නිහතමානී බුවාලා ඉතින්. නමුත්  ඔය අතරේ ඇමෙරිකාව හිස් මුදුනේ තියාගෙන අදහන කට්ටියත් ඉන්නවා. ඇමරිකන් කාරයෝ කියන ඔක්කොමත් හරි. ලෝකේ ඉන්න ශ්‍රේෂඨතම ජාතිය ඒගොල්ලෝ. මෙන්න මේ වීඩියෝ එකේ අමෙරිකනුවෙක්ම හොඳ පැහැදිලි කිරීමක් කරනවා මේ කතාවට.  පුලුවන්නම් බලන්න.
https://www.youtube.com/watch?v=ML3qYHWRIZk

සමහර මේ අමෙරිකනුවාදී වෙච්ච අයට ඇමෙරිකාවේ බුවාලා කියන කරනදේ විතරයි ඇත්ත . අවුරුදු 250ක විතර ඉතිහාසයක් තියෙන , තවම දුප්පත් මිනිස්සු කැරවාන්  වල ජීවත්  වෙන ඇමෙරිකාවේ සමහර අයට දියුණු වෙන්න පුළුවන් වුනාට හැමොටෝම ඒක කරන්න බැහැ . (ඉගෙන ගත්ත ලංකාවේ අය දෙතුන් දෙනෙක් කලාට).  තාරකා විද්‍යාව දියුණු වේගන එන කාලේ චන්ද්‍රසේකර සිමාව හොයාගත් ඉන්දියානුවා ගැන, අයින්ස්ටයින් ගේ සාපෙක්ෂ්තවාදය ඇසුරෙන් විශ්වයේ පරිණාමයට සමීකරණ ඔප්පු කරපු ෆ්රිද්මන් හා ගැමොව් (රුසියානුවන් ) ගැන , ආවර්තිතා  වගුව හොයාගත් මෙන්දෙල්යෙව් ගැන ඔවුන් ඕන කමින්ම කතා කලේ නැහැ. මාක්ස් ගේ ප්‍රාග්ධනය පරිශීලනය කරලා ආර්ථික විද්‍යාව ගැන කියන ගමන් ඒවා ගැන මතක් කරන්නේවත් නැහැ. ඇමෙරිකාව තාරක විද්‍යාව දියුණු කලේ දෙවන ලෝක යුද්ධයෙන් පස්සේ එහෙ ගිය ජර්මන් හා යුදෙව් (ජර්මන් සම්භවය සහිත) විද්‍යාඥයන් විසින්.  කොටින්ම පිටින් යන මිනිස්සු තමා  ඇමෙරිකාව ගොඩ දාන්නේ. ඉතින් ඇමෙරිකාව දියුණු රටක් වුනාට ධනවාදයේ කෙලෙවරට ගිහිල්ලත් නැහැ. තියෙන ට්‍රිලියන ප්‍රමාණයේ ණයට අනුව යන්නෙත් නැහැ. නැවත යුද්ධයක් පටන් ගත්තේ නැත්නම් චිනේ ණය ටික ගෙවා ගන්නත් බැහැ . ඉතින් විදුරු ගෙවල් වල ඉඳන් ගල් ගසන අපේ යාළුවන්ට කියන්න තියෙන්නේ අපි ගලක් දෙකක් ගැහුවොත් ඕක බිඳිලා විසිරිලා යනවා කියල.


Sunday, 27 April 2014

මුදල් හෝ භාණ්ඩ සංසරණය - ප්‍රාග්ධනය ( අංක 6)

මුදල් හා භාණ්ඩ සංසරණය ගැන තව දුරටත් කතා කරන්න හිතනවා මෙහිදී. එක කාරණයක් මතක් කරන්න ඕනේ. මම ප්‍රාග්ධනය මුළුමනින්ම පරිවර්තනයක් කරනවා නෙමේ. මට වැදගත්ය කියල හිතෙන තැන්  අරගෙන හැකිතාක් සරල විධිහට පරිවර්තනය කරලා පොඩි විමසුමක් හා විවේචනයක් තියෙනවා නම් එය ඉදිරිපත් කිරීම තමා  මම කරන්නේ. සිංහල පරිවර්තන තව ඕන තරම් ඇති. මේ ලිපි පෙලේ අංක පහට කොමෙන්ටුවක් දාල  තිබෙනවා. මාර්ක් තෝන්ටන් මුදල් ගැන දේශනයක් කරනවා. අහල බලන්න. එය ධනවාදී ආර්ථික විශේෂඥයකු වශයෙන් වෙන අමුතු දෙයක් ද කියන්නේ කියල. මාක්ස් කිව්වා වගේ barter හුවමාරුව ගැන කියනවා, ඕනනම් පරිවර්තනය කරලම දාන්නම් . තොර්න්ටන්  නොකියන්නේ මේ medium ඔෆ් Exchange කියන මුදල ශ්‍රමය විකුණන ආකාරය ගැන. මාක්ස් ගැන හරියට නොකියෙව්වම හිතන්නේ මේ මිනිස්සු තමා  හරි කියල. නමුත් ඇත්ත තත්වය තම ඒ ගොල්ල මාක්ස්වාදය පරිශීලනය කරලා තම ඔතනට ඇවිත් තියෙන්නේ. 

1. වටිනාකම මැනීම
මාක්ස් මෙතනින් පසු උපකල්පනයක් ගෙනෙනවා පහසුව සඳහා. එනම් රත්රන් යනු මුදල් - භාණ්ඩයක් වශයෙන්.
මුදලේ ප්‍රධාන කාර්යය වන්නේ භාණ්ඩවලට තම අගය විදහා පෑමට හෝ තම අගය නියෝජනය කිරීමට, ප්‍රමාණය අතින් සමාන ගණනකට (බෙදීම් , එකතු කිරීම, වැඩි කිරීම ආදියට  අනුකුලව )  , ගුණාත්මක භාවයෙන් සමාන දෙයක් සැපයීමයි. ඒ නිසා මුදල විශ්වීය මිනුම් අගයක් ගන්නවා. ඒ නිසා රත්රන් මේ නිසා මේ තැන ඉතා හොඳින් ගන්නවා කියල කිව්වා හැකියි.

නිශ්චිත මිලක් සහිත භාණ්ඩ මොන විධිහේ ස්වරුපයක්ද ගන්නේ:
ඇඳන් 10ක් = රත්රන් කෑලි  8  => commodity A = x gold
පුටු 8ක් = රත්රන් කෑලි 5 => commodity B = z gold
මෙට්ට 6ක් = රත්රන් කෑලි 3 =>  commodity C = y gold
a,b,c (10, 8, 6) නියෝජනය කරන්නේ නියමිත A, B, C කියන (ඇඳ , පුටු, මෙට්ට ) භාණ්ඩ සංඛ්‍යාවක් සහ x, z, y (8, 5, 3) කියන්නේ ඒවාට අදාල වටිනාකම රත්රන් කෑලි වලින් (සංචිතයෙන්) .  ඉතින් මොන භාණ්ඩය  වුනත් රත්රන් වල ප්‍රමාණයෙන් නිර්ණය කල හැකියි. එතකොට කිසියම් නිශ්චිත රත්රන් ප්‍රමාණයක් ඒකක අගයක් ලෙස ගන්න පුළුවන් අපට. එතකොට ඒ ඒකකය එක හා සමාන ප්‍රමාණ වලට බෙදල මිනුම් දණ්ඩක් හදා  ගන්න පුලුවන් . (standard or scale).

එතකොට මේ මුදල කියන එකට එකිනෙකට වෙනස් කාර්යයන් දෙකක් ඉෂ්ට කරන්න වෙනවා. වටිනාකම් හෝ අගයේ මිනුම්  දණ්ඩක් ලෙස හා  මිල දර්ශකයක්  ලෙස. මෙය වටිනාකම් හෝ අගයේ මිනුම්  දණ්ඩක්වුණා  වගේම සමාජය පිළිගත් මිනිස් ශ්‍රමයේ පුනරුප්පත්තියත් වෙනවා. මෙය මිල දර්ශකයක් වෙනවා වගේම කිසියම් නිශ්චිත ලෝහ වර්ගයක බරකුත් වෙනවා. 

