සෝවියට් රුසියාවේ නිරුවත හෙළි කරන ‘ප්‍රථම ප්‍රේමය ඔබ නොවේ" - ජයසිරි අලවත්ත

ප්‍රවීණ මාධ්‍යවේදියකු හා ගත් කතුවරයකු වන ජයසිරි අලවත්ත විසින් මවිසින් රචිත  "ප්‍රථම ප්‍රේමය ඔබ නොවේ " කෘතියට  විචාරයක් පල කර තිබේ. 

 ඒ  ගැන නොව පොතේ සදහන්  ගීත ගැන යමක් ලියමි. සෝවියට් දේශයේ සිටි කාලයේ ඒ ගීත බොහොමයක් ඇසුවේ රෙකොර්ඩ් ප්ලේයර් එකකිනි. විනිල් රෙකෝඩ් නමින් හඳුන්වන ගීත තැටි බොහොමයක් ඒ කාලයේ මා සතුව තිබුණි. මේ සියල්ල දැන් කෞතුක වස්තූන් මෙනි. මේවා මිලදී ගත්තේ  1988-1990 කාලය තුලදීය. සෝවියට් දේශය අද නැත. රෙකෝඩ් තැටි  රුසියානු භාෂාවෙන් හැඳින්වූයේ ප්ලස්තින්කි යනුවෙනි.   වසර තිහකට පමණ  පසු මේ ලොක් ඩවුන් සමයේ ඒවා සොල්දරයෙන් බිමට බා ගතිමි. 

වැලරි ලියෝන්තියෙව්, ලයිමා වයිකුල්යේ, ව්ලදිමීර් විසොට්ස්කි, සොෆියා රොතාරු හා  ඇමෙරිකන් ජන ගී ගායිකා ජෝන් බඑස්  ගේ ගීත තැටි ඒ අතර වේ. නිහඬව ඒවා ඇසීමට නැවතත් දැඩි ආශාවක් හිතේ පහල විය. පොතක් ලියනවා කියන්නේ හිතක් නිවෙනවා යයිද කීමට නොදනිමි.

ජයසිරි අලවත්ත ගේ ලිපිය පහල ඇත.

සෝවියට් රුසියාවේ නිරුවත හෙළි කරන ‘‘ප්‍රථම ප්‍රේමය ඔබ නොවේ’’

 

‘‘නිරුවත’’ කියූ සැණින් කාන්තාවකට නම් සිහිපත් වන්නේ පුරුෂ සිරුරේ නිරුවත යි. පුරුෂයකුට නම් සිහිපත් වන්නේ කාන්තා සිරුරේ නිරුවත යි. ඒ, අනෙකාගේ නිරුවත් සිරුර කෙරෙහි දක්වන ආසක්තභාවය හේතුවෙනි; එය ‘‘සුන්දර’’ යැයි සංකල්පයක් ගොඩනැගී ඇති බැවිනි. එහෙත් නිරුවත යනු කිසියම් පුද්ගලයකුගේ ශරිරයේ ආවරණය කර ඇති කොටස පමණක් ම නොව්. එකී නිරුවත යනු: රටක, ජාතියක, ආගමක, කුලයක, දේශපාලන පක්ෂයක හෝ පවුලක පවත්නා ලෝකයාට හෙළි නොකළ අභ්‍යන්තර තත්ත්ව ද විය හැකි ය. එකී නිරුවත යනු සුන්දර යැයි සංකල්ප ගතව තිබෙන මිනිස් සිරුරක නිරුවත තරම් සුන්දර නොවේ. එය: තිරස්චීන විය හැකකි ය; ම්ලේච්ඡ විය හැකි ය; අසුන්දර විය හැකි ය; විශ්වාස කළ නොහැකි තරමට ජගුප්සා ජනක විය හැකි ය. එසේ නම් අපි එකී නිරුවත අනාවරණය කර නොබැලිය යුතු ද...? නැත... සුන්දර යැයි සංකල්ප ගතකර ඇති මිනිස් සිරුරේ නිරුවත මෙන් ම යට කී වර්ගවලට අයත් නිරුවත ආවරණය කර බැලිය යුතු ය. එය තමන්ට ආවරණය කළ නොහැකි නම් ආවරණය කළ පුද්ගලයකුගේ නිර්මාණයක් තුළින් හෝ කියවා, විඳ දැක ගත යුතු ය.

 

එසේ කියවා, විඳ දැකගත හැකි නිරුවතක් ප්‍රදර්ශනය කෙරෙණ කෘතියක් කියවා අවසන් කළෙමි. ඒ, අජිත් ධර්ම විසින් රචිත ‘‘ප්‍රථම ප්‍රේමය ඔබ නොවේ’’ නමැති කෘතිය යි.

 

කෘතියේ නම දුටු සැණින් හෝ කියවූ සැණින් මෙම කෘතිය හුදු බොළඳ ආදර කතාවක් විය හැකියැයි සැක සිතේ. එය සාධාරණ ය. මන්ද පොතේ පිටකවරය නිර්මිත වී තිබෙන්නේ ද එය වඩ වඩාත් තහවුරු වන ආකාරයෙනි. එමෙන් ම මෙම කෘතිය තුළ උත්තරිතර යැයි සැලකෙන ආදර කතාවක් ද නැතවා නොවේ. එහෙත් මෙම කෘතිය තුළ මා කියවූයේ එකී උත්තරීතර ආදර කතාව අභිභවා යන ජුගුප්සා ජනක දේශපාලන කතාන්දරයකි; වෙසෙසින් ම එදා මෙදාතුර පැවති, (1917 වසරේ සිට 90 දශකයේ අවසන් භාගය දක්වා)  ලෝ ප්‍රකට සෝවියට් දේශය හෙවත් සෝවියට් සමුහ ආණ්ඩුව නමැති ලෝකයෙන් වසන් කළ, කුඩා පොද වැස්සකට වුව ද සේදි යා හැකි ලෙස සවු කඩදාසිවලින් ආවරණය කළ සැකිල්ල පිළිබඳ කතාවකි; එහි නිරුවත පිළිබඳ අනාවරණයකි.

 

මෙම කෘතියට අනුව එකී රාජ්‍යය තුළ සාධනිය යමක් පැවතියේ නම් ඒ තරුණ තරුණියන්ගේ ලිංගික නිදහස පමණි. එනම්. කිසියම් තරුණයකු හෝ තරුණියක නිත්‍යානුකුල විවාහයකට එළඹෙනවාද නැද්ද යන්න සහ එසේ නිත්‍යානුකූල විවාහයකට එළඹීමට පෙර එකට ජීවත් වනවාද නැද්ද යන්න තීරණය කිරීම එම යුවළ සතු ස්වයං තීරණයක් වීම පමණි. එමෙන් ම එසේ ජීවත්වන යුවළකගේ ලිංගික එක්වීම හේතුවෙන් යම් ආකාරයකින් තරුණිය ගැබ් ගත්තේ නම් ගැබ විනාශ කරනවා ද, යුවළ විවාහ වනවා ද එසේත් නැතිනම්  උපදින දරුවාගේ රැකවරණය ආණ්ඩුවට බාර කරනවාද නැද්ද යන්න තීරණය කිරීමේ අයිතිය ද එම යුවළ සතුවීම ය. ඒ හැර අන් බොහෝ දෑ රජවාසලට හකුරු නිෂ්පාදනය කළ පුද්ගලයාගේ ඇතුළාන්තය බඳු ය.

 

කතුවරයා මේ නිරුවත හෙළි කිරීම ආරම්භ කරන්නේ කෘතියේ පෙරවදනේ දී ම ය.

 

‘‘මිනිසුන්ට අවශ්‍ය ඇඳුම් පැළඳුම් බටහිර මෙන් විච්චූර්ණ නොවී ය. එවැනි ඇඳුම් අවශ්‍ය අය ඒවා මිලට ගත්තේ අප වැනි විදේශික ශිෂ්‍යයන්ගෙනි. එසේම සන්ගීත තැටි බටහිර සිනමා කෘති හා බටහිර කෑම බීම ද, බටහිර සංගීත උපකරණ ද, එසේ විදේශිකයන්ගෙන් මිලදී ගැනුණි. බොහෝ විට මේවා කෙරුනේ නේවාසිකාගාර තුළ, ටැක්සි තුළ, මහපාරේ අඳුරු මුළුවල ය.

පිටුව VIII

 

මෙසේ ආරම්භ කරන එරටේ කුණු වී ඔජස් ගලන සමාජ ස්ථරය පිළිබඳ අනාවරණය සමස්ත කෘතිය පුරාම විදාරණය කෙරේ. කතුවරයා ආරම්භයේ දී ම පවසන පරිදි ඔරුවල බන්දු විසින් රචිත ‘‘පස් අවුරුද්ද’’ කෘතියේ අන්තර්ගතය අභිභවන තරමේ හෙළිදරව්වක් මෙම කෘතියේ අන්තර්ගත ය. මගේ පුද්ගලික හැඟීම නම් පාඨක ප්‍රජාව ලෙස අප වැඩි අවධානය යොමු කළ යුත්තේ ද, වඩ වඩාත් හැදෑරිය යුත්තේ ද ගිහාන්ගේ සහ තාන්යා ගේ ආදර කතන්දරය නොව වර්ණ කඩතිරකින් මුවා කර තිබෙන සෝවිට් රුසියාවේ අදුරු, ජුගුප්සා ජනක දේශපාලන, සමාජ සහ ආර්ථික පසුබිම බව ය.

 

කෘතියේ ප්‍රධාන චරිතය වන ගිහාන් හරහා කතුවරයා කෘතියට අත පොවා ඇති ස්ථාන බහුල ය. එය සාමාන්‍ය තත්ත්වයක් වුව ද මෙම කෘතියේ එකී තත්ත්වය සීමාව ඉක්මවා ගොස් ඇතැයි මට හැඟේ. එනමුදු එතුළින් යට සඳහන් කළ ආකාරයට සෝවියට් රුසියාවේ ඍණාත්මක පාර්ශ්වය මෙන් ම ධනාත්මක පාර්ශ්වය ද ප්‍රකට කෙරෙන්නේ පාඨක ප්‍රජාව විස්මයට පත් කරමිනි.

 

‘‘ගැහැනු ළමුන්ට දෑවැද්ද දීමක් කියා දෙයක් නැත. එයින් ඔවුන් නිදහස්ය. කුලය බැලීම අවශ්‍යද නැත. මෙතන ඇත්තේ එක්තරා අන්දමකින් නිදහස් ආදරයකි. තරුණයා හෝ තරුණිය බොහෝ විට තමන් කැමති කෙනෙකු සමඟ පෙම් සබඳතා පටන් ගනිති. මේවා සමහර විට කෙළින්ම ලිංගික සම්බන්ධයෙන්ම අරඹති. එසේ නොවී මාස ගණන් දිගට යන සබඳතා ද තිබේ. විවාහවලින් කෙළවර වන්නේ බොහෝ විට දරුවකු ඉපදෙන විටය. සෝවියට් නීතියට අනුව දරුවකු ලැබෙන්නේ නම් විවාහ විය යුතු අතර පිරිමියා දරුවා තමන්ගේ නම් බාරගත යුතුය. බොහෝ තරුණ තරුණියන් විශ්ව විද්‍යාල නේවාසිකාගාරවල එකට ජීවත්වීම සාමාන්‍ය දෙයකි. එසේ නොමැති තරුණයකුට හෝ තරුණියකට සබඳතා කිහිපයක් එකවර පැවතීම ද සාමානය දෙයකි. එනම් නිත්‍ය පෙම්වතෙකු හෝ පෙම්වතියක නැත්නම් නිදහස් ලිංගික සබඳතාවයන් ගෙන යාම ගැන දෙමාපියන්වත් වෙන කවුරුන්වත් කිසිවක් කියන්නේ නැත. සමලිංගික සබඳතා සෝවියට් දේශයේ තහනම්ව තිබුණි. එනිසා ගිහාන් එවැනි දේ තිබේදැයි නොදත්තේ ය.’’

පිටුව 18

 

මෙබඳු ඉදිරිපත්කිරීම් තුළින් ගම්‍ය වන කරුණු දෙකක් සැලකිල්ලට ගත හැකි ය. එනම් කෘතියේ අන්තර්ගත කාලවකවානුවේ සෝවියට් රුසියාවේ පැවති සමාජ පසුබිම යි. අනෙක් පසින් ගිහාන් සහ තාන්යාගේ ආදරය අන්දරය තුළ ඉදිරිපත් කෙරෙන සිදුවීම් අභව්‍ය නොවන දෑ බව ඒත්තු ගැනීමට කතුවරයා ඉදිරිපත් කරන සාක්ෂි ය. එසේ නොවන්නට ‘‘මෙවැනි දෑ සිදුවිය හැකිද..?’’ යනුවෙන් ලාංකික පාඨක ප්‍රජාව ප්‍රශ්න කරනු නොඅනුමාන ය.

  

සෝවියට් රුසියාවේ පැවති ස්ත්‍රී පුරුෂ ලිංගික නිදහස පිළිබඳ කතුවරයා ඉදිරිපත් කරන තවත් නිදසුනක් වෙත අවධානය යොමු කරමු.

 

‘‘ලැට්ටා යනු ලතින් ඇමරිකානු සිසුවෙකි. ඔහුගේ විශේෂත්වය ඔහුට වඩා වයසින් වැඩි කාන්තාවන් නිතර ඇසුරු කිරීම ය. ඇසූ විට කියන්නේ ඔය බොළඳ කෙල්ලන්ට වඩා වැඩිමහලු කාන්තාවන් දෙන සැප වැඩි බවය. වරක් එකියක් ගිහාන්ගෙන් ඇගේ යෙහෙලියක් ගැන කියා හඳුනාගැනීමට කැමතිදැයි විමසුවාය. ඔහු එය කාරුණිකව ප්‍රතික්ෂේප කිරීම අනිත් සිසුන්ගේ උපහාසයට ලක්විණි. මේ අය දික්කසාද වුණු මැදිවියට එළඹෙන කාන්තාවන්ය ළමයි බලාගැනීම මෙන්ම රැකියාවට යාමද එක සේ කරන ඔවුන්ට ශිෂ්‍යයකු සමඟ යහළු වීම වඩා පහසුය. වැඩි බලපෑමක් නැතිවම තමන්ගේ ලිංගික අවශ්‍යතාවය ඉටු කරගෙන යා හැකිය. සමහර වඩිමහලු කාන්තාවන් ලැට්ටා බලන්න එන විට හතරපස් දෙනෙකුට සෑහෙන්න සුප්  හෝ වෙනත් කෑමද රැගෙන එති. එදාට හොඳ සුප් එකක් ලැට්ටාගේ ගානේ බිව්ව හැකිය නැතිනම් නිවසේ හදන ලද රස පිල්මේනි ටිකක් රහ බැලිය හැකිය.’’

පිටු 29, 30

 

මෙතුළින් සෝවියට් රුසියාවේ කාන්තාවන් කෙතරම් ලිංගික නිදහසක් බුක්ති විඳිනවාද යන්න සහ ශිෂ්‍යයන්ට තම ආශා සන්තර්පණය කරගැනීම සඳහා ගණිකාවන්ගේ පහස පතා යාමට වුමනා නොමැති බව ගම්‍ය කෙරේ.

 

මෙම කෘතියේ කතුවරයා ගිහාන් සහ තාන්යාගේ ආදර අන්දරය ගලා බස්නා දිය පහරට සෝවියට් රුසියාවේ දේශපාලන, ආර්ථික සහ සමාජ පසුබිමේ ඉතිහාසය සහ එවකට පැවති තත්ත්වය ද විසිකර දමන්නේ මෙලෙසිනි.

‘‘ගිහාන් පසුව ඉගෙනගත් පරිදි කේජීබී විදුහලේ නම් දෙර්ශින්ස්කි උසස් විද්‍යාතනයයි. ෆීලික්ස් දෙර්ශින්ස්කි යනු පසුව කොමියුනිස්ට්වාදියෙකු වූ පෝලන්තයේ උසස් පවුලක සිටුවරයෙකි. නොවැම්බර් හත් වැනිදා සිදු වූ එහෙත් රුසියානු කැලැන්ඩරයට අනුව ඔක්තෝබර් මාසයේ සිදු වූ විප්ලවයේ නායකයා වූ ලෙනින් විප්ලවය ආරක්ෂා කිරිම සඳහා ප්‍රති විප්ලවය එරෙහිව කටයුතු කිරීමට හදිසි කමිටුවක් නිර්මාණය කර එය බාර දුන්නේ ෆිලික්ස්ටය.’’

පිටුව 59

 

මෙවන් අවස්ථා මෙම කෘතියේ බහුලව අන්තර්ගත කර ඇත. මා යට සදහන් කළ පරිදි ‘‘ප්‍රථම ප්‍රේමය ඔබ නොවේ’’ කෘතිය හුදු ආදර කතාවක් නොවන්නේ මෙබඳු කරුණු හේතුවෙනි.

 

ලංකාවේ වමේ ව්‍යාපාරයේ ආරම්භකයෝ ද, ඉක්බිති බිහි වූ නව යැයි කියා ගන්නා වාමාංශිකයෝ ද සෝවියට් රුසියාවේ පැවති ලිංගික නිදහස සපුරා ම ආවරණය කළේ ය. නමුත් එරට පැවති ලිංගික නිදහස පිළිබඳ කතුවරයා මෙබඳු අනාවරණයක යෙදෙන්නේ ලාංකීය වම්මුන්ගේ ඊනියා සංස්කෘතික බැමි පුපුරුවා හරිමිනි.

‘‘... වනය අවසන් වන තැන වූ පයින් යායක් මැද්දෙන් ගමන් කළ ඔවුහු එළිමහන් වෙරළකට පිවිසුනහ. එහිදී දුටු දෙයින් ගිහාන්ගේ ඇස් උඩ ගියේ ය.

එහි මිනිස්සු සහ ගැහැනුන් සමුහයක් අව්ව තපිමින් සිටියේ ඇඟේ නූල් පටක් වත් නැතිවය. මෙවැනි තැන් තිබෙන බව ඔහු අසා තිබුණේ බටහිර යුරෝපයේ, එංගලන්තයේ හා ඇමරිකාවේ පමණය. සෝවියට් දේශයේ එවැනි ‘‘නිදහස්’’ මිනිස්සු සිටින බවක් ඔහු දැන සිටියේ නැත. සෝවියට් දේශය තද නීති ඇති කොමියුනිස්ට් රටක් බව සෑම විටකම සිසුන්ගේ සිත්වල තිබුණි.’’

