අපේ අසල්වැසියා බ්‍රයන් 9 - සුනාමිය

අපේ අසල්වැසියා බ්‍රයන් 9 - සුනාමිය 

*********************************************

අපේ අසල්වැසියා බ්‍රයන් 8- ෆ්‍රී මේසන් විත්ති 

අපේ අසල්වැසියා බ්‍රයන් - 7 - ෆ්‍රී මේසන් බ්‍රයන් 

අපේ අසල්වැසියා බ්‍රයන් - 6 - බොයිලර් ඉංජිනේරුවා 

අපේ අසල්වැසියා බ්‍රයන් - 5 - සිංගල් මෝල්ට් විස්කි 

අපේ අසල්වැසියා බ්‍රයන් - 4 - ලී වැට 

අපේ අසල්වැසියා බ්‍රයන් - 3 - අළුත් නිවසට 

අපේ අසල්වැසියා බ්‍රයන් - 2 - අළුත් රස්සාව 

අපේ අසල්වැසියා බ්‍රයන් - 1 - පුංචි කම්පැනිය

ඉනෙස් ගේ දෙමාපියන් වෙසෙන්නේ ජර්මනියේ බවේරියා  ප්‍රාන්තයේ කෝබග්  නගරයේය ,  ජර්මනියේ කඳු මුදුනේ හෝටලය යනුවෙන් බ්ලොග් ලිපියක් කාලයකට ඉහත ලීවෙමි .  අපි ගිම්හාන නිවාඩුවටත් ක්‍රිස්මස් නිවාඩුවටත් ජර්මනියට යාම පුරුදක් කර ගත්තේ අපි දෙදෙනාටත් දරුවන් දෙදෙනා,  මිත්තණිය ඇනෙට් ට හා සීයා  ගුන්තර් ට භාරදී ටිකක් නිදහසක් ගැනීමටය .  ඔවුන් දෙදෙනා ඒ දිනවල පනස් ගණන් වල අග භාගයේ  'තරුණ වියේ '  උන්හ .  

2004 දෙසැම්බර් වල ආහාර  ගෙන අලසව සිටිද්දී එක දිගට ජර්මනියේ නොයෙකුත් නෑදෑයන් ගෙන් දුරකථන ඇමැතුම්  ගලා එන්නට විය ,  සාමාන්‍යයෙන් මේ අහවලා , මේ අහවලා යනුවෙන් ඇනෙට්  පහදා දෙන මුත් මේ අවස්ථාවේ මුහුණ බැරෑරුම් කරගෙන රූපවාහිනියේ  චැනල වෙනස් කරන්නට කීවාය . ලංකාවට මුහුද ගොඩ ගැලූ  විත්තිය ප්‍රධාන සිරස්තල වලය .  ලංකාවට ආධාර කිරීම ජර්මන් ඥාතීන් ගෙන්ද ලැබුණු මුදල් ඇතුව ජනවාරියේ ලංකාවට ආ පසු යහළු යෙහෙළියන්  කිහිප දෙනෙකු ඇමතීමි .  

මුලින් එකතු වූ යහළුවන් අතර සාගර ,  ශාන්ත ,  ශ්‍රීනාත් ,  නීල් , ආශා ,  සුමුදු , සුසුජි, ප්‍රශාන් , නීත් , මංගල  ආදීන්  විය .  අපි කන්ටේනර් දෙකක් පමණ ඇඳුම් හා අවශ්‍ය භාණ්ඩ යැව්වෙමු . ඉන්පසු ෂෙයාර් ඇන්ඩ්  කෙයාර් යනුවෙන් චැරිටි  සංවිධානයක් පිහිටුවාගෙන ළමුන් සඳහා ආධාර කරන්නට පටන් ගතිමු .  මා හඳුනන දම්මදේශ අම්බලම්පිටිය නමැති ගුරුතුමෙකු ළමා සංවිධානයක් බොහෝ  කලෙක සිට  පිහිටුවාගෙන තිබුණි ,  ඒ හරහා මාතර හා හම්බන්තොට පාසැල්  සිසුන්ට , පොත පත ,  සපත්තු සහ පාසැල්  උපකරණ බෙදා දුන්නෙමු .  ඒ සඳහා සහභාගී වූ නිකි කින්ච් මහත්මිය තවමත් එක දරුවෙකු සඳහා ශිෂ්‍යාධාර  ගෙවන්නීය.  

අපි මාපිය දෙදෙනාම හෝ එක දෙමාපියකු නැතිවූ දරුවන්  විසි පස් දෙනෙකුට පමණ ශිෂ්‍යධාරය ලබා දුන්නෙමු .  අපේ ඉහත කි යහළුවන්ට අමතරව වෙනත් බොහෝ බ්‍රිතාන්‍ය ජාතිකයන්ද මෙයට ආධාර  කළ අතර ශාන්ත හා මොනිකා ශෆේ නමැති කීව් උද්‍යානය සම්බන්ධව රැකියා කල ජර්මන් උද්භිද විද්‍යාව මහාචාර්ය වරියක් වසර විස්සක් තිස්සේ තවමත් ආධාර කරති .  ජෑන් සහ කීත් නෝට්ලි  යන බ්‍රිතාන්‍ය වැසියන් දෙදෙනා සහ ඔවුන්ගේ පියා  මේ  වසර  වනතුරු උදව් කලත් අලින්  රැක  බලා  ගැනීමේ පදනමකට උදව් කිරීම සඳහා  ඔවුන් ශිෂ්‍යාධාර නැවත්වූහ. ඒ ආධාර කල දරුවන් දැන් වැඩිමහල් වියේය. දැන් මා ළමුන් පස් දෙනෙකුට පමණක් ආධාර කරමි .  ඉදිරි වසර දෙක තුල බොහෝ විට එය අවසන් වූ පසු චැරිටිය වසා දැමීම මගේ බල පොරොත්තුවයි .  

 මාතර දී  අපේ ආධාර බෙදා හැරීමට උදව් කල පන්සලේ ගත්  පහත  පින්තුරයේ සිටින්නේ  නිකි හා දම්මදේශ මහතාය. කීත් සහ ජෑන් යුවල ළමයි පිරිසක් සමග තෙවෙනි පින්තූරයේ සිටිති .  

මට මතක විධිහට අපි රාගම කමාන්ඩෝ මුලස්ථානයට තුවාල ලැබූ යුධ භටයන් සඳහා කිහිලිකරු ආදී භාණ්ඩ කන්ටේනරයක් ද යැව්වෙමු .  මම මේ සියල්ල ලීවේ බ්‍රයන් ලාද උදව් කල හෙයිනි . 

අපේ චැරිටි වැඩ දෙස උනන්දුවෙන්  බලා සිටි බ්‍රයන් ෆ්‍රී මේසන් කතාව නැවත ඇද්දේය .  ලන්ඩන් ෆ්‍රී  මේසන් සංවිධානය  ලංකාවට පවුම් ලක්ෂයක් (දැන් මුදලින් රුපියල් මිලියන් 37 පමණ )  ප්‍රදානය කල බව ඔහු පවසා සිටියේය .   එම ප්‍රදානය කරන  ලද්දේ ශ්‍රී ලංකාවේ ෆ්ෆ්‍රී  මේසන් ලොජ් එකකට  බව ඔහු පැවසීය. ෆ්‍රී මේසන් හි  ප්‍රධාන ප්‍රතිපත්ති තුන සහෝදරාත්මක භාවය ,  උදව් කිරීම (චැරිටි) සහ සත්‍යවාදී බව යයි ඔහු කීවේය. ( The Three Grand Principles of Freemasonry are Brotherly Love (friendship), Relief (charity) and Truth (integrity). Charity is therefore one of the three great pillars which support the fraternity.)  මෙසනික් වරු කරන නොයෙකුත් චැරිටි වැඩ ගැන බ්‍රයන් ලොකු විස්තරයක් ද කළේය .  මේ සියල්ල ම බඳවා ගැනීමට ඔහුගේ ප්‍රයත්න බව තේරුණු නිසා මම ඒවා මග හැරියෙමි.  

මෙසනික් ටෙම්පල් මෙහි හැඳින්වෙන්නේ ලොජ් කියාය .    ලංකාවේ එවැනි ටෙම්පල් එකක් ගැන ප්‍රා ජේ මෙවැනි යොමුවක්  පෝස්ට් කර තිබුණි . ලංකාවේ පළමු මෙසනික් විහාරය . 

බ්‍රයන් ඉන්පසු  හොඳ නිලයක් සොයා ගත්තේය .  ඒ ඉනෙස්ට රෝයල් මෙසනික් ස්කුල් ෆො ගර්ල්ස් නමැති පාසැල ගැන කීමෙනි .  ගැහැණු ළමුන් සඳහා රාජකීය මෙසනික් කාන්තා පාසැල නම්වූ එය අප සිටින  හට්ෆඩ්ශයර් ප්‍රාන්තයේ පිහිටා  තිබුණි .  පාසැල් සෙවීම අමාරු නිසා මා ෆ්‍රී මේසන් වුවහොත් ළමයි එයට දැමිය හැකි යයි ඉනේස්ට බ්‍රයන් කියා තිබුණි .  මේ නිසා මා ෆ්‍රී මේසන් වරයෙකු වීම පිළිබඳව ඉනෙස් ගේ අකැමැත්තක් නොතිබුණි .  ඇය වැඩි දුරටත් මට කීවේ එය හොබියක් ලෙස සලකන්න යයි කියාය .  

බ්‍රයන් සහ මයිකල් මේ කාලයේ අප ආසියාතිකයන්ව  දැඩි ලෙස විවේචනය කරමින් උන්හ. ඒ හතේ පන්තියේ තරඟ විභාගයට (ශිෂ්‍යත්ව විභාගය වැනි)  ළමයි ටියුෂන් යැවීම පිලිබඳවය. මගේ දියණියන් ළඳරු වයසේ  නිසා මම ඒ ගැන කල්පනා නොකළ මුත් පසු කලෙකදී ඔවුන්  කි දේ ඇත්ත බව වැටහුණි .  මේ ටියුෂන් වසංගතය ලන්ඩනයට පුරුදු කලේ  ශ්‍රී ලාංකික  දෙමළ ජාතිකයන්, ඉන්දියානුන් කොටසක්  සහ චීනුන් ය. ඔවුන් අනුව යමින් සිංහලයන් සහ අනිකුත් ජාතීන් ද එය කරන්න පටන් ගත්හ .  දැන් ඉංග්‍රීසි පවුල්ද දරුවන් ටියුෂන් යවති .  ගුරුවරුන් ගුරු සේවයෙන් ඉවත් වෙති .  අපේ ලොකු දුවට පාසල් සොයන්නට ගිය වෙලේ  බානට් ප්‍රදේශයේ  ගැහැණු ළමුන්ගේ ග්‍රමර් (ඉහළ බුද්ධි මට්ටමේ දරුවන් සඳහා වූ රජයේ පාසල්) පාසැලක සිටි තිස් දෙනාගෙන්  28ක්ම  දෙමළ ළමයින් ද එක අයෙක් චීන හා අනෙක් අයෙක් ග්‍රීක් ද විය . එක ඉංග්‍රීසි හෝ අයිරිෂ්  ළමයෙක් සිටියේ නැත .     

බ්‍රයන් ලා කී කතාවම  එක විදුහලක විදුහල්පති (මෙහි කියන්නේ අධ්‍යක්‍ෂක කියාය )  කීවේ මෙලෙසය .  කරුණාකරලා ඔබලාගේ ළමයින්  ඉංජිනේරු සහ විද්‍යා (වෛද්‍ය) විෂයයන්ට අමතරව අනිකුත් දේවලුත් ඉගෙන  ගන්න කියන්න .  අපට (එංගලන්තයට)  ඒ පැති වලිනුත් උගතුන් අවශ්‍යයි .  එසේ කීවේ කරුණාවෙන් මිස තරහකින් නොවේ .  වෙනත් විෂයන් සඳහාද දක්ෂතා ඇති සිසුන් අවශ්‍ය බවය ඔහු පැවසුවේ .  

අපි පසු කලෙක වසර 2011 දී දියණියන් ඇතුලත් කලේ වෙනත් ජාතිකයන් බහුලව ජිවත් වෙන පෙදෙසක මිශ්‍ර පාසැලකටය .  

ඉහත කී හේතු කිහිපය නිසා මම අවසානයේ ෆ්‍රී මේසන් සංවිධානයට බැඳීමට කැමැත්ත  දුන්නෙමි .  එයට තවත් හේතුවක් දෙකක්ද  විය .  මයිකල් ගේ පෙම්වතිය (ඔහු වැඩිමහල් පිරිමි දරුවෙක් සිටින දික්කසාද වූ අයෙකු විය.)  මයිකල්ට  ඇය සමග ජීවත්වන්නට ආරාධනා කලාය. එනිසා මයිකල් බ්‍රයන් ගේ නිවසින් ඉවත්ව යාමට තීරණය කර තිබුණි .  අප බොහෝ විට අසා ඇත්තේ සුදු මිනිසුන්ගේ විවාහ බිඳී යන බව හා ඔවුන් සෙනහස ඇති සම්බන්ධතා වලට නොයන බවය .  නමුත් මා දුටු දෙයක් වන්නේ  අප දන් දීම යනුවෙන් කරන දේ ඔවුන්ද  චැරිටි යනුවෙන් හඳුන්වා ගනිමින් කරන බවය .  එසේම තමා කැමති සහකරු හමුවනතුරු නොගැළපෙන අය ඉවත් කිරීමට දෙවරක් නොසිතන බවය .  එසේම ඒ තෝරාගත් හරිම සහකරුට දිවි හිමියෙන් කැප වෙන බවය. ඉනෙස් ගේ ආච්චි සහ සීයා ගේ විවාහ ජීවිතය වසර පනහකි .  

 මයිකල් ගේ පෙම්වතිය ඔහුට ඇගේ නිවසට ආරාධනා කලේ මයිකල් පිළිකාවකින් මිය යන බව දැන  ගෙනය. ඔහුගේ අවසන් කාලය සතුටෙන් තබන්නට හා ඔහුට ඇප උපස්ථාන කිරීමට ඇයට අවශ්‍ය විය .  බ්‍රයන්ට ෆ්‍රී මේසන්  හමුවීම් වලට යාමට අයෙක්ද මේ නිසා අහිමි විය . 

මෙහිදී එක බාධකයක්  වූයේ මගේ අදේවවාදී ස්ථාවරයයි .  ෆ්‍රී මේසන් සංවිධානයට  බැඳෙන අයෙක් අනිවාර්යයෙන්  දෙවි කෙනෙක් ඇදහිය යුතුය. බ්‍රයන් සොයාගත් විසඳුම නම් සියලුම් දිවුරුම දීම් ආදියට මම ලෝඩ් වෙනුවට ලෝඩ් බුද්ධා කිව යුතු බවය .  මා  එතරම් ආගමික නොවූ බව කී විට බ්‍රයන් ඊට විරුද්ධ විය .  ඒ දිනවල ලන්ඩන් පැමිණ සිටි මගේ මව සමග කින්ස්බරි පන්සලේ මගේ පියා වෙනුවෙන් අපි දානයක් දුන්නෙමු .  බ්‍රයන්ටද දානයෙන් කොටසක් ලැබුණි . එසේම අපේ කුඩා ගෙවත්තේ මෙන්ම ගේ ඇතුළෙද බුදු පිළිම දෙකක් තිබුණි. 

"උඹ පිළිම තියන් ඉන්නව කියන්නේ, පන්සල් යන්නේ,  බුද්ධා ව අදහන්නේ දෙවියෙක්  වගේ කියන එකයි". යයි බ්‍රයන් කී ඊට   

"දෙවියන්ට පිළිම නැහැනේ." යනුවෙන් පිළිතුරු දුනිමි .  

"ඒකෙන් අවුලක් නැහැ .  උඹ ලොජ් එකේදී දිව්රුම් දෙනකොට විතරක් ලෝඩ් බුද්ධ කියල කීවම හරි .  අපි සළකන්නම් එය දෙවියන් වෙනුවට ආදේශයක් කියල "  බ්‍රයන් ට ද හැම තර්කයටම ප්‍රති  තර්කයක් තිබුණි . 

අනිත් හේතුව වූයේ මගේම කුතුහලයයි . මා යහළුවන්ගෙන්  දැනගත් හා කියවා  තිබු දේවල අනුව මේ අපූරු සංවිධානය ගැන දැන  ගැනීමට නම් ඇතුළට යා යුතු බව මටද  සිතුනි . 

ප . ලි . - මේ කතාවේ ලියන බ්‍රයන්ගේ අදහස් මා ඇසූ ලෙසින්ම ලියන අතර ඒවා මගේ අදහස් හා මතවාද සමග සමහර විට නොගැලපිය හැකිය .  

-- මතු සම්බන්ධයි.

ජර්මනියේ කඳු මුදුනේ හෝටලය

ෂෙයාර් ඇන්ඩ්  කෙයාර්

 ලංකාවේ පළමු මෙසනික් විහාරය . 

රෝයල් මෙසනික් ස්කුල් ෆො ගර්ල්ස්

කොළඹ ගමයා 26/01/2025

අපේ අසල්වැසියා බ්‍රයන් 8- ෆ්‍රී මේසන් විත්ති

අපේ අසල්වැසියා බ්‍රයන් - 7 - ෆ්‍රී මේසන් බ්‍රයන් 

අපේ අසල්වැසියා බ්‍රයන් - 6 - බොයිලර් ඉංජිනේරුවා 

අපේ අසල්වැසියා බ්‍රයන් - 5 - සිංගල් මෝල්ට් විස්කි 

අපේ අසල්වැසියා බ්‍රයන් - 4 - ලී වැට 

අපේ අසල්වැසියා බ්‍රයන් - 3 - අළුත් නිවසට 

අපේ අසල්වැසියා බ්‍රයන් - 2 - අළුත් රස්සාව 

අපේ අසල්වැසියා බ්‍රයන් - 1 - පුංචි කම්පැනිය

වසර 2003 දී අපේ කණිටු  දියණිය උපන්නාය.  එනිසා අපට බොහෝ වැඩ තිබුණි .  ඒ වනවිට  ලොකු දුවට යන්තම් මාස  දහ  අටකි .  මට ඉඳහිට බ්‍රයන්ගේ පරිගණකයේ ප්‍රශ්නයක් විසඳීම හැර වෙන වෙලාවක් තිබුනේ නැත. මා දුටු දෙයක් නම්,  ඔහුගේ නිවසේ පූසන්  දෙදෙනෙකු සිටියත් ඔහු උන්ට එළියට  යාමට ඉඩ දුන්නේ නැති බවය.  උන් දෙදෙනාම ස්පින්ක්ස් වර්ගයේ ලෝම නැති උන්ය .  වටිනාකම වැඩි නිසා එලියට යවන්නේ නැති බව බ්‍රයන් කීවේ  ය . ඒ මම කැනඩාවේ මුල් උපන් බිම වූ  ඒවැනි පූසන්  දුටු මුල්ම වතාවය . ඔවුන් ඊජිප්තු ස්පින්ක්ස් නැමැති  පුරාණ මිත්‍යා සතෙකු ගේ ප්‍රතිමාවට සමාන නිසා ඒ නම ලැබී ඇත .   අහිංසක පූසන්  ට මස් මාළු නොදී වියලි ආහාර  පමණක් දුන්නේ උන් වසුරු හෙලන්නේ ගෙයි ඇති ලිටර්  පෙට්ටියට නිසා බව මට වැටහුණි . 

එකෙකුගේ නම ට්‍රොට්ස්කිය .  කුතුහලයට එවැනි නමක් දැම්මේ ඇයි  දැයි ඇසුවෙමි .  බ්‍රයන් මම හොඳින් දන්නා ලියොන් ට්‍රොට්ස්කි ගේ ඉතිහාසය කීවේය . ඔහු ස්ටාලින් විසින් යැවූ  කොමියුනිස්ට් ඝාතකයෙකු විසින් අයිස් පොරවකින් මරා දැමූ  බවද මට කීවේය . ට්‍රොට්ස්කි ගේ මතවාදයන් මම හොඳින් දන්නා බව බ්‍රයන්ට පැවසුවෙමි ,  නමුත් මම පුදුම වූවේ  එවැනි වාමාංශික යෙකු ගේ  නම  බ්‍රයන් වැනි ටෝරි  පාක්ෂිකයෙකු පූසා  ට දැමීම බව කීවෙමි.   බ්‍රයන් ගේ අදහස ට්‍රොට්ස්කි කොමියුනිස්ට් විරෝධියෙකු බවය .  අනිත් පූසා  ගේ නම චර්චිල් ය . 

මම බ්‍රයන් ෆ්‍රී මේසන් කෙනෙකු බව මම කාර්යලයේ සගයන්ට කීවෙමි .  ස්ටුවට් ඒ ගැන දීර්ඝ විස්තරයක් කළේය.  සයිමන් ඔවුන් බඳවා ගැනීමේදී කරන විහිළු සහගත සම්ප්‍රදායන් අනුකරණය කර පෙන්වමින් උපහාසයට ලක් කළේය .  

ෆ්‍රී මේසන් වරු කතෝලික පල්ලියට ගරහන බවද නොයෙකුත් කලාකරුවන්ට,  මාධ්‍යවේදීන් ට චිත්‍රපට අධ්‍යක්ෂක වරුන්ට ඒවා  කිරීම සඳහා මුදල් වියදම් කරන බවද ස්ටුවට් කීවේය . උදාහරණ වශයෙන් මැඩෝනා කරලියට ගෙනාවේ ඔවුන් බවද (පසුව ලේඩි  ගාගා  ට මුදල් වියදම් කලෙත් ඔවුන් බව ස්ටුවට් හා නයිජල් කීහ .)  ඇය  මුලින් කතෝලික බවද ඔවුන් කීහ.

ඒ ගැන සොයා බලද්දී ෆ්‍රී මේසන් වරු 1783 දී පමණ කතෝලික පල්ලියෙන් වෙන්වී ඇති බව දැන  ගතිමි.  ඒ එදා සිටි පාප්  වහන්සේ පෝප්  ක්ලෙමෙන්ට් xii  ගේ නියෝගයක් මතය. ඉන්පසු සියලු පෝප්  වරු ෆ්‍රී මේසන් කතෝලික දහමට නොගැලපෙන බව පවසා එයට ඇතුළත්  වන අය  නෙරපා දමන බවට (ex - communication) නීතියක් ඇතුළත්  කළහ .   මැඩෝනා ගේ 'ලයික් අ ප්‍රේය like a preyar  නමැති ගීතය මා කැමති එකකි .  නමුත් එහි සැඟවුණු ලෙස කතෝලික පල්ලියේ අපයෝජන ගැන සඳහන් වේ යැයි  කියති .  එසේම මැඩෝනා ගේ සෝල් ටුවර් එක පල්ලියට විරුද්ධව කල එකක් බවද සංවිධානය ඇමෙරිකන් ෆ්‍රී මේසන්වරුන් ගෙන් බවද දැන  ගතිමි . 

මැඩෝනා පසුව හින්දු සහ බෞද්ධ ආගම් ඇදහීමද යෝගා පුහුණුවද කල අතර ඉන්පසු යුදෙව් දහමේ කොටසක් වන කබාලා නමැති ආගමට බැඳුනාය.

ඇමෙරිකාවේ ෆ්‍රී මේසන් වරු තවමත් බලවත් බව දැන  ගන්නට ලැබුණි .  කිසියම් ප්‍රසිද්ධ නඩු විභාග කිහිපයකම  ෆ්‍රී මේසන් සම්බන්ධය නිසා විත්තිකරු නිදහස් වුනු බව බ්‍රයන් පිලි ගත්තේය.  එක්  අයෙකු ප්‍රසිද්ධ කළු ජාතිකයෙකි. 

බ්‍රයන් තවත් කතාවක් කීවේය . ඒ පූටින්  ගැනය .  කිසිවෙකු නොදැන සිටි පූටින්  පිටර්ස්බර්ග් නුවර ලිබරල් දේශපාලකයෙකුට වැඩ කළේය .  ඔහු මිතුරන් සමග බොහෝ වෙළඳ අධිකාරයන් පාලනය කල බවට සාක්ෂි තිබේ .  හදිසියේම ඔහුගේ තත්වය උසස්වී යෙල්ට්සින් ඔහු අගමැති කළේය .  බ්‍රයන් කීවේ  සෝවියට් දේශය වැටුණු පසු සාර්  කාලයේ තිබූ  ෆ්‍රී මේසන් ලොජ් නැවත පටන් ගත්  බවත් පූටින්  එහි සාමාජිකයෙකු වූ බවත්ය . 

එලිසබත් රැජින ෆ්‍රී මේසන් හි පැට්‍රොන් කෙනෙකි .  ඇගේ  පියා සාමාජිකයකුව සිටියේය .  ඇගේ  ස්වාමියා වූ පිලිප් කුමරු ද මිය යන තුරුම සාමාජිකයෙකි .  ඔහු 1995 ජූලි  වල රුසියාවේ සංචාරය කළේය .  1996 දී යෙල්ට්සින් පූටින්  ව මොස්කව් කැඳවා රුසියානු රහස් ඔත්තු සේවය භාර දුන්නේය .  රැජින ගේ ආරාධනයෙන් පූටින්  ලන්ඩන් පැමිණියේ 2003 දීය . වර්තමාන රුසියාවේ ලොජ් 33ක් තිබෙන අතර ඒවා පූටින්ට යටත් යයි සිතමි.

මා ලඟදි කියැවූ  පූටින්  පිලිබඳ පොතක මේ සම්බන්ධය දක්වා නැත. (putin's people - Catherine Belton)

සෝවියට් දේශය පිහිටවූ  1922 දී ෆ්‍රී මේසන් සංවිධානය තහනම් කල අතර සාමාජිකයන් ශ්‍රම කඳවුරු වලට පිටුවහල් කරන ලදී .  

ස්ටුවට් මට කී  තවත් දෙයක් වූයේ  ඇතැම් චිත්‍රපටි , රුපවාහිනී නාට්‍ය දෙබස් වල මෙන්ම සමහර පුවත්පත් වලද ෆ්‍රී මේසන් පණිවුඩ ඔබ්බන බවය .  මා එය විශ්වාස නොකළ මුත් ඔහු පසුව එවැනි තැන්  කිහිපයක් මට පෙන්වූයේය . 

බ්‍රයන් සහ ස්ටුවට් ඇතුළු අයගේ කතා මම මුලදී ගණන් නොගත්තත් මගේ අදහස වෙනස් වුනේ ටෝනි බ්ලෙයාර් ගේ කම්කරු පක්ෂ රජය විනිශ්චයකාර  වරුන්ට ෆ්‍රී මේසන් වීම තහනම් කිරීමත් සමගය .  එසේම ඕනෑම මන්ත්‍රීවරයෙක් එම සම්බන්ධකමක් ඇත්නම් පාර්ලිමේන්තුවේ එම විස්තර වසන් නොකර ඇතුලත් කල යුතු බවට ද බ්ලෙයාර් නීතියක් පැනවූයේය . බ්ලෙයාර් තම බිරිඳ අනුව  යමින් කතෝලිකයෙකු වූ බවද මතක් කල යුතුය .  

[අමතර කතාවක් වශයෙන් මෙයද ලියමි .  මම මෙගන් හා හැරී  ගැන ලිව්වා මතකද ? සමහරු එකඟ නොවුනද ඇතැම් පුවත්පත් ඔවුන්ට පැන  පැන  පහර දෙන බව ලීවෙමි. මට ඇත්තටම ඔවුන් දෙදෙනා ගැන අමුතු ලෙන්ගතුකමක් නැත. මෙගන් ගේ වැරදි තිබෙන්නට පුළුවන .  නමුත් හොඳින් බැලුවොත් මේ බව පැහැදිලි වේ . සති දෙක තුනකට කලින් 'මෙගන් ගේ කුස්සිය' නමින් මෙගන් ප්‍රෝග්‍රෑම් එකක් පටන් ගත්තාය . ඩේලි මේල් ඇතුළු පුවත් පත් දෙක තුනක් ඇය  අනුන්ගෙන් කොපි කල බව කියමින් පහර  දුන්නේය .  ඊට කලින් සුමානේ  කේට්  කුමරියට ප්‍රසංශා කරමින් ලිපි කිහිපයක් පල විය.  මෙහිදී ඇත්ත වශයෙන් කේට්  කුමරිය මෙන්ම විලියම් කුමරුද අසරණය .  ඒවා ඔවුන් කරන දේවල් නොවේ.

 

කෙන්ට් හි ආදිපාද වරයා වන එලිසබත් රැජිනගේ ළඟම  ඥාතියා වන මයිකල් කුමරු ෆ්‍රී මේසන් හි ප්‍රධානියෙකි. මෙගන් හා හැරී  ද සහභාගී වූ රැජින විසින් පිරි නමන සාදය ට කෙන්ට් ආදිපාද  වරයාගේ බිරිද වන ආදිපාදවරිය පැමිණ ඇත්තේ ඇගේ  ගවුමේ රත්රන් කටුව ලෙස කළු වහල් කොල්ලෙකු ගේ  කුඩා ප්‍රතිමාවක් පැළඳ ගනිමිනි. මෙය ප්‍රසිද්ධ කටුවක් වුවත් කවුරුත් ප්‍රසිද්ධියේ පළඳින්නේ නැත .  මෙය තමන් පහත හෙළීමක්  ලෙස මෙගන් සහ හැරී  සැළකු  බව සඳහන් වේ .  ඔවුන් රැජිනට පැමිණිලි කල බවත් රැජින එය පිළිගෙන කටුව ඉවත් කරන්නට අණ  කල බවත් කියැවේ.(කාල වකවානු වෙනස් බව සලකන්න)  මෙගන් ගේ හා හැරීගේ ප්‍රශ්න පටන් ගත්තේ එතැන් සිටය. ඔවුන් කරන බොහෝ දේට විවේචන එල්ල වන්නට විය .  විලියම්  කුමරු මෙන්ම හැරී  ද තමන්ගේ සීයා  මෙන් ෆ්‍රී  මේසන් සංවිධානයට නොබැඳුනු අතර ඔවුන්ගේ පියා වන චාල්ස් කුමරුද බැඳුනේ  නැත .  එයද පරහට සිටින්නට ඇතැයි  සිතමි. මේ ආදිපාද  කුමරිය 2004 දී අප්‍රිකානු ඇමෙරිකානුවන් ආපන ශාලාවක ශබ්ද නගා කතා කිරීමේදී තමන්ගේ කොලනි වලට යන්නැයි  කියා සිටිය බව පුවත් පත් වල පළවුණි . ]

ෆ්‍රී මේසන් සංවිධානයට බැඳිය හැක්කේ ඥාතිත්වය අනුව පමණි .  පියාගෙන් පුතාට ,  මාමා ගෙන් බෑනා ට , සීයා  ගෙන් මුණුපුරාට  ආදී වශයෙනි .  බ්‍රයන් තම දෙටු දියණිය ජැකී ෆ්‍රී මේසන් හි ගැහැණු සංවිධානයට බඳවා තිබුණි. 

මේ කාලයේ අපි ජර්මනියට නිවාඩු යන විට නිවස බලා ගැනීමට යතුර දී ගියේ බ්‍රයන්ටය .  ඔහු කුණු වෙලාවට විසි කර,  තැපෑලෙන් ලැබුණු ලිපි තෝරා බේරා,  බොයිලරය  වෙලාවට ක්‍රියාත්මක කර තැබුවේය .  (රේඩියටර  වතුර හීතලෙන්  මිදීම වැළකීමට ) 

බ්‍රයන් ගේ නිවසේ පරිගණක වැඩක  යෙදී  සිටියදී බ්‍රයන් ගුණ්ඩුව අත  හැරියේය . 

"උඹ දන්නවානේ මට පුතාලා නැහැ .  දුවල දෙන්න විතරයි කියල .  මගේ බෑනා  පොලිසියේ නිසා ෆ්‍රී මේසන් එන්න කැමති නැහැ .  උඹ කැමති නම් මම දෙවෙනි දුවගේ හස්බන්ඩ් හැටියට උඹව ෆ්‍රී මේසන් එකට දාන්නම් . දෙන්නෙක් ඕනේ යෝජනා ස්ථිර කරන්න .  මයිකල් කැමති වුනා . "

මම වැටුනේ ලොකු අමාරුවකය .  මේකා ගෙන් උදව් නොගෙන සිටියානම් හොඳ යයි සිතුනි . ඒ මදිවාට  අර ස්ට්‍රක්චරල් ඉංජිනේරුවා මයිකල් ද ෆ්‍රී මේසන් වරයෙකි . 

ඔවුන් දෙදෙනා සුදු කමිස හා කළු කලිසම හා කළු කබා පැළඳ  ඇඳ  කළු ටයි බැඳ රැස්වීම්  වලට යනු මා නිරික්ෂණය  කර තිබූ  බව මට මතක් වුනි . 

මම කල්පනා  කර කියන්නම් යයි පවසා බ්‍රයන් ගෙන් ඉසිඹුවක් ලබා ගත්තෙමි .  

ක්‍රෙම්ලිනයේ ඝන්ටාරයක් පින්තූර පාඨකයෙකු  සඳහා - කතාවට  සම්බන්ධයක් නැත  

Papal ban of Freemasonry

Vatican confirms ban on Catholics becoming Freemasons

ඩයනා ගේ මරණය හා හැරී ගේ පොත -හෙවත් අමතරයා ගේ කතාව

 Princess Michael of Kent wears 'racist' brooch to Queen's Christmas lunch attended by Meghan Markl

In Photos: Prince Philip's Russia Visits

 

Madonna is 'highly offensive to Christianity', says New Zealand bishop

Madonna - Speech for the Vatican, July 9 1990

Madonna - Like A Prayer (Official Video)

කබාලා ආගම -Kabbalah

UK Politics - Freemasons face appointments review

MPs told to declare links to Masons

කොළඹ ගමයා 14/01/2025

Lyrics

Life is a mystery
Everyone must stand alone
I hear you call my name
And it feels like home

When you call my name, it's like a little prayer
I'm down on my knees, I wanna take you there
In the midnight hour, I can feel your power
Just like a prayer, you know I'll take you there

I hear your voice
It's like an angel sighin'
I have no choice
I hear your voice
Feels like flying

I close my eyes
Oh God I think I'm fallin'
Out of the sky
I close my eyes
Heaven help me

When you call my name, it's like a little prayer
I'm down on my knees, I wanna take you there
In the midnight hour, I can feel your power
Just like a prayer, you know I'll take you there

Like a child
You whisper softly to me
You're in control
Just like a child
Now I'm dancing

It's like a dream
No end and no beginning
You're here with me
It's like a dream
Let the choir sing

When you call my name, it's like a little prayer
I'm down on my knees, I wanna take you there
In the midnight hour, I can feel your power
Just like a prayer, you know I'll take you there

When you call my name, it's like a little prayer
I'm down on my knees, I wanna take you there
In the midnight hour, I can feel a power
Just like a prayer, you know I'll take you there

Life is a mystery
Everyone must stand alone
I hear you call my name
And it feels like home

Just like a prayer (oh-oh), your voice can take me there (oh-oh)
Just like a muse to me (oh-oh), you are a mystery (oh-oh)
Just like a dream (oh-oh), you are not what you seem
Just like a prayer, no choice your voice can take me there

පැට් , ගැට් හා ෆැට් (PAT , GAT and FAT ) පැකේජ් විකිණීමට තිබේ

ගෙදරින් එලියට බැස්ස මම ඉබාගාතේ ඇවිද්දෙමි . මෙහම සවුත්තු කාලයක් කවදාවත් තිබුනේ නැත . අනේ මාමේ , ඔයා මච්චර කලින් ගියේ ඇයි ? ඔය අපිට කොච්චර ආලෝකයක් වුනාද ? දුක වැඩි කමට මට ඇඬුනි . "අනේ සඳුනි..................."

  මම නොදැනුවත්වම අතුරුගිරවාව  පැත්තට බඩ ගෑවී ගොස් තිබුණි . ඒ වෙලාවේ ඇර තිබූ  බාර් එකක ට ගොඩ වීම හැර වෙන විකල්පයක් මට තිබුනේ නැත . ගල් බාගයක් ඕඩර් කල මම එය පරණ රටකජු ටිකක් බයිටට ගෙන  බොන්නට ගතිමි  ගල් වීදුරුව ටික ටික හිස් වෙද්දී මට නැවතත් හැඬේ. 

"අනේ සඳුනි කෙල්ලේ , ඔයා අරයල ඔක්කොම දාල මා ගාවට ආව . මාත් හිතුවා මාමගේ සප්  එකෙන් ගොඩ තමා කියල . අනේ අපිට මේ මොකද වුනේ" 

එහා පැත්තේ මේසේ තඩියෝ දෙන්නෙක් විස්කි බෝතලයක් අහවර කරන්නේ තඩි මස් බයිට් එකක් එක්කය .මට හීල්ලුනි. මාමා අපිව කොච්චර සිරා තැන් වලට එක්ක ගියාද? මාමට ලැබෙන පිටරට බෝතල් කන්දරාව ? සඳුනි ටයි මටයි කොච්චර සැළකුවද? අනේ....... 

"මොකද ඩෝ මේ පැත්තම බලන්නේ" විස්කි බිබී හිටි මරුමුස් දෙන්නාගෙන් එකෙක් මා දිහා බලා ඇසුවේය. උගේ උඩු රැවුල කරකවා තිබුණි. මට චූ ගියේ නැති ටික විතරය . 

" අනේ නැහැ මහත්තයෝ , ඔය විස්කි බෝතලේ දිහා බැලුවේ , කවද බීපුවද?"

(මම බොරුවක් ඇද බෑවෙමි.) 

"ඔන්න ඔහේ අත ඇරලා දාන්න , නිකන් බොන්න ට්‍රයි කරන අපතයෙක්" මදක් ලාබාල අනෙකා කීවෙය. ඒ වුනාට මරුමුස් එකා ඇරියේ නැත . ඌ විස්කි බෝතලේ රැගෙන මගේ මේසයට ආවේය . අනිත් තරුණ එකා නොමනාපයෙන් අප දෙදෙනා මැදින් ඉඳ ගත්තේය . 

 හපොයි, වෙච්චි දෙයක් , කොරේ පිටට මරේ වෙන්න නේ යන්නේ. 

 "මේ මහත්තයෝ මම මේ විහිළුවට කීවේ, මට විස්කි ඕනේ නැහැ . ඔයිට වැඩිය ඒවා බීල තියනවා මාමණ්ඩි එක්ක" .

 මම වහාම කීවේ මේ මරාලයෙන් ගැලවීමටය. 

"ඒකෙන් වැඩක් නැහැ. උඹ අඬනව අපි බලන් හිටියේ. උඹටත් ටැක්ස් වැඩිය ගහනවද?ණය ගෙවා ගන්න බැරිද ? ගෑණි ඩුබායි යන්න හදනවද? අපි ළඟ බෙහෙතක් තියනවා . කෙළින්ම ඒරොප්පෙට දාල දෙනවා" 

මරුමුස් එකා කීවේය . මුන් දෙන්නාගෙන් මගේ  ප්‍රශ්නෙට උදව්වක් ගන්න පුළුවන් වුනොත් කියා මටත් හිතුනි.

 

"මහත්තේලා කොහෙන්ද? ආගමන විගමනෙන්ද? සුමිතුරෝ එකෙන්ද? වෙලේ සුදා ගෙන්ද? මාලිමාවෙන්ද " මම ඇසුවේ බය පොඩ්ඩක් අඩුවූ නිසාය .

"අපි පොලීසියේ යකෝ. " ඒ ගර්ජනාවට පාර හිල් කරන්න ජල සම්පාදෙනෙන් ගහන ඩ්‍රිල්  එක වැදුනාක්  මෙන්  මට  වෙව්ලිල්ලක් හැදුනි.

"හරි හරි සර් ,  සර්ලා  උදව් කරන්නේ කොහොමද කීවොත්?"

"අපේ තියනවා පැකේජ්. පැට් එක කියන්නේ පොලිටිකල් අසයිලම් ට්‍රැක්  එක .  ඒ කියන්නේ දේශපාලන අනාතභාවය ගන්න අපි මෙහෙන් සප්  එක දෙනවා."  මරුමුසා කීවේය. 

"ඒ කිව්වේ සර්" 

"ඒ කිව්වේ ඉස්සර අපේ දෙමළ  යාලුවෝ හෙම ඉන්නේ ඔය කොළඹ පැත්තේ,  උතුරු යුද්ධේ අහලකටවත් නොගිය උන්.  උන් ඇසයිලම් ඉල්ලුව කියමු යුරෝපේ හරි එංගලන්තේ හරි. අපි සාක්කි හදල දීල තමා යවන්නේ.  දවස් දෙකකට හොඳටම ගහල කූඩුවට  දානවා.  ඇඟ  නිල්  වෙන්න දෙන්නේ.  ෆොටෝස් ගහල දෙනවා.  ගහපු රාළහාමිලා ගේ නම් හැටියට ඔය මැරිච්ච, ඉන්ටඩික්  කරපු කට්ටියගේ නම් දෙන්නත් පුළුවන් .  පොලිසියෙන් අල්ලන් ගියා කියල බී  වාර්තාවක් හදල දෙනවා."  මරුමුස් එකා කීවේය.

"අනේ ඔව් සාජන් මහත්තයා ඇසයිලම් එක හරි ගිහින් එංගලන්තෙන් එනකොට විස්කි බෝතල්,  චොකලට් අරන් ආවේ අපට.  ගතමන්ට් එකට අමතරව නේද?අපේ අර නිව්ටන් මතකද , දෙමළ එක්කෙනා."   තරුණ එකා කීවේය.  

එතකොට අනිත් එකා සාජන්,  මූ කොස්තාපල්,  මම හිතා ගතිමි . 

"අපට උඹට වෙඩි තියන්නත් පුළුවන්. වදින්නේ නැති වෙන්න.  උස්සලා අතුරුදහන් කරල පාරක් අයිනේ දාල යන්න පුළුවන් .  යකෝ ඉස්සර අපි කොටි පොලිසියෙන් ගැහුවා කියලත් හදල දීල තියනව."  මරුමුස් සාජන් ආපහු  මහා හඬින්  සිනා සුනේය .  

"දැන් ටිකක් දෙමළ  අයට  අමාරුයි නේද සාජන් මහත්තයා .  දැන් දෙමල අයට මෙහෙ ප්‍රශ්නයක් නැහැ කියල සුද්දෝ කියනවලු ."  තරුණ කොස්තාපල් කීවේය . 

"ඔව් ඔව්, ඒ  නිසා අපි තව පැකේජ් එකක් පටන් ගත්ත ,  මේකනම් ෂුවර් ඇන්ඩ්  ෂොට් ඇසයිලම් වදිනවා . " මරුමුසා ඇරියේ නැත . 

"ඒ මොකක්ද?" මම ඇසුවෙමි . 

"ඒක ගැට් . ගේ අසයිලම් ට්‍රැක් . සමරිසි දේශපාලන අනාත  සීන්  එක. දැන් යුරෝපේ අලුතින්ම දෙන්නේ ඒක . හි හී " එවර කතා කලේ තරුණ එකාය. 

"අපි ඔයාට මෙහෙන් බෝයි ෆ්‍රෙන්ඩ් කෙනෙකුත් හොයල දෙනවා .  ඔයාල බස් හෝල්ට් එකක මුකුළු කර කර  ඉන්න .  අපි අල්ලන් ගහින් කූඩුවේ  දාල  නෙලනවා .  අර පැට්  එක වගේ තමයි .  ඇසයිලම්  දාන්න  ඔක්කොම සාක්කි අපි හදල දෙනවා" ඌ වැඩේ පැහැදිලි කළේය . 

"එහෙම කොහොමද නිකන් අල්ලලා හිරේ දාන්නේ "  මම ඇසුවේ බැරිම තැනය . 

"මේකා මුකුත් දන්නේ නැහැනේ රාජන් මහත්තය" තරුණ එකා කීවේ  කෝචොක්  එකටය . 

මරුමුසා ඒ ගමන කතා කලේ චාටුවෙනි . 

"මෙහෙමයි , මහත්තයා, අර සුද්දගේ කාලේ  නීතියනේ තවම.  ඒක  කලින් ආණ්ඩුවෙන් වෙනස් කළා කීවට අපිට ඉතින් තවම පරණ එක තමා .  අයාලේ ගියා කියල අල්ලලා කූඩුවට  දැම්ම හැකි .  ඒ වුනාට අපි ගහනවා .  ඇයි  නවත්තන්නද?  අනික මේ වැඩේට පින්තූර  තිබ්බහම බඩු  ෂුවර් .  ඕනේ නම්  වෙබ් සයිට් එකක  හරි බුකියේ පේජ් එකක හරිත්  දාල දෙන්නම් .  සාක්කි වැඩි වෙන්න වැඩි වෙන්න ගාන සැරයි ."

"ඒ වුනාට මට ඔය දෙකෙන්ම වැඩක් නැහැ.  මට පිටරට යන්න ඕනේ නැහැ . අපේ  මාමණ්ඩි  හිටි කාලේ  මට ඕන තරම් යන්න තිබුන.  මට ඕනේ ප්‍රසිද්ධ වෙන්න .  මම පොත් පත් ලියපු ලෝකෙම දැන ගතයුතු ගත් කතුවරයෙක් , අසමසම  කිවියෙක් ,   නළුවෙක් ,  නාට්‍ය රචකයෙක්,  සොකරි ගුරෙක් . අර'කුඩු කෑ එකාගේ විත්තිය '  පොත ලිව්වෙත්  මම " මම ඇදලා ඇරියෙමි . 

"යකෝ මූගේ ඝනකම, අනික මාමණ්ඩි යෙක්  ගැනමනේ කතාව .  කව්ද ඔය ලොකු මාමණ්ඩිය.පොඩ්ඩක් ඉඳපන් මම ලොකු ඕ  අයි සී  මහත්තයට කතා කරලා අහන්න " මරුමුසා කීවේ  තරහෙනි . 

"හුහ් ,  අපේ මාමණ්ඩිට නාට්‍ය ,  සිනමා ඔක්කොම වලින් සම්මාන රාශියක් ලැබුණු "පාත්තයෝ ඉගිලෙති" එකේ ඉඳන් හොඳම නාට්‍ය වල හිටපු අහවලා . එතුමා සංගීතඥයෙක් ,  අධ්‍යක්ෂක කෙනෙක් ,   ඔහෙලා මේ මොනවා කියනවද ? " මට ඉබේම කෑ  ගැසුණි . 

"එහෙම කියන්න එපැයි . එතුමාව අපි දන්නවා .  අප්පේ හරි දක්ෂයෙක් තමා .  මහා  රජතුමාවත් ඇන්දුවනේ නේද පර්සියාවේ රජතුමා ගේ ඥාතියෙක් කියල.  එහෙනම් ඉතින් කොහොම හරි උදව් කරන්න ඕනේ "තරුණ රාළහාමි මෙල්ලවූ බව පෙනුනි . 

"හරි ලොකු මහත්තයා කීව  ඔහෙට අපි එෆ් ඒ ටි ෆැට් FAT  පැකේජ් එක දෙන්න කියල .  ෆේමස්  ඇසයිලම්  ට්‍රැක්  එක  "මරුමුසාගේ වදන් කනට මීපැණි වත් කරන්න වගේය.

 

"ඒ කිව්වේ " මම ඇසුවෙමි .  වැඩේ හරියන පාටය . 

"ඔහෙට ෆේමස්  වෙන්නනේ ඕනේ.  අපිටත් පොලිසියේ  ක්‍රමයක් ඇරෙන්න වෙන ඒවා පුරුදු නැහැ .  තමුසේ යනවා හෙට ජොකා පිටින් එලියට.  කඩේට යනවකෝ .  අපි ඇවිල්ල අහනව උඹ කවුද කියල .  ඉල්ලනවා  අයිඩෙන්ටිටි එක කවුද කියල හොයන්න . "

"එහෙම ජොකා පිටින් යන්න පුලුවන්ද ? ඔහෙලා මම කවුරු  කියලද හිතන්නේ " මටත් නප්පියට තදවුනි .  සඳුනිටත් ලැජ්ජයිනේ. මම ජොකා  පිටින් ගියොත්. අර මැරිච්ච මාමණ්ඩි ටත් ලැජ්ජාවක් ".

"හරි හරි ,  එහෙනම් යනවකෝ  සරමක් ඇඳන් .  සාක්කු නැති  ටී ෂර්ට් එක්ක වත් ඇඳන් යනව .  තමුසේ වැරදිලාවත් අයිඩෙන්ටිටි හරි ඩ්‍රයිවින් ලයිසන් එක අරං ගියොත් හෙම කියල කීවේ ?  අඩුම ගානේ වොලට් එකවත් ගෙනියන්න එපා තේරුනාද ? " තරුණ යකා කීවේය. 

"මේ තදින්  ගහන්න එපා හරිද? මට ගුටි කාල පුරුදු නෑ. අනික මාව එහෙම අල්ලන්නේ මොන නීතියටද?  " මම පින්සෙන්ඩු වුනෙමි .

" හරි හරි ඕයි, අපි පාර හිටින්න අත් දෙකෙන් අල්ලන් ගිහින් පස්සට විතරක් ගහන්නම් ,  ෆොටෝ එකක්වත් ගහ ගන්න  නීතිය නම් තවම ඉතින්  පීටීඒ එක තමයි මේ ආණ්ඩුවටත් .   ෆේස්බුක් ,  බ්ලොග් ,  වෙබ් ඒවාට මේවාට දාන්නත් ඕනෙද ?  ඒවා ඇඩිෂනල් හරිද? හා ඇඩ්වාන්ස් පනස්දාහක් ගන්නවා "   

   

"හරි මට ෆුල් පැකේජ් එකම දෙන්න .  දැන්ම සල්ලි ඕනෙද ? වැඩේ  වුනහම දෙන්නම් " 

"මේ ඒ බයිලා බෑ , අර ටික්ටොක්  නංගි පේනවා නේද මොබයිල් එකයි පැරබොලික් මයික් එකකුයි තියන්  ඉන්නේ . එයා ඔක්කම වීඩියෝ කරලා තින්නේ .  මේ අපි කතා කරන ඒවත් ඇහෙනවා එයාට . " මරුමුසා  

පෙන්නුවේය .  

දෙයියෝ සාක්කිය. රවුමක් වගේ මගුලක් මොබයිල් එකේ  ගහගෙන හිටි ඉටි කිරිස් කෑල්ල මම දැක්කේ එවිටය . 

මුන් මට ප්ලෑන් කරලාම අන්නවා  ඇත . 

"හරි එහෙනම් හෙට නාමයට මම සරමක් ගහන් යන්නම් බේකරියට."

*************************************************************************

disclaimer - මෙය  සම්පූර්ණයෙන්ම  ප්‍රබන්ධ කතාවක් වන අතර කිසිදු පණ ඇති ජීවියෙකුට  මොනම විධිහක හෝ  සම්බන්ධයක් නැත .  

සියලු දෙනාට ලබන්නාවූ  2025 අඹේවෙල කිරියෙන්,  සහල් වලින්, පොල් වලින් , බිත්තර වලින් ,  පැණි වලින්, දී කිරි වලින්,  බොම්බයි ළුනූ වලින් පිරි ඉතිරි යන සුබම සුබ වසරක් වේවා .    

කොළඹ ගමයා - 29/12/2024

අපේ අසල්වැසියා බ්‍රයන් - 7 - ෆ්‍රී මේසන් බ්‍රයන්

මෙතෙක් කතාව කියවන්න ඕනේ නම් මේ ලින්ක් වලට යන්න. 

අපේ අසල්වැසියා බ්‍රයන් - 6 - බොයිලර් ඉංජිනේරුවා 

අපේ අසල්වැසියා බ්‍රයන් - 5 - සිංගල් මෝල්ට් විස්කි 

අපේ අසල්වැසියා බ්‍රයන් - 4 - ලී වැට 

අපේ අසල්වැසියා බ්‍රයන් - 3 - අළුත් නිවසට 

අපේ අසල්වැසියා බ්‍රයන් - 2 - අළුත් රස්සාව 

අපේ අසල්වැසියා බ්‍රයන් - 1 - පුංචි කම්පැනිය

ලන්ඩනයේ ගෙවතු වැඩට අවශ්‍ය උපකරන ගබඩා කිරීමට කුඩා ෂෙඩ් එකක් හැම ගෙවත්තකම තිබේ .  බ්‍රයන් ටද එවැන්නක් තිබුණි. අපේ ගෙවත්තේ අපට නිතර අවශ්‍ය නොවෙන   වගයක්ද තණකොළ කපන මැෂිමද , ඉනෙස් මල් පැල  සිටුවීමට කපන කුඩා උපකරණ හා  පොහොරද තිබුනේ එහිය .  

බ්‍රයන් හා මයිකල් දෙදෙනා අලුත් ෂෙඩ් එකක් හැදීමට පටන් ගත්හ.  ඒ සඳහා බී  ඇන්ඩ්  කිව්  එකෙන් අලුත්ම ලෑලි ආදියද ගෙන ඔහුගේ වත්තේ ගොඩ ගසා  තිබුණි .  දිනකින් සැකිල්ල සාදා  දෙවෙනි දින එය ගොඩ නගා තිබුණි. බ්‍රයන් කීවේ  ඒ ටී  රූම්  එකක් බවය .  ඉහත ඇත්තේ   තවමත් තිබෙන එහි පින්තූරයයයි. දැන්නම්  එය ඉතා පරණය .    අල්ලපු ගෙදර බෝඩ් වී සිටින ලිතුවේනියන් කාන්තාවන්  දෙදෙනා සහ තවත් අයෙකුගේ බඩු  බාහිරාදිය දැන් එහි ගබඩා කර ඇත .  බ්‍රයන් ගේ ටයරයේ කතාව (එය මෙහි ලියා  ඇත )  මෙන් මේ ඉදි කිරීමද දැන් වෙනත් අය  භුක්ති විඳිති .  

පුංච් ගෙයක් මෙන්  වූ එහි සැකැස්ම මයිකල් ගේ ය .  අපේ ගෙවත්තේ මම ඉඳහිට පොතක් කියවීමට හෝ  යහළුවන් සමග කයියක් ගැසීමට හෝ සින්දුවක් නිදහසේ ඇසීමට සාදා  ඇති ටී  රූම්  එක ගැන මුල් අදහස ආවේද මෙයිනි .  ඔවුන් මට එවැන්නක් සැදීමේදී අවශ්‍ය ක‍රන ඇණ මුරිච්ච්චියේ සිට උපකරණ ගැන කියා දුන්හ .  අළු පාටට තිබෙන්නේ අපේ ගෙවත්තේ  සෑදූ එකය .  අල්ලපු ගෙදරට පසුව පදිංචියට පැමිණි රුමේනියානු ජාතිකයකු එය සාදා දුන්නේය .  

මයිකල් තීන්ත ගාන  අතරේ බ්‍රයන් ඔහුට කොම්පියුටර් ප්‍රශ්නයක් ඇති බවත් එය නිරාකරණය කර ගත යුතු බවත් දැන්වීය . මේ ඔහු බොයිලරය  සවි කර දීමේ උපකාරයට ප්‍රති - උපකාරයක් ලෙසය .  

අපේ ගෙවල් ළඟ ජේම්ස් කියා සුද්දෙක් සිටියේය .  ඔහු ජිවත්වූයේ  තනියමය .  ඔහු බ්‍රයන් හමුවීමට නොයෙකුත් උදව් ගැනීමට එයි .  ඔහු වරක් මා පාරේදී  හමුවූ විට මෙසේ ඇසුවේය . 

 "ඔයා බැඳලා ඉන්නේ බ්‍රයන් ගේ පොඩි දුවද ?" මම නැතැයි  පැවසුවත් ඒ ප්‍රශ්නය කුතුහලය දැනවූ  හෙයින් ,  පොලිස් පරීක්ෂක ජැකී ඇර  බ්‍රයන්ට තවත් දුවලා ඉන්නවද යයි ඇසුවෙමි . 

"ඔව් , මම හිතුවේ ඔයාගේ බිරිඳ , දෙවෙනි දුව කියල .  එක උසමයි  .  එයත් බ්ලොන්ඩ් (රන් හිසකේ ඇති අය ) ." ජේම්ස් පැවසුවේය .  මම හැරෙන තැපෑලෙන් ඉනෙස් ට ඒ බව පවසා පසු දවසක  අල්ලපු ගෙදර ආච්චි  බලන්නට එන දියණිය ගෙන්  ඒ ගොසිප ගැන ඇසුවෙමි.  

ඇය  කීවේ  බ්‍රයන් ගේ පළමු කසාදයේ දියණියන් දෙදෙනාගෙන් කණිටු  දියණිය ඉනෙස් මෙන් නිසා ඇයද  අප කතා කරන තුරු එසේ සිතූ  බවයි .  ඇයට  අනුව බ්‍රයන් ගේ දියණිය මොරොක්කෝ හෝ ඊජිප්තු ජාතිකයකු කසාද බැන්ද  පසු ඇය ට ගෙදරට පා තැබීම පවා බ්‍රයන් තහනම් කර ඇත.

 

ගෙවත්තේ මයිකල් තීන්ත ගාමින් සිටියේය .  මම බ්‍රයන් කතාවට   ගත්තේ ඔහු ගේ මුස්ලිම් විරෝධය ගැන කියමිනි .  බ්‍රයන් දේශපාලන කතාවට අනිවාර්යයෙන් අහුවෙයි . 

අපේ තුර්කි යහළුවන් වන බුලන්ට් මෙන්ම ඉන්දියන් මුස්ලිම් ඉම්තියාස් ද හොඳ මුස්ලිම් යහළුවන් බව ඔහුට පැවසීමි .  

"උන් මුස්ලිම් නෙමේ . " ඔහු ගත්  කටටම  පැවසිය .  මම ඔහු හා තර්ක කලේ එසේ කියන්නේ කෙසේදැයි අසමිනි .  බ්‍රයන්ට අනුව තුර්කි ජාතිකයන් සමහරක් මත්පැන් බොන හරියට යාඥා  නොකරන අයයි . මගේ යහළුවන්  දෙදෙනා යාඥා  කරනු දැක නැති නිසා මට කිසිත් කීමට නොහැකිය .  ඊළඟට බ්‍රයන් මටද දමා  ඇරියේය .  

"උඹ බුද්ධාගමේ නෙමේ."

" එහෙම කොහොමද කියන්නේ" , මම ඇසුවෙමි . 

"උඹ යාලුවෝ එක්ක වොඩ්ක බොන්නේ නැත්ද ?  උඹ මස් කන්නේ නැත්ද? උඹ බුද්දාගම්  කාරයෙක් නෙමේ ".  

ඒකට  නම් මට හිනා ගියේය.  

"බ්‍රයන් ඔය බොන්න එපා කියන  ඒවා හෙම කලින් බුදුන් දෙසපු ආගමේ  තිබ්බේ නැහැ .  පස්සේ ඉන්දියාවේ මුල් ආගමක් වන ජෛන  ආගමින් එකතු කර ගත්  දෙයක් . " බ්‍රයන් මගේ කීම විශ්වාස කලේ නැත.   දෙවෙනි කරුණ ගැන ඇසීමට හොඳ වෙලාව යයි සිතා ,  ජේම්ස් අපට රැවටුණු අයුරු කීවෙමි . 

"අහා, ජේම්ස් හොඳ මනුස්සය .  නෑදෑයෝ කවුරුත් නැහැ .  මට හිටියත් ගෙන්වන්නේ නැති එක ගැන මට ආඩපාලි කියනවා .  අජිත්  මම ඒකිට මගේ මළගම ටත් එන්න එපා කියල තියෙන්නේ.  "  

බ්‍රයන් ඉන්පසු කවදාවත් ඒ දියණිය ගැන කතා කළේත්  මා ඇසුවේත්  නැත . 

"වරෙන් යන්න මගේ කොම්පියුටරේ බලන්න". ඔහු මා කැඳවා ගෙන නිවස තුලට ගියේය .  ඔහු ගෙය විශාල කර තිබුනේ පිටු පස කොටසේ විශාල කුස්සියක් සෑදීමෙනි. ගේ මැදින් ඇතුලට ගොස් පැත්තෙන් දෙවෙනි තට්ටුවට ය හැකිය .  දකුණු පැත්තේ මාස්ටර් බෙඩ් රූම්  එක සහ අනිත් කුඩා කාමරයක්ද අනිත් පැත්තේ කාමර  ද වශයෙන් ඔහු ගෙය වෙනස් කර හදා තිබුණි .  මයිකල් සමග පමණක් එකතුවී ගේ වෙනස් කල නිසා එය නිමාවීමට තරමක කාලයක් වැයවී තිබේ .  පළමු බිරිඳ වෙන්ව ගොස් ඇත්තේ එයට විරෝධය පල කරම්නි . 

 

බ්‍රයන් තාක්ෂනය ගැන හොඳ අවබෝධයකින් සිටියේය .  අලුතින්ම එන ඉන්ටෙල් ප්‍රොසෙසර් එක සහිත පරිගණකය හෝ අලුත්ම වින්ඩෝස් සිස්ටම් එක ඔහු මිලදී ගත්තේය .  පසු කලෙක ඔහු පරණ ඒවා මට දුන්නේ ලංකාවට යැවීමටය . 

බ්‍රයන් ගේ කම්පියුටරයට පිවිසි මට  තේරුනේ ඔහුට වෙනම ඩේටාබේස් (දත්ත ගබඩාවක් ) සහිත ප්‍රෝග්‍රෑම් එකක් කවුදෝ ලියා දී ඇති බවය . එයට යා හැක්කේ කමාන්ඩ් ප්‍රොම්ප්ට් එකෙනි.  (ඒ ගැන නොදන්නා අයට . වින්ඩෝස් ඔපරේටින් සිස්ටම් එක එන්නට කලින් තිබ්බේ ඩොස් disk operating system  කියා එකකි ,  ඒකෙන්  අපට අවශ්‍ය ප්‍රෝග්‍රෑම් එකක් රන් කල හැකි විය .  එසේම ෆයිල් කොපි කලේ , ඩිලීට් කලේ ඒ හරහාය .  වින්ඩෝස් හැදුවත් බිට් 16 සිට 32 දක්වා යන අතරතුරත් මේ ඩොස්  කමාන්ඩ් අපට වශ්‍ය විය .  හැම කම්පියුටරයකම බේස් ෆයිල් ඇක්සෙස් කරන්නට මේ කමාන්ඩ් ප්‍රොම්ප්ට් එක තිබේ .  ලිනක්ස් ආදිය  භාවිතා කරන අය  මෙය කොහොමත් දනී . )

ඉතින් මම කලේ අර ප්‍රෝග්‍රෑම් එක පරණ කම්පියුටරයෙන් රන් කර අවශ්‍ය දත්ත ඩීබේස් ෆොර්මැට් එකට ගැනීමයි .  ඉන්පසු බ්‍රයන්ගේ අලුත් කම්පියුටරයට ඒවා දමා එක්සෙල් වලින් ඇර  බැලීමට කියා දුන්නෙමි .  එසේම එම ප්‍රෝග්‍රෑම් එකද සම්පූර්ණයෙන් කොපි කර අලුත් කම්පියුටරයටද ඇතුළු කලෙමි . 

"මගේ පවුම් දෙසීයක් විතර උඹ ඉතුරු කරා."  බ්‍රයන් කීවේය . මෙහිදී මට තේරුනේ යුරෝපියානු දක්ෂිණාංශික යන්ගේ එක ගතියකි .  ඔවුන් නිකන් කිසිවෙකුට උදව් කරන්නේ නැත .  ඒ සඳහා ගෙවීමක් නොකරන්නේ නම් වෙන උදව්වක් හෝ ඔවුන් අපේක්ෂා කරති. නමුත් සම්බන්ධය හොඳින් පවත්වා ගනිති .   දේශපාලනය නැති යහළුවන් බොහෝ විට උදව්වට උදව්වක් අපේක්ෂා නොකරති .  යුරෝපයේ වෙසෙන වාමාංශික පක්ෂයක කෙනෙකුට  නම් අපි බොහෝවිට කොන්දේසි විරහිතව උදව් කිරීමට බැඳී සිටිය යුතුය .  ඒ ඔවුන් ලෝකය ගලවා ගැනීමට සටන් කරන හෙයිනි .  (මේකනම් ලීවේ විහිළුවටය. අවශ්‍ය නම් උදව් නොකර හිටිය හැකිය .😀 )

"මීට  පස්සේ උඹ මට කම්පියුටර් වැඩ වලට  උදව් කරපන් .  මම උඹට බොයිලර් එක හෝ ගාඩ්න් වැඩ , වැට  ගහන්න ,  ප්ලම්බින් (පයිප්ප ) වැඩ වැලට හෙම උදව් කරන්නම් .  

 එංගලන්තයේ මේවා මිල අධික සර්විස් ය .  පයිප්ප බාස්  ගෙදරකට පය තබන්න පවුම් පනහක් විතර ගනිති .  ඒ නිසා වැඩේ මටත් ලාභය.  

බ්‍රයන් ගේ ෆයිල් කොපි කිරීමේදී මම ලිපි මයික්‍රොසොෆ්ට් වඩ් (ලිපි ලියනය )  එකට දමා දුනිමි .  එහිදී මම අමුතු ආකාරයේ සංකේත හා නම් ලිස්ට් ද  වර්ශිප්ෆුල් බ්‍රදර් (ගෞරවණීය සහෝදරයා)  වැනි වදන් ද දුටිමි.

උඹ සැඟවුණු වාමාංශික පක්ෂයක් සහෝදරයෙක් යැයි  දැයි මම ඇසුවෙමි . 

"මට පිස්සු කියල උඹ හිතුවද , මේ ෆ්‍රී මේසන් වැඩ" බ්‍රයන් පැවසුවේය . 

"මොකද්ද ඒ, අර ඉලුමිනාටි කියන රහස් සංවිධානය නේද?" මා අසා තිබුනේ එපරිදිය . 

"පිස්සුද? අපේ සංවිධානය රහස් එකක් නෙමේ .  නමුත් අපට රහස් තියනව . බ්‍රයන් එසේ කියා ෆ්‍රී මේසන් සංවිධානය ගැන සඟරාවක් මට බැලීමට දුන්නේය.

බ්‍රයන් ගේ මුස්ලිම් විරෝධයට හේතුව මට හදිසියේ පසක් විය .  එක ලිපියක හෙඩිම වූයේ  නයිට්ස් ටෙම්ප්ලර්  එකය .  ඒ කුමක්ද යන්න ඉතිහාස පොත් කියවා මම දැන  සිටියෙමි .  කුරුස යුද්ධයේදී සලවුදින් සුල්තාන් ගේ හමුදාවට ශුද්ධවූ ජෙරුසලම බේරා ගැනීමට  සටන් කල නයිට්වරුන් ගේ ඔර්ඩර් එකක් හෙවත් සාමූහිකයකි .  ඔවුන් පසු කලෙක දැන් ඉස්තාන්බුල් නමින් හඳුන්වන කොන්ස්තන්තිනොපල් නගරය සඳහාද සටන් කලද පසුව තුර්කි ඔටෝමන් හමුදා වලට පරාජය විය.  මට මතක විධිහට අයිවන් හෝ නැමැති , රිචර්ඩ් රජු (රිචඩ් ද ලයන් හාට් )  ගැන සඳහන් පොතේද මේ නයිට්වරුන් ගැන සඳහනක් එයි . 

"උඹ නියම මුස්ලිම් වරු කියන්නේ උඹල එක්ක සටන් කරපු  අන්තවාදී අයටද ? " ටෙම්ප්ලර් සංකේත පෙන්වා විහිළුවට මෙන් මම ඇසුවෙමි . 

"අන්න උඹට තේරුනා." 

මගේ පිටට තට්ටුවක් දමමින් බ්‍රයන් කීවේය .

මම ෆ්‍රී මේසන් වරුන් ගැන තිබූ  පොතත් සමග නිවසට පැමිණියෙමි .  

ඔබ සැමට සුභ අලුත් අවුරුද්දක් සහ සුභ නත්තලක් වේවා.

කොළඹ ගමයා 23/12/2024

ආචාර්ය මහාචාර්ය ප්‍රයිවෙට් බස්සෙක

 

මේ සිදුවීම් මීට  දශක තුනකට පමණ පෙර සිද්ධ වූ ඒවාය .  ලන්ඩන් වලට තම සබැටිකල් එක ගත කිරීමට ලංකාවේ ප්‍රසිද්ධ විශ්ව විද්‍යාලයක ආචාර්ය වරයෙකු පැමිණියේය .  ඔහු තමන් හඳුන්වා දුන්නේ අහවල් ෆැකල්ටියේ  ජ්‍යෙෂ්ඨ  කථිකාචාර්ය තුමෙකු හැටියටය .  තමාට තුමා කියා ගන්නා  පුද්ගලයෙකු මා දුටු ප්‍රථම වතාව එයයි . 

සබැටිකල්  යනු විශ්වවිද්‍යාලයකින් පඩි සහිතව දෙන නිවාඩු කාලයකි.  ඒවා දෙන්නේ තම විෂයට අදාලව පර්යේෂණ කිරීමට හෝ වැඩිදුර ඉගෙනීම සඳහාය. ඔහු ලන්ඩනයට  පැමිණ කල පර්යේෂණයක් නැත .  ඉඳහිට ලන්ඩන් විශ්ව විද්‍යාලයට නම දමා එන්නට ගිය බව දනිමි . මෙසේ පැමිණ රැකියාව කල අය බොහෝ විය .  වරක් බේස් වෝටර් වල පලතුරු කඩයක වැඩ කල ශ්‍රී ලංකා  යුධ හමුදාවේ බ්‍රිගේඩියර් වරයෙකු මට මුලිච්චි වුනි .  ලන්ඩනයේ ඉගෙන ගන්නා  දියණිය බලන්නට පැමිණි ඔහු,  වීසා වැදුණු නිසා ඒ කාලයේ මේ පොඩි රස්සාවක්  කරන බව කීවේය.  ඉන්පසු හමුදාවේ අය හමු නොවුණු නිසා රජය  ඔවුන්ගේ පඩි වැඩි කරන්නට ඇත .  

 මේ අපේ කතානායක  ආචාරි මහාචාරිට  ලන්ඩනයේ අපූරු  යහළුවන් දෙදෙනෙකුද සිටියේය .  එක් අයෙකු පැමිණ සිටියේ 88-90 අවුරුදු වල ලංකාවේ පැවති භීෂණය නිසා නීතිඥවරුන් තිස් හතලිස් දෙනෙකුට එංගලන්තය ලබා දුන් දේශපාලන රැකවරණ වීසා වලින්ය. ඔහු දැන්  ජිවතුන් අතර නැත .  අනිත් යහළුවා  වර්තමාන ප්‍රකට වෙබ් අඩවියකටද ලිපි  ලියන ප්‍රසිද්ධ මාක්ස්වාදී මහාචාර්ය කෙනෙකි .  ඒ දිනවල ඔහුද  මහාචාර්ය කෙනෙකු නොවේ . 

වරෙක එම හොටෙල් පද්ධතියේ ප්‍රධාන හෝටලයේ (රැකියාව කරන හැමටම එහි ආහාර ගත හැකිය )  අර යහළුවන් දෙදෙනා සමග ආහාර ගෙන කතා කරමින් සිටියේය .   එවෙලේ මමද එහි වැඩකළ මිතුරෙකු වූ ජයන්ත හමුවීමට තවත් මිතුරෙකු සමග ගියෙමි .  ඔහු මා නොහඳුනන ලෙස හැසිරුණේය.

පසුව මා  ඔහු රැකියාව කරන හෝටලයට ගිය විට (මා නතර වී සිටියේ එහි කාමරයකය )  ඔහු පැවසුවේ මෙවන් කතාවකි .  

"අජිත්, අප හෙන වැදගත් දේවල් කතා කලේ,  ලෝක දේශපාලනය, ලංකාවේ දේශපාලනය ,  සාහිත්‍ය කෘතීන් ගැන හෙම .  ඔයාලට ඒවා තේරෙන්නේ  නැති නිසා තමා මම ඔයාලාට අපේ  මේසයට කතා කලේ නැත්තේ . " 

"එහෙමත් නැතිනම් අපි එයාගේ පටි රෝල් කියයි කියල හිතන්න ඇති යාලුවෝ දෙන්නා ඉස්සරහ ."  මේ බව ඇසු යහළුවෙකු කීවේය.    

 කථිකාචාර්ය තැන  පසු දිනෙක තමා ජනාධිපති ප්‍රේමදාසගේ විදේශ කටයුතු පිළිබඳ උපදේශකවරයෙකු බව මට පැවසීය. මට ඒ වෙලේ සිතුනේ  අර දෙදෙනාට   මොහු වැනි කෙනෙකු සමග ඇති සම්බන්ධය කුමක්ද යන්නය. එසේම මෙවැන්නෙකුගෙන් විදේශ සම්බන්ධතා ගැනීම නිසා  ප්‍රේමදාස මහතාගේ රජයට තවත් කෙළ වී යා හැකි බවය .  

ඔහු මුදල් වියදම් කලේ ඉතා අර පරිස්සමිනි .  යහළුවෙකු කීවේ "මචන් අසූචි  ගොඩක පවුමක් තිබුනොත් ඔහු දිවෙන් එය ගනීවි" යනුවෙනි .   මම පිටින් මිලදී ගෙන විවිධ කෑම කන බව දැක ඒවා වියදම් අධික බව කීය . ඔහු මට සැමන්  ටින් එකක් රැගෙන ආවොත් බත් උයා දිය හැකි බව කීවේය .  හාල් කිලෝ පහක් පවුම් දෙක තුනක් විය.  සැමන් ටින් කීවේ පිල්චාර්ඩ් වැනි ලොකු මාළු දැමූ ටින් වලටය. ඒවා ඒ කාලයේ පැන්ස ගණනකි .   ඔහු මට ළුණු කපා කෑලි මිරිස් දමා  ඒවා උයන හැටි කියා දුන්නේය .  ඇත්තටම ඒ කෑම රසය .   ඔහු මගේ යහළුවන්ට කියා තිබුනේ " මම අජිත්ව නියමට ඇන්දුවා . මිනිහ සැමන් ටින් හෙම අරන් එනවා .  මම උයලා දීල මමත් දවස් දෙක තුනක් තියාගෙන කනවා. මගේ සල්ලි ඉතුරුයි . " යනුවෙනි . අපි බඩ අල්ලාගෙන සිනා සුනෙමු .  යාළුවන් කීවේ "උඹ  නොදන්නා විධිහට ඇට් කරපන් අපිත් එන්නම් කන්න " යනුවෙනි .  

 

මා ආචාර්ය  උපාධියට  (ඒ දිනවල )  හෝ ලන්ඩනයේ උපාධියක්  කිරීමට මුදල් එකතු කරන බව දැනගත් පසු ඔහු තවත් යෝජනාවක් කළේය .  ඔහුට මට ශ්‍රී ලංකාවේ ආචාර්ය උපාධියක් ලබා ගත හැකි බව පැවසීය. එය ඉතාම ලෙහෙසියෙන් කළ හැකි බවද කීවේය. කුමන ආචාර්ය උපාධියක්ද ,  ලන්ඩනයේ  සිට ඉගෙන ගත හැක්කේ කෙසේද ?  තැපැල් මගින් කරන උපාධියක්ද ?  සුපර්වයිසර් කෙනෙකු මුණ ගැසෙන්නේ කෙසේද වැනි ප්‍රශ්න රාශියක් නැගුවෙමි .  ඔහු  කොක් හඬලා සිනා සුනේය . 

"අපොයි  ඔයා බබෙක්නේ . මම ඔය ගෑණු ළමයෙකු ලව්වා නිබන්ධනයක් ලියවල දෙන්නම් .  ඒවාට අවශ්‍ය  කරන කරුණු අරව, මේවා ළමයින් ගෙන්ම ගන්න පුළුවන් .  ඔයා ගේ ඇටෙන්ඩන්ස් එකත් දාල දෙන්නම් එහෙ ගිය විධිහට .  හැමදාම යන්න ඕනෙත් නැහැනේ .  හැබැයි සාහිත්‍ය , ඉතිහාසය පැත්තෙන් තමයි .  " ඔහු පැහැදිලි කළේය . 

   මට ඇත්තේ විදුලි  ඉංජිනේරු උපාධියක් නිසා එසේ කල නොහැකි බව කීවෙමි .  

"අයියෝ අජිත්  ඒකට කමක් නැහැ. කවුරුත් ඕව හොයන්නේ නැහැ .  ඔයාට ඩොක්ටර් කියල නමට ඉස්සරහින් දාගත්ත හැකි .  කිසි අවුලක් නැහැ .  "

"මම නම් කැමැති  මොනව හරි ඉගෙන ගෙන රිසර්ච් එකක් කරලා ගන්න .  නැතිව වැඩක් නැහැ .  මම කරන්න යන එකත් ඒ වගේ දෙයක්. " මම ඔහුට කීමි. 

" අරහෙම නිකන් පීඑච්ඩි ගන්න අයත් ඉන්නවද ?  " යයි මා ඇසූ ප්‍රශ්නයට ඔහුගේ පිළිතුර වූයේ 

"අපෝ ඕන තරම් . " යන්නය . 

ඒ දිනවල අපි රුසියාවේ සිටි පෙම්වතියන් ගැන කතා බහ කිරීමත්සා  කළෙමු .  මේවා දැන් හංගන්නට දේවල් නොවන නිසා ලියමි .  මා ළඟ මෙන්ම තවත් අය ළඟ පින්තුර  ආදියද තිබුණු අතර රුසියානු හෝ උකරයින  පෙම්වතියන් සිටි කිහිප දෙනෙක්ද සිටියහ .  මේවා ආචාරි තුමාත් දුටු අතර ඔහු ට  කිසියම්  ලිංගික මාත්සර්යයක් ඇතිවූ බව අපට පෙනුනි .  ඔහු,

"අපටත් ඔය වගේ කේස් ඕන තරම් තියනවා .  මේ දැනුත් එහෙමයි  "  යනුවෙන් වගඩාඩම්බරයක් ද  තෙපළේය.  අපිද  ඔහු උනන්දු  කළෙමු .  මා සිටියේ විසි ගණන් වල අග භාගයේය .  අනිත් යහළුවකු දෙදෙනෙකු ඊට වඩා ලාබාලය. අපි සිනා සෙමින් ඔහුගේ කතා අ සිටියෙමු .  නමුත් ඔහු විස්තර කල දේ ඉමහත් ජුගුප්සාජනක විය . 

ඔහු කීවේ විශ්ව විද්‍යාලයේ ගැහැණු ළමුන්ට ලකුණු දෙන ආකාරයක් ගැනය .  ඒ සඳහා භාවිතා කල වදන්ද අප ලංකාවේ කොලු කාලයේ භාවිතා කළ ඒවාය .  තද පාෂාණ වර්ග වලට කියන නමක් මතක් කොට ඒවා හොඳ නම් පුරුෂ අවයවය ඇතිල්ලීම අඩුම ලකුණු දෙන ක්‍රමයකි .  ඉන්පසු හස්තෝපක්‍රම භාවිතය සඳහා ලකුණු වැඩියෙන් ලැබේ .  ඔහුට සැළකීම වේගවත් කීරීම හා අයිස් ක්‍රීම් කෑම වැනි දෙයින්  ලකුණු වැඩි වැඩියෙන් ලැබීමට හේතු වේ .  ඇතුළු දොර හැර ගැනීම ඔහුගේ විජයග්‍රහණයක් වන අතර ඒවා කිහිපයක් ද ඔහුගේ මල්ලේ වෙයි . 

මේ මා ලීවෙ හැකි තරම් සංයමයෙන්ය. ඔහු අමු කුණුහරුප භාවිතා කළේය .  අප ඒ වෙලේ සිනා සුනද   පසුව වෙනම කතා කිරීමේදී ඔහු කී දෑ අපරාධ වශයෙන් හැඟෙන්නට විය .  ඉන්පසු අපි අපිම ඔහුට සමාව දීමට තීරණය කලේ වැරැද්ද අපට පටවා ගෙනය . ඔහු  කීවේ බොරු යයි අපි තීරණය කළෙමු .    අපි රුසියාවේදී ගත් පින්තූර නිසා  උද්දාමයට පත්ව අප හා සම වීමට මුසා බස් කී  බව අපේ නිගමනය විය . 

නමුත් ඔහු සැබවින්ම ඒ දේ  කළා නම්,  ලන්ඩනයේ ටෙලිපෝන් බූත් වල එස්කෝට් කෙල්ලකුට මුදල් ගෙවා ආශාවන් පිනවා ගැනීම ඊට වඩා නම්බුකාර යයි සිතුවෙමි .  පවක් වුවත් නම්බුකාර පවකි .  

ඔහුගේ බිරිඳ පැමිණෙන බැවින් හෝටලයට ඒ සුමාන  දෙකේම අපට පැමිණීම  ඔහු තහනම් කළේය .  එයට හේතුව වශයෙන් ඔහු කීවේ මෙවැන්නකි . "මගේ ගෑනි තැඹිලි ගෙඩියක් වගේ ලස්සනයි .  උඹල තරුණ කොල්ලෝ ෂුවර් නැහැ "  යනුවෙනි .  මට දැන් සිතෙන්නේ මේ පුද්ගලයාට කොපමණ ලිංගික ඉරිසියාවක් තිබෙන්නට ඇත්ද කියාය . 

ඔහුට ප්‍රයිවෙට් බස් කිහිපයක් තිබුණි .  එකල තිබූ රජයට සහය දැක්වීමක් වශයෙන් රූට් පර්මිට් ලැබුණු බව ඔහු පැවසිය .  

"මම සමහර වෙලාවට බස් එකක් මම එලවාගෙන යනවා .  පොලිස් කාරයෝ නතර කරහම මම ඕකුන්ට කුණු හරපෙන් බනින්නේ .  කට ගහගෙන ආවොත් මම  සුචරිතේට කෝල්  එකක් දෙනවා කීවම නැට්ට *කේ ගහගෙන යනව. මට ඕකුන්ව පෙන්නන්න බැහැ . "  ජනධිපති  තුමා මේවා දැන සිටියා යයි කිව නොහැකිය . ඔහුගේ මේ කතා වලට අප අතර වැඩි ප්‍රසාදයක් තිබුනේ නැත .  පොලිසිය සමග සම්බන්ධකම් ඇති අයද සිටි නිසාය .  ඉන්පසු ඔහු එනවිට 'ආචාර්ය ප්‍රයිවෙට් බස්සෙක' එනවා යනුවෙන් කාඩ් එකක්ද වැදුනි . 

  

ඔහුගේ  වසර අවසානයේ ලංකාවට ගියේය .  මම ඉන්පසු ඔහුගේ ගේ ලිපි දිවයිනේ ප්‍රධාන පුවත් පත් වල දුටුවෙමි .  එසේම රාජපක්ෂ සමයේදී ඔහු ඒ ආණ්ඩුවට හේත්තු වී තිබුණි .  පත්තර ලිපි වල මහාචාර්ය ලෙස හැඳින්වුණු නිසා නිසා එම පදවියද ලැබෙන්නට ඇත .  ඔහුගේ ලිපි වල එතරම් ගත යුත්තක් නොතිබුණද මැද පිටු පුරා  පළවීමෙන් පෙනී ගියේ ඔහු කතුවරුන් ඇසුරු කරන බවය . 

දැනට අවුරුදු කිහිපයකට පෙර බිබීසී පුවත් සේවයේ සේවය කල ජේෂ්ඨ මාධ්‍යවේදියෙකු මා ඇමතුවේය . 

"අජිත් අර ඔයා දවසක් කිව්ව මහාචාරියා මතකද ?  නඩුවක් ගියොත් සාක්කි   දෙන්න පුලුවන්ද "  කියා විමසීය. මම විස්තර වීමසුවෙමි .  අර  ආචාරි මහාචාරියා  කාන්තාවකට උසස්වීමකට හා පිටරට ශිෂ්‍යත්වයකට යාමට අවහිර කරන බවත්  දොළ (ස්ත්‍රී මාංශ )  පිදේනියක්  ඉල්වන බවත් ඔහු පැවසිය .  ඇය ඔහුගේ ශිෂ්‍යාවක් ලෙස සිටි නිසා ඔහුගේ රෙකමදාරුව අත්‍යවශ්‍ය එකකි .  ඇය නඩු යාමට සූදානම්ව සිටියාය . 

හිටි හැටියේම ඔහු ඒ කාලයේ කිවූ දේ සියල්ල  ඇත්ත බව අපට වැටහුණි .  මම සාක්ෂි දෙන්නට කැමති වීමි .  ඒ කතා ඇසූ තවත් යහළුවෙකුගෙන් සාක්ෂි සඳහා විමසන බවටද මාධ්‍ය සගයාට  පොරොන්දු  වුනෙමි .  නමුත් මාධ්‍යවේදී සගයා සති කිහිපයකට පසු කතා කර කීවේ , එය අනවශ්‍ය බවත් ඔවුන් කිසියම් සමාදානයකට එළඹුන බවත්ය . 

මේ තැනැත්තා නැවතත් ලන්ඩනයට පැමිණි විටෙක මා සොයා තිබුණි .  යහළුවෙකු මගෙන් ඇසූ විට මා  කීවේ මා ඔහු හමුවීමට අකමැති බවය .  යහළුවා  ඔහුට පවසා තිබුනේ මට හදිසි වැඩ වගයක් නිසා හමුවීමට නොහැකි බවය . 

ඔබ මෙය කියවන්නේ නම් ඔබ වැනි අයෙකු මට හමුවීම ගැන ,මා  ලජ්ජා වෙන අතරම හමු නොවුයේ නම් හොඳ  යයි සිතන බව කරුණාකර දැන  ගන්න . 

 

මේ අපයෝජන  ගැන කියා  මම කොහේදෝ බ්ලොගයක ප්‍රතිචාරයක් දැමූ අතර රසික සූරියආරච්චි මහතා ලියා  තිබුනේ එවැනි දේ සිදු නොවිය හැකි බවත් ,  සිදුවේ නම් ඔවුන් දැන ගන්නා බවත්ය .  ඒ බොහෝ පසු කාලයකය. මෙවැනි දේ සිදු වේ නම්  ගැන අන්තර් විශ්ව   විද්‍යාල ශිෂ්‍ය සංගමය යමක් කරන්නේ දැයි ඇසූ පැනයකට ඒවා රන් කරන  පක්ෂයක සහෝදරයෙකු පැවසුවේ ඔවුන් ක්‍රියා කරන්නේ ශිෂ්‍ය සුභ සාධනය ,  නිදහස් අධ්‍යාපනය බේරා  ගැනීම,  ජනතාවට මාර්ගය කියා දීම ආදියට  බවය .  ඔහුට අනුව පෞද්ගලික ප්‍රශ්න පාලනාධිකාරිය සමග බේරා ගත යුතුය.  මේ කතාව ඇසූ යුඇන්පී යහළුවෙකු කීවේ අන්තරේ එම ගුරුන් සමග සම්බන්ධ නිසා ඒවාට  එරෙහිව කතා නොකරන බවය . 

දැනට වසර දෙක තුනකට පමණ හදිසි අනතුරකින් මියගිය මගේ රැඩිකල් මිතුරියක සිටියේය ,  ඇයට  මේ කතාව වරක් කීවේ  විශ්ව විද්‍යාල ගැන කතාවකදීය .  "අනේ අජිත් ,  මම දන්නා ගැහැණු ළමයෙක් හිටියා .  ටිකක් දුප්පත් .  තාත්තා  හදිසියේ නැති වුනා මම හිතන්නේ .  ලෙච්චර්  කෙනෙක් හිටිය ටිකක් සැරයි . මෙයා ගාමන්ට් එකකත් පොඩි රස්සාවක් කළා මම හිතන්නේ ,  දේශන වලට එනවත් හොරයි .  අර ලෙච්ච්ර  ගේ විභාගෙන් ගැලවෙන්න බෑ . ගෑනි කොහොම හරි අරයව දැලේ දාගෙන  ගොඩ ගියා .  දැන් බැඳලා ද කොහෙද ,  රස්සාවකුත් කරනවා හොඳ .  ඕවා කතා කරල වැඩක් නෑ . දෙපැත්තම සමහර විට ". ඒ ඇගේ  අදහස විය .  මා මෙය ලිවිම නිවැරදි දැයි නොදනිමි . 

රන්වල තමන්ට නැති උපාධියක් තිබුනා කියා පෙන්වීම වැරදිය .  ඉන්ජිනේරුවෙකුට එංගලන්තයේ නම් උපාධියක් අවශ්‍ය නැත .  ඉංජිනේරු වෘත්තියක නිරත වීම පමණක් සෑහේ.   නැති උපාධි පෙන්වීම වැරදි අතර හොරට ලියා ගැනීමද වැරදිය. අර ආචාරියා කී දේ නිවැරදි නම් හොරට ආචාර්ය උපාධි කිහිප දෙනෙකු  හෝ සිටිනවා විය යුතුය .  රන්වල ගේ බොරු කීම මෙන්ම විශ්ව විද්‍යාල වල මේ ප්‍රශ්නද ආණ්ඩුව මැදිහත්ව බේරා දිය යුතු බව මගේ අදහසයි . 

ප්‍රමිතිකරණය පැමිණි කාලයේ යාපනයේ මෙන්ම කොළඹද ඉතා ඉහලින් ලකුණු ලබා ගත්  අයට  විශ්ව විද්‍යාල වරම් අහිමි විය .  ඒ වෙනුවට ලකුණු 180, 190 ට වෛද්‍ය, ඉංජිනේරු කිරීමට විශ්ව විද්‍යාල වලට පැමිණි අය  සිටියහ. ඉන් සමහරු කොළඹ ,  ගම්පහ ගාල්ල වැනි ප්‍රදේශ වලට ටියුෂන් පැමිණි අයයයි .  . නැත්නම් ගෙවල් තිබූ  නිසා උසස් පෙළ පමණක් ඒ පැති  වල ලියූ  යයි .  ඉන්පසු ඒ අය  ආචාර්ය මහාචාර්ය පවා වෙද්දී වඩා උසස්  ලකුණු තිබුණු අයට සිදු වූයේ  කාර්මික විද්‍යාල වලට යාමටය .  නැතහොත් පිටරට යාමටය .  අනුන් ගේ කිල්ලෝට වල හුණු  ගැන ප්‍රශ්න කිරීමට මොවුන්ට ඇති සදාචාරාත්මක අයිතිය කුමක්ද ? 

හැදෙන්නට තව බොහෝ දේ තිබේ .  

කොළඹ ගමයා 15/12/2024  

ලෙනින් පරිත්‍යාග කළ කුරානය

මගේ අදේවවාදීකම ගැන හෝ නිරාගමිකත්වය  ගැන බොහෝවිට මා සඳහන් නොකරන මුත්  මෑතකදී මාලන් රොෂාන් විසින් නිරාගමිකත්වය ගැන ලියූ  වියමනට  ප්‍රතිචාරයක් දැමීමට මට අවශ්‍ය වුනි .   ඔහු බ්ලොග් ලියන්නෙකු නොවන නිසා එම ලිපියට යොමුවක්  දැමීමට නොහැකිය. අදේවවාදිත්වය කොවූර්  ගේ පොත් හා වාමාංශික දේශපාලන බලපෑමෙන් ඇති වුවද නිරාගමිකත්වයට  බලපෑවේ පුහුල්වැල්ලේ විමලවංශ නම් යතිවරයාන කෙනෙකි .  උන්වහන්සේ ගැන ලිපියක් බොහෝ කලකට පෙර ලියා ඇත ,  මාලන් සඳහන් කරන ලෙසටම නොවුවද ඇලීම අතහැරීම  නිරාගමිකත්වය ලෙසට වටහා ගතිමි .  

රිචර්ඩ් ඩෝකින්ස් ගේ පොත් කියවීමෙන්ද පසු, පසු කාලයක මම ලන්ඩනයේ අදේවවාදීන් ගේ  සංගමයකට බැඳුනෙමි. ඒ ඔවුන් බොහෝ වටිනා  සංවාද පැවැත්වීම මෙන්ම වැදගත් කථිකයන් ගෙන්වා දේශන පැවැත්වීම ආදිය  ද නිසාය .  මෙහි සාමාන්‍ය ඉංග්‍රීසි වැනි සුදු ජාතිකයන් හැරුණු කොට යුරෝපීයයන් මෙන්ම මා වැනි ආසියානු සම්භවය ඇති අයද  අප්‍රිකානු සම්භවය ඇති අයද  සිටියහ .  හින්දු ,  මුස්ලිම්, කතෝලික  වැනි ආගම්  වලට අයත්ව සිට එම භක්තිකයන්ගෙන් , පවුලෙන් , සමාජයෙන් පීඩා  විඳි අය  ඉහත කී   ආගම් නිර්දය ලෙස විවේචනය කල බව පෙනුනි .  එසේම මෙහි අයගේ මුස්ලිම් විරෝධය සමානුපාතික ලෙස ඉහල අගයක තිබුණි .  

සමහරු කෙතරම් අන්තවාදී වීද  යත් මම ආයුර්වේදයේ සමහර බෙහෙත් ගැන කියද්දී හෝ , කහ දියර වල විෂබීජ නාශක ගුණයක් ගැන කියද්දී වුව ඒවාටද විරෝධය පෑ  අය  සිටියහ ,  කොටින්ම විවෘත මනසකින් ප්‍රශ්නයක් දෙස බලන්නට ඔවුන්ට නුපුරුදු බව මට පෙනුනි . 

එසේම මේ අය  ගෙන් සමහරු හයිඩ් පාක් ගොස්  කථිකයන්ගේ කොනේ මුස්ලිම් දේශකයන් සමග පැය  ගණන් වාද  කළහ .  මුස්ලිම් දේශකයන් හා ක්‍රිස්තියානි දේශයකයන් ද එලෙසින්ම අන්තවාදී විය .  වරෙක හිසේ සිට සිරුර වසා නිකාබ  පැළඳි  කාන්තාවන් කිහිප දෙනෙකු එක්තරා තැනකදී සුදු ගැහැණුන්ට  දරුණු අන්දමින් පරිභව කරමින් කතා කළහ .  මා සමග සිටි ආසියානු කාන්තාවක් ඔවුන් සමග පැටලුනු විට ඔවුන් ඇයටද  ගණිකාවක් කියා පරිභව කළහ. මද කලකට පසු මම සංගමයෙන් ඉවත්  වුනේ අනවශ්‍ය ආතතියක් ජිවිතයට ලැබෙන හෙයිනි .  සංවිධානයද වැඩිකල් පැවතුනේ නැත . 

සෝවියට් දේශයේ අදේවවාදය වැඩියෙන්ම ප්‍රචලිත වූයේ  ස්ටාලින් ගේ කාලයේය .  ඔහු බොහෝ පල්ලි සමතලා කළේය .  නැතහොත් ඒවායේ කෞතුකාගාර පිහිටුවේය .  සෙන්ට් පිටර්ස්බර්ග් නගරයේ ශාන්ත ඉසාක් පල්ලිය කෞතුකාගාරයක් කර කොපර්නිකස් ගේ පෘථිවියේ භ්‍රමණය පිලිබඳ නියමය ඔප්පු කිරීමට බුබ්බුලාකාර වහලේ ෆුකෝ ගේ පෙන්ඩුලම සැදුවේය .   මොස්කව් වල ප්‍රසිද්ධ (ක්‍රිස්තු ගැලවුම් කරු ගේ පල්ලිය )   පල්ලියක් කඩා මහජන නාන  තටාකයක් කළේය .  රුසියානු රජය අවසර දීමෙන් පසු එය නැවත පල්ලියට භාර දෙන  ලදින් දැන්  පෞරාණික දේවස්ථානය ලෙසටම ගොඩ නගා ඇත .  රුසියාවට 2016 දී  ගිය අවස්ථාවේ එහි පින්තුරයක් ගතිමි .  දකුණු පස් ඇත්තේ පරණ නාන  තටකයයි .  

පසුගිය සැප්තැම්බරයේ කල උස්බෙකිස්ථාන සංචාරයේදී ලෝකයේ පැරණිතම කුරානය  නැරඹීමට ගියෙමු .  ඕනෑම ආගමක කෙනෙකුට එය නැරඹිය හැකි වුවත් පින්තූර  ගැනීම තහනම්ය .  ඉහත ඇති මුල් පින්තුරය එම කුරානයේම ආකාරයෙන් නිමවන ලද ආකෘතියකි. එහි පින්තූර ගැනීමට  තහනමක් නැත .    

කුෆික් හෙවත් ඔත්මන් ශුද්ධ වූ කුරානය නමින් හඳුන්වන එම ග්‍රන්ථය ක්‍රි ව 755-855 අතර කාලයේ මුව හම්  පිරිවද්දා ඒවායේ  ලියන ලද්දකි .  දැනට ඉතිරිව ඇත්තේ පිටු 250 පමණ ප්‍රමාණයකි .  ඔත්මන් මෙය කරවා ඇත්තේ වසර 651 දී යයි කියති .  ඔහු ඝාතනය කිරීම නිසා ෂියා  - සුන්නි භේදය ඇතිවී තිබේ .  ඔහුගෙන් පසු මේ ඓතිහාසික කුරානය ටමර්ලෙන් නමැති  තුර්කි මොන්ගොල් අධිරාජයා සතුව සමර්කන්ඩ් නගරයේ තිබී ඇත. 1816 දී රුසියානුන් එම ප්‍රදේශ යටත් කරගත් පසු රුසියානු අධිරාජයාට යවන ලදුව පිටර්ස්බර්ග් නගරයේ අධිරාජයාගේ පුස්තකාලයේ තැන්පත් කර තිබී ඇත . 

අන්තර්ජාලයේ තිබී පින්තුරයක් සොයා ගතිමි . 

බොල්ෂෙවික්  වරු බලය අල්ලාගත් පසු ව්ලදිමීර් ඉලිච් ලෙනින් එය ටශ්කෙන්ට් වල මුස්ලිම් වරුන්ට භාර දී තිබේ .  අපේ සංචාරක මාර්ගෝපදේශක තැන පැවසූ පරිදි අදත් උස්බෙක්වරු ලෙනින්ට ඒ පිළිබඳව ඉමහත් සේ ගරු කරති .  අපට ඉගැන්වූ ස්ටාලින් ගේ සමාජවාදී ඉතිහාසය  තුල මෙවැනි කාරණා සඳහන් කෙරුනේ නැත .  මෙයින් පහැදිලි වන්නේ ලෙනින් ගේ ළඳරු සෝවියට් රාජ්‍යය අනවශ්‍ය ලෙස බලෙන් මිනිස්සුන් අදේවවාදී කිරීමට තැත්  නොකළ බවයි .  එම දරුණු පහර දීම්  හා ආගමික සිද්ධස්ථාන විනාශ කිරීම් ඇරඹුණේ ස්ටාලින් - මාවෝ - පොල්පොට් සමයන් හිදී ඒ ඒ රටවලය .  

උස්බෙකිස්ථානයේදී මම නිකාබ හෝ බුර්කා පැළඳි කාන්තාවන් නුදුටුවෙමි .  හිජාබය හෝ චඩොර පැළඳි කාන්තාවන් නම් සිටියහ .  මෙය මට කුතුහලය  දනවන්නක් වූයේ ශ්‍රී ලංකාවේද දැන් නිකාබ ඇඳි කාන්තාවන් දක්නට ලැබෙන හෙයිනි .  දැඩි ආගමික රටක් වන උස්බෙකිස්තානයේ සොරකම් සිදුවන්නේ කළාතුරකින් යයි අසා ඇත .  එය අපේ සංචාරක මාර්ගෝපදේශකයන් සහ රියදුරු මහතාද සනාථ කළහ .  මත්පැන් හෝටල තුල විකිණීම තහනම්ය .  ඒවා පිටතින් වැඩි ගණනට ගෙන අ හැක .  ටෂ්කන්ට්හි  කුඩා ළමුන් පවා නිදහසේ සෙල්ලම් කරනු හෝ පාරේ  ගමන් කරනු දුටුවෙමි. හරියට ආදි කාලයේ ශ්‍රී ලංකාවේ මෙනි .  සමර්කන්ඩ් හිදී අපගේ තජික් ජාතික  සංචාරක   මාර්ගෝපදෙශිකාව ගෙන් ඒ ගැන විමසීමි .  පින්තූරයේ ඈතින් ලෝගුවක් පැළඳ සිටින්නේ  ඇයයි . 

                                        

ඇය කීවේ  , ආගම නිවැරදිව අදහන්නට වස්ත්‍ර බල නොපාන බවත් ඇය යාඥා කරන අතර කිසිදු මත්පැන් පානයක්  නොකරන බවත්ය .  මම ඉන්පසු ඇඳුම් වල නිදහස ගැන විමසා, බ්‍රිතාන්‍යයේ ලිබරල් සහ වාමාංශික සගයන් කාන්තාවන්ට නිකාබ ආදිය ඇඳීමේ අයිතිය පිළිගන්නා  බව කීවෙමි .  එයට ඇගේ ප්‍රශ්නය  වූයේ එසේ කියන අයගේ බිරින්දන් හා දියණියන් එසේ එම ඇඳුම් අඳින්නේද යන්නය .  එසේ නොවන බවත් කාන්තාවන්ට ඇති එම අයිතිය ඔවුන්  පිලි ගන්නා බව පමණක් බවත් මම කීවෙමි.  

එහිදී ඇය නැවතත් ඇසුවේ ' ඔබ කොහොද  දන්නේ ඒ අය කැමැත්තෙන් අඳිනවා ද , බල කරලද කියල." මම එය නොදන්නා බව කීවෙමි .  නමුත් මා ලන්ඩනයේ උගත් ක්වීන්ස් මේරි විශ්ව විද්‍යාලයේ සිසුවියන් සමහරක් ස්ව කැමැත්තන් අඳින බවත්ය .  

එයාට ඇය කිවේ "උස්බෙකිස්තානයේ  විශ්ව විද්‍යාල වල  තරුණ සිසුවියන් කණ්ඩායම් කිහිපයක් අඳින්න ගත්ත.  ප්‍රශ්නේ වුනේ ඔවුන් අනිත් අයටත් අඳින්න බල කරපු එක සහ අපි කලේ නැත්නම් අපට නිග්‍රහ කරපු එක .  ප්‍රශ්න ඇති වෙන්න ගත්ත නිසා බලධාරීන් ඒවා පැළඳීම අයින්  කළා .  අපේ සුපුරුදු හිජාබය (හිස වසා පළඳින සැහැල්ලු වස්ත්‍රය ) හොඳයි අපට."   මට ලන්ඩනයේ වූ විවාද මතක් වූයෙන් ඇය කියන දේ අත්දැකීමෙන්ම දන්නා බව පැවසීමි .  මගේ දියණියන් ද පල්ලි නැරඹීමට යනවිට හිජාබ  පැළඳුහ.

උස්බෙකිස්තානයේ  හින්දු සහ බෞද්ධ ආගමික  ඉතිහාසයක් තිබී ඇති මුත් ඒවායේ කිසිම සලකුණක් නටබුන් ප්‍රමාණයක් ඉතිරිව නැත .  රජය විසින් අපහසුවෙන්  සොයා ගන්නා ලද චිත්‍ර දෙකක් බුකාරා හි කෞතුකාගාරයක දුටුවෙමි .  ඒවායේ මුහුණු කටුගා ඇත්තේ එය ආගමට විරුද්ධ නිසාය . පින්තුර වල ඇත්තේ ඒවාය.

කෙසේ වෙතත් උස්බෙකිස්ථානයේ පවතින ආගමික  සංහිදියාව අගය කරමි . 

අජිත් ධර්ම 29/12/2024

The Oldest Quran in the World

 පුහුල්වැල්ලේ හාමුදුරුවන් ගැන ලිපිය . 

මාලන් ගේ ලිපිය 

St Isaac's cathedral St Petersburg Foucault pendulum

What's the difference between a hijab, niqab and burka?

Foucault_pendulum 

  

අහවල් ස්වයංනිර්ණනේ සහ උස්බෙක් විසඳුම

ටශ්කෙන්ට් හි තිමුර් ප්‍රතිමාව 

දෙමසකට ඉහතදී අප උස්බෙකිස්තානයේ සංචාරයක යෙදුනෙමු .  එම සංචාරය පිළිබඳ  ව ලිවීමට බොහෝ දේ ඇතත් මෙය වර්තමාන ශ්‍රී ලාංකික   දේශපාලන සන්දර්භයේදී වැදගත් යයි සිතමි .  මම ,  අපේ සංචාරක මාර්ගෝපදේශක ලෙස සිටි උස්බෙක් ජාතිකයා සහ වෑන්  රථයේ රියැදුරු  වන කොරියන් ජාතිකයා සමග කෝපි  එකක් බොමින්  සංවාදයේ යෙදුනෙමු .  උස්බෙක් ජාතිකයා කී  දෙයක් මගේ අවධානයට යොමු වුනි . "අපට හරියටම ස්වයන් නිර්ණන  අයිතිය ලැබුනේ 1991 දී .  සෝවියට් සංගමයෙන් වෙන් වුනාට පස්සේ.  අපේ නිදහස් දිනය 1991 සැප්තැම්බර් එක ට යෙදෙන්නේ ඒ නිසා. " සෝවියට් සංගමය බිඳ වැටුනේ එදාය .  උස්බෙකිස්ථානයයේ නිදහස් දිනයද එදාය .  

මෙහිදී රුසියන් නමක් ඇති කොරියන් රියදුරු කීවේ "මෙයාලට  නිදහස ලැබුන .  එතකොට අපිට මොකද වුනේ?  අපි කැමති සෝවියට් දේශයේ ඉන්න. හැමෝම එක තත්වයේ එතකොට. අපි දැන් අතරමං ". කොරියානුවා ඉපදුනේ ටශ්කෙන්ට් වල සෝවියට් උස්බෙක් සමුහාණ්ඩුව තුලය .  ඔහුගේ සීයා ස්ටාලින් විසින් ඒ පැත්තේ පදිංචි කරණ ලද සුළු ජාතීන්ගෙන් පැවත එයි. ඔහුගේ කැමැත්ත පරණ සෝවියට් දේශයටය . කොරියන් වරු ගෙන්නුවේ මේ පළාත්වල වැසියන්ට සහල් නිෂ්පාදනය (කුඹුරු කිරීම )  කියා දීමටය. 

සෝවියට් දේශයේ උපන් කොරියානු රියදුරු මහතා 

ටිමුර්ලේන් යනු ටටාර් මොන්ගොලියන් යුධ සෙනෙවියකි .  ඔහු ඉපදුනේ වත්මන් උස්බෙකිස්තානයේ ට්‍රාන්සොකිසියනා නම් පෙදෙසේ 1320 ගණන් වලය .  ඔහු ඇෆ්ඝනිස්ථානයේ සිට දකුණු රුසියාව, කොකේසස් පෙදෙස් ,  මධ්‍යම ආසියාව, ඊජිප්තුව , සිරියාව හා ඉන්දියාවේ කොටසක් ද සමග මහා අධිරාජ්‍යයක් ගොඩ නැගුවේය.  ඔහුගේ ප්‍රතිමාව ටශ්කෙන්ට් වල තිබේ (ඉහටැහැ රූපය). පසු කලෙක අති බලවත්  ඔටෝමන් තුර්කි අධිරාජ්‍යය බිහිවූයේ ඔහුගෙනි.එක්දාස්  හත්සිය සහ අටසිය ගණන් වල ,  රුසියානු අධිරාජයා වන පළමුවන පීටර් මෙන්ම මහා කැතරින් අධිරාජනිය ද ඔටෝමන් වරු සමග සටන් කර මේ  මධ්‍යම ආසියානු ප්‍රදේශ යටත් කර ගත්හ. 1771දී  ක්‍රිමියාව මහා කැතරින් අධිරාජනිය විසින් අල්ල ගන්නා ලදී. 

සෝවියට් දේශය පිහිටුවීමේදී මේ අති විශාල තුර්ක්මෙන්වරුන්ගේ ප්‍රදේශය අනාගත තර්ජනයක් බව ලෙනින් සහ ට්‍රොට්ස්කි වටහා ගත්හ .  ඒ වන විටත් සෝවියට් රතු හමුදා ඒ පෙදෙස් වල සටන් කරමින් යටත් කර ගනිමින් තිබුණි. ස්‌ථාන යනු සංස්කෘත වචනයකි .  හින්දුස්ථාන් යනු හින්දුන්ගේ දේශය හෝ පෙදෙසයි .  මේ අනුව සෝවියට් කොමියුනිස්ට් පක්ෂය උස්බෙක් වරුන් ගේ පෙදෙස උස්බෙකිස්තාන් ලෙසත් ,  කිර්ගිස් පෙදෙස කිර්ගිස්තාන් ,  ලෙසත් අසේරි වරුන් ගේ පෙදෙස අසර්බයිජාන් ලෙසත් ,  තුර්ක්මෙන් වරුන්ගේ පෙදෙස්  තුර්ක්මෙනිස්තාන් ලෙසත් කසාක් වරුන්ගේ පෙදෙස් කසාක්ස්තාන් ලෙසත්, තජික් වරුන් ගේ පෙදෙස තජිකිස්තාන් ලෙසත්  නම් කර ඔවුන්ගේ භාෂා හා ජිවත්වූ පෙදෙස් මත රටවල් පහක් නිර්මාණය කලහ. කසාක්ස්නයේ අනවශ්‍ය ලෙස භුමි ප්‍රමාණයක් කුඩා  ජන සමුහයකට ලැබුණි .  ඒ සඳහා ඒ ඒ ජනතාවට ස්වයං නිර්ණය අයිතිය හිමි බවද සඳහන් කළහ .  නව ස්වයං නිර්ණය හා තමන්ගේ ම රටක් ලත් ඒ පෙදෙස් වල නොමැඩික් ජනතාව ඉතා උද්දාමයට පත් වූහ. නමුත් ඔවුන් සෝවියට් සංගමය තුල අනිවාර්යයෙන්ම සිටිය යුතුය.  රූබලය ඔවුන්ගේ මුදල් ඒකකය විය.  රුසියානු හෝඩිය ඔවුන්ගේ ද හෝඩිය විය . කොටින්ම ලෙනින් කලේ බලවත් රජයක් ඇති වීම වලක්වා මේ ජනතාව බෙදා වෙන් කිරීමයි. භාෂාව,  ආගම ආදිය පිටුවහල් කරගෙන බෙදා වෙන් කර පාලනය කිරීම අධිරාජ්‍යවාදීන් ගේ ද උපක්‍රමයක් විය. එය ඉන්දියානු උප මහාද්වීපයේ අප හොඳින් දනිමු .     

ෆින්ලන්තයට නිදහස ලැබුනේ ෆින්ලන්ත  රතු හමුදා පරාජය  වීම නිසාය .  පෝලන්තය රඳවා ගැනීමට ළඳරු සෝවියට් රාජ්‍යයට නොහැකි විය .  

  

සෝවියට් දේශය යනුවෙන් අප නිතර සඳහන්  කලද එහි නියම නම සෝවියට් සමාජවාදී සමුහාණ්ඩු සංගමයය.( යුනියන් ඔෆ් සෝවියට් සොෂලිස්ට් රිපබ්ලික්ස්). ස්වයං නිර්ණය ලත් රටවල් පහලවක එකතුවක් වුවද පාලනය මධ්‍යගත එකක් විය. එහි ආර්ථික ක්‍රමය සමාජවාදී එක් වූ අතර පාලනය කලේ ඒ ඒ සමුහාණ්ඩු වල කොමියුනිස්ට් පක්ෂ මගිනි . 

එසේම හංගේරියාව සහ චෙකොස්ලොවැකියාව සෝවියට් ආර්ථික පද්ධතියෙන් මිදීමට ගත් උත්සාහයන් හමුදා මැදිහත්වීම් මගින් පරාජය කරන ලදී. 

අප දැන් යුරෝපා සංගමය විමසා බලමු ,  එය සෝවියට් සංගමයට වෙනස්ව එහි බහු පාක්ෂික ප්‍රජාතන්ත්‍රවාදයක් ඇති රටවල් සිය කැමැත්තෙන් එක්වී පිහිටුවා ගත් එකක් විය. අවසන් වරට  ස්වයන් නිර්ණය ප්‍රකාශයට පත් කල රට වූයේ චෙකොස්ලොවැකියාවය ,.  එය චෙක් සහ ස්ලොවැක් රටවල් දෙක ලෙස බෙදී වෙන් වූයේ භාෂා මත වුවත්  ඒ භාෂා දෙකම ස්ලැවික් මූලයක් සහිත සමාන ඒවාය. චෙක් වරු රෝමානු අධිරාජ්‍යයට  යටත්ව සිටි අතර ස්ලෝවක් වරු හංගේරියානු අධිරාජ්‍යය ට යටත්ව සිටියහ .  මේ රටවල් යුරෝපා සංගමයේ සිටින බැවින් දේශ සීමා නැත .  භාවිතය යුරෝ නිසා  ඇත්තේ එකම මුදල් ක්‍රමයකි .  යුරෝපා සංගමය තුල ඇති නිදහස්  ලිබරල්  ආර්ථිකය ඒ රටවල ද  එසේමය. කොටින්ම ස්වයන් නිර්ණය ලබා  ඇත්තේ එක පාලන ක්‍රමයක් තුලය . 

උදාහරණයක් වශයෙන් ස්ලෝවක් වරුන්ට ඉන් ඉවත්වී රුසියානු කොමෙන්වෙල්ත් එකට එකතු වන්නට ඕනෑ යයි සිතන්න .  ඔබ හිතන්නේ ඊට ඉඩක් ලැබේ කියාද? හොඳ හැටි ගුටි කන්නට සිදු වේවි . 

උස්බෙකිස්ථානය සහ අසල  මධ්‍යම ආසියානු රටවල් ලිහිල් ලෙස කොමන්වෙල්ත් ඔෆ් ඉන්ඩිපෙන්ඩන්ට් ස්ටේට් නමැති සංගමයකට  බැඳී සිටිති . 

 යුගෝස්ලාවියාව බිඳී විසිර ගිය අතර එය රටවල් පහක් ලෙස වෙන් වුනද  බොස්නියා හර්සගොවිනා වෙනුවෙන් සර්බියන් වරු ජාතිවාදී යුද්ධයක් දියත් කළහ .  නේටෝව සර්බියාවට බෝම්බ දමා බොස්නියා වේ ස්වයං නිර්ණන අයිතිය තහවුරු කර දුන්හ .  සර්බියානු ජාතිවාදයට එරෙහිව  හා බොස්නියාවට එරෙහි සමුල ඝාතක යුද්දයට විරුද්ධව  එය කල නිසා නිසා බොහෝ රටවල් වලින් එම බලහත්කාරකමට විරුද්ධත්වයක් ඇති නොවීය.  නමුත් කොසෝවා රාජ්‍යය ඇල්බේනියන් බහුතරයට ලබා දීමේදී නේටෝව මේ උපක්‍රමය ම   භාවිතා කළේය.  සර්බියානු රාජ්‍යය වඩාත් දුර්වල විය.  එය දැන් යුරෝපා සංගමයට එක්  වීමට බලාපොරොත්තුවෙන් සිටි . 

කැනඩාවේ ක්විබෙක් ප්‍රාන්තය වෙන්වීමට චන්දයක් පැවත්වූ  අතර එය පරාජය විය ,  වෙනත් රටවල ස්වයං නිර්ණය සඳහා උද්ඝෝෂණ කරන බ්‍රිතාන්‍ය ,  ඇමෙරිකා එක්සත් ජනපදය ආදී රටවල් ක්විබෙක් ප්‍රශ්නයේදී ගත්තේ කැනඩා වේ පැත්තයි . 

ස්පාඤ්ඤයේ බාස්ක්  නම් බෙදුම් වාදීන්ට යුරෝපා සංගමයේ සහය නොලැබේ .  ඔවුන්ගේ සහය කොසෝවා වලට ලැබුණි . 

පලස්තීනය ඉල්ලන්නේ ස්වයං  නිර්ණයක් නොව තමන්ගේ රටේ කොටසක නිදහසේ ජිවත් වීමටය .  ඒ ප්‍රශ්නයේ විසඳුම පේන  තෙක් මානයක නැත . 

මේ පාඩම්  සියල්ල සිතට ගත් රුසියාව ජෝර්ජියාවේ අභහාසියා පෙදෙස ආක්‍රමණය කර බලෙන්  ස්වයන් නිර්ණයක් ලබා දුන්නේය .  ඒ ජෝර්ජියාව යුරෝපා සංගමයට හා නේටෝ වට  එකතු වීම වැළැක්වීමටය .  රුසියාව මේ විධි ක්‍රමයම  මොල්දෝවා වලට එරෙහිව භාවිතා කර ට්‍රාන්ස් ද්නිස්තර් නම් කුඩා රාජ්‍යයක් පිහිටුවිය . 

උක්රයිනය නෙටෝවට එකතු වීම වැළැක්වීමට රුසියාව පටන් ගත් විශේෂ යුධ මෙහෙයුම තවමත් ක්‍රියාත්මක වන අතර දනියෙත්ස්ක් සහ ලුහාන්ස්ක් පෙදෙස් වලට ස්වයං නිර්ණන අයිතිය ලබා දී ඇත්තේ රුසියානු රජයේ ආරක්ෂාවට යටත්වය . 

"දෙමල ඊලම් අරගලයට විසඳුම කුමක්ද? " පොතේ රෝහණ විජේවීර මෙසේ ලියා තිබේ .     

"සමාජවාදී රාජ්‍යයන් තුල ජාතික වෙන්වීමේ ව්‍යාපාරයන් පැන නැගී නැද්ද ?  සෝවියට් උක්රයිනය  සෝවියට් සංගමයෙන් වෙන් කර ගැනීම සඳහා ප්‍රතිගාමී ව්‍යාපාරයන් යළිත් එක්දාස් නමසිය තිස් ගණන්වලදී රාඩා සංගමය නමින් පැන නැගිණි. එය  අධිරාජ්‍යවාදයේ බළල් අන්ඩක් විය. දෙවැනි ලෝක මහා යුද්ධ සමයේදී ‍මේ ව්‍යාපාරයේ ඉතිරි කොටස් ආක්‍රමණකාරී ජර්මන් නාසි හමුදාව සමග සහයෝගයෙන් ක්‍රියා කළහ.  සෝවියට්  සංගමය එක්දාස් නමසිය තිස් ගණන්වලදී ඉතා නිවැරදිව එය මර්ධනය කරනු ලැබීය. එසේ  නොවුණි නම් දෙවැනි ලෝක මහා යුද්ධයේදී ඔවුන් විසින් සෝවියට්  ජනතාවට විශාල හානි කළ හැකිව තිබිණි. යුගෝස්ලාවියාවේ ක්‍රෝෂියානු ජාතික ව්‍යාපාරය ද මර්දනය එලෙසින්ම කරනු ලැබීය." පිටුව 139. 

උක්රයිනයේ පිහිටි චෙර්නෝබලයේ පිපිරිම සෝවියට් සංගමයේ කඩා වැටීම ඉක්මන් කරන ලදී . රුසියාව සහ  ජර්මනිය අතර නව තෙල් නල මාර්ගය 2022 දී පුපුරුව හරින ලදී . 

  

අද සිදුවන්නේ ද මෙයමය.  එක්කෝ රුසියානු  ක්‍රමයට  අනුගත වීම හෝ නිදහස් රටක් වශයෙන් වෙනත් ක්‍රමයකට අනුගත වීමට යුක්රේනයට බල කෙරී ඇත. නිදහස තීරණය වනු ඇත්තේ ඒ අනුවය .  රට බෙදෙනු ඇත   

මේ අනුව වැටහෙන්නේ කුමක්ද ?  ස්වයන් නිර්ණන අයිතිය මොන දේශපාලන ආර්ථික ක්‍රමයකට  වුවත් භාවිතා කරන්නේ තමන්ට අනුමත පරිදි රටවල් බෙදා වෙන් කිරීමට සහ ඒවා දුර්වල කිරීමට බවයි .     

මේ ලිපියේ මුලික අරමුණ දැන් පැහැදිලි වන්නේ නම් හොඳය .  පසුගියදා පැවති  මහා මැතිවරණයේදී මඩකලපු දිස්ත්‍රික්කයේ පමණක්  දෙවන තැනට පත්වුණු ජාතික තලයේ දේශපාලන ව්‍යාපාරයක් වන ජාතික ජන බලවේගය ඉතිරි  දිස්ත්‍රික්ක විසි එකම දිනා තිබේ .  මෙයට යාපනය සහ වන්නි දිස්ත්‍රික්කයද  ඇතුළත්ය. කඳුකරයේ ශ්‍රී ලාංකික දෙමල ජනතාව  තොණ්ඩමන් සාධකය බිඳ දමා තිබේ .  වරක් තොණ්ඩමන්  දිළිඳු වතු කම්කරු ළඳුන්ට  තමන්ගේ කෙස්වලු මහා පාරේ ඇතිරවන්නට සලස්වා  ඔහු ඒවා පාගමින්  උත්සවයකට පැමිණ තිබේ. එවැනි තත්වයක ජීවත්  වු  ජනතාවක් ඒ රදළ බැමි බිඳ දමා තිබේ .   ඔවුන්ගේ අභිලාෂය මලයනාඩුවක් නොව සියලු ජනතාව සමග තමන්ට හිමි අධ්‍යපනික ,  රැකියා හා ජිවත් වීමේ අයිතිය දිනා ගැනීමයි .  

දැන් දැන්ම යුස්ෆුල් ඉඩියට් ලා ඒ ගැන ඝෝෂා කරන්නට පටන් ගෙන තිබේ . යුස්ෆුල් ඉඩියට් හෙවත් අත්‍යවශ්‍ය මෝඩයන් යනු සෝවියට් සහ බටහිර රහස් ඔත්තු සේවා ක්‍රියාත්මක කරන උපක්‍රමයකි .  දැන  හෝ නොදැන දේශපාලන ව්‍යාපාර ,  රටවල් හෝ පුද්ගලයන්  තමන්ගේ අරමුණ සඳහා  සූක්ෂම ලෙස යෙදවීම මෙනයින් හැඟවේ. බොහෝ විට ඒ අය ඒ ගැන දැනුවත් නැත.

  ජාතික තලයේ පක්ෂයකට ජනතාව චන්දය දෙන්නේ ස්වයං නිර්ණයක්  තීරණය කිරීමට නොවේ .  යාපනයේ දක්ෂ ගොවියාට තමන්ගේ අස්වැන්න  විකුණා ගත හැකි විශාලම වෙළඳපල ඇත්තේ දකුණේය .  යාපනේ කම්කරුවාට හෝ මධ්‍යම පන්තියට රැකියා අවස්ථා ඇතිවන්නේ දකුණ සමග සම්බන්ධතා තර කර ගත්  විටය .  මාලිමාවේ ජයග්‍රහණය පසුපස ඇත්තේ  උතුරු නැගෙනහිර ජනයාගේ එම  බලාපොරොත්තුව මිස අනිකක් නොවේ.  

ඒ වෙනුවට රාජ්‍යය දුර්වල කිරීමට ස්වයං නිර්ණ බිල්ලා  ඉදිරිපත් කිරීමට සැරසෙන බලවත් රාජ්‍යයන් සහ ඒවායේ බලල්  අත් ලෙස දැන හෝ නොදැන දේශපාලන ව්‍යාපර ඉදිරිපත් විය හැකිය .   ශ්‍රී  ලංකාවේ නව රජය ඉදිරි ක්‍රියා මාර්ග සැකසිය යුත්තේ ඉතා  පරිස්සම් සහගතවය .  

මේ ගැන කලින් ලියූ  ලිපිය : 

දෙමළ ජාතික සන්ධානය (ටීඑන්ඒ ) විරුද්ධ පක්ෂය නොවිය  යුත්තේ ඇයි 

බණ්ඩාර අයියාගේ සිහිනය

බණ්ඩාර අයියාගේ සිහිනය

*****************************************

මට බණ්ඩාර අයියාව මුලින්ම මතකයට නැගෙන්නේ ඔහු අපට බාල  දක්ෂ ව්‍යාපාරයට එක්වන්නට කළ ආරාධනය නිසාය. ඒ මම හතේ හෝ අටේ පන්තියේ සිටි කාලයේය. ඔහු නාලන්දා විද්‍යාලයේ කැඩෙට්  කණ්ඩායමේ සිටි බවට මට මතක ඇත.  එසේම ඔහු අපේ  බාලදක්ෂ ගුරුවරයා හෙවත් ස්කවුට් මාස්ටර්  විය. අප ඔහු කී පරිදි දාහත් වන බාල දක්ෂ කණ්ඩායමට බැඳුනෙමු. එය   තිබුණේ කොල්ලූපිටියේ ඇන්ග්ලිකන් පල්ලිය සම්බන්ධවය.

 වරක් එහි වත්තේ ගස් දෙකක් අතර  කඹයක් දමා එක ගසක සිට අනෙක් ගසට බඩගා යාමට අභියෝගයක් විය. මට කල හැකි වුයේ භාගයක් දුර යාමට පමණි. මම භාගයක් දුර බඩ ගා ගොස් වැටුනෙමි . ජයග්‍රහණය කලේ ප්‍රතිපක්ෂ කාණ්ඩයයි . බණ්ඩාර අයියා කීවේ, භාගයක් හෝ යාම ජයග්‍රහණයක් බවත් අවශ්‍ය නම් ඉතිරි ටික ප්‍රක්ටිස් කර ගිය හැකි බවත්ය. ඔහු අනිකුන් මෙන් අසමත් වීම ගැන උසුළු විසුළු කර  සිනා සුනේ නැත.  

මට කොහොමත් ඒ කාලේ සිටම යම් යම් දේවල්  කැඩීමේ ගැලවීමේ ඇටවීමේ පුරුද්දක් තිබුණි.  බණ්ඩාර අයියා වරක් ඔහු ළඟ තිබී බේඩන් පවල් සාමි වරයාගේ , scouting for Boys පොත කියවීමට දුන්නේය. එහි වදන් ලෙහෙසි වුනත් ඒ කාලයේ මට කියවීම අමාරු  නිසා ඔහු ළඟ තිබූ ඉංග්‍රීසි සිංහල ඩික්ෂනරිය ද දුන්නේය.

chrome-extension://efaidnbmnnnibpcajpcglclefindmkaj/http://www.thedump.scoutscan.com/yarns00-28.pdf

පොතේ තිබෙන දේවල් මෙන්ම වෙනත් පොත් වල තිබුණු දේද කිරීමට මම උත්සාහ  කලෙමි .  ඒ කාලයේ කෝස්ටික් සෝඩා  මිලදී ගෙන සබන් හැදීම වැනි දේ කෙරුවෙමි. බිත්තරයක් විනාකිරි වල දමා දවස් කිහිපයක් තබා පිට්ටනියේ වලලා හූ  හඬ අසේදැයි  සෙව්වෙමි .   .  

මට හිතෙන්නේ මා තවමත් කැඩුණු බිඳුණු දේවල් අටවන්නේද ඒ නිසා කියාය. මගේ පොඩි දියණියටද අටවන ටූල් සෙට් එකක් තිබේ. ඇයද එවැනි දේට දක්ෂය.

ජනාධිපති පදක්කම හෝ එවැනි දෙයක් සඳහා අපි ඇතුගල්පුර කන්ද නැගීමට කොළඹ සිට බයිසිකල් වලින් ගියෙමු . එය සංවිධානය කලේ බණ්ඩාර අයියාය . දහවල් කන්ද මුදුනට ළඟාවූ අපට බත් පාර්සල් රැගෙන ආවේ ඔහුය. අපොස සාමාන්‍ය පෙළ විභාගය නිසා මම බාලදක්ෂ වැඩ වලට යාම අත් හැරියෙමි . ජනාධිපති පදක්කම ලැබීමට මොකද්දෝ එක කාර්යයක් පමණක් කිරීමට මට ඉතිරිව තිබුණි .

ඒ ගැන මේ ලිපියේද ලියා ඇත .

අපේ ගෙවල් පැත්තේ තිබූ බාස්කට් බෝල් පිට්ටනිය කෙටි සුදු බැම්මක් විය . මේ පිට්ටනියේ සිටින විට හවස් වන විට හිරු රත් පැහැයෙන් බටහිර අහසේ බැස යනු නැරඹිය හැකිය. එසේම මුහුද හා බේරේ වැව පැත්තෙන් මදනලක් ද හමයි. ඒ සිසිලස නිසා සැන්දෑ යාමයේ එහි හිඳ කතා බහ කිරීම බොහෝ අයගේ සිරිත විය. බණ්ඩාර අයියා හොඳින් හැඩ වැඩ දා හැඳ පැළඳ මෙහි පැමිණ යහළුවන් සමග කතා කරයි . ඒ ගැන සමහරු ඔහුට විහිළුවක් දෙකක් කරනුද මට ඇසී තිබේ . මෙවැනි එක දවසක ඔහු තමන් ගේ අනාගත බලාපොරොත්තුවක් ගැන කීවේය.

"මම පොලිසියට බැඳෙනවා. පොලිස් පරීක්ෂක කෙනෙක් වුනහම ඈත ගමක පොලිස් ස්ථානාධිපතිකමක් අරන් යනව. ඒ පැත්තෙන්ම කසාද බැඳලා වැවක් , දොළක් හෝ කුඹුරක් ගාව හොඳට හුළං වදින නිදහස් තැනක ගෙයක් හදල ජීවත් වෙනවා . ගම්වල පොලිසියේ ස්ථානාධිතිට පොඩි තැනක් තියනව . මට පුළුවන් බාලදක්ෂ වැඩේ කරන්න . පාසැල ට , දහම් පාසැලට උදව් කරන්න. අලුත් අවුරුදු උත්සව වලට හෙම කතා කරණ නිසා සහභාගී වෙන ගමන් ගම පළාත හදන්න උදව් වෙන්න පුළුවන්. " මට නම් ඒ හීනයට වැඩිය හිත ගියේ නැත .

"මම නම් ගම් පැති වලට කීයට වත් යන්නේ නැහැ." කවුරු හරි පිළිතුරක් දුන්නේය . අනිත් කොල්ලන් සමච්චලයට සිනා සුනහ .

" ඒ වුනාට කුඹුරක් හෝ වත්තක් වගේ අරගෙන වගා කරන්නත් මගේ අදහසක් තියනව . නිස්කලංකව කරදරයක් නැතිව ජීවත්වෙන්න පුළුවන්, හොඳ ලස්සන තැනක් වෙන්නත් ඕනේ . " බණ්ඩාර අයියා පිළිතුරු දුන්නේය .

මට ඒ හීනයට වැඩි කැමැත්තක් තිබුනේ නැතත් ගමක සුන්දරත්වය දැන සිටි නිසා ඒ අදහසේ අමුතු අරුමයක් නොදිටිමි . අපොස උසස් පෙළ අවසන් කරන කාලයේ මා බණ්ඩාර අයියා දුටුවේ තව එක වරක් පමණකි . ඒ ඔහු කිසියම් දෙයකට තාත්තා හමුවීමට පැමිණ කතා කර ගිය දවසේය . ඉන්පසු මම වැඩිදුර ඉගෙනීම සඳහා සෝවියට් දේශයට ගියෙමි . බණ්ඩාර අයියා පොලිසියට බැඳී තිබුණි . ඔහු පොලිස් විශේෂ කාර්ය බළකායේ උප පොලිස් පරීක්ෂකවරයෙකු ලෙස නැගෙනහිර පළාතේ සේවය කළේය .

එක්දාස් නමසිය අසූ හතේ හෝ අසූ අටේ මට ගෙදරින් ලිපියක් ලැබුණි . එහි මගේ පියා ඉතා කණගාටුවෙන් ලියා තිබුනේ බණ්ඩාර අයියා හදිසියේ මිය ගිය පුවතය . පොලිස් උත්තමාචාර මැද ඔහු අවසන් ගමන් ගිය බවද පොලිස් පරීක්ෂක වරයෙකු ලෙස උසස් කරන ලද බවද ලියා තිබුණි .

බණ්ඩාර අයියා ගමන් කල ජීප් රථය නැගෙන හිර පළාතේ දී කොටි බෝම්බයකට හසුව තිබුණි .

මා ලංකාවට ගිය විටක් ඔහුගේ නිවසට ගියෙමි . බණ්ඩාර අයියා ගේ මවත් නැගණියත් දැඩි ලෙස හඬා වැළපුණේ මම බාල දක්ෂයකු වූ කාලයේ නිතර එහි ගොස් බණ්ඩාර අයියා සමග කතා බස් කල බව ඔවුන්ද දැන සිටි නිසාය . මට ඔවුන් ගේ වැළපීම වාවා ගත නොහැකි වුනි .

මාස  කිහිපයකට පෙර මගේ මිතුරු ප්‍රොෆා යනුවෙන් මා ආදරයෙන් හඳුන්වන මහාචාර්ය සිරිමල් ප්‍රේමකුමාර මුණ ගැසුණු විට ඔහු තවත් ශෝචනීය හෙළි දරව්වක් කළේය . බණ්ඩාර අයියා ගේ මව හා පියා ඔහුගේ මරණයෙන් නොබෝ කළකට පසු දිවි මං අවසන් කළ බවත් ඔහුගේ නැගණිය වසර කිහිපයකට පෙර පිළිකාවක් හේතුවෙන් ලොව හැර ගිය බවත්ය . එසේම ඉතිරි වුනු එකම ඥාතියා වන ඔහුගේ මළනුවන් ටද ළඟදී කරදරයක් සිදු වුනු බවත්ය . අප දෙදෙනා අතීත කතා වල මදක් ගැලී සිටියෙමු .

මම නිකවැරටිය පැත්තේ ගමක දින කිහිපයක් නැවතී සිටියෙමි . අසල නිවසක ගැමියෙකු ගෙන් එදාම දොවන ලද කිරි බෝතලයක් ලැබී තිබුණු බැවින් යහමින් කිරි දමා සාදා ගත් තේ කෝප්පයක් ඇතැතිව ගෙවත්තේ නිවස ඉදිරිපස පුටුවක ඈඳී ගෙන විවේක ගතිමි . ඉදිරිපසින් තිබුනේ වැවය . වම් පැත්තේ පහලට වෙන්නට කුඹුරු යායකි . වැව පැත්තෙන් කුරුල්ලන් විටින් විට ඉගිල ගියහ . වැව පිස හමන මදනල හේතුවෙන් දැඩි අව් රශ්මියෙන් පීඩාවක් දැනුනේ නැත .

ඉඳහිට වරක් ගැමියෙකු හෝ තුරුණ ගොවියෙකු මෝටර් සයිකලයකින් නිවස පසු කර ගියහ . ඒ හැරෙන්නට පළාතම දැඩි නිහඬතාවකින් පෙළුණි . ලොකු දඬු ලේනකු පොල් ගසකට නගිනු බලා සිටියෙමි . ඌ එළවන්නට මට සිතුනේ නැත .

තලගොයකු ඉව අල්ලමින් පැමිණ නැවත හැරී බඩ ගා ගියේය . මොණරෙකු ගේ කෑ ගැසිමක් ඈතින් ඇසුණි . අන්තර්ජාල පහසුකම් වලට ගෙවා තිබුනද එය වැඩ කලේ නැත . සිම් කාඩ් එකක් සම්බන්ධ නොකළ නිසා මගේ විදේශ ජංගම දුර කථනයට ඇමතුම් ලැබෙන්නේද නැත .

කියවමින් තිබූ පොතද පසෙකින් තබා මම වැව දෙස හා අවට පරිසරය ද නරඹමින් තේ කෝප්පය තොල ගෑවෙමි . ඒ නිහඬ නිස්කලංක බව තුල සිතට දැනුනේ මහත් සහනයකි . සාමකාමී බවකි .

මට ඒ මොහොතේ සිහි වුනේ බණ්ඩාර අයියාය . ඔහුගේ සිහිනය වූයේ මෙවැන්නක්ද? තමන්ගේ සිහිනය සාක්ෂාත් වන්නට පෙර ඔහු දිවි හැර ගියේය . ඒ වෙනුවට පිටරට සිට පැමිණි මම ඒ නිස්කලංකය විඳිමින් සිටිමි . මට ඇති වූයේ පසුතැවිල්ලක් හා වරදකාරී හැඟීමක් ය . බණ්ඩාර අය්යා පැවසූ ගමක අසිරිය මෙය යයි මම වටහා ගතිමි . ගම්වල නොයෙකුත් ප්‍රශ්න , මිනිසුන් ගේ කුඩුකේඩු කම් ආදිය තිබෙන බව සැබෑය . ඒ අතරේ තමන්ට අවශ්‍ය නම් හුදෙකලා සුන්දරත්වය විඳීමට ගමෙන් බාධාවක් නැත . තෝරා ගැනීම ඇත්තේ අප වෙතය .

මට බණ්ඩාර අයියා ට සමු දීමට අවස්ථාවක් තිබුනේ නැත . ඔහු දුටු අනාගත සිහිනයේ එක කොටසක හවුල්කාරයෙකු වීමට මට හැකිවිය . ඒ මොහොත වෙනුවෙන් මම ඔහුට ස්තූති වන්ත වෙමි .

එනිසා වසර විසි ගණනකට පසුව හෝ මෙසේ ලියමි .

බණ්ඩාර අයියේ සුභ ගමන් .

-- අජිත් 12/11/2024