මිල කියල කියන්නේ භාණ්ඩය එතුල ගැබ් වී ඇති මුදල්-නාමය (money-name) කියල මාක්ස් කියනවා.  ඒ නිසා මාක්ස් කියනවා මේ භාණ්ඩයක වටිනාකම මුදලෙන් පමණක් කීම මිත්‍යාවක් කියල. හොඳයි දැන් මිල කියල කියන්නේ භාණ්ඩයක වටිනාකමේ ප්‍රමාණය වගේම  මුදල් සමග එහි ඇති  හුවමාරු අනුපාතයේ  නියෝජනය. හැබැයි එහි අඩු වැඩි වීම සහ භාණ්ඩයේ වටිනාකමේ අඩු වැඩි වීම අතර සමාන කමක් නැහැ.
උදාහරණයක් ගමු.  අපි හිතම එක හා සමාන ප්‍රමානයකින් යුත් සමාජයට අවශ්‍ය ශ්‍රමයන් දෙකක්   හාල් කිලෝ දහයකින්   නියෝජනය වුණා  කියල.  මේ හාල්  කිලෝ දහය  පවුම් £10  කියලා (රත්රන් අවුන්ස 2 ක් විතර) . දැන් හාල්  කිලෝ දහයේ මිල වැඩි වුණා  කියල  හිතමු පවුම් 15ට යම් හේතුවක් නිසා (යුද්ධය, අස්වැන්න අඩුවීම වගේ) .  එහෙම නැත්නම් අඩුවුණා කියල හිතමු පවුම් 8ට (£8).  මේ දෙකම (15 හා 8) හාල්  වල මිල අගයන්. පලවෙනි තැනදී හාල්  වල වටිනාකම මුදලින් පිළිබිඹු වෙනවා. දෙවෙනි තැනදී එහි මුදල් සමග ඇති හුවමාරු අනුපාතයේ අඩු වැඩි වීම වලට අනුච්ව තීරණය වෙනවා. ශ්‍රමයේ නිෂ්පාදන බලය වෙනස් නොවී පැවතුනා  නම්,  අපි කලින් උප කල්පනය කල ශ්‍රම දෙක මේ මිල වැඩි වීම අනුව එක්කෝ වැඩි වෙන්න ඕන. නැත්නම් අඩුවෙන්න ඕන.  මේ තත්වය හාල් නිපදවන්නා මතවත්  (ගොවියා) වෙනත් භාණ්ඩ අයිතිකරුවන් මතවත් තීරණය වෙන්නේ නැහැ. (මාක්ස් පාවිච්චි කලේ තිරිඟු).  

මෙහිදී මිලක් ඇති මුත් භාණ්ඩ හෝ සේවා ස්වභාවයක් වන ශ්‍රමයට අදාල නැති දේ තිබිය හැකියි. උදාහරණ වන්නේ නොතාරිස් සීල්  එක, කාගේ  හරි වලව්කාර නාමයක් (title ) මිලට ගැනීම වගේ දේ. මාක්ස් මේවා වල මිල මවාගත් දෙයක් බවයි කියන්නේ.  


Sunday, 13 April 2014

ධනවාදී රටක සමාජවාදී ගම


ධනවාදී රටක සමාජවාදී ගම

මගේ බිරිඳගේ පැත්තේ නෑදෑයෝ ඒ කියන්නේ මගේ බිරිඳගේ මව් පියන් ඉන්නේ කොබර්ග් කියන බැවෙරියානු (ජර්මනියේ ලොකු ප්‍රාන්ත රාජ්‍යයක්) ප්‍රාන්තයේ. මේක පරණ බටහිර ජර්මනියේ ලස්සන නගරයක්.  බිරිඳගේ නෑදෑයෝ පරණ බටහිර ජර්මනියේ මෙන්ම නැගෙනහිර ජර්මනියේද වාසය කරනවා. මේ කියන්න යන්නේ පරණ නැගෙනහිර ජර්මනියට අයත්ව තිබු කුඩා ගමක් ගැන. ජර්මනිය එක රටක් බවට පත්වෙලා දැන් අවුරුදු 24 ක්. ඒ නිසා ධනවාදී සමාජ ක්‍රමයට තමයි අනුගත වෙලා තියෙන්නේ පරණ නැගනහිර ජර්මන් කොටසත්. මේ කුඩා නගරයේ මගේ බිරිඳගේ නෑදෑයන්  සිටින නිසා අපි නිතර එහෙ යනවා. තුරින්ගියා කඳු අතර තිබෙන ලස්සන නගරයක් නිසා සහ හිම ක්‍රීඩාවල යෙදෙන්නට (skiing) ලෙහෙසි පහසු නිසා. හිම ක්‍රීඩාවල යෙදෙන්නට සාමාන්‍යයෙන් සංචාරකයන් යන්නේ ඇල්ප්ස් වලට . එහෙ ගර්මිෂ් කියන නගරයේ සිට සුග්ස්පිට්ස් (Zugspitze) කියන ලොකු කඳුකරයට. නමුත් අපි මේ කුඩා ගමට ගියාම නොමිලයේම ස්කි කරන්න හැකියි. අනික අපේ නෑදෑය  තමා ස්කි කරන භාණ්ඩ කුලියට දෙන ආයතනයේ ඉන්නේ. ඉතින් එයා අපට මේවා නිකම්ම දෙනවා. මේ කුඩා ගමේ නම කර්ස්දොර්ෆ්.
ඉතින් මේ ගමේ ජන සංඛ්‍යාව 650ක් විතර ඇති.

http://en.wikipedia.org/wiki/Cursdorf

මේ ගම හා අහල පහල ගම් සාමාන්‍ය අපි මොස්කව් වල දැකපු විධිහට වඩා වෙනස්. රාජ්‍ය ධනවාදී හෙවත් සමාජවාදීහැඩය තිබු රටවලට සුපුරුදු තට්ටු ගෙවල් වෙනුවට මෙහි තිබෙන්නේ තනි ගෙවල් (තට්ටු දෙකේ සිට තට්ටු කීපයක් ඇති). මේවා හුඟක් විශාලයි. දැන් ලංකාවේ හදන විශාල ගෙවල් වගේ. අනික මේවා හදල ගොඩක් කල්. නැගෙනහිර ජර්මනියේ තිබු රජය මේවා ආණ්ඩුවට ගත්තේ නැහැ. ඒ කාලේ හිටි අය හෝ ඔවුන්ගෙන් පැවත එන ඥාතීන් තමා ඒ ගෙවල් වල ඉන්නේ. මේ ගමේ තවත් වැදගත් අංග කීපයක් තියෙනවා. එනම් ගිනි නිවන හමුදා භට කණ්ඩායම හා එහි මුලස්ථානය. ඒක බලා ගන්නේ ගමේ අයම ස්වේච්චාවෙන්. නිවාඩු තියෙන වෙලාවට ගමේ අය ගිහින් එතැන් අස්පස් කරලා දාල එනවා. ඊළඟට වෙලාව තියෙනේ වෙලාවට ගිනි භටයන් වශයෙන් පුහුණු වෙනවා. ගින්නකදී ලගම ඉන්න පුහුණු වූ අය දුවල ගිහින් ගිනි නිවන යන්ත්‍රය අරන් යනවා ගින්න නිවන්න. ගමේ අය ගෙවන බද්දෙන් කොටසක් කෙලින්ම ඒකේ නඩත්තුවට යනවා.

අපේ නෑදෑයට අවසරයක් දීල තියෙනවා ආණ්ඩුවෙන් ගෝන්නු මරන්න. ගෝනෙක් මැරුවම මෙයා මස් ටික බෙදල දෙනවා. එයාට කෙනෙක්ගෙන් ඒ වෙනුවට ඔවුන්ගේ ගෙදර හදන කුකුලුන් ගෙන් බිත්තර ලැබෙනවා. තව කෙනෙක් ගෙදර හදපු චෙරි පානයක් (මධ්‍යසාර සහිත පානයකි) දෙනවා. තව අය අල, කැරට් ආදී දේ දෙනවා, ගමේ වඩුවා ඇවිත් කැඩිච්ච තැනක් හදල දෙනවා. මුදලට වඩා භාණ්ඩ හා සේවා හුවමාරුවක් සිද්ධ වෙන්නේ. ;එතකොට මුළු ජර්මනියට අදාලව සිදුවන ආර්ථික උද්ධමනය මොවුන්ට දැනෙන්නේ නැහැ. ඔවුන් කිසියම් භාණ්ඩ හුවමාරු ක්‍රම වේදයක් සකසාගෙන තිබෙනවා මේ විධිහට.

මට පරණ නැගෙනහිර ජර්මන් වැසියෙක් මෙහෙම දෙයක් කිව්වා. ස්ටාසි හෙවත් නැගෙනහිර ජර්මන් රහස් පොලිසිය නැති එක තමා හොඳම. අපේ ඔළුවට උඩින් කවුරුත් නැහැ. නිදහස් කියලා . එහෙම නිදහස දුන්නම ඉබේම සමාජවාදී ක්‍රමයකට හුරු වෙච්ච මිනිස්සු ටිකක්.
තවත් දෙයක් කියන්න ඕනේ. බල ශක්ති පාවිච්චිය පිළිබඳව. ඒ ගෙවල් වලට සීත කාලයට උණුසුම් කරගන්න ලොකු වියදමක් යනවා ගෑස් පාවිච්චි කරනවා නම්. මේවා විශාල නිවාස නිසා. ඔවුන් මේ අතින් ඉන්නේ අපට හුඟක් ඉදිරියෙන් (එංගලන්තයටත් වඩා). වහලවල් වල සුර්ය කෝෂ තහඩු සවි කරලා තියෙන්නේ. ඊළඟටකෑම උයනකොට යන තාපය ප්‍රධාන පයිප්ප ජලයට සවි කරලා තියෙන්නේ ඒ තාපයෙන් ප්‍රයෝජනය ගන්න ගේ උණුසුම් කරන්න හා වතුර උණුසුම් කරන්න,. ඊළඟට ඉවත ලන ආහාර, කඩදාසි ආදී ඔර්ගනික අපද්‍රවය වෙනම උදුනකට දානවා. ඒවා දහනය කරන නිසා එයිනුත් තාපය ලැබෙනවා. වතුර උනුකරන්න. මේ උදුනටම වත්තෙන් එන දරත් දානවා. ඉතින් විදුලි වියදම හා ගෑස් වියදම ඉතා අඩුයි . ග්‍රීෂ්ම කාලයට සුර්ය තාප විදුලිය වැඩි නම් ඔවුන්ට ඒක ප්‍රධාන මධ්‍යම ජාලයට විකුනන්න උනත් පුළුවන්. ඒ නිසා ඒ පැත්තෙනුත් ආණ්ඩුවට අත නොපා ජිවත් වෙන්න පුළුවන්. හැබැයි මුල් මුල්‍ය ආධාරය දීල තිබෙන්නේ ආණ්ඩුවෙන්.

Thursday, 10 April 2014

යකාගේ ප්‍රශ්නයේ දෙවන කොටස

යකා  කියනවා මෙහෙම: (මේ යකා ඇවිල්ල ලංකාවේ ඒ දවස්වල හිටිය යක්ෂ ගෝත්‍රයට අයිති කෙනෙක්. ඒ තේරුමෙන් තම යකා කියල නම ගෙන තියෙන්නේ. නොදන්නා අයට  දැනගන්න.) 
මම සාමාන්‍යයෙන් කිසිම කෙනෙකුට අපහාස උපහාස කරන කෙනෙක් නොවෙයි. නමුත් සයිබරයේදී මාක්ස්වාදීන් මට පුද්ගලිකව අපහාස කරමින් ගේම ඉල්ලූ විට මමත් ටිකක් රෝන් සයිඩ් ගියා. මාක්ස්වාදීන්ගේ ආයුධ දෙකක් තිබෙනවා.එකක් නින්දාව අනික ප්‍රචන්ඩත්වය.ඔවුන් හා ගනුදෙනු කරන විට ඔවුන්ට තේරෙන භාෂාවට අවතීර්ණ විය යුතුයි.

මේ කතාවේ තරමක ඇත්තක් තිබෙනවා. මම අසු ගණන්වල කලබල (මර්දනය කියල කියමු) එන්න ටිකකට කලින් ලංකාවට ගියා රුසියාවේ සිට. එහිදී හම්බ වුණා  එක්තරා විශ්ව විද්‍යාලයක ඉගෙන ගත්  මගේ පැරණි මිතුරෙක්. මිනිහ මට කිවා "එයා දැන් ලොකු ළමයෙක් "   අහවල් පක්ෂයේ ප්‍රාදේශීය නායකයෙක් කියලා . ඉදිරියට ලොකු වැඩ කොටසක් කරනවා කියල. එතකොට මම දෙජවී එකේ 1987 ඉන්දියන් හමුදාව ආපු  වෙලාව බස් එහෙමෙ ගිනි තියපු එක දැකල හිටියේ. මම ඒක  විවේචනය කලා . මොන හේතුවක් නිසාවත් මිනිසුන් පාවිච්චි කරන මිනිසුන්ගේ බදු මුදලින් ගත්ත දේ විනාශ කරන්න එපා කියල. හදන සමාජවාදී සමාජයකටත් බස් ඕන වෙනවා කියල. ඒ වගේම මම ඔහුට කිවා සෝවියට් දේශයේ තිබෙන ප්‍රශ්න ගැනත්. ම්නිහ මට සුළු ධනේශ්වර ගොබ්බයෙක් කියල කිව්වා. එයාල සෝවියට් දේශයේ තියෙන එකට වඩා  උසස් එකක් හදන්නේ කියල. කොහොම හරි විශ්ව විද්‍යාල කැන්ටිමේ තේ කෝප්පෙට ගෙවල මම ගියා  යන්න . 88-89 පහුවෙලා ආපු  කලෙක හොයල බැලුව යාලුවන්ගෙන් මැන්ට මොකද වුනේ කියල බලන්න. පව්නේ මොනවා කිව්වත් යාළුවොනේ කියල. මෙන්න මු හොඳ අර ධනවාදී කියපු ඇමති කෙනෙක් ගේ ලේකම් කෙනෙක්. ලමයවත් හොඳම ඉස්කෝලෙකට දාගෙන . යාළුවෙක් කීවා  මු අර බිල්ලෙක් ද මොකෙක්ද කියලත්. අනේ ඉතින් සුලු ධනේශ්වර අපි කවුරුවත්  පාවා  නොදී, කාටවත් ගහන්නේ බනින්නේ නැතුව ධනවාදී රටක දැහැමෙන්  සෙමෙන් ඉන්නවා. ඊට අමතරව මාක්ස්ට ත් තවම සලකනවා ප්‍රඥයෙක් හැටියට.  අර ඊයේ පෙරේද අවමගුලකට ගිය වෙලාවෙත් කවුද කාටද ගහල තියෙන්නේ . ඉතින් මිනිස්සුන්ට මාක්ස්වාදය එපා වෙන එක අහන්න දෙයක්යැ . මාක්ස්ගේ නමින් නේ ගහන්නේ. මාක්ස් හිටියනම් බේරේ වැවට පැනල මැරෙනවා .

මේ ප්‍රශ්න වලට උත්තර මාක්ස්වාදීන් දිය යුතුයි.බොරුවට සමීකරන අරගෙන අපෝහනය කරල ව්‍ය්ත්පන්න කරල මෙතන මහ කැටයම් සාජ්ජ තියෙන සාමාන්‍ය මිනිසුන්ට නොතේරෙන මහා දේව පූජාවක්ය කියල කියන්න ඕන නැහැ. - යකා 

දැන් ඔබ බැලුවොත් සමීකරණ වලින් තමයි ගොඩක් දේවල් නිරාකරණය වෙන්නේ. ලෝකය අපට ගණිතමය සමීකරණවලින් වටහා ගත හැකියි. අභ්‍යවකාශ  විද්‍යාව, ඉංජිනේරු විද්‍යාව වගේ දේට සමීකරණ අපෝහනය කරන්න අවශ්‍යයි. තද වචන නැතුව සමීකරණ ඔප්පු කරන්න ඕනේ කියල කියමු නේද. දැන් මම ලියන්නේ පුළුවන් තරම් සරල සිංහලෙන්. ඕක ඔය ලංකාවේ මාක්ස්වාදීන් කියල කියන කට්ටිය විතරක් නෙමේ . හැමෝම කරන දෙයක්නේ. තමන් දන්නවයි කියල පෙන්නන්න බර වචන දාන  එක.  අපි සමීකරණ වලින් ගණනය කරන්නේ නැතුව ලොකු පාලමක් හැදුවොත් ඒක කඩා  වැටෙන්න පුළුවන්. මාක්ස්ගේ සමීකරණ ටික ටික සාකච්චා කරමු. ඊළඟ මගේ ලිපියේ එකක් (සමීකරණයක්) එනවා. 

වහල් වැඩවසම් ආදී වශයෙන් සිදුවන්නේ යයි කියන සමාජ පරිනාමය , 
හොඳයි මේක මාක්ස් කිව කියල හිතන්නේ නැතුව තමන් කල්පනා කරලා බලන්න. ගල් යුගයේ ඉඳන් මිනිස් සමාජය / ඉතිහාසය පරිණාමය වුනේ කොහොමද. මාක්ස් අමතක කරන්න.  මේ ප්‍රශ්නයත් ඉදිරියට එන නිසා ඒ වෙලාවට ආයි  කතා කරමු. 