පිටුව 90

 

මිනිසාගේ ප්‍රයෝජනය සඳහා හෝ ධනේශ්වරයේ අවශ්‍යතාව සඳහා තාක්ෂණික නව නිපැයුම් සොයාගැනේ. එබදු තාක්ෂණයට පවා වංචා කිරීමට අවශ්‍ය උපක්‍රම සොයාගන්නේ ද මිනිසා ම ය. එවන් විකල්ප ක්‍රමෝපා භාවිතා කිරීම සම්බන්ධයෙන් ශ්‍රී ලාංකිකයෝ ද ප්‍රමුඛස්ථානයක් උසුලති. හැත්තෑව දශකයේ තිබූ ලංකා ගමනා ගමන මංඩලයට අයත් කොන්දොස්තරවරු අතට පත් කළ ප්‍රවේශපත් නිකුත් කරන යන්ත්‍රයෙන් වංචා කළ ලාංකීය පුද්ගලයකු ඇමරිකාවට රැගෙන ගිය බවට එකල පුවතක් පළවුණි. රුසියාවේ ශිෂ්‍යත්වයක් ලබා එහි ගොස් නොමිලේ ඉගෙනගන්නා ශ්‍රී ලාංකික ශිෂ්‍ය ප්‍රජාව ද ලන්ඩනයේ දී අපූරු තාක්ෂණික වංචාවක් කළ බව මෙම කෘතියේ අන්තර්ගත ය.

 

‘‘... ලංකාවට ‘නොමිලයේ’ කතා කරන ක්‍රමයක් ගිහාන්ට දැකගත හැකි විය. ලංකාවට කතා කිරීමට මිනිත්තුවකට පවුමක්වත් වැයවේ. එය තරමක මුදලකි. ලන්ඩනයේ පළමු සීමාවේ (Zone 01) මෙට්රෝ දුම්රිය සේවාව පවුම් පහකටත් අඩුය. එනිසා දුරකතනයෙන් කතා කිරීම සාපේක්ෂව වියදම් වැඩිය. ඔවුන් කරන්නේ එකවර පවුම් තුන හතරක් දුරකතන කුටියේ ඇති දුරකතනයට දැමීමයි. ඉන් පසු අනිත් පැත්තෙන් රිසිවරය ඔසවනවාත් සමඟම වානේ වැනි කූරකින් මුදල් දමන තැනනින් යට කුහරයට ඇන්න යුතුය. එවිට දැමූ මුදල් නැවත ලැබෙන අතර ඒවා නැවත නැවත දමමින් කතා කළ හැකිය.’’

පිටුව 143

 

කතුවරයා මේ සියල්ල පවසන්නේ ආදර අන්දරයක් පවසාගෙන යන අතරතුර ය. මා බොහෝ විට අහුලා ගත්තේ මෙවන් අවස්ථා ය. එය ඇතැම් පාඨකයකුට හෝ පාඨකාවකට නොවැදගත් විය හැකි ය. එවන් පාඨක ප්‍රජාවට කියවා රස විඳිය හැකි ආදරය අන්දරයෙන් මෙබඳු කොටස් වෙන් කරගන්නට මට අවැසි විය. මගේ විමසුමට බඳුන් වන්නේ ද එකී අනුභූති ය.

 

සෝවියට් දේශයට නොගිය ද බොහෝ ලාංකික පාඨක ප්‍ර ජාවෝ ‘‘දොන් නදිය ගලා බසී’’ කෘති මාලාව කියවා ඇති බව විශ්වාස ය. ඒ ‘‘දොන් නදිය’’ සියැසින් දුටු කතුවරයා එය මෙලෙස සඳහන් කරයි.

‘‘දොන් නදිය අසබඩ පිහිටා ඇති රොස්ටොව් නගරය මිලියනයක් පමණ මිනිසුන් සිටින විශාල නගරයකි. එය පහසුව සඳහා ප්‍රධාන ප්‍රදේශ අටකට බෙදා තිබේ. වරශිලොව්ස්කි, කිරෝව්ස්කි, ලෙනින්ස්කි, පෙදෙස් හඳුන්වා තිබෙන්නේ ඔක්තෝබර් විප්ලවයට සම්බන්ධ වූ නායකයන්ගේ නමිනි. පියේර්වමයිස්කි යනු මැයි පළමුවෙනිදා සමරන්නට යෙදුනු නමයි. සවියෙට්ස්කි නම සෝවියට් සභා ද, ඔක්ත්යාබර්ස්කි රතු ඔක්තෝබරය සිහිවන්නට ද යොදා තිබේ.’’

පිටුව 153

 

මෙම කොටස කියවු සැණින් මට සිහිපත් වූයේ අපේ රටේ මං මාවත් නම් කිරීමේ දි කෙතරම් සරල ලෙස එය කරනවා ද යන්න ය. එනම් අපේ රටේ මාවතකට තමන්ගේ නම ඇතුළත් කරගැනීමට නම්, මහා ගත් කතුවරයකු හෝ කතුවරියකු විය යුතු නැත. මහා විප්ලවවාදියකු හෝ විප්ලවවාදිනියක විය යුතු නැත. කළ යුතු ඉතා වැදගත් ම කටයුත්ත වන්නේ මහරජාණෝට ප්‍රශස්ති ගීයක් ගැයිම පමණි.

  

ගිහාන් ඇතුළු පිරිස නිවාඩු සමයේ ලන්ඩනය බලා පිටත් වන්නේ වැඩිපුර මුදලක් සොයාගැනීමේ අටියෙනි. නමුදු සමාජවාදී යැයි ලේබල් කරගත් සමාජ ක්‍රමයක් පැවති සෝවිට් රුසියාවේ මිනිස්සු සිය ජීවිකාව පවත්වාගෙන ගියේ කෙතරම් අසීරුවෙන් ද යන්න ගිහාන්ගේ පෙම්වතිය වන තාන්යා සිය නිවාඩු සමය ගත කළ ආකාරයෙන් මනාව පැහැදිලි වේ.

 

{‘‘මම ගියා කුබාන්වල අල ගලවන්න. කුස්නදාර් පැත්තේ. නැත්නම් මට සල්ලි කොහෙන්ද, මේ.’’} ඇය අවිහිංසක ලෙස පවසා දෑත පෙන්වූවාය.පෙර සුමුදුවට තිබූ ඒ දෑතේ නිය ගෙවී කැඩී තිබුණි. සමහර තැන් ලේ එනතුරු ඉරී ඇති බව පෙනුණි. ඇතැම් නිය කොනක කුබානයේ කළු පස තවමත් රැඳි තිබුණි.’’

පිටුව 156

 

තමන් විඳි කටුකත්වය තව දුරටත් පවසන තාන්යා...

 

‘‘මම ගියේ මගේ ඉස්කෝලේ යාළුවා තනාෂින්කා හා එයාගේ පෙම්වතා සිරියෝෂා එක්ක. මම කීව මට සල්ලි ටිකක් හොයාගන්න ඕනේ කියල. මගේ ශීත කාලෙට අඳින සපත්තු දෙක එයාලට විකුණන්න කියල ගියේ. එයාල කීව අල ගලවන්න යමු කියල. පරක්කු වෙල එහෙ ගිය නිසා අපට නිදාගන්න වුනේ ගොවිපළේ ඉස්කෝලෙ පංති කාමරයක. හැබැයි හැමදාම කිරි නම් ලැබුනා නොමිලේ බොන්න’’

පිටුව 158

 

කාන්තාවක් සහ පිරිමියකු අතර පවත්නා ලිංගික සබඳතා අතර නීතියෙන් ම තහනම් කර ඇති ලිංගික සබඳතා ද පවතී. නීතිමය පාර්ශ්වයෙන් මෙය හඳුන්වන්නේ ව්‍යභිචාරය  යනුවෙනි. නමුදු මෙබඳු ලිංගික සබඳතා පවත්වන කාන්තාවෝ සහ පිරිමි ලෝකය පුරා ම වෙසෙති. සෝවියට් රුසියාවට ද එය වෙනසක් නොමැති බව ‘‘ප්‍රථම ප්‍රේමය ඔබ නොවේ’’ කෘතියේ 188 සහ 189 පිටු කෙරෙහි අවධානය යොමු කළ විට දැකගත හැකි ය.

 

‘‘ප්‍රථම ප්‍රේමය ඔබ නොවේ’’ කෘතියේ එක් තැනෙක ‘‘රුසියන් ගැහැනු ලෙහෙසියෙන් අඬන්නේ නැහැ මල්ලි’’ යනුවෙන් සඳහන් වේ. එය වැඩිදුරටත් මෙසේ පැහැදිලි කරයි.

 

‘‘ඉතිහාසය පුරාම ඉස්සෙල්ලම ජෙන්ගිස්  ඛාන් ගේ හමුදාවෙන් බැටකාල, ඊට පස්සේ තවත් නොයෙකුත් ආක්‍රමණවලින් බැටකාල, රුසියන් අධිරාජ්‍ය පිහිටුවන්න පිරිමි යුද්ධෙට ගියහම ළමයි එක්ක ගම් බිම් බේරාගෙන ගොවි බිම්වල දාඩිය වගුරවල, විප්ලව කාලෙ බැට කාල ඉන්නේ උන්. පළමුවෙනි හා දෙවෙනි ලෝක යුද්ධ දෙකෙන්ම වැඩියේම බැට කෑවෙත් ඔය ගැහැනු. ඔය හැම කාලෙම කුසගින්නෙ ඉඳල, ඒ මුළු දුක් කන්දරාවම විඳගෙන දරාගෙන පන්නරය ගත්ත ගෑණු. මුන් ලේසියෙන් අඬන්නෙ නැහැ. මුන්ගේ හිත් හෙන තදයි.’’

පිටුව 192

 

මේ කොටස ලංකාවට ගළපා බලන්න.  අතීතයේ සිට පැවති විදේශ ආක්‍රමණවල සිට 1818 පැවති කැරැල්ල දක්වා ද, 71 වසරේ පැවති තරුණ නැගිටීමේ දී ද, 87-89 යුගයේ දී ද, තිස් වසරක් පුරා පැවති යුද්ධයේ දී ද මිය ගියේ පුරුෂයෝ නොවෙති ද...? ඔවුන්ගේ වියෝවෙන් වඩ වඩාත් අසරණ වූයේ එසේ මිය ගිය පුරුෂයන්ගේ යැපෙන්නෝ වූ කාන්තාවෝ නොවෙති ද...? ලොව කොතැනක කවදා යුද්ධයක් පැවතිය ද වඩ වඩාත් පීඩාවට පත්වන්නෝ කාන්තාවෝ ම නොවෙති ද...? සාහිත්‍ය කෘතියක් කියවීමේ දී එහි යටිළෙහි අන්තර්ගත මෙවන් ව්‍යසන කෙරෙහි අපි අවධානය යොමු කළ යුතු නොවන්නෙමුද...?

 

සමස්ත සෝවියට් රුසියාවේ සමාජ, දේශපාලන සහ ආර්ථික පසුබිමේ පැතිකඩක් විදාරණය කෙරෙන ‘‘ප්‍රථම ප්‍රේමය ඔබ නොවේ’’ කෘතිය අවසානයේ ගොර්බචව්ගේ ප්‍රතිසංස්කරණවාදයෙන් ඉක්බිති එරට මුහුණ පෑ ඛේදවාචකය ද මැනවින් ප්‍රකට කර ඇත. එබැවින් මගේ පුද්ගලික යෝජනාව වන්නේ ‘‘ප්‍රථම ප්‍රේමය ඔබ නොවේ’’ කෘතිය ආදර කතාවක් ලෙස කියවන අතර ම එහි යටි පෙළෙහි දක්නට ලැබෙන අ‍ඳුරු අගාධය දෙස ද අවධානය යොමු කරන ලෙස ය.

 

කෘතියේ නම සහ කවරය වෙනස් (සෝවියට් රුසියාවේ ඇතුළු වත ප්‍රදර්ශනය කෙරෙන) ආකාරයකින් නිමවූයේ නම් මෙම කෘතිය කෙරෙහි පාඨක ප්‍රජාවගේ අවධානය මීට වඩා යොමු කරගතහැකිව තිබුණා ය යන්න මගේ පුද්ගලික නිගමනය යි.

ජයසිරි අලවත්ත 

Jayasiri Alawatta

2020/05/16

 

හපුගොඩ ගේ කතාවක්

පහළ තිබෙන සටහන  පළ කරල තිබුනේ මහේෂ් හපුගොඩ සහෝදරයාගේ වෝල් එකේ කියල ජයසිරි අලවත්ත මහත්මය සකර්බුර්ගයාගේ ඕපාදුප භාණ්ඩාගාරයේ ෂෙයාර් කරලා තිබුන. මමත් ඒකට යන්නේ ඔයවගේ ඕපදූප අහුලගන්නම තමයි.

හපුගොඩ සහෝදරයා  ලියල තියෙන්නේ මෙහෙම.

ඔබේ ඇස තුළ මම කවුද?

වසර සිය ගණනක් අපිව යටත් කරගෙන හිටියේ බ්‍රිතාන්‍ය කාරයෝ. ඊට කලින් පෘතුගීසි හරි ලන්දේසි කාරයෝ හරි හිටියට උන්ගෙන් අපට වෙච්ච මානසික බලපෑම අඩුයි. නමුත් බ්‍රිතාන්‍ය කාරයෝ කියන්නේ අපේ මානසික ලෝකය ගොඩක් ලොකුවට වෙනස් කරපු අය. කලින් දෙගොල්ල ඔය බිස්නස් එකක් කාරිය කරලා ගියාට බ්‍රිතාන්‍ය කාරයෝ අපිව මානසික වශයෙන් වෙනස් කලා. ඒක ටිකක් දිග්ගැස්සුන ව්‍යාපෘතියක්. ඔවුන්ගේ දේවල් අපිට දුන්නා විතරක් නෙවෙයි ඔවුන්ගේ දේවල් උසස් කියලත් අපිට කියල දුන්නා. දැන් අපිට ඕනි ඒ වගේ වෙන්න. නමුත් අපිට එහෙම වෙන්නත් බැහැ.

විශේෂයෙන් භාෂාව කියන තැනදී මේක ලොකුවට පේනවා. ඉංග්‍රීසි කියන්නේ අනෙක් භාෂාවල් වලට වඩා මොකක්දෝ ලොකු එකක් බවට කවුරුත් නොදැනීම පත්වුණා. ඉංග්‍රීසි කතා කරන කොට මොකක්දෝ 'ලොකු එකක්' හැමෝටම වෙනවා. උච්චාරණය උණත්. ඉන්න ඉරියව්ව උණත්. ඒක කතාකරන කෙනා අමුතු කෙනෙක් වෙනවා. පාරේ තොටේ මොනවා හරි ප්‍රශ්නයක් උනොත් කොන්දොස්තර කොල්ලට උනත් ඉංග්‍රීසියෙන් කතා කරනවා. කඩුව කියන්නේ ඒකයි. කපල දානවා. කඩ්ඩ පොඩ්ඩක් දාල කපල දාපන්. පැහැදිළිව පේන්න ඕනි මෙතන අනන්‍යතා ප්‍රශ්නයක් කැරකෙනවා තියල තමන් වටේ. මනසේ තියන මකුළු දැළක් වගේ. මොකක්දෝ තමන්ට වඩා වැඩි දෙයක් තමන්ට වෙනවා. වෙනත් විදේශ භාෂා වලදී මේ ප්‍රශ්නේ ඇති වෙන්නේ නැති තරම්.

අර ගුවන් තොටුපළේ නිරෝධායනය ගැන උපදෙස් දුන්න හමුදා නිලධාරියා ගේ ප්‍රශ්නේ (එසේ වී ඇත්නම්) තේරුම් ගන්න අපහසු දෙයක් නෙවෙයි. මම එන්නේ උඹලා යටත් කරගෙන හිටපු ස්වාමියා ගේ රටේ ඉඳලා. සුද්දා පිළිගන්න හැටියට ම මාව පිළිගනිල්ලා. ඔයාල නිකමට හිතන්න මේ කඩුව ම ඉල්ලා සිටින කෙනා ගේ වෙස් මුහුණ ඇතුළේ කොච්චර අසරණ ජීවියෙක් ඇත්ද කියල. එයාගේ අනන්‍යතාවය කොච්චර අවුල් වෙලා ඇත්ද? සුද්දන්ගෙන් බැණුම් අහල, කිච වෙලා, ඒ රටේ අනන්‍යතාවයක් නැතුව ඉඳල කොච්චර පීඩනයක් ඇත්ද ඒ වගේ කෙනෙකුට...මම දිහා ලොකුවට බලන්න කියන කෙනෙක් ඇතුලේ ගොඩක් වෙලාවට ඉන්නේ ඉන්නේ පොඩි මිනිහෙක්.

විජිතකරණ ව්‍යාපෘතියේ ප්‍රධාන ම අවුල හැටියට ෆ්‍රාන්ස් ෆැනොන් දකින්නේ ස්වාමියා ගේ අගතීන් වහලාට සම්ප්‍රේෂණය කිරීම සහ ඒ අගතීන් වලින් ගැලවෙන්න සාර්ථක මාවතක් වහලාට නොමැති වීම (බලන්න ක්වන්ටින් ටැරන්ටිනෝ ගේ Django Unchained ෆිල්ම් එකේ ස්ටීවන් ගේ චරිතය).

මේ ස්වාමියා දීලා ගියපු සමහර උද්දච්ච, අහංකාර, තමන් උසස් අනෙක් අය පහත් වගේ මෝඩ වටිනාකම් වලින් මිදෙන්න මාර්ගයක් අපි දන්නේ නැහැ. හැබැයි ඉංග්‍රීසි දන්නවා. සමහරු සුද්දාටත් වඩා හොඳට දන්නවා. සුද්දාටත් ඉංග්‍රීසි උගන්නපු කෙනෙක් කියලත් කියනවා.

කොච්චර හොඳට ඉංග්‍රීසි කතා කළත් අපේ අනන්‍යතාවය තුවාල සහිතයි. දැන් තියෙන එයාලගේ බ්‍රිතාන්‍ය සමාජයටවත් යටත් විජිත අත්දැකීමෙන් පස්සේ තියන අපේ සමාජයටවත් මේ තුවාල සුවපත් කරන්න ක්‍රමවේදයක් නැහැ. භින්නොන්මාදය, කාංසා තත්වය සහ 'යථාර්තය තුළ තමන් කවුද' යන ප්‍රශ්නයෙන් ඔවුන් සැමදා පෙළෙනවා. ඒක මේ ලියන මා තුළ පවා පශ්චාත් යටත්විජිත අවිඥාණයක් හැටියට ක්‍රියාත්මක වෙනවා.

ඉතිං යූ. කේ. වලින් ඇවිල්ලත් එයාල ගුවන් තොටුපළේ ඉඳල ම අහන්නේ එකම ප්‍රශ්නයක් තමයි. ඒ තමයි 'ඔයාගේ ඇස තුළ මම කවුද?' කියන එක (Who am I in the eye of the Other?). 'මම දන්නේ නැහැ මම කවුද කියල...ඔයාවත් දන්නවද මම කවුද කියල?' සංක්‍ෂිප්ත කළොත් ඕක තමයි ප්‍රශ්නේ. මේ ගැඹුරු ප්‍රශ්නයට උත්තරයක් නම් අර හමුදා සෙබළාට තියෙන්න නැතුව ඇති. ඇත්තටම කිව්වොත් එයාල ඒ සිංහල විතරක් කතා කරපු කොල්ලගෙන් කෑගහල ඉල්ලලා තියෙන්නේ වෙන දෙයක් නෙවෙයි. ආදරේ.

ආදරේ නැති කෙනා තමයි දන්නේ ඒකෙ අගේ. ඒ වගේම ආදරේ තියෙන ප්‍රශ්නේ තමයි ඉල්ලන කෙනා දන්නේ නැහැ ඉල්ලන්නේ මොකක් ද කියල. අහන කෙනා දන්නේ නැහැ ඇහෙන්නේ මොකක් ද කියල. ඒකෙ ප්‍රථිපලයක් හැටියට ඉතිං අවුල් වයිරල් වෙනවා.

//සුද්දන්ගෙන් බැණුම් අහල, කිච වෙලා, ඒ රටේ අනන්‍යතාවයක් නැතුව ඉඳල කොච්චර පීඩනයක් ඇත්ද ඒ වගේ කෙනෙකුට// මහේෂ් හපුගොඩ සහෝදරයා මේ කතාවෙන් සෑහෙන්න එංගලන්තේ ඉන්න එවුන් පහතට දාන වගක් පේනවා.  .නැත්නම් එයාට  "අර ගමෙන් ඇවිත් ලන්ඩන් වල ඉඳගෙන එහෙ වැඩ කරන්නේ නැතිව ලංකාවට  අත දාන්නේ මොකටද කියන කතාවම යලි මතක් වුනාද දන්නේ නැහැ. ඒක මෙතැන තියනවා. 

(අකුරු මැකී නෑ කොළ ගැළවී නෑ හපුගොඩ - මහේෂ් හපුගොඩ ට පිළිතුරක්)

ඔහු ඒ පිලිබඳ සාධාරණ පැහැදිලි කිරීමක පසුව කළා මම හිතන්නේ. ඒ යොමුව මගේ ළඟ නැහැ. තමන්ගේ දේශපාලනයට  විරුද්ධයි කියල හිතුනම පොඩි විවේචනයක්  ආවත් බයියෝ, ටොයියෝ , ජෙප්පෝ, පෙරෙට්ටෝ කියා වෙනසක් නැතිව පිටරට සිටින මිනිහට කඩා පනින බව මම කලින් ලිපියක  කිව්වා. 

මේ සිද්ධියේදී මහේෂ් සහෝදරයාට එක්තරා ප්‍රමාණයට එම පරණ අවුල නැවත  ඉස්මතුව ඇති බවක් තමා පේන්නේ .

ඒ වගේම මට නැවතත් පොඩි විචිකිච්ඡාවක් ඇතිවුනා හපුගොඩ සහෝදරයා හා ජයසිරි අලවත්ත මහතා ගැන.  මේ රට මම දැන් අවුරුදු විස්සක්  විතර ජීවත්වෙන රටක්. මම දැක්ක විධිහට  සුද්දන්ට අණදෙන ඉන්දියන් කාරයෝ, කළු මිනිස්සු ඉන්නවා මේ රටේ. වානේ වලින් බිලියනපතියෙකු වුන ඉන්දීය ලක්ෂ්මි මිටල් ට තමා රැජිනට අයිති වෙලා තිබ්බ ලන්ඩන් හරි මැද හේමාක්ට් හරියේ මාලිගා දෙකක් අයිති. ඒ එකක් ඇතුලේ පුස්තකාලයක දත්ත ගබඩාවක් පිලිබඳ පරිගණක වැඩකට ගියේ වෙලේ  තමා මමත් දැන ගත්තේ. 

  බයියන් ලෙස හඳුන්වන ස' වෙනුවෙන් බුකියේ මරාගෙන මැරෙන අය   සිතා සිටියේ ඒ එංගලන්තයෙන් පැමිණි ටොයියන් සමූහයක් කියල. දූෂමාන ආරංචි, බොරු මේම් ආදිය බුකිය පුරා එකපාරටම සැරි  සරුවේ ඒකයි. පස්සේ හදිසියේම වැඩේ එලියට ආව . ආණ්ඩුවේ කට්ටියගේ ළමයිනුත් ඒකෙ. දොස්තරලාට අමතරව. කට්ටිය නිහඬ වුනා . ඔච්චරයි උනේ.

ඒ කියන්නේ ඉතින් මේ   තග දාල තියෙන්නේ දේශපාලන මඩ ගොහොරුවේම ඉන්න ළමයි බමයි හා නිලධාරී න්ගේ ළමයි නේ. මොකද මේ අයට  ලන්ඩන් වලදී ලංකාවේ වගේ ගරු සරු හම්බ වෙන්නේ නැහැ . මෙහේ කවුරුත් තමන් කාගෙවත් පුතාල දුවල කියල ගණන් ගන්නේ නැහැ . (එහෙම වුන් ඇති ) සුද්දෝ  ගණන් ගන්නේ නැහැ කොහොමත්. අනික අපි වැඩ කරන තැන්වල සුද්දෝ අපට අණ  දෙන්න එන්නේ නැහැ. අණ දෙන්නේ නැතිව වැඩ ගන්න ක්‍රමය සුද්දෝ හොඳට දන්නවා. මහේෂ් හපුගොඩ දන්නවද දන්නේ නැහැ? අපේ බොසාලට (මට ඉන්නේ දෙන්නයි) ලංකාවේ වගේ සර් කියන්න ඕනේ නැහැ. මුල් නම කියල කතා කරන්නේ. මෙතැන තියෙන්නේ වෙන කේස්  එකක්.

ඒ ගැන ලිපියක් දීප්තිම කාලෙකට කලින් ත්‍රිමාණ යේ දාල තිබුන. දැන් ධනවාදී රටවල ඉන්න බොස්ල පවුලේ ප්‍රශ්න ගැන වැඩ කරන අය එක්ක කතා කරනවා . ඉඳල හිටලා බොන්න යනවා කියල. මේ කතා දෙකම ඇත්ත. අපේ ඔෆිස් එක වැඩිය ලොකු  නොවුන  කාලේ සිකුරාදාට හැමෝම පබ් එකට බියර් බොන්න යනව. ගෙවන්නේ බොස්. හැබැයි අමතක කරන්න එපා පහුවදාට මොකක් හරි වැඩ  ගැන ප්‍රශ්නයකදී මේ බොස්ම තමයි ඔයාව අස් කරන්නෙත් කියල. 

මෙහෙ ඉන්නව කඩ්ඩ ටිකක් පුළුවන් වුනහම සිංහල අමතක කරන අය . හැබැයි ඔය ඇවිල්ල තියෙන අය ලංකාවේ කොහොමත් සෝබනේට  කඩ්ඩ භාවිතා කරන අය කියල මම හිතන්නේ. එකපාරක් මගේ මිත්‍ර දොස්තරලා ජෝඩුවක්  මෙහෙ ආව අර වෛද්‍ය පුහුණුවට. මෙහෙ ඉන්නත් හිතල යන්න ගියා. හේතුව මොකක්ද දන්නවද කීවේ ?

"මචන්  මේ රටේ දොස්තරලා ගණන් ගන්නේ නැහැ . අපේ රටේ එහෙම  නොවේ. අපේ රටේ මිනිස්සු ගරු කරනවා අපට .  දෙකට නැවිලා ඔලුව පහත්  කරලා කතා කරන්නේ කියල.! 

ඉතින් මට නම් පේන්නේ  ඕක එංගලන්තයේ ජීවත් වෙන  එවුන්ගේ ප්‍රශ්නයක්  නෙමේ. එංගලන්තෙට එන එකම ලොකු දෙයක් කියල හිතන් ඉන්න රැලක් ආපහු ලංකාවට ගියහම පෙන්නන රැස්පොට් එක.  ඒ කියන්නේ ඕක ලංකාවට ආවේණික වූ ප්‍රශ්නයක් කියල. 

මම ගිය අවුරුද්දේ "ප්‍රථම ප්‍රේමය ඔබ නොවේ " පොත පළ කරන්න ලංකාවට දීප්ති කුමාර සහෝදරයා පොත් දෙකක් එව්වා. 

ආ, ඊට කලින් දීප්ති "ජිජැක් අධ්‍යයනය " කිලය මාධ්‍යවේදී ජයසිරි අලවත්ත හපුගොඩ ගෙන් ප්‍රශ්න අහල හපුගොඩ ඒවාට සවිස්තරව පිළිතුරු දෙන මාදිලියේ පොතක් එවල තිබ්බ.

හපුගොඩ සහෝදරයා ඉතා දක්ෂ ලෙස  ජිජැක් ගේ මතවාදයන් ශ්‍රී  ලාංකික  සන්දර්භය තුල පැහැදිලි කරනවා.

දීප්ති ගුණරත්න මේ පොතට දිග හැඳින්වීමක්  ලියල තියනවා. ඒකෙ අන්තිමට දීප්ති මෙහෙම කියනවා.

"මේ තරම් පොත් කියවපු සංවිධානයකින් මෙච්චර  මැට්ටෝ බිහි වුනේ කොහොමද? දෙවියන් අපිට ලබා දුන් තෑග්ග වන මහේෂ් හපුගොඩ හරහා  එම ප්‍රශ්නයට පිළිතුරු ලැබී ඇත. ජීසස් ගේ කියමන  වූයේ "දෙවියනේ ඔබ කොහිද?" මැට්ටන්ගෙන් මගේ ව්‍යාපෘතිය වෙන් කිරීමට මේ ලෝකයට එවූ තෑග්ගට දෙවියන්ට ස්තුති වේවා. ප්‍රාතිහාර්ය බලාපොරොත්තු නොවන්නා යථාර්ථවාදියෙක් නොවේ. මාක්ස්වාදය අද දවසේ ඉල්ලන්නේ භෞතිකවාදයද නොවේ. එය ඉල්ලන්නේ "රැඩිකල් විඥානවාදය' ය."- (පුනර්ජීවනය  -ජිජැක් අධ්‍යයනය)

දැන් මේ රැඩිකල් විඥානවාදය රෝහණ විජේවීර ගෙනාපු ජාතිකවාදයට හෝ නලින්ද සිල්වා හා ගුණදාස අමරසේකර ගේ ජාතිකවාදයට වෙනස් වෙන්නේ කොහොමද?

මේ පොතේ ඇත්තම මහේෂ් හපුගොඩ ජිජැක් ගෙන් ගත්ත හුඟක් අදහස් හොඳට විවරණය කරලා තිබෙනවා. විවාදයක් නැහැ. මට  නිසඳසකුත් ලියවුනා මේ කොරෝනා අස්සේ. ඒක මෙතන "ලොක් ඩවුන් සුන්දරද මෙතරම්" , හපුගොඩ මෙහෙම කියනවා.

  

"ධනවාදයේ ඵලයක් ලෙස ඔබ, ඔබගේ ආශාව මරණය දෙසට යොමු කර තිබේනම් ධනවාදය  තවදුරත් ඔබෙන් ඉල්ලා සිටින්නේ "ඔබ මරණය දෙසටම ගමන් කරන්න " යනුවෙන්. ජංගම දුරකතනයක් තිබෙද්දී තවත් එකක් මිලදී ගන්න ධනවාදය අපට බල කරන අබව ඔහු කියනවා.  

මගේ අයි ෆෝන් 7 දියණියට දී අයි ෆෝන් xr එකක් මම ගත්තේ ඒකද ? මට ගෙවීමේ ක්‍රමයට ඒක ලැබෙන්නේ නිකන්. මම ඒ සමාගමට දිගින් දිගටම මාසයකට වරක් ගෙවන හොඳ පාරිභෝගිකයෙක් නිසා.

හපුගොඩ පිළිතුරු දුන්නේ මේ විධිහට. "එනම් අපි ගමන් කරන්නේ මරණය කරා නම් ඊට  ඇවැසි සෞන්දර්යය ඔවුන් විසින් සපයනු ලබනවා. මෙය ඉතාමත්ම අමානුෂික තත්වයක්. දැනට ධනවාදය විවේචනය කරන්නෝ වටහා නොගන්න සත්‍යය  මෙයයි. " (පි. 156-157)

ඉතින් මම සිංගල් මෝල්ට් (තනි මෝල්ට් එකෙන් හැදූ ) විස්කි වීදුරුවක් බොනවා සිගාර් එකකුත් එක්ක, චේත් ඒක කළා. මේ වෙලාවේ බොන එකයි, දුම් පානය කරන එකයි හොඳ නැහැ කියනව කොරෝනා වෛරසය නිසා. මම එහෙම කරන්නේ ඇයි? මට මරණය අවශ්‍ය නිසාද නැත්නම් කොහොමත් එන මරණයක් එක්ක මම ඒ මොහොත විඳින නිසාද?

මේ ධනවාදය ඔබට තේරීමක් දෙන්නේ නැත්ද? විස්කි නැත්නම් රාත් , මස් නැත්තම් මයියොක්කත් ඔබට  ගන්න පුළුවන්. ඒ මොහොතම  විඳින්න පුළුවන් නේද?

   මම හිතෙන්නේ මේ පොතේ ප්‍රශ්න හැදුවේ දීප්ති කියල. ජයසිරි අහනව විතරයි. 

 එතකොට ඉහත බ්‍රිතාන්‍යයෙන් ලංකාවට එන සීමාවාසික පුහුණුව ට ගිය වෛද්‍යවරු හා ලොකු ලොක්කන්ගේ ළමයි බව නොදැන එයට විවේචනයක් ගෙන එන නාමල් උඩතලමත්ත ඇතුලු  පොහොට්ටුවාදීන් පසුව නිහඬ වෙනවා. මොකද උන්ගේ මහා අනෙකා වන උන්ට නැති රසයක් විඳින බ්‍රිතාන්‍යයයේ  ජිවත්වෙන එවුන් එතන නැති නිසා. බ්‍රිතාන්‍යයේ ජිවත් වන ඒ ගොල්ල  (මමද ඇතුළුව) මරණය උපේක්ෂාවෙන් මේ ධනවාදය තුල මේ මොහොත රස විඳිනවා. 

දීප්ති මට තවත් පොත් දෙකක් දුන්නා. එකක නලින් ද සිල්වා මහතාගේ "කාලය". අනික එයට පිළිතුරු ලෙස ලියන ලද "මගේ ලෝකයෙන් පසු ලෝකය. "

රැඩිකල් විඥානවාදී කියල දීප්ති කියන  මහේෂ් හපුගොඩ ලියන්නේ මොනවද කියල දැනගන්නත් ශ්‍රී ලංකා  පෙරටුගාමී පක්ෂයේ ප්‍රධාන ප්‍රතිපත්ති වෙනසක් කරගෙන යනවද  කියල බලන්නත් එක්ක පොත් දෙකම කියෙව්වා. කොවිඩ් 19 නිසා ඇතිවුන තත්වයත් එයට පිටුවහලක් වුනා කිව්වොත් නිවැරදියි.

මගේ බ්ලොගයේ මේ ගැන ලියන ලිපි කිහිපයක් ඊළඟට පලවෙන්නට නියමිතයි.

ලොක් ඩවුන් සුන්දරද මෙතරම්

අක්කා කතා කළා 

මල්ලි අනේ තිස්දහටත් වැඩියි  නේද 

බය නැත්ද ඔහේ ඉන්න 

අම්මත් මේ දැන් කතාකළා 

අපි හැමෝම බයෙන්

ඔයා ගැන 

අක්කේ තිස්දාහ තමයි  

අපිට  ඉතින් ප්‍රශ්නයක් 

ඇත්තෙත් නැහැ  

නැත්තෙත් නැහැ 

ජොන්සන් පරක්කු වැඩියි නේ 

එයාට  හදිස්සි වුනේ 

යුරෝපෙන් එලියට යන්න විතරයි 

අනිත් ඒවාට හරි හිමින් 

පේන්නේ නැත්ද කපටි ඉබ්බෙක් වගේ 

හාව  පරද්දපු 

අම්මට මම කතා කරන්නම් 

අම්මත් බයෙන් 

අනේ පුතේ එන්න 

අපේ ජනාධිපති ස',

එයා භාර ගන්නවලු 

එන ඕන කෙනෙක් ව  

පිස්සුද අම්මේ ඔයාට 

ළමයි දෙන්නයි අරයයි දාල 

කොහේ එන්නද 

එයාලා කොහොමත් එන්නේ නැහැ 

මම ආවත් 

අද අල්ලපු ගෙදර එක්ක බාබෙකිව් 

අම්ම තරහ නැහැනේ සුරුට්ටුවක් බිව්වට 

තාත්තා නම් බිව්වේ යාපනේ සුරුට්ටු 

හප්පේ සුවඳ  ඒත් තිබ්බනම්

කෝවිඩ්  19 සුවඳටම  මැරිලා යයි

ඕන දෙයක් කරගන්න 

කියන දෙයක් අහන ළමයෙක් යැ 

මම මේ පහන තියල දෙයියන්ට 

බුදුන්ට භාර වුනා ඔයාල රැක  දෙන්න 

මරණේ කියන එක එනවා 

ඕන වෙලාවක අම්මේ 

අද එන්නත් පුළුවන් 

හෙට එන්නත් පුළුවන් 

අවුරුදු දහයකින් එන්නත් පුළුවන් 

පුළුවන් වුනොත්  මාත් එන්නම් 

අගෝස්තුවේ වත් 

ඔයාව බලල යන්න

මේ ටික නම් අම්මට නෙමේ කිව්වේ 

ජිවිතේ තියෙන්නේ 

විඳින්න මිසක්

විඳවන්න නෙමෙයි 

බයෙන් ඉන්නවට වඩා 

ඉන්න මොහොතේ 

ඉඳහල්ල බන් සතුටෙන්

  

විස්කි වීදුරුවයි සිගාර් එකයි 

මස් කෑල්ලයි ඕනෙම නැහැ ඒකට  

පෙරාපු රා ටිකක්, යාපනේ  සුරුට්ටුවක්

ලුණු මිරිසක් එක්ක  මඤඤොක්ක 

කෑලි ටිකක් තිබ්බත් 

ඒකත් සැපක් තමයි 

තියෙන දේ විඳින එක 

ලොක් ඩවුන් සුන්දරද මෙතරම් 

යාපනේ සුරුට්ටු පින්තූරය ගත්තේ මෙතැනිනි 

"එක්සත් රාජධානියේ ප්‍රශ්න හා ලංකාවේ එක්සත් රාජධානිය ගැන කියන ප්‍රශ්න" ලිපියට ලැබුණු ප්‍රතිචාර

