පහුගිය කාලේ මම ලියපු පොතක් එලි දක්වන එකකට එංගලන්තයේ වැඩ කරන විශේෂන්ඥ වෛද්යවරයෙකු වන අතුල රත්නායක ට කතා කලා. අපි දෙන්න කතා කරන අතරේ එයා කිව්වා මොකක් හරි රූපවාහිනි සමාගමක රැකියාවක් තිබෙනවා කියල. මම එතකොට කීව මට අවශ්යතාවයක් නැහැ. මම පරිගණක මෘදුකාංග පැත්තට සම්බන්ධ රැකියාවක් කරනවා කියල. ෆේස්බුක් එකේ ප්රොෆයිල් එකෙත් රැකියාව කරන තැන දාලනේ තියෙන්නේ. එතකොට එයා කීව "සොරි මචන් මම හිතන් හිටියේ බ්ලොග් එහෙම ලියන නිසා එහෙම රැකියාවක් (මාධ්ය අංශයක) කරනවා ඇති කියල".
කොළඹ ගමයා බ්ලොග් අඩවිය මගේ දේශපාලන හෝ අදේශපාලනික අදහස්, නවකතා හා කෙටිකථා, වෙනත් දර්ශනවාදය හෝ මාක්ස්වාදය, අභ්යවකාශ තරණය හා එම විද්යාවන් සම්බන්ධ ලිපි කිරීමට උපයෝගී කර ගන්නා ප්රධානතම මාධ්යයයි . මෙහි පළ කරන ලිපි හා වෙනත් කිසිම වෙබ් අඩවියක් සමග සම්බන්ධතාවයක් නැත. අවසරයකින් තොරව පළ කිරීම සපුරා තහනම්ය. (c) Copyrighted Material - Ajith Dharmakeerthi UK
Thursday 10 August 2023
මාධ්යවේදියා හා උඩුවා
පහුගිය කාලේ මම ලියපු පොතක් එලි දක්වන එකකට එංගලන්තයේ වැඩ කරන විශේෂන්ඥ වෛද්යවරයෙකු වන අතුල රත්නායක ට කතා කලා. අපි දෙන්න කතා කරන අතරේ එයා කිව්වා මොකක් හරි රූපවාහිනි සමාගමක රැකියාවක් තිබෙනවා කියල. මම එතකොට කීව මට අවශ්යතාවයක් නැහැ. මම පරිගණක මෘදුකාංග පැත්තට සම්බන්ධ රැකියාවක් කරනවා කියල. ෆේස්බුක් එකේ ප්රොෆයිල් එකෙත් රැකියාව කරන තැන දාලනේ තියෙන්නේ. එතකොට එයා කීව "සොරි මචන් මම හිතන් හිටියේ බ්ලොග් එහෙම ලියන නිසා එහෙම රැකියාවක් (මාධ්ය අංශයක) කරනවා ඇති කියල".
Saturday 5 August 2023
ඩැනියෙල් ෂ්ටයින් ගේ පරිවර්තනය -2
පළමු කොටස ; ඩැනියෙල් ෂ්ටයින් ගේ පරිවර්තනය -1- (ලුද්මිලා උලිට්ස්කයා ගේ පොතකි)
2.
දුරුතු මස, 1986 , බොස්ටන් හිදී
එස්තර් ගන්මාන්
මගේ වයසත් සමග අලුතින් කිසිවෙකු මගේ ජිවිතයට එක්වීමට කිසි ඉඩක් ඇතැයි නොසිතුවෙමි. පළමුවෙන්ම කිව යුත්තේ මගේ හදවතේ ඉඩක් වෙන්කර තිබූ සියල්ලන්ම මියගොස්ය. දෙවැන්නට කිව යුත්තේ කොතරම් වැදගත් පුදහලයන් ඇමෙරිකාවේ සිටියත් ඔවුන්ගේ ජිවන අත්දැකීම් ඉතා සීමා සහිත වීමයි. ඒ නිසාම ඔවුන් හැඟීම් විරහිත කාඩ්බෝඩ් බඳු මිනිසුන් ලෙස මට දැනුනි. ඒ හැර මට දැනුනේ වයසට යාමත් සමග අප වටා කවචයක් සෑදෙන බවත්, අප බොහෝ විට හැඟීම් වලට ඉඩ දීම අඩුවන බවත්ය. ඉසාක් ගේ මරණය මට පැහැදිලි කළේ මා කෙතරම් ඔහු මත යැපුනේද යන්නය. මම තනිකමින් පීඩා වින්දේ නැති නමුත් එය මා වටා මීදුමක් මෙන් පැටලී තිබුණි. මේ ශෝකදායි මොහොතවල් අතරේ ඒවා හදිසියේම ප්රාදුර්භූත වූවාය. අගේ පැමිණීමේ කිසියම් දෛවෝපගත යමක් තිබෙන බව මට දැනුනි. මේ තරුණ ගැහැණිය, මගේ දියණිය විය හැකිව තිබුණි. ඉසාක් සමග ඒ ගැන කතා කරන්නට තිබුනා නම් හොඳය. අපි දෙදෙනාගේ සම්පූර්ණ එකඟතාවය තුලදී වුවත් ඉසාක්ට යමක් ග්රහණය කර ගන්නට, වැදගත් අදහසක් පවසන්නට හැකිවිය. ඔහු මේ කෙල්ල ගැන කුමක් කියන්නට තිබුනේද? අපි දෙදෙනාගේ හමුවිමම අසාමාන්ය එකකි. ඊටත් වඩා පුදුමය නම් අප චෝර්නය පුෂා ගැන කතා කිරීමය. ඇගේ මව, ඒ කොවෂ් නම් කාන්තාව සැබවින්ම රාක්ෂනියකි. ඉසාක් සිතුවේ ඇය සෝවියට් ඔත්තුකාරියක බවයි. ඉසාක් හැමවිටම කීවේ යුදෙව්වන් යනු එල්ලයක් කරා යන බලාපොරොත්තු සහගත ජනතාවක් බවයි. ඔහු, යුදෙව් අන්තවාදී නිකායන් විශේෂයෙන්, පැච් දැමූ මේස් සමග දිග විකාර සහගත කෆ්තාන ඇඳුම් අඳින, සිල්ක් හිස්වැසුම් පළදින හසිඩ් වරුන්ද , යුදෙව් කොමිසාර් වරුන්ද , කොමියුනිස්ට් වාදීන් ද , චෙකා රහස් පොලිසියද ඔහු එකම මානසික මට්ටමක උන් ලෙසට සැලකුවේය.
අප දෙවන වර හමුවූ අවස්ථාවේ ඒවා ඇගේ මව ගැනද එවැනිම දෙයක් වෙනත් ආකාරයකට පැවසුවාය. මහත් පුදුමය නම් කිසිදු හරවත් අධ්යාපනයක් නැතිව, නුවණැති බවක් නොමැතිව ඇය ඒ බව නිරීක්ෂණය කිරීමයි.
ඇය බලවත් අධිෂ්ඨානයකින් යුත් ස්වභාවයෙන්ම අවංක එකියක වූ ඇය සැමවිමට සත්යය සෙවීමටත් තමන්ට තමන් සත්ය වීමටත් උත්සුක වූවාය. වරක ඇය අලුයම දෙක වනතුරු මා සමග සිටිද්දී ඇගේ සැමියා ඇය කිසියම් අනියම් සම්බන්ධතාවක් ඇති කරගෙන යයි සැක කළේය. ඇගේ තෙවන විවාහයයේ සැමියා රුසියානු සංක්රමණිකයකු වූ අතර ඇයට වඩා දස වසරකින් බාල විය. ඔහු ප්රසිද්ධ ගණිතන්ඥයකු බව ඇය පැවසුවාය.
අපේ සාකච්ඡා වලදී එවැනි මාතෘකා ඉතා වැදගත් සහ කතාවට වඩාත් අනුකූල බවට ඉසාක් සැලකුවේය. ඔහු බොහෝ අවස්ථාවල විසුළු සහගත ලෙස ඔහු තරම් දෙවියන් ගැන සිතන්නෙක් ටැල්මුඩිස්ට් (යුදෙව් දහමේ න්යායධාරීන් විශේෂයක්) ල අතරවත් නැති පැවසීය. මගේ ඉෂාක් අදේවවාදී භෞතිකවාදියෙක් විය.
ඇගේ වයසින් ඇය අපේ දියණියක් විය හැකිව තිබුණි. අප ඒ කැළයේ වාසය කලද ඇය උපත ලද්දේ අපට දාව නොව වෙනත් දෙමාපිය යුවලකටය. විසිවන ශත වර්ෂයේදී යුදෙව්වන්ට දරුවන් රහිත වීම අතීතයේදී දරුවන් බොහොමයක් සිටීම තරම්ම දෙවියන්ගේ ආශීර්වාදයක් යයි ඉසාක් නිතර කීවේය. ඔහුට කිසිදාක දරුවන් අවශ්ය වූයේ නැත. අපට දරුවන් නොලැබුණේ ඒ නිසා වත්ද? මගේ තරුණ වියේදී දරුපල නැතිවීම ගැන මා නිතර කඳුළු සැලුවද ඔහු මා අස් වැසුවේ අප ප්රභූ විශේෂයක් බව පවසමිනි. ස්වභාව ධර්මය දරුවන් හැදීමේ වහල්භාවයෙන් අප මුදවන ලද්දේ යයි ඔහු පැවසුවේය. ඔහු කිසියම්ම හෝ හේතුවකින් අපට අනාගතයේ වන දේ පුරෝකථනය කළේය.