කම්කරුවාට පමණක් හිමි අතිරික්ත වටිනාකම - අතිරික්ත වටිනාකම කම්කරුවට පමණක් හිමියි කියල කොහෙද තියෙන්නේ . මේ ප්‍රශ්නයත්  ඉදිරියට එන නිසා ඒ වෙලාවට ආයි  කතා කරමු.  (කලින් එක වගේම) 
සියල්ල ආර්ථිඅකයට ඌණනය කිරීම - මේක පැහැදිලි කරන්න 

උත්තර කොමියුනිස්ට් සමාජයේ මිනිසුන් රහත් වීම (මිනිස් සොබාවය අතිඋත්තර සොබාවයක් ගැනීම ) - මේකට මෙන්න මෙහෙම උත්තරයක් දෙන්නම්.  දැන් ඔබ හා මම ඉපදුන රට , මම ඉතාම දැඩි ලෙස ආදරය කරන රට ගැන බලමු.  දැන් ඔය රටේ මිනිස්සු බල්ලෙක් දැක්කම ගල් වලින් ගහනවා. පුසෙක් දැක්කොත් මරනවා. පැටව ලැබුනම පන්සල් වත්තට ගිහින් දානවා.  මාක්ස්වාදියෝ විරුද්ධ වාදීන්ට ගහනවා මරනවා. විරුද්ධවාදීන් මාක්ස්වාදීන්ට දස වධ දීල මරනවා.  පක්ෂ වල එවුන් එකාට එකා මරා ගන්නවා. ආගම්  හතරක් පහකුත් තියෙනවා  ඒ මදිවට, ඒ ගොල්ලොත් ගහ ගන්නවා. . හැබැයි ඔයා  බනින්නේ මාක්ස් කිව්ව දෙයක් ගැන.   දැන් බලමු මාක්ස් මොකක්ද කිව්වේ . එංගලන්තයේ හා ජර්මනියේ කාර්මික විප්ලව සිඳුවී කම්කරු පන්තියක් ඇති වෙලා තියෙන නිසා විප්ලවයක් සිදු  වේය හෝ කොමියුනිස්ට් සමාජයක් බිහි වේය කියලනේ. එහෙම වුනේ නැතත් ධනවාදී එංගලන්තයේ හෝ ජර්මනියේ මිනිස්සු කොහොමද ? ඒ මිනිස්සුන්ගේ සත්ව කරුණාව කොහොමද? අනික සෝවියට්  වැසියන් වුනත් නරක නැහැ. මම ඕන තරම් ගෙවල් වලට ගිහින් කාල  බිල විනෝද වෙලා තියෙනවා. ප්‍රශ්න අඩු මිනිසුන්  තමා මේ වගේ හොඳින් ඉන්නේ. ඉතින් මාක්ස් උපකල්පනය කලා  ධනවාදයේ අය  මේ තරමට ශිලාචාර නම් මින් පස්සේ එන කොමියුනිස්ට්ච්වාදය මිට වඩා  හොඳ වෙයි කියල.  ඒකටත් වැරැද්දක් ඔයා  හදා ගන්නවා .
අපේ රටේ (ලංකාවේ) වැඩි දෙනා  නරක නැහැ.  අනුන්ට උදව්වක් කරගෙන් කවුරුත් සින්දුවක් කියාගෙන ඉන්න හොඳ ජනතාවක්. ප්‍රශ්න වැඩි වුණාම තමා  කවුරුත් නරක්  වෙන්නේ නේද. ? 


මේවා පිළිගන්න පුළුවන්ද .මේවා මාක්ස් එන්ගල්ස් සීයල දැක්ක හීන නොවෙයිද? ඊයේ  පෙරේදා  දැකපු සිහින  අද සැබෑ වෙනවා කියල අහල නැද්ද :) 

යකාගේ ප්‍රශ්න වැලට තනි උත්තරයක් - පලවන කොටස

මෙතන ඔබට දැක්ම පිළිබද ගැටළුවක් තිබෙනවා. විද්‍යාත්මකව ඔප්පු නොකළ දේවල් ඔබ පිළිගන්නෙ නැත්නම් ඔබ විද්‍යාවට පිටුපසින්. - යකා 
මට ඔය කතාවම යෝහොව අදහන කට්ටියත්, මළවුන්ට කතා කරන කට්ටියත් , කතෝලික  යාළුවොත් ආදී මෙකි නොකී හැමෝම කියනවා. එතකොට ඔප්පු කරන්න බැරි දේ පිළිගන්න එකා විද්‍යාවටත් ඉදිරියෙන් ඉන්නේ. ඒ කට්ටිය තම ඔය මරා ගන්නේ ඇෆ්ගනිස්ථානයේ, සිරියාවේ එහෙම. 

එහෙම නොවෙයි.පරීක්ෂන.නිරීක්ෂණ,නිරීක්ෂන වලින් ලැබෙන දත්ත විග්‍රහ කර නිගමනයන්ට එළබෙනවට අමතරව දුමක් පෙනේ නම් ගින්නක්ද තිබිය යුතුය කියන උපකල්පනය සත්‍ය ලෙස හිතල ඊට සමාන වෙනත් අවස්ථා නිරීක්ෂනයෙන් අර උපකල්පනය සත්‍ය වූ විට එම උපකල්පනය එම රාමුවට අදාලව සත්‍ය ලෙස පිළිගන්නවා. අදාල නොවන දේ වෙනත් රාමුවක.එතකොට කිසිම දෙයක් මඟ හැරෙන්නෙ නෑ.  යකා 

ඉතින් මනුස්සයෝ ඕකනේ විද්‍යාත්මක ක්‍රමය. තර්කනුකුලාව හොයා බැලීම, දත්ත එක් රැස්  කිරීම , විශ්ලේෂණය,  උපකල්පනය කල නියමය නිරීක්ෂණ හා ප්‍රබල දත්ත මගින් , අනුමත කිරීම - ඕව තමයි විද්‍යාත්මක විධිහට කරන ව කියන්නේ. නැතුව සුදු ලෝගුවක් ගහ ගෙන lab  එකක් ඇතුලට වෙලා කරන දෙයක්ම නෙමේ. 

උදාහරනයක් ලෙස කුඩා දරුවෙක් පෙර ආත්ම කියනව.
එම දත්තයන් ඔහුට කිසිවෙකුවිසින් උගන්වා නැත්නම් එය පෙර ආත්මයක් තමයි. එහෙම නැතිනම් භූතයෙක් උගන්වලා. ඔය දෙකෙන් එකක්. බෞද්ධයන් මුල් එක පිළිගනිද්දි අන්‍යාගමිකයන් භූතයෙක් (සාතන් ) මේ දැනුම පොඩි එකාට දුන්න කියල කියනව. කොහොඅම්හරි පොඩි එකා චාටර් වෙන්නෙ නැතිව ඒ විස්තර කියන්නෙ කොහොමද
උපකල්පන වලින් ලබන ඒ දැනුම විද්‍යාවෙන් සනාථ හෝ අනාථ විය හැකියි.ඒක එතකොට බලමු.  යකා 


මම ඔබට ඊයේ කිවේ මම - Dr l Stevenson පොත් කියවල dr Brian Wiess ගේ ඒවා කියල මේ මතය තවත් තහවුරු කරගෙන හිටිය කියල. Stevenson ගොඩක් පොඩි ළමයි කියන කතා අහල වාර්තා ගත කරලා තියෙනවා. මෙන්න මෙහෙම දෙයක් වෙන්න පුළුවන්. දැන් ජාන  තියෙනවනේ. ඔය ජානවල කිසියම් මතකයන් රැඳිලා  තියෙනේවනේ.  උදාහරණයක් වශයෙන් අපේ මවට හරි පියාට හරි දියවැඩියාව තිබ්බ නම් අපට ජාන  මගින් ඒක  එනවා. ඒ වගේම හැඩ රුව  පවා මව්පියන්ගෙන් ළමයින්ට යනවා. ඔය ජාන වලින් එන ලෙඩ අරව මේවට අමතරව තව හොයා නොගත් මතකයන් තිබෙන්න පුළුවන්.  දැන් මේ පළාතේ උපන් ළමය තව පළාතක මැරුණ කෙනෙක් ගැන විස්තර කියන කොට මෙහෙම වෙන්න බැරිද. ඒ වෙන පළාතේ මැරුණ  කෙනෙක් මේ පළාතේ කෙනෙක් බැඳලා තිබෙනවා. ඒ බැන්ද  කෙනාගේ ළමයෙක්  මේ ළමයාගේ පවුලේ කෙනෙක් බඳිනවා. එයාගේ ළමය ඔය ආත්මය කියන ළමය නම්, එයාගේ අප දකිනවට වඩා  වැඩි මතකයන් ඇති ජානයක් එක පාරටම (on  වෙලා )  වැඩ කරලා ළමය කියන්න පටන් ගන්නව ජාන  ජාතකේ. 

අනික බුදු හාමුදුරුවෝ කිව්වයි කියන්නේ , උපදින පුද්ගලයා මමත් නෙමේ වෙන  අයෙකුත් නොවේ කියලනේ.  එතකොට බුදු හාමුදුරුවෝ මේ ජාන  වල මතකයන් ගැන වෙන්න බැරිද දේශනා කලේ.  ඒක  අපේ කට්ටිය මාක්ස්ව වරදවා තේරුම් ගන්නවා වගේ බුදු හාමුදුරුවෝ වරදවා තේරුම් ගත්ත වෙන්න බැරිද?
පොතක් තියෙනවා David  Duncan  ගේ "The  Geneticist  who  planned  hoops  with  my DNA "කියල. පුලුවන්නම් බලන්න.  ඉතින් මේක අපි වීද්‍යාවෙන් සනාථ හෝ අනාථ වෙනවද කියා බලා  ඉඳිමු

Wednesday, 9 April 2014

හුවමාරුව හා මුදල් - Exchange (අංක 5)

Exchange: හුවමාරුව 
මිනිසුන් භාණ්ඩ වල අයිතිකරුවන් වශයෙන් තමා  ඉන්නේ හෝ පැවැත්ම හැටියට හඳුනාගන්නේ.  ආර්ථික වේදිකාවේ රඟ  දක්වන්නන් යනු ඔවුන් අතර පෞද්ගලික කරන ලද ආර්ථික සම්බන්ධතා පමණයි.  භාණ්ඩවල අයිතිකරුවන්ට එහි ඇත්තේ භාවිතමය නොවන අගයක්  යයි කියන මාක්ස්, එහි අයිතිකරුවන් නොවන අයට භාවිතමය අගයක් ඇතයි කියයි. එම නිසා අනිවාර්යයෙන්ම භාණ්ඩ අතිනත මාරු  විය යුතු යයි ඔහු පවසයි.
- මෙහිදී මට මාක්ස්ට එකඟ වෙන්න පුලුවන්ද කියල ප්‍රශ්නයක් පැන  නගිනවා? එනම් මම මා වෙනුවෙන් පමණක් මගේ භාවිතය සඳහා පමණක් භාණ්ඩයක් නිපදව ගත්තොත් ? පොල් කොහු වලින් මම මටම ලණුවක් නිපදවා ගත්තොත් මට එය හුවමාරු කිරීමට ඕන වෙනවද?
(මෙතන මම මාක්ස්ගේ ප්‍රාග්ධනය සම්පුර්නයෙන්ම පරිවර්තනයක් කරනවා නොවෙයි.  මාක්ස් කියල තියෙන වැදගත් හරිය විතරක් අරගෙන විවේචනයක් කිරීමයි කරන්න බලා  පොරොත්තු වෙන්නේ. )
මින්පසු මාක්ස් කියනවා මේ අතිනත මාරු වීමම තමා හුවමාරුව වන්නේත් සහ එම සම්බන්ධය මත එය හුවමාරු වටිනාකම (value ) වන්නෙත් කියා. ඒ කියන්නේ ඕනෑම නිෂ්පාදන භාණ්ඩයක් භාවිතමය අගයකට (වටිනාකමකට)  කලින් අගයක් (වටිනාකමක්) ඇතිකරගත යුතුයි. මේක ටිකක් අපබ්‍රන්සයක් වගේ නිසා මාක්ස් මෙහෙම උදාහරනයකුත් දෙනවා.
භාණ්ඩ අයිතිකරුවන් ගොතේ ගේ අර ප්‍රසිද්ධ ෆෞස්ට් නමැති චරිතය වගේ කියල. 
(http://en.wikipedia.org/wiki/Goethe’s_Faust)
“In their difficulties our commodity owners think like Faust: ―Im Anfang war die Tat.‖ [―In the beginning was the deed.‖ – Goethe, Faust.]
මුලදී තිබුනේ කාර්යය පමණයි - ෆෞස්ට්
භාණ්ඩ අයිතිකරුවන් තමන් හිතන්න කලින් කරනවා, නැවත නැවත කරනවා - මොකද්ද? හුවමාරුව.  ඔවුන්ට තම භාණ්ඩයේ අගය හොයා ගන්න නම් එක වෙන ලෝක සම්මත භාණ්ඩයක් සමග සැසඳිය යුතුයි. (කලින් සටහන් වල පෙන්නුවා වගේ) නමුත් මේ එක භාණ්ඩය ලෝක සම්මත මාධ්‍යය (universal equivalent )  බවට එක සමාජීය කාර්යයකින් පත්වන්නේ නැත. මුළු මහත් නිෂ්පාදන භාණ්ඩයන්ගේ සමාජීය කාර්යයක් (මුළු නිෂ්පාදන ක්‍රියාවලිය තුල ) තුල එක භාණ්ඩයක අගය මගින් අනිත්  සියලු භාණ්ඩවල අගයවල් නියෝජනය වන්නේය. එම එක භාණ්ඩයේ භෞතික ස්වභාවය සමාජය පිළිගත් හුවමාරු  මාධ්‍යය බවට පත්වන්නේය . සමාජීය ක්‍රියාවලියක් මගින් මේ ලෝක සම්මත මාධ්‍යය , මේ හුවමාරු භාණ්ඩයේ අගය අනිත් භාණ්ඩ වලින් වෙනස්ව පවතී. මෙය මුදල money බවට පත්වේ.

ඊළඟට මාක්ස් කියනවා නොමෑඩ්  (හෙවත් අහිගුන්ථක ) ජාතීන්  මුලින්ම මේ මුල්‍ය (මුදලේ භාවිතය) ආකාරය පාවිච්චි කල බව. ඔවුන්ට අයිතිවෙලා තිබුනේ ඉක්මනින්  තැනකින් තැනකට ගෙන ගිය හැකි දේ පමණයි. ඔවුන්ට වෙනත් ජාතින් සමග සම්බන්ධ වීමේ අවස්ථා වැඩි නිසා ඔවුන් භාණ්ඩ හුවමාරුව ප්‍රධාන වශයෙන් කල පිරිසක්. (ලංකාවෙත්  මේක එහෙමයි. එහෙම අය  ගම්  පළාත්වල හිටිය ) . වහලුන් පවා මුදල් වෙනුවට ආදේශ කල හැකි තත්වයක තිබ්බ. වහලුන් තැනින්  තැනට ප්‍රවාහනය කල හැකි නිසා.
නමුත් ඉඩම් (තැන තැන ගෙන ගිය නොහැකි) මේ තත්වයට ආවේ නැහැ. ඉඩම් මුදල් වෙනුවට ආදේශ වීමට පටන් ගත්තේ ධනවාදී සමාජය දියුණු වීමත් සමගයි. 17 වන ශතවර්ශයේ මුලින්ම පටන් ගත අතර වැඩි දියුණු වුයේ ප්‍රංශ ශාන්වාදී විප්ලවයෙන් පසුවයි. 

රත්රන් සහ රිදී ස්වභාවයෙන්ම  මුදල් නොවේ නමුත් මුදල් ස්වභාවයෙන්ම රත්රන් හා රිදී බව මෙම ලෝහ වල භෞතික ලක්ෂණ වලින් පෙන්නුම් කරයි. මේ මොහොත දක්වා අප හඳුනාගත්තේ මුදල් යනු භාණ්ඩවල අගය විදහාපාන දෙය වශයෙන් හෝ භාණ්ඩවල අගයයන් පරිමාවෙන් වැඩි වෙන අයුර සමාජමය වශයෙන් පෙන්වන දෙයක් වශයෙනුයි. 

අනිත් භාණ්ඩ වගේම මුදල නමැති භාණ්ඩය තම අගයේ (වටිනාකමේ)  ප්‍රමාණය (පරිමාව) පෙන්වන්නේ වෙනත් භාණ්ඩ වලට සාපේක්ෂවයි. මෙම අගය එය නිපදවීමට ගිය ශ්‍රම කාලය මත තීරණය වෙන අතර , එය පෙන්විය හැකි වන්නේ (සාක්ෂාත්  කර ගත හැකි වන්නේ )  ඒ හා සමාන නිෂ්පාදන ශ්‍රමයක් වැය  කර නිපදවන තව භාණ්ඩ ප්‍රමාණයක අගය හරහායි. මුදලේ එවැනි ප්‍රමාණාත්මකව තීරණය වන සාපේක්ෂ අගය ඇතිවන්නේ නිෂ්පාදන මුලදී සිදුවන හුවමාරු ක්‍රියාවලියේදී. මේ නිසා මුදල් සමාජයේ භාවිතයට එළඹෙන විට එහි අගය තීරණය වී ඉවරයි. 17 වන ශත වර්ෂයේ අවසාන භාගයේ මුදල භාණ්ඩයක බව පෙන්නුම් කල අවසාන වුවත් මෙය අවසන් විග්‍රහයේ සුළු පියවරක් පමණයි. අපේ දැවෙන ප්‍රශ්නය වන්නේ මුදල් යනු භාණ්ඩයක් යයි වටහා ගනිමම නෙමෙයි, නමුත් කොහොමද, අයි හා මොන මාර්ගයෙන්ද භාණ්ඩ මුදල් බවට පත් වුයේ කියා සොයා ගැනීමටයි. 