Sankha Ranadheera Vithana

 Meanwhile 

Why are so many Filipino health workers dying? - BBC Newsnight

Ajith Dharmakeerthi සංඛ දැන් ඔබ මෙය පල කිරීමෙන් අදහස් කරන්නේ කුමක්ද? මේ රටේ PPE නැති ප්‍රශ්න තිබෙන බව ලේබර් පක්ෂයත් අපිත් ලියනවා ෂෙයාර් කරනවා. ඒ ප්‍රශ්නය ෆිලිපිනෝ අයට විතරක් නෙමේ තිබෙන්නේ. හැමෝටම. ඔය රස්සාව ගත්තට පස්සේ ඒ රස්සාව කරන්න බැහැ කියල කියන්න බැහැ. අපි හැමෝම වැඩ කරනවා. අනිත් හැමෝම වෙනුවෙන්. දැන් මේ හෙදියන් සමහරු වැඩ කරන්න බැහැ කියනවා. එතකොට රැකියාව ගත්තේ ඇයි . රැකියාවෙන් අයින් වෙලා ගියොත් එයා ජිවත් වන්නේ කොහොමද? නැවතත් අපේ බදු මුදලින් ලැබෙන සහනාධාර වලින් නේද? එතකොට වීසා ලබාගෙන ආවේ රැකියාවකරන්න නේ? නැත්නම් එන්නේ නැහැනේ? දැන් අපේ රෝහලේ වැඩිපුර ම හෙදියන් ෆිලිපිනෝ, නයිජීරියන් සහ ඉන්දියන්. ඒ ගොල්ලෝ තමයි අපි ගියහම රිසිප්ෂන් එකේ ඉඳන් වෛද්‍යවරයා ගාවට යනකන් ඉන්නේ. ඒ රස්සාවලට ආවේ කැමැත්තෙන්. ආණ්ඩුවේ වැරැද්ද මම කලින්ම කිව්වා. ඒක සඟවන්නේ නැහැ. පරක්කු වීම. PPE නැතිවීම ආදිය .ඒකට මේ ගොල්ලෝ පස්සේ රජය ට නඩු දමයි කියල මම හිතනවා. නැත්නං පවුල් වල කට්ටියට උදව් කරයි. නමුත් ලංකාවේ යන කතාව වෙනස් නේ . අපිට ඇඳන් දෙන්නේ නැහැ සුද්දන්ට විතරයි දෙන්නේ සහ සුද්දන් වැඩ කරන්නේ නැහැ අනිත් අයව ඉස්සරහට දානවා කියන එක. ඔයා මේ රටේ හිටි නිසා දන්නවනේ කවුද ලන්ඩන් රෝහල් වල වැඩ කරන්නේ කියල. හැමෝම වගේ වෙනත් රටවලින් ආපු අය. අපේ නෝර්ත් මිඩ්ල්සෙක්ස් එකේ සුදු ඉංගිරිසි ජාතිකයෝ හොයන්න අමාරුයි. ශ්‍රී ලංකාවේ ඉපදුනු දෙමල කන්සල්ටන්ට් ලා, වෛද්‍යවරු, ඉන්දියන්, ඊජිප්තු වෛද්‍යවරු , පෝලන්ත හෙදියන්, ෆිලිපිනෝ, ඝානා, නයිජීරියන් හෙදියන් සහ නොයෙකුත් රටවල අය ඉන්නේ, ඇවිල්ල බලන්න. ආණ්ඩුවේ වැරැද්ද මේ තර්ජනය හරියට ගණන් නොගැනීම නමුත් උන් යමක් කරනවා. පඩි දෙන එක වගේ. නොකරන්නේ නැහැ.

Sankha Ranadheera Vithana ලංකාවේ මිනිස්සු එංගලන්තෙ ගැන කියන එකයි, අනෙක් පැත්තට ඔයාවගේ නොවන වෙනත් පිරිස් එංගලන්තයේ ගැන කියන කතා අතරයි තියෙන අවුල ගැන මම දැකලා තියෙනවා. ඒක අස්සෙ මේ වීඩියෝ එක දැක්ක නිසයි මෙතන දැම්මේ..

සෘජු ලෙස මෙතන්ට අදාළ නැති වුනත්, UK වල ව්‍යූහගතව වර්ගවාදයක් තියෙනවා කියන එකයි මට පෙන්නන්න ඕන වුනේ. ඒක හොස්පිටල් එකේ ඇදන් ⁣දෙනවා වගේ තැනක නෙවෙයි තියෙන්නෙ, හැබැයි එක්තරා අපහසුම වෙලාවක එහෙම වුනත් පුදුමයක් නෑ. මේ වීඩියෝ එකේම තියෙනවා මියගිය පිරිසෙන් 1/5ක්ම පිලිපීනෝ කියලා (මං හිතන්නෙ ඇත්තටම සේවක පිරිස අතරින් පිලිපීනෝ ප්‍රතිශතය ඊට ගොඩක් අඩුයි)

ආයෙත් මං කියන්නේ බ්‍රිතාන්‍යයේ වර්ගබේදවාදය තියෙන්නෙ දකුණු අප්‍රිකාවේ හරි පනස් ගණන්වල තිබුංණ වගේ නෙවෙයි, ඊට වඩා සංකීර්ණ තැනක.

මගේ පිළිතුර: සංඛ මල්ලි  ඔබ ව්‍යුහගත වර්ගවාදය කියන්නේ institutional  racism කියන එකට  (ආයතනගත  වර්ගවාදය)  කියා මම හිතනවා. බ්‍රිතාන්‍ය පොලිසියේ සහ ගිනි නිවන් හමුදාව ආදියේ මෙම ව්‍යුගත වර්ගවාදය (ඒ කියන්නේ මේ වර්ගවාදය කෙලින්ම එන්නක් නොවේ වක්‍රව එන්නක්) තිබෙන බව පිලි අරන් ඔවුන් ඒ ගැන කටයුතු කරනව. මම මේ වර්ගවාදය වැඩිපුරම දුටුවේ බ්‍රිතාන්‍යයට වඩා ඉතිලිය , ප්‍රංශය, ස්පාඤ්ඤ ය වගේ රටවල. කිසිවෙකුට සමාජීය දු පඩි ගෙවන රකියවකට් වැඩ ඉහලට යන්න බහ. ඒ තත්වය අරගන්නේ තෙවන  ජෙනරේෂන් වගේ අය . බ්‍රිතාන්‍යයේ ඒ තත්වයනැහැ . ඔය පිලිපීන කෙස් එක මමත් බැලුව. ඒක වර්ගවාදය කියල කියනවනම් ඔබ හිටියේ එංගලන්තයේද කියල මට පුදුම හිතෙනවා. එතැන තියෙන්නේ ධනවාදය. ෆිලිපිනෝ සේවකයන් 19500 පමණ වැඩ කරනවා NHS . ඔවුන් ඉදිරිපෙළ සේවකයන්. මෙහෙ එනකොටම ඔවුන් දන්නවා ඔවුන් ඉදිරිපෙළ කියා.. අවුරුදු 5-10 ට වැඩි අය මෙට්‍රන්ලෙස උසස් වීම් ලබා  මම දැක තිබෙනවා. සේනක ගෙන් අහන්න. PPE නැති ප්‍රශ්නය ඔවුන්ට විතරක් නෙමේ. මේක තනිකරම් ජොන්සන් රජයේ වරද්ද. මේක වර්ගවාදය කියල දාල ජෝන්සන්ව බෙර ගන්න පුළුවන්. නැහැ මේ රජය අවශ්‍ය ආරක්‍ෂිත උපකරණ නොදීම , මැට් හැන්කොක් ගේ සමාගමට දීම , පහුවෙලා ලොක් ඩවුන් පටන් ගැනීම ආදිය නිසා ඇතිවූ තත්වයක් ඕක. වර්ගවාදය තිඑබන තැන් තියෙනවා. මෙතන නෙමේ.  

Nalin Dodangoda දියුණු ධනපති රාජ්‍යයක අද ජාතිකවාදී තැනකට මාරුවෙමින් යන එංගලන්තයේ සෟඛ්‍යය පහසුකම් ඇති බව පැහදිලියි.මා හට දැනගතයුතු වන්නේ 4 "වීල් වල යන පවුම් ලක්ෂ 2, 3 ගෙවල් වල ඉන්න ,විස්කි ,බ්‍රැන්ඩිි , ජින් බොන වාමාංශිකයන්ට ,එංගලන්තයේ ඉන්න ලාංකික සංක්‍රමනිකයන්ව ලංකාවට යෑවීමට හේතූ වූ කාරනාව ඔබගේ ජෙජික්ට අනුව විග්‍රහ කරන්නේ කෙසේද?අනිත් කාරනය වාමාංශිකයන්ට එසේ වුවමනාවුවත් එම ලාංකිකකයන් ට ලංකාවට යාමට පෙලඹවූ කාරනාව පැහදිලි කරන්න. එංගලන්තයේ ධනවාදය පිලිබදව විශාල අඩුපාඩුකම් තිබෙනවා කියා ඔබ පැවසුවත් ,එම අඩුපාඩු කම් මොනවාද කියා පැහදිලි කරන්න.අනිත් කාරනය එංගලන්තයේ ධනවාදය හරහා වන පීඩනයක් සාමාන්‍යය සමාජයට ඇත්නම් එයට ප්‍රතිවිරුද්ධව ඔබ වාමාංශික නොවන කුමන හෝ දේශපාලනයක් නියෝජනය කරනවාද?

Ajith Dharmakeerthi ඔබේ ප්‍රතිචාරයට ස්තූතියි. දොඩන්ගොඩ මහත්මයා ඔබ අසා ඇත්තේ ඉතා සංකීර්ණ ප්‍රශ්නයකි. ෆේස්බුක් ප්‍රතිචාරයක් නොව බ්ලොග් ලිපියකින් කතා කලයුතු එකකි. නැතනම් ලිපි කිහිපයකින්. මගේ කොළඹ ගමයා බ්ලොග් අඩවියේ මේ හා සම්බන්ධ ලිපි ගණනාවක් තිබේ. ඒවා කියවනමෙන් ආරාධනා කරමි.…See more

Ajith Dharmakeerthi ජිජැක් ට අනුව විග්‍රහ කරන්නේ කෙසේද - මේ ජිජැක් කතාව ලියා ඇත්තේ ඉතා හොඳ , මිත්‍ර වාමාංශික කණ්ඩායමක අවධානය පිණිස මිස සියල්ලන්ටම නොවේ. වට්සැප් සංවාදයකදී මතු කළ කරුණක් අරභයා ලියන ලද්දකි. ඔබට ජිජැකියානු කියවීමක් අවශ්‍යනම් ඒ ගැන අධ්‍යනයක් කිරීම වඩා හොඳයි. මහේෂ් හපුගොඩ/අලවත්ත ලියු "ජිජැක් අධ්‍යයනය " නමින් පොතක් තිබේ. එසේම ත්‍රිමාණ වෙබ් අඩවියේද නොයෙකුත් ලිපි පළවේ. ඊටත් අමතරව සුමිත් චාමින්ද මහතාද "ශිෂෙක් පිළිබඳ " ලිපි පළකරයි. (ග්රම්ස්චි සම්බන්ධ ලිපි වලට අමතරව) ඔබට ජිජැක් ගේ පොත් අවශ්‍යනම් මා ළඟ ඊබුක්ස් තිබේ. එවිය හැකිය. ජිජැක් යනු මුදල් අයකර දේශන පවත්වන්නෙකි, ඔහු සෑහෙන මුදලක් උපයන්නෙකි. (මමද පවුම් 25 ගෙවා ප්‍රවේශපත්‍ර මිලදී ගෙන දේශනා වලට සවන් දී ඇත්තෙමි). ඔහු මාක්ස්වාදය විග්‍රහ කරන්නෙත් සමාජය විග්‍රහ කරන්නෙත් එවැනි තැනක සිටය. වෙසක් දවසේ බුදු හිමියන් ගනිමු. එතුමා සිදුහත් කුමරු ලෙස කාලය දීපය දේශය කුලය සහ මව් උපදින්නට පෙර සොයා බලා තිබේ. (මා එය විශ්වාස කරනවාට ලියනවා නොවේ) ඒ කියන්නේ රොඩියකු ලෙස ඉපදී හිටියා උන්වහන්සේගේ දේශනා අසන්නන් වැඩි නොවනු ඇත. ජේසු ජීවිතය දුන්නේ ඒ නිසාය. සිගාර් බි ගිටාර් ගසා සින්දු කිවූ චේ විප්ලව කළේය.

Ajith Dharmakeerthi /එංගලන්තයේ ධනවාදය පිලිබදව විශාල අඩුපාඩුකම් තිබෙනවා කියා ඔබ පැවසුවත් ,එම අඩුපාඩු කම් මොනවාද කියා පැහදිලි කරන්න//මේවා ෆේස්බුක් ප්‍රතිචාර වලින් කළහැකි දේවල් නොවේ. හැදෑරිය යුතු දේවල්ය. ඩේවිඩ් හාවේ යුටියුබ් වීඩියෝ බලන්න. වොල්ෆ්ගන් ස්ට්‍රෙක් ගේ "how will capitalism end " කියා පොතක් තිබේ. ඒවා කියවන්න.

Ajith Dharmakeerthi eugen_von_bohm-bawerk_-_karl_marx_and_the_close_of_his_system මාක්ස්වාදයට ප්‍රතිවිරුද්ධව අදහස් දක්වා ඇති වටිනා පොතකි.

Nalin Dodangoda

අජිත් මහතාගේ පිලිතුරට ස්තුතියි.පිලිතුරු ලපියේ මා හට ගැටලු කිහිපයක් මතුවිය.මෙය ඔබ එංගලන්තයේ ජීවිතයේ වැඩිකාලයක් ජීවත්වීම පිලිබද කාරනයක් නිසා විය හැක.එංගලන්තයේ සිටින වාමාංශිකයන් කිවත් නොකවවත් ගෝලීය කරනයේ ප්‍රතිඵලයක් ලෙස එංගලන්තයේ පමනක් නොව දියුනු රටවල වාමාංශිකයන් ඇතුලු බොහෝ ජනයා විස්කි ,ජින් ,4 වීල් සංස්කෘතියකට උරැමකම් ලබනවා සේම පහසුකම් ඇති නිවාස වල සංස්කෘතිකව ජීවත්වන බව ලාංකීය ජනතාව නොදන්වා යයි සිතීම ඔබගේ වරදක් නොව සිතීමේ බාධාවකි.එය යම්කිසි විදියකන් එංගලන්තයේ ලාංකික වාමාංශිකයන් ඔවුන්ගේ ලෟකික ජිවිතය පිලිබදව ලාංකික ජනයාට නොකියනවා කීම ඔබේම පරිකල්පනීය ගොඩ නැංවීමක් මිස යතාර්තය් පවතින දෙයක් නොවේ.දෙවන කාරනය ලෙස 2 ලෝක මහා යුද්ධයෙන් පසුව ලෝක ධනපති ක්‍රමයේ සමතුලිතතාවය රැකගැනීමේ අරමුනෙන් ගොඩ නගන ජීනීවා ගිවුසමට අනුව එහි සාමාජික රටවල් විසින් එකග වු දේශපාලන රැකවරනය යන කාරනය මත බටහිර රටවල් සිවිල් යුද්ධ 3 ක් ඇතිවු ලංකාවේ ජනතාවටත් එම ඉඩ අවස්තාව ලබාදීම තැචර්ගේ පුද්ගල වුවමනවක් නොවේ.නවලිබරල් වාදී ආර්ථිකය එංගලන්තයට හදුන්වා දුන් තැචර් පාලනය නිසා එංගලන්තයට අද සිදුවී ඇති විනාශය කෙබදුද?කොරෝනා වයිරසය නිසා ඇතිව ව්‍යසනයෙන් ගැලවීමට හැම රටක් මෙන්ම එංගලන්ත මධ්‍යම බැංකුව විසින් මුදල් අච්චු ගසා මිනිස්සුන්ට දීම ඔබ උත්කෘෂ්ටත්වයට ලක්රන්නේ ධනවාදයේ සංස්කෘතිය ගැන පමනක් හැදෑරීමේ ප්‍රතිඵලයක් නිසාද? ඔබ සදහන් කල එක්ස් කංඩායමෙන් පෙකනිය කපාගත් සුමිත් චාමින්ද ,මහේෂ් හපුගොඩ ඇතුලු බුද්ධිමතුන් තවමත් සංස්කෘතික දේශපාලන විග්‍රහයන් වලට අමතර දෙයක් නොකිරීම පිලිබදව ඔඹ සවිඥානකද? මෙයට අනුව ඔබේ ආස්ථානයත් ඔවුන්ගේ ආස්ථානය නම්.ඔබ පැවසු ජෙජික් ගේ වචන වලින් කියන්නේ නම්(චොක්ලට් චාකලට් නොවන චොකලට්,කිරි ,කිරි නොවන කිරිය,විස්කි විස්කි නොවන විස්කිය) පැහදිලව කියන්නේ නම් සාරයක් නැත යන්නයි.

නලින් මහත්මයාගේ පිළිතුරට ස්තූතියි . මම හිතනවා මම කී දෙය ඔබ තේරුම් අරන් තිබෙන්නේ සම්පුර්නයෙන්ම අංශක 180 අනිත් පැත්තට කියල.

// එංගලන්තයේ පමනක් නොව දියුනු රටවල වාමාංශිකයන් ඇතුලු බොහෝ ජනයා විස්කි ,ජින් ,4 වීල් සංස්කෘතියකට උරැමකම් ලබනවා සේම පහසුකම් ඇති නිවාස වල සංස්කෘතිකව ජීවත්වන බව ලාංකීය ජනතාව නොදන්වා යයි සිතීම ඔබගේ වරදක් නොව සිතීමේ බාධාවකි// ඔබ ඊයේ පෙරේදා කොටුවේ හාමුදුරුවන් කියා පැරිසියේ අයෙකු ගේ වීඩියෝව බැලුවානම් ඔබ කියන දෙයහි නිරවද්‍යතාවයක් නැති බව වැටහෙනු ඇත. ඔවුන් කියන්නේ පාට් ටයිම් ජොබ් කර සුද්දන්ගේ පස්ස හෝදන අය ගැනය. බොහෝ අය සිතන්නේ (ෆේස්බුක් හා බ්ලොග්, වට්සැප් ) එංගලන්තයේ ජිවත්වන්නේ එවැන්නන් කියාය. ඒ මදිවාට දැන් මාසයකට කලින් ඉතාලි අය විදේශ විනිමය ගෙනත් රජයට දෙන්නේ නැති යයිද ඔවුන් ඒවා ලංකාවේ බඩු ගැනීමට වියදම් කරතියිද සමහරෙක් ලිය තිබුණි. එය මගේ පරිකල්පනයේ තිබෙන දෙයක් නොවේ. ඔබ සමහරවිට මේ ගැන දැනුවත්ව සිටිනවා ඇත. එසේම බොහෝ "සහෝදරයන්" ලියන ඒවා ම ෆෙස්බුක්හි නිතිපතා  දකිමි. ඔවුන් වැඩිපුරම ලියන්නේ මෙහි තිබෙන අමාරුකම් ගැනය. රැජිනට වැඩ කරන මෝඩයන් ගැනය. ඔවුන් මෙහි ඉන්නේ තමන්ගේ සැපයට නොව ලංකාවේ  විප්ලවය කිරීමට බවය. ඒවා පෙන්විය හැකිවුවත් පෞද්ගලිකත්වයට පහරක් හෙයින් එසේ නොකරමි. අනිත් කාරණය නම් ඔබ මගේ අදහස ග්‍රහණය කර නොගැනීමය. මා කියන්නේ ඔවුන්ට ජිජැක් ලෙස සිතන්න කියාය. තමන් මෙහි ගත කරන ජීවිතය සැඟවිය යුතු එකක් නොවේ. මේ දියුණුව ලංකාවට  වඩා  හොඳ බවත් ඔවුන් සමාජවාදය ලෙස පතන්නේ ඊට එහා ගිය දියුණුවක් බවත් කීමය. නමුත් බොහෝ අය කියන්නේ වෙන කතාවකි. මා  දුටු පරිදි "පාරිභෝගික ජීවිතය " හෙලා  දකින බොහෝ අය  ධාර්මික වාමාංශික විප්ලවීය ජිවිතයකට බන දෙසති. මට මෙය පෙනෙන්නේ අර සමහර භික්ෂූන් මාලිගා වැනි පන්සල් තනාගෙන,බෙන්ස් හා 4x4 වල යමින් අල්පේච්ච ජිවිත ගත කරන්නට ලංකාවේ මිනිසුන්ට දෙසන බණ වගේය.

