මෙතෙක් කතාව කියවන්න ඕනේ නම් මේ ලින්ක් වලට යන්න.
විස්කි කතාවෙන් පස්සේ බ්‍රයන් සහ මයිකල් වඩාත් හිතවත් කමක් දැක්වූවා කියා කිවොත් නිවැරදියි . හැබැයි අර සංක්‍රමණිකයන්ට බනින එක සහ රස්සා නැති අය රජයේ සහනාධාර ගන්න එකට බනින එක නම් අඩු වුනේ නැහැ. හැබැයි මේ ඕන තැනකදී වර්ණවාදයක් නම් ඇදල ගත්තේ නැහැ . ඒ මම හිටි නිසාද යන්න තේරුනේ නැහැ .
ඔය අතරේ ඉනෙස් ගේ මාතෘ නිවාඩු කාලය අවසන් වෙලා රැකියාවට යන්න කාලේ ඇවිත් . අපේ අම්මත් ආපහු ගිහින් . ඉතින් අපි දැන් හිටු කියල පුංචි ෂනායා ව තියල වැඩට යන්න නර්සරි හොයනවා . ජර්මනියේ ඒවා ඉතා හොඳයි නේ . සමාජවාදී රටවලත් එක හොඳ දෙයකට තිබුනේ පුංචිම පුංචි ළඳරුවන් බලාගන්න නර්සරි හෙවත් පෙර පාසැල් ඉතා හොඳ තත්වයේ ඒවා . ළමයිනට කෑම බිම දී , සෙල්ලම් ආදිය කරවලා, නිදාගැනීමේ සිට අසනීප වුනොත් බලන්න කියල හෙදියන් පවා සමහර ඒවල ඉන්නව . බලා ගන්න සේවිකාවෝ එක්කෝ ගුරුවරියන්. නැත්නම් ඔවුන්ට ළමයින් සම්බන්ධ උපාධියක් හෝ වෘත්තීය ඩිප්ලොමා එකක් හෝ තියනව. ස්කැන්ඩිනේවියානු රටවල තත්වයත් ඒකමයි. ඉතින් අපි හිතුව එංගලන්තෙත් එහෙම ඇති කියල .
ඉනෙස් ගෙවල් ළඟ තියෙන ඒවලින් පටන් අරන් රජයේ සහ පෞද්ගලික නර්සරි බොහොමයකට ගියා . එක්කෝ ඒවායේ කාමර අපිරිසිදුයි. නැත්නම් වැඩ පිළිවෙල හොඳ නැහැ එයාට. කුස්සි හෝ නිදන තැන ළමා ඇඳන් (කොට්ස්) එහෙම හරි නැහැ. අන්තිමට බැරිම තැන මේ පැත්තේ ගණන් වැඩිම තැනක් හම්බ වුනා . ඩේවිඩ් ලොයිඩ් සෙන්ටර් කියල. ඒක රැකියා කරන අයට ජිම් එක, පූල් එක , බාර් එකක් විතරක් නෙමේ බෝලින් සෙන්ටර් එකක් , බිලියඩ් ටේබල් ආදිය ඔක්කොම තියන තැනක්. ළමයි තියා යන්නත් පුළුවන් . ගාන සැරයි. ඒ කාලේ සතියකට පවුම් එකසිය පනහක්. අපි දෙන්න සාකච්චා කරලා බැලුව. ගෙවන්නා පුළුවන් දෙන්නම වැඩ නිසා . ඒත් ඉතින් ජර්මනියේ ලෙවල් එකටම නම් නැහැ .
ඉනෙස් SAP කන්සල්ටන්ට් කෙනෙක් ලෙස මට වඩා හම්බ කරනවා. එයාට ජර්මනියට එන්න කියල තියෙන්නේ මෙහෙ ඔෆිස් එක වහනවා කියල එයා කිව්වා අපි ජර්මනි යමු . ඔයා ගෙදර ඉඳල ළමය බලා ගන්න, කියල . ඔයා ජර්මන් ඉගෙන ගන්න, රෑට ක්ලාස් යන්න මම ගෙදර ආවට පස්සේ . ළමය ලොකු වුනහම රස්සාවකට යන්න පුළුවන් . ඕක ඉතින් කරන්න පුළුවන් මගුලක් ද කියල තමා ඒ දවස් වල හිතුනේ. ඒ නිසා කෙලින්ම බැහැ කිව්වා . ඒ දවස් වල ස්කිල්ස් වලට ජොබ් දෙන සීන් එක තිබුනෙත් නැහැ ජර්මනියේ . හැබැයි දැන් තියෙන මොළේ ඒ කාලේ තිබුන නං ගෙදර නැවතිලා ළමයි බලනවා. පොතක් පතක් කියවගෙන.
ඉතින් අපි ලමයව දැම්ම ඩේවිඩ් ලොයිඩ් . ඉනෙස් උදේට එයාව ලොයිඩ් එකට දාල වැඩට යනවා එහෙම්ම. ටික දවසට පස්සේ එයා කියනව , අද ඔයා ලමයව ගෙනියන්න මම අම්ම හින්දද මන්ද එයා දාල යනකොට දුව අඬනව කියල. දුවට අවුරුද්දට ටිකක් අඩුයි . ළමය අරන් ගිහින් පුෂ් චෙයාර් එකේම තියල යන්න හදන කොට දුව අඬන්න පටන් ගත්ත. බොහොම ළාබාල අවුරුදු 17-18 ක යුවතියක් ඇවිත් කීව,
"ළමය තියල යන්න. ඔයා ගියහම ළමය ඇඬිල්ල නවත්වයි" කියල.
මම නිකමට වගේ එතන තිබ්බේ පිට්ටනියේ දෙපාරක් විතර ඇවිදලා විනාඩි දහයකට පස්සේ ආයේ ගියා ළමය බලන්න . කෙල්ල හෝ ගාල අඬනව ඒ අතරේ තව ලමයි දෙතුන් දෙනෙකුත් අඬනව. ඇතුලේ කවුරුත් නැහැ . එළියේ බලන කොට පොඩි කෙල්ලෝ දෙතුන් දෙනෙක් සිගරට් බොනවා . ඇතුලේ කුස්සියේ තව පොඩි කෙල්ලෙක් ටුනා මාළු ටින් එකක් කඩනවා. අපට කියල තිබ්බේ ඒ ගොල්ලෝ ළමා කෑම අලුත්ව හදල දෙනවා කියල . අනික සිගරට් බොන්න තහනම් ළමයි බලන තැන්වල . මැනේජර් පේනතෙක් මානෙක නැහැ . මම ළමය අරන් ගෙදර ආව වැඩට යන්නේ නැතිව . ඉනෙස් ගෙදර ආවහම අපි කල්පනා කළා මොකද කරන්නේ කියල. අල්ලපු ගෙදර අච්චි අම්ම බලන්න එන දුව කීව , ඔය ලොයිඩ් එකට ළමය දාන්න එපා, පොඩි ළමයෙක් මැරිලා කවුන්සිල් එකෙන් වහල තිබ්බ අවුරුදු දෙකක් කියල . බ්‍රයන් පොලිසියේ හිටි නිසා බ්‍රයන් ගෙන් ඇහුවම කතාව ඇත්ත . අපි හොයල බැලුවහම කවුන්සිල් එකේ පොඩි කෝස් එකක් කෙරුවහම ඕන කෙනෙකුට නර්සරි දාන්න පුළුවන් . වෙන සුදුසුකම් හොයන්නේ නැහැ. ඉනෙස් එහෙම්ම ගෙදර නැවතුනා රස්සාව අත ඇරලා ළමයා බලා ගන්න. ආපහු ජර්මනි යන අදහසත් අත හැරියා .
හැබැයි අපට අමාරුයි, දෙන්නෙක් ගේ පඩියෙන් පහසුවෙන් රන් වුනු ගෙදර එක්කෙනෙකුගේ පඩියෙන් රන් වෙන්නේ උනහම . මෝර්ගේජි , බිල් ටික එකතු වෙලා එනකොට ලෙහෙසි නැහැ . අපරාදේ කියන්න බැහැ ඉනෙස් කොහොම හරි ඇදගෙන ගියා. අර කරදර එන කොට ගෙඩි පිටින් එනව කියනව වගේ අපේ පරණ ගෑස් බොයිලරේ ලෙඩ දෙන්න ගත්ත . පරණ බොයිලර් කියන්නේ ලෙඩ තමා . සොල්දරේ වතුර ටැංකියක් තිබ්බ . ඒකෙන් පහලට ඊළඟ ටැංකියට වතුර එනව . ඒක රත් කරන්න ඕනේ උණු වතුර එන්න. හරියට වැඩ කරන්නේ නැහැ . පයිලට් ගෑස් එක නිතර නිමෙනවා . ගෙදර රත් කරන ටැංකියත් රත් වෙන්නේ නැහැ .
මේ සිස්ටම් එක වෙනස් කරන්න හෙන ගානක් යනව . ඒ කාලෙ පවුම් 2000-2500 විතර අලුත් බොයිලර් එකකට සහ ඒක සෙට් කරන්න. මේ වසර 2002 වගේ.
මම දවසක් ඕක අල්ලපු ගෙදර බ්‍රයන් ගේ බෝඩිම්වකාරය මයිකල් ට කීව. මයිකල් ඇහුව,
"ඇයි ඕක බ්‍රයන් ට කියන්නේ නැත්තේ" .
මම ඇහුව,
"බ්‍රයන්ගෙන් ණයක් ඉල්ලා ගන්න කියලද ? එහෙනම් ඉතින් මට ක්‍රෙඩිට් කාඩ් එකෙන් කොහොමත් ගෙවන්න පුළුවන් නේ කියල. ඒත් ඉතින් ඒකත් ගෙවන්න එපැයි. පස්සේ "..
"නැහැ නැහැ , බ්‍රයන් උඹට අඩු ගානට කරල දෙයි , කොර්ගී රෙජිස්ටර්ඩ් ගෑස් ඉන්ජිනියර් කෙනෙක් නේ." කියල මයිකල් කීව. ඉස්සර ඔය කෝගි කියන ලියා පදින්චිය නැති කෙනෙක් බොයිලරයක් පිහිටුවල තිබ්බොත් ගෙදර රක්ෂණ සහතිකය වලංගු නැහැ . අනික අනතුරුදායකයි නේ නොදන්න කෙනෙක් ගෑස් පයිප්ප සෙට් කරන්න ගිහින් . දැන් ඒ කෝගි එක ගෑස් සේෆ්ටි රෙජිස්ටර් කියල වෙනස් කරලා තියෙන්නේ . ඕක පාස් වෙන්න කෝස් එකක් කරන්න ඕනේ .
ලන්ඩන් මෙට්‍රොපොලිටන් පොලිසියෙන් අවුරුදු පනහේදී විශ්‍රාම යන්න පුළුවන් . බ්‍රයන් විශ්‍රාම ගිහින් ඊට පස්සේ ගෑස් බොයිලර් ඉංජිනේරුවෙක් වශයෙන් ට්‍රේන් වෙලා. දැන්නම් මට පුදුමයි . ඒ විශ්‍රාම වැටුප නරක එකක් නෙමේ . නමුත් මේ මනුස්සය කියනව . මට ගෙදර නිකන් ඉන්න කම්මැලියි . බොන්න , නිවාඩු යන්න සල්ලි ඕනේ . ඒ නිසා මේකත් ඉඳහිට කරනවා කියල .
මම ඉතින් මගේ ප්‍රශ්නේ කියල, කීයක් ගන්නවාද කියලත් ඇහුව. බ්‍රයන් ටිකක් වෙලා කල්පනා කරලා කියනව.
"මෙහමයි. උඹ කොම්පියුටර් ඉන්ජිනේරුව . මම බොයිලර් ඉන්ජිනේරුව . මම ඕක උඹට දාල දෙන්නම් මට සල්ලි එපා . බොයිලර් එක උස්සල ඔතන තියන්න විතරක් උදව් කරපන් . උඹ මම කියන හොඳ ජාතියේ කොම්බි බොයිලර් එකක් ගනින් . ඔය තියන ක්‍රමේ පරණ වාතයක්. ඒ වෙනුවට , ඒ වෙනුවට." මෑන් පොඩ්ඩක් බර කරල කීවේ ඒ ටික . "මට මගේ කොම්පියුටරේ ප්‍රශ්න වලට උදව් කරපන් . මට පොඩි ප්‍රෝග්‍රෑම් එකක් තියනව . ඒක හිරවෙලා තියෙන්නේ . මට ඒකෙ තියන විස්තර ගන්න විධිහක් නැහැ . ඒකත් හදල දීපන්."