අප ගෙටෝවෙන් චෝර්නොයි පුෂ් වලට පැමිණි වේලේ " එස්තර්, ඔයාට හිතෙනවද අපට මේ වෙලේ ළමයි තුන් දෙනෙක් හිටිය නම් කියල. " යයි විමසුවේය. මා අවංකවම පිළිතුරු දුන්නේ නැත කියාය. නියුරම්බර්ග් නඩු විභාගය අවසන් වූ වහාම අපි යුරෝපයෙන් පිට වුනෙමු. ඉසාක් විශේෂ වෛද්ය සාක්ෂිකරුවෙක් ලෙසත්. ගෙටෝවේ සිර කරුවෙකු ලෙසත් දේශප්රේමී සටන්කාමියෙකු එහි පෙනී සිටියේය. නඩුවට අවශ්ය ක්රියාදාමයන්හි පෙනී සිටීමෙන් පසු අපට පලස්තීනයට යාමට අවසර ලැබුණි.ඒ ඊශ්රායලයේ උත්පත්තියට වසරකට පෙරය.
ඒවා ප්රශ්න බොහොමයක්ම අසන නිසා මා කලේ ඒ දිනවල ඉසාක් ලියූ සටහන් නැවත පෙරලා බැලීමය. සැබෑව නම් ඔහු පටන්ගත්තේ පොතක් ලිවීමට මුත් , සමහර තැනකින් හිටි අඩියේ පටන් ගැන ලිවූ සටහන් නිසා ඔහු ඒවා එකතු කිරීම කල් දමමින් සිටියේය. ශක්තිමත් බලවත් මිනිසෙකු වූ ඔහු තම නින්දේදී මා හැර ගියේ වයස හැත්තෑ නමයේදී නියම වයස්ගත භාවයට එළඹීමට පෙරය. ග්රන්ථය නිමා වූයේ නැත.
ඒවා තමන්ගේ පියා බෞහ් ගැන මගෙන් ප්රශ්න කලාය. "සමහරවිට මගේ පියා ගැන ඔබේ සැමියා මොනවහරි ලියලා ඇති? මට සහෝදර සහෝදරියෝ ඉන්නවා නම්. එස්තර් ඔබ දන්නවනේ මම අනාථ නිවාසෙක ළමයෙක් කියල. මගේ මුළු ජීවිතය පුරාම මම පවුලක් ගැන හිතුවේ."
ඉසාක් ගේ හැම ලිපියක්ම අවුරුද්ද හා දින සඳහන් කර ඉතා මැනවින් අකාරාදිගත කොට තිබුණි. මට ඒවා ඇල්ලීමට ද බියක් විය. ඒවා, උදව්වක් වශයෙන් ලිපි වාර්තාගත කිරීමට හා පරීක්ෂා ග්වර්දියා කිරීමට කැමති වුවාය. දෙවන ලෝක යුද්ධයෙන් පසු පෝලන්ත භාෂාවෙන් ලියූ ලිපි පනස් ගණන්වලදී ඉංග්රීසියට මාරු වී තිබුණි. මා එය ප්රතික්ෂේප කලේ වෙනකෙකුගේ අතට ලිපි පත් කිරීමට අකැමැති වූ බැවිනි. කෙසේ වුවද එකදාස් නවසිය හතලිස් ගණන්වල සිදුවූ සියලුම සිද්ධීන් වාර්තා ගත කර තිබුනේ වසර ගණනක්ම පසුවීය. ඊශ්රායලයේදීද නොව ඔහු 1956 දී ඇමෙරිකා එක්සත් ජනපදයට රැකියාවට ආරාධනා කළාටත් පසුවය.
කථා කරගෙන යද්දී තවත් එක කරුණක් ඒවා හෙළි කලාය. ඇය තෙමස් වියැති බිලිඳියකව සිටියදී සහෝදරයා සමග අනාථ නිවසකට භාර දී තිබුණි. ඔවුන්ගේ මව ග්වර්දියා ලුදෝවා *(ලුදොවා කණ්ඩායම) සමග ජර්මනුන්ට එරෙහිව සටන් කලාය. ඉන්පසු ස්ටාලින්ගේ ගුලාගයක (බර වැඩ සහිත කම්කරු සිර කඳවුරු ) සිරගතව සිටි ඇය 1954 දී නිදහස් කරන විට ඒවාට වසර එකොළහක් දොළහක් වන්නට ඇත . ඇගේ සොහොයුරා ,විතෙක් මව එනතුරු ජිවත්ව සිටියේ නැත. ඒ වනවිට ඒවා රෝමානු කතෝලික දැරිවියක්ව සිටියාය.