ඊළඟ කාරණයද ඔබ හොඳ එකෙන් පටලවාගෙන ඇත. //ලංකාවේ ජනතාවටත් එම ඉඩ අවස්තාව ලබාදීම තැචර්ගේ පුද්ගල වුවමනවක් නොවේ// මේ කියුමෙන් එය පැහැදිලි වේ. මම කියන්නේද ඔබ කියන කතාවමය. මගේ මුළු ලිපියේ පරමාර්ථය ද එයමය.කරුණු නොදැන බොරුවට බ්‍රිතාන්‍යයට තඩිබාන හිනාවෙන ලංකාවේ අයට මම කියන්නේ දක්ෂිණාංශික ජොන්සන් රජය පවා වමේ රජයක් වැනිව සහන සපයන බවයි. ලිපියේ සාරාංශය එයයි. තැචර් වැනි අන්ත දක්ෂිණාංශික නායිකාවක සිටියදී පවා බ්‍රිතාන්‍යය ජාත්‍යන්තර නීතියට ගරු කර සිංහල කැරලිකරුවන් පමණක් නොව දෙමල කරලිකරුවනට දේශපාලන අනාතභාවය දුන් බවයි. මෙය නිවැරදිව වටහා ගැනීම වැදගත්ය. තැචර් ගැන ඔබ කිවූ කාරනා ගැන මගේ විරුද්ධත්වයක් නැත. මෑතක්  වනතුරුම මම බ්‍රිතාන්‍ය කම්කරු පක්ෂයේ සහ මොමෙන්ටම් හි සාමාජිකයකුව සිටි මට තැචර් ගැන කියාදීම අවශ්‍ය නැත.

//එංගලන්ත මධ්‍යම බැංකුව විසින් මුදල් අච්චු ගසා මිනිස්සුන්ට දීම ඔබ උත්කෘෂ්ටත්වයට ලක්රන්නේ// ඔබ කියන්නේ මිනිසුන්ට පඩි ගෙවීම , සුළු කර්මාන්ත හා ස්වයං රැකියා හිමියන්ට පඩි ගෙවීම වැරදි යයි කියාද? රිෂි සුනාක් තවම මුදල් අච්හු ගැසුවේ නැත . එවැනි යෝජනාවක් තිබේ.  ඔහු universal credit එක දීමටද ක්‍රියා කරයි. එය කෝබින් ගේ යෝජනාවකි. එසේම මෙහි ඇතැම් සහන පැකේජයන් ට කම්කරු පක්ෂයේ විරුද්ධත්වයක් නැත. විරුද්ධ වන්නේ NHS එකට අවශ්‍ය උපකරණ  ප්‍රමාද කිරීම, ලොක් ඩවුන් ප්‍රමාද කිරීම මැට් හැන්කොක් ගේ සමාගම  මගින් PPE ගෙන්වීමට තැත් කිරීම , ඩොමිනික් කමින් කියන දේ මිස විද්‍යාඥයන් කියන දේ නොඇසීම  ආදියටය. 

මා එක්ස් කණ්ඩායමක් ගැන සඳහන් කලේ නැත. එක්ස් කණ්ඩායම අවසන් වුනේ 2004 දීය. සුමිත් චාමින්දට ග්‍රාම්ස්චි සමුහයක් තිබෙන  අතර ඔහුගේ තත්වය කුමක් වුවත් ඔහුගේ හොඳ ලිපි තිබේ. අධ්‍යනය සඳහා හෝ විචාරයන් සඳහා ඒවා හොඳය. මම ඔබ තරම් ඒ ගැන ඔලුව උදුමවාගෙන නැත. මට ඉංග්‍රීසියෙන් ජිජැක් කියවිය හැකවා ව මෙන්ම  සිංහලෙන් ලියන ඒවාද කියවමි. මහේෂ් හපුගොඩ ලොකුවට එක්ස් එකේ හිටියේ නැත ඔහු සිටින්නේ ශ්‍රී ලංකා පෙරටුගාමී පක්ෂයේය. ඔහු සංස්කෘතික දේශපාලනයන්ට  අමතරව පොත් දෙකකුත් ලියා තිබේ. මේ දිනවල එකකට විචාරයක් කරමින් සිටිමි. ඒ කිව්වා කියා ඔහු සමග ගැටුම් නැත්තේ නොවේ. (බ්ලොග් ලිපිය කියවන්න) 

අකුරු මැකී නෑ කොළ ගැළවී නෑ හපුගොඩ - මහේෂ් හපුගොඩ ට පිළිතුරක්

//සංස්කෘතික දේශපාලන විග්‍රහයන් වලට අමතර දෙයක් නොකිරීම // මේ  කතාව  අර පරණ ජවිපෙ හෝ නව පෙසප   තිබෙන "අපගේ භාවිතාව   තිබේ  නුඹලාගේ තිබෙන්නේ මොනවාද " යන සුපුරුදු පඬි වදන  මෙනි.එක භාවිතාවක් අවසන් වුනේ  අසාර්ථක  පොල්පොට් පන්නයේ කරල්ලකිනි.  අනිත් භාවිතාව නම් මේ කාලයේ යන්තන් මනෝ විශ්ලේෂණය හා ජිජක් ආදීන්  මාක්ස්වාදය ගෙන යන්නේ කොයි දිසාවටද යන්න ගැන යම් සවේදනයක් පෙන්වමින් සිටිති. මේ දිනවල  වැදගත් වන්නේ අඅධ්‍යයනය  මිස වෙන කිසිවක් නොවේ. 

Nalin Dodangoda

අජිත් මහතාගේ පිලිතුරට ස්තුතියි.පිලිතුරු ලපියේ මා හට ගැටලු කිහිපයක් මතුවිය.මෙය ඔබ එංගලන්තයේ ජීවිතයේ වැඩිකාලයක් ජීවත්වීම පිලිබද කාරනයක් නිසා විය හැක.එංගලන්තයේ සිටින වාමාංශිකයන් කිවත් නොකවවත් ගෝලීය කරනයේ ප්‍රතිඵලයක් ලෙස එංගලන්තයේ පමනක් නොව දියුනු රටවල වාමාංශිකයන් ඇතුලු බොහෝ ජනයා විස්කි ,ජින් ,4 වීල් සංස්කෘතියකට උරැමකම් ලබනවා සේම පහසුකම් ඇති නිවාස වල සංස්කෘතිකව ජීවත්වන බව ලාංකීය ජනතාව නොදන්වා යයි සිතීම ඔබගේ වරදක් නොව සිතීමේ බාධාවකි.එය යම්කිසි විදියකන් එංගලන්තයේ ලාංකික වාමාංශිකයන් ඔවුන්ගේ ලෟකික ජිවිතය පිලිබදව ලාංකික ජනයාට නොකියනවා කීම ඔබේම පරිකල්පනීය ගොඩ නැංවීමක් මිස යතාර්තය් පවතින දෙයක් නොවේ.දෙවන කාරනය ලෙස 2 ලෝක මහා යුද්ධයෙන් පසුව ලෝක ධනපති ක්‍රමයේ සමතුලිතතාවය රැකගැනීමේ අරමුනෙන් ගොඩ නගන ජීනීවා ගිවුසමට අනුව එහි සාමාජික රටවල් විසින් එකග වු දේශපාලන රැකවරනය යන කාරනය මත බටහිර රටවල් සිවිල් යුද්ධ 3 ක් ඇතිවු ලංකාවේ ජනතාවටත් එම ඉඩ අවස්තාව ලබාදීම තැචර්ගේ පුද්ගල වුවමනවක් නොවේ.නවලිබරල් වාදී ආර්ථිකය එංගලන්තයට හදුන්වා දුන් තැචර් පාලනය නිසා එංගලන්තයට අද සිදුවී ඇති විනාශය කෙබදුද?කොරෝනා වයිරසය නිසා ඇතිව ව්‍යසනයෙන් ගැලවීමට හැම රටක් මෙන්ම එංගලන්ත මධ්‍යම බැංකුව විසින් මුදල් අච්චු ගසා මිනිස්සුන්ට දීම ඔබ උත්කෘෂ්ටත්වයට ලක්රන්නේ ධනවාදයේ සංස්කෘතිය ගැන පමනක් හැදෑරීමේ ප්‍රතිඵලයක් නිසාද? ඔබ සදහන් කල එක්ස් කංඩායමෙන් පෙකනිය කපාගත් සුමිත් චාමින්ද ,මහේෂ් හපුගොඩ ඇතුලු බුද්ධිමතුන් තවමත් සංස්කෘතික දේශපාලන විග්‍රහයන් වලට අමතර දෙයක් නොකිරීම පිලිබදව ඔඹ සවිඥානකද? මෙයට අනුව ඔබේ ආස්ථානයත් ඔවුන්ගේ ආස්ථානය නම්.ඔබ පැවසු ජෙජික් ගේ වචන වලින් කියන්නේ නම්(චොක්ලට් චාකලට් නොවන චොකලට්,කිරි ,කිරි නොවන කිරිය,විස්කි විස්කි නොවන විස්කිය) පැහදිලව කියන්නේ නම් සාරයක් නැත යන්නයි.

Ajith Dharmakeerthi නලින් මහත්මයාගේ පිළිතුරට ස්තූතියි . මම හිතනවා මම කී දෙය ඔබ තේරුම් අරන් තිබෙන්නේ සම්පුර්නයෙන්ම අංශක 180 අනිත් පැත්තට කියල.

// එංගලන්තයේ පමනක් නොව දියුනු රටවල වාමාංශිකයන් ඇතුලු බොහෝ ජනයා විස්කි ,ජින් ,4 වීල් සංස්කෘතියකට උරැමකම් ලබනවා සේම පහසුකම් ඇති නිවාස වල සංස්කෘතිකව ජීවත්වන බව ලාංකීය ජනතාව නොදන්වා යයි සිතීම ඔබගේ වරදක් නොව සිතීමේ බාධාවකි// ඔබ ඊයේ පෙරේදා කොටුවේ හාමුදුරුවන් කියා පැරිසියේ අයෙකු ගේ වීඩියෝව බැලුවානම් ඔබ කියන දෙයහි නිරවද්‍යතාවයක් නැති බව වැටහෙනු ඇත. ඔවුන් කියන්නේ පාට් ටයිම් ජොබ් කර සුද්දන්ගේ පස්ස හෝදන අය ගැනය. බොහෝ අය සිතන්නේ (ෆේස්බුක් හා බ්ලොග්, වට්සැප් ) එංගලන්තයේ ජිවත්වන්නේ එවැන්නන් කියාය. ඒ මදිවාට දැන් මාසයකට කලින් ඉතාලි අය විදේශ විනිමය ගෙනත් රජයට දෙන්නේ නැති යයිද ඔවුන් ඒවා ලංකාවේ බඩු ගැනීමට වියදම් කරතියිද සමහරෙක් ලිය තිබුණි. එය මගේ පරිකල්පනයේ තිබෙන දෙයක් නොවේ. ඔබ සමහරවිට මේ ගැන දැනුවත්ව සිටිනවා ඇත. එසේම බොහෝ "සහෝදරයන්" ලියන ඒවා ම ෆෙස්බුක්හි නිතිපතා දකිමි. ඔවුන් වැඩිපුරම ලියන්නේ මෙහි තිබෙන අමාරුකම් ගැනය. රැජිනට වැඩ කරන මෝඩයන් ගැනය. ඔවුන් මෙහි ඉන්නේ තමන්ගේ සැපයට නොව ලංකාවේ විප්ලවය කිරීමට බවය. ඒවා පෙන්විය හැකිවුවත් පෞද්ගලිකත්වයට පහරක් හෙයින් එසේ නොකරමි. අනිත් කාරණය නම් ඔබ මගේ අදහස ග්‍රහණය කර නොගැනීමය. මා කියන්නේ ඔවුන්ට ජිජැක් ලෙස සිතන්න කියාය. තමන් මෙහි ගත කරන ජීවිතය සැඟවිය යුතු එකක් නොවේ. මේ දියුණුව ලංකාවට වඩා හොඳ බවත් ඔවුන් සමාජවාදය ලෙස පතන්නේ ඊට එහා ගිය දියුණුවක් බවත් කීමය. නමුත් බොහෝ අය කියන්නේ වෙන කතාවකි. මා දුටු පරිදි "පාරිභෝගික ජීවිතය " හෙලා දකින බොහෝ අය ධාර්මික වාමාංශික විප්ලවීය ජිවිතයකට බන දෙසති. මට මෙය පෙනෙන්නේ අර සමහර භික්ෂූන් මාලිගා වැනි පන්සල් තනාගෙන,බෙන්ස් හා 4x4 වල යමින් අල්පේච්ච ජිවිත ගත කරන්නට ලංකාවේ මිනිසුන්ට දෙසන බණ වගේය.

Ajith Dharmakeerthi ඊළඟ කාරණයද ඔබ හොඳ එකෙන් පටලවාගෙන ඇත. //ලංකාවේ ජනතාවටත් එම ඉඩ අවස්තාව ලබාදීම තැචර්ගේ පුද්ගල වුවමනවක් නොවේ// මේ කියුමෙන් එය පැහැදිලි වේ. මම කියන්නේද ඔබ කියන කතාවමය. මගේ මුළු ලිපියේ පරමාර්ථය ද එයමය.කරුණු නොදැන බොරුවට බ්‍රිතාන්‍යයට තඩිබාන හිනාවෙන ලංකාවේ අයට මම කියන්නේ දක්ෂිණාංශික ජොන්සන් රජය පවා වමේ රජයක් වැනිව සහන සපයන බවයි. ලිපියේ සාරාංශය එයයි. තැචර් වැනි අන්ත දක්ෂිණාංශික නායිකාවක සිටියදී පවා බ්‍රිතාන්‍යය ජාත්‍යන්තර නීතියට ගරු කර සිංහල කැරලිකරුවන් පමණක් නොව දෙමල කරලිකරුවනට දේශපාලන අනාතභාවය දුන් බවයි. මෙය නිවැරදිව වටහා ගැනීම වැදගත්ය. තැචර් ගැන ඔබ කිවූ කාරනා ගැන මගේ විරුද්ධත්වයක් නැත. මෑතක් වනතුරුම මම බ්‍රිතාන්‍ය කම්කරු පක්ෂයේ සහ මොමෙන්ටම් හි සාමාජිකයකුව සිටි මට තැචර් ගැන කියාදීම අවශ්‍ය නැත.

//එංගලන්ත මධ්‍යම බැංකුව විසින් මුදල් අච්චු ගසා මිනිස්සුන්ට දීම ඔබ උත්කෘෂ්ටත්වයට ලක්රන්නේ// ඔබ කියන්නේ මිනිසුන්ට පඩි ගෙවීම , සුළු කර්මාන්ත හා ස්වයං රැකියා හිමියන්ට පඩි ගෙවීම වැරදි යයි කියාද? රිෂි සුනාක් තවම මුදල් අච්හු ගැසුවේ නැත . එවැනි යෝජනාවක් තිබේ. ඔහු universal credit එක දීමටද ක්‍රියා කරයි. එය කෝබින් ගේ යෝජනාවකි. එසේම මෙහි ඇතැම් සහන පැකේජයන් ට කම්කරු පක්ෂයේ විරුද්ධත්වයක් නැත. විරුද්ධ වන්නේ NHS එකට අවශ්‍ය උපකරණ ප්‍රමාද කිරීම, ලොක් ඩවුන් ප්‍රමාද කිරීම මැට් හැන්කොක් ගේ සමාගම මගින් PPE ගෙන්වීමට තැත් කිරීම , ඩොමිනික් කමින් කියන දේ මිස විද්‍යාඥයන් කියන දේ නොඇසීම ආදියටය.

https://www.express.co.uk/finance/city/1265676/coronavirus-news-uk-economy-money-bank-of-england-andrew-bailey-BoE-coronavirus-latest?fbclid=IwAR2m5dwxw6YHgyd1Z539qllcujnY3guLUYr7_ipvwsLbCQAt_p7Kn7EsN8Y

Ajith Dharmakeerthi මා එක්ස් කණ්ඩායමක් ගැන සඳහන් කලේ නැත. එක්ස් කණ්ඩායම අවසන් වුනේ 2004 දීය. සුමිත් චාමින්දට ග්‍රාම්ස්චි සමුහයක් තිබෙන අතර ඔහුගේ තත්වය කුමක් වුවත් ඔහුගේ හොඳ ලිපි තිබේ. අධ්‍යනය සඳහා හෝ විචාරයන් සඳහා ඒවා හොඳය. මම ඔබ තරම් ඒ ගැන ඔලුව උදුමවාගෙන නැත. මට ඉංග්‍රීසියෙන් ජිජැක් කියවිය හැකවා ව මෙන්ම සිංහලෙන් ලියන ඒවාද කියවමි. මහේෂ් හපුගොඩ ලොකුවට එක්ස් එකේ හිටියේ නැත ඔහු සිටින්නේ ශ්‍රී ලංකා පෙරටුගාමී පක්ෂයේය. ඔහු සංස්කෘතික දේශපාලනයන්ට අමතරව පොත් දෙකකුත් ලියා තිබේ. මේ දිනවල එකකට විචාරයක් කරමින් සිටිමි. ඒ කිව්වා කියා ඔහු සමග ගැටුම් නැත්තේ නොවේ. (බ්ලොග් ලිපිය කියවන්න)

https://kolambagamaya.blogspot.com/2019/04/blog-post_2.html

//සංස්කෘතික දේශපාලන විග්‍රහයන් වලට අමතර දෙයක් නොකිරීම // මේ කතාව අර පරණ ජවිපෙ හෝ නව පෙසප තිබෙන "අපගේ භාවිතාව තිබේ නුඹලාගේ තිබෙන්නේ මොනවාද " යන සුපුරුදු පඬි වදන මෙනි.එක භාවිතාවක් අවසන් වුනේ අසාර්ථක පොල්පොට් පන්නයේ කරල්ලකිනි. අනිත් භාවිතාව නම් මේ කාලයේ යන්තන් මනෝ විශ්ලේෂණය හා ජිජක් ආදීන් මාක්ස්වාදය ගෙන යන්නේ කොයි දිසාවටද යන්න ගැන යම් සවේදනයක් පෙන්වමින් සිටිති. මේ දිනවල වැදගත් වන්නේ අඅධ්‍යයනය මිස වෙන කිසිවක් නොවේ.

Nalin Dodangoda අජිත් මහතාට මා ඉදිරිපත් කල අදහසට ප්‍රතිවිරුද්ධව ඉදිරිපත් කරන තර්කය තමන් තුලම තාර්කික කරගැනීමට, අජිත් මහතා ගමක සිිට කොලඹට පැමින කවි බන කියා හිට් වුන ,සමාජ ප්‍රග්ධනයෙක් ජීවත් වෙන බුවෙක් වන කොටුවේ පොඩි හාදයාගේ ප්‍රකාශයක් සහ පොහොට්ටුවේ බයියන් ඉතාලියේ සිට පැමිනි කංඩායම් පිලිබදව කල ආතල් ප්‍රකාශයන් පාදක කරගැනීම තමන් භාෂා සුරාන්තයක් තුල කොටු වීමකි.ඔබ යම් කිසි විදියකින් මගේ අදහස දියකිරීමට සමාජවාදී සමානතා පක්ෂයේ,ජවිපේ, පෙසෙපේ , ප්‍රක්සිස් සාමූහිකයේ , දීප්තිකුමාරගේ පක්ෂයේ හෝ අනිකුත් වමාංශික පක්ෂයක් විසින් හෝ ඔවුන්ගේ සාමාජියකු විසින් කල ප්‍රකාශයක් උපුටා ගත්තේ නම් මට ඔබ සමග මේ කාරනාව සම්බන්ධව යම් එකගතාවයකට ඒමට හැකිවීමට ඉඩ තිබිනි.

Ajith Dharmakeerthi  වාමාංශික සහෝදරයන් පළ කරන ඒවා කියවන්නේඔවුන් ගේ සහෝදරයන් පමණක් නොවේ. පෞද්ගලිකත්වය කඩ නොකිරීමේ ප්‍රශ්නයක් මත නම් නොලියමි.

Nalin Dodangoda 

ජෙජික්ව ඉංග්‍රිසියෙන් කියවීම හොදය නමුත් ඔබ එය තේරුම් ගැනීම පිලිබදව මට පරස්පර තාවයක් ඇත.හැදෑරීම හොදය ලෙනින් කිව්වේත් ඔය ටිකය.සංවිධානාත්මකව හැදෑරීම නිෂ්පාදනීය වනු ඇත,ඔබ ජෙජික් ගේ මනෝ විෂ්ලේෂනය පිලිබදව අදහසක් ඉදිරිපත් කර ඇත.මනෝ විෂ්ලේෂනය යනු වෘත්තියකි.ජෙජික් තමා මනෝ විශ්ලේෂයකු නොවන බව පවසයි.ඔහු දේශපාලනය කරන්නෙකි. පැහදිලිව සමාජය වෙනස් කිරීමට උත්සාහ කරන්නෙකි.ඔබ මෙන් ඔහු නව ලිබරල් ධනවාදය තුල සුරාන්තයට පත්වෙන්නේ නැත එහි අසාර්ථක භාවය සහ විනාශකාරී බව පැහදිලි කරයි.ඒ වගේම එංගලන්තය බෙරක්සිට් සංකල්පය හරහා ජාතිකවාදයට යන ගමන සහ එංගලන්තයට වන විනාශය පැහදිලි කරයි.අපනයන ආදායම බරපතල ආකාරයකට කඩවැටෙන බව පවසයි.ලෙනින් මෙන් මුල සිටම පටන් ගතයුතු බව පවසයි.මුලු ලෝකයම 1 වෙනි ලෝක යුද්ධයට පෙර පැවති තත්වයට සමාන කරයි.ඔබ සාමාන්‍යය සමාජයේ පුද්ගලකු මෙන් නවලිබරල්වාදී ආතල් ලියයි.එයට අමතරව ප්‍රතිවිරූද්ධ අදහසක සිටින සාරසංග්‍රහ වාදී අකාරයට ජෙජික් කෙනෙකුත් පටලවා ගනියි;

අනිකුත් ප්‍රතිචාර :

Punsara Amarasinghe Simply amazing . Thanks for unfolding this facts

Ajith Dharmakeerthi Thanks Punsara Amarasinghe

Sunil Fernando Thank you Mr. Dharmakeerthi I really appreciate you ...💖💖💖

Ajith Dharmakeerthi Thanks.

Ajith Perakum Jayasinghe 

Thank you bro. This is very important.

Ajith Dharmakeerthi

 Thanks brother. I was discussing your K-point book with Berty the other day.

Оксана Понкратенко

 Аджит, все очень плохо на Шри-Ланке? Как твои родственники? Очень надеюсь, что у них все хорошо! 🙏

Ajith Dharmakeerthi

i думаю там хорошо. пока 797 болен и 9 капут. и родственников тоже хорошо . спосиба оксана

 · Reply · 1d

Khap Dayaratne Thanks 

Buddhika Erandi Jayasinghe

 Ayya, thanks for sharing your article here to educate the people who mislead by the wrong information.

Ajith Dharmakeerthi

Thanks. I hope I out the record straight.

Sujeewa Ranathunga

හිතවත් අජිත් , මේ ලිපිය මිතුරන් අතරේ බෙදාහදා ගන්ට share පහසුකම දෙන්නකෝ....

Ajith Dharmakeerthi

 සමාවෙන්න මේක මම friend ලිස්ට් එකට දාල තියෙන්නේ . ඒකෙ ෂෙයාර් වෙන්නේ නැත්ද?

T Kumari Lokugamhewa

සුපිරිම කතාවක්..👍👍🌷🌷 දෑස හරහා මොලයට..👍

Ajith Dharmakeerthi ස්තූතියි කුමාරි

Prabath Ratnayake

 ඇයි බං... එතකොට අපිව ගෙන්නගනියෝ කියලා අරුන් ටික කෑගැහුවේ බොරුවටද......😄

Ajith Dharmakeerthi එක්කෝ ලංකාවේ බය කරලා තියෙන නිසා. නැත්නම් දැන් ඔය දොස්තර පුහුණුවට ආපු අයට මෙහෙන් වැටුපක් ගෙවනවානේ පවුම් 13000 විතර (අවුරුද්දට). ලනක්වෙන් ලැබෙන පඩියට අමතරව.මෙහෙ රිසර්ච් ඩිග්රි වගේ කරන ඔක්කොටම ඕක දෙනවා. ඒ කියන්නේ දවස් භාගයක් හරි වෝඩ් එකක ඉන්න ඕනි මම හිතන්නේ. කෝවිඩ් වෝඩ් එකකට දැම්මොත් මැරෙයි කියන බයට තමා යන්නේ . මෙහෙ දොස්තරවරු මැරුණා නේ 20 විතර. නමුත් ඉතින් ඔය සොක්‍රටීස් දිවුරුම හෙම ගන්නේ ඕන කෙනකුට බෙහෙත් කරනවා කියල නෙමෙයිද? මෙහෙ ලොක් ඩවුන් පරක්කු වීම පිලිබඳ ප්‍රශ්නයක් තියනවා. ඒක මම නැහැ කියන්නේ නැහැ.ජර්මනියේ විධිහට් යන්න තිබ්බ. නමුත් රජය ගණන් ගත්තේ නැහැ මුලදී.

ඇණයා රාජවිපක්ෂ 

ඔය කිව්වට ඇඳේ ඉන්නේ සුද්දෙක් වෙන්නැති, එකනේ මූණ පෙන්නන්නේ නැත්තේ.

Ajith Dharmakeerthi මූන දැම්මා බන්. ෆේස්බුක් එකේ නිසා මූන අයින් කරන්න කියල කිහිප දෙනෙක් කිව්වා.

Kevitiyagala Withanage Ranjith

 Machan bed is alright.where is u?

Ajith Dharmakeerthi: Why, you don't trust me?😀 I posted it first but then someone told me to remove it as this was not a private post and everyone can read it. Comprendo

Chandana Gunasekera ස්තූතියි ඔබට!

Ajith Dharmakeerthi

ස්තූතියි චන්දන

...

Gamini Chandrasekera

 ආසාදිතයින් ලක්ෂ දෙකක් සහ මරණ සංඛ්‍යාව 30,000ක් නම් ආසාදිත යින් ගෙන් 15%ක් මිය යන තත්වයක් තියෙනවා නේද? එය අසාමාන්‍ය ලෝකයේ අනිත් රටවලට සාපේක්ෂව වැඩි අගයක් නොවේද?

Ajith Dharmakeerthi ඉතාලිය 13.8% තමා වැඩිම මම හිතන්නේ. මේ අගයත් වැඩියි මරණ සංඛ්‍යව බැලුවොත්. නමුත් මුළු ජනගහනය බැලුවොත් තවම 1% ට ඇවිත් නැහැ. මිනිසුන්ට දැනෙන්නේ නැත්තේ එකයි. සුනාමියේදී ලංකාවේ 30000 මැරුණ එක දැනුනේ ජනගහනය මිලියන් 20 නිසා. ඒ වගේම චීනයේ මිට වඩා වැඩි ප්‍රමාණයක් මිය ගොස් තිබෙනවා. ඔවුන් දුන් දත්ත වැරදියි කියල මම හිතන්නේ. ගණන් හදල බලුවහම එන්නේ එහම. මම මේ මේ ආණ්ඩුව සුද්ධ කරනවා නෙමේ ඔවුන්ගේ දුර්වලකම් බොහොමයක් තියනවා. නමුත් ලංකාවේ කියන දේවල් වෙන්නේ නැහැ. සුද්ද ඇඳන් දෙන්නේ නැති කතා හෙම. ලංකාවේ මගේ නෑදෑයෝ බය වෙලා. වැඩියෙන්ම ලිව්වේ ඒක නිසා.

Ajith Dharmakeerthi පොඩි පැහැදිලි කිරීමක් . ඔබ නිවැරදියි 15% කියන කොට හේතුව ආසාදිත සංඛ්‍යාව 206,715 කට මියගිය් ගණන 30615 නම් 15% ප්‍රතිශතයක් එනවා.

මම ගණනය කලේ ආසාදිත සංඛ්‍යාව ලක්ෂ 3 ක් ලෙස ගෙන. ප්‍රතිජනන අගය 1.5 ලෙස ගෙන හඳුනානොගත් ආසාදිතයන් (asymptomatic carriers) ලක්ෂයක් පමණ එකතු කර..

Saman R Silva ලිං මැඬියන්ට යමක් කියා දීම අපහසුයි. නමුත් ඔබේ උත්සාහය ප්‍රශන්ශනියයි. ස්තුතියි අජිත්!

Ajith Dharmakeerthi ස්තූතියි ඔබට

එක්සත් රාජධානියේ ප්‍රශ්න හා ලංකාවේ එක්සත් රාජධානිය ගැන කියන ප්‍රශ්න

පන්දාහත් ගානක්ද 'ස' බත් මුට්ටි දෙකක්ම ඕනෙද ?

ඉංගිරියේ ජිවත් වන කෙනෙක් ට එයාගේ මවගේ විශ්‍රාම මුදල ගන්න බැරිවෙලා මේ මාසේ. මොකද තැපැල් කන්තෝරුවට සල්ලි ආවට අම්ම කොරෝනා එන්න කලින් ගමේ ගිහින් ඇඳිරි නිතිය නිසා එන්න බැරිවෙලා.  හැඳුනුම් පත අරගෙන ගියහම් දෙන්න බැහැ කියල. අම්මව අරගෙන එන්න කියල. 

අම්මගෙන් ලියුමක් වත් අරන් එන්න යන්න බැහැ  ඈත ඉන්නේ.  මේ තැනැත්තාට දැනට රැකියාවක් නැහැ.

ඉතින් රුපියල් පන්දාහ  ගන්න ගියහම ග්‍රාම සේවිකාව මුලින් දෙන්න කැමති වෙලා පස්සේ බැහැ කියල.  ගමේ මිනිස්සු කියල තියනවලු කාරෙකක් තියනවා කියල. කාරෙකක් තිබ්බට කුලී නැහැනේ. ණය, පොලිය ෆිනෑන්ස් එකට ගෙවන්න ඕනේ. වෙන ආදායමක්  නැහැ.

මවගේ විශ්‍රාම මුදල් අරගෙන යවන්නත් ඕනේ බෙහෙත් ගන්න එහම.

ඉංගිරිය ප්‍රාදේශීය  සහකාර ලේකම්වරිය අහල ගෙදර බත් මුට්ටි දෙකක් ලිපේ තියනවද කියල? ඉතින්  මේ මනුස්සය අහල ඇයි එහෙම  අහන්නේ කියල? විශ්‍රාම වැටුප ගන්න අම්ම වෙනම බත් උයන් කනවා නම් විතරලු මෙයාට පන්දාහ දෙන්නේ. ඉතින් මෙයා කියල , එහෙම කරන්න පුලුවන්ද අපි කන කෑම තමා එයත් කන්නේ කියල. ලේකම් වරිය කියලා එහෙනම් පන්දාහ දෙන්න බැහැ අම්මා ගෙන් ලියුමක් අරන් එන්න , එයා අත්සන් කරලා දෙන්නම් විශ්‍රාම වැටුප ගන්න කියල. ප්‍රශ්නේ තමා දෙන්නම් ඉන්නේ ඇඳිරි නිතිය තියෙන දිස්ත්‍රික්ක වල . ඒක කරන්න බැහැ . මෙයා  අහනවා ලේකම්වරිය හරිද කියල? 

මේක ෆේස් බුක් එකේ රා.සේ.පි. කියන ගෘප් එකට. මේ තමයි ලැබුණ උත්තර . වෙනසක්  නැතිව පළ කරනවා. අර ප්‍රශ්නය අහපු කෙනාට දැන  ගන්නත් එක්ක. 

Ananda Somasiri මේක නිලධාරීන් අසරණ ‍‍වෙන ප්‍රශ්නයක්.. හැබැයි ඒ මහත්තයට සැබෑ වුවුමනාවක් ඇත්නම් තමන්ගෙම කාර් එකකුත් තියෙන එකේ පොලිසිය සහ පී.එච්.අයි.දැනුවත් කොට ස්ව්‍යං නිරෝධායනයට යටත්ව තම මව රැගෙන ඒමේ හැකියාවක් තිබුන. දැන්නං මම හිතන්නෙ රජයෙන්ම ඒ දේ කරනවතමේවගේ ගැටළු විසඳන්න.

4

 · Reply · 16h

Samantha Kumara Jayathilaka

Samantha Kumara Jayathilaka ස.ප්‍රා.ලේ සහ ග්‍රා.නි. දෙන්නම නිවැරදි. ඔවුන් කරන්නෙ චක්‍රලේඛ ක්‍රියාත්මක කිරීම.කාර් කතාව නම් බොරුවක්. දෙන්නම 5000/- දෙන්න බෑ කියන්නෙ එකම ගෘහයේ රාජ්‍ය විශ්‍රාමිකයෙකු සිටීම නිසයි.

 or report this

Like

 · Reply · 16h

Ajith Dharmakeerthi

Ajith Dharmakeerthi ඇයි එහෙම කියන්නේ ඔයා දන්නේ නැහැනේ වෙලා තියෙන්නේ මොකක්ද කියල. මිනිස්සු එහෙම බොරු කියනවද? ග්‍රාම සේවක මුලදී දෙන්න පොරොන්දු වෙලා පස්සේ ගමේ අය සමහරක් විරෝධය පාල තියනවා කාර් එකක් තියනවා දෙන්න එපා කියල. ඊට පස්සේ ග්‍රාම නිලධාරී අසරණ වෙලා. (ඔය උඩ කොමෙන්ට් එක හරියටම හරි) . එහෙම කාර් තියන වෙනත් රැකියා තිබුනත් දැනට ඒවාට යන්න බැරි අයට දෙන එකටත් විරුද්ධ වෙලා. නමුත් රජය කියල තියෙන්නේ වෙනසක් නැතිව දෙන්න කියල දැන් අදායම් මාර්ගයක් නැත්නම්. අනික විෂමිකයෙකු සිටීම අදාල නැහැ. රජය චක්‍රලේඛයේ එහෙම එකක් කියල නැහැලු.. දැන් රැකියා ව නැත්නම් අදායම් මාර්ගය නැත්නම් හැමෝටම දෙන්න කියල තමා ජනාධිපති තුමා කියල තියෙන්නේ.

 · Reply · 7h

Samantha Kumara Jayathilaka

Samantha Kumara Jayathilaka Ajith Dharmakeerthi ඔයාගෙ පෝස්ට් එකට අනුවයි මම උත්තර දුන්නෙ. මෙච්චර නාඩගම් නටන්න ඕනෙ නෑ. රජය සහනාධාර පිළිබඳව චක්‍රලේඛ දහයක් විතර නිකුත් කලා. අගමැති කාර්‍යාලයෙන් , සමුර්දි අධ්‍යක්ෂ ජනරාල් , ...ඒ වගේ කිහිප තැනකින් එකකට එකක් පරස්පරතාවයන් සහිතව ඒව නිකුත් උනේ. විශේෂයෙන්ම මේ සහනාධාරය ගෙව්වෙ පවුලක ආදායම් මට්ටම බලලා නෙමේ. කාර් එකක් නෙවි ලොරියක් තිබුනත් , ෆුට් සයිකලයක් තිබුනත් , ගෙදර රජයේ විශ්‍රාමිකයෙක් ඉන්නව නම් දෙන්න බෑ. චක්‍රලේඛ ටික හොයාගෙන කියවගන්න. මොළේ පෑදෙයි.

 · Reply · 3h · Edited

Samantha Kumara Jayathilaka

Samantha Kumara Jayathilaka Ajith Dharmakeerthi අනෙක , මුළු ගමම විරුද්ධ උනත් , චක්‍රලේඛෙ තිබුන නම් ඒ රාළහාමි දෙනව. රාළහාමිල වැඩ කරන්නෙ , ගමේ අය කියන විදිහට නෙමේ , රජයෙන් දෙන උපදෙස් අනුව නීත්‍යානුකූල විදිහටයි.