භාණ්ඩයන්ට  තම අගයන් තමන්ගේ කිසිම උත්සහයක් නැතුව තමන් සමග සම්බන්ධ වෙන වෙන භාණ්ඩයක් හරහා මුලුමනිනමනියෝජනය  කිරීමට හැකිවී ඇත. රත්රන් හා රිදී යන ද්‍රව්‍ය පොළොවෙන් උඩට ගත්  වහාම මුළු මානව ශ්‍රමයේම උත්පත්තිය  නියෝජනය කරයි. මුදලේ විජ්ජාව මෙයයි.

ඉහත මාක්ස් ගේ හුවමාරුව ගැන කියමන් මිට වැඩිය තේරුම් යන ආකාරයෙන් ලියන්නට නම් ඒ පරිච්චේද ඒ ආකාරයෙන්ම පරිවර්තන කරන්න සිදු වෙනවා. ඒ නිසා මේ තරමට තම කරන්න වෙන්නේ. මීළඟ ලිපියෙන් මේ හුවමාරුව පිලිබඳ නවතම උදාහරණයක් සපයන්න බලා  පොරොත්තු වෙනවා. 

Friday, 4 April 2014

මාක්ස් ගේ ප්‍රාග්ධනය හා රාජ්‍ය ධනවාදය - (අංක 4)

මාක්ස් ගේ ප්‍රාග්ධනය ගැන ලියන්න හිතුන කාරණා  කීපයක් තිබෙනවා. ඉන් එකක් තමයි රාජ්‍ය ධනවාදය පිලිබඳ අදහස. මේක මම ලඟදි වෙන බ්ලොග් එකක් (අරුණි ශපීරෝ ගේ ) කියවල ඒ වෙනුවට රාජ්‍ය ධනවාදය පිලිබඳ අදහස ඉදිරිපත් කරමින් දුන්න  උත්තරයට ලැබුනේ අපහාසාත්මක වදන් වැලක්. අපි "සෝවියට් දේශය කඩා වැටුනට පස්සේ ඒකටත් ධනවාදයටම  දෝෂාරෝපණය කරනවා  කියල". ඒවා නිකන් හරියට හිතන්නේ නැතුව කියන කතා. මොකද රාජ්‍ය ධනවාදය කියන අදහස මට මුලින්ම නැගුනේ දේශපාලන ආර්ථික විද්‍යාව ඉගෙන ගන්න මුල් හරියදීම. මාක්ස් කිව විදියේ සුරා  කෑම තිබෙනවානම්, ලාභාංශය හොයනවනම් ඒ ලාභය රජය හා පක්ෂය මිනිසුන්ගේ කැමැත්තට පිටින් රාජ්‍ය යන්ත්‍රය  ශක්තිමත් වීම හා පක්ෂය ශක්තිමත් වීම කරා  යනවනම් එතන රාජ්‍ය ධනවාදයක් නැත්ද කියන ප්‍රශ්නය මගේ හිතට නැගුන දෙයක්.
මාක්ස් කිවේ කොමියුනිස්ට් සමාජය ගොඩ නැගෙන විට රාජ්‍යය අහෝසිවී යමක් ගැන නේ. නමුත් රුසියාවේ උනේ ඒකෙ  අනිත් පැත්ත .
 අපි 80 අවසාන දශකයේ  එහෙ ඉන්දැද්දී කොමියුනිස්ට් වාදය උගන්නපු ගුරුවරු පවා හිතුවේ ආර්ථිකය නිදහස් කර රාජ්‍ය බලය පවත්වා ගත යුතුයි කියල. එක ටිකක්  වර්තමාන චීන ක්‍රමයට සමානයි. නමුත් ආර්ථිකය විවුර්ත කරන්නේ නිදහස් ආර්ථික මොඩලයට (වෙළඳ කලාප වගේ) නෙමෙයි. නිෂ්පාදන ක්‍රමයන් හා කර්මාන්ත ශාලා පක්ෂයේ හා රජයෙ අයිතීන් මුදවා කම්කරු සෝවියට් සභා වලට පැවරීම. එක එහෙම වුනේ නැහැ. ලෙනින්ට ඕනේ විදියට. ස්ටාලින්ට ඕන විදියට නිර්ධන පන්ති ආඥාදායකත්වය එසේම තියාගෙන රාජ්‍යය හැම අස්සක් මුල්ලක් නාරම අතු විහිදුවා ගත්තා . මේක නෙමේ විය යුතුව තිබුනේ. රාජ්‍ය ධනවාදය කියන අදහස ආවේ එහෙම.

අපට විදුලි ඉංජිනේරු විද්‍යාව සඳහා  ප්‍රයෝගික (practical ) වැඩ තිබුනේ අන්තිම අවුරුදු කීපයේ විදුලිබලාගාරවල . නමුත් ඊට කලින් තිබුනේ කම්හල් වල. ඒවල  වැඩ කරපු පුහුණු ශ්‍රමිකයෝ ගොඩක් පැය  අට හරියට වැඩ කලේ නැහැ.  මම ඒ මොකද කියල ඇහැව්වම එක කම්කරුවෙක් දුන්නේ අපුරු උත්තරයක්. එයා  කිව්වේ " මාක්ස් කියල තියෙන්නේ දල වශයෙන් වැඩ කරන පැය  අටෙන් 4යි කම්කරුවට පඩිය වශයෙන් ලැබෙන්නේ. ඉතිරි පැය හතර ලාභය වශයෙන් ධනපතියට යනවා කියල. නමුත් මෙතන ඒ පැය හතරේ ලාභය යන්නේ පක්ෂයේ හොර නඩේට සහ නිලදාරී ටිකට . ඒ නිසා අපි පැය  හතරයි වැඩ කරන්නේ " කියල. මම කිව නමුත් ඔබේ ළමයින්ට ලැබෙන නිදහස් අද්‍යාපනය, නොමිලේ සෞඛ්‍ය සේවාව , ලාභ ප්‍රවාහන පහසුකම අඩිය ලැබෙන්නේ වැඩ කලොත් නේද කියල. එතකොට් අමිනිහ කියපි, ඇයි  මගෙන් බදු කපන්නේ මොකටද කියල. මම වැඩිය වාද  කරන්න ගියේ නැහැ. මටත් කලින් යන එක ලේසි නිසා.

නමුත් මෙතන තිබුනේ ගොඩක් ඔඩු දුවපු ප්‍රශ්නයක්. සෝවියට් දේශයේ අන්තිම කාලේ  ආර්ථික වර්ධනය බින්දුවයි. රට ඔහේ යැවුන විතරයි.  රාජ්‍ය ධනවාදය ඒකෙ  කරන්න පුළුවන් අන්තිම කෙලෙවරට වගේ ඇවිල්ල තිබුනේ.

ඉතින් අපට මාක්ස් නැවත හදාරන්න අවශ්‍ය වෙන්නේ ඒකයි .  ප්‍රග්ධනයේ වැදගත්ම කොටස් ටික අරගෙන , ඊට  විරුද්ධව තියෙන මතවාදත්  සාකච්චා කරලා මොන වගේ සමාජයක්ද එන්න ඕනේ කියන නිගමනයට එන්න පුළුවන්.

ප .ලි
නමුත් මේ රාජ්‍ය ධනවාදය කියන අදහස අරුණි ගේ එකක හැටියට ත්‍රිමාණ වෙබ් අඩවියේ දාල තියෙනවා http://3mana.com/%E0%B6%B4%E0%B7%8A%E2%80%8D%E0%B6%BB%E0%B7%81%E0%B7%8A%E0%B6%B1%E0%B7%80%E0%B6%BD%E0%B6%A7-%E0%B6%9A%E0%B7%99%E0%B6%A7%E0%B7%92-%E0%B6%B4%E0%B7%92%E0%B7%85%E0%B7%92%E0%B6%AD%E0%B7%94%E0%B6%BB%E0%B6%9A/
ඒක  වැරදියි :
මගේ ඒ comment එක තියෙන්නේ මෙතන:
http://arunishapiro.wordpress.com/2014/02/25/%E0%B7%80%E0%B7%84%E0%B6%BD%E0%B7%99%E0%B6%9A%E0%B7%8A-%E0%B7%80%E0%B7%99%E0%B6%B1%E0%B7%80%E0%B7%8F-%E0%B6%AF-%E0%B6%B1%E0%B7%92%E0%B6%AF%E0%B7%84%E0%B7%83%E0%B7%8A-%E0%B7%80%E0%B7%99%E0%B6%B1/#comments

මේක : Dharmakeerthi said, on පෙබරවාරි 28, 2014 at 8:00 පෙ.ව.
සෝවියට් දේශයේ තිබ්බේ රාජ්‍ය ධනවාදයක් අරුණි . අපි කවුරුත් ඒක සමාජවාදයක් හැටියට නම් කරන්නේ නැහැ. lenin ge NEP පිළිවෙත war communism වලින් පස්සේ ගෙනාවෙත් ඒකයි . නමුත් ස්ටාලින් එය නැවත රාජ්‍ය ධනවාදයටම හැරෙව්වා . kapital එක කියවනවානම් Marx රාජ්‍ය ධනවාදයක් පිහිටුවන්න කියල නැහැ. සෝවියට් දේශය ජීවත්වූ හා දැනට නව ලිබෙරල්වාදී රටක ජීවත් වන අයෙක් වශයෙන් මම නව ලිබෙරල් වදයට කැමතියි . නමුත් එයින් රාජ්‍යය අහෝසිවී කොමුනිස්ට්වාදයට යනවට ඊට වඩා කැමතියි. හැබැයි ඔබ කියන පරණ සමාජවාදී ක්‍රමයට නොවේ. මන් හිතනවා නොර්වේ රාජ්‍යය ඉක්මනින්ම කොමියුනිස්ට්වාදයට යයි කියා. – අජිත්
අරුණිගේ පිළිතුර:
arunishapiro said, on පෙබරවාරි 28, 2014 at 4:09 ප.ව.
Ajith Dharmakeerthi,
සමාජවාදය බංකොළොත් වුනාම ඒකටත් මොකක් හරි ධනවාදී ලේබලයක් අලවන හැටි!!!!
ධනවාදය හඳුනා නොගෙන එයට වැරදි ලේබල් ගැහැව්ව මාක්ස් එයාගෙ දාස් කපිතාල් එකේ සමාජවාදී රාජ්‍යයක් හැදෙන හැටි ගැනත් කියා දීලා නැතිකම තමයි ලොකුම අඩුපාඩුව. සෝවියට්ලාට කලින් ඒක පැහැදිලි කරල නැහැයි කියල අවබෝධ කරගත්තේ ඔස්ට්‍රියන්-ජර්මන් අධිරාජ්‍යයයි. අනගි පාරට්ටු බාන අය ඒවා ඉෂ්ට වෙන හැටි නොපෙන්වන එක එදත් එහෙමයි අදත් මෙහෙමයි.
නව ලිබරල්වාදයට රාජ්‍යයක් අහෝසි කරන්න බැහැ. එතකොට කොහොම ද තමන් උපයන්න තමන් කැමති විදියට පරිහරණයට කැමති වෙහෙසෙන්නාගේ මහන්සිය මංකොල්ල කන්නෙ?!!!! තවත් විදියකින් අහන්නම්, උපයන්න අය නැත්නම් බෙදන්නෙ කොහොම ද?
ඔබ බලාගෙන ඉන්න නෝර්වේ රාජ්‍යය ඉක්මණින්ම කොමියුනිස්ට්වාදයට යනකම්. ඒ අතරෙ නෝර්වේ වැසියන් තමන්ගෙ ඉහළ යන ජීවන වියදම ගැනත් 60 ගණන් වල දී හොයාගත්ත තෙල් නිධි වලට වෙළඳපොලේ තරඟයක් නොවේවි ද යන්න ගැනත් (ඇමෙරිකාව ෆ්‍රැකින් පටන් ගත්තම) කල්පනා කරලා ධනවාදය ක්‍රියාවට නංවනවා. එහෙ ව්‍යාපාරිකයන්ට ඇති නිදහස, වෙළඳාමට ඇති නිදහස, පුද්ගලික දේපල අයිතිය ආරක්ෂාව අද ඇමෙරිකාවේ වගේමයි. ඒත් ඔවුන්ගෙ බෙදලා දෙන්න දන්නවා කියන ආණ්ඩුවේ මැදිහත්වීම නිසා ඔවුන් උපයන මුළු ආදායම (gross) සහ ඔවුන් බදු ගෙවූ පසු වියදම් කරන්නට ලැබෙන ආදායම (disposable income) දෙකම ඇමෙරිකාවේ වැසියෙක්ට වඩා අඩුයි. බටහිර නොවන සංක්‍රමණිකයා නිසා නෝර්වේ රජයට ක්‍රෝන මිලියන 4.1 ($713,740.30) වැය වෙන අතර ක්‍රෝන බිලියන 70 billion kroner ($12,185,810,000) වසර හතක දී සංක්‍රමණිකයන් නිසා රටට අහිමි වෙලා තියෙනවා. පාකිස්තානි, සෝමාලි, ලිතුවේනියන් අය ඇදී එන්නේ ඔයා වගේ නව ලිබරල්වාදයට පිංසිද්ධ වෙන්න කියලා අනුන් හම්බ කරන ධනයෙන් යැපෙන්න තමයි!!!!

Wednesday, 2 April 2014

ජනරලේ ලියුම - තාක්ෂණයේ දියුණුව හා මානව සංහතියේ විනාශය

ජනරළ පුවත්පතේ  2014 මාර්තු 14 කලාපයේ ඉහත  මාතෘකාව "තාක්ෂණයේ දියුණුව හා මානව සංහතියේ විනාශය " යටතේ ලිපියක් ලිය තිබුණා . බලු බැල්මට කතාව ඇත්ත   වගේ පෙනෙන ලිපියක්. ගොවියන් නිෂ්පාදනය කරන බව භෝග සියල්ල විෂ රසායනික ද්‍රව්‍ය යොදා ගෙන කරන නිසා පාරිභෝගිකයන්ගේ ශරීර සෞඛ්‍ය විතරක් නෙවේ පරිසරය පවා විනාශ  වෙන බව. ඒක ඇත්ත . මේක දරුනුවටම ක්‍රියාත්මක වෙනවා ලංකාව වගේ රටක.නමුත් මේක දැනට සමජවාදී යැයි  නාමිකව කියා ගන්න රටවල පවා භාවිතා වෙන දෙයක්. පලදාව  වැඩි කර ගැනීමට කරන උත්සාහය සඳහා මිනිසුන් යොදාගන්න තවත් එක්  උපක්‍රමයක්. මේකෙන් වෙන අතුරු අබාධ ඇති වෙන බව දැන් තම පිළිගන්නේ. ඉතින් දියුණු ධනවාදී රටවල දැන් නැවත පලිබොධ  නාශක භාවිතා නොකරන එළවළු  පලතුරු  විකිණීම ජනප්‍රිය වේගෙන යනවා. ඉතින් මේක ධනවාදයේ ප්‍රශ්නයක්ම නෙමෙයි. ධනවාදී ක්‍රමයකට උත්තර නැති ප්‍රශ්නෙකුත් නෙමෙයි.