නිකන් හිටිය මට අහල ගියත් ඇති කියන්නැහේ මම එකෙන්ම කැමති වුනා . අපි සෙනසුරාදා දවසක කොම්බි බොයිලරයක් ගත්ත . ඒ කියන්නේ වතුර කෙලින්ම එළියේ ලයින් එකෙන් ගන්නවා . ඒක බොයිලර් එකෙන් රත් කරලා උණු වතුරට ගන්නවා . අනිත් වෙලාවට උණු වතුර ගේ රත් කරන රේඩියේටර් සෙට් එකට යවනව . හැබැයි උණු වතුර භාවිතා කරන කොට ගේ රත් කරන එක කපා හරිනවා . ඒක අවුලක් නෙමේනේ. හැම වෙලේම ගේ උණුසුම් කරන්න ඕනේ නැහැනේ . බ්‍රයන් මුලින්ම උඩ සොල්දරේ වතුර ටැංකිය කපා හැරිය . කෙලින්ම බටේ පහලට සෙට් කරා කොම්බි බොයිලරේ හරහා යන්න . ගෑස් ලයින් එකත් දැම්ම . උණු වතුර , ඇල් වතුර ලයින් දෙකත් සෙට් කළා. අවශ්‍ය තැන වැල්ඩින් කරලා හෙම . මෑන් ඇත්තටම දක්ෂයි . ඉනෙස් ටත් හෙනට සතුටුයි වැඩේට . පයිලට් ගෑස් එකක් පත්තු කරන්න ඕනෙත් නැහැ . ඉබේ පත්තු වෙනවා . සේෆ්ටි පැත්තෙනුත් හොඳයි .
මම කිව්වා , බ්‍රයන් ඕන වෙලාවක කොම්පියුටර් ප්‍රශ්නයක් කියහන් . සෙට් කරලා දෙන්නම් කියල . ඒ දවස් වල මම ගෙදර කොම්පියුටරේ කවදාවත් සල්ලි වලට ගන්නේ නැහැ . කොම්පියුටර් මාකට් කියල ලන්ඩන් වල හෝ එංගලන්තේ හැම තැනම කොම්පියුටර් කෑලි විකුණන පොළවල් තිබ්බ . ඒ වලින් කොම්පියුටර් එකකට අවශ්‍ය කොටස් - මදර් බෝඩ් එක වෙනම, රැම් ටික, එතනෙට් කාඩ්, සවුන්ඩ් කාර්ඩ් , ග්‍රැපික්ස් කාඩ්, කේබල් ඔක්කොම වෙන වෙනම ගෙනත් සෙට් කරලා හදා ගන්න එක තමා කලේ . ඉතින් අපිට හොඳ අවබෝධයක් තිබ්බ . මම අමතර ආදායමක් ගන්න සමහර වෙලාවට ගෙවල් වල ප්‍රයිවෙට් ගිහින් පරිගණක ට්‍රබල් ෂූටින් කරනවා . ඒ දවස් වල පැයට පවුම් 15- 25 අතර වගේ තමා ගන්නේ ඒවාට . මම ඒත් කල්පනා කළා බ්‍රයන් ගේ කොම්පියුටරේ කොපමණ පාරක් කැඩෙනවාද දන්නේ නැහැ මට මේ වැඩේ මෑන් නිකන් කරල දුන්නේ කියල .
ඒත් ඉතින් ඒ එක්කම කල්පනා වුනා දක්ෂිණාංශික අදහස් තිබ්බට මේ මනුස්සය වැඩ කරන්න කැමති කෙනෙක් නේ. පරණ ට්‍රැෆික් පොලිස් සාජන්ට් කෙනෙක් කියල ඔලුවක් නැතිව වෙන රස්සාවකටත් පුරුදු වෙලානේ . ඉතින් රැකියාවක් කරන්නේ නැතිව නිකන් ආණ්ඩුවේ සහනාධාර පඩිය ගන්න එවුන්ට බනින එකේ සාධාරණත්වයක් තියනව නේද කියල . ඇත්තටම මෙහෙ එහෙම ගෑස් ඉංජිනේරුවෝ අඩුයි . ගෙවල් වල වයරින් කරන්න හෝ හදිසියකට හෝ ඉලෙක්ට්‍රිශියන්ල නැහැ . ඒකටත් අර විදුලි වයරින් සහතිකයක් තියනව මට දන්නවා වුනත් කරන්න බැහැ. සහතික නැතිව කරන අය ඕන තරම් ඉන්නවා . හැබැයි රක්ෂණ සහතිකේ ට කෙලවෙනවා හරියට නීතියට කලේ නැත්නම්. බ්‍රික් ලේයර්ස් (ගඩොල් තියන්න ) ලා නැහැ නමුත් අර රස්සා නැති වුන් ඒවාට පුරුදු වෙන්නෙත් නැහැ. නිකන් ආණ්ඩුවේ සල්ලි අරන් ඉන්නව. අවුරුදු ගණන් බදු ගෙවන අයට ඉතින් මළ පනින්නේ නැත්ද ඔය වැඩේට?
අජිත් - 27/10/2024
+++++++++++++++👌🙏💐😊
ReplyDeleteස්තූතියි ඇනෝ
Deleteකෙනෙක් ගැන අපි කරන තක්සේරුවත් සැබෑ පුද්ගලයත් අතර සෑහෙන පරතරයක් ඇතිවෙනවා. හිතන හැටි හරි කියලා හිතෙන කොටම මෙන්න වෙනස් වෙලා.
ReplyDeleteඒක ඇත්ත . මිනිස්සු පොත් වගේ කියනවනේ . ඇතුල කියවන්නේ ටික දෙනයි
Deleteමෙහෙත් මම දන්න යාලුවෙක් හිටිය හොඳට ජොබක් කරගෙන. උගෙ බාල පුතා mildly autistic කියල ආන්ඩුවේ පට්ට සහනාධාරයක් හම්බුවෙනව. උගෙ තව යාලුවෙක් කියල මොකොටද බං ජොබ් කරන්නෙ කියල ඌ ජොබෙනුත් අස් වෙලා පවුලම ජීවත්වුනා අර සහනාධාරයෙන් සෑහෙන කාලයක්. සහනාධාර කියන දේවල් අවභාවිතා කිරිම සෑහෙන්න වැඩියි විශේශයෙන්ම අපේ රටවල් වලින් ඇවිල්ල ඉන්න එවුන්ගෙන්.
ReplyDeleteඒකත් ඇත්ත . මට කරන්න බැරි වෙඡාම වැඩක් . ගන්න පුළුවන් කාලෙත් ගත්තේ නැහැ . බ්‍රයන් අපිත් එක්ක සෙට් වෙන මූලික හේතුවත් ඒකමද දන්නේ නැහැ . මම දන්නා කෙනෙක් හිටිය . ඇල්කොහොලික් කියල සහනාධාර ගන්නවා ජොබ් එකට යන්න බැහැ කියල . උගේ ගෙදර ගියහම බෝතල් හැම තැනම . වයිෆ් පොඩි රස්සාවක් කරනවා . අපි බොන ගානට තමා බොන්නේ . ජිපී (දොස්තර ) අපේ කෙනෙක් . ලියල් දෙනවා අර ලෙඩ මේ ලෙඩ ඔක්කොම . අර බෝතල් හැම තැනම දාල තියෙන්නේ කවුන්සිල් එකෙන් එන එවුන්ට පේන්න . කවුන්සිල් එකෙන් එන්නෙත් අමුම ගොබ්බයෝනේ . මාසෙට දෙපාරක් ද කොහෙද ඇල්කොහොල් නවත්වන්න තියෙන සායන වලට යන්න ඕනේ . එක ආබාධිත බෙනිෆිට් ගානට වැටෙන්නේ . ඕවගේ කේස් බොහොමයක් තියනව .
Deleteඑහෙම කියන අයගේ හේතුවකුත් තියනව සාධාරණිකරණය කරන . අපේ රටවල් මුන් හූර කාල පොහොසත් වුනේ මුන්ගෙන් ගත්තට කමක් නැහැ කියල . එතකොට අපි වගේ වැඩ කරලා බදු ගෙවන උන් . - උඹලත් එහෙම කරපල්ලා - කැ* සුද්දට කෙලවන්න ඕනේ . ඔය ආස්ථානය කොපමණ හරිද වැරදිද මම දන්නේ නැහැ .
Delete//උඹලත් එහෙම කරපල්ලා - කැ* සුද්දට කෙලවන්න//
Deleteහ්ම්.....හර්ද සාක්කියක් නැති මිනිස්සු. ඔය තරම් පහත් තත්ත්වෙට වැටුනාම ඕනම බලු වැඩක් කලෑකි, කැතක් නැතුවම. මට පුදුම අජිත් තාම එහෙම අය ඇසුරු කරන එකයි. එක අතකට අනතුරුදායකයි කියල හිතෙන්නෙ නැද්ද?ඔහොම එකෙකුට, යාලුවොන්ට කෙලවන එක සුලු දෙයක්.
මෙහෙ වුනත්, හැමෝම නීතියෙන් එක සමාන වුනාට, මේසෙ යටින් සුදු හමට සැලකිල්ල වැඩියි. සුදු හම වුනත්, නැගෙනහිර යුරෝපයේ නම් කෙනහිලි තියනවා. ඒකෙ මහ ලොකු අමුත්තක් නෑ. අපි රටේ මහජාතිය විදිහට සුළු ජාතින් ගැන වපර ඇහැම තමයි. එහෙමයි කියල, කැත විදිහට සිස්ටම් එක උලා කන එක moral compass එකක් ඇති එකෙකුට කරන්න ඇහැකි දෙයක් නෙමෙයි.
ලෙසටම ගාණ කපන අර නර්සරි කාරයො කරන්නෙත් ඒ වගේම බාල වැඩක්. ඒකෙන් පෙන්නුම් කරන්නෙ, පවතින සමාජයේ පරිහානිය කියලයි මට හිතෙන්නෙ.
Deleteමට එහෙම යාලුවෝ නම් නැහැ දැන්. ඒ කාලේ දැනගෙන හිටි අය තමා . හැම රටකම එක වගේ සෙට් එකක් ඉන්නව කියා තමයි මට නම් හිතෙන්නේ . නර්සරි කාරයන්ගේ සිට කෙයාර් හෝම් දක්වාත් තවත් ඒ වගේ තැනුත් - එකම සංසිද්ධිය. මෙහා සොමලියන් සෙට් එක කරන වැඩක් තමා පුළුවන් තරම් ළමයි ගෙන්නලා තමන්ගේ ළමයි කියල චයිල්ඩ් බෙනිෆිට් ගන්න එක . ඒක හැබැයි නැගෙනහිර් යුරෝපිය සෙට් එකත් කරනවා . එහෙ ඉන්න ළමයි මෙහෙ ඉන්නේ කියල දාන එක .
Deleteකැ* සුද්දගෙන් ගත්තට කමක් නැහැ කියන උන් අමතක කරන ප්‍රධානම කාරනේ තමයි මේ සල්ලි දෙන්නෙ කැ* සුද්ද නෙවෙයි උඹල අපි වගෙ වැඩ කරන බහුතරයගෙ පොකට් එකෙන් කියන එක.
Deleteකෞශල්‍ය , ඒක හරි .අන්තිමට වෙන්නේ ඒක . රජ්ජුරුවෝ ඔය හොඳින් ඉන්නේ .
Deleteරසවත් ලිපියක්. එක හුස්මට කියෙව්වා.
ReplyDeleteකියන්න දේවල් නං බොහොමයි. සැරින් සැරේ ඇවිත් කියන්නං.
හොඳයි හොඳයි
Deleteබ්‍රොයිලර් ඉංජිනේරුවෙක් කිවේ එතුමා කුකුළු මස් කොම්පැනියකද සේවය කරන්නේ?
ReplyDeleteෆ්‍රී රේන්ජ් මස් විතරයි අපි නං කන්නේ.
කොහෙද බ්‍රොයිලර් කියල ලියල තියෙන්නේ
Deleteබ්‍රයන් ගේ විත්ති නියමයි
ReplyDeleteහරි කැමතියි කියවන්න
ස්තූතියි කුමුදු
Deleteඒ ලිපිය හොඳයි . හැලපයාගේ නේද බ්ලොග් එක .? මම හැලපයගේ බ්ලොග් වල කොමෙන්ට් දාන්නේ නැහැ . කවදාවත් අපේ ඒවාට එන්නේ නැහැනේ යුඇන්පී කාරයෝ නිසා . 😀
ReplyDeleteඅම්මප වැඩේ කියන්නෙ අජිත් මහත්මයා කොම්බි බොයිලර් එකක් ගනිද්දි අපි සොම්බි බොයිලර් ලදරම වීසි කරපු එක. 😂😂😂
ReplyDeleteදවසේ කමෙන්ට් එක 👍👍👍😂😂😂. ඔය නාකි සොම්බිය එක්ක ඇයි ඔච්චර තරහ ඔබතුමා ?
Deleteමොක්ක හරි වෙලාද දන්නේ නැහැ . අනික අපි ඔය බටලන්ද වගේ දේවල් ගැන ඇත්තටම දන්නේ නැහැනේ . නන්දන ගේ පොත කියෙව්වට ලොකු විස්තරයක් නැහැ .
