අතීරණයෙන් සුභ අලුත් වසරක්

රජානෝ දිනු යුද්ධයක් ඇත  අනේ ජනයා  ලැබු  දෙයක් නැත
සිටාණෝලා බොහෝ නම් ඇත ජනී ජනයට වැලේ වැල්  නැත

මහා ජාතිය රවටලා ඇත සුළුවූ ජාතින් තලා  දා  ඇත
ජාතියේ මහ දේවතාවුන්  බෙන්ස් රථවල රහත් වී ඇත

ඇමතිලා මන්ත්‍රී තුමාලා පළාතේ හුන් සභාපතිලා
ගසා  කති බලන හැම තැන හදන ගම් පාරෙන් පවා

පාරවල් අධිවේගයන් වී හරිම ඉක්මන් ගමන් නම් ඇත
පිටරටින්  යන අපට නම් මේ, ගමන් ටික දැන් ජොලියෙ  කල හැක

මෛත්තිරියා  කඩා ගෙන ගොස් වාසලක් දෙදරුම් කවා  ඇත
චන්දි රාජිත දෙපොල හින්දා චන්ද ටික වල් වැදී  ගොස් ඇත

ප්‍රේමයා  කකුලෙන් අදින සඳ රනිල් මංගල වැටී යාදෝ
ජෝන්ස ලන්සා  මර්වින් හින්දා  රජා අතරමන් විලා යාදෝ

මන්දබුද්ධිකද ජනයා..... ඒකදෝ සල්මනා ගෙන්නුවෙ
ජැකාලින්ගේ කකුලෙ  සුදු දැක අනේ උන් චන්දය දේවිදෝ

එහෙම ජනයින් ඉන්න රටකට එහෙම නයුවන් ලැබී ඇත් දෝ
හත් පොලේ ගාගත් වම්මු හට ඇපත් චන්දත් නැතිවී යාදෝ

මේ මොකවුනත් හැම තැන බ්ලොග ලෝකයේ හැම එකා  වාගේ
නෙලුම් යායේ සහෘද සමුහය බැබලි බැබලී ඉන්නවානේ

කිරින් පැණියෙන් තව ලියන්නට පතමි තොප හැමට වාගේ
හොඳම  සුභ නව වසරක්ම  වේවා කියවනා හැම දෙනට අපගේ

- අජිත් ධර්මකීර්ති
නෙළුම් යායේ අප හැමෝටම සුභ නව වසරක් වේවා
с новым годом