මේ ලිපියේම තව කීප තැනක තාක්ෂනය නිසා සිදුවුණා යයි හිතන අකටයුතුකම් රාශියක් තියෙනවා . එනම් ට්‍රැක්ටරයක් ගත්තම එයින් ගමේ කීප දෙනෙකුගේ රස්සා නැතිවීම , එහෙමෙ නැත්නම් ගත්ත නය ගෙවන්න බැරිවීම. ලිපියේ උලුප්පල තියෙන්නේ ට්‍රැක්ටරයේ වැරැද්ද . ලංකාවේ තියෙන ක්‍රමය යටතේ අතරමැදි ව්‍යාපාරිකය අස්වැන්න මිලදී ගත්තේ නැත්නම් ගොවියට වස බොන්න  වෙන තත්වයක් නේ තියෙන්නේ . ගොවියා කොහොමද අස්වැන්න ගත්තේ කියන එක වැදගත් නැහැ.
අපි බලමු ලෙනින් මොකද කිව්වේ කියල (NEP ) එක හෙවත් නව ආර්ථික පිළිවෙත යටතේ.  ඔහු කිවේ කුඩා ගොවීන්ට හොඳ අස්වැන්නක් ගන්න අමාරුයි පොඩි පොඩි ඉඩම් කෑලි වල වගා කරලා. ඒ වගේම යන්ත්‍රෝපකරණ (ට්‍රැක්ටර් වගේ ) පාවිච්චියත් වියදම වැඩියි. මොකද ඉඩම පොඩි නිසා . (කල්පනා කරලා බලන්න , ට්‍රැක්ටරයකට ඩිසල් වලට යන වියදම හා වගාවේ ප්‍රමාණය මත අස්වැන්නේ ඵලදායිතාවය තීරණය වෙන්නේ නැද්ද කියල ) ඉතින් ලෙනින් උපකල්පනය කලා,   සෝවියට් කොමිසාර්  වරුන් ලවා ගොවීන්ට පැහැදිලි කරලා කිව්වොත් තමන්ගේ ඵලදායිතාවය වැඩි කරගන්න පුළුවන් ගොවීන්  තමන් ස්වේච්චාවෙන් එකතු වෙලා ඉඩම් ටික සමුහ විධිහට නවීන ක්‍රම උපයෝගී කරගෙන අස්වද්දුවොත්  , ඵලදාව වැඩි වෙනවා කියල. ඉතින් දුන්න නිදහස යටතේ "යුධ කොමියුනිස්ට් වාදය - war  communism  " ඉවර කරලා ඇති වුන අවුරුදු කීපයේ ගොවීන්ගේ අස්වැන්න වැඩි වුණා . (සංඛ්‍යා  ලේඛන ඇත) . නමුත් අපි දන්නවා ස්ටාලින් පස්සේ ගොවින් බලෙන් එකතු කරලා සමුහ ගොවිපලවල ගාල්  කරලා අකමැති අය  මරල (කොසැක් වරුන් ) මේ ක්‍රියාදාමය කඩා  කප්පල් කලා  කියල.  නමුත් පසු කලෙක සෝවියට් සමුහ ගොවිපලවල් සාර්ථක වුණා ඔවුන්ට තරමක් ස්වාධීනව කටයුතු කරන්න ඉඩ දුන්නට පස්සේ .  දුෂණ වැඩි වුන නිසා නැවත ඒවා අසාර්ථක වුණා  සෝවියට් දේශයේ අවසාන කාලයේ. හැබැයි මේ සමුහ ගොවිපළවල් වල ඇති විශාල යන්ත්‍ර සුත්‍ර භාවිතා කරලා කරන වැඩ ගොවියට සැහෙන්න ලේසි කරලා ගොවියාත් එක්තරා විධිහකට කම්කරු හෝ පුහුණු ශ්‍රමිකයකුගේ තත්වයට පත් කරලා තිබුනේ.

මේ ලිපියේම තව කීප තැනක තියෙනවා යන්ත්‍ර සුත්‍ර දියුණුව නිසා රැකියා නැති වෙන බව. ධනවාදීන් ලාභය වැඩි කර ගන්න මිනිසුන් රැකියා වලින් එලවා  දමා නුතන යන්ත්‍රෝපකරණ භාවිතය වැඩි කරන බව.  මේ ලිපියේ මෙන්න මෙහෙම කියනවා. (උපුටා දක්වමි) //"ඒ දියුණු තාක්ෂණයත් කරන්නේ අපි ලවාම  අපිව වනසන එකයි. ඒ සමහර මැෂින් නිසා තුන් හතර දෙනෙකුගේ රක්ෂා නැති වෙන අතර සමහර මැෂින් වලින් 10 දෙනෙකුගේ විතර රක්ෂා නැති වෙනවා. ගණන් හදල බලන්න. ඒ මැෂින් දහස් ගණනක් රටේ ක්‍රියාත්මක වෙන කොට ලක්ෂ ගණනාවක් මිනිසුන්ගේ රක්ෂා අහෝසි වෙන කොට. "//
එතකොට තව ටිකක් කියව ගෙන යන කොට මෙන්න මේ කතාවම ආයේ  වෙන විධියකින් ."// මුලදී කතා කරපු ආහාර තාක්ෂනය වගේම , නිෂ්පාදන තාක්ෂණයත් දියුනුයිලු. බොහෝ කාර්මික නිෂ්පාදන සඳහා අධිබල නිෂ්පාදන යන්ත්‍ර පොහොසත් රටවල් හරහා වෙළඳ පොලට එනවා. මහා පරිමාණයේ හා කුඩා පරිනාමයේ දේශීය නිෂ්පාදකයන් ඒවා තම කර්මාන්තවලට යොදවන්නේ මහා කෑදරකමකින් යුතුවයි. එක කාලයක 1000ක් වැඩ කරපු ඒ කර්මාන්ත ශාලාවේ අර මැෂින් යෙදුවට පස්සේ වැඩ කරන්නේ 200ක් 300ක් විතරයි. ඉතිරි 700ක් විතර වන පිරිස එලියට විසිවුණා ."//
දැන් මෙන්න මේ ටික කියවන කොට හිතෙන්නේ මාක්ස්වාදය අනුව හිතල ලියපු එකක් නොවන බව.  මේ කියන්නේ පොල්පොට් වාදයට  යමු කියල. ධනවාදයට සම්බන්ධ හැම උපකරණයක්ම විනාශ කරලා , ආපහු ගොවි බිම් වලට ගිහින් අවුරුදු දහස් ගනනකට කලින් තිබ්බ ක්‍රමයේ ඉඳන් පටන් ගන්න ගිහින් මිලියන් කි දෙනෙක් කම්භෝජයේ මැරුවද? මැරුණද ? චීන සංකෘතික විප්ලවය සමයේ කලෙත් එකම නේද. මේ විධිහට හිතන එකත් වැරදි කියල ඉතිහාසයෙන්ම ඔප්පු වල තියෙද්දී මෙතනට ජනතාව නැවත  රැගෙන යන්න හදන්නේ ඇයි ?

වහල් අවධිය, වැඩ වසම් යුගය පහු කරමින් ධනවාදයට ලෝකය ඇවිල්ල තවම අවුරුදු 200ක් වත් නැහැ. වැරදුනු සමාජවාදී ක්‍රම කීපයක් තිබ්බ , තියෙනවා තමයි. නමුත් ධනවාදී සමාජ ක්‍රමයක ඇතිවන දියුණුවට පස්සේ තමයි මාක්ස්වාදයට අනුව කොමියුනිස්ට්වාදී  සමාජ ක්‍රමය බිහි වෙන්නේ. කර්මාන්ත බිහි වීම. නවීන යන්ත්‍රෝපකරණ බිහි වීම , නව බිජ ව්‍යපෘති ක්‍රම බිහි වීම අනිවාර්යයි. නමුත් මේ ක්‍රමයේ වැරදි මතු වෙනවා . පරිසර විනාශ සිදු වෙනවා.  සමාජය හා රට මේ ව්‍යසනයෙන් බේරා ගන්න තමා  වෙන ක්‍රමයක් අපට අවශ්‍ය වන්නේ . අප විරුද්ධ විය යුත්තෙ මිනිසාට   වැඩ කිරීම පහසු කරන, වෙලාව ඉතුරු  කරන  නවීන තාක්ෂනයට නෙමේ . ඒ අනුව ඉතුරු වන ශ්‍රමය වෙන  දේට යොමු කිරීම.
එංගලන්තයේ කර්මාන්තශාලා වැහෙන කොට රට ඉබේම service economy එකකට හෙවත් සේවා සපයන ආර්ථිකයකට හැරුන. මිනිසුන්ට වන රැකියා අවස්ථා හැදීම සහ මිනිසුන්ගේ වෙලාව , සංස්කෘතික වැඩට, ඉගෙනීමට ක්‍රීඩා වලට යොමු කිරීම ආදී දේ කල යුතුයි. අපට වෙන ග්‍රහ ලෝක ගවේශනය කරන්න පවා ඉදිරියේදී සිදු වේවි . මේවට ශ්‍රමය අවශ්‍යයි. එය හරියට මේ පවතින ක්‍රමය තුල කළමනාකරණය කර ගන්නට  බැරි අවස්ථාවක්  මතු වෙනවා. නාසා  (NASA ) ආයතනය කල විද්‍යාත්මක අධ්‍යනයක  මේ පිළිබඳව සඳහන් වෙනවා.  මෙන්න මේ යොමුවෙන් එක ගැන තොරතුරු බැලුව හැකියි. //

Nasa-funded study: industrial civilisation headed for 'irreversible collapse'?

http://www.theguardian.com/environment/earth-insight/2014/mar/14/nasa-civilisation-irreversible-collapse-study-scientists //
මෙයින් කියන්නේ මේ කාර්මික දියුනුව මේ යන විධිහට පරිසරය විනාශ කරමින් ගියොත් බිඳ වැටෙන බවයි. ඉතින් ඉහත ලිපියේ මුලික අදහස හරි වුනත් විය යුත්තේ තාක්ෂණයට හා එහි දියුණුවට එරෙහි වීම නොව කොමියුනිස්ට්වාදී සමාජ ක්‍රමයක් තුල එය හරි මගට ගැනීමයි . මොකද නාසා එක කියන්න කලින් මාක්ස් ඒක  එහෙම වෙනවා කියල අවුරුදු එකසිය ගානකට කලින්  , කියල තියෙන නිසා.