Deleteලස්සනට ලියල තියෙන කතා මාලාවක් අජිත්, ලංකාවේ අමන මරිමෝඩ දේශපාලන කුණු ගොඩවල් ගැන ලියන්න නාස්ති කරන කාලය මේ වගේ වැදගත් පෝස්ට් ලියන්න යොදවන්න පුළුවන් නම් ගොඩක් වටිනවා මොකද ඇත්තටම අනේ අපට අප්‍රියයි දැනට ලංකාවේ දේශපාලනය තුල ඉන්න උන් සියල්ලම..එක්කො හොරු එක්කො බොරු ටොන් පච විදින කෙබර පප්පලා අනෙක ලංකාවේ මිනිස්සුත් ඇත්තටම දේශපාලනය කරනවා කියලා කියන්නෙ රැල්ලට මොකෙක් හරි හොරෙක් නැත්නම් බොරුකාරයෙක්ගෙ පස්සේ එල්ලෙන ...වැල යන අතට කරු ගහන පුද්ගල කැමැතක් මිස බුද්ධිමත් තේරීමක්ම නොවේ.. වසර 76ක් අරාජිත උනෙත් මේ ඉන්න උන්ගෙ මනාපෙ නිසානෙ..පිටින් ඇවිත් චන්දෙ දුන්නෑනෙ ඒකනෙ කුණුහරුප ලියන්නෙ අනිකාගේ අදහස ඉවසනු බැරිව !
ReplyDeleteඔයාට නම් ස්තුතියි මේ වගේ සංයමයෙන් ඒ වගේ කැත ප්‍රශ්නයක් වුණත් අහන්න තරම් මහත්මා ගතියක් ඔබ සතුවීම ගැන..👍🌺
මොන වගේ කැත ප්‍රශ්නයක් ද ඇනෝ ? අපි හැමෝම දේශපාලන ජීවීන් කියනවනේ . ඒක ඇවිල්ල නැතුවත් බැරි ඇතිවත් බැරි දෙයක් . අපේ අනාගතය තිරණය වෙනවනේ සමහර දේශපාලන තීරණ වලින් . උදාහරණයක් වශයෙන් හුඟක් අය ට්‍රම්ප් ට අකැමතියි. දක්ෂිණාංශික විතරක් නෙමේ වර්ගවාදියි. බ්‍රයන් සමහර විට ට්‍රම්පට කැමති වෙයි . නමුත් කමලා හැරිස් ආවොත් යුද්ධේ දිග්ගැසෙන එක තමා වෙන්නේ . යුද්ධේ ඉවර වෙනවනම් අපි වඩා සුරක්ෂිතයි. ආර්ථිකයටත් හොඳ වෙයි . අපි ආත්මාර්ථකාමී වෙනවනම් ට්‍රම්ප් තමා හොඳ . අමාරු තීරණ
Deleteමගෙත් අල්ලපු ගෙදර ඔය වගේ හැන්ඩි මෑන් කෙනෙක් ඉන්නවා. ඒත් ඉක්මණටම ගේ විකුණලා යනවා. දැන් පෙන්ෂන් ගිය සුදු අය මේ පැති වලින් ටිකක් ඈතට යනවා. ඒ අය හිත හොද මිනිස්සු . බලෙන් උදව් කරන්නේ නෑ . ඒත් අවශ්‍ය වෙලාවට නියමයි.
ReplyDeleteහැන්ඩිමෑන් කෙනෙක් කියලත් කිව හැකියි . හැබැයි පරණ පොලිස් කාරයෙක් ඒ ගානට ට්‍රේන් වෙන්ව කියන එකත් ලොකු දෙයක් කියලයි මට හිතුනේ . ඒ මදිවට බිල්ඩර්
Deleteහැන්ඩි මෑන්ල "අටවන මාටින්" ජාතියෙ DIY ගොබිලො. ලයිසන් ට්‍රේඩ්මන් තමයි හරි යෙදුම. ගෑස් එක්ක සම්බන්ධ වෙච්ච, වෑල්ඩින් වැඩ වගේ, වගකීමකින් කලයුතු වැඩක්. අනුගමනය කල යුතු නීතී මාලාවක්(කෝඩ්) තියනවා. කෝඩ් එකට පිටින් "ඇටෙව්වොත්" ලයිසම ගහලා යනවා.
Deleteපොලිසිය සහ ට්‍රේඩ්මන් සම්පූර්ණයෙන්ම වෙනස් දෙකක්. අජිත් කිව්ව දේ හරි.
මොකක්දෝ ළයාදරයක්
ReplyDeleteඒත් එක්ක තෙතමනයක්
දැවටුණු හොඳ පෝස්ටුවක්
මට නං ඇල්ලුවා ගොඩක්!!!!!!!!!!!!!!!!
නිදි කිව්ව හරි. කටු නැති නියම රාත්තල. බොහෝ විට, අපි අතින් නොදැන හෝ ලියවෙන 'මං පොර" කතාවක් නොවන නිසා, බොක්කට වැදිච්ච ලිපියක්. ඒක තේරිච්ච නිසා තමයි ........
Delete- ඉස්සර බ්ලොග් ලියපු පක්සියෙක් -
This comment has been removed by the author.
Deleteතෙතමනයක් දැනුනා නම් ඒ ඇති බ්ලොග් සුමිතුරනි
Deleteකීර්තිට කිසිදු කීර්තියක් නැති අපකීර්තිමත් අයෙක් බව පෙන්වා ඇත.
ReplyDeleteඒ අනුන්ගෙන් නොමිලේ සේවාවන් ලබා ගෙන ඔවුනට කරදර වීම මතය.
නොමිලේ සේවාවක්ද කියල බලා ගන්න ඊළඟ ලිපිය කියවන්න . කිසි දෙයක් නිකන් ලැබෙන්නේ නැහැ මේ ලෝකේ
Deleteඅජිත්ට ඉංග්‍රීසි බැහැ නේද.
ReplyDeleteකොහොමද සුදූ මහත්තුරු එක්ක කතා කරන්නේ. ගොළු භාෂාවෙන්ද?
ඔව් ඇනෝ
Delete' සියලු හිමිකම් අජිත් ධර්මකීර්ති (Ajith Dharmakeerthi) සතුය. කොළඹ ගමයා බ්ලොග් අඩවියේ යොමුව සඳහන් කර හෝ අජිත් ධර්මකීර්ති යන නමින් පමණක් මෙහි ලිපි උපුටා පළ කරන්නට අවසර තිබේ.
ReplyDeleteමෙහි පලවන ලිපි සහ දේශපාලන අදහස් මගේ පෞද්ගලික අදහස් පමණි.
ඔබේ ඕනෑම ප්‍රතිචාරයක් මෙහි පල කරනු ලැබේ. නමුත් වෙනත් කෙනෙකුට සාධාරණ හේතුවක් නැතුව පහර ගසන අශිලාචාර අන්දමේ ප්‍රතිචාර පමණක් පල නොකෙරේ. බ්ලොගයට ගොඩ වදින ඔබ සියලු දෙනාට ස්තූතියි'
අජිත් ට විතරද හිමිකම් තියෙන්නේ.
බ්‍රිතාන්‍ය රජය විසින් ගාසා තීරයේ සහ රුසියාවේ මරා දමනා ජනතාවට හිමිකම් නැද්ද
මගේ බ්ලොගයේ හිමිකම මගේ ඇර නෙතන් යාහු ගෙය ? ගාසා තීරයේ මිනිසුන්ට අනිවාර්යයෙන්ම හිමිකම් තියනවා
Deleteඅජිත් ඔබට විදුලි ඉංජිනේරු උපාධියක් තිබෙනවා නේද.
ReplyDeleteඑම සහතිකය මත වත් නිවසේ විදුලි පරිපථ ආශ්‍රිත කුඩා අලුත් වැඩියා කිරීම් කරන්න බැරිද
මට වයරින් කරන්න හෝ උපදෙස් දෙන්න පුළුවන් වුනාට නීතියෙන් කරන්න බැහැ අර IEE සහතිකය නැතිව . ලංකාවේ වයරින් කරන විදුලි ඉන්ජෝ ඉන්නවද
Deleteපර්සියානුවෝ කියන්නේ සිංහලයන්ගේ නෑදෑයෝ විශ්වාස නැතිනම් 1979ට කලින් කොඩිය බලපල්ලා.
ReplyDeleteමහේෂ් වලතර එක්ක සමලිංගික සේවනයේ නිරත උනා නේද
Deletehttps://nufdiran.org/resources/the-true-flag-of-iran/
DeleteIran’s Lion and Sun emblem was displayed on a flag as early as the 15th century, and in the late 19th century the colours green and red were added as a border to a white flag bearing those symbols. After the granting of the constitution of 1906, a tricolour typical of the national flags of many other countries was officially recognized for Iran. Its horizontal stripes of green-white-red were associated, respectively, with the Islamic faith of the country, peace, and valour. Emblazoned in the centre of the white stripe was the Lion and Sun; additional symbols (the imperial crown and a wreath) were added for special purposes such as the naval ensign. Over subsequent decades, many artistic variations were made to these symbols.
Deleteඅපොස සාමාන්‍ය පෙළ කොළබ රාජකීය විද්‍යාලය, න්‍යෂ්ටික විදුලි ඉංජිනේරු උපාධිය බේලාරූස් විශ්ව විද්‍යාලය සෝවියට් සංගමය,
ReplyDeleteතාරකා විද්‍යාඥය (සාමාජික රාජකීය තාරුකා සංගමය), පරිගණක ඉංජිනේරු ( මහා බ්‍රිතාන්‍ය ), ජනාධිපති මාධ්‍ය අංශයේ ජාත්‍යන්තර උපදේශක (හිටපු ), නෙළුම් යාය බ්ලොග් පදනමේ නිර්මාතෘ, ජ්‍යෙෂ්ඨ කතෘ, මාධ්‍යවේදී, ලංකා ඊ නිවුස් සහ ලංකා නිවුස් වෙබ් අඩවි වල පරිපාලක, රාජකීය ගුවන් හමුදාවේ පියාසර ශිල්පී, නේවි පයිලට්, ගරු රනිල් වික්‍රමසිංහ ජනාධිපතිතුමාගේ උපදේශක, අනුර කුමාර ජනාධිපතිතුමාගේ උපදේශක, මාලිමාවේ ජාත්‍යන්තර කටයුතු පිලිබඳ අධ්‍යක්ෂක ගරු අජිත් ධර්මකීර්ති මහතාගේ බ්ලොග් අඩවියට ගොඩ වීමට ලැබීම සතුටකි.
දික්කසාද නඩුව ඉවරද?
Deleteතවමත් අසනීපය එහෙම්මමයි වගේ 😀
Deleteලව්පූසා බොයිලර් වැඩ කරන්නේ නැද්ද ඔක්ස්ෆර්ඩ්වල?
ReplyDeleteපොරට වෙන වැඩ තියනව . බොක්සින් ගහනව , ක්‍රිකට් ගහනව , ගෑනු ළමයින්ට උයනවා (කවනවද දන්නේ නැහැ). මාව ශේප් කරගන්න ඉතුරු පිළුණු වෙච්චි ටික ගෙනත් දෙනවා . මං හිතන්නේ වැඩත් කරනවද කොහෙද සිවිල් ඉංජිනියරින් සමාගමක
Deleteඅජිත් බයේ හැංගිලාද? කාමරේට වෙලා අඩනවාලු නේද දැන්?
ReplyDeleteඒ මොකෝ බං, මට මොනවා හරි වෙලාද
Deleteමාලිමාවට කඩේ ගිය නදීක ගුරුගේ ආන්න ලන්ඩන් ඇවිත්. මිනිහා එහෙ මෙහෙ යන්නේ ලංකාවේ එම්බසි එකේ වාහන අරගෙන.
ReplyDeleteකෝ බං අජිත් උඹ කුමාර ජනාධිපතිගේ යාලුවා නේද? ඒවා හරිද අහපන්කෝ කෝල් එකක් අරගෙන.
හැබෑට. හොඳටම මදි . ශික් නිකන් එහෙම මෙහෙ යන එක විතරද කරන්නේ . අපටත් ලැජ්ජයි . මේකේ හිටි එවුනුයි දැන් ඉන්න එවුනුයි දෙන ගේම් වල හැටියට . - පැය භාගෙකට හම්බ වෙච්චි එකට යාලුවා කියනවනම් මට යාලුවෝම විසි පන්දහකට වැඩිය ඉන්න ඕනේ . 😀
Deleteඅඩේ මට මේ මතක් වුනේ ඇරේ හමීඩ් ගේ කාලේ හතර වටේටම මුස්ලිම් සහෝදරවරු දැම්මනේ තානාපති අක්ර්යල වලට . මොස්කව් වලටත් ආව . මුස්ලිම් එක්කෙනයි දෙමල එක්කනයි . හප්පා . දෙන්න යනකොට වෙනම පට්ට ගණන් කාර් දෙකක් එංගලන්තෙන් දැම්ම මොස්කව් ඉන්දෙද්දී. කොල්ලෝ බිස්නස්ස් කරනන් ඩොලර් මාරු කරන්න ඩියුටි ෆ්‍රී බඩු ගන්න යන්නේ එම්බසි එකට . සුපර් මාකට් එකක් වගේ 😀
Deleteඋඹ වගේ නින්දිත පාහරයෙක් අජිත්. කලින් හිටපු උන් කරපු එක මුන් කරාට කමක් නැහැලු. ඊට එහා දේවල් උනත් කමක් නැහැ වගේ කතාව.
Deleteවිජිත හේරත් එක්ක එක පාසැලේ ඉගෙනුම ලැබීම ඇරෙන්න නදීක ගුරුගේට ඇති වෙන සුදුසුකම මොකක්ද නේද එම්බසි එකේ වාහන පාවිච්චි කරන්න. බණ්ඩාරවෙල සෙන්ට්‍රල්, එක පන්තියේ දෙන්නම. විජිත හේරත් සහ නදීක ගුරුගේ.
