ෆුජි සන් කන්දට ගමනක්

පළමු ලිපිය :    ජපන් ගමන් - ටෝකියාවේදී  පළමු දවසෙන් දෙවෙනි දවසට 

ෆුජි කඳු මුදුන කරා -

අපේ ටැක්සිය විනාඩි දහයකට කලින් හොටෙල් එකට ආවේ . අපිත් එහෙම්ම ගියා . උදේට ට්‍රැෆික් වැඩියි කියල තේරුනා . අපට යන්න තිබ්බේ ලව් චතුරශ්‍රයට . එහෙම නමක් දැම්මේ මොකටද කියල නම් දන්නේ නැහැ . ලංකාවේ බීච් එක පැත්තේ ඉන්නවා වගේ කුඩ ජෝඩු වත් හිටියේ නැහැ . අපි යනකොටත් ගෘප් වල අනිත් කට්ටිය ඇවිත් . යුරෝපියානු රටවල සහ ඉන්දියාවෙන් තමයි සංචාරකයෝ වැඩියෙන් හිටියේ . ලතින් අමෙරිකානු රටවලින් කිහිප දෙනෙක් හිටිය . ෆ්ලොරන්ස් වලින් ආපු කපල් එක එයාලගේ මධු සමයට ඇවිත් තියෙන්නේ .

ගයිඩ් මහත්මිය දුන්න බස් එකේ ඉඳ ගන්න සීට් මැප් එක . හැම පේලියටම නොම්මරයක් දාල. පේලියට දෙපැත්තේ සිට් දෙක දෙක තියෙන්නේ . ඉතින් අපි එක පැත්තක වාඩි වුනා . මිනිත්තු පහකට දහයකට පස්සේ පරක්කු වෙලා ආව කපල් එකක් . මෑන් කිව්වා ඔයාල ඉඳගෙන ඉන්නේ අපේ පැත්තේ නැගිටලා අනිත් පැත්තට යන්න කියල . එයා සීට් මැප් එක පෙන්නලා කීව දොර තියෙන පැත්තේ එයාගේ නම තියෙන්නේ . අපි ඉතින් නැගිටල අනිත් පැත්තේ ඉඳ ගත්ත . ඊට කලින් සීට් පේලියේත් ඔය සිද්දියම වුනාට ඒ කපල් එක අනිත් පැත්තේ ඉඳගත්ත, ඉඳගෙන හිටි අයට එතනම ඉන්න දීල . ඩෝන්ට් වොරි කියල . ඒ දෙගොල්ල හෙනට කතාව යාලු වෙලා.

ඔන්න බස් එක හරියට වෙලාවට ඇද්දුව . පරක්කු වෙලා ආවනම් සොරි ඩොට් කොම් . පාරේ දෙපැත්තම එක වගේ ටෝකියෝ නගරය පහු වෙනකන් . උස බිල්ඩින් . පොඩි බිල්ඩින් හැම පැත්තේම . සෙනග මිලියන් 13 කට ඉන්නත් එපාය . වැඩිපුරම තට්ටු නිවාස කියලයි පෙනුනේ පයින් වගාවක් පටන් ගත්ත . මේ කැලෑව දෙපැත්තේ ගස් කපන්න තහනම් . ඒ අවට ඉන්න ජනතාව ශ්‍රමදාන කර කර කැලෑව වරින් වර පිරිසිදු කරනවලු . අපි ඉඳගෙන හිටිය පැත්ත කන්ද පැත්ත කියල ටික වෙලාවකින් තේරුනා . ඉතින් ෆොටෝ ගහන්න ගත්ත . ටුවර් ගයිඩ් කියනවා -"ඔන්න හැංගි හැංගි එබී බලන ෆුජි කන්ද පේන්න ගන්නවා . ෆොටෝ ගහන්න කැළෑව සුද්ධ කරපු තැන් තියෙනවා කියල" . ඔන්න අපේ පැත්තේ හැමෝම ගජ රාමෙට ෆොටෝ ගහනවා . මම අර අපට නැගිටින්න කියපු උන්ද දිහා බැලුව . පොරගේ මූණ මිරිකපු දෙහි ලෙල්ලක් වගේ . පොර ගාව වටිනා කැමරාවකුත් තියනවා . බෙල්ල උඩට දික් කරගෙන මෑන් ෆොටෝ එකක් ගහන්න දඟලනවා . කර්මය ළමයා . කර්මය .