 · Reply · 3h

Ajith Dharmakeerthi

Ajith Dharmakeerthi //ගෙදර රජයේ විශ්‍රාමිකයෙක් ඉන්නව නම් දෙන්න බෑ//

ඔබ මෙයට අදාල රජයේ නිලධාරියෙක් ද මෙහෙම කියන්න? හරියටම දන්නවද - මොකද ඉංගිරියේ පරිපාලන ග්‍රාම නිලධාරීනිය තමා කියල තියෙන්නේ චක්‍රලේඛනයක් (සති 2.5 කට කලින්) ඇවිත් තියනවා විශ්‍රාමික අය හිටියත් කලින් කල රැකිය…See more

 · Reply · 3h

Samantha Kumara Jayathilaka

Samantha Kumara Jayathilaka Ajith Dharmakeerthi රජයේ විශ්‍රාමිකයෙක් මං දන්න තරමින් රුපියල් 5000/- ට අඩුවෙන් පාරිතෝෂික ලබන්නෙ නෑ.එහෙම කෙනෙකුට නම් දෙන්න පුළුවන්. එහෙම නැතිව රාජ්‍ය විශ්‍රාමිකයින්ටත් සහනාධාරය දීල නම් ඒව හොඳ වසම් නෙමේ ඔයා කියන විදිහට. ආදායම් අහිමි වූවන්ට දීම හරි. විශ්‍රාමිකයින්ගෙ ආදායම රජය අහිමි කලේ නෑනෙ. ඒකයි දෙන්න එපා කියල තියෙන්නෙ. මේ කර්තව්‍ය ගැන පොඩියට හරි මටත් අවබෝධයක් තියෙන නිසයි ලිව්වෙ. ඔයා මේ රටෙත් නෑනෙ. එහෙම එකේ මේ වෙලාවෙ අර අහිංසකයි කියන දුප්පත් රට වැසියො කරන මගඩි ගැන ඔයාට අවබෝධයක් නැතුව ඇති. ඔයාට කියන දේවල් ගැන විතරයි ඔයා දන්නෙ. ඔයා වගෙම මේ ගැන ලියන හුඟ දෙනෙක් යතාර්තය නොදැනයි යමක් ලියන්නෙ. රටේ පවුල් ගාණත් හුඟ දෙනෙකුට ප්‍රශ්නයක් වගේ. ඔයා කාටහරි මුදල් එවල උදව් කරන එකට සතුටුයි. ඒත් මං හිතන්නෙ නැවත වරක් ඔබ මුදල් එවන පවුල් පිළිබඳව රහසේ විමසීමක් කරන්න වේවි. මිනිස්සුන්ගෙ අවංකභාවයත් , ඔබගේ දැනීමත් අතර ගොඩක් ලොකු හිඩැසක් තියෙනව.

 · Reply · 2h · Edited

Ajith Dharmakeerthi

Ajith Dharmakeerthi Samantha Kumara Jayathilaka මෙතන විශ්‍රමිකයෙකු හැටියට එයා ලබන ගාන නෙමේ වදගත් . මම දැන් ලීවානේ ච්රක්රලේඛනය ගැන කීව නිලධාරිනිය කවුරුද කියලත්. විශ්‍රාමිකයකු හිටියත් අදායම් අහිමි වූ අයට දෙන්න කියල ආණ්ඩුව කියනවනම් දෙන්න ඕනේ කියන එකයි ඔය කියන අයගේ තර්කය. අවවාදයට ස්තූතියි

 · Reply · 1h

Samantha Kumara Jayathilaka

Samantha Kumara Jayathilaka Ajith Dharmakeerthi ගඟ ළඟට අශ්වයා එක්ක යන්න පුළුවන්. වතුර පොවන්න බෑ. ඌ දැනගන්න ඕන බොන්න. ඔය විදිහටම ඉන්න. වෙනස් වෙන්න එපා.

 · Reply · 1h

Ajith Dharmakeerthi

Ajith Dharmakeerthi බොහොම ස්තූතියි . මේ දැන් මම එක්තරා බලකායක කෙනකුට කතා කළා, එයා කීවේත් ඉංගිරියේ ග්‍රාම සේවා පාලන නිලධාරිනිය කීව එකමයි හබැයි . හෙට සඳුදා හොයල බලන්න . මට ඒ ගොල්ල බොරු කියනව වෙන්න පුළුවන් ඕනේ තරම්. එහෙම අවස්ථා තිබෙනවා .

 · Reply · 1h

Samantha Kumara Jayathilaka

Samantha Kumara Jayathilaka කාළෙ නාස්ති වෙනව..!

Thank you මචං.

ආහ් , ඉංගිරිය ලංකාවට අයිති නැද්ද ?

 · Reply · 1h

Ajith Dharmakeerthi

Ajith Dharmakeerthi මට කියපු උන්ගෙන් හෙට අහන්නම් මචන් 😀දැන් රෑ

Dinidu Endaragalle හැමෝම සතුටු කරන්න බෑ රජයට. ඔන්න ඔහොම තවත් ටිකක් ඉවසන්න කියන්න.

 · Reply · 15h

Ajith Dharmakeerthi

Ajith Dharmakeerthi මිනිස්සු අමාරුවක් ඇති නිසානේ ඉල්ලන්නේ. එංගලන්තයට ලනක්වේ හැමෝම බැන්නට වෙනසක් නැතිව හැමෝටම දෙනවා ආධාරය

 · Reply · 7h

Gayan Nadugala

Gayan Nadugala ඇදිරි නීතිය තිබ්බ කියලා බැන්කුවට , පොලිසිය ට , ප්‍රාලේ එකට යන්න කිසිම භාදාවක් නෑ....

එයාට පෙන්ශන් එක ගන්න ඕනෑම ක්‍රමයකට යන්න් එන්න් පුලුවන් ...පෙන්ශන් හැදුනුම්පත විතරයි ඕනෙ වෙන්නෙ

Danishka Navin

Danishka Navin Gayan Nadugala can he use his mother's NIC?

1

 · Reply · 9h

Gayan Nadugala

Gayan Nadugala Danishka Navin අම්මට සනීප නැත්තන් ඇවිදගෙන යන්න බැරි නන් සාමාන්‍යයෙන් එයා නන් ගිහිල්ලා අරන් එන්නෙ ආසන්න තැපැල් කාර්‍යාලයට ගිහින් ගේන්න පුලුවන් ...

 · Reply · 9h

Ajith Dharmakeerthi

Ajith Dharmakeerthi Gayan Nadugala එයාට ඇවිදින්න බැහැලු. ත්‍රි වීල් වලින් තමා ගමන ,ඇඳිරි නිතිය අස්සේ යන්න බැහැලු වෙන තැනක ඉන්නේ.

 · Reply · 7h

Gayan Nadugala

Gayan Nadugala Ajith Dharmakeerthi කරන්න තියෙන්නෙ මවගෙ විශ්‍රාම හැදුනුම්පත තියේ නන් ග්‍රාම සේවකගෙන් ලිපියක් අරගෙන හෝ නැතුව අදාල වාහනෙන් යන්න පුලුවන්... ආබාධිත කෙනෙක් නන් ඕක පොලිසියට කොහොමත් ප්‍රශ්නයක් වෙන්නෙ නෑ...

 · Reply · 6h

Ajith Dharmakeerthi

Ajith Dharmakeerthi ස්තූතියි

 · Reply · 6h

Ajith Dharmakeerthi

Write a reply...

Nilani Dilshika

Nilani Dilshika සප්‍රාලේ සහ ග්‍රානි නිවැරදි ...චක්‍රලේඛ අනුව ඔවුන් එය කියලා තියෙන්නේ ...අනික විශ්‍රාමික හැඳුනුම්පත පෙන්වා යන්න එන්න පුලුවන් ...

 · Reply · 13h

Ajith Dharmakeerthi

Ajith Dharmakeerthi එයාට ඇවිදින්න බැහැලු. ත්‍රි වීල් වලින් තමා ගමන ,ඇඳිරි නිතිය අස්සේ යන්න බැහැලු වෙන තැනක ඉන්නේ.

 · Reply · 7h

Sabeetha De Silva

Sabeetha De Silva සහකාර ලේකම් තුමිය සහ ග්‍රාමනිලධාරි යන දෙදෙනාම නිවැරදියි.තැපැල් කාර්යාල වලින් විශ්‍රාම වැටුප ගන්න අයට ගෙදරට ගෙනත් දිිමෙිි ක්‍රමවෙිදයක් තිබුනා.අනිත් කරුණ විශ්‍රාම වැටුප ලබා ගැනිිමට යාමට දින 3ක් වෙන් කරලා තිබුනා .ඇදිරිනිිිති බලපත්‍රය විදියට විශ්‍රාමික හැදුනුමිිපත භාවිතා කරන්න පුලුවන් කම තිබුනා .

 · Reply · 12h

Chamath Perera

Chamath Perera නිලධාරීන් ඉතාම නිවැරදිව රාජකාරි කරල තියෙනව

 · Reply · 9h

Ajith Dharmakeerthi

Ajith Dharmakeerthi සියලු පිළිතුරු වලට ස්තූතියි . මම වුනත් ආධාරයක් කරනවා නමුත් මම ඉන්න රටේ සිට දැනට මුදල් යවන්න විධිහක් නැහැ කිසිම කෙනෙකුට. ට්‍රාන්ස්ෆර් සර්විස් ඔක්කොම නවත්වල. මමමාසෙකට සැරයක් ආධාර කරණ පිරිසක් ඉන්නවා. නමුත් දැන් ඒකත් බැහැ .

මේ දෙදෙනාම හෘද රෝගීන්. මිනිසුන් ගැවසෙන තැන්වල ඉන්න එපා කියල වෛද්‍යවරු කියල. වෙන විස්තරයක් දන්නේ නැහැ. . ඔවුන්ගේ බෙහෙත් වලට විශාල මුදලක් යනවා. ප්‍රශ්නය ඇවිත් තියෙන්නේ එතන. රජයේ ආරෝග්‍ය ශාලාවෙන් දෙන බෙහෙත් ගන්න විධිහක් නැතිවෙලා . ATM ගිය වෙලේ ඒක වැඩ කරල නැහැ. අනිත් එකේ සෙනග පොදියක්ලු. ඒ නිසා හැරිලා ඇවිත් . කොතැනක හරි අසරණ වීමක් වෙලා එපමණයි. මම උදව් කරනන උත්සහයක් ගන්නවා.

කොරෝනා වසංගතයට කළ යුත්තේ කුමක්ද? කුමක්ද ලෙනින්

ඇත්තටම කියනවනම් මමත්  දන්නේ නැහැ හරියටම මොකද්ද කරන්න ඕනේ කියල. ඒව කරන එක  විශේෂාංඥයන්ට භාර දෙමු. අලුත් තත්වයක් නිසා වැරදීම් වෙන්න පුළුවන්. ලෙනින් ගේ නම දැම්මේ ඒක මේ දවස් වල ආකර්ශනීය නිසා. මැයි පළවෙනිදනේ. 

 කොරෝනා වෛරසය වන  කෝවිඩ් 19 පැතිරීම පිළිබඳ මම ලිපි කිහිපයක්ම ලිව්වා. ඒවායේ යොමු  පහල ඇති. අප්‍රේල් 23   මා ලීවේ මෙලෙස . //ප්‍රති  ජනන අගය ලෙස 1.3 ගතහොත් 494 ක මුළු  ආසාදිතයන් ප්‍රමාණයක් ඒ අනුව සිටිය යුතු අතර ඒ හැමගෙන්ම තවදුරටත් බෝවී ඇත්නම් අද වනවිට හඳුනා නොගත් අයද ඇතුළුව රට පුරාම අවම වශයෙන් 5700 ක් පමණ ආසාදිතයන් සිටිය යුතුය//  ඒ වනවිට ආසාදිතයන් වශයෙන් හඳුනා ගෙන සිටි ගණන  වූයේ  327.

එතකොට අද මැයි පළ වෙනිද. ලියා  පදිංචි වෙලා තියෙන නැත්නම් හඳුනාගත් රෝගීන් ගණන 690ක්.  ඒ කියන්නේ දෙගුණ වෙන්න දවස් 7 ක් ගිහින්.   දැන් අපි බලමු ප්‍රතිජනන අගය 1.3 නම් සැබවින් බීජෞෂණ සමයේ හෝ එය පසු කරමින් සිටින ගණන විය යුත්තේ 894 ක් (නමසීයක් පමණ ). ( මම මේවා ලියන්නේ  ගණිතමය පැත්තෙන් බලල මිසක් වෛද්‍ය පැත්තෙන් බලල නෙමෙයි.) එතකොට රෝගය හැදෙමින් හෝ දෙවන රැල්ලට ලක්වෙමින් සිටිය යුතු ගණන වෙන්නේ 11069 ක්. (එකොලොස්දාහක් පමණ) . දැන්  අපි හිතමු මේ ප්‍රතිජනන අගය 1.5 කියල.  (ඒ කියන්නේ වසංගතය වැඩිවෙමින් යන ආකාරය ගණනය කිරීමට යොදා ගන්නා අගය)  එහෙම නම් සිටිය  යුතු ආසාදිතයන් (පොලිසියට අහුවෙන්නේ නැතිව කට්ටි පනින  අය එක්ක) ගණන 1032 යි. ලංකාව පුරා  දෙවන රැල්ලට අහුවෙන ගණන 12112 ක් නැතනම් දොළොස්දාහක් පමණ. 

දැන් එතකොට පොකුරු නිමුව කියන්නේ මොකක්ද? ඒ කියන්නේ එක අයෙකුගෙන් කෝවිඩ් 19 හැදිලා එයාගෙන් පැතිරෙන ඔක්කොම අය හොයා ගත්ත කියන එක. ඒ කියන්නේ අවසාන ආසාදිතය දක්වා. හැබැයි සමහර විට නොහඳුනන දෙතුන් දෙනක් ඔය හැම එක්කම ඉන්නත් පුළුවන්. 

ඒ කියන්නේ නමසීයත් දාහත් අතර ආසාදිත වූ ප්‍රමාණයක් දැනට ඉන්න ඕනේ. දැන් 690 ට වැඩිවෙමින් යන මධ්‍ය  අගය  වන 30 ක් එකතු කරගෙන ගියොත් 900 එන්නේ මැයි අට වනදාට.    ඒ කියන්නේ පොලිසියට/සෞඛ්‍ය සේවයට  900 හොයාගන්න පුළුවන් වෙන්නේ මැයි අට. ඇඳිරි නීතිය වගේ තත්වයක් නිසා එහම් වෙන්න පුළුවන්. හැබැයි දෙවන රැල්ලේ අය හමුනොවීම  සුවය ලබන්නත්  පුළුවන්. ඒ කියන්නේ අර එකොලොස්දාහක් විතර වෙන කට්ටිය ගැන. 

මරණ සංඛ්‍යාව ගැන නම් මගේ හිතේ තිබෙන්නේ විචිකිච්චාවක්. මට ලැබුන , කියවපු ආරංචි අනුව අනුමාන කරන්නේ ඒ ගණන 15 ක් විතර කියල.මේ අතරට  කෝවිඩ් වගේ හිතෙන මරණත් සාමාන්‍ය  විධිහට භූමදාන කරන්න පෙළඹිලා කියලහිතෙනවා.  ඇතැම් පවුල් ලෝකයාගේ කතා අහන්න බයේ  නිහඬවම භූමදාන හෝ ආදාහන කරනවා  කියල අදහසක් තියනවා. පාරේ වැටිලා මියගිය දෙන්නත් මේ ගොඩටම වැටෙනවා ඇත්තටම. අනික කෝවිඩ් 19 හැදුනම  ඒනිසා අතුරු ආබාධයක් උත්සන්න වෙලා මැරෙන්නත් පුළුවන්. බ්‍රිතාන්‍යයේ ඒ මරණත් කෝවිඩ්  19 අතරටමයි එකතු කරන්නේ. 

මිට කලින් මම ලිපියක් ලිව්වා   මිනිසුන් ස්ව කැමැත්තෙන් නිරෝධායනයට යොමු වෙනවද? කියල. එහිදී අර මගේ කලිසම් ඔලුවෙන් ගලවනවා කියල කිව්ව කෙනෙකුත් හිටිය බුකියේ.  හේතුව තමා නිරෝධායනයට බයේ මිනිස්සු එන්නේ නැහැ,  මොකද හැමෝම  එකට (එක පේළියේ ඇඳන් වල දාල) නිසා අනිත් අයටත් බෝවෙනවා කියන බයට කියල කීම. ඕක ලිව්වා එකට ෆේස්බුක් එකේ ආණ්ඩුවට  සහයෝගය දෙන  අය වෙන්න ඕනේ මරාගෙන මැරෙන්න එනවා. මොකක් හරි  ප්‍රශ්නයක් වැරැද්දක් තියනවනවම් ඒක හදනව වෙනුවට මේ බයි රාලලා රාලිලාගේ තියෙන දඩබ්බර හැසිරීම නිසා සංවාදය නැති වෙලා යනවා. මේ ගොල්ල මේ බයිබෝස් දාන්නේ  ෆේස්බුක් එකේ. 

ඉතින්  එදා මම කිව එක වැරදි  නම් මේ නාවික හමුදාවේ සහෝදරවරුන් දිගින් දිගටම ආසාදිත වෙන්නේ ඇයි?

දැන් අර නාවික හමුදාවේ සෙබලෙකුගේ පියාට පහර දුන් හරක් රැල තමා  මේ කට්ටියගෙ භුමියේ හමුදාව . ඇයි නාවික හමුදාවේ අය ලෙඩ හදා ගත්තේ  බලෙන්ද? මුන්ව බේරා  ගන්න ගිහිල්ලනේ. දැන් තේරෙනවද මේ හැසිරීමේ  වැරැද්ද?

 

නමුත් හොඳ අය ඉන්නවා සංවාදශීලීව සංයමයෙන් වරදක් වුනත් පෙන්වල කතා කරන යහළුවෝ සහ බ්ලොග් මිතුරෝ . තමන් කවුද කියල ඒ අය දන්න නිසා නම් වශයෙන් කියන්න යන්නේ නැහැ.   

රජයේ ක්‍රියා පිළිවෙත ගැන කියනවනම් විවේචනය කරන්නන් වාලේ විවේචනය කරන්න  මම කැමති නැහැ. විපක්ෂය ආවයි කියල මිට වැඩිය දෙයක් කරයි කියල හිතන්නත් බැහැ. සමහරවිට අර දෙන්නගේ බල අරගලය නිසා මිට වැඩිය චොර  වෙන්න තිබුන. 

   

අසනීප වුනු කෙනෙක් හමුවුණු ගමන් කෙලින්ම ගිහිල්ල  ඒ අහල පහළ අය  එක්කම නිරෝධායනය  කාරක  එක (රෝගීන් වෙනම වෙන් කරලා ) හොඳ වැඩක් හැබැයි ටෙස්ට් කරලා.  