උඹ වගේ දෙබිඩි නිවටයෙක් දැක්කමයි අජිත්. එන එන පැත්තට සාධාරණීකරණය කරන.
උඹ ඉතිං රනිල් ඉන්නකන් ඌව විකුණන් කෑවා. උඹ ගැන හොදම විග්‍රහය උබත් එක්ක එකට රනිල්ගේ අනුග්‍රහය යටතේ රුසියාවේ ගිය ඩිලන්ත කියයි.
මිනීමරු කාලකන්නි පාදඩක් උඹ.
උඹේ මිනි වලටත් හෙන ගහනවා.
😁 මම කල්පනා කළා මේක ඩිලීට් කරනවද කියලත් . ඒත් පස්සේ හිතුන උඹල වගේ මි හරක් ලියන දේවල් එහමම තියන්න ඕනේ කියල . මී හරක් පැටියෝ sarcasm කියන්නේ කියල තේරෙනවද උඹට? උපහාසය තේරුම් ගන්න පුළුවන්ද යමක් ලියන කොට. උඹ වගේ බූරු පුතෙකුට දැන්ද තේරුන් ගියේ ඔය නදීක ගුරුගේ හරි මොකා හරි වාහන පාවිච්චි කරනවා කියල මෙච්චර කල් තොපේ පාහර නින්දිත පර උඹල වගේම පාහර නින්දිත දේශපාලකයෝ තමන්ගේ එවුන් ගෙන් තානාපති කාර්යාල පුරවල මේවාවල මිනිසුන්ට වද දෙන කොට වීස එකක් ගන්න ගියහම , වෙන වැඩකට ගියහම වද දෙනකොට , මේවල නාස්ති කරන කොට තොපිට පෙනුනේ නැත්ද . ඔය මොකෙදේද එකෙක් වාහනේ යන එක විතරද පෙනුනේ. ඒක තමයි එකෝ මේවාවල ඉන්න එවුන් කරන අඩුම එක . ඒක තමයි මම ඔය කියල තියෙන්නේ හාල් පාරුවෝ . ඒකෙන් අදහස් වෙන්නේ නැහැ ඒක හරි කියල .
Deleteඅනික බං ඔය හෙන ගහන කතා මේ බ්ලොග් වල ලියල වැඩක් නැහැ . මං වගේ අදේවවාදියෝ ඕව විශ්වාස කරන්නේ නැහැ . හැබැයි උඹට මතකද දන්නේ නැහැ මේකේ සහ වෙන තැන්වල මට ඇනෝ මඩ ගහපු ගොඩක් වුන්ට පස්සේ තමන්ගේම දිව විකා ගන්න , පස් කන්න වුනා කියල . මොකද උඹල ගේ ගොන් සීන් කවද හරි එලි වෙන නිසා . 😁 අර එක්නැලිගොඩ මහත්මිය තට්ටේ ගාල පොල් ගැහුව මතකද . රාජපක්ෂ ල හැඳි ගෑවිලා ගියා නේද ? ඔය හෙන ගහන කතා ලිවහම ඒවා ලියපු එවුන්ටම තමා වදින්නේ . ඩ්‍රයිවින් කරන කොට පරිස්සමින් පලයන් . අකුණු වදී
Deleteගිනි අරගෙන මේවල වැළපෙන්නේ මොකද කියල තේරුනා . දැන්නේ දැක්කේ . /ශ්‍රී ලංකා විදේශ කටයුතු අමාත්‍යාංශය පසුගිය ආණ්ඩු සමයේ විවිධ රටවලට පත්කර යැවූ තානාපති නිලධාරීන් 16 දෙනෙකු වහාම ක්‍රියාත්මක වන පරිදි සියරට යළි කැඳවීමට තීරණය කර ඇත. මෙම නිලධාරීන් ඥාති සහ දේශපාලන හිතවත්කම් මත සේවාවන් සඳහා පත් කර යැවූ බවට සිදුකළ විමර්ශන අනුව මෙම තීරණය ගෙන තිබේ.
Deleteඅමාත්‍යාංශය නිකුත් කළ නිවේදනයක සඳහන් කළේ, මෙම නිලධාරීන්ට මේ වන විට කැඳවීමේ නිවේදනය ලබාදී ඇති බවත් ඔවුන් ඉක්මණින් මෙරටට පැමිණීමට නියමිත බවත් ය.
කැඳවීම සඳහා නියමිත ප්‍රධාන නිලධාරීන්:
01. වෛද්‍ය ලලිත් චන්ද්‍රදාස: ඇමරිකාවේ ලොස් ඇන්ජලිස්හි ශ්‍රී ලංකා කොන්සල් ජනරාල් වශයෙන් කටයුතු කළේය.
02. අනුර ප්‍රනාන්දු: චීනයේ ෂැංහයිහි ශ්‍රී ලංකා කොන්සල් ජනරාල් වශයෙන් කටයුතු කළේය.
03. ආචාර්ය ඩී. වෙන්කටේෂ්වරන්: ඉන්දියාවේ චෙන්නායිහි නියෝජ්‍ය මහ කොමසාරිස් වශයෙන් සේවය කළේය.
04. එස්. එම්. ඒ. එෆ්. මවුලානා: සවුදි අරාබියාවේ ජෙඩාහි කොන්සල් ජනරාල් වශයෙන් සේවය කළේය.
05. නිශාන මනික් මුතුක්‍රිෂ්ණා : ඇමරිකාවේ වොෂින්ටන්හි ශ්‍රී ලංකා තානාපති කාර්යාලයේ ඇමැති ලෙස කටයුතු කළේය.
06. තාරක දිසානායක: වොෂින්ටන්හි තෙවැනි ලේකම් ලෙස සේවය කළේය.
07. සේනිය පුංචිනිලමේ: එක්සත් රාජධානියේ ලන්ඩන්හි මහකොමසාරිස් කාර්යාලයේ තෙවැනි ලේකම් ලෙස කටයුතු කළේය.
08. සහසු බණ්ඩාර: ප්‍රංශයේ පැරිසියේ මහකොමසාරිස් කාර්යාලයේ තෙවැනි ලේකම් ලෙස කටයුතු කළේය.
09. වන්දිමා පෙරේරා: ඉතාලියේ රෝම නුවර තානාපති කාර්යාලයේ තෙවැනි ලේකම් ලෙස සේවය කළේය.
10. දිනුකා ප්‍රනාන්දු පුල්ලේ: ඔස්ට්‍රේලියාවේ කැන්බරාහි මහකොමසාරිස් කාර්යාලයේ තෙවැනි ලේකම් ලෙස සේවය කළේය.
11. පණ්ඩුල ද සොයිසා : රුසියාවේ මොස්කව්හි උපදේශක ලෙස කටයුතු කළේය.
12. ආචාර්ය අන්වර් මොහොමඩ් හම්දානි: ඉන්දියාවේ නවදිල්ලිහි ඇමැති උපදේශක ලෙස කටයුතු කළේය.
13. ප්‍රියංගිකා දිසානායක: ලෙබනනයේ බේරූට් හි තෙවැනි ලේකම් ලෙස සේවය කළේය.
14. යෂ්මින් හිල්ම් මොහොමඩ්: තුර්කියේ අන්කාරාහි දෙවැනි ලේකම් ලෙස සේවය කළේය.
15. අෂ්විනි හපන්ගම: නෙදර්ලන්තයේ හේග්හි උපදේශක ලෙස කටයුතු කළේය.
16. ජනක රණතුංග: ජර්මනියේ ස්ටොක්හෝම්හි ඇමැති උපදේශක ලෙස කටයුතු කළේය.
මෙම කැඳවීම්වල ප්‍රධාන අරමුණ වී ඇත්තේ වෘත්තීයමය අවශ්‍යතාවය අනුව තරඟ විභාගයක් සිදුකරමින්, එම විභාගය අනුව විදේශ සේවා විභාගය සමත් දැනට විදේශ අමාත්‍යාංශය තුල සිටින හා විදේශ දූත මණ්ඩල සේවාවේ සිටින නිලධාරීන් මගින් රටේ විදේශ සේවා සම්බන්ධීකරණය කිරීම සහ නියමිත ආකාරයෙන් ඉදිරියට පවත්වා ගෙන යාමට මෙන්ම ජාත්‍යන්තර සබඳතා වඩාත් විශ්වාසනීය හා වෘත්තීයමය බව ඇති කිරීමයි.
තවමත් අසාධාරණකම්..
කෙසේ වෙතත් විදේශ සේවා තරඟ විභාගයෙන් සමත් 20දෙනෙකු බඳවා ගැනීමට විදේශ ලේකම්වරිය වන අරුණි විජේවර්ධන විසින් තවමත් කටයුතු කර නැති අතර ඇය තමන්ගේ හයිය පෙන්නමින් මෙම විභාගයෙන් සමත් අය බඳවා ගැනීම මඟ හරිමින් සිටීම නිසා එම ළමයින් ට උපරිමාධිකරණයේ පිහිට පැතීමට සිදුව ඇත. විශේෂයෙන් ඉතාමත් අපහසුවෙන් විභාගය සමත් වූ මෙම 20 දෙනාහට දැඩි අසාධාරණයක් සිදු කිරීමට මෙම ලේකම්වරිය කටයුතු කර ඇත, අඩුම තරමින් දුරකථන ඇමතුමක් මඟින් හෝ මේ සම්බන්ධයෙන් තොරතුරක් හෝ දැනගැනීමට මෙම අයට අවස්ථාවක් ලබා දී නොමැත. යම් විමසීමක් හෝ සිදු කර ගැනීමට දුරකථන ඇමතුමක් ලබා ගන්නා විට ලේකම්තුමිය ටත් වඩා පුප්පන මැක්ස්වල් කීගල් නැමැති හොර සහතික ලබා දී උසස්වීම් ලබා ගෙන පසුව හොර වැඩ හසුවී තටු ගැලවී සිටින පුද්ගලයා විභාගය සමත් අයගේ දුරකථන ඇමතුම් වලට ඉතා පහත් ලෙස පිළිතුරු ලබා දෙන බව අපට දන්වා ඇත.
එමෙන්ම පැවසීමට ඇති තවත් කරුණක් නම් දේශපාලන පත්වීම් ලබා නොමැති ඇතැම් ඇතැම් වෘත්තීයමය රාජ්‍යතාන්ත්‍රික නිලධාරීන් ද කිසිදු සේවාවක් නොකරමින් ලොව පුරා සෑම තානාපති කාර්යාලයක් තුලම සේවය කරන බවයි, ඔවුන් විසින් කිසිදු රාජ්‍යත්‍රාන්ත්‍රික සේවයක් නොකර රාජ්‍යත්‍රාන්ත්‍රික සේවයක් කරන බවට මුළු රටම රවටමින් තම දරුවන්ට අධ්‍යාපනය සහ වාසි පමණක් ලබා ගැනීමට පමණක් වෙහෙසෙති.
වෘත්තීයමය යයි කියා ගන්නා පුස්සෝ..
මේ නිසා දේශපාලන පත්වීමක්ද නැත්නම් වෘත්තීයමය පත්වීමක් ද යන්න නොබලා දක්ෂ නිලධාරීන් ටිකක් පත් කොට යැවීමත් සෑම මසකට සැරයක් තානාපති කාර්යාලයක් හෝ මහකොමසාරිස් කාර්යාලයක රාජකාරී ගැන සවිස්තරාත්මක ප්‍රගති සමාලෝචනයක් ලබා ගැනීමට ලංකා ආණ්ඩුව පියවර ගත යුතු බව ලංකා ඊ නිව්ස් අපගේ හැඟීමයි,
එමගින් වැඩක් නොකරන ඔය වෘත්තීයමය යයි කියා ගන්නා අඩි හතක් අටක් උඩින් සිටින රාජ්‍යතාන්ත්‍රික යැයි මහ උජාරුවට පවසා පිස්සු කෙලින නිලධාරීන් ටික නැවත ලංකාවට ගෙන්වා පැත්තකට ගාල් කර තැබීම වටිනා බවත් එසේ නොමැතිව ආතල් ගැනීමට පමණක් තානාපති කාර්යාල සංචාරක ස්ථානයක් බවට පත් නොකර සිටීම මෙම ජනතාවාදී ආණ්ඩුව අවබෝධ කරගත යුතු බවත් ලංකා ඊ නිව්ස් අපි පවසා සිටිමු .//හොඳටම මදි 😀
ලංකා ඊ නිවුස් එකට ඔය ලිපිය ලිව්වේ අජිත් ධර්මා කියලා සඳරුවන් කිව්වා
Delete'ඩ්‍රයිවින් කරන කොට පරිස්සමින් පලයන්'
Deleteඅජිත් ධර්මාගේ මේ වෑයම රිය අනතුරකට ලක් කොට මාව මරා දැමීමයි.
මාගේ ජීවිතයට අජිත් ධර්මා වගකිවයුතුයි.