(මෙතැන එයා හරි . අපි වරදී පැත්තේ ඉඳ ගත්තේ . මගේ ඔල්ටෙර්නෙටිව් තින්කින් පැටර්න් එක නිසා මට හිතුනේ , යකෝ බුවා උදේ පාන්දර දෙයියන්ට කියල එන්න ඇත්තේ හරි පැත්තේ ඉඳගන්න දෙන්න කියල . කැමරාචාත් අරගෙන බෙල්ලේ එල්ලගෙන . ඇවිල්ල දෙයියෝ මට වරද්දල පොරට හරි පැත්ත දීලත් මෑන් ඒක මිස් කර ගත්ත . )

අපේ ටුවර් ගයිඩ් එයාව හඳුන්වල දීල රියදුරු මහත්මයාගේ නමත් කිව . කියල අත්පුඩියක් ගහන්න කීව එයා අපිව අරන් යනවට . අපි බොහොම සතුටින් අත්පුඩි ගැහුවා . ඕනේ නම් කියන්න පුළුවන් මොකටද අත්පුඩි ගහන්නේ එයාගේ ජොබ් එකනේ කියල . නමුත් ජිවිත පනහක විතර වගකීම ඒ මනුස්සයාගේ අතේනේ තියෙන්නේ . එයා නැගිටලා ස්තුති කළා . ඒ විතරක් නෙමේ නතර වෙන හම තැනදීම හැමෝටම වෙන වෙනම ස්තුති කළා . බස් එකට නගින කොට වෙන වෙනම ආචාර කළා .

ජපන්නු මේ ජීවමාන ගිනි කන්දට කියන්නේ ෆුජි - සං කියල . නොරිකෝ සං හෙම මතක ඇතිනේ . පිරිමි ගැහැණු දෙගොල්ලටම සං කියනවා කියල . සාමා හෝ සමා කියන්නේ ටිකක් වැදගත් නම් ලු . පිරිමි ළමයි ගේ නම අගට කුන් කියල දානව . ගැහැණු ළමයින්ට චන් කියනවා . ජපන්නුන්ට ෆුජි ගිනි කන්ද පණ තියෙන වැදගත් මහත්මයෙක් වගේ .

ඒ නිසාම මේ ගිනි කන්දට නොයෙකුත් කවි , ගී , හයිකු , පොත් ලියැවී තිබෙනවා. ඒ වගේම අප්‍රමාණ සංඛ්‍යාවක් සිත්තරුන් නොයෙක් අන්දමින් එය සිතුවමට නගා තිබෙනවා . හොකුසයි කත්සුෂිකා කියන්නේ එහෙම කෙනෙක් . ඔහු ලී වලින් හදන නිර්මාණ යුකියෝ විධි ක්‍රමය කියල කියෙන්නේ . ඒවා යේ රූප ඇතුලත් පොතක් ඔහු පල කර තිබෙනවා - ෆුජි කන්දේ හැඩයන් සියයක් කියල . "One Hundred Views of Mount Fuji."

ඇත්තටම එතැනට ගියාට පස්සේ තේරෙනවා ඇයි ෆුජි මහත්තයා මෙපමණ නිර්මාණ වලට හේතුව වෙලා තියෙන්නේ කියල . ජපානය කියන්නේ කඳු වලින් පිරිච්ච රටක්. ෆුජි තමයි ඒ කඳු රාජධානියේ අධිරාජයා . ෆුජි කියන්නේ ජපානයේ ජාතික සලකුණ . ඒක මිටර් 3776 ක් උසයි . අපි ගිය පස්වැනි ස්ටේෂන් එක මීටර් 2500 (අඩි 7000 විතර ) විතර උඩින් තියෙන්නේ . අවුරුද්දකට ලක්ෂ දෙකක් විතර කන්ද මුදුනට එනකන් යනවලු . මේක එක්තරා ආකාරයක වන්දනා ගමනක් වගේ . ශින්ටෝ ආගමේ එක කන්සෙප්ට් එකක් තමා ස්වභාව ධරමයා සමග ඒකාත්මික වීම . හුඟක් අය අර අපේ සමනළ කන්ද නගිනවා වගේ දෙතුන් පාර යන අයලු. හැබැයි ජපනුන් ගේම ප්‍රස්ථාව පිරුලක් තියෙනවා "නුවණැත්තා ෆුජි කන්ද එකවරක් පමණක් තරණය කරයි . මෝඩයා දෙවන වරටත් යයි " කියල . මම ඉංග්‍රීසි බ්ලොග් එකට පොඩි කවියක් ලීවා . මේ ඒකෙ පරිවර්තනය :

ලොකු තට්ට හිසක්

සුදු හිම වලින් පිරුණු

ඉදුණු හිසකේ මග හරින්නට

නුවණැති මහළු යෝධයෙක්

ජපනගේ ආඩම්බරය

This is my poem: 

A giant bold head 

White snow spread 

to replace the white hair 

An old wise  giant 

Pride of Japan

23/05/2025 Ajith Dharmakeerthi

සියළුම පින්තූර මවිසින් ගත් ඒවාය. 

Station 5: