Thursday 30 April 2020

සමුදුන් අතීතයක මිහිරක්

************
*********************
අමාරුවෙන්  සමු දුන්න අතීතයක් . එහෙම දෙයක් අපි හැමෝටම තියනවනේ. 
ඒ සමු දුන්න මතක වල මිහිර වත්, වේදනාවන්  වත් කාටවත් උදුරා ගන්න බැහැ. 
මොකද, ඒවා සදාතනිකව හිතේ කොනක තැන්පත් වෙලා අගුලු දාල වහල තියෙන නිසා. 
එලියට එන්නේ ඉඳල  හිටලා හිත ගැස්සුනහම ඒ අගුල එහා මෙහාවෙන නිසා.

ඕනෑතරම් අය දින වකවානු කියාවී 
ඒ මිහිර තමන් වින්ද කියාවි  
ඒ හින්ද මටත් කවියක් ලියැවෙනවා කියාවි
එහෙම වෙන්නත් ඇති 
ඔයා  වගේම තවත් සොඳුරු අය ඕන තරම් ඉන්න ඇති 
සුදු හිම තලා වල ඇවිද ගිය  

ඒ උනාට ලෝකේ මිනිස්සු එක වගේ නැහැ 
දෙන්නෙකුගේ ගැලපීමත් 
ඒ  මොහොත විඳීමත් 
සුවිශේෂ ඒ දෙන්නට විතරයි  

ඒ කවුරු මොනව කීවත් මිහිරාවි 
 ඒ හැඟීම දැනගෙන හිටියේ  අපි දෙන්න විතරනේ  
ඒ ජිවිතය දැනගෙන හිටියෙත්  අපි දෙන්න විතරයි
ඒ රහස් තිබුනේ අපි දෙන්න අතර විතරමයි 

ඒවා කාටවත් උදුරා ගන්න බැහැ 
ඒ ගොල්ල ඒවා උදුරාගෙන 
ලියල මලවල  මොනව කළත් 
ඔයා  ඉන්නේ මගේ හිතේනේ 
මේ සින්දුව ඔයාට මතකද 

 මට ආයි ඒක අහන්න හිතුන 
මම සමු දීල ඉන්න අතීත මතකය විඳින්න 
මම දැන් ඉන්නේ ප්‍රීතියකින් 
නිරාමිස ප්‍රීතියකින් 

හොඳින්  ඉන්නකොට 
අතීතය ආවර්ජනය කරන්නේ ඇයි 
කියල සමහරු අහනවා 
මට නම් වර්තමානය ලස්සන වෙලා තියෙන්නේ 
අර නිරාමිස ප්‍රීතිය නිසා 

ඔයාගෙන් තමා මම ඉගෙන ගත්තේ 
ලස්සනම ලස්සන සින්දු අහන්න 
මෙන්න ඔයා කැමති වෙලා හිටිය 
සින්දුවක්   


Joe Dassin - Et Si Tu N'Existais Pas

"ඔබ  ඇත්තටම  නැත්නම් 
කියන්න මට මම ඉන්න ඕනේ ඇයි 
ඔබ නැතිව අමාරුවෙන් ඇදගෙන යන්න මේ ජිවිතේ  
බලාපොරොත්තුවක් නැතිව 
දුකක් නැතිව 
ඔබේ ජීවමාන  නැත්නම් 
මම ආදරය කියන එක නිර්මාණය කරාවි 
සිත්තරෙක් තමන්ගේ ඇඟිලි තුඩු අතරින් 
දවසේ වර්ණ උපදිනවා දකිනවා වගේ 
එයින්  පුදුම වෙමින් 

ඔබ  ඇත්තටම ජීවමාන නොවීනම් 
කියන්න මට මම ඉන්න ඕනේ ඇයි 
පහු වෙලා ගිය යුවතියන් 
මගේ අතේ එල්ලිලා 
මම කවදාවත් ආදරේ කරන්නේ නැති 
ඔබ නැත්නම් 
මම තවත් තිතක් පමණයි
එන යන , මේ ලෝකෙට 
මම අනාථයි කියා දැනේවි  
මට ඔබ ඕනෑ වේවි   

ඔබ  ඇත්තටම හිටියේ නැත්නම් 
කියන්න මට ඇයි මම (ඉන්නේ)
මම රඟපාන්නම් මා වෙන්න  
නමුත් ඒ ඇත්ත නෙමේනේ 
ඔබ  ඇත්තටම හිටියේ නැත්නම් 
සමහරවිට මම හොයා ගනී 
 ජිවත් වීමේ රහස , ඇයි අපි 
ඔබව මවන්න විතරක්
ඔබ දිහා බලන් ඉන්න  

ඔබ  ඇත්තටම මේ ලෝකේ හිටියේ නැත්නම් 
කියන්න මට මම ඉන්න ඕනේ ඇයි 
ඔබ නැතිව අමාරුවෙන් ඇදගෙන යන්න මේ ජිවිතේ 
බලාපොරොත්තුවක් නැතිව 
දුකක් නැතිව 
ඔබ හිටියේ නැත්නම් 
මම ආදරය නිර්මාණය කරාවි 
සිත්තරෙක් ඇඟිලි තුඩු අතරින් 
දවසේ වර්ණ උපදිනවා දකිනවා වගේ 
එයින්  පුදුම වෙමින් "

3 comments:

  1. ඩඩ් ඩඩ් ඩඩ් ඩඩ්ඩ ඩඩා!

    ReplyDelete
  2. ලස්සන සින්දුව... ෙවන ෙමානවත්ම ෙනාකියා ඉන්න ඒක ෙහාදයි‍‍‍...

    ReplyDelete
    Replies
    1. මුකුත් කියන්න එපා එහෙනම්

      Delete

සියලු හිමිකම් අජිත් ධර්මකීර්ති (Ajith Dharmakeerthi) සතුය. කොළඹ ගමයා බ්ලොග් අඩවියේ යොමුව සඳහන් කර හෝ අජිත් ධර්මකීර්ති යන නමින් පමණක් මෙහි ලිපි උපුටා පළ කරන්නට අවසර තිබේ.
මෙහි පලවන ලිපි සහ දේශපාලන අදහස් මගේ පෞද්ගලික අදහස් පමණි.
ඔබේ ඕනෑම ප්‍රතිචාරයක් මෙහි පල කරනු ලැබේ. නමුත් වෙනත් කෙනෙකුට සාධාරණ හේතුවක් නැතුව පහර ගසන අශිලාචාර අන්දමේ ප්‍රතිචාර පමණක් පල නොකෙරේ. බ්ලොගයට ගොඩ වදින ඔබ සියලු දෙනාට ස්තූතියි .