අජිත් ධර්මා මීට පෙරද රිය අනතුරු වලට ලක්කොට මිනිසුන්ට හිරිහැර කොට ඇත. ඉන්පසු ඔහුගේ දැනුම සහ බලය භාවිතා කොට ඒවායින් ගැලවී ඇත.
Deleteමේ ගැන අජිත් ධර්මා විසින්ම ලියන ලද ලිපියක් පහත ඇත.
ඉගෙන ගත් දේ අපතේ යනවද
මාව රිය අනතුරකට ලක් කොට මරා දමා එය වෙනින් දෙයක් නිසා සිදුවූ බවට අජිත් ධර්මා මහතා හුවා දක්වනු ඇත. ඒ සදහා ඔහුගේ මාධ්‍ය බලයද උපයෝගී කරගනු ඇත.
බ්‍රිතාන්‍ය පුරවැසි අජිත් ධර්මා මාගේ ජිවිතට සිදුකල තර්ජනය ගැන බ්‍රිතාන්‍ය රජයට දැනුම් දිය යුතුය.
හා කියහන් . මම බ්‍රිතාන්‍ය පොලිසියට කිව්වා මගේ මිනිවලට හෙන ගැහුවොත් ලංකාවේ එරන්ද ගිනිගේ අල්ල ගන්න කියල . උන් අහනවා ආදාහන කලොත් මොකද කරන්නේ කියල . මම කීව එතනට වැදුනොත් ඒත් උඹ තමා වරදකාරයා කියල . උඹ වෙන කෙනක් නම් දැම්ම කියපන් වෙනස් කරන්න. ලිපිය හොයල දැම්මට ස්තූතියි ඈ. ලංකා නිව්ස් ලිපිය ලියල තියෙන්නේ සම්පත් කියල එකෙක් . අන්න උඹට නඩු දානවා කිව්වා .
Deleteහමුදාවේ මාමාලා හොදින් පුහුණුව සිටින්නේ මිනී මැරීමටයි.
ReplyDeleteඅජිත් ධර්ම මාමා හොදින් පුහුණුව සිටින්නේ තක්කඩිකම් කිරීමටයි.
තවම රාජපක්ෂලා පරදවා යන්න බැරිවුන එක ගැන දුකයි . 😀
Deleteඅජිත්, එරන්ද කියලා කියන්නේ කවුද? ස්කොට්ලන්තයේ ඉන්න පොරක්ද? පොරද ඔය උඩ ඔයා එක්ක ගේමට ඇවිත් තියෙන්නේ?
ReplyDeleteඑරන්ද ගිනිගේ කියන්නේ ඔය Self-victimisation කියන එකට සිංහලෙන් කියන නම . ස්කොට් ලන්තයේ ඉන්නේ මාරයා නේ . එයත් ජවිපෙට හෙන විරුද්ධ කෙනෙක් හෙවත් රාජපක්ෂ බයියෙක් නේද ? එයා ලියන්නෙත් ඒවා තමා බ්ලොග් එකේ . ඒ දවස් වල . ඔය ගිහිල්ල බලන්න. පැත්තක ඇති.
Deleteඔය උඩ ඇනෝ කතාව තියනවනේ /Anonymous31 October 2024 at 06:40
Deleteමාලිමාවට කඩේ ගිය නදීක ගුරුගේ ආන්න ලන්ඩන් ඇවිත්. මිනිහා එහෙ මෙහෙ යන්නේ ලංකාවේ එම්බසි එකේ වාහන අරගෙන.// මුන් වගේ හාල්පාරු උන්ට අර කවුද ඇමති කෙනක් අවුරුදු 40 රජයේ නිල නිවාසයක් අරන් ඉන්න එක මුන්ට පේන්නෙම නැහැනේ . මේ නදීක කියල පොරකගේ වයිෆ් ඇවිල්ල ඉන්නව කියල මම හොයා ගත්ත . එයා උඩින් ගියොත් එයාටත් මේ විවේචනයම කරනවා . නමුත් විදේශ අමාත්‍යංශයේ නිලධාරිනියක හැටියට එයා එන්න පුළුවන් කෙනෙක් . මෙතන ප්‍රශ්නේ ඥාති කමකට හෝ දේශපාලනයකට එන එක නෙමේ ඇවිල්ල හැසිරෙන විධිහ ගැන . එක පාරක් විසා එකක් ගන්නහැටි අහන්න ගිහින් 2012 විතර එක එම්බසි එකේ ගෑනියෙක් මගේ බිරිඳට බැනල තිබ්බ . එයා ටුවරිස්ට් වීසා නේ ලංකාවට එන්නේ . මාව බැන්දට . එයාට හුඟක් අප්සෙට් ගියා , මා එතකොට ලංකාවේ . අ විල්ල හොයල බැලුවහම ඇමති කෙනෙක් ගේ ඥාති දියණියක් එම්බසි එකේම යාළුවෙක් කීව වැඩත් බැහැ, . එයාලටත් උඩින් ඉන්නේ. වැඩක් කියන්නත් බැහැ . ඔන්න ඔහොම . නදීක ලගේ වයිෆ් ල වුනත් එහෙම කරනවනම් ඒවා හෙළි දරව් කරන්න ඕනේ . නමුත් ඇහේ තියෙන පොල් පරාල හොයල ඉඳපල්ලකෝ ඉස්සරලා .
අජිත්, මමත් ඔයාගේ ඒ අදහස එක්ක එකඟයි, අපි විරුද්ධ වෙන්න ඕන පක්ෂ භේදයකින් තොරව ප්‍රතිපත්ති මත, තමන් සහයෝගය දෙන පක්ෂයේ වූණත් ඔය වගේ වැඩ පක්ෂ භේදයෙන් තොරව විවේචනය කිරීම සහ විරුද්ධව කටයුතු කිරීම කළ යුතුයි. ඒ වගේම තමන් සහයෝගය නොදෙන පක්ෂයක අය වුණත් තමන්ට එකඟ වෙන්න පුළුවන් හොඳ දේවල් විදියට තමන්ට පේන දේවල් කරන්න හදනවා නම් ඒකට අපි සහයෝගය සහ එය අගය කිරීම කරන්න ඕනේ. ඒක මගේ පුද්ගලික මතය වුණත් ලංකාවේ නිතරම වෙන්නේ ඕකේ අනිත් පැත්ත, කොටින්ම මේ දවස්වල වුණත් ඒක එහෙමම තමයි ලංකාවේ බහුතර ජනතාව ගත්තම.
Deleteහරියට හරි ඇනෝ , 100% එකඟයි. දැන් ඔය උඩ ඇනෝ කෙනෙක් කරපු විවේචනේ තමාට කියා ගන්න ඕනේ එකක් නේ. රාජපක්ෂලා හෝ රනිල්ලා කරපු හොඳ වැඩ ගැන අපේ විවේචනයක් නැහැනේ . නමුත් ප්‍රශ්නේ තමා ඒවා කියපු ගමන් එක පාරටම රනිල්ට කඩේ ගියා හෝ තව කාට හරි කඩේ ගියා කියා කාඩ් එකක් ගැසීම . මට පේන විධිහට දැනට අනුරලා හොඳයි . හැබැයි ඕන ආණ්ඩුවක් ආපු ගමන් එහෙම තමා . ඊට පස්සේ ඕන කෙනක් වැරදි කරනවා . ඒ අතරේ හොඳත් කරනවා . විවෘතව හිටියම ඉවරයිනේ .
Delete"එයා කිව්වා අපි ජර්මනි යමු . ඔයා ගෙදර ඉඳල ළමය බලා ගන්න, කියල . ඔයා ජර්මන් ඉගෙන ගන්න, රෑට ක්ලාස් යන්න මම ගෙදර ආවට පස්සේ . ළමය ලොකු වුනහම රස්සාවකට යන්න පුළුවන් . ඕක ඉතින් කරන්න පුළුවන් මගුලක් ද කියල තමා ඒ දවස් වල හිතුනේ. ඒ නිසා කෙලින්ම බැහැ කිව්වා"
ReplyDeleteඔබ තුමා එදා මෙදා තුර ගත්ත හොදම තීරණය ඕක තමයි. වගකීමෙන් කියන්නේ.
@ Ano
Deleteඔවු ලංකාවේ වයිපරේලා ගැන කියනවා නම් මමත් ඒකට එකඟයි, ඒත් අජිත්ගේ නෝනා විදේශීය ජාතික යුරෝපීය කාන්තාවක් නිසා ඒක ඒ අයගේ අදහස් එක්ක බලනකොට අවුලක් නැතුව ඇති කියලත් මට හිතෙනවා, අනේ මන්ද මට හරියට කියන්න තේරෙන්නේ නෑ ඉතින්.
එහෙම එකක් නෙවෙයි මන් කිව්වේ. ජර්මනියට නාපු එක ගැන. බැරි වෙලාවත් ජර්මනියට ආවා නම් මේ බ්ලොග් එකේ ලිය වෙන්නේ අසල්වැසියා රුඩොල්ෆ් වගේ ලිපියක්. ඒ ලිපිය ලිය වෙන්නෙත් ජර්මනියෙදි නෙවෙයි. බොහෝ දුරට ලංකාවෙදි.
Deleteමම ඒක ජර්මනි ගියා නම් කියල හිතුවේ ළමයින්ට එක පවුලක් හරි ලැබෙන නිසා එයාලා ගැන හිතල. ආච්චි , සියා , නැන්දා ඉන්න එහෙනේ , . දැන් අපි තනියමනෙ මේ රටේ . කාත් කවුරුවත් නැහැනේ . අනික මට පොත් කියවන්න් පුළුවන් කියල හිතල වැඩට යන්නේ නැතිව . නමුත් එහෙම ගියා නම් දික්කසාද වෙලා මෙලහටත් . ඒකනම් ඒ දවස් වලම කීව. එයාටත් තේරුනා පස්සේ . ඒ දවස් වල එක දවසක් ළමය අරගෙන නර්සරි ගියත් තරුණ අම්මල දෙතුන් දෙනෙක් ටෝක දානවා . මෙහෙ සිංගල් මදර්ස් ලා ප්‍රතිශතේ වැඩියි නේ .
Delete
DeleteAnonymous3 November 2024 at 19:03 - දැන් මෙහෙ ළමයි බලන තරුණ පියවරු ඉන්නවා . ඇනෝ . අවුරුදු විස්සකට කලින් ට වඩා තත්වය වෙනස් . ඒ කාලේ මට සුමාන දෙකයි පඩි සහිත නිවාඩු . දැන් තාත්තටත් මාස තුනක් දෙනව .
//නම් මේ බ්ලොග් එකේ ලිය වෙන්නේ අසල්වැසියා රුඩොල්ෆ් වගේ ලිපියක්.//😀 ඒක මරු
Deleteඅජිත් අයියේ මෙහේ ජර්මනියේ තත්වේ හෙනම චාටර් දැන්. මම නම් ආපහු යන්න බලාගෙනමයි ඉන්නේ. කළු හම තියෙන අපිට විතරක් නෙවෙයි, සුදු හම තියෙන යුක්‍රේන් උන්ටත් පට්ට විදිහට ගරහනවා මෙහේ ඉන්න උන්. එපාම වෙලා ඉන්නෙ මම නම්.
Deleteඇත්තට දැන් එහෙම ඇති කියල මටත් හිතෙනවා . සිරියන් මිලියන් දෙක ආවට පස්සේ ජර්මන් එවුන්ට එපා වෙලා කියල ගිය පාර ගිය වෙලේ මට තේරුනා . මම වුරුදු 20 ගිය රට . යුක්රේනය කරපු කැත වැඩේ ගොඩක් ජර්මන් අය දන්නවා . ඒකට සමාව දෙන්නේ නැහැ උන් .
Deleteඅජිත් අයියේ මම උඩ ඇනෝ නෙවෙයි වෙන කෙනෙක්
Deleteඇත්තටම යුක්රේනය කරපු කැත වැඩේ මොකක්ද? සහ යුරෝපීය රටවල නූතන තත්ත්වය ගැන විස්තර ලියන්න පුළුවන්ද? අපි එච්චරම යුරෝපීය රටවල තත්ත්වය ගැන දන්නේ නෑ, මටත් අදහසක් තියෙනවා ස්කැන්ඩිනේවියාව වගේ පැත්තකට මයිග්රේට් කරන්න ඩුබායි වල වසර කීපයක පලපුරුද්ද සමග යුරෝපීය සංගමයට මයිග්රේට් කරන එක හොඳ ද? මේ ගැන විස්තර කියන්න පුළුවන්ද?
යුක්රේනයේ ජාතිවාදීන් නේ අර ඩොලර් බිලියන් නමයක නොර්ඩ් ස්ට්‍රීම් පයිප් ලයින් එක පුපුරුව හරියේ . මෝඩ යක්කු . ෆින්ලන්ඩ් හෙම ගන්නවා දැන් , ගොඩක් ලංකාවේ අය යන අලුත්ම destination එක , යන්න පුලුවන්නම් ඒ රටවල් තුනම් හොඳයි , ස්වීඩන් වල ජොබ් හොයන්න් අමාරුයි කියනවා හැබැයි ,
Deleteඉන්න තැනක් සහ ප්‍රමාණවත් මුදලක් අතේ නැතිව එංගලන්තෙට එන්න එපා . මෙහෙ නවාතැන් හොයන්න් හරි අමාරුයි සහ ගනං. රස්සා නම් හොයන්න් පුළුවන් . ඒත් හොර රස්සා අමාරුයි . හොඳම ක්‍රමය ඉගෙන ගන්න එන එක . ජර්මන් ඉගෙන ගෙන තියනවනම් ජර්මනියේ හොඳයි . අවුරුදු දෙකකට පස්සේ දිගටම හිටිය හැකි . ෆින්ලන්තයේත් පුළුවන් දිගටම ඉන්න දෙකකට පස්සේ . ප්‍රංශය , ඉතාලිය වගේ රටවලට නම් යන්න එපා . අමාරුයි දන්නා තරමින් .