 එසේම  හමුදා සාමාජිකයන්  අය ලෙඩේට මුහුණ දෙන්න දාපු එකේ ප්‍රශ්නයක් තියනවා. ඒ අය සෞඛ්‍ය ය සේවකයන් මෙන් පුහුණු වූ අයද? ආරක්‍ෂිත ඇඳුම් අවශ්‍ය ප්‍රමාණයට තිබුනද ? 

 

ඇඳිරි නිතිය පිළිබඳවත් කියන්න තියෙන්න ඒක . මම මුල ඉඳලම  කීවේ එක දිගට ඇඳිරි නීතිය දාල  පලක් නැහැ. එකපාර දවසක් ඇරියම මිනිස්සු බඩු ගන්න පොර කන එක වලක්වන්න බැහැ. වෛරසය පැතිරෙන්න දෙතුන් දෙනෙක් හිටියත් ඇති.

 

දැන් ප්‍රතිපත්තිය වෙනස් වෙනවා කියල ආරංචියි. ඒක හොඳයි. අත්‍යවශ්‍ය බඩු විකුණන වෙළඳ සල් ඇරලා , කට්ටිය බහුලව අවශ්‍ය  නොවෙන රැකියාවන  කරන්න ඉඩ දීල , පොදු ප්‍රවාහන   සේවා සහ  රථ වාහන ගමනා ගමනය පවා පටන් ගන්නෙක හොඳයි. මිනිසුන්ට ක්‍රමානුකුලව නගරයට ඒමට ඉඩ දුනොත්, වෙළඳ හල්වලට යන්න ඉඩ දුන්නොත් යම් ප්‍රමාණයකට වෛරසය පැතිරීම වලක්වෙනවා. 

සමහර මරණ වෙන්න පුළුවන් . ඒක කාටවත් වලක්වන්න පුළුවන් දෙයක් නෙමෙයි බෙහෙතක් හොයා ගත්තේ නැතිනම්. 

හැබැයි ලොක් ඩවුන් එකක් ක්‍රියාත්මක වෙන්න ඕනේ. නගරයෙන් නගරයට, ගමින් ගමට  යාම වලක්වල දැන් වගේම. ආසාදිතයන් ටෙස්ට් කරන එක වැඩි කරලා. 

ශ්‍රී ලංකාව මේ වසන්ගතයෙන් හැකි ඉක්මනින් මිදේවා කියල හිතමු. 

පෙර ලිපි 

ශ්‍රී ලංකාවෙන් ලැබුණු සනාථ කොට ගත නොහැකි ආරංචියක්

කෝවිඩ් -19 වයිරසය නැවැත්වීමට වෛරස් බොට්ල්නෙක්

ශ්‍රී ලංකාවේ කොරෝනා වයිරස් COVID -19 තත්වය - 2

මිනිසුන් ස්ව කැමැත්තෙන් නිරෝධායනයට යොමු වෙනවද?

නව කොරෝනා වයිරසය ගැන චීනය අවංකද?

කොරෝනාව ඩිසයිනර් වයිරසයක්ද

ජොන්සන් ට වැරදුනා ද ජොන්සන්  

සමුදුන් අතීතයක මිහිරක්

************

*********************

අමාරුවෙන්  සමු දුන්න අතීතයක් . එහෙම දෙයක් අපි හැමෝටම තියනවනේ. 

ඒ සමු දුන්න මතක වල මිහිර වත්, වේදනාවන්  වත් කාටවත් උදුරා ගන්න බැහැ. 

මොකද, ඒවා සදාතනිකව හිතේ කොනක තැන්පත් වෙලා අගුලු දාල වහල තියෙන නිසා. 

එලියට එන්නේ ඉඳල  හිටලා හිත ගැස්සුනහම ඒ අගුල එහා මෙහාවෙන නිසා.

ඕනෑතරම් අය දින වකවානු කියාවී 

ඒ මිහිර තමන් වින්ද කියාවි  

ඒ හින්ද මටත් කවියක් ලියැවෙනවා කියාවි

එහෙම වෙන්නත් ඇති 

ඔයා  වගේම තවත් සොඳුරු අය ඕන තරම් ඉන්න ඇති 

සුදු හිම තලා වල ඇවිද ගිය  

ඒ උනාට ලෝකේ මිනිස්සු එක වගේ නැහැ 

දෙන්නෙකුගේ ගැලපීමත් 

ඒ  මොහොත විඳීමත් 

සුවිශේෂ ඒ දෙන්නට විතරයි  

ඒ කවුරු මොනව කීවත් මිහිරාවි 

 ඒ හැඟීම දැනගෙන හිටියේ  අපි දෙන්න විතරනේ  

ඒ ජිවිතය දැනගෙන හිටියෙත්  අපි දෙන්න විතරයි

ඒ රහස් තිබුනේ අපි දෙන්න අතර විතරමයි 

ඒවා කාටවත් උදුරා ගන්න බැහැ 

ඒ ගොල්ල ඒවා උදුරාගෙන 

ලියල මලවල  මොනව කළත් 

ඔයා  ඉන්නේ මගේ හිතේනේ 

මේ සින්දුව ඔයාට මතකද 

 මට ආයි ඒක අහන්න හිතුන 

මම සමු දීල ඉන්න අතීත මතකය විඳින්න 

මම දැන් ඉන්නේ ප්‍රීතියකින් 

නිරාමිස ප්‍රීතියකින් 

හොඳින්  ඉන්නකොට 

අතීතය ආවර්ජනය කරන්නේ ඇයි 

කියල සමහරු අහනවා 

මට නම් වර්තමානය ලස්සන වෙලා තියෙන්නේ 

අර නිරාමිස ප්‍රීතිය නිසා 

ඔයාගෙන් තමා මම ඉගෙන ගත්තේ 

ලස්සනම ලස්සන සින්දු අහන්න 

මෙන්න ඔයා කැමති වෙලා හිටිය 

සින්දුවක්   

Joe Dassin - Et Si Tu N'Existais Pas

"ඔබ  ඇත්තටම  නැත්නම් 

කියන්න මට මම ඉන්න ඕනේ ඇයි 

ඔබ නැතිව අමාරුවෙන් ඇදගෙන යන්න මේ ජිවිතේ  

බලාපොරොත්තුවක් නැතිව 

දුකක් නැතිව 

ඔබේ ජීවමාන  නැත්නම් 

මම ආදරය කියන එක නිර්මාණය කරාවි 

සිත්තරෙක් තමන්ගේ ඇඟිලි තුඩු අතරින් 

දවසේ වර්ණ උපදිනවා දකිනවා වගේ 

එයින්  පුදුම වෙමින් 

ඔබ  ඇත්තටම ජීවමාන නොවීනම් 

කියන්න මට මම ඉන්න ඕනේ ඇයි 

පහු වෙලා ගිය යුවතියන් 

මගේ අතේ එල්ලිලා 

මම කවදාවත් ආදරේ කරන්නේ නැති 

ඔබ නැත්නම් 

මම තවත් තිතක් පමණයි

එන යන , මේ ලෝකෙට 

මම අනාථයි කියා දැනේවි  

මට ඔබ ඕනෑ වේවි   

ඔබ  ඇත්තටම හිටියේ නැත්නම් 

කියන්න මට ඇයි මම (ඉන්නේ)

මම රඟපාන්නම් මා වෙන්න  

නමුත් ඒ ඇත්ත නෙමේනේ 

ඔබ  ඇත්තටම හිටියේ නැත්නම් 

සමහරවිට මම හොයා ගනී 

 ජිවත් වීමේ රහස , ඇයි අපි 

ඔබව මවන්න විතරක්

ඔබ දිහා බලන් ඉන්න  

ඔබ  ඇත්තටම මේ ලෝකේ හිටියේ නැත්නම් 

කියන්න මට මම ඉන්න ඕනේ ඇයි 

ඔබ නැතිව අමාරුවෙන් ඇදගෙන යන්න මේ ජිවිතේ 

බලාපොරොත්තුවක් නැතිව 

දුකක් නැතිව 

ඔබ හිටියේ නැත්නම් 

මම ආදරය නිර්මාණය කරාවි 

සිත්තරෙක් ඇඟිලි තුඩු අතරින් 

දවසේ වර්ණ උපදිනවා දකිනවා වගේ 

එයින්  පුදුම වෙමින් "

ටයරයක කතාවක්

අපේ නිවෙස  ඉදිරිපිට කුඩා  තණකොළ පිට්ටැන්නක්  ඇත. ලන්ඩනය  වැනි ස්ථානයක ඕනෑම විවෘත අවකාශයක් ඉතා වටී. එන්ෆීල්ඩ් හි නගර සභාව  විසින් අප නිවෙස් වල වාසීන්  වෙනුවෙන් තණකොළ කපා, කුණු, රොඩු ආදිය ඉවත් කර පිරිසිදුව පවත්වාගෙන   යනු ලබන මෙම විවෘත අවකාශය වටා කුඩා මාර්ග හතරක් ඇති අතර එනිසාම එය කුඩා චතුරශ්‍රයක්  බවට පත් වේ. අපේ නිවෙස්  මේ කුඩා චතුරශ්‍රය වටා ඇත. එහි දෙපස කුඩා  තණකොළ කඳු දෙකක්ද  තිබේ.  ඊට අමතරව විශාල  චෙරි ගසක් ඇතුළු තවත් ගස් කිහිපයක් ඇත.

කොරෝනා වෛරසය නිසා වූ  අගුලු දැමීමේදී, අවට ඇති බොහොමයක් උද්‍යාන වසා  දමා  හෝ ඒවාට ජනතාව යන්නේ නැත. ඒ නිසා වැඩිපුර  කිහිප දෙනෙක් මෙම චතුරශ්‍රයට පැමිණෙන බව මට නිරීක්ෂණය විය. සමහරු  තමන්ගේම  පින්තූර නැත්නම් සෙල්ෆි ගන්නා  අතර  සමහරු තම දරුවන් සමගද පින්තූර ගනිති. . බොහෝ විට  අනුමාන කළ හැක්කේ මේවා  සමාජ මාධ්‍යවල පළ කිරීමට ගන්නා බවයි.

 සමහරු කැමරාව ඉදිරිපිට නටති. ඒ බොහෝවිට  විට ටික්-ටොක් වල පළ කිරීමට විය හැක. සමහර පවුල් පැමිණ ඔවුන්ගේ කුඩා දරුවන් අප විසින් ගසේ  එල්ලා ඇති ටයර ඔන්චිල්ලාව මත තබා පද්දති. තැන පිටියේ හිඉන්ද හිරු එලිය  භුක්ති විඳින අතර,   ඡායාරූප ගැනීම සහ වීඩියෝ ගත කිරීමද කරති. සමහර යෞවන, යෞවනියන් ටයරයේ එල්ලී හෝ ගසේ නැගී පින්තූර ගනිති.

 දශක එකහමාරකට පමණ පෙර, යමෙක් ටයරය සොරකම් කළේය, නැතහොත් සමහර විට ඔලු උදුම්මාගත් නගර සභා නිලධාරින් එය  ඉවත් කරන්නට  ඇත.

 මට වයස අවුරුදු 8 ක් හෝ 9 ක් වන විට මම ජීවත් වූයේ ශ්‍රී ලංකාවේ ලුනුගල නම් කුඩා ගම්මානයකය. මගේ පාසැල් මිතුරකු සහ මම සමහර විට සුදු වැල්ල පාර නමින් යුත් පාරක් දිගේ ටයරයක් තල්ලු කළෙමු. දිග පැල්ලමක් සහිත එම මාවත   කුඩා දිය පහරකටඋඩින්  ගොස් නැවත කන්දකට නගී . ටයරය පහලට තල්ලු අකර බලා  සිටීම කුඩා අපට ඉමහත් විනෝදය ගෙන දෙන ක්‍රියාවක් විය. 

 මම මේ කතාව මගේ අසල්වැසි බ්‍රයන්ට වරෙක කීවෙමි.

 ඔහු බ්‍රිතාන්‍ය ප්‍රවාහන පොලිසියේ විශ්‍රාමික පොලිස් රථවාහන සැරයන්වරයෙකි. ඔහු දැඩි  ලෙස  බ්‍රිතාන්‍යයේ දක්ෂිණාංශික  ටෝරි (කොන්සවටිව්) පක්ෂයට සහය දැක්වූවෙක් විය. මම අර්ධ  ලෙස කම්කරු පක්ෂයට සහය දැක්වූවෙක් වීමි. අප අතර බොහෝ වාද විවාද ඇතිවුනේ ,  බ්‍රයන් ඔහුගේ   සුරුට්ටුව සහ විස්කි වීදුරුව සමඟත් , මම මගේ වොඩ්කා වීදුරුව සමඟත් අප නිවෙස් පිටුපස කුඩා  ගාඩ්න් වල හවස් යාමයේ දෙපැත්තේ  හිඳ ගෙනය..මේ  උණුසුම් සාකච්ඡාවල ප්‍රතිපලය  කුමක් වුවත්, අපි සෑම විටම හැකි තරම් මිත්‍රශීලීව සිටියෙමු. ඔහු මට හොඳ අසල්වැසියෙක් සහ හොඳ මිතුරෙක් විය. ඒ වෙනුවට මම ඔහුට දිය හැකි ඕනෑම උදව්වක් දුන්නෙමි. මගේ බිරිඳ සැදූ  ජර්මානු කේක් මෙන්ම  ඉඳහිට මවිසින්  සෑදු ආසියාතික  ව්‍යංජනත් ඔහු සමඟ බෙදගතිමු. ඔහු වරක් අපේ බොයිලේරු වේ ප්‍රශ්නයක් ඇතිවී එය සවි කර දුන්නේය. ඒ  පොලිසියෙන් විශ්‍රාම ගත්  පසු බොයිලර් සවි කරන්නෙකු ලෙස නැවත පුහුණු වී තිබු හෙයිනි.

 නැවත ටයරයේ කතාවට යමු.

මගේ කතාව ඇසීමෙන් පසු බ්‍රයන් යෝජනා කළේ අපි තවත් ටයරයක් ගසේ එම  අත්තේම  එල්ලන්නටය. ටයරයක් කොහෙන්දෝ සොයා ගත්  බ්‍රයන් එය අත්තේ එල්ලූ  අතර බොහෝ ළමයින් (මගේ ද ඇතුළුව) සතුටින් එහි ඔන්චිල්ලා පැද්දහ. බ්‍රයන් මීට වසර කිහිපයකට පෙර අභාවප්‍රාප්ත වූ අතර අපට දැන් නව අසල්වැසියන් සිටී. 

තෙවසරකට පෙර කවුරුන්හෝ  නැවතත් ටයරය සොරකම් කළහ. මෙම ටයරය එල්ලා තැබුවේ බ්‍රයන් සහ මා  බව දැනසිටි  රොබට් නම් තවත් අසල්වැසියෙක් ඒ බව මට පවසා ඔහුම සොයාගත්  ටයරයක් නැවතත් ගසේ එල්ලීය.

 

රොබට් ද මීට දෙවසරකට පෙර හදිසියේ මිය ගියේය. 

එහෙත්   වුන්ගේ කාරුණික අභිනය තවමත් එළියේ පිට්ටැන්නේ තිබේ.  වැඩිහිටියන් හා දරුවන් ටයර ඔන්චිල්ලාව අසල ප්‍රීතිමත් වෙති. . සමහර යෞවන,  යෞවනයන්  සමහර විට ටයරය අසල පැද්දෙමින් ඔවුන්ට උරුම  ජන්ජාල කරමින් සතුටු වෙති. පින්තුර ගනිති. පිට්ටනිය මැදින්  ඇති අඩි පාර   දිගේ ඇවිදින අයද මෙතනට ඇතැම් විට පැමිණේ. 

සමහර විට, මේ ජීවිතය  තුල වැදගත් එපමණකි. අනුන්ට ප්‍රීතිමත්  වන්නට ඉවත් කර යන වැදගත්ද නොවන පුංචි  යමක්.

ශ්‍රී ලංකාවෙන් ලැබුණු සනාථ කොට ගත නොහැකි ආරංචියක්

කො***** ප්‍රදේශයේ අත්‍යවශ්‍ය  සේවා සපයන ළඳකට කොරෝනා වෛරසය වැළඳී ඇත. පොලිසිය සහ රාජ්‍ය බුද්ධි අංශ තරුණිය ඇසුරු කළ අය සොයා ගැනීමට ඉමහත් මහන්සියක් දරති. අවාසනාවට මෙන් අදාළ  තරුණිය දන්නේ ඉහත සතිය තුළ  ඇය ඇසුරු කළ සියල්ලන්ගේ හැඩරුව හා මුල් නම පමණකි. බුද්ධි අංශ මහජන සහාය පතයි.

තරුණිය විසින් හෙළි කල තොරතුරු වලට මේ නම් ලැයිස්තුව බ්ලොග්  (සමාජ ජාලා) ගත කර තිබේ.

සැම්සන් අයියා, සුදු කෙට්ටු අයියා , හන්දියේ වසන්ත , පාන් කඩේ මුදලාලි, චතුරි ට හොරෙන් එන හස්බන්ඩ් ,නිකන් එන පොලිසියේ කෙට්ටු රාළහාමි, 

පොලිසියේ මහත  රාළහාමි , 1** බස් එකේ කොන්දොස්තර මල්ලි, උඩ දතක් නැති අයියා, චන්දරේ , රන් මාලේ දාපු වරකාපොළ එක්කෙනා , දකුණු කළවේ පච්චේ තියන මාළු කඩේ එක්කෙනා, අල්ලපු වත්තේ සැර මල්ලි,  ඩප්පි සර්, කුඩු විකුණන මල්ලි,  ට්‍රැෆික් සර්, **** *** මන්ත්‍රී  සර්,  මන්ත්‍රී සර් ගේ ලේකම් 

ඉහත සඳහන් අය සහ ඔවුන් ඇසුරු කරන අය වේනම් වහා ස්වයං  නිරෝධානයනයට ලක් වෙන ලෙසට බුද්ධි අංශ විසින් කාරුණික ඉල්ලීමක් කර තිබේ.     

--මේ ආරංචියේ නිරවද්‍යතාවය තහවුරු කිරීමට මාගේ මූලාශ්‍රය අපොහොසත් බව කරුණාවෙන් සළකන්න 

අවවාදය - රජය , බුද්ධි අංශ, හමුදාව, සෞඛ්‍ය සේවය, බොරුවට කෑ ගහන විපක්ෂය   මොනවා කළත් කෝවිඩ් -19 රෝගය පැතිරීම වැළැක්වීමේ අවශ්‍යම කාර්‍යභාරය පැටවී ඇත්තේ තම තමන් මතය.

පින්තූරය උපුටා ගත්තේ මෙතැනිනි