ඇය ඉතා පියකරුය.එළිපිටට පෙනෙන්නේ ඇය ශෙපදික්** කුලයේ දිග කළු කොණ්ඩයක් හා සරල මුහුණක් ඇත්තියක ලෙසය. පෙරදිගට අයත් ඇගේ දෙනෙත් වෙහෙසකර නොවූ ඉසාක් ගේ මෙන් අග්නිමය දීප්තිමත් ඒවා විය.
* ග්වර්දියා ලුදෝවා කණ්ඩායම යනු රහසිගත කොමියුනිස්ට් සන්නද්ධ කණ්ඩායමකි.කොමියුනිස්ට්වාදී පෝලන්ත කම්කරු පක්ෂයට අනුබද්ධ ජර්මනුන්ට යටත් පෝලන්තයේ සටන් කල එයට මුදල් ලැබුනේ සෝවියට් සංගමයෙනි. 1942 දී පිහිටුවන ලද එ ඒ දිනවල තිබු ජර්මනුන්ට විරුද්ධව සටන් කල විශාලතම දේශප්රේමී ගරිල්ලා කණ්ඩායම විය. පරිවර්තක
**ශෙපදික් කුලයේ යුදෙව්වන් ලයිබිරියානු ප්රදේශයෙන් (වර්තමාන ස්පාඤඤයෙන්) පැමිනියවුන්ය. -පරිවර්තක
- Ajith Dharmakeerthi 05/08/2023
(ලුද්මිලා උලිට්ස්කයා ගේ පොතකි)
Wednesday 12 July 2023
කටු ඔටුන්නට සටන් වැද - අංක දෙක - ප්රිගොෂින්
Wednesday 5 July 2023
ග්රීක සංචාරය හත්වැනි ලිපිය - ඇතැන්ස් හි යුරේකා ප්රදර්ශනය
Saturday 1 July 2023
හිටි හැටියේ ගිනි ගැනීම
Wednesday 28 June 2023
කන්ද මුදුනේ පල්ලි, පන්සල්, කෝවිල්
කඳු මුදුන්වල තැනූ ආගමික සිද්ධස්ථාන
5. Jvari Monastery, Mtskheta, Republic of Georgia - ජෝර්ජියාව ජ්වරි ආශ්රමය - යුනේස්කෝවෙන් නම් කරලා තිබෙන තැනක් . පරණ පේගන් පන්සලක් උඩ ශාන්ත නීනෝ කියන දේවගැති වරිය හදල තියෙන්නේ.
6. The Al Qibla Mountain Mosque In Rize, Turkey - අල් ක්යුබ්ලා මුස්ලිම් පල්ලිය, තුර්කිය
7. Great Pagoda of Doi Inthanon දොයි ඉන්තනොන් විහාරය - තායිලන්තය - එම රටේ උසම කන්දේ හදල තියෙන්නේ
9. Hanging Temple - එල්ලෙන පන්සල හෙන්ෂයි කන්ද - චීනය - ක්රිව 491 සාදා තිබේ
Saturday 24 June 2023
සුදු සමනළයා - ෆ්රැන්සිස් ඩගන් ගේ කවියක පරිවර්තනයක්
Just a few days to mate lay her eggs and then die
A minute to her an hour to you and I
She flits through the parkland in the sunlit sky
With brown spots on her fragile wings a white butterfly
Unlike a bird she does not have a song to sing
Yet the wonders of Nature are an amazing thing
A beautiful flying insect in the warm lamp of day
In a few days at the most with Nature she will lay
In only a day she will have reached her life's prime
And a few days to live does not seem much in time
On silent wings she dances in the park in the warm Summer air
To look at so gentle and fragile and fair
In the parkland green and lush after the recent showers
She dances around the blossoming trees and the flowers.
Monday 19 June 2023
කටු ඔටුන්නට සටන් වැද - අංක එක
වෙස්ටෙරෝස් සහ වින්ටර්ෆෙල් අතරේ හැම වෙලාම යුද්ධනේ. හැබැයි යුද්ධ නැති කාලෙකුත් තිබුන. ඊට පස්සේ ආයෙත් පටන් ගත්ත. සමහරු වින්ටර්ෆෙල් වල අලුතින් පත් වෙච්ච ඒකාධිපතිය වැරදි කියනවා. සමහරු වෙස්ටරෝස් වල විකටරුපී ජනාධිපති ගේ වැරැද්ද කියනවා. ඒ කොහොම වුනත් යුද්ධේ පටන් අරන් ඉවරයි.