Deleteජර්මනි එනවා නම් ගුටි කන්නත් බලාගෙන වරෙල්ලා. විශේශයෙන් නැගෙනහිර ජර්මනියට. අරාබිද, යුක්‍රේන්ද, ඉන්දියන්ද, ශ්‍රී ලාංකිකද කියලා නෑ. හැමෝටම එකම අනුපානෙන් බෙදන්නේ.
Deleteවීඩියෝ තියනවද ගහපුවා . මම නම් ගිය දෙසැම්බරයේ ගියා , එහෙම ගහන සීන් එකක් නැහැ. රිෆියුජි ල (අනාථයෝ) හැටියට හෝටල් වල ඉන්න අයට නම් මෙහෙත් ගැහුව ටිකක්. ඒක හරි කියනව නෙමේ . මිනිස්සු ගෑස් , විදුලිය ගෙවන්න ට්‍රයි කරදී අමාරුවෙන්, රිෆියුජි ලට හොඳ හොලිඩේ ඉන් වගේ හෝටල් වල කාමර උන්ගේ බදු වලින් දෙන එකට ආපු තරහ . හැබැයි උන්ට ඉන්න දෙන්න තැනුත් නැහැ . හෙන අවුලක් තමයි
Deleteමන් ගාව නම් වීඩියෝස් නෑ. අනික ඕවා වීඩියෝ කරන්න ගියොත් දෙපැත්තෙම උන් එකතු වෙලා මටත් ගහයි. මෙහේ නිකන් ලංකාවේ වනාතමුල්ල, මාළිගාවත්ත, කෙසෙල්වත්ත වගේ. වලියක් නොයන දවසක් හොයා ගන්න බෑ. තුවක්කු ටිකකුත් කොහෙන් හරි මුන්ගේ අතට ආවා නම් පාතාලේ ස්ටාර්ටඩ්.
Deleteජර්මන් කාරයෝ ගහනවා මුස්ලිම් උන්ටයි, යුක්‍රේන් උන්ටයි, ඉංදියන් උන්ටයි. යුක්‍රේන් කාරයොත් දෙනවා ජර්මන් කාරයින්ගේ ඉස්ම බහින්න. මුස්ලිම් උනුත් සෙට් විදියට ඉන්නෙ. වලිය ගිය ගමන් වටේම ඉන්න මුස්ලිම් උන් සෙට් වෙලා නෙලනවා නෙලිල්ලක් ජර්මන්ද යුක්‍රේන්ද අදාල නැතුව. ඉන්දියන් කාරයෝ නම් ගොඩක් ඉන්නේ ස්ටුඩන්ට්ස්ලා. උනුයි අපියි ගුටිත් කාලා, පොලිසියට ගිහින් දඩත් ගෙවලා ඉස්පිරිතාලෙකින් බෙහෙත් ටිකක් දාගෙන ගෙදර යනවා.
දැන් ගොඩක් ස්ටුඩන්ට්ස්ලා යනවා ජර්මනියෙන්. හැබැයි සීන් එක නොදන්න ගොඩක් අය ආයි ජර්මනියට එනවත් එක්ක. දැන් ජර්මනියේ බැචලස් හරි මර්ස්ටස් හරි බාගෙට නවත්තපු අයට සෑහෙන්න ස්කොලර්ශිප්ස් දෙනවා රුසියාවෙනුයි චීනෙනුයි. හැබැයි සයන්ස් සබ්ජෙක්ට්ස් වලට.
කොහෙද ඔය ? මමත් ජර්මනියට නිතර යන එන කෙනෙක් නේ . කවදාවත් ගුටි කාල නම් නැහැ . ඉස්සරලම ගියේ 1985. ගහන්න ආවේ එහෙ හිටි ටැමිල් කොල්ලෝ වගයක් . වයිෆ් යාලු වෙලා ගියේ 1995. එදා ඉඳන් හැම අවුරුද්දෙම යනවා . ජර්මනියේ ලිගලි තුවක්ක තිය ගන්න පුළුවන් . ලිප්සිග් සහ තව නැගෙන හිර ජර්මනියේ පොඩ්ඩක් හොඳ නැහැ . එහෙත් ඔය කියන සයිස් එකට නම් නැහැ. තුරින්ගියා වල වැඩියි . ඒ පැත්ත පරණ කොමියුනිස්ට් ස්ට්‍රොන්හෝල්ඩ් එකක් . කොමියුනිස්ට් ල වෙනුවට ට්‍රම්පච්ච්චි ගේ කට්ටිය තමා බලය අල්ලන් ඉන්නේ .
Deleteඅනිත් ප්‍රශ්නය : පොලිසිය රිෆියුජි ලා කෙල්ලන්ව කොල්ලන්ව අබියුස් කරන කොට අහක බලා ගත්ත . මගේ නැන්දම්මල ඉන්නේ කොබර්ග් වල . එහෙ සිරියන් කාරයෝ වගයක් පොඩි කොල්ලෙක් සහ කෙල්ලෙක් ව අපයෝජනය කරලා . නඩුවේදී උන් කියල තියනව , අඩුවට ඇඳුම් ඇඳන් හිටිය නිසා කලේ . උන්ගේ රටේ එහෙම නැති නිසා කියල . කොමියුනිටි සර්විස් දීල. ඒ පැත්තේ මිනිසුන්ට මබනක තද වෙලා ඒකට . දෙවෙනි සැරේ වෙන සෙට් එකක් පූල් එකේ කෙල්ලන්ගේ ඇඳුම් මාරු කරන එකට පැනල . ඒවා මේවා අත ගාල . එලියට එනකොට කවුරුත් පොලිසියට කියන්න ගිහින් නැහැ . අම්බානක නෙලලා. පත්තරේ දාල තියෙන්නේ රිෆියුජි ලට ෆාර් රයිට් එවුන් ගහල කියල . පොලිසියෙන් හොයනවා කියලා . මේවා ඉස්සර නොතිබුන දේවල් . තියෙන්න ඇති . ඔය ස්කේල් එකට නැතිව .
Deleteඅනිත් ප්‍රශ්නය සමහර පැතිවල රස්සා නැති වේගෙන යාම . යුක්රේන රුසිය යුද්ධයට ගොඅක් අය වරද පටවනවා . මේ කිසිවක් නිශ අගහන්න් අයිතියක් නැහැ . ඒක පිලි ගන්නවා . https://hyphenonline.com/2024/10/09/why-is-the-far-right-thriving-in-thuringia/
Deleteමම තූරින්ගන් වල තමා ඉන්නේ. මේ හරියට කියන්නේ ගේරා කියලා. ආයි ඉතින් නියම වනාත මුල්ල ඈ..
Deleteමේ ලඟදි ජර්මන් ගෑනියෙකුයි මිනිහෙකුයි අවුරුදු 15ක් විතර ජර්මන් කොල්ලෙක් එක්ක පැටළුනා. මිනිහා බේබි කාට් එකක් තල්ලු කරන් ගියේ. අර පොඩි එකා උන් දෙන්නට පිටිපස්ස හරවලා හිටියේ. සාමාන්‍යෙන් ඒ වෙලාවට එන්ශුල්ඩිගුන්ග් (එක්ස්කියුස් මී) කියලා ඉඬ ඉල්ල ගන්නවානේ. මේහේදි මූ ගිහිල්ලා කාට් එක හැප්පුවා අර පොඩි එකාගේ ඇගේ. අරූ අනිත් පැත්ත හැරිලා බැන්නා කතා කරලා ඉඬ ඉල්ල ගන්න බැරිද කියලා. ඔන්න වලිය පටන් ගත්ත හැටි. අර ගෑනි කෑ ගහගෙන පොඩි එකත් එක්ක බැණ ගත්තා. ඊට පස්සෙ පොඩි එකාගේ කොලර් එකෙන් අල්ලලා බිත්තියට තල්ලු කලා. පොඩි එකා දුන්නා බොක්සිං පාරවල් ටිකක් ගෑනිට වැටෙන්න. ඊළඟට මිනිහා පැන්නා පොඩි එකාට ගහන්න. පොඩි එකාගෙ යාළුවෝ ටිකයි පොඩි එකයි එකතු වෙලා ඌටත් ගැහුවා. මිනිහාව අදුරන උනුත් සෙට්වෙලා අර පොඩි උන්ට ගැහුවා. පොලීසිය ඉන්නවා ඈතට වෙලා බලාගෙන වලිය ඉවර වෙනකන්. ලංකාවේ වගේමයි.
මම වහාම ඊළඟ ට්‍රෑම්ප් එකේ මාරු වුනා.
සිටි එක මාරු කරන්න කියලා බැළුවේ. එයර්ෆූට් වලත් තත්වය එමමයිලු. ලයිප්සිශ් වලට බැළුවා. ඒත් එමමයි. ඒවයි ඉන්න උනුත් එක්කො ආයි ලංකාවට යනවා. නැත්තන් රුසියාවට හරි චීනෙට හරි යනවා.
සමහරු කියනවා ඔය මියුනික් හරි බර්ලින් හරි අවුලක් නෑ කියලා. දැන් දැන් නම් ඒවත් ටිකක් අවුල් වේගෙනලු එන්නෙ. ලඟදි බර්ලින් හිටපු කොල්ලෙක්ටත් සෑහෙන්න පරිප්පුවක් ලැබිලා තිබුනා.
මමත් ඔය ජර්මන් ඇනෝ එක්ක එකගයි. ඇත්තටම යුරෝපයේ තත්ත්වය නම් කුජීතයි අජිත්, තව ටික දවසකින් (වසර කීපයකින්) යුරෝපයට කෙලවෙලා යනවා.
Deleteඑක්සත් ජනපදයේ අනාගතයත් ෂුවර් නෑ, චීනය රුසියාව සහ තරමක් දුරට ඉන්දියාව තමයි මට හිතෙන විදිහට අනාගතයක් තියෙන රටවල්, තව අවුරුදු හත අටකට විතර පස්සේ යුරෝපීය රටවල ජීවිතය දැන් ලංකාවේ ජීවිතයටත් වඩා සෑහෙන අන්ත වේවි.
ඇනෝ මම මස දෙකකට කලින් තුරින්ගිය වල කර්ස්ඩොෆ් ඉඳල ආවේ . ඔහොම දේවල් නම් දැක්කේ නැහැ . ඔය ගේරා ලස්සන සිටි එකක් . වනාතමුල්ල නම් නෙමේ https://www.youtube.com/watch?v=TVsNe5SxpWQ ගහගත්තා වුන් ජර්මන් කියල ඇත්තටම සුවර්ද ? ඒ පැත්තේ රුමේනියන් ගොඩක් ඉන්නවා නේද භාහ්ස්ව ජර්මන් වලට සමානයි . රුමේනියන් ල තමා ගෙරා , එර්ඵට් වල මාෆියා එක රන් කරන්නේ . උන්ගේ වැලි වලට පොලිසිය අත දන්නේ නැහැ
Deleteදෙවෙනි ඇනෝ , යුද්ධය නිසා ටිකක් ජිවන තත්වය බැහැල ඇති . නමුත් යුරෝපය ඒ තරමට දුප්පත් .නැහැ ඔය කියන දේ වෙන්නේ නැහැ . උන්ගේ බේස් එක හොඳයි . රිසිලියන්ට් ඒ නිසා එහෙම වැටෙන්නේ නැහැ . ඉන්දියාව චීනය දියුණු වෙයි . ඒක හරි
Deleteඔයා ඇවිල්ලා යනවා. අපි දිටම හිටියේ මෙහේනෙ. රුමේනියන් උන් නෙවෙයි. ජර්මන් උන්. අපේ කැම්පස් එකේ ලෙක්චරස්ලාට එහෙම කිව්වාම ගත්ත කටටම කිව්වේ ගේරා කොහොමත් ඒකාලේ ඉදලාම නොටෝරියස් කියලා. හැබැයි දැන් තියෙන්නේ ඒ නොටෝරියස් කමට එහා ගියපු ජාතිවාදයක් කියලා ඒ ගොල්ලොත් පිළිගන්නවා. අපිට කියන්නේ පුළුවන් තරම් ඉක්මනට ඉගෙනගෙන ඉවර කරලා ජර්මනියෙන් පිට වෙන්න කියලා. මේ පාර ජර්මනියේ ගෑස් චේම්බර්ස් හදන්නේ කවුද කියලා නම් දන් නෑ. හැබැයි ඒ චේම්බර්ස් වලට ඉස්සෙල්ලාම යන්න වෙන්නෙ නම් අපිට.
Deleteමල්ලි මම ජර්මනියට ඉස්සෙල්ලම යන්නේ එක්දහස් නවසිය අසූ පහේ. බටහිර බර්lලින් වලින් අවශ්‍ය දේ අරගෙන නැගෙනහිර බර්ලනයට ගිහින් හොඳට කාලා කෝච්චියට නගිනවා. බ්ලොග් එකේ ගොඩක් ලියල තියනව මේ කතා. හැම අවුරුද්දෙම දෙසැම්බරයේ ගියා . මට බිරිඳ හමුවෙන්නේ අනූ හතරේ අනූ පහේ ඉඳන් අප්‍රේල් මාසේ ඊස්ටර් එකට සහ දෙසැම්බර් නත්තලට හැම අවුරුද්දෙම ගිය.. ඒ යනකොට සුමාන දෙකක් වත් ඉන්නවා. තුරින්ගියා වල බෙන්තවුසන් කියන ගමේ දුඹුරුපාට එකෙකුට හිටියේ මම විතරයි. බිරිඳ ගේ ආච්චි සහ සීයා හිටියේ එහෙ. ළමයි ලැබුනහම එයා බටහිර ජර්මනියේ අම්මලගෙ ගෙදර මාස දෙක තුනක් ඉන්නවා. මම ගිහින් සුමන දෙක තුනක් ඉන්නවා. එතකොට අවුරුද්දකට අපිට තුන් පාරක් යනවා. මම ජර්මන් කෑම වලට හරි කැමතියි බ්‍රට්වර්ස්ට් සොසේජස්ව්ව් මගේ ප්‍රියතම කෑමක්. එකක් අරගෙන බියර් එකක් එක්ක නාඳුනන ජර්මන් කාරයෝ එක්කෙ කතා කරමින් හිටි දවස් ගොඩක් තියෙනවා හැබැයි ලිප්සිග්, එර්ෆර්ට් නගර වල රස්සා මදිකම නිසා පොඩි ප්‍රශ්න තිබ්බා තමා ඒ කලෙත්.ඇන්ජලාමකල් සිරියන් රිෆියුජි ලා මිලියන් දෙකක් ගත්තට පස්සේ දකුණු අයගේ බලය ටිකක් වැඩි වුනා තමා. නමුත් ජර්මනියට ත රුණ තරුණියන් අවශ්‍යයි ජර්මනියේ මහලු අය වැඩියි එනිසා තමා ඉගෙනීම ඉවර කරලා ජර්මන් කතා කරන අයට අවුරුදු දෙකක වීසා සහ ඊට පස්සේ අවුරුදු හතරක වීසා දීමේ සහ පසුව දිගටම ඉන්න වීසා දෙන්නේ. ඔය ප්‍රශ්න වැඩිදුර නොගිහින් අවසන් වෙයි ඕක හැම තැනම වෙන දෙයක් නෙවෙයි ්‍රොෆෙසර්ස්ලා සමහර විට අකමැති ඇති හොයලා බලන්න ලංකාවේ මොන ඒජන්තද ඔයාලව ලාභම නගර වලට යැව්වෙ කියල. මම කියන්නේ අල්ලගෙන ඉන්න. ඔය චේම්බර් කතා වෙන දේවල් නෙවෙයි. ජර්මන් ජාතිය එතැනට නැවත යන්නේ නැහැ. ඔයාගේ ඉන්නවා සිටි එක ලිපිනය සහ ටෙලිෆෝන් එක දෙන්න ඊළඟ සැරේ එනකොට මම විසිට් එකට එන්නම් බලමු උදව් කරන්න්න . යාළුවෙක් ඉන්නවා ඩසල්දොර්ෆ් . අහල බලන්නම් ගන්න පුලුවන්ද කියල. ඕවගේ පොඩි වැලි හැම රටකම වෙනවා . එංගලන්තේ ඊයේ පෙරේද වුනේ.
Delete
Deleteමම ප්‍රශ්නයක් අහන්නම්. මල්ලි මගේ බිරිඳ දැන් බුද්ධාගමේ. පන්සලේ කඨිනෙටත් ඉන්නවා. මම යන්නේ නැහැ. අර කිව්ව ගමේ ජර්මන් බුද්ධ ආගම් පවුල් දෙකක් ඉන්නවා. මම එයාල බර්ලින් පන්සලටත් යැව්වා. එයා, මාමා නැන්දා සහ පවුලම ලංකාවට දෙවතාවක් ලංකාවට ගියා ඒගොල්ලෝ වර්ණවාදී හෝ ජාතිවාදී නැහැ මම ඔයාගෙන් ප්‍රශ්නයක් අහනව. එහේම උනත් එයාලා සපෝට් කකරන්නේ ්‍රම්ප් ට සහ පූටින් ට. ඇයි ඒ ?
අයියා කියන කතාවේ පොඩි ඇත්තක් තියෙනවා. හැබැයි ඒකේ කතන්දරේ අපි බුද්ධාගමේ වීම. අපේ එපාර්ට්මන්ට් එකෙ හිටපු සීයා කෙනෙක් මුලින් අපිට ඔරෝ ඔරෝ හිටියේ. හැබැයි හැමදාම මම පොරව දැක්කොත් පොඩි හිනාවක් දාලා ග්‍රීට් කරලා ගියා. දවසක් පොර මගෙන් ඇහුවා මං මොකද කරන්නේ කියලා. මන් කිව්වා මං පොඩි ජොබ් එකක් කරන්නේ කියලා. ඊළඟට ඇහුවේ මං මොන රටේද කියලා. මං ලංකාවේ කිව්වාම ඔන්න පොඩ්ඩක් ශේප්. ඊළඟට ඇහුවේ මගේ ආගම මොකද්ද කියලා. බුද්ධාගමේ කිව්වම තමයි ඔන්න පොර සෙට් උනේ.
Deleteඊට පස්සෙ පොරගෙ යාළුවෝ උනත් දැක්කොත් මාව අදුන්නලා දෙනවා ලංකාවේ කෙනෙක් බුද්ධාගමේ කියලා.
මං දවසක් කතා කරනකොට පොරට කියවුනා පොර මුස්ලිම් අයට කැමති නෑ කියලා. එයා කියන්නේ මුස්ලිම් උන් ඇවිල්ලා ළමයි හද හද සොෂල් ගෙල්ඩ් (සමාජ සේවා සල්ලි ) වලින් ජීවත් වෙනවා. රස්සා කරන් නෑ. මොකක් හරි කුණු වැඩක් කලොත් ඒකේ මුලින්ම ඉන්නෙ මුස්ලිම් උන් කියලා.
ඒ කතාවල පොඩි ඇත්තකුත් තියෙනවා හැබැයි. පොර අපිටත් මුලින්ම රවලා තියෙන්නේ අපි මුස්ලිම් කියලා හිතලා. අපි වෙනස් සහ ජොබ් කරලා ටැක්ස් ගෙවනවා කියලා දැන ගත්තාම ඔයාගේ බ්‍රයන් වගේ අපිත් එක්කත් හොද උනා. (මං ඒකයි ඔයාගේ මේ බ්‍රයන් කතා ටික කියවන්නේ.)
හැබැයි මෙහේ සීන් එක තියෙන්නේ අපිට පිටේ ගහන් යන්න බෑ නේ "අපි ශ්‍රී ලංකා, බුද්ධාගමේ සහ ජොබ් කරලා ටැක්ස් ගෙවනු ලැබේ" කියලා. ඒ හින්දා ඉතින් පාරෙදි තොටේදි සිද්ධවෙන සිදුවීම් එමටයි.
ඔය පුටින්ට සහා ට්‍රම්ප්ට් කැමති එක නම් මන් හිතන්නේ අවුලක් නෑ. මම උනත් කැමතියි ට්‍රම්ප් දිණුවට. ට්‍රම්ප් කියන්නේ ඇමෙරිකාවේ ඉන්න විජාතිකයෝ යවන්න ඕනේ කියලා නෙවෙයි. අනවසර සංක්‍රමණිකයෝ යවන්න ඕනේ කියලා. මට නම් ඒකේ අවුලක් පේන් නෑ. මොකද අනවසරයෙන් ඉන්නවා කියන්නේ නීතී කඩ කිරීමක්. නීතීයට අනුව ඇවිල්ලා ඉන්නවා නම් ඒක ඒ රටේ දියුණුවටත් හොදයි. මෙහේ ඉන්න ගොඩක් මුස්ලිම් උන් කරන්නේ අවුරුද්දට එක ගානේ ළමයි හදනවා. මං හිතන්නේ එක ළමයෙකුට ආණ්ඩුවෙන් යූරෝ 350ක් විතර ගෙවනවා. සමහර මුස්ලිම් පවුල් ඉන්නවා රස්සාවක් නොකර මාසෙට යූරෝ 3000ක් විතර ආණ්ඩුවෙන් ලැබෙන ළමයි නිසා. මෙහේ ඉන්න ජර්මන් උන්ට මළ පනින එක සාධාරණයි. හැබැයි උන් ඒ මළ පිට කරන විදිය වැරදියි.
Deleteමම ජාතියක් ගැන කතා කරන කැමති නැහැ . /හැබැයි මෙහේ සීන් එක තියෙන්නේ අපිට පිටේ ගහන් යන්න බෑ නේ "අපි ශ්‍රී ලංකා, බුද්ධාගමේ සහ ජොබ් කරලා ටැක්ස් ගෙවනු ලැබේ" කියලා. ඒ හින්දා ඉතින් පාරෙදි තොටේදි සිද්ධවෙන සිදුවීම් එමටයි.// ඔය පැත්තේ වැඩි නම් වෙන පැත්තකට යන එක තමා හොඳ . දැනට බටහිර පැත්තට යන්න . කොබර්ග් හොඳයි . ඉන්දියන් අයිටී කට්ටිය ගොඩක් ඉන්නව . 1995 මම විතරයි දුඹුරු එකෙකුට හිටිය . එංගලන්තෙත් සෝමාලියා , නයිජීරියා සෙට් එක ඔය වැඩේ කරනවා . ළමයි පිටින් අරන ඇවිත් තමන්ගේ පවුලට දාල සල්ලි ගන්නවා . හැබැයි නැගෙනහිර යුරෝපියන්ස් එට් එකත් ඒකම කළා මෙහෙ . මේ රටවල ඔය සහනාධාර මගුල නවත්වලා වෙන විධිහැක හදන්න ඕනේ . හරියන්නේ නැහැ
Deleteතෑන්ක්ස් අජිත් අයියා. මම මගේ ඩිටේල්ස් වෙනම කොමෙන්ට් එකකින් දාන්නම්. ඒක පබ්ලිශ් කරන්න එපා. ඔයා දැන් කොමෙන්ට්ස් මොඩරේට් කරලා තියෙන නිසා අවුලක් නෑනේ.
Deleteඅපිත් කියන්නේ සහනාධාර යම් කිසි මට්ටමකට සිමා කිරීමක් කරන්න ඕනේ. අනික ඔය රෙෆියුජි දාලා එන උන්ගේ මූව්මන්ට්ස් තුත් පාලනය කරන්න ඕනේ. අඩු ගානේ ඔය දෙන ෆැසිලිටීස් අඩු කරන්න ඕනේ. මොකද මුන් මෙහේ ඇවිල්ලා රස්සා කරන්නෙත් නෑ. ඉගෙන ගන්නෙත් නෑ. සහනාධාර වලින් ජිවත් වෙලා අනිත් උන් එක්ක වලිත් දා ගන්නවා. අර සරණාගත කදවුරු වගේ හදලා ඒවයි ගාල් කරලා තිබ්බා නම් ඉවරයි. ළමයින්ට දෙන සහනාධාරත් දෙන්නෙකුට හරි තුන් දෙනෙකුට හරි සීමා කලා නම් ඉවරයි. දැන් පෙබරවාරි වල ඡන්දයක් එනවා. බලමු මොකද වෙන්නේ කියලා.
අජිත් අයියේ, මාව මේ ඊ මේල් එකෙන් කන්ටෑක්ට් කරන්න පුළුවන්. මට මේල් එකක් එවන්න මන් අනිත් කන්ටෑක්ට් ඩීටේල්ස් එවන්නම් මේල් එකකින්. බොහොම ස්තුතියි.
Deleteඅජිත් ධර්මකීර්ති, ඔබ අහිංසක පුද්ගලයන් මරා දමන්නේ ඇයි.
ReplyDeleteඔබට ලැබෙන්නේ කුමක්ද. නිරායුධ අහිංසක පුද්ගලයන් රිය අනතුරුවලට ලක් කොට මරා දමා ඔබ ලබා ගන්නේ කුමක්ද ඔවුන්ගේ ජීවිතය ද?
අනේ අම්මේ ඇති බන් ඔය. උබලා නිකන් ටෝක්ස් දෙන්නේ දාහකට ගහලා සීයක් මරලා වගේ. හැබැයි කාට හරි පඩයක් ගියාම සද්දෙ ඇහිලා ඉවර වෙන්නත් කලින් ඇදක් යට හැංගිලා.
Deleteඔය මදෑ. අජිත්ට උබව මරන්න බෑ. උබ ඉන්නේ ඇනොනිමස් විදියටනේ. උබව හොයාගන්න පුළුවනෑ මරන්න. නාඬා ඉඳින්.
ඇනෝ :))) . පව් මොකක් හරි ප්‍රශ්නයක් ඇති , අර තිබ්බතයේ මල පොත කියෙව්වනම් ඔය බය ඇරෙයි ,
Deleteවර්තමාන ජනතාවාදී ජාතික ජන බලවේගයේ නව රජය මගින් වහාම ක්‍රියාත්මක වන පරිදි මීට පෙර රනිල් වික්‍රමසිංහ රජය මගින් සැලසුම් කොට තිබුණු ලංකා විදුලි බල මණ්ඩලය පෞද්ගලීකරණය කිරීම නතර කොට ඇත.
ReplyDeleteමෙය වත්මන් ආණ්ඩුව බලයට පත් වූ පසුව ගත් වැදගත්ම තීරණවලින් එකකි. මේ ගැන ජනතාව බොහෝ සේ සතුටු වෙන බව ද දකින්නට ලැබෙන අතර රනිල් වික්‍රමසිංහ පිනට ලැබූ ජනපති ධූරය දැරු අවුරුදු දෙකක කාලය තුළ, බරපතල ලෙස රට හිර කොට ඇත. ඔවුන් විසින්ම යහපාලන චෞර රෙජීමය සමයේ සිදුකල ඩොලර්බිලියන 12.5කට අධික ජාත්‍යන්තරස්වෛරීත්ව බැදුම්කර ණය උගුලේ ප්රතිඵලයක් ලෙස ඇතිවු 'ගෑස් පෝලිම් නැති කිරීම' සඳහා ආර්ථික ස්වාධිපත්‍යය ද ඇතුලු බොහෝ වැදගත් දේ මෙම දෙවසරේදීද බිල්ලට තබා ඇත.
මෙවර ජනතා බලාපොරොත්තුව වූ මාලිමාව ලකුණින් ජයග්‍රහණයකළ ජාතික ජන බලවේගය ජනාධිපතිවරණයේ දී ලබාදුන්, ‘පොහොසත් රටක‘ ප්‍රතිඥාව ඉටු කිරීම සඳහා පලමුව මෙම සිරවීමෙන් එලියට ඒම අවශ්‍ය කෙරේ.
අපේ සමස්ත රටටම සහ ආර්ථික වශයෙන්ද දැඩි ලෙස බෙහෙවින් අවාසිදායක අන්තර්ජාතික කොන්දේසි යටතේ, ආණ්ඩුවට දුවන්ට සිදු වී තිබෙන්නේ මීටර සියයේ තරගයක් නොව, මැරතන් එකකි.
රනිල්ලා පටලා ඇති මේ මර උගුල් වල සිරවී ඇති රටට පෞද්ගලී කරණය වැනි රටට හානිකර ක්රියාවලීන් එක්වරම නතර කිරීම ආදිය පහසු තීරණ නොවේ. මෙහි නියත ප්‍රතිවිපාක ඇත. එහෙත් ජාතික ආර්ථිකයක් ගැන ඉදරිපත් කළ අදහසට තමුන් ඉතාමත්ම බැරෑරුම් ලෙස කටයුතු කරන බව ජාජබ ආණ්ඩුව මෙම තීරණය මගින් රටටම පෙන්වා ඇත.
දැනට ලංකාවේ දේශපාලනයේදී ප්‍රතිගාමීත්වය අක්ෂ දෙකක් වටා සංවිධානය වෙමින් තිබෙන බව පෙනෙයි. පලමු අක්ෂය, මහබැංකුව කඩපු රට විනාශ කරපු දූෂිත රනිල් වික්‍රමසිංහගේ අක්ෂයයි.
රනිල් වික්‍රමසිංහ වැනි පාදඩයකුගේ ත්‍රී ඉඩියට්ස් විහිලුව, හුදු විහිලුවක් නොවේ. අන්තර්ජාතික බලවතුන්ගේ අනුග්‍රහය සහිතව රට කරගෙන යා හැක්කේ, ගම්වලින් පැමිණි බයියන්ට නොව, තමුන් වගේ අයට බව කියන, බොහොම පන්තිවාදී කථාවකි.
ඊළඟට රටට හානිකර දෙවැනි අක්ෂය, දැනට සුලු ලෙස පෙනෙන නමුත්, සර්වජන බලය වැනි සංවිධාන නියෝජනය කරන ස්වෝත්තමවාදී අක්ෂයයි. මේ දෙවර්ගය ඉදිරියේ දී වංක සහයෝගයෙන් ක්‍රියා කරන්ට නියමිතය.
මේ නිසා ඉදිරි දින කිහිපය ඇතුළත එලැඹෙන මැතිවරණයේ දී ශක්තිමත් ආණ්ඩුවක් පිහිටුවීම වැදගත් වන්නේ ජනතා සහයෝගය හැර අන් කිසිවක් ආණ්ඩුවට නොමැති නිසාය. එම ජනතා සහයෝගය උපරිම වශයෙන් ප්‍රකාශමාන කිරීම වැදගත්ය.
පසුගිය සැප්තැම්බර් 21 දාට පසුව අපි කාටවත් ආපසු හැරීමක් නැත. එක්කෝ අනාගතය අපගේය ; නැතිනම් සාගල රත්නායකගේ හා දිලිත් ජයවීරගේය. ඒ නිසා අනිවාර්යයෙන්ම අපි ඒ දිනූ සුලු දේත් රැකගෙන ඉදිරියට යාමට අවශ්‍ය සහයෝගය ජාතික ජන බලවේගය මාලිමාවට ඡන්දය ප්‍රකාශ කර අනිවාර්යයෙන්ම මාලිමාව දිනවීමට කටයුතු කරමු. මාලිමාවට ජය වේවා !!
මේ අනිකා. හැම බ්ලොග් එකේම මේ කක්කා බැට්ට පෝස්ට් කරන් ගිහිල්ලා. වැදගත් දෙයක් අහගන්න නෑ ලිපිය ලියපු එකාගෙන්. දාන බැට්ටක් පේලි දෙකකින් විතර දාපන් බන්. නැත්තං උබ උබේම බ්ලොග් එකක් හදලා ඔය ලිපි ලියපන්.
DeleteReply
මේ අනිකා. හැම බ්ලොග් එකේම මේ කක්කා බැට්ට පෝස්ට් කරන් ගිහිල්ලා. වැදගත් දෙයක් අහගන්න නෑ ලිපිය ලියපු එකාගෙන්. දාන බැට්ටක් පේලි දෙකකින් විතර දාපන් බන්. නැත්තං උබ උබේම බ්ලොග් එකක් හදලා ඔය ලිපි ලියපන්.
ReplyDeleteඇත්තටම අජිත් ඔයා මොකද හිතන්නේ එක්සත් ජනපද නව ජනාධිපති ට්‍රම්ප්ගේ ජයග්‍රහණය සහ ඒ සමගම සිදුවූ එක්සත් රාජධානියේ තිගැස්ම පිළිබඳව?
ReplyDeleteසාමාන්‍යයෙන් ලෝකයේ කියමනක් තියනවා “එක්. ජනපදයට කිඹිහුම් යන විට ලෝකයට සෙම්ප්‍රතිශ්‍යාව වැළෙදනවා” කියලා. ලෝකයට ඒ කතාව එහෙම වෙද්දි UK වලටත් ඒක සෑහෙන්න දුරට බලපානවා. UK වල ප්‍රධාන දේශපාලණ සහචරයා වෙන්නේ ඇ.එ.ජ. මොකද යූකේවල නායකයෝ අසල්වැසි ප්‍රංශයට යනවට වඩා වාර ගණනක් ඇඑජට යනවා එනවා.
නමුදු ඒ තත්වය එහෙම තියෙද්දි වාමවාදී කම්කරු රජයක් එක්සත් රාජධානියේ බලයට පත්වෙලා මාස කීපයක් ඇතුලත ඇඑජ බලය දක්ෂිනාශික ප්‍රකෝටිපතියෙකු අතට පත්වීම බ්‍රිතාන්‍යයේ දේශපාලනය මුලුමනින්ම කැළඹන බවට සැකයක් නෑ.
එක්.ජනපද ජනාධිපතිවරණය පිළිබදව එක්සත් රාජධානියේදී කරපු සමීක්ෂණයකට අනුව මෙරට ජනතාවගෙන් 64% ප්‍රතිශතයක් කැමති වෙලා තිබුනේ හැරිස් ජයග්‍රහණය කරනවාට. ට්‍රම්ප් ආයේ දිනනවා දකින්න ඕනි වෙලා තිබුනේ 18% පමණයි. ඒ වගේම බ්‍රිතාන්‍යයේ ජනතාවගෙන් 76% විශ්වාස කරනවා එක්.ජනපදයේ පත්වන ජනාධිපතිවරයා බ්‍රිතාන්‍යයේ දේශපාලණයට සෘජුව බලපාන බව. ඒක ඇත්ත. 2017 ට්‍රම්ප්ගේ පළමු ජයග්‍රහනයේදී එවකට බ්‍රිතාන්‍යයේ අග්‍රාමාත්‍යවරිය වූ තෙරේසා මේ වහාම එ.ජ.යට ගියේ NATO එකට ට්‍රම්ගේ සහාය ලබාගන්න සහ පුටිං එක්ක ට්‍රම්ගේ තියන ඇයි හොදයිය ගැන අණතුරු අගවන්න.
ඩෙනල්ඩ් ට්‍රම්ප්ගේ මතය වෙන්නේ එක්.ජනපදය NATO එකෙන් ඉවත් විය යුතුයි කියන එක. හැබැයි මේ වෙලාවේ ලෝකයේ පවතින තත්වයත් එක්ක ට්‍රම්ප්ට ඒක එච්චර ලේසි නොවුනත් ට්‍රම්ප් නේටෝ එකේ අනෙක් රටවලට බලකරන්න ඉඩ තියනවා තම තමන්ගේ ශෙයාර් එක වැඩි කරන්න කියලා. ඒ වගේම එක්.ජනපදය අසීමිතව NATO එකට වියදම් කරන ප්‍රමාණය අඩු කරන්නත් ඉඩ තියනවා. එහෙම උනොත් බ්‍රිතාන්‍යයට විතරක් නෙමයි මුළු යුරෝපයටම ඒක බරපතල ආරක්ෂක තර්ජනයක් වෙන්න ඉඩ තියනවා.
ඊළගට රුසියානු යුද්ධය. ට්‍රම්ප් කැට තියලා කිව්වා තමන් දිනුවොත් රුසියානු යුද්ධය නතර කරන බව. ට්‍රම්ප් පුටින් එක්ක සෑහෙන හිතවත්. දැන් ප්‍රශ්නය තියෙන්නේ ට්‍රම්ප් යුද්ධය නතර කරන්න යන්නේ කොහාමද කියන එක. ඔහු තීරණය කරොත් යුක්රේනයේ කොටසක් රුසියාවට දීලා මේක බේරගන්න කීයටවත් බ්‍රිතාන්‍යය ඇතුළු යුරෝපය ඒ තීරණයට කැමති වෙනේකක් නෑ. එහෙම උනොත් රටවල් අතර අතිබරපතල මහා දේශපාලන ඝට්ඨනයක් මතු වෙන්න ඉඩ තියනවා.
ඊළග ප්‍රශ්නය තමයි ට්‍රම්ප්ගේ හිතුවක්කාර වැඩපිළිවෙල පැහැදිලි නොවීම. බ්‍රිතාන්‍යයේ විදේශ අමාත්‍යංශයත් වොෂින්ටන් හී බ්‍රිතාන්‍ය තානපති කාර්ය්‍යාලයත් ට්‍රම්ප්වත් ට්‍රම්ප්ගේ පත්විය හැකි නිළධාරීනුත් සමීපව නිරීක්ෂණය කරමින් ට්‍රම්ප්ගේ වැඩපිළිවෙල තේරුම් ගන්න උත්සාහ කරමින් ඉන්නවා. ඒ වගේම බ්‍රිතාන්‍යයේ කම්කරු රජය හැරිස්ගේ මැතිවරණ ව්‍යාපාරයට සහාය දුන් බවටත් ට්‍රම්ප්ගේ පැත්තෙන් චෝදනාවක් තියනවා. මතකනේ අර සිය දෙනෙක් එක්.ජනපදයට යවපු විකාරය? ඒවත් මේ දේශපාලන සම්බන්ධය ගොඩනගා ගන්න පොඩි කොස්සක් වෙන්න ඉඩ තියනවා. ඒ වගේම බ්‍රිතාන්‍යයේ අන්ත දක්ෂිනාශික, ජාතික#වාදී දේශපාළඥයෙක් වන reform UK නායක නිගෙල් ෆරාජ් සහ ට්‍රම්ප් අතර සමීප හිතවත්කමත් බ්‍රිතාන්‍ය රජයට ඉදිරියේදී දැඩි හිසරදයක් වෙන්නට බොහෝදුරට ඉඩ තියනවා කියලා තමයි මත පළ වෙන්නේ. මේ ගැන වැඩිදුරටත් විග්‍රහ කරන්න පුළුවන්ද?
ආයි අහවල් දේද බන් උබ අජිත්ට විග්‍රහා කොරන්න ඉතුරු කොරලා තියෙන්නේ?
Deleteඅම්මපා ඇත්ත 😀
Delete